رواية زواج ست أشهر الفصل الخامس بقلم جمانه السعيدي
سمر جففت شعري وطلعت واصيل بعده يحجي ويه لبنى
حضرت الريوك وخليت كوابة الجاي
وكعدت اشرتله نتريك
اصيل حبيبتي اكلمج بعدين
سمر ضروري نروح بيت اهلك
اصيل ليش
سمر احس نفسي تعبانه وماشابعه نوم
اصيل بس نتغدا ونرجع بيتهم قريب بلشارع الي ورانا
يعني خمس دقايق ونوصل
سمر تمام
كملنا الريوك واني رتبت المطبخ ورتبت غرفتي
وشلت فراش اصيل خاف يجينا احد يباركلنا
اجاني اتصال من بابا يباركلي وكال اربد ابارك الاصيل
بعدين عزمنا على العشى
الساعه ١٢ بدلت لبست نفنوف اوف وايت كلوش
رفعت شعري كبايه ونزلت كذله ومكياج خفيف
الساعه وحده الضهر
اصيل هااا كملتي
سمر طلعت من الغرفه شنو رائيك هذا البس ملائم للعزبمه
اصيل اي كلش ملائم
رحنا بيت عمي بس عائلتهم محد اكو غريب
كعدنا نتغدا
عمي انشاء الله بس تتخرجين وضيفتج عندي
سمر شنو توضفني اني خريجة تربيه قسم انكليزي
عمي يمعوده منو يشتغل بلشهاده بعد
انتي بس تخرجي وشوفي
سمر ان شاء الله
كملنا غده ونقلت المواعين وياهم وساعدتهم بلمطبخ
ورجعنا البيتنا اني بدلت ونمت لان كلش تعبانه
ماكعدت اله المغرب الاذان بإذن
اذكرت اهلي عزمونا للعشى
طلعت لكيت اصيل يسبح
غسلت وجهي وبدلت وهو طلع هم بدل وطلعنا
وصلنا البيت اهلي بس فتحو الباب احس كلبي انفتح عبالك مشايفتهم سنيبن
احس حتى خاله حنان مشتاقتله واخواني
رتبنا السفره اني كعدت بصف اصيل
اجيب اكل واخلي كدامه
اصيل يمعوده كافي هذا هواي
حنان يكولون الحب يجي من الاهتمام
سمر شنو قصدج ترا اصيل ضيف واول مره يدخل ببتنا
حنان على كيفج هو اني شكلت
كملنا وبدينا ننقل بلاكل للمطبخ
حنان ليله وحده وهيج مخبوصه بي
والحد قبل البارحه تكولين مااريده
سمر يمعوده هاي شبيج غير ضيف عدنا
حنان اني هم اكول ضيفنا ولازم نرحب بي تحجي وتعوج بحلكه
رجعنا الببتنا بلطريق نزل اصيل جاب كرزات وحلويات
رجعنا للبيت اني بدلت لبست تراك ماروني وابيض قديقه وشلت شعري وعندي ملابس خليتهن بلغساله
ورحت اريد اسئل اصيل اذا عنده ملابس اغسلهن او اكويهن
اصيل جان يحجي مكالمه فديو هو ولبني
اصيل وداعت عيونج كاعد وحدي وانام هنا وحدي هاج شوفي حول الكامرا للغرفه حتى تتاكد لبنى هو كاعد وحده
واني دخلت
سمر اصيل وين ملابسك اغسلهن عندك ملابس اكويهن
طبعا لبنى شافتني بلكامرا
اسمعه تكول
لبنى هاي شعدها تفتر عليك تريد تغريك لابسه احمر وتفتر يمك عباله مااعرف هاي الحجج وهاي السوالف
ماتعبر عليه ابد
اني سمعته كلش ضجت شكد وقحه وسخيفه
راسا طلعت من الغرفه
اصيل ليش هيج تحجين ترا سمر كلش محترمه ومودبه
وماتجي يمي ابد جاي تشوف اكو ملابس تغسلهن
لبنى تعلمني بلنسوان لابسه تراك احمر وجايه يمك ترا مايحتاج الها فهم
اصيل اسكتي عيب هذا الكلام مايصير
سمر رحت بغرفتي بس ولله ضجت حيل من كلامه
شويه واجا وراي اصيل
اصيل ممكن ادخل
سمر كعدت على الجربايه وكتله تفضل
اصيل اسف اذا سمعتي كلام مو حلو بسببي اني اعتذر بمكانه سامحيني
سمر على فكره لبنى مو مودبه وماتعرف ريحة الأخلاق
هاي ثاني مره تهيني واني مادستله على طرف
اني اكدر ارد عليه بأسلوبه بس أخلاقي ماتسمحلي ابد
اصيل عوفيه انتي اعقل منه وافهم
سمر لا عادي بس اريد اكلك شي اذا مره لاخ اجاوزت عليه
مراح اسكت اله ابد
اصيل تمام تعاي اخذي كرزات وحلويات
سمر مااريد
اصيل اخذي حصتج مدام احنا متفقين نكون اصدقاء الحد مايخلص الوقت بسلام
سمر اي اجيت
رحت طلعت الكرزات والحلويات والفواكه وخليت بمواعين
اخذت منهن وخليت الباقي على الطبله بلصاله
وطلعت
رجعت لبنى اتصلت علي اسمعه تكله افتح كامرا خاف سمر كاعده يمك
اصيل هاي شبيج يمعوده عوفي البنيه بحاله ترا ماعدها هاي السوالف ابد
بقو يحجون هو وياها للساعه ١٢ واني كاعده بغرفتي واكلب بلفون حسيت بطني كامت تلويني
بلبدايه لويه خفيفه تجي وتروح
بعدين كامت توجعني حيل طلعت للصحيات
رجعت كامت تلويني اكثر
رحت على اصيل لكيته امدد وفاتح كامرا ويحجي ويه لبنى
سمر اصيل فدوه الحكلي راح اموت كلت هاي الكلمه وحسيت نفسي اريد اتقئ
طلعت ركض للحمام
اصيل شبيج اجا وراي شبيج
لبنى بلتليفون هااا بدن سوالف سمر عوفه حياله
تغار جي تحجي وياي
اصيل شبيج سمر حاجيني
سمر بطني توجعني احس مصاريني كاعد تتكطع
اصيل اخذج للمستشفى خاف تسمم
لبنى عوفه لا تأخذه حياله جذابه
سمر مااعرف يمكن تسمم لان اليوم اكلت يم اهلك ويم اهلي ونمت هواي تخربطت معدتي
احس مصاريني كاعد تتكصص
لبنى عوفه شبيه حياله ممنوع تاخذه اجذب عليك
تريدك تتقرب منه
اصيل روحي لبنى البنيه راح تموت وانتي بطرانه
قفل التليفون قرب غسل وجهي
تعاي بدلي واني راح اطلع السياره
دخلت للغرفه كوه سيطرت على نفسي احس نفسي تكلب
ماكدرت ابدل لبست روب طويل فوك ملابسي وطلعت
اصيل هااا كملتي
سمر مااكدر ابدل بطني توجعني حيل
اصيل يله اصعدي بلسياره
رحنا للمستشفى واني طول الطريق فاتحه جام السياره
لان نفسي تلعب
وصلنا ودخلنا للطوارء
الدكتور شبيه
اصيل تتقئ وبطنه توجعه
الدكتور شنو ماكله اليوم
سمر دكتور اليوم كلشي اكلت لان معزومين بالغدا والعشى
دولمه وسمج وبيتزا ومعكرونه وبرياني
كله اكلات ثقيله
ومعدتي مامتعوده هيج
الدكتور سجل قنينه فلاجبن كال تخلص وتسوون تحليل
اجت الممرضه واصيل لزم ايدي
وخلت الكانونه
طبعا تليفون اصيل ماسكت ابد
لبنى حركت الجووو شلون تاخذه للمستشفى هاي جذابه
اجذب عليك
تغار جي نحجي سوااا اني وياك
اصيل قفل التليفون نهائيا حتى لا تتصل بي
وبقه كاعد بمي
اصيل هااا شلون صرتي
سمر نفسي تلعب
اصيل هسه اسئل الدكتور وارجع
شويه ورجع ويااا ممرضه ضربتني ابره مال لعبان نفس
جان مهتم بيه بشكل مو طبيعي كاعد ولازم ايدي وكل شويه يجيب الدكتور لو الممرضه تشوفني
بهاي اللحظات اني وكعت بحب اصيل
اي اني حبيته وماكدرت اسيطر على مشاعري
بعمري ماشايفه الاهتمام من اي احد
الكل يعاملني بقسوه حتى ابوي
وهو جان مهتم بيه كلش
ماكدرت اتحكم بمشاعري ابد يمكن لان جنت اعاني من فراغ عاطفي
يمكن لان شفت اهتمامه بلبنى شلون
اني مااعرف السبب شنووو
بس اعرف شي واحد اني هاي اللحظه حبيت اصيل
وتعلقت بي ومستعده اقاتل حتى احصل على حبه
كمل المغذي وماقبل نطلع اله اسوي تحليل
ويشوف حالتي شلون صارت
سوينا تحليل الدكتور سجل على علاج اخذه من برا
حتى تستقر حالتي الصحيه
طلعنا للبيت الساعه بلثنتين بليل
وصلنا نزلني من السياره وهو كامش ايدي
دخلنا للغرفه نزعت الروب وتمددت وهو غطاني
اصيل هااا احسن
سمر اي احسن الحمد لله شكرا تعبتك وياي
اصيل احنا أصدقاء والصديق وقت الضيق
اذا تحتاجين اي شي صيحي عليه
او اتصلي بيه واني اجيج
سمر شكرا ماتقصر
طفه ضوه الغرفه وطلع
طلع تليفونه واتصل بلبنى بس ماردت علي ابد عود زعلانه منه
دزله بصمه اسف حبيبتي باجر اصالحج
سمر ياربي جمال وثقافه وشخصيه ويحب وحده تافه مثل هاي صدك الدنيا حظوظ
الصبح كعدت على ريحة الجاي عرفت اصيل كاعد
كمت عدلت شعري ورتبت شكلي وطلعت
اشوفه يتصل بلبنى وماترد علي
مشغول بلتليفون يتصل ومااترد علي دعيت من كل كلبي يدوم هذا الزعل بينهم وماترجعله ابد
وصلت يمه صباح الخير
اصيل صباح الخيرات شلون صرتي اليوم
سمر احسن الحمد لله اسفه سببت زعل بينك وبين لبنى
اصيل هسه نتصالح لبنى كلبه طيب
سمر كلت بكلبي انشاء الله ماتتصالحون ابد
غسلت وتريكنا ورتبت المطبخ
اصيل الجووو يخبل شنو رائيج نطلع نتمشى خل الشمس تضرب اجسامنا عفنا بلبيت
سمر اي هسه اسبح وابدل واجي
دخلت سبحت على السربع وطلعت ثوب يخبل بصلي
ورتبت شعري خليت مكياج وعطر
وطلعت علي تمام
اصيل اي تمام الحمد لله البارحه خوفتني عليج
سمر شكرا
طلعنا نتمشى الجو يخبل والشمس كلش حلوه
شهر الثاني الجو كلش حلو شهر شباط
جان كال اريد تختارين هديه البنى اريد اصالحه
شكد جنت سعيده وفرحانه بي
ضجت ضجت حيل ياربي شعاجبه بيه مااادري
لو مثل مايكول المثل الحب اعمى
اصيل اختاري عطر على ذوقج كون طيب
اني رحت اختاربت عطر يلعب النفس عبالك ريحة بخور المكابر وكتله هذا يخبل
اجا يشمه كتله لا مايحتاج عطره يخبل
انطا للولد وكاله رتبه اليه وخلي ويااا ورد
بعدين اتغاجئت بي مشتريلي عطر على ذوقه ريحته تخبل
شكد فرحت ياربي ليش احبه
رحنا للمطعم اتغدينا اني اكلت بس زلاطه ومقبلات ولبن
لان اخاف يصير بيه شي مثل البارحه
وصلني للبيت وكال اني رايح اصالح لبنى
اف ياربي اف منيين طلعتلي هاي الببغاء الله ياخذه واخلص كون ماتقبل تتصالح ويااا
قررت من هاي اللحظه اخلي بعقلي لازم يحبني ويعوف لبنى اني أولى بي منه
اني زوجته لازم يحبني ويعوفه
دخلت بدلت لبست ثوب فرو قصير ابيض وشبشب فرو
على شكل جلب
خليت مكياج وعطر وكعدت انتضره
للمغرب اتصل عليه كال اني ولبنى راح نتعشى برا
لا تنتظريني
سديت التليفون الله ياخذ لبنى شبسرعه اتصالحتو
بلكت تشم العطر وتركعه براسه
بقيت كاعده للساعه عشره بليل وهو ماراجع
العشره بليل الشتا هواي
ياربي ماعدها اهل يسئلونه وين رحتي هي لو عدها اهل
جان طلعت بهذا البس الفاضح
بلعشره وربع رجع من برا
بس شافني ابتسم الله حلو هذا الثوب عليج
سمر من ذوقك
اصيل انتي منتضرتني محتاجه شي
سمر لا ضايجه اذا ماعندك شي نكعد نحجي شويه
اصيل ماعندي شي
هو راح يبدل واني حضرت الكرزات والفواكه ولحلويات
وسويت كهوه جكليته
اجا لابس تراك وكعد
سمر هاا عجبه العطر
اصيل مااعرف مافتحته بلبيت تفتحه
