رواية تحت ظل السعف الفصل الخامس 5 بقلم ميار

احنه السم الارقم والنلدغه ايحير 

واحنه اللغز ذاك الماله كل تفسير 

كلفين ونعور والنريده ايصير 

والعايل نجيبه لون فوگ ايطير 

نجيبك گون معلگ فوك الغيم 

عريان السيد خلف

__♕____

مروى

-اليوم من الصبح والبيت مخبوص فاطمه حايره

بروحها وامي مسويه حملة تنظيف رغم امتحانات بس

الست الوالده قررت اليوم ماكو امتحان يعني تشغلين

واساسا بسبب مشاكل معاذ ومرته وسالفة الطلاك

مخليتنه كل شويه مشكله وجهاد هليومين ما يعجب

وابوي ضايج من وراه كاعد ويسولف لامي يريد يعرف شبيه

ابتسام: والله يا ابو جهاد ما اعرف شبيه شو صار 

يومين ضايج واخاف لا يرجع ينكس مثل بوفاة حارث

احمد: هذا الي مخوفني جهاد ما يفيد بي كتله عوف

السالفه يابه الله يحاسبهم ما يفيد يكول ما اعوفه

اذا ما اعرف منو وره موتتهم انكتلو غدر والي مخبلني

يشك بخواله تعبني ابنج تعبني فوك مشاكل معاذ وفاطمه يجي هذا يريد يذبح ويصلخ خايف منه اني

-عفتهم وطلعت اشر الملابس عيني صارت على الباب

وكفت ادحك من زرف اصغير صاير بالباب الجهال

يلعبون طوبه والبستان والخضار يخبل اتحسر من

اشوف الولد يفترون بالخضار واحنه محبوسات 

هاي اذا طگتنه الضوجه يطلعونه بالليل نتعلل 

لمحت ولدنا يمشون جايين من الگياعين عرفتهم

وسام وفرات وجهاد مو وياهم رغم فرات ما يفارگ

جهاد همه الثلاثه فرات جهاد ووسام ابد ما يتفاركون

انقهرت على اخوي شبي شنو الي شاغل باله ومضوجه

تبارك: هييووو كرش حوو 

- وسم حتى سم جفلتيني شبيج ومحد كرش حو غيرج

-انجبي والله اكول لامي عليج ادحكين على الزلم 

-: اياا كلبه ولي يلا شتريدين

تبارك:: باجر اخر امتحان خلي نقنع امي نروح لبيت خالي محمد اريد اشوف ريام والله عاجبني اتعرف عليها وناخذ

فاطمه شتكولين والله نتونس انظل من الظهر لليل نتعلل

مروى: اي وتريدين اني اكوللها واترزل ولي روحي انتي كولي

-لا تصيرين خبيثه زين انكول لجهاد يكوللها

مروى:: لا دخيلج هسه اذا انكوله وهو ضايج وامي ما ترضى يسويها عزا على روسنا عوفي ناسي خلي اني احاجيها

تبارك: اليوم حتى اكول لريتاج 

-كولي متفقات انتي وريتاج عليش الجذب 

تبارك: احبج فدوه للخدود اتكول مشمش

مروى:: ديلا يلا وخري اكمل الملابس 

كملت شر الملابس ودخلت فاطمه طبخت الغده وجهه

اصفر انقهر من اشوفها هيج وكفت اساعدها بس ماقبلت

فاطمه: روحي اقري مروى اني ما عندي شي خلي التهي بالطبخ وعود من احتاج اني اصيحلجن

-بس خاف تعبانه خلي اكمل وياج وره الغده اكعد اقره

هو بقى بس الفيزيا نمتحن باجر اخر امتحان ونخلص

-ان شاء الله تنجحن يعمري يلا عجل سوي الزلاطه

بين ما اكمل وخلي نحظر صياني الثريد بين مايجون

مروى:: سويت زلاطه وثردنه بين ما جو الكل والتمينه

عائلتنه حلوه لو ما المشاكل وكل كعده يوجعنه افراگ

حارث الي بقى غصه ذكراه عمت عيني عليه شاب بعمر

الورد ينغدر حارث انسان جان يحب الحياة وتعلقه بخالي

خالد عجيب امي تسولف عليه تكول من طفل يجي خالي

ياخذ ويلاعبه لحد ما كبر صار حارث وجهاد ما يفاركون خالي خالد ولان جان اعزب ما مهتم فلوسه كله على 

ولد اخوته وخواته بس من تزوج صارت مشاكل وصارت

بنته امه الي هي جديتي طردته من القريه واهله تبرو منه وخيرو

بين بنته والعيشه وياهم واكيد خالي اختار بنته اخذها وطلع بس الي اعرف بقى يراجع اهله يردهم يرضون بس

ما اعرف ليش جانو قافلين عليه وحتى ابوي ما يريده وشنو

سالفه زوجته ومنو هي وينها محد عرف او بالاحرى احنه 

ما نعرف وره الغده اخذت كتابي اقره للمغرب وامي صاحتني اشيل الملابس لا ياخذن رطوبه جاي اشيلهن ودخل زياد يفر بالسبحه وينشد 

زياد: اكول مروووومات اخت الحمامات اين الامهات 

مروى: قصدك امي وجديتي

-وهل يخفى القمر 

-فوت فوت تلكه القمر مگابل فاطمه وتهون عليها تا ترجع لزلمتها ومتگابلات هي وجديتك تفوتك الاحداث 

زياد: العبب وخوش تلعب يلا يلا لمي ملابسج 

مروى: عيب عليه ودخل ما يفيد بي شلتهن ودخلت للبيت.

♡♕♡

ريام 

هليومين التهيت بالامتحانات قررت اخر امتحان اكمله 

واروح للبستان واحجي لجهاد بلجي يساعدني واساعده

اريد هو يدليني ويعلمني شتصرف وشلون طلعت من الغرفه 

لكيت وسام ينتظرنه صعدنه وصلنا للمدرسه وراح متوتره

اريد انجح وخايفه لان هاي الفتره عقلي مشوش حيل سميت وبديت امتحن والحمد لله كدرت اجاوب بس فرع من الفرع اعرفه بس انمسح من دماغي جوابه وانقهرت 

عفته وكمت سلمت ورقتي وطلعت لكيت تبارك وريتاج واكفات اني وكفت على صفحه ما اريد اسبب احراج الهن

لان اعرف امهن وابوهن مايرضون يحجن وياي بس هنه

جن وكفن يمي ويكملن تخطيطهن لحفلة خطوبه حسين 

ريتاج: اكوول ريوم شقررتي هسه نروح باجر نشتري ملابس

ريام: لاااا ريتاج وين تردين مو انتي طالبه ثالث لا شلون

ترحين احنه نشتريلج عيب علينه نشغلج ونتعبج ابد

ريتاج:: هااا يعني لواته لا عيني تردن اطلعن ضيم الشغل

بيه اخخ اخخ فوك ما مكعدينها ابيتنه اتمن علينه بشغلها

ريام:: متت ضحك عليها اعرفه شكد اداهر وتشاقي ويا 

الكل ادحك تبارك من جوه تكرص بيها حتى تسكت 

عوفيها تبارك هاي ما نكدر للسانها ودوم نتشاقي هيج 

تبارك: والله لو بيدي اني اجيبج بيتنا شوفي هسه انتي

هم لاتصيرين فد مره خلينه بالمدرسة نتصادق ومحد

يدري وداعت عافية ريتاج ونتشاوف بالصفوف القديمه

ريتاج:: هيووو وعافيتي شعليه بالله طلعتي تجذبين

ريام: لا عيب عليج شنو تجذب هاي هي بعد حلفتي 

بعافية غاليتي لا تروح تسگط خطيه وتبقى على گلوبنه

تبارك: والنبي تصدكين خايبه منو يتورط بيها هي هسه 

وباقيه على گلبي انوب سميره محد يدحك عليها سوادها

ريتاج:: شنووووو منو ولج المو حلوه والله اخبل ولي 

ريام:: اششش فضحتنا خرب بحظجن خوش يلا امشن

هذا وسام جيه مشينا وتبارك هم راحت لسيارة السايق

وكعدنه بالسيارة وما طولت وطلعت رباب تركض صعدت 

ومشى وصلنا البيت مكيفاات فرحانات بالعطله ورانا عرس

من دخلنا جان حسين جاي مشغل ام بي ثري ويهز جدام

امه سلمنه وكفت ريتاج تهز وياه واحنه نصفك ونضحك 

بس واضح عليه شكد فرحان اذن ظهر وصاحت بي عمتي

طفه الاغاني واحنه كل وحده راحت تبدل حتى نكمل الشغل مشى اليوم والبيت جان عباره عن فرح للعشه

كملنا غسل مواعين وسمعنا صوت الباب توه ريتاج تريد

تروح سحبتها بس ما فاد بيها ركضت فتحت الباب شفت

نسوان دخل بدون ما اعرف منو ركضت دخلت للغرفه ما

اريد اواجه احد بقيت كاعده بس صوتهن يمي وابالي هسه شلون انطني خبر تمددت صافنه بالسكف رفعت راسي من

انفتح الباب كمت كعدت من دخلت بنيه الوجه يخبل بس ما عرفتها 

فاطمه: ما تستقبلين خطار 

-لا حبيبتي البيت بيتج تفضلي ابتسمت وكمت تسلامنه وكعدت يمي اني مرتبكه ما اعرف افتح

سالفه بقيت افر راسي ادحك على الغرفه فزيت 

من حطت ايدها على ايدي وكمشتها دحكت عليها

سبحان الله تحسينه عباره عن حنان عيونه الصفر

جمالها الطبيعي لا اني حجيت ولا هي وره شويه يلا هي حجت 

فاطمه: ريام انتي بنت اعز خال عدنه الج معزه بگلبي

گبل ما اشوفج ايام وسنين واني اتمنى اشوف ريام 

الطفله الي خابصنه بيها حارث وجهاد الي جان من

يجي بس يسولف بوكاحتها والسانها ودلالها حببوني

بيج حارث جان يگضي ايام يتوسل حتى يرجع خالي 

حتى تعيشين ويانه جان يكولي صيري اخت الها مثل

ما تعاملينه عامليها حيلل يحبج جان يشوف بيج تبارك الحمدلله من الله كتبلي اشوفج وريام حسبيني

اختج الجبيره لو مو اهلي وخوالي ما عليج بيهم خوش

ريام:: شكراً 

فاطمه: عرفتيني اني فاطمه اخت حارث وتؤمه

- انصدمت ما انتبهت عليها صدك تشبه حارث دموعي

كمت ما اسيطر عليهن فرحانه اكثر انسانه تمنيت اشوفها

شكد ما يحجي بيها وشكد ما مفتقده الام والاخت جنت

اتمنى ابوي يصالح اهله حتى اجي يمها سحبتني لحضنه

وهي تبجي واني ابجي وخرتني ومسحت دموعي ببتسامه

فاطمه: يلا ما اريد بعد تبجين كل ما تحتاجين دزي

عليه ماشي يلا وكومي نكعد يم البنات جن عليج بس

هاي الج شوفيها وتعالي خوش يلا اروح يمهن عيب

من عمتي والبنات وانتي الحكيني يلا يروحي فدوه 

ريام:: خلت ورقه بيدي وكامت طلعت من الغرفه اخذ نفس 

وفتحتها جان نفس الخط يابه والله فد خط حلو عمي ما اتعلم اكتب بهلترتيب ركزت بكلامه وفرحت من قريته كاتب

السلام عليكم ريوم بويه عساج بخير ان شاء الله 

ريوم يابه اني ما اريد ادخلج بهاي الامور واخاف 

عليج بس اذا اكو شي تعرفينه يساعدني اعرف منو

وره گتل خالي وحارث احجي انتظرج اليوم يم النخله

جهاد 

-زفرت نفس براحه جنت شايله هم شلون انطيني خبر حتى 

يجي حتى احجي ويا ضحكت بفرحه من اقره كلمه ريوم 

بابا جان دائماً يصيحلي ريوم وهو وحارث وجهاد وحتى فرات

ضميتها ويا ملابسي زين حتى لا احد يشوفها وعدلت حجابي

وطلعت دخلت يمهن جانن خوات جهاد وبنت عمي جاسم 

سلمت وكعدت يمهن عمتي امنه شافتها كعدت بنات عافتنا

وطلعت تونست حيل من البنات بدن يسولفن جانت بس رحاب ما جايه بس مهى بالاول حجن على الخطوبه ورجعن

يسولفن على ايام گبل وكل وحده لزمت وحده تسولف وياها واني سحبتني فاطمه وكعدنه نسولف وسوالفه الحلوه

فاطمه: اي شلون السادس وياج 

ريام:: لا وين اسهل منه فلا اكو شربت ماي 

فاطمه:: هههههه يمه الجذب واضح ولج صعب

-اي والله يلا اهم شي يطلع معدل زين وللي اريده

فاطمه:: اي اي شنو طموحج عاد

ريام: والله يا حبيبة اريد محاميه قاضي هيج شي

فاطمه:: لا ماشاء الله طموح يخبل دسكتي واستري علينه

تريد تصير محاميه ولج يجوز غير التربيه ما يخلونج تدخلين

-اي مو امشي بكيفهم تعبت وادرس الاختصاص الي اريده

فاطمه:: ديلا الله كريم يمعوده ما اريد احطم احلامج 

ريام انتي وجهاد مخوفيني ليش يريد يشوفج اكو شي 

ريام:: ترددت احجيلها وكلت ما اكوللها ليش يريد يحجي وياي .. همست بصوت ناصي ما اريد احد يسمعني من البنات شوفي فاطمه هو ما اني ما ادري بس يجوز لان

يريد يحجي وياي يشوفني خاف محتاجه شي لان اتذكر

مره ابوي وصاه عليه لا تفكرين جهاد تره بكد جدي حتى ليش احترمه من كثر الوقار خطيه شفته مشيب راسه

فاطمه:: هههههه سوادها ولج شكبره بعده كون تسمعج امي كل شي ولا جهاد يلا هسه اكوله عليج

ريام: اي كوليله عبالج اخاف اني حمدان شبعني كتل 

ما خفت منه اخاف من جهاد ولو جهاد خطيه وجهه

يكسر الخاطر حيل تعبان خاف لان ما زوجتو وهيج مشيب

فاطمه: ولج وين مشيب هاا ريام راح نخرب من اولها 

ريام: اداهرج شبيج حتى اضحكج بقينا نسولف وتونست 

وياهن لل11يلا مشن دربناهن للباب ورجعنا للبيت ركض

الجو بارد دخلنه كل وحده تفرش لنفسه واني عيني علساعه

رباب: اكول ريام باجر تكدرين انتي تخبزين واني اطبخ 

-اي عمري عادي تعلمت اشجر التنور والريوك على ريتاج 

ريتاج:: موو اني....... 

-افتهمناااا

ريتاج: و وجع شكو شبيجن

ريام:: عفيه عقدتيني هسه مو اني سادس هم مو مثلج

رباب: جذابه تريد تنهزم من الشغل الجيوفه 

ريتاج: الي يغلط يرد عليه غلطه ولن خلي انام 

ههههههههه

ريام:: فد وحده والله من تشتغل محد يلحكها نادره

ومعدله بس هي تحب تدلل على اهلها تمدتت اريد

بس البنات ينامن حتى اطلع عيوني على الساعه گلبي 

يدك سريع بين ما عبرت 12ونص اني انشل حالي رفعت

راسه اتأكد منهن نايمات وكمت اخذت العبايه والشماغ

بالهول لفيت الشماغ زين وحطيت العبايه وعلى كيفي 

طلعت بسد الحايط امشي لحد ما عبرت بيت عمي ورحت 

للبستان وصلت قريب النخله شفته واكف وظهر عليه توترت اخذ نفس اريد ارتاح گلبي دكاته احسن براسي 

دار وجهه عليه من حس بيه جيت اشر بيده تعالي تقدمت

جهاد: توقعتج تجين 

-اي كل موضوع يخص ابوي اجي 

-خوش اكعدي بمكانج حتى الي يمر ما يشوفج حتى نحجي 

وترحين لا يكعدون وما يلكونج وتصيرلج سالفه اي ريام 

ريام:: شنوو 

جهاد: سولفي شنو الي تعرفينه 

ريام: شوف جهاد اول شي تره مو اعوف السالفه لا اكولك

حتى اساعدك وتساعدني خوش يعني مو اسولفلك وتكول 

بعد ما عليج من هسه نتفق اني وياك وشنو تريد اساعدك 

جهاد: خوش

ريام: يعني متفقين مو تضحك عليه اني اعرف سوالفك

جهاد:: ولج بابا ليش ما تفهمين انتي اذا احد منهم

عرف بيج جاي تردين تاخذ ثار ابوج والله يأذوج ويطيحون حضج حتى هاي جديتج انتبهي منها

ريام:: لا ما عليه شي والله انتبه انت واذا انت ما كلت

لاحد بعد منو يدري وحتى ما اطلع للبستان بس من 

الكه شي يساعدنا افهمني والله ما اعوف وابطل ما احجيلك

جهاد:: خوش بالله شنو تريدين اساعدج بي

-علمني على اطباعهم وشلون اتصرف وياهم حتى اكدر اخذ 

منهم معلومه وافتهم همه الهم ايد بوفاة ابوي لو لا 

جهاد: شوفي ريام انتبهي وركزي زين بكلامي اول شي وجودج

بيت عمي محمد ما راح يساعدج بشي لان جاسم اول واحد 

اني شاك بيه فـ اذا تردين لازم تقوين علاقتج بجديتي خوش 

وهاا لا تكولين سهله جديتي تنطي للشيطان درس مو بسهوله تكسبينها ولا عبالج حاطه ضمن القائمه السوده

لا شيلها من بالج لو تعرف جاسم هو الي كتل خالد ما تعوفه

بيتها فـ الي اريده منج حاولي صداقي البنات وروحي لبيتهم

حتى تكسبين جديتج وراها نبدي نعرف نشتغل واضح كلامي

ريام:: واضح راح احاول اتودد عليها ولو هي زعلانه تريدني

اروح اعيش بيتها بس ما قبلت بس اني اعرف شلون اراضيها

-لا ياخذج الحماس كتلج مو هينه بس اي عفيه راضيها

وهسه ست ريام شنو الي تعرفينه وغسان شنو حاجيلج

ريام: شوف جهاد اول شي غسان خوش ولد وهو الي ساعدني بجثير امور صح يشتغل ويا ابوه بس كل شي

يخصني هو يدري بي يساعدني ويخربه وهو الي كالي 

انو كتال ابوي بهاي القريه وهو الي كالي روحي اخذ حق ابوج

جهاد: ههه خوش وانتي صدكتي بي من كالج يعني جاي

يساعدج ريام اول شغله اريدها منج لا تثقين بساع 

انتي هسه عايشه بين ناس ينتظرون الزله على البنت

وثانياً شنو مصلحة غسان يساعدج وانتبهي من جيتي

لهسه شسوو الامر طبيعي وينه حمدان تحاسب وره

ما جان ضامج اسنين هاي لو مو جاسم عنده شي ويا

حمدان جان گلب الامه على راسه بس عنده مصلحه

وهو الي رجعج للقريه فتحي زين وانتبهي لا تثقين

ريام:: كلامه احس مثل الكفخه على راسي وصحتني فعلاً 

تصرفاتهم وبردوهم اتجاه موضوعي طبيعي ولا عبالك

جان موتني ومسويلي كبر بكل بساطه عبالك مسيره ورجعت دخت من الافكار الي براسي شكو شنو مصلحتهم

جهاد:: لا تفكرين زايد الامور بسيطه ينرادله دليل واحد

قويه وهي تنكشف دليل يأكدلنه جاسم ومنو وياه بالجريمه

ريام:: زين راح احاول خلي اراضي العجيز واحاول لو حتى

اتسمع عليه او الكي شي ضامه واجي احجيلك تمام 

-تمام يابه

-سكتنا اثنينه هو كاعد وبيده عصا ويدك بيها بالكاع

واني عيني تتلفت عليه وعلى البستان جبير وبي اشكال

الشجر ما اعرف اكوم اروح بس لا هو ما كال روحي 

جهاد:: شبيج اكو حجي بگلبج كولي لا تخلينه بگلبج

ريام:: هاا لا بس هيج 

جهاد:: اي ست ريام 

-اي شنو

جهاد:: اني وجهي صار يكسر الخاطر 

-صفنت بوجه وظليت ساكته 

- اشوفج سكتي 

ريام:: هاا لا بس يعني اني كلت هيج حتى لا تشك 

جهاد:: ام السان ولج ما ينكدرلج كلت هسه كبرت 

وعقلت بس لا وين الظاهر بعدنه ويلا روحي وبعد 

لا تطلعين الا وره خطوبه حسين انتبهي زين لنفسج

ريام: ماشي بس شلون اذا ردت اشوفك حتى احجي وياك 

-سهله عود اني بس يصح يوم ادزلج وممنوع تثقين باي 

واحد وحتى فاطمه بعد لا تحجيلها ما اكول لا تثقين بلعكس

فاطمه اكثر انسانه احجي وتقربي الها بس اريدها بيناتنه 

ريام: اي هاي هيه يلا باي

-الله وياج

-ركضت رجعت للبيت دحكت البنات نايمات نمت واني

افكر شلون اراضيها العجيز ادور على جذبه مقنعه الها

♡♕♡

مهى:: حددو خطوبه حسين ورحاب بعد ثلث ايام بس 

شوفت فرحته خلتني اطير من الفرح الحمدلله راح يصيرون 

لبعض راحت امي ورحاب يشترن الفستان والغراض طبعاً 

احنه ماكو لا صالون ولا حفله بس مدري شعجب ابوي مقتنع بالحفله وحتى ما يقبلون يشوفها للعرس يلا بس

مدري ابوي جاي يريد يكسب عمي محمد حتى ينطي رباب

لعماد لو اكو شي ثاني نظفت البيت جديتي كاعده وحده

تفاجئت من دخل عمي محمد ويا ريام عرفتها من الثامها

محمد: السلام عليكم 

-عليكم السلام 

الجده: هلا يمه تعال 

-ضحك عمي لان جديتي ما سلمت على ريام عرفها زعلانه

تقدم يمها حب راسها وصد على ريام الي بقت واكفه بالباب

محمد: تعالي عمو سلمي على جديتج يمه اليوم ريام 

من كعدت وهي تريد تجيج وتعتذر لان زعلتج بعد هي تحجي الج يلا عمو تعالي واحجي لجديتج شفتي ابوج وشكال

-فتحت الثامها ودنكت حبت راسها وكعدت جدام جديتي

ريام: جده اليوم شفت ابوي زعلان عليه كالي ما ارضى 

على زعل امي ومن فزيت من نومي كوه اكلت بس اريد

اشوفج اسفه والله شعندي غيرج شو لا ام ولا الاخت 

انتي هسه حسبيني بنتج انتي من ريحة ابوي سامحيني جده

الجده: يا يمه يا خالد تعالي يعمري هيج يوصي بيه 

مهى:: كامت جديتي تحضن وتبوس بريام مدري صدك

ريام متأثره بس لا والله جديتي صدك تبجي وتشبك بريام

الجده: بعد ما ترحين ظلي يمي خوش 

ريام:: جده حبيبتي اجي خميس جمعه يمج اني تعودت

بيت عمي محمد وعمي هم اشوف ابوي بي تره جده

گلبي هم يوجعني هاي كل يوم عطله اني يمج ها لا

تزعلين حبوبتي فدوه جده هو اني من شفتج لهسه

احجي بجمالج جده لو كل الجدات مثلج لو ما تنراد

-هههههه يوو انزول عليج ولج وين بقى بيه جمال

ريام:: هاا جده انطير عيون 

مهى:: فتحت حلكي عليها هاي شلون كدرت تغير

مزاجها بلحظه خرب يومج ريام والله جديتي خدودها

تفحن من الفرح تكول واحد متغزل بيهاا كعدت تسولف

لريام على ايام شبابها وهاي دكت فج وذبت ميانه وتسولف

وداهر بجديتي وعمي يضحك عليها رحت جبت الجاي بس

شربو راحو رادتها تبقى بس كالتلها تروح تساعد البنات 

وره عرس حسين تجي تبقى يمها ثلث ايام جديتي صعبه

ومو بسهوله تتقنع وما عرفت صدك اقتنعت بحجي ريام

لو هاي لعبه منها حتى تجيبها لبيتنه لو اكو شي اخر مدفون 

براسهم هي وابوي.....