رواية الملازم والعنوديه الصغيرة الفصل الرابع بقلم مجهول
ﻫﺸﺎﻡ،،ﻭﻳﻦ ﺍﻭﺩﻳﺞ ﻭﻟﺞ ﺗﺪﺭﻳﻦ ﺍﻧﺘﻲ ﺷﻨﻮ ﺑﺎﻟﻨﺴﺒﻪ ﺍﻟﻲ
؟
ﺳﻤﺮ،،ﺭﻓﻌﺖ ﻋﻴﻮﻧﻲ ﺑﻌﻴﻮﻧﻲ ﻭﺍﻧﻲ ﺍﺷﻬﻚ ﻣﻦ ﺑﻴﻦ ﺷﻬﻜﺎﺗﻲ ﻛﺘﻠﻪ ﺍﺩﺭﻱ ﺗﻌﺘﺒﺮﻧﻲ ﺍﺧﺘﻚ ﺍﻟﺼﻐﻴﺮﺓ ﺑﺲ ﺩﻭﻡ ﻗﺎﺳﻲ ﻭﻳﺎﻱ
ﻫﺸﺎﻡ ،،ﺍﻭﻭﻭﻭﻭﻑ ﺭﺑﻲ ﻣﻦ ﻛﺎﻟﺖ ﺍﺧﺘﻚ ﺍﻟﺼﻐﻴﺮﺓ ﻫﺴﻪ ﺍﺷﻠﻮﻥ ﺍﻓﻬﻤﻬﺎ ﺑﻠﻪ ﻭﺍﻧﻲ ﺭﻭﺣﻲ ﻣﺎﻓﺎﻫﻤﻬﺎ
ﻣﺎﺍﺗﺤﻤﻠﺖ ﻗﺮﺑﻬﺎ ﻣﻨﻲ ﻭﺍﻧﻲ ﺍﺳﻤﻊ ﺩﻛﺎﺕ ﻛﻠﺒﻬﺎ ﻭﺍﻧﻲ ﺣﺎﺿﻨﻬﺎ ﻛﺘﻠﻬﺎ ﺑﻌﺪ ﺍﺳﺒﻮﻋﻴﻦ ﺯﻭﺍﺝ ﺳﻼﻡ ﻳﺨﻠﺺ ﺍﻟﻌﺮﺱ ﻭﺍﺭﺟﻌﺞ ﻟﻬﻠﺞ ﺑﻴﺪﻱ
ﺑﺲ ﻳﺎﺭﻳﺖ . ﺗﺴﻤﻌﻴﻦ ﺍﻟﻜﻼﻡ ﻭﻣﺘﻌﺎﻧﺪﻳﻦ ﻻﻥ ﻣﺎﺍﺣﺐ ﺍﻟﺒﻨﻴﻪ ﻣﻦ ﺗﻌﺎﻧﺪ ﻭﻫﺴﻪ ﺍﻣﺴﺤﻲ ﺩﻣﻮﻋﺞ ﻭﺍﻧﺰﻟﻲ ﻧﺘﻐﺪﺓ
ﺳﻤﺮ،، ﻣﺎﻋﻨﺪﻱ ﺣﻞ ﺍﺩﺭﻱ ﻣﻴﻘﺒﻞ ﺍﺭﻭﺡ ﻟﻬﻠﻲ ﺑﺲ ﺍﻟﻰ ﻣﺘﻰ ﺍﺿﻞ ﻣﻠﻄﺸﻪ ﺍﻟﻪ ﺍﻳﺪﺓ ﻭﺍﻟﻀﺮﺏ ﺍﺑﺪ ﻣﻴﺘﻔﺎﻫﻢ
ﻫﺸﺎﻡ ،،ﻋﻔﺘﻬﺎ ﻭﻃﻠﻌﺖ ﻭﺍﻧﻲ ﺭﻭﺣﻲ ﺗﻠﻮﺏ ﻋﻠﻴﻬﺎ ﺍﺭﻳﺪﻫﺎ ﻳﻤﻲ ﻭﻛﺪﺍﻡ ﻋﻴﻨﻲ ﻣﺎﺍﺗﺤﻤﻞ ﺑﻌﺪﻫﺎ ﻋﻨﻲ
ﺷﺠﺎﺍﺍﻙ ﻫﺸﺎﻡ ﺍﺻﺤﻰ ﻣﻦ ﺍﺣﻼﻣﻚ ﺗﺤﺐ ﺑﺖ ﺑﻜﺪ ﺑﺰﺭﻙ ﺷﺒﻴﻚ ﺗﺨﺒﻠﺖ
ﻋﻘﻠﻲ ﻭﺗﻔﻜﻴﺮﻱ ﻣﺸﺘﺖ ﺍﻏﺎﺭ ﻋﻠﻴﻬﺎ ﻣﻦ ﻧﺴﻤﺔ ﺍﻟﻬﻮﻯ ﺑﺲ ﺻﻌﺐ ﺍﻋﺘﺮﻑ ﺑﺸﻲ ﻭﺗﺼﺪﻧﻲ ﻳﻤﻜﻦ ﺳﺎﻋﺘﻬﺎ ﺍﺫﺑﺤﻬﺎ ﺧﻼﺹ ﻣﺎﺍﺗﺤﻤﻞ ﺭﻓﻀﻬﺎ ﺍﻟﻲ
ﺳﻤﺮ،، ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻟﺒﺴﺖ ﺩﺷﺪﺍﺷﻪ ﻣﺎﺭﻭﻧﻲ
ﻟﻔﻴﺖ ﺍﻟﻤﻨﺸﻔﻪ ﻉ ﺷﻌﺮﻱ ﻭﻃﻠﻌﺖ ﺻﺎﺭ ﺑﻮﺟﻬﻲ ﻫﺸﺎﻡ ﺑﺎﻭﻋﻠﻲ ﻣﻦ ﻓﻮﻙ ﻟﺠﻮﺓ ﻭﺭﺍﺡ ﻧﺰﻝ ﻳﻢ ﺍﻫﻠﻪ ﻳﺮﺑﻜﻨﻲ ﻭﺟﻮﺩﺓ ﻭﺍﺧﺎﻑ ﻣﻨﻪ ﺣﻴﻞ ﻻﻥ ﻫﻴﺒﺘﻪ ﻭﺷﻜﻠﻪ ﻭﺭﺟﻮﻟﺘﻪ ﺗﻔﺮﺽ ﻉ ﺍﻟﺸﺨﺺ ﺍﺣﺘﺮﺍﻣﻪ
ﻫﺸﺎﻡ،، ﻃﻠﻌﺖ ﻣﻦ ﻏﺮﻓﺘﻲ ﺷﻔﺘﻬﺎ ﻃﻠﻌﺖ ﻣﻦ ﺍﻟﺤﻤﺎﻡ ﻭﺭﻛﺒﺘﻬﺎ ﻣﺒﻠﻠﻪ ﺑﻴﻬﺎ ﻧﻘﺎﻁ ﻣﻲ ﻣﻦ ﺷﻔﺘﻬﺎ ﺑﻠﻌﺖ ﺭﻳﻜﻲ ﻭﺍﻧﻲ ﺍﺷﻮﻑ ﺍﻟﻘﻄﺮﺓ ﺗﻨﺰﻝ ﻭﺗﺪﺧﻞ ﺑﻴﻦ ﺛﻨﺎﻳﺎ ﻭﺗﻘﺎﺳﻴﻢ ﺟﺴﻤﻬﺎ ﺍﻟﻤﻨﺤﻮﺕ ﺗﻤﻨﻴﺖ ﻧﻔﺴﻲ ﺍﻛﻮﻥ ﻫﺎﻱ ﺍﻟﻘﻄﺮﺓ ﻭﺍﺷﺒﻊ ﻣﻨﻬﺎ ﻭﻣﻦ ﺭﻳﺤﺘﻬﺎ
ﻣﺮﺍﻡ ،، ﺍﻭﻭﻭ ﻧﻌﻴﻤﺎ ﻃﺎﻟﻌﻪ ﺗﺨﺒﻠﻴﻦ ﺑﻬﺬﺍ ﺍﻟﻠﻮﻥ ﻋﻤﻲ ﻫﻨﻴﺎﻝ ﺍﻟﻴﺎﺧﺬﺝ ﺍﻣﻪ ﺩﺍﻋﻴﻪ ﻋﻠﻲ ﻗﺼﺪﻱ ﺩﺍﻋﻴﺘﻠﻪ ﻫﻬﻬﻬﻪ
ﺳﻤﺮ،، ﺍﻛﻴﺪ ﺩﺍﻋﻴﺘﻠﻪ ﻫﻮ ﻭﻳﻦ ﺍﻛﻮ ﻣﺜﻠﻲ ﺑﺎﻟﺼﻴﻦ ﻭﺣﺪﺓ ﻭﺍﻧﻘﺮﺿﺖ ﻫﻬﻬﻬﻪ ﻭﺟﻮﺩﻱ ﺑﺤﻴﺎﺗﻜﻢ ﺛﺮﻭﺓ ﺍﺳﺘﻐﻠﻮﻫﺎ
ﻣﺮﺍﻡ ،،ﻋﻠﻰ ﻛﻴﻔﺞ ﺑﻮﻳﻪ ﺍﺣﺴﺞ ﺣﻤﻴﺘﻲ ﺯﺍﻳﺪ ﻋﻠﻴﻨﻪ ﻭﺍﻧﺘﻲ ﺟﻨﺞ ﻋﺒﺴﻲ 😒
ﺳﻤﺮ،، ﻋﺒﺴﻲ ﺑﻌﻴﻨﺞ ﺍﻟﻴﻮﻡ ﺍﻣﻮﺗﺞ ﻫﻬﻬﻬﻪ
ﻣﺮﺍﻡ ﻃﻠﻌﺖ ﺗﺮﻛﺾ ﻭﺍﻧﻲ ﺍﺭﻛﺾ ﻭﺭﺍﻫﺎ ﻓﺠﺎﺓ ﻧﺼﺪﻣﺖ ﺑﻀﺮﻏﺎﻡ
ﺿﺮﻏﺎﻡ،،، ﻳﺎﺍﺍﺭﺏ ﺳﺘﺮﻙ ﺷﻨﻮ ﺍﻟﺴﺎﻟﻔﻪ ﺟﻬﺎﻝ ﻭﻃﺎﺭﺩﻥ ﻓﻀﺤﺘﻨﻪ ﻭﻛﺴﺮﺗﻦ ﺿﻠﻌﻲ ﻣﺎﻝ ﺍﻟﺤﻤﺲ 😁
ﺳﻤﺮ،، ﻫﻮ ﺍﻧﺘﻪ ﺩﻭﻭﻡ ﺗﻄﻠﻊ ﺏ ﺍﻻﻭﻗﺎﺕ ﺍﻟﺤﺮﺟﻪ ﻫﻬﻬﻬﻬﻪ
ﺿﺮﻏﺎﻡ ،، ﻏﻴﺮ ﺣﻀﻲ ﺍﻟﻔﻜﺮ ﻫﺬﺍ ﻛﻮﻥ ﺍﻟﺰﻣﻪ ﺑﻨﻌﺎﻝ ﻭﺍﺷﺒﻌﻪ ﻛﺘﻞ ﻫﻬﻬﻬﻬﻪ
ﺳﻤﺮ،، 😁😁😁
ﺍﻡ ﻫﺸﺎﻡ،، ﺣﻀﺮﻱ ﻧﻔﺴﺞ ﺑﻨﻴﺘﻲ ﻧﺮﻭﺡ ﺍﻟﺒﻴﺖ ﺧﻄﻴﺒﺔ ﺳﻼﻡ ﺣﺘﻰ ﻫﻢ ﻳﺎﺍﻟﻠﻪ ﻳﺠﻬﺰﻭﻥ ﻧﻔﺴﻬﻢ ﻟﻠﻌﺮﺱ ﻣﺎﺿﻞ ﻭﻛﺖ ﻫﻨﻪ ﻛﻢ ﻳﻮﻡ
ﺳﻤﺮ ، ﺻﺎﺭ ﻋﻤﻪ ﺗﺪﺍﻟﻴﻦ ﺑﻜﻠﺒﻲ ﺍﻛﻮﻝ ﺑﻴﻬﺎ ﻃﻠﻌﻪ ﻭﺍﻟﻠﻪ ﺍﺿﺮﺏ ﺩﻗﻠﻪ ﻉ ﺍﻟﻔﺮﺓ ﻭﺍﻟﻄﻠﻌﻪ ﻫﻬﻬﻬﻬﻬﻪ
ﺭﺣﺖ ﺍﻧﻲ ﻭﻣﺮﺍﻡ ﺍﺧﺬﺕ ﻧﻔﻨﻮﻑ ﻣﻨﻬﺎ ﻟﻮﻧﻪ ﺍﺧﻀﺮ ﻣﻦ ﻓﻮﻙ ﺣﺼﺮ ﻭﻣﻦ ﺟﻮﺓ ﻣﻨﻔﻮﺵ ﻭﺍﻟﺮﺩﻥ ﺩﺍﻧﺘﻴﻞ ﻭﻣﻘﺴﻢ ﻛﻠﺶ ﺣﻠﻮ ﻭﻟﻮﻥ ﻋﻴﻮﻧﻲ ﺑﺮﺯ ﺍﻛﺜﺮ ﻣﺎﺧﻠﻴﺖ ﻏﻴﺮ ﻛﺤﻞ ﻭﻣﺮﻃﺐ ﺷﻔﻪ
ﻟﺒﺴﺖ ﺍﻟﺤﺠﺎﺏ ﻭﻟﻔﻴﺘﻪ ﻣﺮﺗﺐ ﻧﺰﻟﺖ ﺍﺗﻠﻜﺎﻧﻲ ﻫﺸﺎﻡ
ﺧﺰﺭﻧﻲ ﻭﺣﺠﻪ
ﻫﺸﺎﻡ،، ﺳﺎﺍﻟﻤﻴﻦ ﺳﺖ ﻫﻴﺞ ﺍﻃﻠﻌﻴﻦ،،
ﺳﻤﺮ،، ﺑﺘﻠﻌﺜﻢ ﻫﺎ ﻻ ﺍﺧﺬ ﻋﺒﺎﻳﻪ ﻣﻦ ﻣﺮﺍﻡ
ﻫﺸﺎﻡ ، ﺍﺩﺧﻠﻲ ﺟﻮﺓ ﻣﺎﻛﻮ ﺭﻭﺣﻪ
ﺳﻤﺮ ،، ﺭﻓﻌﺖ ﺭﺍﺳﻲ ﻣﺼﺪﻭﻣﻪ ﻟﻴﺶ ﻳﻤﻨﻌﻨﻲ
ﻛﺘﻠﻪ ﻟﻴﺶ؟
ﻫﺸﺎﻡ ،، ﺑﺪﻭﻥ ﻟﻴﺶ ﻣﺎﻛﻮ ﻃﻠﻌﻪ ﺭﻭﺣﻲ ﻏﻴﺮﻱ ﻣﻼﺑﺴﺞ
ﺍﻡ ﻫﺸﺎﻡ،، ﻟﻴﺶ ﻳﻤﻪ ﺍﻧﻲ ﺍﺧﺬﻫﺎ ﻭﻳﺎﻱ ﻭﺍﺧﻮﺍﺗﻚ ﺭﺍﻳﺤﺎﺕ ﻛﺎﻓﻲ ﻣﻮ ﻋﻘﺪﺗﻬﺎ ﻟﻠﺒﺖ ﺷﻌﺪﻙ ﻣﺘﻨﺎﺻﺐ ﻭﻳﺎﻫﺎ
ﻫﺸﺎﻡ،، ﻳﻤﻪ ﻣﺘﺮﻭﺡ ﻳﻌﻨﻲ ﻣﺘﺮﻭﺡ ﻟﻴﺶ ﺍﺧﺮﺏ ﺍﻟﻄﻠﻌﻪ ﺣﺘﻰ ﻋﻠﻴﻜﻢ
ﺍﻡ ﻫﺸﺎﻡ،، ﻭﺍﻟﻠﻪ ﻣﺎﺍﻋﺮﻑ ﻟﻴﺶ ﻣﺘﻜﺎﺑﻞ ﻭﻳﻪ ﺍﻟﻴﺘﻴﻤﻪ
ﻫﺸﺎﻡ،،ﻳﻤﻪ ﻣﻮ ﻣﺘﺎﻛﺒﻞ ﻭﻳﺎﻫﺎ ﺑﺲ ﺷﻮﻓﻴﻬﺎ ﺷﻜﻠﻬﺎ ﻳﺠﻴﺐ ﺍﻟﺘﺎﻳﻪ ﻭﻫﻤﻪ ﻧﺎﺱ ﻏﺮﺏ
ﺍﻡ ﻫﺸﺎﻡ ،،ﺑﺼﺪﻣﻪ ﺿﺤﻜﺖ ﻭﺣﻄﺖ ﺍﻳﺪﻫﺎ ﻋﻠﻰ ﺣﻠﻜﺎﻫﺎ
ﻳﺎﺍﺍﺍ ﺍﻧﺎ ﺍﻣﻚ ﻳﻬﺸﺎﻡ ﺍﻧﺘﻪ ﺗﺤﺒﻬﺎ ﻳﻤﻪ؟؟
ﻫﺸﺎﻡ،، ﺗﻠﻌﺜﻤﺖ ﻣﺎﻋﺮﻓﺖ ﺷﺠﺎﻭﺏ ﺍﻣﻲ ﺍﻛﻴﺪ ﺣﺴﺖ ﻣﻦ ﺣﺮﺻﻲ ﻋﻠﻴﻬﺎ ﺍﻟﺰﺍﻳﺪ ﺑﺤﺒﻲ ﺍﻟﻬﺎ
ﺟﺎﻭﺑﺘﻬﺎ ﻣﻮ ﺣﺐ ﻣﻦ ﺍﻟﺒﺎﻟﺞ ﺑﺲ ﺗﻜﺪﺭﻳﻦ ﺗﻌﺘﺒﺮﻱ ﺣﺮﺹ ﻻ ﺍﻛﺜﺮ
ﺍﻡ ﻫﺸﺎﻡ،، ﻫﻬﻪ ﺍﻱ ﻳﻤﻪ ﺣﺮﺹ ﻓﻬﻤﺘﻚ 😉😉
ﻫﺸﺎﻡ ،، ﻫﻬﻬﻪ ﻭﺍﻟﻠﻪ ﻳﻤﻪ ﻣﺎﺗﻔﻮﺗﻠﺞ ﻓﺎﻳﺘﻪ ﺍﺑﺪ
ﻛﻠﺖ ﺍﻟﻤﺮﺍﻡ ﺍﺫﺍ ﺗﺮﻳﺪ ﺗﺮﻭﺡ ﺗﻤﺴﺢ ﻛﺤﻠﺘﻬﺎ ﻭﺗﻠﺒﺲ ﺟﺒﻪ ﻭﺗﻨﺰﻉ ﻫﺬﺍ ﻟﺒﺴﻬﺎ ﺍﺣﻨﻪ ﻧﺠﻒ ﻣﻮ ﺑﻐﺪﺍﺩ ﺣﺘﻰ ﺗﻄﻠﻊ ﻫﻴﺞ
ﺳﻤﺮ،،ﻃﻜﺖ ﺭﻭﺣﻲ ﻣﻨﻪ ﺣﻴﻞ ﻳﺘﺤﻜﻢ ﺑﻜﻠﺸﻲ ﺍﻧﻲ ﻫﻢ ﻋﻨﺪﻱ ﺭﺃﻱ ﻗﺎﺑﻞ ﻫﻮ ﺑﻜﻴﻔﻪ
ﺍﺣﺠﻲ ﻭﻳﻪ ﻧﻔﺴﻲ ﻭﺍﺩﺭﺩﻡ ﺍﻧﺰﻉ ﺑﺤﺠﺎﺑﻲ ﻭﻣﻼﺑﺴﻲ
ﻋﺸﺘﻮﻭﻭ ﻟﻌﺪ ﺑﻜﻴﻔﻤﻦ ﻣﻮ ﻫﻴﺎﺗﻨﻲ ﺳﺎﻣﻌﻪ ﻛﻼﻣﻪ ﻭﺍﻧﺰﻉ ﻣﺜﻞ ﺍﻟﺸﺎﻃﺮﺓ
ﻣﺮﺍﻡ ،ﺍﻟﻠﻪ ﻳﺒﻼﻙ ﻳﻬﺸﻴﻢ ﻋﻠﻰ ﻫﻠﺪﻛﻪ ﺧﺮﺏ ﺍﻟﻜﺸﺨﻪ ﻫﻬﻬﻪ
ﻫﺎﺝ ﺍﻟﺒﺴﻲ ﻫﺎﻱ ﺍﻟﺠﺒﻪ ﻛﺎﻝ ﺧﻞ ﺗﻠﺒﺴﻬﺎ ﻭﺗﺮﻭﺡ ﻭﻳﺎﻛﻢ
ﺳﻤﺮ،، ﻣﻮ ﺍﻧﻲ ﺍﻣﺸﻲ ﺑﻜﻴﻒ ﺣﻀﺮﺗﻪ ﺍﻟﺒﺴﻲ ﺍﻟﺒﺲ ﺍﻧﺰﻋﻲ ﺍﻧﺰﻉ ﺭﻭﺣﻲ ﻛﻠﻴﻠﻴﻪ ﺑﻄﻠﺖ ﻣﺎﺍﺭﻭﺡ ﺧﻞ ﻳﺮﺗﺎﺡ ﻭﺍﻟﻴﻮﻡ ﺍﻭﻟﻲ ﻟﻬﻠﻲ ﻣﺎﺍﺿﻞ ﺑﻌﺪ ﻫﻨﺎ
ﻣﺮﺍﻡ،، ﻭﻟﺞ ﻭﺍﻟﻠﻪ ﺍﺣﺲ ﺍﺧﻮﻱ ﻣﻴﺮﻳﺪ ﺍﺣﺪ ﻳﺸﻮﻓﺞ ﻻﻥ ﺷﻜﻠﺞ ﺣﻠﻮ ﻭﻳﺠﺬﺏ ﺍﻟﻨﻀﺮ ﻏﺒﻴﻪ ﺍﻧﺘﻲ ﻗﺎﺑﻞ ﻫﻮ . ﺷﻌﻨﺪﺓ ﻭﻳﻤﻨﻌﺞ
ﺳﻤﺮ،، ﺧﻠﺺ ﻣﺮﺍﻡ ﺭﻭﺣﻲ ﻛﻠﻴﻠﻪ ﻣﺎﺍﺭﻭﺡ ﺧﻞ ﻳﺮﺗﺎﺡ ﺍﻧﻲ ﻣﺎﻟﻲ ﻧﻔﺲ ﺑﻌﺪ
ﺷﻠﺖ ﺍﻟﻐﻄﻪ ﻭﻧﻤﺖ ﻛﺘﻠﻬﺎ ﺭﻭﺣﻮ ﺍﻧﺘﻢ ﺍﻧﻲ ﻧﻌﺴﺖ ﺍﺭﻳﺪ ﺍﻧﺎﻡ
ﻭﻫﻮ ﺟﺬﺏ ﺍﻧﻲ ﻣﻨﻌﺴﺎﻧﻪ ﺑﺲ ﺣﻴﻴﻴﻞ ﻣﻘﻬﻮﺭﺓ ﻣﻨﻪ ﻭﻳﻤﻜﻦ ﺍﺫﺍ ﻳﺤﺎﺟﻴﻨﻲ ﺍﻧﻔﺠﺮ ﺑﻮﺟﻬﺎ
ﺍﻡ ﻫﺸﺎﻡ، ﻫﺎ ﻳﻤﻪ ﻭﻳﻦ ﺑﺖ ﻋﻤﺞ؟؟
ﻣﺮﺍﻡ،، ﻣﺘﺮﻭﺡ ﻳﻤﻪ ﻧﺎﻣﺖ ﺑﺲ ﻭﺍﻟﻠﻪ ﺧﻄﻴﻪ ﺍﺑﻨﺞ ﺑﻜﻠﺸﻲ ﻣﻌﺎﺭﺽ
ﺍﻡ ﻫﺸﺎﻡ،، ﻭﻟﺞ ﻳﻤﻜﻦ ﺍﺧﻮﺝ ﻳﺤﺒﻬﺎ ﻫﻮ ﻣﻦ ﺷﻮﻛﺖ ﺗﻬﻤﻪ ﻭﺣﺪﺓ ﻣﻦ ﺑﻨﺎﺕ ﻋﻤﺎﻣﻪ ﺷﻮ ﺑﺲ ﺳﻤﺮ ﺣﺎﺩ ﺳﻨﻮﻧﻪ ﻋﻠﻴﻬﺎ
ﻣﺮﺍﻡ،، ﺍﻧﻲ ﻫﻢ ﺗﻮﻧﻲ ﻧﺒﻬﺘﻨﻲ ﺍﻣﻲ ﺧﺮﺭﺭﺏ ﺣﻀﻲ ﺻﺪﻙ ﻣﻄﻔﻴﻪ ﻣﺒﻴﻦ ﺣﺐ ﻫﺸﺎﻡ ﺍﻟﻬﺎ ﺑﺲ ﻣﺎﺍﻋﺘﻘﺪ ﺳﻤﺮ ﺗﻘﺒﻞ ﺑﻲ ﻻﻥ ﺍﻛﺒﺮ ﻣﻨﻬﺎ ﺑﻬﻮﺍﺍﺍﻱ
ﺳﻼﻡ،،ﻳﻠﻪ ﻳﻤﻪ ﻓﻀﻮﻫﺎ ﺍﻟﻨﺎﺱ ﻳﻨﺘﻀﺮﻭﻥ
ﻟﻌﺪ ﻭﻳﻦ ﺳﻤﺮ ﻟﻴﺶ ﻣﺎﺟﺒﺘﻴﻬﺎ ﻭﻳﺎﻛﻢ
ﺍﻡ ﻫﺸﺎﻡ،، ﻣﺎﻟﻬﺎ ﺧﻠﻚ ﻳﻤﻪ ﺍﻣﺸﻴﻨﻪ ﻧﺮﻭﺡ ﺳﺎﻋﻪ ﺯﻣﺎﻥ ﻭﻧﺮﺟﻊ
ﺳﻤﺮ ،،ﺿﻠﻴﺖ ﺍﺗﻜﻠﺐ ﺑﻔﺮﺍﺷﻲ ﻛﻠﻬﻢ ﺭﺍﺣﻮ ﺿﺠﺖ ﻛﻠﺖ ﺍﻛﻮﻡ ﺍﺭﻭﺡ ﻳﻢ ﺍﻟﺸﻂ ﺣﻠﻮ ﺍﻟﻤﻜﺎﻥ ﻭﺷﻮﻳﻪ ﺍﻋﺼﺎﺑﻲ ﺗﻬﺪﺀ
ﻓﺘﺤﺖ ﺑﺎﺏ ﻏﺮﻓﺘﻲ ﺻﺎﺭ ﻫﺸﺎﻡ ﺑﻮﺟﻬﻲ ﻣﺎﺣﺎﺟﻴﺘﻪ ﻟﻔﻴﺖ ﺣﺠﺎﺑﻲ ﻭﻃﻠﻌﺖ ﻟﻠﺸﻂ ﻛﺎﻥ ﺍﻟﻤﻨﻀﺮ ﻛﻠﺶ ﺣﻠﻮ ﻛﻌﺪﺕ ﻓﻮﻙ ﻣﺎﻧﺰﻟﺖ ﻟﻠﺠﺮﻑ ﺑﺲ ﺍﺧﺬﻧﻲ ﺍﻟﻔﻀﻮﻝ ﻛﻠﺖ ﺧﻞ ﺍﻧﺰﻝ ﺍﻟﻌﺐ ﺑﺎﻟﻤﻲ ﺍﻟﻤﻨﻀﺮ ﻳﺸﻬﻲ
ﺻﺪﻙ ﻭﺍﻟﻠﻪ ﻧﺰﻟﺖ ﻛﻌﺪﺕ ﻉ ﺍﻟﺠﺮﻑ ﺷﻔﺖ ﺑﺼﻔﻲ ﺣﺼﻮﺍﻳﻪ ﺷﻤﺮﺗﻬﺎ ﺻﺎﺭﺕ ﺗﻄﺐ ﻭﺗﻄﻠﻊ ﻣﺮﺗﻴﻦ ﺛﻼﺛﻪ ﺑﺎﻟﻤﺎﻱ ﻋﺠﺒﻨﻲ ﺍﻟﻮﺿﻊ ﻛﻤﺖ ﻉ ﺣﻴﻠﻲ ﻭﺻﺮﺕ ﺍﺷﻤﺮ ﺣﺼﻮ ﺑﺎﻟﻤﻲ ﺷﻮﻳﻪ ﻭﺳﻤﻌﺖ ﺻﻮﺕ ﻛﻠﺐ ﻳﺼﻴﺢ ﻣﻦ ﺑﻌﻴﺪ ﻛﻠﺒﻲ ﺭﺟﻒ ﻣﻦ ﺍﻟﺨﻮﻑ ﻳﺒﻮﻭﻭﻭ ﺍﻧﻲ ﺍﺧﺎﻑ ﻣﻦ ﺍﻟﻨﻤﻠﻪ ﺍﻧﻮﺏ ﻛﻠﺐ ﺍﺑﺎﻭﻉ ﺷﻮ ﻫﺬﺍ ﺍﺟﻪ ﻓﺎﺗﺢ ﺣﻠﻜﻪ ﻭﺍﺟﻪ ﻃﺎﻳﺮ ﺏ ﺍﺗﺠﺎﻫﻲ ﻭﻣﺎﻛﺎﻥ ﻛﺪﺍﻣﻲ ﻏﻴﺮ ﺷﻤﺮﺕ ﻧﻔﺴﻲ ﺑﺎﻟﻤﻲ ﻭﺍﻟﻤﺼﻴﺒﻪ ﻣﺎﺍﻋﺮﻑ ﺍﺳﺒﺢ ﺻﺮﺕ ﺍﻏﻂ ﻭﺍﻃﻠﻊ ﻳﻤﻜﻦ ﻃﻮﻝ ﺍﻟﻮﺿﻊ ﺩﻗﻴﻘﻪ ﺳﺒﺤﺎﻥ ﺍﻟﻠﻪ ﺍﻟﺸﺨﺺ ﻣﻦ ﻳﻮﺍﺟﻪ ﺍﻟﻤﻮﺕ ﻳﺠﻮﻥ ﻉ ﺑﺎﻟﻪ ﻛﻞ ﻧﺎﺳﻪ ﻭﺍﻫﻠﻪ ﺍﻟﻴﺤﺒﻬﻢ ﺍﻧﻲ ﻫﻨﺎ ﺍﺟﺖ ﺍﺑﺎﻟﻲ ﺍﻣﻲ ﻭﺍﻧﻲ ﺑﺎﻟﻤﻲ ﺑﺎﻟﻠﻪ ﺍﻟﻌﻀﻴﻢ ﻫﻲ ﻟﺤﻀﺎﺕ ﺑﺲ ﺷﺮﻳﻂ ﺣﻴﺎﺗﻚ ﻛﻠﻪ ﻳﻤﺮ ﻛﺪﺍﻣﻚ
ﺑﻌﺪﻫﺎ ﻣﺎﺣﺴﻴﺖ ﻋﻠﻰ ﻧﻔﺴﻲ ﺑﻌﺪ ﻓﺘﺮﺓ
ﻓﺘﺤﺖ ﻋﻴﻮﻧﻲ ﺑﺜﻜﻞ ﺧﻔﺖ ﻋﺒﺎﻟﻲ ﻣﺘﺖ ﺑﺲ ﺍﺗﺎﻛﺪﺕ ﻣﺎﺑﻴﻪ ﺷﻲ ﻣﻦ ﺳﻤﻌﺖ ﺻﻮﺕ ﻋﻤﺘﻲ ﻭﻫﻲ ﺗﺒﺠﻲ ﻳﻤﻲ ﻭﺗﺤﺠﻲ
ﺍﻡ ﻫﺸﺎﻡ،، ﺳﻮﺩﺓ ﺑﻮﺟﻬﻲ ﻳﻤﻪ ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﺞ ﻭﺍﻟﻠﻪ ﻳﻤﻪ ﻫﺒﻄﺘﻲ ﻛﻠﻮﺑﻨﻪ ﻋﻠﻴﺞ ﻟﻮ ﻏﺮﻛﺎﻧﻪ ﻫﺴﻪ ﺑﻠﻪ ﺷﺮﺍﺡ ﻧﻜوﻞ ﻟﻤﺞ ﻭﺍﺧﻮﺝ ﺟﺒﻨﺎﻫﺎ ﻭﻣﻮﺗﻨﺎﻫﺎ
ﺳﻤﺮ،،ﺣﺠﻴﺖ ﺑﺲ ﺗﻌﺒﺎﻧﻪ ﺍﻫﻴﺲ ﺟﺴﻤﻲ ﻣﻜﺴﺮ ﺍﻓﻜﺮ ﺷﻮﺻﻠﻨﻲ ﻟﻬﻨﺎ ﻣﻨﻮ ﻃﻠﻌﻨﻨﻲ ﺷﻮﻳﻪ ﻭﺩﺧﻞ ﻫﺸﺎﻡ ﻭﻋﻤﻲ ﻛﺎﺿﻢ ﻭﺍﻟﻮﻟﺪ ﻛﻠﻬﻢ ﻳﺘﺤﻤﺪﻭﻟﻲ ﺑﺎﻟﺴﻼﻣﻪ ﺑﺲ ﻫﺸﺎﻡ ﻣﺎﻓﺘﺢ ﺣﻠﻜﻪ ﺑﺤﺮﻑ ﺑﺲ ﺳﺎﻛﺖ ﻭﺻﺎﻓﻦ ﻋﻠﻴﻪ
ﻣﺤﺪ ﻣﻨﻄﻲ ﺧﺒﺮ ﻟﻬﻠﻲ ﻳﺨﺎﻓﻮﻥ ﻋﻠﻰ ﺍﻣﻲ ﻳﺼﻌﺪ ﺳﻜﺮﻫﺎ ﻛﺎﻟﻮ ﻋﺪﺕ ﺍﻧﺸﺎﺀﺍﻟﻠﻪ ﻟﻴﺶ ﻧﻬﺒﻂ ﺍﻣﺞ ﻋﻠﻴﺞ
ﺍﺑﺎﻭﻉ ﻟﻤﻼﺑﺴﻲ ﺍﻧﻲ ﻣﻦ ﻏﺮﻛﺖ ﻻﺑﺴﻪ ﺍﺗﺮﺍﻙ ﺷﻮ ﻫﺴﻪ ﺩﺷﺪﺍﺷﻪ ﺍﻛﻴﺪ ﻋﻤﺘﻲ ﻭﻣﺮﺍﻡ ﻣﻐﻴﺮﺍﺕ ﻣﻼﺑﺴﻲ
ﺍﺟﺖ ﻣﺮﺍﻡ ﺣﺠﺘﻠﻲ ﻭﻳﺎﺭﻳﺖ ﻣﺎﺣﺠﺘﻠﻲ ﺻﺮﺕ ﺍﺑﻠﻊ ﺑﺮﻳﻜﻲ ﻣﻦ ﺍﻟﺨﺠﻞ ﻭﺍﻟﻠﻪ ﺗﻤﻨﻴﺖ ﻣﻴﺘﻪ ﻭﻻ ﻫﻠﻤﺼﻴﺒﻪ ﻣﻦ ﻋﺮﻓﺖ ﻫﺸﺎﻡ ﺍﻟﻤﻄﻠﻌﻨﻲ ﻣﻦ ﺍﻟﺸﻂ ﻭﻫﻮ ﺍﻟﻨﻘﺬﻧﻲ
ﻳﻌﻨﻲ ﻫﻮ ﺍﻟﻤﻐﻴﺮﻟﻲ ﻳﻤﻤﻤﻤﻪ ﻣﺘﺖ ﺧﺠﻞ ﺍﺷﻠﻮﻥ ﺍﺣﻂ ﻋﻴﻨﻲ ﺑﻌﻴﻨﻪ ﺑﻌﺪ ﻭﺍﻟﻠﻪ ﺻﻌﺒﻪ ﺍﻧﻲ ﺑﺪﻭﻥ ﻋﺰﺍ ﻣﻌﺰﺍﻳﻪ ﻣﻨﻪ ﺍﻧﺮﻋﺐ
ﻫﺸﺎﻡ،، ﺍﺩﺭﻱ ﺑﻴﻬﺎ ﺯﻋﻠﺖ ﻣﻨﻲ ﻻﻥ ﻣﻨﻌﺘﻬﺎ ﺗﺮﻭﺡ ﻭﺍﻱ ﺷﺨﺺ ﺑﻤﻜﺎﻧﻲ ﻭﻋﻨﺪﻩ ﻣﺜﻞ ﺳﻤﺮ ﻳﻤﻜﻦ ﻳﺤﺠﺰﻫﺎ ﻭﻳﻀﻤﻬﺎ ﺑﺠﺎﻡ ﺧﺎﻧﻪ ﻋﻦ ﻋﻴﻮﻥ ﺍﻟﻨﺎﺱ ﻣﺎﺣﺒﻴﺖ ﺍﺣﺪ ﻳﺸﻮﻓﻬﺎ ﻭﻫﻲ ﻃﺎﻟﻌﻪ ﺍﺗﺨﺒﻞ ﺑﻨﺖ ﺍﻟﺬﻳﻦ ﺍﺩﺭﻱ ﺑﻴﻬﺎ ﻃﻨﻜﺮﺕ ﻭﺯﻋﻠﺖ ﻣﻨﻲ ﺑﺲ ﻣﻴﺨﺎﻟﻒ ﺍﻟﻤﻬﻢ ﻋﻨﺪﻱ ﺗﻔﺮﻛﺸﺖ ﺍﻟﺮﻭﺣﻪ
ﺷﻮﻳﻪ ﻭﺷﻔﺘﻬﺎ ﻃﻠﻌﺖ ﻟﻠﺸﻂ ﺭﺣﺖ ﻟﻠﺤﻤﺎﻡ ﺍﺳﺒﺢ ﻭﻛﻠﺖ ﺍﻛﻤﻞ ﻭﺍﻃﻠﻊ ﻳﻤﻬﺎ ﺍﻛﻌﺪ ﺻﺪﻙ ﻛﻤﻠﺖ ﻭﺍﻧﻲ ﺍﻣﺸﻂ ﺳﻤﻌﺖ ﺻﻮﺕ ﻛﻠﺐ ﻳﻨﺒﺢ ﺳﻮﻳﺖ ﺍﻟﺪﺭﺝ ﺷﺒﺨﺘﻴﻦ ﺭﺣﺖ ﺍﺭﻛﺾ ﻟﻠﺸﻂ ﺷﻔﺖ ﺍﻟﻜﻠﺐ ﻳﻨﺒﺢ ﻉ ﺍﻟﺠﺮﻑ ﻭﺍﻛﻮ ﻓﻘﺎﻋﺎﺕ ﻣﻦ ﺍﻟﻤﻲ ﺗﻄﻠﻊ ﺟيتت ﺑﺪﻭﻥ ﻭﻋﻲ ﻭﻃﻠﻌﺘﻬﺎ ﻟﻜﻴﺘﻬﺎ ﻻﺍﻳﺪ ﻭﻻ ﺭﺟﻞ ﻭﺍﻟﻠﻪ ﺭﺩﺕ ﺍﻧﺠﻠﻂ ﺣﺴﻴﺖ ﻧﻔﺴﻲ ﺧﺴﺮﺗﻬﺎ ﺍﻧﻲ ﻋﻨﺪﻱ ﻣﻌﻠﻮﻣﺎﺕ ﻋﻦ ﺍﻟﺘﻨﻔﺲ ﺍﻻﺻﻄﻨﺎﻋﻲ ﺳﻮﻳﺘﻠﻬﺎ ﻭﺭﺟﻌﺖ ﻛﺮﺭﺕ ﺍﻟﻤﺤﺎﻭﻟﻪ ﻭﺍﻧﻲ ﺍﻳﺪﻱ ﺗﺮﺟﻒ ﻭﺍﺩﻋﻲ ﺍﻟﻠﻪ ﻣﺎﺍﺧﺴﺮﻫﺎ ﻳﻤﻜﻦ ﺍﻣﻮﺕ ﻭﺭﺍﻫﺎ ﺷﻮﻳﻪ ﻭﺻﺎﺭﺕ ﺗﻜﺢ ﻛﻌﺪﺕ ﺑﺼﻔﻬﺎ ﺍﻧﺘﺠﻴﺖ ﻟﻮﺭﺓ ﻭﺟﺮﻳﺖ ﻧﻔﺲ ﺍﺭﺗﺎﺣﻴﺖ ﺍﻟﻒ ﺷﻜﺮ ﻟﻠﻪ ﻳﻤﻜﻦ ﻟﻮ ﻣﻴﺘﻪ ﻃﻮﻝ ﻋﻤﺮﻱ ﻣﺎﺍﺳﺎﻣﺢ ﻧﻔﺴﻲ ﻟﻮ ﻣﺨﻠﻴﻬﺎ ﺗﺮﻭﺡ ﺟﺎﻥ ﻣﺎﺻﺎﺭ ﺑﻴﻬﺎ ﻫﻠﺸﻜﻞ ﺷﻠﺘﻬﺎ ﺑﺤﻀﻨﻲ ﻣﺜﻞ ﺍﻟﻄﻔﻠﻪ ﻭﻫﻲ ﺷﺒﻪ ﻓﺎﻗﺪﺓ ﺩﺧﻠﺘﻬﺎ ﻟﻠﻐﺮﻓﻪ ﻭﻣﺎﺍﻋﺮﻑ ﺷﺒﻴﻬﺎ ﺗﻬﺬﻱ ﻳﻤﻜﻦ ﻣﻦ ﺍﻟﺨﻮﻑ ﻭﺍﻟﺼﺪﻣﻪ ﻣﺎﻭﺍﻋﻴﻪ ﻋﻠﻰ ﻧﻔﺴﻬﺎ ﺍﺑﺎﻭﻉ ﻋﻠﻴﻬﺎ ﻫﺪﻭﻣﻬﺎ ﺧﻀﺮ ﻭﻫﻨﺎ ﺑﺪﺕ ﺣﺮﺏ ﺍﻻﻋﺼﺎﺏ ﻣﺎﺍﻛﺪﺭ ﺍﻋﻮﻓﻬﺎ ﻛﻠﻬﺎ ﻣﻲ ﻻﺯﻡ ﺍﻏﻴﺮ ﻣﻼﺑﺴﻬﺎ
ﺻﺮﺕ ﺍﺑﻠﻊ ﺑﺮﻳﻜﻲ ﻭﺍﻧﻲ ﺍﻧﺰﻋﻬﺎ ﻭﺩﺍﻳﺮ ﻭﺟﻬﻲ ﻣﻬﻤﺎ ﻳﻜﻮﻥ ﻫﻲ ﻋﺮﺿﻲ ﻧﺰﻋﺘﻬﺎ ﻭﺿﻠﺖ ﺑﺎﻟﺪﺍﺧﻠﻴﺎﺕ ﺑﺪﻭﻥ ﻭﻋﻲ ﻣﻦ ﺳﻤﻌﺘﻬﺎ ﻛﺤﺖ ﺩﺭﺕ ﻭﺟﻬﻲ ﻋﻠﻴﻬﺎ ﻭﻳﺎﺭﻳﺖ ﻣﺎﺷﻔﺘﻬﺎ ﻣﻼﺍﺍﻙ ﻣﻦ ﺍﻟﺴﻤﺎ ﻭﻧﺎﻳﻢ ﺑﻴﻦ ﺍﺩﻳﻪ ﺭﻛﺒﺘﻬﺎ ﻭﺟﺴﻤﻬﺎ ﻭﺑﻴﺎﺿﻬﺎ ﺗﻘﺎﺳﻴﻤﻬﺎ ﺧﻠﺘﻨﻲ ﻣﺎﻣﺮﻛﺰ ﺑﺸﻲ ﺍﻧﺴﻄﺮﺕ ﺳﻄﺮ ﻛﻠﺸﻲ ﺑﻴﻪ ﻳﺮﻳﺪﻫﺎ
ﻓﺰﻳﺖ ﻣﻦ ﺗﻔﻜﻴﺮﻱ ﻭﺍﻧﻲ ﺍﻛﻞ ﺍﻟﺮﻭﺣﻲ ﺍﺣﻨﻪ ﺑﻴﺎﺣﺎﻝ ﻭﺍﻧﻲ ﺍﻓﻜﺮ ﻫﻴﺞ ﺗﻔﻜﻴﺮ ﻛﻮﺓ ﻛﻤﻠﺖ ﻭﻟﺒﺴﺘﻬﺎ ﺩﺷﺪﺍﺷﻪ ﻭﻏﻄﻴﺘﻬﺎ ﺑﺲ ﻛﺎﻧﺖ ﺣﺮﺍﺭﺗﻬﺎ ﻣﺮﺗﻔﻌﻪ
ﺑﻌﺪ ﻣﺪﺓ ﺍﺟﻮ ﺍﻫﻠﻲ ﻭﺍﺗﺨﺒﻠﻮ ﻣﻦ ﺣﺠﻴﺘﻠﻬﻢ ﺍﻟﺼﺎﺭ ﻭﺿﻠﻮ ﻳﻠﻮﻣﻮﻥ ﺑﻴﻪ ﻻﻥ ﻣﺎﺧﻠﻴﺘﻬﺎ ﺗﺮﻭﺡ ﻟﻮ ﺭﺍﻳﺤﻪ ﻭﻳﺎﻫﻢ ﻣﺎﺻﺎﺭ ﺷﻲ ﺩﺧﻠﺘﻠﻬﺎ ﺍﻣﻲ ﻭﺍﻣﺮﺍﻡ ﻳﺮﻛﻀﻦ ﺧﻄﻴﻪ ﻧﻬﺒﻄﻦ ﻋﻠﻴﻬﺎ ﺑﺲ ﻣﻮ ﺍﻛﺜﺮ ﻣﻨﻲ
ﺍﺟﻮ ﻋﻤﺎﻣﻲ ﻣﻦ ﺳﻤﻌﻮ ﺑﺎﻟﺨﺒﺮ ﺩﺧﻠﺘﻬﻢ ﻳﻤﻬﺎ ﻭﺩﺧﻠﺖ ﻭﻳﺎﻫﻢ ﻣﺎﺍﻋﺮﻑ ﻟﻴﺶ ﻣﺎﺍﻛﺪﺭ ﺍﺣﺠﻲ ﺷﻲ ﺻﻔﻨﺖ ﻋﻠﻴﻬﺎ ﻭﺑﺪﺍﺧﻠﻲ ﺍﺣﻤﺪ ﺍﻟﻠﻪ ﻻﻥ ﻫﻲ ﺑﻌﺪﻫﺎ ﻋﺎﻳﺸﻪ ﻭﻫﺴﻪ ﻛﺪﺍﻣﻲ ﻭﺑﻴﻨﺎﺗﻨﻪ ﺑﺲ ﻣﻨﻀﺮﻫﺎ ﻣﻴﺮﻭﺡ ﻣﻦ ﺑﺎﻟﻲ ﺍﺑﺪ
ﺳﻤﺮ ،، ﻋﺪﺕ ﻛﻢ ﻳﻮﻡ ﻉ ﺍﻟﺤﺎﺩﺙ ﻭﺍﺑﺪ ﻣﺎﻃﻠﻌﺖ ﻭﻻ ﺭﺩﺕ ﺍﺷﻮﻓﻪ ﺧﺠﻼﺍﺍﻧﻪ ﻣﺎﺍﺭﻳﺪ ﺍﺣﻂ ﻋﻴﻨﻲ ﺑﻌﻴﻨﻪ
ﺣﺘﻰ ﻣﻦ ﻳﺼﻴﺤﻮﻟﻲ ﺍﺗﻐﺪﺓ ﻭﻳﺎﻫﻢ ﺍﻛﻠﻬﻢ ﻣﺎﻛﻠﻪ ﻭﻣﺎﺍﺷﺘﻬﻲ ﺑﺲ ﻣﻦ ﺍﺳﺎﻝ ﻭﻳﻜﻠﻮﻟﻲ ﻃﻠﻊ ﻟﻮ ﺭﺍﺡ ﻟﻠﺪﻭﺍﻡ
ﺍﻧﺰﻝ ﺭﻛﺾ ﺍﻛﻞ ﻭﺍﺭﺟﻊ
ﺻﺎﺭ ﻟﻠﻴﻞ ﻭﻛﻠﻬﺎ ﻧﺎﻣﺖ ﺍﻛﻴﺪ ﻫﻮ ﻫﻢ ﻧﺎﻳﻢ ﻭﺍﻧﻲ ﻣﻴﺘﻪ ﺟﻮﻉ ﻧﺰﻟﺖ ﻭﺭﺣﺖ ﻟﻠﻤﻄﺒﺦ ﺳﻮﻳﺖ ﻟﻔﻪ ﻛﺒﺎﺏ ﻭﻃﻠﻌﺖ ﻗﻮﻃﻴﻪ ﺑﺒﺴﻲ ﻭﻛﻌﺪﺕ ﺍﻛﻞ . ﺑﺴﺮﻋﻪ ﺩﺭﺕ ﻭﺟﻬﻲ ﻣﺮﻋﻮﺑﻪ ﻣﻦ ﺳﻤﻌﺖ ﺻﻮﺗﻪ ﻭﺭﺍﻱ
