رواية عيون المها الفصل الخامس بقلم ظل الياسمين
قالو العين تعشق قبل القلب احيانا
فقلت عشق القلوب دم يسكن شريانا
بيبي صفيه/مهاوي بيبي اريدج تلتزمين بلحجاب والصلاه
_اي بيبي _بس اني مرات اتعاجز وما بيه حيل
_تعوذي من الشيطان جدج جان يكول علميهه وخل تلتزم
_انشالله بيبي
_اشلون بيه اني كلبي ❤️ يريده وهو يباوع لغيري باجر احجي لنسمه بلمدرسه واخليهه تشوفلي حل
_نسوم حبيبتي
_ها ولج جنج فرحانه __اوووف شكلج جني وكعت بلحب وجلبت بطاسه
_هههه منو تعيس الحظ
_ليش ولج هيج وكمت اسوالفلهه وهيه كل شويه تلطم على خدهه لان ذاك الوكت البنيه عيب تحب وعيب تبادر بلاعجاب
مشت الايام وضع البلد من سئ للاسؤ
تسلط البعثيه حتى على المدارس
فديوم رجعت وشفته واكف باب المدرسه
وهنا ردت اثير انتباهه
رجعت للمدرسه وصحت لنسمه وطلعنه نسوالف واني اباوعله وكلي اعجاب
هو مو يمي ابد ثاني يوم انتظرت نص ساعه اجه وطلعت وطلعت البنيه الحلوه شيماء وهو عدل وكفتهه وراح وراهه
شبعت قهر كلت ها هي خليه براحته رغم اكثر من مره حاولت اجذب انتباهه بس هو قافل
رجعت للبيت ولكيت بيبي مريضه ونايمه
تحزمت وكملت شغلهه بين جمعت المحصول ولميت البيض وسويت اكل الهه بس عقلي وبالي كله يمه حب مراهقه
اندكت الباب واني بملابس المدرسه اشتغل واجت امه
ام عبد/اشلونج خاله بيبيتج وين
_كل الهله بيج حجيه تفضلي اليوم مريضه ونايمه
_يا شجاهه عده العافيه
دخلت جوه وبيبي متمدده وترحب بيهه رحت قدمتلهه مي وجاي ورحت بدلت وغسلت
والمره ما خلت شي ما سالت عليه انتم منين وليش وحدكم وهذا بيتكم وبيبي اجاوب وعرضت على بيبي المساعده وكالت خل الولد يساعدون مها
واني فرحت لان اريد اشوفه وعدي لهفه احجي وياه وثاني يوم اجت هيه وياهه هو واخوه وشالو المخضر وطلعو للعصر جابت الفلوس بايعيه
بيبي انطتهم الي قاسمه رب العالمين
ومن كامت على حيلهه سوت ثواب وزعت للمنطقه كلهه وكلما تحتاج مساعده تروح الهم والولد ما يقصرون كامو هواي يتمادون ياخذون مخضر وبيض بدون علمنه يطفرون جهالهم وبيبي تكول ميخالف لوما محتاجين ما ياخذون
الى ان اجه اليوم الي شفته واكف اباب بيتهم ومدنك كلت خلي ابادر واسلم
_السلام عليكم
اشو هذا عافني ودخل للبيت متت قهر وكلت بكلبي مو صوجك
ثاني يوم طلعت للمدرسه وصاحت وراي جنتهم كالت بتي تريد تروح وياج للمدرسه اباوع للبنيه طويلة وحلوه مشينه وطول الطريق اسالهه وتسالني وعرفت اسمهه انتصار
_اكول نصوره عمج هذا الي يكعد بلباب مزوج شنو يشتغل
_انتصار/ هههه ليش اسالين
_لا ولج بس دوم اشوفه كاعد بره 😁
_اي احنه هواي بلبيت يكعد بره وهو طالب وما مزوج صارله اسبوع ما مداوم يكول مالي خلك اضن حبيبته عافته
_هههه وانتي منين تعرفين هذا كله
_هو يسوالف الامي
وصلنه المدرسه وكلمن لشعبته ومشت الايام ومره صاعدين بريم وشفته اخخخ من اكول رجف كلبي ❤️ قليلة الكلمه والارتباك الي حسيت بيه
صعد هو وصاحبه ويكله هاي ام عيون عليه ويشاقه ويضحك بصوت عالي
وينشد عيون المها بين الرصافه والجسر
احله شعور واحله ايام
كل يوم اشوفه كمنه نتبادل نضرات وحبيات اطورت علاقتنه كام يجيني للمدرسه ونطلع سوه الا ان اجه اليوم الي كال بعد ما اشوفيني
_يابه ليش
_رسبت وراح ياخذوني لجيش
كلش ضجت يعني بعد ما اشوفك
_اكلج تره اني ما عدي مصرف بلكي اداينيني
_صار كل الي عدي انطيه واني فرحانه
_مره اجاني كال اريد اشتري ملابس وانطيته وكلي الي اجمعهن انطيته لان وضعنه احسن منهم بهواي
وحبه عاميني وما اشوف غيره
نسمه/اكلج مها بعد تعذريني ما اكدر امشي وياج
_ليش يروحي تدرين ما عدي صديقه غيرج
_اخوي يكلي شافج تمشين ويه ولد وما يقبل حتى احجي وياج
_اي هذا اني سوالفتلج عليه جيرانه واني احبه وهو يحبني بس يخلص عسكريه يجي يخطبني
_فدوه مهاوي لا تزعلين اخوي ما يقبل بس يدري يبطلني
_ثاني يوم رجعت وحدي وامجد بلعسكريه وبيبي تسالني واني بين الاشتياق واحسب الايام
مرت السنوات واهله كلهم يدرون وحتى بيبي تدري وجيرانه وجماعته واصداقائه يكلهم تشتريلي ملابس وتنطيني مصرف
وصرت سادس واني كل يوم اتعلق اكثر اشكد نصحو شكد رادو اني عميه بحبه
الا ان اجه اليوم الي غير حياتي
اندكت بابنه لبس حجابي
طلعت شفت سياره واكفه بالباب وبيه مره ورجال وطفل
_تفضلو
_نزلت المره ودفعتني ودخلت
_عكد حاجبي ودخلت وراهه كولي عيوني تردين شي انتي مشتبهه منو انتي
_انتي بت حسن هذا بيت حجي فلاح
_اي منو انتي
_اني عمتج خيريه وصار هواي ادور عليكم
_صحت بيبي واجت جانت تشتغل بلكاع وتسوي تنانير وتتعب خطيه واني ابذر بلفلوس
_بيبي/تفضلي حبيبه
_اني خيريه بت حجي فلاح
_هله بيج ودخلتهه جوه وبقت تحجي اشلون وصلت النه باقيه تسال ومدليهه وبيبي اسوالف الهه عن الحجي اشلون اختفه وكامن يبجن ودخلت رجاهه وضيفتهم بيبي
_من كملت كالت اني اريد بيت ابوي
_بيبي مثل النصدمت وتفاجئت
_هذا بيتي الحجي اشتراه الي وبعد عنكم واني اعرف كلشي عنكم حجالي اشلون خالفتيه وزوجتي غصب عنه
_شوفي اكلج هذا البيت بسم ابوي وانتي تاخذين غراضج واطلعين
_عزه تحجين صدك وين نولي بلله اني مره جبيره ادبر امري بس هاي المسكينه بت اخوج وين تروح
_شوفي اكلج مال ابوي مزوجج ما اتصور ولاهاي بت اخوي
_وصار صياح بيناتهن وانطتنه مهله اسبوع وترجع تاخذ البيت
كعدت بيبي تنحب وتبجي واني شبعت قهر وين اروح واحنه لا حوله ولا قوة
كتله بيبي خل نشتكي عليهه كالت يمه احنه نسوان وين نشتكي
اني كملت امتحانات وصرت انتظر النتيجه واجه امجد من العسكريه هو صوته حلو ويجر موواويل كلت البيبي رايحه لنسمه
وطلعت وتقابلنه وحجيتله الي صار
كتله حتلو بس خطوبه وانكدر نواجهه عمتي وانته ويانه
_تدرين بيه احبج وما عدي امكانيه
_والله اعيش وياك على حصيره جاي نتبهذل ما عدنه سند ولا عدنه رجال يعينه
_خلص انطيني افلوس وباجر اودي امي
_صدك اني مجمعه 40الف تكفي النه
_بليل طلعي وجيبيهن
طلعت من نامت بيبي ومحد يدري من اهله لابسه حجاب وصايه لكيته واكف انطيته الفلوس وركضت للبيت
ثاني يوم عدلت ورتبت البيت وسبحت وعدلت روحي وماكو خبر
اني من كثر ما احبه انطيه اعذار
كلت مشغول وخلص الاسبوع واجت عمتي وكامت تصيح وجايبه وياهه حموينهه طلعو غراضنه بطرمهه وبيبي تدعي وتبجي كام رجلهه يهدد ويتوعد
