رواية جبال الألم الفصل الرابع بقلم هاجر حسين
عاصم باندهاش ....... عــــــــــــــــــــــامر
هند كانت بتبكي علي موت أمها وبتحضن فيها كانت في عالم تاني من الألم....
عاصم.. متجبش سيرة ملك علي لسانك
عامر بسخريه.. انت صعبان عليا قوي عاصم
إتولدت يتيم واتحطيت في ميتم ده حتي البنت اللي كنت فاكر انها بتحبك طلعت مبتحبكش
عاصم قرب من عامر ومسكه من رقبته وكان بيخنق فيه
عاصم.. قولتلك لو جبت سيرتها تاني هموتك
عامر بسخريه.. انا مقدر طريقتك دي وراح باعد ايد عاصم عنه ومخلي الرجاله اللي معاه يمسكوه
عامر.. وهو واقف قدم عاصم وابتداء يدوس علي الوجع ويحكي حاجات كانت تفضل انها تفضل مستخبيه
لكن حقده وغرورة مخلهوش يسكت
عامر.. انت مفكر انها حبيتك اصحا من الغيبوبه اللي انت فيها دي
عارف انا كنت عايز اموتك دلوقتي من غير حتي ماابص عليك
لكن عايزك تعرف عايزك حتي وانت بتموت تحس إنك لوحدك كنت لوحدك وهتفضل لوحدك
عامر.. ملك مش البنت البريئه اللي انت فاكرها وخليني اقولك انك مش لوحدك اللي حبيتها
عامر ابتداء يتكلم وكان باين في نبرة الوجع في كلامه
عامر.. انا حبيت ملك حب محدش يوصفه كنت دراع ابوها اليمين في كل حاجه
كنت ممكن اموت علشانها بس متسبنيش
وابتديت ملك تبدلني نفس الشعور
او ممكن ده اللي كنت متخيله لحد ماظهرت انت
ملك كانت متعوده كل اللي عايزه لازم تاخده
وانت كنت الحاجه اللي مش عارفه تخدها
ازاي كل الرجاله يتمنو بس انها ترمي عليهم السلام
وانت مكنتش شيفها
حبيت طريقتك قربت منك لحد مابقيتو مع بعض وساعتها رجعتلي تاني
عامر.. عارف ليه عشان هي دي ملك الحاجه اللي عايزها لازم تطولها واول ماتبقي معاها بتسيبها علي طول
اليوم اللي جيت في عشان تكلم غريب الحديدي عنها
كان اليوم الأسود بالنسباله لأنه كان مفكر انو اتخلص منك للأبد
عاصم بيسمع كلام عامر وكل كلمه كانت بالنسباله وجع لا يمكن يتوصف
عامر.. ايوه متستغربش بما انك هتموت دلوقتي فالازم اقولك اكبر حقيقه في حياتك الحقيقه اللي كانت هتقولهالك ام ملك قبل ماتموت
عاصم... قتلتها ليه وانت بتحكيلي دلوقتي ليه تيتم وتبعد بنت عن امها
عامر.. عشان مش ملك بس اللي بتحب تبداء وتنهي انا كمان بحب انا اللي اقرار وانا اللي انفذ وانا اللي اقول امتي نتكلم وامتي نسكت
متخفش الست اللي انت زعلان عليها دي متستحقش الزعل ده كله خصوصا ان هي مش بريئه اوي كده زي ماانت فاهم
اليوم اللي جيت فيه لغريب الحديدي كان مفكر ان خلاص الماضي انتهي بقتله لولدك ورميك في الميتم
ماهو انت متعرفش ابوك وابو ملك كانو صحاب زمان ابوك هو اللي عمل كل الامبراطوريه دي وهو
وغريب الحديدي كانو اعز صحاب
لكن للاسف غريب مكنش صافي لولدك كان في حقد مستخبي وراه الحب الكبير
حقد اسمه ليه تنجح وانا افضل في مكاني
رغم ان ابوك رشيد كان مخلي غريب مديره في كل شئ لكن غريب كان عايز كل حاجة وفضل الحقد يكبر ويكبر لحد ماوصل اعلي درجات الحقد لما رشيد قرار يتجوز جليله
غريب اول ماشافها كان عايزها ولأنو كان بيحب اي حاجه في ايد رشيد كان عايز ياخد جليله منه
واتجوز رشيد بجليله
وغريب اتجوز كوثر البنت اللي كانت بتحبه جدا لكنه مكنش بيبدلها نفس الحب
كوثر كانت بتشوف في عيون غريب جليله وبس وكانت عارفه ان غريب عايز يخدها من رشيد بأي طريقه حتي لو هيموت رشيد
وابتداء غريب يقرب من ولدتك وابتديت جليله تلاحظ
وفي يوم رشيد كان في الشركه وبعت غريب علي بيته عشان يجبله ملف من هناك
الخدم فتحو لغريب
وجليله كانت نزله من علي السلم بتطلتها اللي كانت زي الملوك
جليله إمرأه جميله جدا وكانت بتتعرف بشخصيتها القويه
غريب في اليوم ده كلم ولدتك عن كل حاجة حاسس بيها من نحيتها كان مفكر انو كل حاجة هيعوزها هيخدها
لكنه لقي قدمه إمرأه قويه عفيفه ملهاش في كل الكلام ده
وكان رد جليله يتناسب مع شخصيتها القويه والحكيمه
وانها اكتفت بس بأنها ترفضه وقالتله انا هعتبر كل الكلام ده متقلش ومش هقول حاجه لرشيد
جليله... اتمني انك تحافظ علي المكانه اللي رشيد ادهالك رشيد ميستحقش منك اللي انت بتعمله دلوقتي حاول تبداء من جديد مع كوثر صدقتي كوثر بتحبك
زي ماانا بحب رشيد بس ولا يمكن يدخل رجل تاني قلبي غيره
غريب سمع الكلام من جليه ومشي وهو غضبان والحقد مليه لكنه ساعتها قرار انو ياخد كل حاجة من رشيد
عامر.. اه صحيح نسيت اقولك الست اللي ماتت دلوقتي وانت زعلان عليها قوي
كانت ساعتها في بيت جليله وسمعت كل كلمه جوزها قالها لجليله وساعتها حست ان قد اي هي قليله في عين غريب وان جليله فيها اي مش موجود فيها عشان غريب يحبها كده
وابتداء الحقد والغيره من غريب وكوثر علي عيلة رشيد
ومر الوقت وجليله خلفتك
وكوثر جابت بنتين ملك وهند
كوثر لما لقت غريب مش قادر يشيل جليله من راسه هي كمان كانت بتحاول مع رشيد
لكن رشيد كان وفي جدا لولدتك
وعده شوية وقت وكوثر اقتنعت انها مش هتقدر تخلي غريب يحبها ولا هتقدر تاخد رشيد من جليله
وابتديت تنفذ خطه تانيه وانها تخلي هند وعاصم يتجوز
وفي يوم راحت جبت سلسله فيها اول حرف من اسم عاصم حرف العين
كانت بتتقسم نصين راحت لجليله وعرضت عليها الموضوع
وجليله من كتر حبها في هند كانت متقبله الموضوع جدا واخدت نص الحرف حطته في رقبت عاصم والنص التاني في رقبت هند......
