رواية الفصلية والضابط الفصل الرابع بقلم مجهول
اريج : كعدت صافنه وابجي وسمعت الباب انفتح طلع ضرغام اجه وعيونه حمر وعصبي نار يطلع من عيونه لازمني من شعري وكال بنت الجلب اخوج كتل اخوي وابن عمي وحضرت جنابج جايه متمكيجه اليوم اراوج نجوم الضهر والريده منج اخذه حجه هيج ولف شعري بيده بجيت بجيت بجي ما صاير صرخت وهو يهفني راشديات ما ادري شلون صارن ينزلن هيج نسيت شلون اتنفس من قوة الراشديات لزمت ايده الثانيه وكتله كافي كافي ارحم بحالي تجاهلني مستمر يضربني راشديات على وجهي ظهري وصدري خشمي طك دم وهو مستمر يفرغ عصبيته بيه بسرعة بدون سابق انذار حضنت وجهه بيدي وصرخت بصوت مخنوك ابوس رجلك كافي اني يتيمة اهل ارحم بحالي الله يخليك كافي
ضرغام: من بعد ما حبست اريج بالغرفه طلعت بره البيت شوي رجعت اجت عليه شذى تبجي سىلتي شبيج كالت هاي الفصليه الي اسمها اريج تصيح وتصرخ وتسب وتفشر عليك وعلى عمي وتكول اني اعلمكم طلعوني منا خوات كح.... راح عمي حته يفتح اله الباب وضلت تغلط عليه تقبلها كلتلي هيج شذى شلون تغلط على ابوي بنت الكلب وين مفكره روحا عايشه رحت فتحت الباب كمزت من شافتني رحت لازمتها موتها من الكتل ضلت تنزف وصرخ وتجبي واني ما مهتم شوي وحضنتي من وجهي وكالت كافي كافي ارحم بحالي تره اني يتيمة اهل كالت هيج واني تركتها وطلعت بره الغرفه بس ما قفلت الباب
اريج:طلع ضرغام من الغرفة واني كعدت بالزاويه اشهك وابجي من الوجع خشمي ينزف عيوني مغوشات من كده البجي بالكوه اشوف بيهن شوي وكمت رحت للجنطه مالتي طلعتلي فستان ترتيبه حلو شوي عريض مو لازك على جسمي لين عيب رحت سبحت بالحمام داخل الغرفه طلعت مشطت شعري وخليت عطر ما خليت مكياج لين ضرغام اول ما دخل ولاني كتل لين مخليه لبست شاليً ونزلت
اريج: كاعده واجتي غدير كالت تعال نزلي يمنه نزلت كعدت واجتي نسرين كعدن يسولفن وبت عمهم بس تخزر بيه عفتها ما باوعتلها كالت ام ضرغام بنات كومن حضرن العشاء كتلهن اني اسوي كالن البنات احنه نسوي ما انريد نتعبج كتلهن لا اني متعوده كتلهم شسوي عشاء كالت عمتي ام ضرغام سوي دجاج شوي وتمن احمر رحت للمطبخ طلعت دجاجتين وتبلتهن وشويتهن وطبخت التمن وحضرت الزلايط كملت كلشي اذن رحت صليت وصلو همه كالت عمتي ام ضرغام صبي العشاء رحت صليت وساعدني غدير ونسرين بس بت عمهم شذى بقت كاعده خاله رجل على رجل اجو كعدو ياكلون واني رحت للمطبخ كعدت انتظرهم يخلصون صاحني عمي ابو ضرغام تعاي بنيتي ليش ما تاكلين ويانه كتله لا عمي ما اشتهي كال لا تعاي ردت ارفض وحجه العكره ضرغام
ضرغام: ابوي من يحجي حجايه لا ترفضيله طلب تعاي كعدي
اريج: رحت كعدت ردت اكعد يم البنات كالت عمتي ام ضرغام بنيتي كعدي يم رجلج رحت كعدت يم ضرغام واني خايفه
كالت شذى بت عم ضرغام تكعدون اخت قاتل اخوي ويانه وعلى الاكل هي يلفصليه انتي مكانج المطبخ لان انتي خدامه هنا
ابو ضرغام: شذى احترمي نفسج من ليمته الجهال يحجون بحضور الكبار اتادبي واريج مو خدامه هنا هيه مريت ضرغام وما اريد اسمع واحد يكول عليها فصليه لو خدامه
اريج: ضجت كلش من حجي شذى والدمعه بطرف عيني كلت بكلبي وينك بويه ليش عفتني وممت تعال شوف شصار بحالي خلصو اكل كمت لميت السفره اني والبنات وغسلت الاماعين وغدير سوت جاي كملت تنظيف صعدت للغرفه ظليت ابجي
شوي وشفت شذى دخلت عليه كمت وكتله شرايده مني عوفيني بحالي شمسويه الج اني
شذى:اسمعي ولج لا عبالج راح اعوفج بحالج ولا تفرحين لين عمي وكف وياج اليوم اطلعج من هذا البيت لو اعرف انطي روحي وضرغام حبيبي وروحي من هل دنيه حبيبي هوا قبل لا يصير رجلج وراح ادفعج الثمن غالي اصبري عليه وشوفي بنت الكح ...
اريج :لا تغلطين على اهلي تاج راسج وراس الخلفج افتهمتي لو لا امشي طلعي من غرفتي
شذى:والله وطلع عندج لسان اني تطرديني اصبري عليه يا حقيره
اريج: شذى ظلت تصرخ وتملخ بروحا شكت ثوبها وكالت اني اعلمج وضلت تصرخ وتصيح ولج عمه تعالي الي ولج يمههه ضرغام الحكني ضليت واكفه ومصدومه بمكاني شوي واجو كلهم للغرفه شافو شذى بغير منضر
ضرغام:جنه كاعدين بالستقبال نسولف بمور الشغل وشوي وسمعت صوت شذى تصرخ وطالع الصوت من غرفتي صعد الكل فوك وشفنه شذى بغير منضر وتبجي اجت عليه وكالت الحكني ضرغام هاي راح تموتني من الكتل شبيها وياج
شذى:صعد فوك كلت اعتذر من اريج لين غلطت بحقا كدام الكل واعتبرها وحده من عدنه وكتلها ننسه كلشي شوي وكالت بنت الكح .... ترديني اعتبركم اهلي وانتو خربتو عيشتي اني اعلمج وضلت تملخ بيه وضريني الله يخليك ضرغام فدوه لا تخليها تضربني
اريج:وكفت مصدومه 😳 مثل اطرش برفه ضرغام والله العظيم ما سويت اله شي وداعت اهلي هيه اجت عليه والعباس ما سويت شيي الكل واكف ومصدوم احاول ابري نفسي ومحد مصدك بيه اجه عليه ضرغام وضربني راشدي وكعت بمكاني وشذى ضلت تباوع عليه بحقد وتضحك صفح 😏
ضرغام: حجت شذى شمسويه بيه اريج تخبلت ما جنت متوقع هل شي يطلع منها ضلت تبرر نفسها وكالت والعباس جذابه ضربتها راشدي وكعتها مكانها وكتلها كومي اعتذري من شذى بسرعه
اريج:اني ما اعتذر على شي ما مسويته
ضرغام: كتلج اعتذري من شذى بسرعههه 😡
اريج :اسفه شذى على الشي الي صار
شذى:عادي مصار شي بس مو صوجج صوجي اني اجيت حته اصالحج نزلت جوا واني ميته فرح شلون ضرغام دافعلي
ضرغام:يلا الكل للغرفه يروح وينام وانتي حسابج بعدين
اريج:اي أستاذ ضرغام حقك تدافع اله غير هاي حبيبة الروح
ضرغام:اكلي خرا شنو حبيتك وادافع اله شذى تحبني بس اني معتبرها مثل اختي بعدين أنتي شعندج وياه
اريج:ما عندي اي شي وياها والله يسعدك انته وياها 😏
ضرغام:الله يصبرج يا روح ولج ما عندي شي وياها يلا امشي نامي لا اكسرج
اريج:نام انته على الجوربايه واني بالكاع انام وكال انجبي بارده الكاع تعالي هنا اوكك حضرت ضرغام اجي بس بشرط لا ادنه الك ولا تجي يمي
ضرغام:بلا علساس اني ميت عليج وهاي المخده بنص خليها ارتاحيتي
اريج :اي بعد احسن رحت نمت وانطيته ضهري وبقيت بالشال لين عيب استحي منه ☹️ نمت ومادري بروحي
كعدت الصبح لكيت ضرغام حاط ايده على خصري التفت اله سبحان الله ملاك ونايم صفتت بوجها رموشه حواجبه شفايفه لحيته سبحان الخلقهن شوي وفتح عيوني سويت روحي نايمه
ضرغام:كعدت الصبح لكيت ايدي على خصر اريج ما وخرتها بقيت صافن بيه شلون وجه يخبل بقيت صافن على شفايفه اتقربت عليه اجيت اخذهن الي وفتح عيونها ابعتدت عنها وكتله صباح الخير
اريج :شفته تقرب عليه وخفت فتحت عيوني وكال صباح الخير صباح النور
ضرغام:كومي حضري ملابسي اريد اطلع عندي شغل
اريج :حاضر هسه احضرهن حضرت ملابسه دخل للحمام يسبح وطلع ضل يمشط بشعره ويوصي تزلي جوا يم البنات ساعديهن وامي عينج عليه وشذى حاولي تبتعدين عنه لين ما تحب الخير الج هيه وامها واني ما ارتاح الهن اي شي يحجن وياج لا تردين
اريج :حاضر استاذ ضرغام واني منتجيه على الكنتور
ضرغام: يلا محتاجه شي قبل لا اطلع
اريج:لا اريدك سالم
ضرغام:الله يسلمج خليت وطلعت
اريج:طلع ضرغام واني رتبت الغرفه دخلت سبحت وطلعت مشطت شعري ورشيت عطر ولفيت شالي ونزلت جوا ليكت الكل كاعد على الريوك صباح الخير
الكل صباح النور من عدا شذى وامها ما ردن السلام
غدير:تعالي اريج حياتي اتريكي ويانه
اريج :الف عافيه حبيبتي بس ما اشتهي اكل
