رواية ابي عذابي ومأساتي الفصل الرابع بقلم سمر اسامه
كعدت الصبح. رحت سبحت وبدلت واني اصلا ماعندي هوايه ملابس. انطتني ساره م̷ـــِْن عدها ملابس
طلعت. نضفت البيت كله. وطلعت كل الصحون الجديده لعدهم. وحضرت الريوك.
جهزت الطاوله وخليت كل الريوك. وهمه لسه مكاعدين م̷ـــِْن النوم. بقيت شويه وكعدت ام جابر. وساره
صبحت عليهم وهمه هم صبحو عليه وراحو كعدو علئ الطاوله وبدو يتريكون.
كملو. وغسلت الصحون واني هم اكلت ب مطبخ
شويه واجتي ام جابر كالت اخذي ريوك لجابر فوك وكوليله يروح للسوك يجيب الاغراض الي وصيته عليهم.
م̷ـــِْن تكملين تعالي. عندي شغل هوايه الج. ولازم تنزلين كم غرض فوك السطح.
بلعت ريكي بتوتر. وحجيت ويه نفسي يعني ليوم راح يطيح حضي م̷ـــِْن الشغل.
اخذت الريوك لجابر دكيت الباب ودخلت شفته نايم علئ السرير. علئ بطنه وحاضن المخده.
لابس. بس تعلاكه ومغطي جسمه ب الحاف ابيض.
تلبكت شلون اكعده. وهو نايم وامه تريده يروح للسوك
بقيت واكفه بمكاني. وحجيت. ءجابر جابر. اكعد تريك
هو ولاعبالك احجي. نايم. ولاحس عليه
تقربت م̷ـــِْن السرير واني متوتره. ومديت ايدي علئ كتفه وحجيت. جاءبر سيدي. اكعد تريك
هو حس عليه. شال راسه وصار يفتح عيونه بطئ
همس شدسوين بغرفتي.
ابتعدت عنه ورديت. جبتلك الريوك وامك تكول خلي يتريك ويروح للسوك يجيب الاغراض الي وصيتك عليهم.
كعد علئ السرير وصار يمغط بجسمه ويتثاوب.
رد عليه. خلي خلي الاكل علئ الطاوله. وروحي كملي شغلج.
هزيت راسي بأي واخذت الصينيه هو دخل للحمام يسبح.
صاح شهددد.
رديت. هاا.
كلي انطيني المنشفه. نسيتها يمج علئ السرير.
لزمتها. وهو طلع ايده م̷ـــِْن الحمام انطيتها اله. وطلعت م̷ـــِْن الغرفه بسرعه.
نزلت الام جابر. شفتها. مسويه اكلات. كلش حلوه.
وطلع ب اصحون ولاغراض.
باوعت عليه وكالت اصعدي علئ السطح تلكين كارتون بيه. صحون وياه. كلاصات. نزليهم الي اريد اخذ منهم
صعدت علئ السطح ولكيت ساره تخابر. وتكول اني احبك ليش مجاي تتفهمني وضعي مايسمحلي اطلع واشوفك
هيه م̷ـــِْن شافتني سدت الجهاز بسرعه. ولزمتني م̷ـــِْن ايدي وسحبتني عليها.
ساره. لج جاي تسمعين عليه انتي لْـۆ شنو.
رديت عليه لا والله بس صعدت اخذ صحون وكلاصات م̷ـــِْن هاذه الكارتون.
باوعت علئ الكارتون ورجعت باوعت عليه كلتلي شوفي ساره الي سمعتي. اذا لكيتج موصلته لشخص ماتلومين اله نفسج.
رديت عليها. لا ماحجي اصلا مالي علاقه ويه منو تحجين اصلا حياتج وحره بيها انتي.
عافتني ونزلت بس ماعرف ليش كلبي حاسني انو ساره عدها حبيب. وانفصالها م̷ـــِْن زوجها بسبب هاذه الشخص.
المهم شعليه اني اروح اكمل شغلي احسن ماتبهدلني ام جابر وتصير تحجي عليه كلام محلو.
شلت الكارتون. وكنت دانزل. تلاكه ويايه جابر يلبس بساعته وكان لابس قميص اسود وبنطرون اسود
شكله كلش حلو وانيق.
سالني شنو هاذه رديت عليه اغراض للمطبخ. كنت دانزل وسحطت رجلي وكعت. وكع كل الصحون وتكسرت.
بقيت اصرخ وابجي م̷ـــِْن الوجع.
هو بسرعه قرب مِڼـّي وبعدني عن الصحون المكسره
بس اني ايدي انجرحت م̷ـــِْن الوكعه والصحون الي تكسرت عليه.
اجت ام جابر تركض وصاحت عمااا لعماج انشالله ولج خربتي كل الصحون الزينه. هسه شلون انطي الاكل
اني لازمه ايدي وابجي رديت عليها والله مو قصدي وكعت بدون ماحس.
رد عليها جابر علئ كيفج يمه لبنت تاذت ايدها وهيه هم تكسرت م̷ـــِْن الوكعه.
ردت عليه خليها تتكسر ضلوعها ولاتتكسر الصحون جايبتهم م̷ـــِْن لبنان اني هسه شلون تعوضهم الي.
رد عليها جابر يمممه انتي م̷ـــِْن شوكت تهتمين لهيج سوالف. اني اشتريلج. بدالهم. بس كافي لاتلحين ب سالفه
عافتني وهيه ضايجه مِڼـّي وتخزرني.
قرب مِڼـّي جابر ولزم ايدي صار يباوع علئ الجرح.
بعدين باوع عليه وحجه. تعالي اخذج للمستشفئ يضمدوها الج. الجرح عميق.
رديت عليه لا ميحتاج اني اعقمها وضمدها متستاهل مستشفئ.
عفته ونزلت. عقمت ايدي وضمدتها بصعوبه بس شنو الوجع قاتل. كلش اذتني.
رحت الام جابر. شفتها كاعده علئ الغنفه وكلش ضايجه ويمها جابر يسوالف وياها.
اجتهم ملاك تركض وصارو يلاعبوها ويضحكون وياها
بعدين راح جابر مدري وين.
اندك الباب ورحت فتحته شفت بنت طويله وحلوه بدون حجاب. لابسه. بنطرون وسترا جوزيه وكعب عالي.
وشعرها مسرحته. ومخليته علئ صفحه وحده
شافتني وتغيرت ملامح وجها وحجت م̷ـــِْن بين اسنانها
منو حضرتج. ?
رديت عليها. بقهر اني خدامه تفضلي ادخلي.
دخلت وراحت سلمت علئ ساره وام جابر. وطلعت بنت خال جابر وجايه تدرس بغداد. وتبقه عدهم فترا.
كان اسمها. هيام.
كعدت علئ الغنفه واني رحت لميت الصحون الي وكعت. وتكسرت.
اسمعها تكولهم. هاي م̷ـــِْن شوكت جايبين عدكم خدامه انوب حلوه لاتلعب علئ شباب هاذه البيت دير بالجن منـِْهـا
ردت عليها ساره لاتخافين اخواني مايباوعون علئ هيج نماذج. هاذي مجرد خادمه وجايه تشتغل الاكثر.
كلش قهرني كلامها واذا خادمه هم انسانه وحالي حالهم
لميت كل الصحون وذبيتهم ب زبل
ورحت كملت شغلي ڱڵـه. واجو اصدقاء جابر وجابر هم اجه. كملت العزيمه وكنت داسوي عصير
دخل جابر علئ المطبخ. وشافني داحضر ب عصير
لزم ايدي وكال لا مانريد عصير سويلنه كهوه.
بعدت ايدي عنه ورديت. اوك هسه احضرلكم كهوه.
باوع عليه ورد شبيج ضايجه. ايدج توجعج لْـۆ احد مسمعج كلام
رديت عليه لا مابيه. شي. وحته مضايجه.
دخلت هيام للمطبخ. وصارت تتمايع. اجت سلمت علئ جابر وهيه تساله عن احواله.
سلم عليها وطلع. بس مبين عليه مايطيقها. ولايحب يحجي وياها ماعرف ليش.
اجت كعدت علئ كرسي ب مطبخ وصارت تاكل عنب وتحجي. شوفي انتي. خليج بعيده عن جابر.
باوعت عليها وبتسمت. ورديت ليش. شايفتني. لازكه بيه لْـۆ شنو.
ضحكت وردت لا بس اعرف لبنات لمثلج تدخل بحجت الشغل وتالي. طبق اهل البيت وتريد تكون منهم
ضحكت ورديت عليها. ليكون انتي مجربه هل شي وجاي تحجينه الي.
طفرت عليه ولزمتني م̷ـــِْن ايدي بقوه وكالت. شوفي لج. لاتخليني هسه اكسر سنونج. اني احسن منج ماشتغل خدامه ببيوت الناس.
عندي اهل ومربايه احسن تربيه مو مثلج اني.
بعدت ايدي عنها ورديت عليها اي ب عافيه عليج اني ماجبت طاري الاهل ولاتباهيت باهلي.
بعدين انتي ليش خايفه مِڼـّي لان احلا منج وعبالج جابر يحبني.
ضربتني راجدي الحقيره. وردت عليه بصوت عالي. لج انتي خدامه وهيج تحجين لْـۆ غير شي شجان سويتي.
دفعتها وطلعت لغرفتي شفتهم كاعدين الكل ب صاله بس راحو اصدقاء جابر ب ديوانيه.
دخلت بغرفتي وصرت ابجي بكلب محروك ليش ياربي ليش جاي اتبهذل. بهاذه البيت يوميه شخص يحجي عليه ويرزلني.
شسويت بنفسي اني.
حسيت الباب انفتح. شلت راسي شفته جابر واكف ب باب.
تقرب مِڼـّي وحجه شبيج تبجين وليش ماسويتي كهوه
بقيت ابجي بصوت مسموع. ورديت عليه ماسوي شي وانت هم بهذلني.
تعبت جابر يوميه واحد منكم يضربني ويبهذلني ترا اني هم بشر حرام عليكم. بعد ماتحمل. فوك الضلم الي شفته م̷ـــِْن اهلي. هسه انتو.
تقرب مِڼـّي ولزم اكتافي وحجه منو وياج ومنو ضاربج احجي لاتخافين والله اكلب البيت علئ روسهم.
بعدت عنه وحجيت. هاذه هيام بنت خالك جايه تهدد بيه. وتكولي ابتعد عنك ومن رديت عليها ضربتني راجدي.
ليش. جابر انت جايبني لبيتكم. تذلني لْـۆ شنو افضل ارجع للسجن ولابقه عدكم. م̷ـــِْن باجر رجعني للسجن وكافي م̷ـــِْن هل تصرفات.
هو لزمني. وجرني. علئ صدره وحجه لا غلطانه اني ماجبتج اذلج ب عكس اني نقذت حياتج. كان اكدر اخليج ب سجن
بس شفتج ضعيفه وماتحملين سجن وكنتي طلبين المساعده مِڼـّي ماكدرت اخليج هناك وانتي. غلطتي بحقي. ومع هاذه ساعدتج.
صح. اهلي غلطو وياج بس اني ماغلطت بحقج يوم.
باوعت عليه بحزن. والم. ورديت. ماكدر اتحمل بعد. اهلك. ممتعبريني. انسانه مثلهم.
واهاذي بنت خالك هاذه اول يوم الها. وهيج ضربتني اذا ابقه فترا وياها اكيد. طلعني سحل م̷ـــِْن البيت.
ضحك ورد شحدها غير اسحلها كدامج اني وين لعد
ابتعدت عنه وحجيت. لاتقرب مِڼـّي. لاتجي بنت الخال وتفكر غير تفكير
تقرب مِڼـّي ولمس خدي. وحجه. عادي خليها تفكر مثل ماتحب لمهم اني. وسكت
ابتعدت عنه وتلبكت م̷ـــِْن كلامه. وحجيت. رجاء خليك بعيد عني معايزه مشاكل اني.
ابتسم ورد. يلا تعالي سوينه كهوه عفت ضيوفي وكعدت يمج ماصايره هاي.
ضحكت ورديت عليه اي تدلل هسه اسويلكم بس باجر اخذني الام علاء اريد اشوفها.
هز راسه بمعنئ. اي وطلع واني طلعت ورا شفت هيام تخزر بيه لان كان جابر يمي ب غرفه. ابتسمت م̷ـــِْن شفتها ورحت للمطبخ.
سويت الكهوه واخذتها الهم طلعلي جابر واخذها م̷ـــِْن ايدي وابتسم. وحجه. غطي شعرج مفضحتينه.
باوعت علئ شالي. طالع شعري منه وممرتب.
انطيته الصينه وبقيت ارتب بشعري. وهو ضحك ودخل
مر تقريبا. ساعه وراحو. الضيوف. ولكل كاعد ب صاله
صعد جابر. لغرفته بدل وطلع.
واني بقيت انضف واغسل صحون اجت يمي ساره تسوالف ويايه.
كلت خلي اتعاطف وياها واخليها تعتبرني صديقه الها
حجيت وياها. ساره اكدر اسالج سوال اذا مايزعجج
ردت عادي اساليني.
حجيت وياها. شوفي ساره اني ماريدج تضوجين مِڼـّي بس. اذا عندج علاقه او تحبين شخص افضل. تخلي يجي يتقدملج.
ولاتطلعين وياه حته مايضلمج العالم بتفكيرهم الخطأ
اني. صح ميحقلي ادخل بحياتج بس اختي كانت مثلج
وماعرفت تصرف اخر شي انتهئ بيها المطاف ونتحرت
لهاذه جاي انصحج نصيحت اخت. لاتخلي يلعب بمشاعرج.
وخلي يتقدملج وتصيرين مرته ب حلال. احسن مما يصير شي ويخرب الآۆلْ والتالي.
كعدت علئ الكرسي وجرت نفس وحجت والله ياشهد ماعرف شكلج. وضعي كلش صعب.
اني قبل فترا قصيره تطلقت. ولشاب الي احبه. يخاف يتقدملي ويرفضه اخوي. لان هوه مو م̷ـــِْن مستوانه
بس اني كلش احبه حته لْـۆ مو م̷ـــِْن مستوانه الكلب حبه بعد وماكدر ابتعد عنه حاولت هوايه اغير تفكيري #ڪــڔٰا̍ڕ
هو كان ويايه ب جامعه. وحبينه بعض بس اخوي زوجني. لصديقه هم ضابط بس اني مارتاحيت وياه
كان عقلي يفكر بهاذه الشاب وحته حياتي ماستقرت بقيت فترا قصيره وتطلقت وحالين هو جاي. يحجي ويايه.
ويريدني. اشوفه واطلع وياه بس اني رافضه الموضوع اخاف اخطأ بشي واتندم عليه واني عندي بنت
رديت عليها انتي بس. سوي مثل ماكتلج. وخلي يتقدملج. والله مراح يصير شي حته لْـۆ رفضه المهم يثبت حبه الج
عرفي اذا يحبج يتقدملج ويخطبج حته تعرفين مدا حبه الج.
اجت قربت مِڼـّي وحجت شهد اني ماعندي اخت الي تنصحني. كلش رتاحيت لكلامج ربي يوفقج.
ابتسمت ولزمت ايدها تدللين اني هم محرومه من الام ولاخت ومالي احد.
ردت عليه بستغراب. يعني شنو انتي يتيمه ومالج احد
رديت عليها بتوتر. لا عندي اهل وعمام بس اني اجيت لهنا حته اشتغل واكون نفسي.
ردت عليه الله يفتحها بوجهج انشالله راح اخذ بنصيحتج. واحجي وياه اذا قبل يجي معناها يحبني.
عافتني وطلعت. واني بقيت ارتب واشتغل.
كملت شغلي وصار. العصر. تعبت من الشغل ولحركه وايدي. صارت توجعني.
اني صح. ضمدتها بس. لسه. الجرح يوجعني.
صار تقريبا ساعه ب 6 العصر. رجع جابر م̷ـــِْن شغله بملابسه العسكريه.
دك الباب وفتحته اله. سلم عليه ودخل.
مشيت وراه. وحجيت. ءجابر. ممكن طلب.
دار وجهه عليه ورد اكيد تفضلي. شنو الطلب.
رديت عليه. ممكن تاخذني الام علاء اريد اشوفها واتشكرها. لان ساعدتني هوايه
رد عليه هسه اني تعبان الصبح اخذج رايح ارتاح وحته العشئ لاتكعدوني. ماشي.
رديت عليه ماشي
صعدت لغرفته واني هم رحت لغرفتي. بقيت ارتب بيها. صايره ام بيت. وارتب واشتغل تعودت علئ الشغل المستمر.
رحت سويتلهم. عشئ. ولكل نزل يتعشئ. وهيام بس تخوزر. بيه. عبالك. مسويتي جريمه.
خليت العشئ. وصاحت عليه هيام. روحي نادي لجابر
رديت عليها. لا جابر كلي ميريد ياكل وطلب ماكعده
هيه طفرت عليه وشنو انتي حته يحجيلج يمته ياكل ويمته لا خاله. شبيج ساكته ماتشوفينها شلون تحوم علئ جابر.
رديت عليها برودت اعصاب. شوفي عيني هيام اني لااحوم علئ جابر ولاعلئ اي شخص. اني جاي اشتغل. ومن واجبي. اسال الكل اذا كانو يريدون ياكلون او لا
تقربت مِڼـّي وحجت. اذا ماطلعتج م̷ـــِْن هاذه البيت سحل ماطلع هيام. سمعتي
ردت عليها ام جابر. هيام اكعدي اكلي لاتخلين عقلج ويه هيج ناس اصلا جابر مايهتم لهيج مضاهر.
كلش قهرني. كلامهم ماعرف شبيهم وليش يكرهوني.
ردت عليهم ساره هسه هيه طالبه زواج منه شبيكم انتو اكلتوها حاصل فاصل.
ردت عليها هيام بلا ساره اكرمينه بسكوتج انتي كلبج طيب وماتعرفين هاذي النماذج
رديت عليها اني. اول شي كول. باسمي مو نماذج واني اشتغل هنا بكرامتي ماسمحلج تجاوزين عليه ولو بكلمه. سمعتي.
قربت مِڼـّي تريد تضربني ولزمت ايدها بقوه وحجيت والله جان مديتيها مره ثانيه اكسرها وخليها كلاده بركبتج.
فتحت عيونها بعصبيه وام جابر كامت وصارت تغلط عليه وتسب بيه.
كلتلي ام جابر اطلعي برا. ماريد اشوف خلقتج بيتي بعد انتي بنت مو مال واحد يساعدج ويخليج بيته
عفتهم ورحت لغرفتي. ابجي. خليت كل اغراضي. ب جنطه. وصعدت لغرفت جابر. داكله رايحه
صعدت علئ الدرج وتلاكت ويايه هيام كلتلي وين رايحه مناك الباب يلا يلا
رديت عليها بعصبيه انتي مالج دخل ولبيت مو بيتج حته. تتحكمين بيه رايحه لجابر ينطيني حقي واطلع خما اشتغل بلاش.
ضحكت وطلعت فلوس م̷ـــِْن جنطتها وشمرتهم بوجهي وكالت هاج هاذه حقج.
لزمتهم وسحبت ايدها وخليتهم بيدها وحجيت خلي فلوسج تنفعج. ماخذ من هيج ناس اني
عفتها وطلعت وكلبي محترك منهم ومن تصرفهم ويايه ليش هيج ديعاملوني. شسويتلهم اني. اشو محترمه الكل.
صعدت لغرفت جابر ودموعي تشكي حالي. بجيت علئ حالي وشنو الي وصلني لهنا. خلصت حياتي كلها قهر وحزن.
ليش من غير كل البنات اني متعذبه وحزينه.
دكيت الباب. وهو مارد. بقيت ادك ب باب لاحد مافتحلي.
اني شفته وصرت ابجي بصوت مسموع وهو بقه بس صافن ولزمني وكلي شبيج ليش تبجين
رديت عليه. جابر. فدوه طلعني منا ماكدر ابقه بعد. والله ماكدر. اهلك كلهم معاديني وامك طردتني منا.
اني صح وعدتك اشتغل بس مابيدي شي بعد اني خلص تعبت ماكدر اكمل. واذا تريد رجعني للسجن.
لزمني وكعدني علئ الغنفه ورد عليه. كلي احجيلي شنو صار. وليش امي طردتج شنو سويتي انتي
بقيت ابجي ومارديت. عليه.
لزمني م̷ـــِْن كتافي بقوه وهمس م̷ـــِْن بين اسنانه احجيييي شكو ليش طردتج وليش تبجين. شخض ضربج
هزيت راسي بنفي. ورديت عليه. لا. مضربوني. بس والله. ماكدر ابقه هنا. بنت خالك متحاربه ويايه وتكول لامك اني اتقرب منك
وانو اني مو م̷ـــِْن مستواكم وكلتلي راح اطردج سحل منا. وامك هم وكفت وياها.قصص وروايات عراقية
جابراذا. تريد شغلني. بأي مكان اخدمك بس طلعني م̷ـــِْن بيتكم بعد ماتحمل هل اهانات كل يوم اني هم بشر وعندي احساس.
الله عليك طلعني. خليني اروح الام علاء. هناك ابقه يمها. ع اقل هل انسانه تعرف شبيه تمسح دموعي.
تواسيني اذا نقهرت هنا ماكو شخص. يهتم لمشاعري الكل يجرح بيه وعبالهم اني مو بشر مثلهم. ليش العنده فلوس يستحقر الفقير.
ترا عندي فلوس ومعايزه لشخص بس الضروف هيه الي خلتني. اجي وياك لهنا.
رد عليه. بسيطه اني اعرف شلون اتصرف. جهزي نفسج اخذج الام علاء.
هزيت راسي بأي.
درت وجهي. داروح. لزمني. وقربني منه وباسني بخدي
وحجه. اني. ادافع عنج لاتخافين اني موجود
دفعته واني ابجي. وحجيت. جابر ليش دسوي هيج. ليش دائما تقربني منك. شهل تصرفات.
ابتسم ورد. حضري نفسج وتعالي اخذج الام علاء.
حجيت ويه نفسي ليش ليش ديسوي هيج شنو غايته.
معقوله يحبني لا مستحيل اكيد راسم شي باله مراح اخلي. يوكعني. بشباكه.
عفته وطلعت وجهزت نفسي شفت.هيام كاعده علئ الطاوله وتتبسم. بحقاره.
نزل جابر وهيه راحت تركض عليه وتتمسكن وتبجي
وتكوله. جابر هاذي الخدامه كانت تعيط عليه وتكولي اكسر ايدج وخليها بركبتج كلاده
باوع عليها بحقد ورد. هاهيه راح اطلعها وماتشوفوها بعد.
هيه ردت عليه اي جابر فدوه طلعها هاذي متوحشه لاتذيلها شخص. وتنهزم. كلشي توقع منها
رديت عليها ماكو. غيرج متوحشه انتي الي تهجمتي عليه. وانتي الي ضربتيني. كل هاذه وجايه تتهميني بشي باطل.
حسبي الله ونعم الوكيل منج
ردت عليه بعصبيه اووي. شهل ناس الي بلا ادب. يلا اطلعي برا شكد لزكه. عابت
عفتها وطلعت برا. وبقيت ابجي وامسح بدموعي واواسي نفسي كافي كافي شهد كوني قويه الي. ديصير. لآزٍمٍ تتحملينه انتي الي ختاريتي هاذه الطريق
حسيت بيه طلع ورايه وكال يلا اصعدي اوصلج لام علاء.
صعدت وياه واني. امسح بدموعي. اباوع عليه بس يدخن وماحجه ولاكلمه يمكن ضاج لان تجاوزت علئ بنت خاله وحجيت هيج
مشينه بطريق بعيد وهو اتصل علئ ام علاء كلتله اني مو بغداد. رايحه. للبصره تشوف واحد م̷ـــِْن اقاربها مريض.
وكف السياره وباوع عليه وحجه.
ام علاء مموجوده بيتها. هسه هيه ب بصره. وين تروحين.
رديت عليه نزلني. هنا. اني ادبر امري الاتخاف عليه
ابتسم ورد ولج انتي من الكلام تبجين. تريدين تبقين ب شارع ودنيه ليل
ماتخافين شخص يتعرضلج. منو يحميج اذا تعرضلج شخص. شراح يكون موقفج. بذيج الحضه
رديت عليه. عادي. مو مشكله. المهم مارجع وياك للبيت ولاريد منيت شخص عليه. اني نهزمت حته اعيش حياتي مرتاحه. مو اعيش بضلم. اكثر م̷ـــِْن ضلم اهلي
جان بقيت عدهم وعلئ ضلمهم ولاهل اهانه منكم.
ع اقل هذوليك اهلي. واعرفهم يكرهوني علئ سبب بس انتو ماعرف ليش محاربيني.
شنو سويتلكم اني. بشنو غلطت حته تحاسبوني هل شكل.
رد عليه بروده. شوفي شهد. هاذي بنت خالي بنت معقده. وتحب التملك. هيه من زمان هيج
واذا علئ امي. فامي. تحب الكل وكلبها طيب ماعرف ليش ماحبتج. يمكن علئ موضوع الصحون.
رديت عليه. اي هاهيه المهم. اخذت منهم. كَلَّمَـےـاتِـ مانساها طول عمري.
حرك السياره ومشينه. وصلنه. مقابيل. شقه. ونزل كلي انزلي. يلا.
نزلت واني اباوع عليه سالته وين جبتني وهاذي شنو الشقه.
رد عليه هاذي الشقه مالتي. وراح اخليج تكعدين بيها لاحد ماترجع ام علاء تروحين يمها ماشي
هزيت راسي بأي. ودخلنه ب شقه كانت كلش حلوه. ومرتبه بشكل.
هو كعد علئ الغنفه الموجوده ب صاله. وحجه هاذه احسبي بيتج. لاحد ماترجع ام علاء تبقين هنا.
رديت عليه شكرا. ماقصرت. تعبتك ويايه مانسه معروفك الي.
وكف وقرب مِڼـّي وهمس. يم اذني. تدللين.
ابتعدت عنه بتوتر. وحجيت اي شنو راح تبقه يمي لْـۆ ترجع لبيتكم.قصص وروايات عراقية
ضحك ورد شنو ناويه تخليني يمج.
توترت م̷ـــِْن كلامه ورديت لا مو هيج قصدي بس يعني لان انت هنا سالتك هل سؤال.
رد لا بس هسه راح ابقه شويه واروح تبقين وحدج هنا
رديت عليه اوك ماشي. رايد شي. اسويلك
رد عليه اي اريد عشئ جوعان. سويلي اذا ممكن.
رحت للمطبخ. سويتله اكل. وجبته اله. لكيته. متمدد علئ الغنفه ويدخن.
شافني وعدل كعدته وحجه. يلا تعالي اكل ويايه.
رديت عليه لا. ب عافيه اني موجوعانه اكل انت. م̷ـــِْن اجوع اكل اني.
ابتسم ورد. لا عاد اني ماحب اكل لوحدي تاكلين لْـۆ اروح م̷ـــِْن بيتج بدون اكل.
رديت عليه. لا ليش مو تكول جوعان اكل وروح
لزمني م̷ـــِْن ايدي وكعدني يمه وكال اكلي ويايه. ترا ماعضج اني.
رديت عليه بخجل. لا. موهيج بس مجوعانه اني.
بس راح اكل. وياك. حته ماتزعل.
اكلت وياه وهو ياكل ويباوع عليه ونضراته احسهم ياكلوني اكل. كلبي يرجف م̷ـــِْن نضراته الي.
كلش توترت منه. حته الاكل ب كوه يدخل بطني. ب كوه ابلع الكمه.
خلصت. واخذت الصحون للمطبخ وهو لحكني يغسل كنت دارتب ب صحون وهو م̷ـــِْن ورايه خله اديه محاوطه. جسمي. وصار يغسل واني كدامه
احس. رجليه ماتن م̷ـــِْن الخجل. جسمي صار كله يرجف. وانفاسه احسها صارت يم عنقي. وعطره تلبس ملابسي.
كمل وبتعد عني ماعرف ليش ديخلني احبه. ويخليني اخجل منه. كل مره. بس هوه ماعرف اذا يحبني او يلعب عليه.
لان كان قبل شكل وهسه شكل ثاني مره زين ومره عصبي.
درت وجهي عليه بخجل وحجيت اءتريد جاي. لْـۆ عصير.
رد لا شكرا ماريد شي اني رايح. بالج علئ نفسج ولاتفتحين لباب لاي شخص. مفهوم اني عندي مفاتحيح الشقه.
اذا حبيت ازورج اني افتح الباب. سمعتي.
هزيت راسي بأي. وحجيت. جابر. ليش دساعدني. انت
ابتسم ومارد. علئ گلامي. رحت وياه للباب وعيوني بيها دموع ماكدر ابقه لوحدي. بس احسن مما ابقه وياهم ويذلوني.
ابتسم وحجه. ليش داحسج تريدين تبجين شبيج
رديت عليه. لا ماكو شي اني. عيوني متعوده علئ البجي.
رد عليه لا. تبجين هوايه ميلوكلج. البجي. بعدين خافي علئ عيونج لاتنعمي. ومنو يدليج علئ الطريق.
رديت عليه. انشالله احاول مابجي واكون قويه
رد يلا مع سلامه م̷ـــِْن تحتاجين شي اكو جهاز ارضي ورقمي عندج مو
رديت عليه لا. راحت البطاقه مِڼـّي. الي بيها رقمك
اخذ القلم م̷ـــِْن جيبه ولزم ايدي وكتب رقمه كلي هاذه رقمي.
اذا حتاجيتي شي بس اتصلي علئ هاذه الرقم واني اجيج. ماشي.
عافتي وراح. واني دخلت للشقه. وسديت الباب
رحت. للغرفه. لكيتها كلش جبيره وحلوه بنفس الوقت
فتحت الكنتور لكيت ملابسه وعطوراته. واغراض اله
ابتسمت وحجيت ويه نفسي. خله اغراضه يمي وهو ميحب شخص يمد ايده علئ اغراضه
رتبت اغراضي. وتذكرت ابويه واخواني. احس نفسي خايفه كلش من الي سويته. اكيد لسه همه مناسيني
وجاي يدورون عليه. اكيد اذا لكوني يذبحوني
بعدت هل افكار عن راسي ورحت سبحت وطلعت مخليه بس المنشفه. علئ جسمي.
ماحس غير جابر واكف ب صاله وشافني. اني. انصدمت منه. وخليت اديه علئ جسمي. واخذت الغطئ م̷ـــِْن علئ السرير.
وحجيت بعصبيه شرجعك عليه وشلون تدخل بدون مدك الباب.
ضحك ورد ترا نسيت سويج سيارتي ورجعت حته اخذه ماعبالي اشوفج بهل منضر.
كلش خجلانه م̷ـــِْن شكلي. رديت عليه. اوك اخذته مو اذا ممكن روح اريد ابدل ملابسي.
تقرب مِڼـّي وهمس يم اذني ترا لْـۆ اريد اتقرب منج م̷ـــِْن زمان تقربت بس اني مو هيج.
ابتعدت عنه وحجيت اي. اعرفك مو هيج لذالك روح منا. اذا ممكن
رد عليه شنو طرديني م̷ـــِْن بيتي ولج. ترا اني وياج شراكه بهاذه البيت.
غمضت عيوني بقهر ورديت. يابه نعرف بيتك لاتمن علينه بيه. بس. اريد ابدل اذا تريد ابقه بس اطلع م̷ـــِْن الغرفه.
طلع وسديت الباب. بسرعه بدلت. وطلعت مالكيته ب بيت.
رجعت للغرفه. ونمت. واني خايفه مثل كل يوم مايمر علي يوم اذا مانمت واني خايفه وابجي م̷ـــِْن الي راح يصير بيه ب مستقبل.
كعدت الصبح كلش تعبانه. ومريضه. حته جسمي مكسر. من الشغل ولحركه. وايدي توجعني.
رحت غسلت. وطلعت للمطبخ. سويت ريوك لنفسي وتريكت. بعدين رحت ابحوش ب بيت شبيه مابيه.
لكيت غرفه بيها. كتب واغراض. شغل مثل المكتب. بقيت كاعده واقرا ب كتاب.
كان موجود كتاب علئ العلم وعلئ التطورات وعن الاشعار وكذا. هوايه اشياء.
رتبت المكتبه.
وطلعت. اندك الباب كلش خفت ياربي منو جايني من الصبح.
رحت. علئ الباب ورديت منووو.#ڪــڔٰا̍ڕ
ردت عليه هاذي اني هم علاء افتحي شهد لاتخافين
كلش فرحت بجيتها عليه فتحت الباب وحضنتها بقوه وبجيت وهيه هم حضنتني وتسكت بيه.
دخلتها جوه وضيفتها عصير. كلتلي تعالي اكعدي يمي احجيلي شصار وياج. صار شهر تقريبا م̷ـــِْن رحتي ويه ضابط جابر
وين اخذج دائما اساله عنج وعن امورج يكولي زينه
رديت عليها شحجيلج ياخاله. والله تعبت عدهم كلش
طلعني م̷ـــِْن السجن وخذني. خدامه الهم. كل الوقت بس اشتغل وارتب. وهمه مراضين عليه
اخر شي لبارحه. طلعت روحي منهم. حجيت ويه بنت خال جابر وكلتلها اكسر ايدج وخليها كلاده بركبتج.
لطمت خدها وردت عليه عزا لعزاج ولج شلون تحجين هيج علئ اقارب الضابط. هو ماحجه عليج
رديت عليها لا ماحجه اصلا اني الي صرت احجي ومانطيته مجال يشرحلي شي وكتله اريد اروح الام علاء.
ضحكت وضربت خدي بخفه وكالت والله مصدومه. ولج الضابط عنده اهم شي عائلته ومايقبل اي شخص يتجاوز عليهم.
ماعرف شلون سكت عنج وماحجه شي. عليج.
رديت عليها ترا خاله اني ممسويه شي وهو يعرفني نضلمت
هاذي بنت خاله ضربتني راجدي. وبسببهم ايدي انجرحت واخوه اتعرضلي. شنو الي ماسو بيه. هذولي دمرو حياتي كلها.
ردت عليه بصدمه شنو منو تعرضلج وشلون.
حجيتلها السالفه كلها. وهيه خطيه بقت تواسي بيه وتنصحني.
كلش ارتاحيت للكلام وياها عبالك اعرفها م̷ـــِْن زمان.
ومن ابجي بحضنها ارتاح. عبالك امي.
خلصنه كلام وكلتلها اسويلج غدئ. تتغدين يمي.
ردت عليه اي والله جوعانه وتعبانه اجيت م̷ـــِْن البصره
وفورا عليج خابرني سيد جابر وكلي روحي عليها باقيه لوحدها ب بيت.
رديت عليها اي الله يحفضه ساعدني هوايه. ماقصر ويايه ابد الله شاهد. صح عصبي بس مايغلط بحقي
رحت سويت اكل. وام علاء نامت ب غرفه كملت اكل وطلعت. للصاله اخلي. شفت الباب اندك رحت ورديت منوو.
رد عليه اني جابر افتحي.
فتحت الباب وشفته ب زي العسكري. كتله تفضل
دخل وشاف الاكل جاهز ومحضره كلشي ومرتبته. ابتسم وكال شنو تعرفين جاي عليج اتغدئ.
رديت عليه لا والله ماعرف بس عندي ام علاء وهسه هيه نايمه. واني بقيت احضر ب غدئ.
كعد علئ الغنفه وكدامه الاكل كلي اني المركز قريب منا. كنت دائما اروح للمطعم واكل. كلت ليوم استضيف عند شهد خانم.
ضحكت ورديت اي. عيوني تدلل يمته متحب تعال لبيت بيتك. عين اغطئ وعين فراش.
ضحك ورد. عفيه عليج يابه طلعتي معدله وكفو منج
رحت. جبت بقيت الاكل. وجبت عصير وفواكه وهل امور.
حجيت وياه اني رايحه اكعد ام علاء تاكل ويانه.
رحت كعدت ام علاء وكلتلها. انو ضابط جابر موجود ب بيت.
خطيه هيه غسلت وطلعت سلمت عليه وهو سالها عن المريض الي راحت تزوره. وكلها. باجر تعالي للدوام
عدنه شغل هوايه.
هيه وافقت وكلتله وشهد شلون تبقه هنا لْـۆ اخذها لبيتنه.
رد عليها لا خليها هنا وانتي انتقلي يمها. اصلا كاعده بيتج لوحدج وجهالج يدرسون.
رديت عليه بس سيدي شون ابقه وحدي اخاف. خليني اروح وياها للبيت.
ابتسم ورد لا. ابقي هنا احسلج وهيه كل يوم تجيج واني هم ازورج كل يوم.
طمني بكلامه ورديت عليه اوك اذا هيج. بس ام علاء مو يوم يومين وتنسيني. ترا مالي غيرج.
ضحكت وباست خدي. شعندي غيرج بنيتي شهوده.
اكلنه وكملنه واخذت الصحون غسلتهم.
اجتي ام علاء للمطبخ وكالت ولج شهد ليوم عيد ميلاد الضابط. جابر. شرئيج نروح نعايده.
رديت عليها لا اني راح اسويله كيكه واعزمه بليل وافاجأه. شرئيج.
ردت عليه خوش فكرا بس اني. حروح للبيت احتمال باجر يلا اعايده. ماشي.
رديت عليها بحزن لا ام علاء حبابه بس ليوم ابقي يمي ولاتروحين. فدوه.
ردت عليه لا ماكدر والله واريد اطمن علئ جهالي. صح همه كبار بس كلبي نار عليهم لآزٍمٍ اشوفهم.
سكتت ومارديت عليها وهيه راحت. واني رحت يم جابر. باوعت عليه وبتسمت. وهو يباوعلي مستغرب
حجه شكو شو تباوعين عليه وتتبسمين اكو شي بوجهي. ومتحجين لْـۆ شنو.
ضحكت ورديت لا مو هيج. بس اريد اطلب منك شي وخجلانه شون احجي.
رد اي كولي. كتله اريد اروح للسوك اشتري ملابس وكم غرض. لازمنيي. واني بالي اريد اشتريله هوه هديه.
رد عليه ماشي يلا حضري نفسج داخذج للسوك حضرت نفسي ورحت وياه للسوك دخلت علئ محل
وشتريت ساعه بدون ماخلي ينتبه عليه.
خلصت. ورجعنه ب سياره صار العصر. حجيت وياه.
جابر.
دار وجهه عليه ورد هاا
رديت عليه اءتكدر تجيني بليل عندي موضوع وياك كلش. ضروري. يعني ب 9 تقريبا.
ضحك ورد وشنو الموضوع احجي هسه يمكن ماكدر اجيج. عندي شغل.
ضجت ورديت عليه لا فدوه تعال والله كلش ضروري.
رد اوك احاول. وصلني البيت وراح هوه.
اني رحت سويت كيكه. وشغلت اشموع. وسويت طاوله كلش حلوه.
صار تقريبا ساعه ب 9 وربع وهو ماكو. ضجت عبالي ميجي.
شفته ديفتح ب باب. طفيت كل الاضويه هو دخل. وشغل الاضويه واني. كنت جايبه ويايه اشرطه والعاب ناريه.
شغلتهم وصرت اغني
هابي بيرتي. توييو هابي بيرتي تووويو.
سنه حلوه يجميل. #ڪــڔٰا̍ڕ
هو بقه بس صافن بوجهي وضحك. كلي. شون عرفتي ليوم عيد ميلادي ولج وشهل. تحضيرات كلها.
رديت عليها عوفك م̷ـــِْن هاذه كله شريئك ب مفاجأه
رد عليه. كلش حلوه متوقعتها منج.
رديت عليه هاذي. اعتبرها. شكر مني الك علئ مساعدتك الي.
ضحك ورد. حلوه طريقتج ب شكر شنو هسه اقطع الكيك. لا.
رديت عليه لا طفي لشموع وتمنئ امنيه بعدين كص الكيكه. واكل منها.
طفه الاشموع ولزم ايدي خلاني كصيت وياه الكيكه كلش. توترت ماعرف ليش اتوتر م̷ـــِْن لمساته الي.
اخذ كيكه وكلني واني وكلته. وكنت كلش خجلانه
تقرب مِڼـّي. مسح كيكه م̷ـــِْن حلكي
لزمني م̷ـــِْن خصري وسحبني عليه اخذ بوسه دافيه م̷ـــِْن شفايفي. بقيت صافنه ورحت بغير عالم.
حسيت علئ نفسي ودفعته بقووه. وصحت عليه. شدسووي انته. ليش تتقرب مِڼـّي ليش.
هو بقه بس ساكت وماحجه ولاكلمه.
صرت ابجي وحجيت روح منا. ماريدك تبقه يمي اني غبيه وسويتلك. عيد ميلاد. جاي تستغلني. اطلللع
تقرب مِڼـّي ولزمني م̷ـــِْن خصري وسحبني عليه وهمس. اني مجاي استغلج. جاي اتشكرج علئ العيد ميلاد الحلو.
ابتعد عنه وحجيت. هادي موطريقه للشكر. لاعبالك اني من هذولي الي يسلمون نفسهم. الكم. لا غلطان اني عندي شرفي اهم من كلشي.
كعد علئ الغنفه ورد. ترا متستاهل كل هل عصبيه هيه بوسه. لْـۆ متقرب اكثر شجان سويتي.
رديت عليه. سيد جابر رجاء روح منا. ماريدك تجيني بعد روح منا.
وكف بعصبيه شنو طرديني انتي. ترا انتي الي طلبتي مِڼـّي اجي عليج بهل وقت. وهسه طرديني.
رديت عليه. كان عبالي انت تستاهل هل شي بس طلعت. سكتت ماكملت الكلمه.
باوعلي بغضب ورد. اوك. اني. صوجي جايج وعايف اهلي محتفلين لوحدهم. طلعتي ماتستاهلين. شخص يساعدج.
عافني وطلع واني بقيت ابجي. لـٰٕيش ليش سوه هيج كنت كلش ارتاح وياه هسه خرب كلشي
لميت كل الاغراض ولكيكه. خليتها ب ثلاجه ورتبت البيت. واني. كل ماتذكر الموقف. استحقر نفسي.
ماعرف ليش. م̷ـــِْن يقرب مِڼـّي اتوتر. ومن باسني مابعتده لاحد ماصحيت علئ نفسي.
ماريد اتعلق بيه وتالي. يطلع يضحك عليه وميتزوجني. واني اصلا مالي حق افكر بيه هو وين واني وين.
اني بنت مشرده ومالي احد. هو لوحيد الي ساعدني ودخلني لبيته وهتم بيه. اني عايشه ليوم بفضله هوه لْـۆ مانقذني م̷ـــِْن الطلقه جان هسه ميته
ليش حجيت عليه هيج. ليش فقدت اعصابي وزعلته مني. اووف عقلي راح يوكف م̷ـــِْن التفكير.
تمنيت يرجع واعتذر منه لاكن هوه طلع بعصبيه وحته ماسلم عليه ضاج مِڼـّي كلش.
رحت. للغرفه وشفت الهديه علئ الميز. بقيت حايره بين كلبي وبين كبريائي. شسوي هو منو ڱڵـه. يتقرب مِڼـّي. ميعرفني ماحب هيج. امور.
اخذت الهديه وخليتها ويه غراضه. وكنت كاتبه عليها بطاقه شكر. وكلام حلو بحقه.
رحت. اتصلت علئ ام علاء اخذت رقمها. م̷ـــِْن اجتي. اتصلت عليها وجاوبت. الوو هلا شهد شلونج.
رديت عليها موزينه خاله تعالي كلش. تعبانه. وصرت ابجي.
هيه خطيه نرعبت وصارت تحجي شبيج شهد احجيلي منو وياج. هسه ماكدر اجيج الصبح اجي لاتخافين
ولاتبجين. خوش. خليج بنت قويه مثل ماعرفج.
رديت عليها. تعالي. كلش محتاجتج. اخذيني يمج. ماكدر ابقه لوحدي.
ردت عليه بس جابر مايقبل. يكول هنا احسن الها
بجيت وسديت الاتصال رحت للغرفه ودموعي علئ خدي
بجيت بحركت كلب. ليش ماكدر اعيش حياتي مرتاحه ليش هل ضلم ياربي ليش جاي اتعذب هيج.
خليت راسي علئ السرير. واني. ابجي واتذكر كلام جابر الي حجاه عني. وكلي ماستاهل شخص يساعدني.
نمت. ودعيت ربي. يغير الاحوال ويفتحها بوجهي
