رواية ثأر الشيخ مهران الفصل الرابع بقلم حوراء
_ يلا يابه ستعجلي ترة اعوفج واروح والله
_ اجيت يابه اجيت
_غفران: خيرر وين رايحه
_محمود: وانتي شعليج؟؟
_شنو شعليه غير اني ام البيت وغصبأ ماعليكم تحترموني وتسمعون كلامي
_لاا رجاءأ لحد يعفط
_ادبسز شلون تحجي ويه مرت ابوك هيج
_اهووو يابه ماتولين من يمي وانتي نارة تعاي بسرعه لانتأخر على عرس صاحبتج
_نارة: يلا حبيبي كملت
_غفران: اوكفي لج ماترحين شلون ترحين لعرس ماعازمينه عليه شنو ماعندج كرامه
_نارة: انتي مامعزومه بس اني ومحمود وبابا معزمين (حجيتهة واني طايرة من الفرح)
_غفران: اني الج تتشمتين بيه لان ماعزموني
_نارة: ابدد وداعتج مامتشمته بيج وليش اتشمت وانتي اصلا كلتي لبيت جيرانه ام صادق ان انتي حته لو يدزون عليج مترحين لان متحبيهم
عفته ورحت لمحمود منتظرني يم الباب
_يلا حبيبي نروح
_يلا امشي ونزلي راسج لان الشارع متروس زلم
_تمام
_وصلنه البيت سيلين صديقتي دخلت وسلمت على امهة وخالاتهة وسألت عليهة وكالن ساعه وتجي ماتتأخر ضليت متانيتهة وهم ساعدتهم بترتيب الصاله لان النسوان كامن يجن
_نص ساعه واجت سيلين جانت طالعه جنهة اميرة تخبل بالفستان الابيض رحت يمهم بعد ماكعدت على الكوشه سلمت عليهة وباركتلهة
_ نارة: ألف مبروك حبيبتي إن شاءلله زواجه الدهر
_سيلين: حبيبتي نارة الله يبارك بيج يوم الج حبيبتي ونفرح بيچ
_نارة: تسلمين حبيبتي
_سيلين: لج شطالعه تخبلين والله
_نارة: حبيبتي عيونج الحلوه وتشوف كلشي حلو
_سيلين: بهاي صدكتي هي عيوني سحلته لحسن وخلته يحبني ههههههه
_نارة: والله مااكول غير الله يساعد حسن عليج يم عيون صفر
_سيلين: اصلا هنياله هو وين لاكيهة اني اصير مرته لازم يصلي صلاه شكر لرب العالمين لان رزقه بيه
_ههههههه خرب يومج
_رادت تجاوب بس سكتت من شافت النسوان اجن يباركن الهة فجأه نكلبت ودنكت راسهة وتحجي بخجل ضليت اضحك على تصرفاتهة
_ شويه وعلت صوت الاغاني وكامن النسوان يركصن وكومنه سيلين تركص وياهن خلصت الاغنيه والبنات كعدن يلهثن من التعب لان ماشاء الله هزن هز فيفي عبدو متهزه رحت للمطبخ حته اجيبلهن عصير واخذت موبايلي وياي وصلت لباب المطبخ ومحمود دزلي رساله استعجل بيهة ضليت امشي وارسل بيه اتوسله حته ابقى بعد لان بعد وكت ومااحس اله ونضربت بحايط
_اهخخ الله من اجه هذا الحايط رفعت راسي وشفت هذا زلمه مو حايط والي نضربت بيه ظهرة ضليت مفهيه بوجهة وبعدين اداركت الموقف وطفرت للصاله
_ عزة العزاج نارة غير تتأكدين اذا اكو احد بالمطبخ لو لا اهخخخ والله عيب شيكول عليه هسة
_شويه وكالو العريس راح يطب حته ياخذ عروسته رأستا رحت لبست حجابي والجبه مالتي
_ ردت اروح وياهم للزفه بس محمود مقبل لان عندة شغل ولازم يرجعني حته يروح
_ رجعت للبيت وستقبلتني السعلوة غفران
_غفران: زين من رجعتي كون بايته وياهة ليش رجعتي من وكت
_غلست عليهة وصعدت لغرفتي بدلت ملابسي وشفت البنات دازات القبولات مالاتهن
_ تعالو اعرفكم عني اني نارة البنت الاولى واكون اصغر من اخوي محمود وعندي ثنين اخوات من مرت ابوي (حسناء_جواهر) توأم من جابتهن صار عدهة نزيف حاد بالرحم واضطرو لاستئصاله ماما توفت من جان عمري 9 سنين وبابا تزوج غفران بعد 3سنين من وفاة ماما بسبب ملحه عماتي على ابو لازم يكون عندك مرة بالبيت حته توفرلك احتياجاتك وتربي جهالك بس الي صار ان مرت ابوي بدال ماتصير ام النه عاملتنه معامله الخدم عدهة تنظيف البيت والطبخ وغسل الاماعين كلهن عليه واخوي هم جان اله نصيب بحقدهة لان جانت توز بابا عليه وتخليه يضربه كم مرة حاولت تبطلني من المدرسة بس محمود جان يوكف بوجهة ويكللهة نارو خط احمر لاتوصليلهة ورة فترة عرفت بنفسهة حامل كامت متشيل الكشايه من الكاع على ابو هية حامل وماتكدر تشتغل تخاف على الطفل الي ببطنهة وبابا يطب ويطلع يوصيني لاتخليهة تشتغل احسبيهة امج مثل ماهية جانت حاسبتج بتهة واني بس اهز براسي موافقه الكلامه واكول بداخلي ولله لو تدري شلون تعاملني جان ماحجيت هيج خلصت ايام الحمل وولدت بسلامه ونوب تعالي ساعديهة بتربيه البنات لان هية وحدهة ومسويه عمليه ماتكدر تربي البنات بوحدهة جان اكثر وكتي وياهن ويخلص النهار واني كلشي ماقاريه احصر روحي ساعتين بليل واخلص قرايه شلون ماجان نجحت
_كبرت وصار عمري 16كامت تلح على بابا يزوجني على ابو بنتك كبرت ولازم تزوجهة بس ماادري شلون بابا ماجان يقتنع بكلامهة ودائما يسكتهة ويكللهة بعدهي صغيره مو مال زواج مشت السنين وماتغيرت وياي ابد بالعكس صارت اتعس من قبل وصلت للسادس جان حيل صعب وهية صعبته عليه اكثر بسبب طلاباتهة عسى ماتشوفني لازمه الكتاب واقرة والا وطلعتلهة سالفه حته اعوف الكتاب ضليت مثل كلمرة اسهر بليل حته اقرة براحتي مشت الايام واجن الامتحانات النهائيه وامتحنت وجاوبت الحمدلله ونوب طلعن النتائج جنت ناجحه بمعدل 76 صح قليل بس هذا الكدرت اطلعه مقارنه بالظروف العايشه بيهة
_انصدمت صدمه حياتي من رفض ابوي ادخل للكليه مو انو هو جان قابل ادخل بس اكيد هية الحيه وزت براسه حته يرفض شكد توسلت بيه حته اكمل دراستي بس جان قافل على الفكرة ومايسمع مني بجيت ولطمت وموتت روحي بس حته يقبل لاكن لاحياه لمن تنادي
_ صحيت من صفنتي على صوت اختي فيروز وهي تصيح عليه
_ ها فيروز
_ماما تكول تعاي غسلي المواعين
_زفرت نفس بضيق وكلت
_جايهه
نزلت فيروز ونزلت وراهة ودخلت للمطبخ ونصدمت بمنظرة عبالك صاير بيه انفجار
سرفنت رداناتي وبديت اغسل بالمواعين نكسر ظهري لحد ما خلصته كله جاي اطلع وهي دخلت
_قبل لاتصعدين سوي العشه
_ليش متسوينه انتي
_اني سويت الريوك والغدة وهسة اجه دورج حته تسوين العشه اني مو خدامه الج واطبخلج
_ سكتت عنهة مالي خلك الهة وبديت اسوي العشه كملته وخذته للصاله ويه ماحطيت الاكل دخل بابا ومحمود بس محمود وجه جان اصفررر بمعنى الكلمه حاجيته بس مارد عليهة خله وصعد لغرفته
_بابا شبيه محمود
_مابيه شي وانتي الثانيه حضري روحج باجر ترحين لبيت الشيخ مهران حته يعقد عليج اخوه ادم لان اني نطيتج هديه للبيت الشيخ مقابل وكفتهم وياي بمصيبتي
_بصدمه: بابا شجاي تكول شنو عقدي باجر شنو هديه لهل درجه اني رخيصه حته تنطيني هديه؟؟
_مااحس اله وراشدي ونزل على خدي شعله شعل
_ولج كلبه شلون ترفعين صوتج عليه ماعندج اخلاق بلا تربيه ولي من وجهي وياويلج اذا باجر الصبح مالكيتج جاهزة اطيح حضج مفهومم........
_ صعدت فوك لغرفتي وموتت روحي من البجي ليش هيج يصير بيه حته مالي حق اختار الشخص الي راح اكمل حياتي وياه
_ضليت الليل كله ابجي نمت ورة اذان الصبح وكعدت على صوت الحيه وهي تكعد بيه
_ يلا كومي لج راح تتأخرون على بيت الشيخ والله يالله هم هديه وهم تريد تبيع ثكل عليهم اهخخ الحمدلله الله ستجاب لدعائي وراح تضلين كل عمرج مذلوله مجرد هديه بدون عقد محكمة ومالج اي حق
_ حجتهة وطلعت من الغرفه لطمت وزلغت خدودي ليش ياربي ليش هيج يصير وياي كمت من فراشي من سمعت ابوي يصيح حته استعجل غسلت وجهي وعيوني مورمات من ورة البجي مال البارحه لبست فستان بني تسعيني ورهمت وياه شال والحذاء واخذت جنطتي حطيت بيهة كم لبسه الي وضميت موبايلي بينهن واخذت عباتي ونزلت
_طلعنه اني وبابا وركبنه تكسي وصلنه لباب البيت دك بابا الجرس وفتح الباب واحد من الحرس دخلنا وستقبلنه ثنين زلم كبار ومرة جبيره هم
_حجت المرة
_تعاي يمه ندخل جوة
_رحت وياهة واني مااعرف مصيري شنو منو من هذول الزلم راح يعقد عليه دخلتني للصاله وكالت بابتسامه بشوشه
_اني الحجيه ترفه ام مهران وادم ونزار وهاي بنتي رياحين والولد الي راح يعقد عليج اسمه ادم انتي شنو اسمج
_نارة
_ما شاءلله اسم على مسمى تخبلين يمه
_تسلمين هذا من ذوقج
_ضليت كاعدة بالصاله وهن يشتغلن لان رياحين كالت الشيخ عازم هواي ناس للعقد شوي شوي كامن يدخلن نسوان عدهم هواي اقارب واهل المنطقه هم عازمينهم واني ضاله بس اسلم على النسوان ورياحين تعرفني عليهن واني بس اهز براسي وكلشي مامفتهمة شويه وكالو خلي تجي العروس حته نعقد الهم رحت ووكفت ورة الباب مال الديوان والشيخ من ورة الباب يعلمني شنو لازم اكول اخر شي كال هل قبلتي قولي نعم وانته وكيلي
_ بصوت يرجف: ن عمم قبلت وانته وكيلي
_بس كلت هيج مااحس اله والهلاهل صارت تتراكع عليه
_سأله هم وجاوب بس مبين من صوته مجبور مثلي خلص العقد وكامو يحضرون بالاكل للمعازيم لفت انتباهي بنيه جانت واكفه بنهاية الصاله تباوعلي بحقد من سألت رياحين كالت هاي بنت خالتهم اسمهة نور
_مااهتميت لنظراتهة صبو الاكل هية خلت وطلعت كملنه اكل وام مهران حاجت رياحين ادليني على غرفه ادم حته ارتاح بيهة صعدنه للطابق الثاني الي ماجان يقل جماليه عن الطابق الاول ولو ليش اكذب البيت يخبلل جنه قصر
_هاي غرفه ادم (كالت رياحين)
_فتحتت الباب ودخلنه للغرفه جانت تخبل والاثاث البيهة جان بلون الذهبي والبني الوان ملكيه تخبلل
_ضليت كاعدة بيهة لليل مانزلت منهة ماحبيت احتك باحد منهم
_صعدت رياحين تصيحني حته انزل اتعشه بس رفضت لان ماجانت جوعانه وهم مالي نفس بالاكل
_تأخر ال11وهو ماجاي قررت انام وعود باجر اشوفه واحجي وياه واشرحله وضعي بلكت يساعدني اني عندي عادة مااكدر انام اذا مااسبح فتحت جنطتي وطلعت منه دشداشه قصيره لون اخضر ودخلت للحمام يصير داخل الغرفه اتأخرت شويه لحد ماكملت وطلعت نصدمت من شفته هذا نفسه الولد الي شفته البارحه بعرس سيلين ضليت صافنه عليه وهو هم حجه بصدمه
_هاي انتي
_حجيت بفهاوة: شسوي هنا؟!
_ادم: انتي شسوين هنا هاي غرفتي
_حجيت بصدمه
_انته ادم
_لاتكولين انتي نارة
_هزيت راسي بأيجاب وهو ضل صافن بعدين ستوعبت اني شنو لابسه رأستن طفرت للحمام اجاني صوته وهو يكول
_اطلعي اريد احجي وياج
_اطلع برة بين ماابدل ملابسي عود ادخل
_خوشش بس اطلعي
_سمعت صوت الباب ينفتح ونوب رجع انسد كلت اكيد طلع خليني اطلع ابدل ملابسي طلعت ونصدمت بيه بعدة موجود بالغرفه ويباوع علي بنظرات جريئه ردت ارجع للحمام بس هو جان اسرع مني وصار كدامي يمنعني من دخول للحمام وبحركه سريعه منه حاوط خصري بيده ويحجي وعيونه ذبلانه حيل خفت منه
_وين رايحه
_م م و كلت رااح اطلع ليش كذبت عليه
_حته اشوف هذا الجمال
_حاولت اوخرة مني بس هوة اقوي مني ومايتزحزح شكد حاولت اطلع روحي من تحت قبضته بس مكدرت
_حجيت بخوف: عفيه وخر مو كلت لازم نحجي
_اي نحجي ليش لا باعي علي نيرانه من احجي وياج
_رفعت راسي وتقابلت عيوني ويه عيونه
_كول اسمعك
_الفجر اني راح التحق والشغل اسبوعين واني يمج من ارجع نروح نعقد محكمه وهاا خلي ابالج من ارجع اريدج تكونين زوجتي الي قلبآ وقالبآ مفهوم حجاهة وغمز الي
_وهسة يلا روحي نامي اكيد تعبتي اليوم
_ماصدكت عافني رأستآ طفرت للفراش ودفنت روحي بالحاف ومثلت النوم بس ماعرف شلون غفيت ماكعت اله ثاني يوم على صوت الباب وهو يندك كمت بكسل فتحته وطلعت بوجهي رياحين
_صباح الخير ياعروس
_صباح النور حبيبتي
_امي تكول خلي تنزل تتريك قبل لايجن النسوان علمود يباركن الج
_تمام بس ابدل ملابسي واجي
_تمام منتظرتج
