رواية تحت ظل السعف الفصل الثالث بقلم ميار
ملثم من تمر ماعرفك تريد ملثم
اعرفك الو تحط على اسمك الثام
#علي_رشم
__♛_____
-ولكك شتسوي هناي
مروى
بس سمعت صوت عمي حاكم طبقت الباب وجسمي كله يرجف لان اعرفه شراني وخبيث يدور
ازله علينه خاصه من جهاد غصب عن الكل درسنه
وكفت ارجف واسمع صوته يغلط ويصيح على حامد
حاكم:: ولكك تورج على بيوتنا وتلزم اديها يا
جلب يلا عارر يلـ بلا غيره وين وين هاي الساقطه
حامد:: خالي احترم نفسك وافتهم السالفه
ولا تغلط خليني محترمك تجي تتبله علينا
حاكم:: ولك بعيني وخرر اليوم اغسل عارها
بنيت احمد ما فسد اخلاقهن غير اخيهن جهاد
ولججج افتحي الباب اليوم اعيد تربيتج ان ما كسرت
راسج تتواعدون بعز النهار كلو من اخيج نعله على شرر.... بنت... افتحي الباب
-يدك بالباب وحامد يحاول يهدء بي وهو كسر الباب
حامد:: خالي استهدي بالله وافتهم السالفه لا تسوي
مشاكل ما الها داعي كافيي امشي وياي اصبر افهمك
حاكم:: اي مو مكرن اسكت عن طيحان حظكم وسگوطكم وخرر اليوم انعللل اباهتكم يلا ما عدكم اخلاق ولكم صخمتو روسنا الله يعلم شمسوين وما ندري
حامد: لا حول ولاقوة الابالله استغفر الله العظيم واتوب اليه انت ناوي تسوي مشاكل بس عيب عليك
هاي بنيت اخوك خالي والله ما طخيت ايدها بس خلي افهمك
-غير لو يسكت ما خله غلط ما غلطه علينه وحامد
يتوسل بي واني بقيت ادعي يمشي گبل لا يجي جهاد
جت تبارك على صوت عمي ما مفتهمه السالفه بس
تحجي عليه لو بس يروح يبس دمي واني اسمع صوت
جهاد
جهاد:: شكووو خيرك لافي يمنه
حاكم: تعالل تعال يا چبير اخوتكم يلشهم تعال طم عارك يا عارر الاوادم ولد خوالك الي راكض وراهم
ابن خالككاض الباب لاختكم وايد بيد وهاي الجنطه بيدها
تريد تنهزم واطين راسك وراسنه هاي تاليت الي يدرس
جهاد: خلصت يلا يلا شوفنه عرض اجتافك
حاكم:: عاررر طول عمررك عار ولك بعيني شفتهم
وهذا ردك عفيه عفيه ببن اخوي ولك كوواد. تشتغل
يم ولد خالك جتلو اخيك وسكتنا انوب ينهبون عرضك
وساك.....
بعده ما مكمله سمعت صوت جهاد والولد وعمي حاكم يصيح ويغلط كعدت بالكاع ارجف وخايفه وتبارك تهدء بيه
♕♕♕
وسام
رجعنا من البستان جنه كاعدين اني وفرات
وجهاد وزياد يم البير الرتوازي جهاد ايسب وينعل بحمدان وفرات لازم يشارك بس صدك كلام جهاد
من الاول عرفه جذاب او جان شاك بي هو الي كاتلها
لان يوميه مهزوم لديره فر بغداد وما حصلناه كمنا
بعد ما الجو برد واحنه وصلنا قريب البيت وانشوفلك
خالي حاكم ابو المشاكل ردت اعوفه وامشي لبيتنا بس من شفت حامد عرفته اكو مشكله جبيره وبس
وصلنا شو هذا يلوص بالحجي بالاول سكت وتجاهله
بس جفص بيها بعد ما مكمل وهجم عليه جهاد ضربه
بوكس وهذا هو محمل انوب نريد انفلته من ايده ماكو انريد نحلها گبل لا يدخل عمي جاسم وتنلاص
واصلا ما عرفنه شكوو شو هذا يلوص بالحجي ودخل
ويتهم حامد ما رهمت جي يهف بعباته عمي وراه
ابوي وعمي احمد ما مفتهم شكو بس لزم جهاد
و وخره من اخوه بس هذا شيسكته بعد حجه عمي
جاسم:: شكوو حاكم شبيكك ما اتوب من المشاكل
حاكم: بدال ما تحجي وياي روح ربو ولدكم ما عدهم
ذرة اخلاق وتربيه واذا ما تعرفون هم كولو نعلمكم التربيه والاخلاق شلوون ما يطلع منكم غير سواد الوجه
محمد:: حاكم وزن كلامك واحترم روحك مو واحد
مثلك يعلمنه الاخلاق والتربيه ولدنا متربين احسن
تربيه زلم كلفه ما يطلع منهم العيبه بس كول انت
تريد مشاكل
احمد:: خير حاكم شكوو شسالفه
حاكم: ابن محمد الزين الرزن العاقل شفته گبل
شويه لازملك الباب لبنتك ايدهاا بيده وحتى الجنطه
والله اعلم يردون ينهزمون بس شافوني انخطف لونهم
حامد:: استغفر الله هم كال لازم ايد يابه والله العظيم ما لازم بالغلط والله بالغلط طخيت ايدها
عمامي خلوني اني افهمك السالفه والله ماكو هيج
جاسم: تعالو بالمضيف نحل السالفه وابو جهاد
ما يكن خاطرك الا طيب واذا الك حك من شواربهم
اجيبه كل شي ولا زعلك تفضلو تفضلو
جهاد: المشكله مشكلتنا نحلها بمضيفنا مضيفكم
ما نطبه تفضلو عمامي وخوالي مضيفنا ما ينحجي
بي بس الحق م...
-بعده ما مكمل وسحبه خالي احمد ودخلنا المضيف
وعمي جاسم بلعها ودخل ادحك حامد وجهه راح صار
ازرك من العصبيه وجهاد يدور حجه يريد يكتل عمه
وعمي فرات وزياد محد منهم حجه الا خالي احمد
بدأ يحجي وجه كلامه بهدوء لحامد بسلوب راقي
احمد: وليدي حامد اني اعرفك واعرف تربيتك وانتو
حسبت وليدي شنو السالفه نريد نعرف تا نحلها بهدوء
حامد: احم خالي اني اتصلت بجهاد ردت احجي ويا
ما رد جيت دكيت الباب ابنيتك الله يستر عليها حاجتني من وره الباب والله ما رفعت عيني على بابكم
مو عاد على بنيتكم جاي اريد امشي وجيه علاوي ابن
فرات ومو غريب عليكم كلنه نعرفه يدفر الباب ويدخل
ذب جنطته ودخل نزلت اريد اخذ الجنطه والله العظيم بالغلط والله بالغلط طخت ايدي بيده وگبل سحبتها
وهي دخلت والله قصدي ما اريدها ادنجر بس جيه
خالي سواله شكبرها خالي انت تعرف اني شنو وربينا
ويا ولدك وهذا جهاد گبالك وزياد يابه والله جدامهم
يوم اني حاجي بسوالف النسوان جدامكم خالي انت
گبل لا تصير خالي انت ابن عم ابوي عرضنه واحد معقوله
تتوقع مني اتورج على عرضكم والي تريده مني اني حاضر واعتذر منكم وانت بمثابة ابوي و..
جاسم:: اني اكول ابو جهاد لو نفضها وحتى نحل
السالفه اني اطلب بنيتكم لابني حامد على سنه
الله ورسوله هاي شتكولون هاا يابه محمد
احمد:: ابو فرات اني حامد واعرف تربيته وبنتي
تربايت ايدي ما يحتاج وانت اعرف اني ما اعزها
على وليدي حامد بس احنه بعد ما نتراهم
حاكم:: قصدك اني جذاب علمود ولد عمك دومك
تبقى ذليل الهم وانت يعار والله اذا اشوفهن طالعات
للمدارس الا احط جيله براسك وراسهم الله يعلم
شسون من..
جهاد:: سد حلكك لا اجي اترس ترراب بناتنا يشرفنك
ويشرفن عگالك واكف بالباب تتهم بناتنا حلكك اشكه
احمد:: جهاااااد
جهاد:: عاجبك حجي اخووك
احمد:: كم حاكم كم كرمنا بعرض اجتافك بيتي بعد
ما يستقبلك وحط ابالك. من هاي اللحظه ما الك
شي يم بنات لا انطيك ولا اخذ منك وانعل ابو الاخوه
سكتت لخاطر انك اخوي تجي تحجي ابناتي ادفنك
بمجانك يلااا اطلع مضيفي ما يستقبل امثالكك بررره
وسام:: ويا ما راد يطلع حاكم يهف بعد ما حاجين دخل
علوش ابو الفواين وكف باب يرصد الوجوه من شاف
جهاد ركض ذب روحه وهذا شكد جان فاير جمره بمي
سحبه يحضن ويبوس دخوله خلاهم كلهم يضحكون ولا عبالك گبل شويه جانو نيارين خالي احمد انسان
عاقل وهادء وافتهم اخو وهمزين انحلت على هيج
جهاد جر وجه علوش وباسه وحجه ويا واعرفه من
وره عمي جاسم لان كلنا نعرف عليه صح هو مايحجي
اخرس بس احنه علمناه على حركة الاشاره حجه ويا جهاد
جهاد:: علوش عمو انت دفرت الباب وذبيت جنطتك بالباب
-ضحك علاوي يأشر على حامد كام وجاب مخده وذبها
بالگاع وخربان ضحك ويقلد على حامد شلون يمد ايده
وصد بصفحه علاوي ميت ضحك عليه يكعد بالكاع يصفك ويضحك من كل گلبه ويأشرلنا على حامد ويسوي ملامح وجهه عود مستحي مثل حامد خلانه
كلنا نضحك حتى خالي احمد شبكه واكتوفه تهتز من
الضحك تصرفاته تخبل ادحك على فرات ايدحك عليه
بقهر علاوي جان يحجي بابا جدو عمو بس يوم جان بيت جده وعلى صوت اصراخه دخلنا واولنه فرات لكيناه بالكاع يرجف ومرت عمي جاسم يمه والبنات
جان عمره 3سنوات وما عرفنه شبي على اثرها بعد ما
حجه الدكتور كال صدمه وممكن يرجع النقط بس
للأسف ما رجع شكد راجعو جهاد وفرات دكاتره بس
ما فاد ترخصو ابوي وعمي جاسم وطلعو وطلع وراهم
خالي احمد وعلاوي يتحرمص عنده سالفه يأشر عليه
جهاد:: شكو وسام مسويلك شي
-جر اشماغ فرات وحطه على وجهه ويأشر عليه بالاول
ما افتهمنا وبقى يأشر ويسوي حركات بس جهاد افتهم
جهاد:: قصدك البنيه الي بيت عمو محمد
-هز راسه مكيف عرفه قصده
-شبيها وليدي
-حط ايده على حلكه باسها ورجع على عيونه يأشر وضحك جهاد جره شبكه لان فرات كام عليه لان افتهمه
وسام:: علووي قصدك البنيه الي يمنه عيونه حلوه
-هز راسه يضحك
فرات:: انجب بابا شنو هذا عيب
جهاد:: ما عليك خوش
فرات:: جهاد لا اتظل بكل شي مطاوعه تره صاير ما اكدرله
شوف تصرفاته اليوم حطنه مشكله مو زين حاكم ولا غيره
على الاقل حاكم محد مهتمله وكلنه ندري صاحب مشاكل
جهاد:: لا بعد ما يدفر الباب مو عمو علاوي بعد ادك الباب
-هز راسه اي بس كلنا ندري جذب شكد علمنا ما فاد
بقينا نسولف وراها كلنا نطشينا لبيوتنا
مهى
:من الصبح البيت مخبوص علمود رجعت بنت عمي
خالد وجديتي و ابوي كضوها غلط وشتايم على عمي حمدان
و ولده واكفه اسوي عشا وحدي دخلت رحاب وجهه تعبان
وعيونه منوچره امبين جانت تبجي عرفت بسبب سالفة
خطوبتي من حسين وكفت يمها احاجيها ما اهتمت صحتها
رحاب:: شكوو شسالفه مو جاي نشتغل
- رحاب افهمي والله العظيم ما اخذ حسين انتي كل عقلج
ولج اني جنت اقلد عليكم اكوم اخذ واحد رايد اختي بعدين
انت تدرين اني ما اريد اتزوج واحد من هاي القريه ما اريد
ابقى بيها وهسه وره العشه احاجي فرات مو حاله هاي
عمي جي عليج وابوي ينطني اني لعب لعبو بينه يلا كملي
ويا خلي انديرلهم العشا بلجي ينامون ونخلص
نسرين: يلاا ولجن وين عشاجن ابوجن تعبان
مهى:: يلا يمه خلصنه هسه انجيبه ركض ركض كملنا
شلت الصينيه وخليتها جدام جديتي وابوي وبس امي
تكعد وياهم والولد صينيتهم وحد ودتها رحاب توه اطلع
شفت عمر لازم رحاب ويستفسر منها وخازرها ركضت
عليه سحبتها منه وحجيت وياه شبيك عمر عوفها وتعشه
عمر: شبيهاا شبيج ولجج ليش عيونج حمر منو مجاجيج احجي
رحاب:: ما بيه شي بس راسي يوجعني
عمر:: لا تجذبين ولجج
عماد: وسم لهل صوت يجوز راسها يوجعها من الدراسه لو انت وابوك الا تحطون بيها إن روحي
بويا تعشي واني انطيج حبايه وجع راس اخذيها مهى
مهى:: سحبتها وطلعنا ودخلنا لغرفتنا وهاي ماتت بجي
شبيج رحاب شبيج رحمه لاهلج هسه مو فهمتج ولج
عمر اذا حطج اباله ما يعوفج والله الا يعرف السالفه
رحاب:: خفت والله خفت منه وجاي ابجي
جاسم:: وللجنن الجاي ويين
مهى:: اي يابه جييت شوفي هسه اوديلهم الجاي واكمل
الشغل انتي اقري وعوفي هاي السالفه عليه تمام ررحاب
رحاب:: تمام تمام
مهى:: رحت ركض صبيتلهم الجاي وشلت المواعين اغسلهن وعيني عليهم اريد بس ينامون حتى اروح لبيت فرات عنده مشتمل بسد بيتنا بعد ما تزوج بنت خالتي
امي زوجته رغم هو ابن ضرتها بس تحبه طبعاً فرات گبل
جان خاطب فاطمه بنت عمتي ابتسام ويحبها حييل واني
ومعاذ جانو بس قارين الفاتحه بس بسبب المشاكل صارت
فصخو امي هي الي خربته بقت تحجي على فاطمه وعمتي
سامعه بيها وصارت مشاكل وابن عمها نهى على فاطمه
وفرات تخبل وشكد تعارك بس تالي زوجو فاطمه لابن عمها ومعاذ اخذ بنت
عمه مره بمره وفرات ابوي بقى يلح عليه وجبره زوجه بس
ما تراهمو هو ومرته رغم ما يحبها بس ما قصر وياها لحد
ما حبلت بعلاوي شويه تعدلت امورهم بس ما مكتوبله
يرتاح توفت زوجته بالولاده وفرات ربه ابنه وحده وحييل
متعلق بي
طلعت من المطبخ شفتهم ماكو حس ركضت اخذت عباية جديتي وطلعت لبيت فرات دكيت الباب وكفت
انتظر وعيني على بابنه شويه وفتح الباب عمر بس شافني
غمني ودخل لغرفة علي دخلت للبيت ذبيت العبايه ورحت
لغرفة فرات دكيت الباب ودخلت بدون ما يجاوبني شافني
وسوالي اشش بيده اشرتله على الهول هز راسه وطلعت
انتظره متوتره وخايفه بس لازم احجي ما اتحمل اشوف
اختي هي متأذيه وابوي ما يهتم النه جيه وجهه مبتسم
فرات:: هلا هلا بروح اخوها
مهى: هلا بيك عيوني انت
فرات:: سالمات العيون وراعيتهن كولي مهاوي اكو
شي ما تجين بهيج وكت وبعباية جديتي الا اذا صاير شي
مهى:: مديت راسه اشوف عمر خاف طلع من الغرفه وعدلت كعدتي شوف فرات عمي محمد محاجي ابوي
وابوي يريد ينطيني لحسين واني ما اريده كلت لامي بس
ظلت تغلط عليه وابوي اذا احجي ويا يگتلني فرات عفيه
فرات:: سالفه تنجبرين هاي شيليها من بالج مو بكيف ابوج بس شبي حسين شوفي مهى ولد عمي
خوش ولد وهم تبقين يمنه واحسن من الغريب
اذا حاجاج اجي اكسر راسه وبكيفج بويا بس حسين
ما ينرفض لو اكو شي اني ما اعرفه ليش ما راضيه بيه
مهى:: هاا لا هو يعني ما بي شي بس هو اني مو قصدي
بس بالغلط سمعت ابوي يكول لامي عمي محمد رايد
رحاب بس امي هي قنعت ابوي ينطيني لحسين واني
ما اريده يعني همه يردون اختي واهلي ينطوني شنو
هيج ثگلت عليكم لكمتي لو هاي لان جنت محجي بيه
صرت ع..بعدني ما مكمله جرني من دشداشتي بعصبيه
فرات:: ولججج لا تلوصين شنو ثگلتي علينه وسالفة
التصنت مو كتلج بطليها وهذا ابوج اذا ما خزانه اني معتب
-راح تحاجي عفيه انطو رحاب اني ما اريد اتزوج من ولد
عمامي
فرات:: لا بالله عجل انطيج لغريب راح افر راسج براشدي
ولج اطيح حظج اذا فتحتي هاي الحجايه من شوكت
اهلج ينطون للغرب وانتي بكيفج تحجين مو ازوجج
لواحد اعور واصور ما يعجبها ولد عمها عجل منو يعجبج حضرت جنابج
مهى:: وكفت اللعب باضافير تقربت يمه رفعت راسه
كتله.. فرات اني اريد اتزوج خارج هاي القريه انت اختار
بس ما اريد بهاي القريه اريد بالمدينه ومو من گرايبنا الح
فرات:: ديلا يلا امشي طالعه عينج ما تريد تتزوج الا ابن المدينه عود تكولها بوجهي هذا تالي الي يرخيلجن الحبل منا وهيج ما تشوفين مني بس العين الحمره
مهى: ركضت اخذت عباية جديتي وركضت للبيت اضحك
دخلت لكيت رحاب نايمه بس ذبيت العبايه لفيت نفسي
ونمت...
ريام.:: مر الشهر بيت عمي محمد وعمي حمدان خانس
ما بين منه شي بس الي عرفه عمي محمد انو همه شالو
من المنطقه وراح فرات ووسام جابو نقلي بديت اداوم
ويا بنات عمي محمد هاي السنه سادس لازم اطلع معدل
تعرفت على بنات عمي جاسم بس ما نتحاجه جديتي يوميه
متعاركه ويا عمي تريدني يمها بس من كتله اريد ابقى يمه
ما قبل بعد اروح خوات جهاد حتى ما سلمن عليه بعيدات
علاقتي بريتاج ورباب كلش حلوه وسام هم يشاقيني بس
حامد حيل خجول حسين قليل يتواجد لان اقسام داخليه
وجهاد ما شفته ابد لا هو ولا فرات بس مرات اسمع صوته
اليوم رجعت من المدرسه فرحانه بدرجتي جايبه 85 بالفيزيا
ومن دخلنا احنه نسولف ونضحك تلكتنه عمتي امنه تهلي بينا حبيناها وكل وحده اخذت ملابسها وبدلنه بس اني
الا اسبح سبحت وطلعت امشط ودخلت ريتاج ادردم
ريتاج:: يابه شبييج ريام دروحي انتي صبي الغده.
جم مره كتلكم اختكم ثالثث يعني وراي دراسه اللله اكبر محد يحس بيه اذا ما اتزوج واخلص منكم
ريام:: تزوجي وخلصينا وخري من جدامي هسه اني
اصب غده تريد تتزوج من وره الغده ولج غير انوب كل
الشغل يظل عليج والزلمه يكومج ويكعدج بكتله هههههه
ريتاج:: ما عليج ما عليج اني وزلمتي انوب يدخل بين
الحرمه ورجلها ايبااا شوكت اخ منك حميدان ذبيتها علينه
ريام:: هههههه هو بلجي ننطيج لابنه فراس يلوگلج
شالت المخده واني طفرت اضحك عليها وهي بقت
تغلط عليه وكفنا نصب الغده اني ورباب بين ما جو
عمي والولد كعدنا نتغده بس عمي وجهه تعبان وضايج
بس محد حجه ويا لان يعرفونه من يتعصب محد يسأله
كملنا الغده وكفت اغسل المواعين ورباب راحت ودت
الجاي وكل عاده ست ريتاج انهزمت كملت ورجعت للغرفه
نمت وللعصر يلا كعدت افتريت بالبيت سألت على عمتي
رباب:: راحت لبيت خالي احمد
- زين تعالي نسوي عشا گبل لا تجي حتى نقره وره العشا
رباب: يلا امشي
ريام:: سوينه العشا جنه واكفين بالمطبخ دخل عمي
متعصب و وسام وراه دخلو للاستقبال ردت اعرف شبي
بس من شفت رباب ما تحركت سكتت عيب شفتها هي
ما تدخلت اني شكو كملنا وبس اذن مغرب رحنه نصلي
بين ما تكمل رباب اني وكفت اصب واخيراً شرفت ريتاج
ساعدتني صاحت لعمي واخوته وكعدنه نتعشا ساكتين
بس اكو شي عمي كوه اكل لكمتين وكام طلعو الولد
ريتاج غسلت المواعين واني رحت اقره وبالي يم عمي
تصرفاتهم مو خاليه اكو شي بقيت لل11 نامن البنات
كمت اني طلعت للتواليت ورجعت سمعت صوت من
غرفة عمي دحكت ماكو احد وكفت اتصنت دك گلبي
من سمعته يحجيلها على جهاد وعرفته يحجي بموت
ابوي
محمد: هذا جهاد ما اكدرله تدرين يريد يحرك مضيف
جاسم كتله يابه جاسم ماله دخل ماكو اخ يكتل اخو
قافل يكول هان خالد بي وطردو واتفقو يكتلونه ويكول
بس الزم دليل عليه اني كتاله بالله هسه شحجي وياه
امنه: على كيفك ويا نفسك جهاد گلبه محروك على
اخوه وخاله انت كول لابو يحاجي لا تظل تقهر بروحك
-هذا حجي واني خايف لا يطلع كلام جهاد صح جاسم
اذى خالد حيل وخالد طلع من مضيفنا زعلان ومهضوم
ريام:: گلبي اتگطع واني اسمع يعني يدري بيهم أذو ابوي
وساكت ابوي بهذا المضيف انهان وأذو رجعت للغرفه
اخذت الشماغ حطيته على وجهي ابجي واني اتذكر
دموع ابوي اهله عافو 14سنه كله بسبب الفلوس
وعاف كل شي ونسى ورجع هو يريد يصالحهم تالي غدرو
بي لو بس اعرف منو الي ايد بكتل ابوي منو جان موجود
بذاك اليوم بقيت افكر ودموعي تجري بس اغمض عيوني
يصير منظر ابوي وحارث متمددين غارگين بالدم اختنكت
طلعت بالحوش والشماغ بيدي عيني صارت على جلكان
نفط واني گلبي متوجر ركضت اخذت علبة الشخاط حطيتها
بقمصلتي ولفيت الشماغ فوك حجابي والطرف الثاني تلثمت بي رفعت عيني ادحك على الساعه بالاربعه الفجر
رحت شلت الجلكان وطلعت من البيت مشيت للبستان
وكفت جو نخله جبيره والسعف بالكاع وعيني على المضيف
لزمت الشخاط بيدي وبيدي الثانيه الجكان توه امشي واسمع..
-يا هي انتي؟
-شهكت والفتت لكيت رجال ملثم بالشماغ بس عيونه
مبينه ارتبكت لا بيه اركض ولا بيه ابقى واكفه بقيت ساكته
هو عينه عليه درت اريد ارجع وهو بعد ما حجه شي عفته
ورجعت اركض للبيت التفتت وراي ما شفته حطيت ايدي
على گلبي وانتبهت الجلكان نسيته اهناك عفته طبيت للبيت
گبل للغرفه من الخوف الرجفه بجسمي لفيت راسي ونمت.
ثاني يوم كعدت على صوت وسام يتعارك ويا البنات واني اخذت ملابس المدرسه ودخلت للحمام لبست وطلعت
لفيت حجابي ورحت يمهم اسمع وسام يحجي يدور على
الجلكان وعمتي تحجي عليه لان يصيح على البنات
وسام: يمه البارحه بليل حطيته اهناي وين راح
رباب: هسه شسوي بي واحنه شمدرينه وينه
وسام: يمه جلكان بانزين لماطوري غير حتى اروح بي
امنه:: يلا يمه روح ويا ولد عمك هسه شوف يجوز
ناسي انت وما تدري يلا انتن على مدرستجن لا تتاخرن
ريام:: بلعت ريجي يمه طلع بانزين واني ردت احرك بي
مضيفهم وانوب خفت بس لا احد يعرف شيخلصنه بعد
اخذت جنطتي وطلعنا بدون ريوك اخذنه حامد بس وصلنا
وراح دخلنا البنات راحن يسلمن على بنات خالهن واني
رحت لصفي هنه ما يردن يتعرفن عليه كعدت بالرحله
وافكر منو هذا وعزا بس لا عرفني وخرت من صفنتي
من دخلت المعلمه وبدت تشرح الدرس واني بالي مو يمها.
كملنا الدروس كوه ركزت ومن طلعنا وكفت بالباب انتظر
البنات شفت مهى واكفه نتنظر اختها شافتني وجت يمي
مهى: هلا ريام شلونج
-زينه وانتِ
مهى: الحمدلله ريام شوفي والله احب احجي وياج واتعرف
بس اكو ناس اخاف توصل حجي لامي وجديتي ما يقبلون نحجي وياج لان ما رضيتي تجين يمنه لا تزعلين مني فدوه
ريام: لا ما زعلانه اني ادري بضرفجن حجتلي رباب عادي
مهى: يلا هذا جيه السايق اشوفج بعدين
ريام:: راحت مهى واحنه جيه عليناوسام صعدنا وهو بس يغلط ويحجي بالتلفون وبقينا وحده دحك بوجه الثانيه
رباب:: شكو وسام
وسام: شكو ولج غير اليوم الصبح جهاد لاكي حرمه
بالبستان يكول بس شافته فلتت تريد تحرك البستان
-عزززز بعينها
ريام: يمه غير وكف گلبي حسيت نظراتهم كلها تكول انتي
البنت اني من الخوف كمت احجي وياهم عليها وماخذني الواهس صديت عليه كتله وسام خيي ليش
ما تنتبهون هاي منو يكول تريد تحرك البستان يجوز
تريد تحرك الزرع انتبهو على كيعانكم ومنو يكول مره
وسام: هاي صدك شلون فاتتني يجوز مو مره بس
لا مو على الزرع والله ريام خيتي انتي تفتهمين
ريام:: سكتت خفت لا اجفص وبيني وبين نفسي اتحلف
بعد ما اطلع حلك باب الحوش اني مو گد هلـسوالف وبس
وصلنا نزلت ركض للبيت بدلت ونمت اريد ارتاح متت
خوف.. بين الشجر وصوت الططوه وهوى عالي افتر
بالظلام شفت زلمه واكف بسد مضيف اريد اصل يمه
امشي والطريق بعيد رفعت راسي واشوف ابوي وجهه
المبتسم يدحك عليه ويرجع يدحك على البستان والمضيف
فجئه واحد ضربه كمت اصيح بس ابوي مشى وخلاني...
فزيت من نومي احس تعبانه والوكت متأخر صاير الليل
ليش محد مكعدني معقوله من الظهر نايمه محد ابالي
كمت طلعت وكفت اغسل وجهي على المغسله الي
بالحوش انفتح الباب التفتت لكيت عمي وعمتي جت عمتي
ركضت عليه تمسح بوجهه وتشبكني ما افتهمت شي
امنه:: يمه خوفتينا من رجعتي وانتي نايمه مصخنه
محمد:: هاا عمي شلون صرتي هسه ان شاء الله احسن
ريام:: زينه الحمدلله مدري بنفسي يجوز ارهاق من الدراسه
محمد:: يلا يابوي روحي اكلي شي وارجعي ارتاحي
ريام:: دخلت للغرفه گبل مالي نفس منظر ابوي وجهه
عينه على المضيف زاد كرهي والله اكو احد كتل ابوي
كتال ابوي بهاي القريه معقوله شك جهاد بجاسم صح
كمت لفيت الشماغ وقررت اليوم لو احرك المضيف
لو اعرف شنو قصة حقد جاسم وابو جهاد لابوي ضروري
اشوف جهاد لبست القمصله وطلعت ومشيت الهوى
عالي يكص الوجه وبارده بس النار الي بگلبي اكبر اكو سر
لازم اعرفه وكفت جوه النخله وعيني على المضيف كارهته
واحس نرسم منظر ابوي من واكف وجيه واحد ضربه صار
جدامي احس دموعي تحرك خدي مديت ايدي بالقمصله
وطلعت الشخاطه من البارحه بقت بالجيب ومشيت وكفت
جوه النخله وبگلبي كره وحقد عليهم دموعي بللت الثامي
فزيت على صوت خطوات وراي درت وجهي وصار بوجهي
-شسوين هين
