رواية صدفه غريبه الفصل الخامس بقلم جمانه السعيدي
زيد...بقيت واكف وحسيت بلاحراج
يمكن اني بمكان مااحل المشكله عقدتها
ابد ماتوقعت هاي البنيه بتهم
خطيه الله يساعدهم
حسيت اني لازم ادخل اهدي الموقف ولو هو موقف صعب
حيل
شلون خالتها ترديها تموت
وتشوفها تعاني كدام عينه وهي تتفرج عليه
دخلت وابو فاطمه بعدا يصيح ومنهار فد مره
وأم فاطمه تبجي خطيه كاعده وتبجي الله يساعدها
اخته مستحيل تتوقع اخته تريد ادمر حياته
دخلت وكتله
زيد...اهدء من رخصتك هذا الكلام بعد مايفيد
لازم تعالج بنتك بأسرع وقت
ابو فاطمه...ولله عقلي مجاي يصدك شلون هيج تسوي بينا
تشوفنا كدامها جاي نتعذب
وماخلينا دكتور مااخذناها اله وهي تتفرج علينا
اني ابد ماتوقعت مرضها شغلة سحر
ومن منو من خالته لا اله الا الله
زيد...العصبيه ماتفيد لازم تعالجه بأسرع وقت ممكن
التأخير مو بصالحكم
وكافي تلوم على ام فاطمه هي ماله دخل
قابل تعرف وراضيه بمرض بتها
ابو فاطمه...انت رحمه ونزلت من السما عليه لو ما انت
مجان عرفنا العله شنو
زيد...اني بخدمتك اي مساعده تحتاجه اني بخدمتك
ابو فاطمه...تسلم ياطيب
زيد...هسه اترخص منكم واذا تحتاجيني اني بلخدمه
بس اتصل عليه راح تلكاني كدامك
رجعت للبيت واني فرحان وضايج بنفس الوقت
فرحان فاطمه بعدها ما ماتت ويمكن ابوها يلحك يعالجه
وضايج لان شفت ابوها ضاج حيل وامها تبجي
رجعت للبيت وامي كانت منتضرتني
امي...هاا يمه شو اتاخرت
زيد...اسكتي ماتتوقعين شنو صار تعاي احجيلج
حجيت كلشي الامي
امي...يااا يمه تحجي صدك
خالته اخت امها هي الي تسوي بيه هيج
زيد...واني متفاجئ اكثر منج لو تشوفين منضر ابوها
لو امها شلون تبجي تكسر الخاطر
امي...الله يعينها على هذا البلاء
زيد...بقيت يومين ماتروح صورتهم من بالي الموقف صعب حيل
طلعت ادور شغل من جديد
والبزونه بعد ماطلعتلي الحمد لله
بعد اسبوع لكيت شغل عامل بمحل كماليات
مضطر اقبل بهاي الشغله
رغم اني كلشي مااعرف بشغله المكياج
اشتغلت اسبوع بعدين طردني صاحب المحل
يريدني اعرف المكياج الحمره والكحله واحجي واجامل البنات حتى يشترن
واني ابد مااعرف هاي الشغلات وماتعجبني
رجعت ضايج من نفسي اكثر من قبل
اليوم الي بعدا قررت اطلع ادور شغل
كعدت الصبح رن التليفون
باوعت الرقم رقم ابو فاطمه
جمانه السعيدي
زيد... السلام عليكم شلونك ابو فاطمه
ابو فاطمه..عليكم السلام ياوجه الخير كله
زيد...رحمله والديك الله يوفقك خير الي يصيبك
ابو فاطمه...انت شلونك الولده شلونها
زيد...الحمد لله بشر فاطمه شلونها
ابو فاطمه...اخذتها الواحد سيد بس شافه تخبل كال هاي وين جانت المسكينه
سوالها جلستين معالجه بلقرآن الحمد لله صارت شويه احسن وكدر يبطل السحر
بعد جلستين
وهسه اريد أخذها دكتور باطنيه لان صار عدها سوء تغذيه
بسبب السحر جانت ابد ماتاكل
الحد ماضعفت فد مره
زيد...الله يشافيه
ابو فاطمه...الف رحمه على والديك
زيد...اامرني ابو فاطمه اني بلخدمه
ابو فاطمه....اكول تشتغل لو كاعد
زيد...لا ولله كاعد جاي ادور شغل
ابو فاطمه ...شنو رائيك تشتغل وياي
زيد..اشتغل وياك شنو اشتغل
ابو فاطمه...هذا المجمع الجبير الي شفته جوه بيتي
اريد محاسب ثقه يدير الشغل بي
اني وحدي مالحك
وانت اكثر واحد ثقه ااكدر أأمن بي
زيد...انت محتاج محاسب صدك لو جاي اجاملني
ابو فاطمه...هي هاي الشغله هم بيه مجامله
زيد...واني قبلت الشغل من باجر تلكاني جايك من الصبح
ابو فاطمه اهلا وسهلا
ابو فاطمه ..ماسئلت على الراتب
زيد...مادام راح اشتغل بتخصصي اي شي منك مقبول
ابو فاطمه
ابو فاطمه...اني راح ارضيك
زيد..تسلم
جمانه السعيدي
سديت التليفون واني مامصدك الشي الي سمعته
دنكت سجدت بلكاع
اخيرا لكيت شغل وراح اشتغل
والاحلى اشتغل بتخصصي الف الحمد لله والشكر
زيد..امي تعاي لكيت شغل باجر راح اشتغل
امي...الحمد لله والشكر مستحيل رب العالمين ينسى عباده
حشى لله تعالى
ووين تشتغل
زيد...ابو فاطمه هذا الرجال الي رجعتله الجنطه
راح اشتغل محاسب بلمجمع مالته
امي...الحمد لله والشكر
ثاني يوم كعدت من الصبح واني كلي نشاط
اتريكت وبدلت وطلعت
وصلت المجمع بعدا مقفول
رنيت على ابو فاطمه بعدا نايم
ابو فاطمه...تعال اصعد اخذ المفتاح
صعدت فتح الباب
زيد..صباح الخير
ابو فاطمه ...صباح الخيرات كل يوم هذا النشاط لو بس اليوم
زيد..كل يوم انشاء الله
نزلت وفتحت الابواب لان هو مجمع جبير واله اكثر من باب
وفتحت المراوح والاضويه وبقيت انتضر ابو فاطمه
ساعه ونزل وجابلي وياا ريوك
زيد.. تسلم اني متريك
ابو فاطمه ...لازم تاكل من زادنا
اتريكت وكعد يشرحلي طبيعت الشغل بعدين اجو العمال
وكلمن يعرف شغله
جمانه السعيدي
اني كنت مسؤل على البيع بلمجمع واسجل الأشياء الناقصه
ابو فاطمه كان يتعامل وياي بمنتهى الثقه
واي شي اكول على هاي هي ابد مايكعد يناقشني
ويااكد على العمال يسمعون كلامي وينفذون اوامري
لكيت شكد خربطه بلسجلات
بقيت اسبوع يله رتبتهن
زيد..بعد شهر من الشغل ابو فاطمه اجاني
ابو فاطمه...تعال اكعد اريد احجي وياك
زيد..اي تفضل
ابو فاطمه...انت ساكن بيت ملك
زيد..لا ايجار بس ايجار قديم يعني مو غالي علينا
ابو فاطمه...إن اريدك تسكن قريب عليه
حتى تكدر تشتغل براحتك
بمكان ما كل يوم ساعه يله توصل الاهلك
والصبح ساعه يله تجي للشغل
زيد...مااكدر هاي المنطقه راقيه واحتمال الإيجارات غاليه هنا مراح اكدر ادفع الايجار
ابو فاطمه...مراح تدفع ولا فلس
زيد...شلون ماادفع فلوس
ابو فاطمه...اني بنيت فوك بيوت ثنيبن وواحد الي اني وام فاطمه وااحد الفاطمه تزوج بي حتى تسكن
مقابلينا
اكيد انت شفت البيت من صعدت
بيت فاطمه اني حاليا مسوي مخزن بضاعه
راح افرغ البضاعه الي بداخله واخلي العمال ينضفونه
وتعال اسكن بي انت وامك
ومنا لمن تزوج فاطمه الله كريم
جمانه السعيدي
زيد...لا مااريد أثقل عليكم اني راح ادور بيت هنا على كد امكانياتي وااجر
ابو فاطمه...شوف اني لو انطيك عيوني ذني مااكدر اجازيك
انت نقذت بنتي الوحيده من الموت
واني مامحتاج هذا البيت حاليا
واني مااكدر أأمن بيتي وحلالي بيد واحد غيرك
مو تتوقع اني صاحب فضل عليك
لا انت صاحب الفضل عليه لان انت عمله نادره
والي مثلك نقرضو من زمان
زيد...انشاء الله ولله جاي تحرجني بكرمك
ابو فاطمه...انت الي ماكو منك ابد
زيد...بس اكو سوال محيرني
ابو فاطمه ..كول شنو
زيد..انتم علاقتكم جانت زينه وياا احلام خالة فاطمه
ابو فاطمه...لا اذكرني
هاي الانسانه من زمان حقوده وحسوده
هي اكبرمن ام فاطمه ومازوجت طبعا هي موضفه
وامورها تمام
بس كانت دائما تشمر علينا كلام على اساس تتشقا ويانا
هذا الكلام كله غل وحسد
اول زواجنا اني وأم فاطمه شكد خلقت مشاكل بينا
ماهاين عليه اخته تتزوج وتعيش سعيده
كامت تاخذ كلام ووجيب يوميه مشكله بسببها
من صارت فطومه تخبلت علينا
حارت شسوي طبعا احنا أكثر من مره نلكه سحر ببتنا
ونبطله بس مامتوقعينه من احلام
ابد ماكانت راضيه بسعادتنا
حقدها وغيرتها من اختها خلاها تسوي هاي الشغلات
تريد تموت فاطمه حتى تحرك كلبنا عليه
هيج بدون سبب بس لان تغار من اختها الازغر منها
لان ازوجت زواجه مريحه وهي بقت بدون زواج
اني من رحت اتقدمت اخطب منهم مره
شفته وشفت ام فاطمه وكلبي ماراد احلام ردت ام فاطمه بلبدايه اهله كالو اخذ احلام هي الجبيره
بس اني صممت لو ام فاطمه لو مااريد
ومنا بدا الغل والحسد بس ماتوقعت يوصل حقدها
تريد تموت فاطمه ابد
