رواية ابي عذابي ومأساتي الفصل السادس بقلم سمر اسامه
كعدت الصبح. واني نايمه بحضن جابر وكنت كلش فرحانه انو صرت مرته. وبنفس الوقت خايفه
خايفه م̷ـــِْن ردت فعل اهله هو كلي انو الًيَوُمًِ نروح عليهم. ونحجي ب موضوع. بس اني كلش خايفه ومتردده.
رحت. سبحت وطلعت م̷ـــِْن الحمام. شفته بعده نايم وشكله كلش حلو. شعره نازل علئ كصته.
شكله كلش برئي ب نومه بس ب حقيقه عصبي وميتحاجه.
كعدت يمه علئ السرير واني افكر شراح يكون موقفه كدام اهله وشلون راح يقنعهم. احنه ينحسب زواجنه زواج سري. يعني بدون علم اهلنه.
خليت ايدي علئ شعره وصرت ارتب بيه. هو حس عليه فتح عيونه بطئ. وهمس. صباح الخير يحلو.
رديت عليه بحب صباح النور. اكعد. تريك.
كلي نامي. هسه ماريد ريوك. انتي ماتعودتي عليه اني ماتريك الصبح م̷ـــِْن وكت.
رديت عليه لا الساعه هس 10 الصبح وين الوكت ب موضوع. كوم تريك. وروح للشغل. راح تتاخر.
حرك. نفسه. وراح للحمام اني رحت حضرت الريوك وكلبي كلش خايف. ماعرف ليش.
حسيت الباب اندك. خفت كلش منو يجيني. وجابر يمي. اكيد ام علاء.
رحت فتحت الباب وكنت لابسه. روب نوم. ولافه شعري. ليفوك. بس خليت عليه شال. ماحب اطلع هيج
فتحت الباب. وشفتها. هيام واكفه. ولابسه تنوره قصيره وفوكاها شاكيت. اسود.
فتحت عيونها بصدمه. ودفعتني. ودخلت وصاحت بوجهي انتي شدسوين بشقه. جابر احجيييي.
رديت عليها. انتي مالج دخل. اروح وين ماريد. ليكون جايه تحاسبيني حته علئ الشقه.
بقت تصيح وتغلط وتكولي انتي بنت شوارع وبدون تربيه. باقيه. تتمتعين ويه جابر ياخذ. منج الي يريده ويطردج.
وبهل اثناء طلع جابر م̷ـــِْن الحمام. وصاح شهد منو اجه
هيه بقت مصدومه. وماعرفت. شنو تسوي.
ركضت عليه ولزمته م̷ـــِْن قميصه وصارت تصيح وتغلط وتكول. شدسووي هاذي بيتك. احجييي جابر.
شعندك وياها. احجييي ليوم احجي كلشي لخالتي اكولها علئ كلشي. سويته ويايه وتالي. خنتني ويه هاذي.
نسيت شلون كنت. تحبني. وكنت تطلب مِڼـّي اجي عليكم. شنووو تغيررر احجييي.
رفعت عيوني واني اباوع عليه بقهر. ليش. اذا كان يحبها ليش. علقني بيه. وتزوجني مجاي افهم شي. شنو الي صار.
رد عليها جابر. اني تزوجت م̷ـــِْن شهد. وهل شي انتهئ م̷ـــِْن زمان اني وياج ماكو شي يربطنه. سمعتي.
بقت تبجي وتكوله لا جابر فدوه لاتحجي هيج والله احبك وكل هل فترا كنت منتضرتك. حته تتقدملي. كنت اغار م̷ـــِْن كل البنات الي تتقربلك.
وليوم اجيتلك للشقه حته افاجأك. بس انت صدمتني.
رد عليها بعصبيه. اني ماخذ وحده. تلعب علئ الصوبين. انتي. تجين عليه وبنفس الوقت تروحين علئ ابن عمي. ليث.
اني بقيت مثل الاطرش كلشي مافتهمت. يعني كان بينهم علاقه. وهو يريد ينتقم منها تزوجني. يعني ميحبني.
ردت عليه هيام. اي صح. رحت ويه ليث وقضينه وقت سويه بس ترا ماحبيته مثلك. وتندمت علئ هاذه الشي. صدكني ماحبيت غيرك.
رد عليها بعصبيه. وصوت عالي. اطلعي ماريد اشوف وجهج. اني. ماريدج كوه يعني. اني تزوجت شهد حته اكسر خشمج.
حته تعرفين اني ماعندي شي اتجاهج. ولاحبيتج بيوم اني. احب مرتي. وماريد. غيرها.
ردت عليها بضحكه ههه هاذي مرتك هاذي. منين جبتها من يامستنقف. م̷ـــِْن يازباله. عبالك ماعرف حركاتك.
اني. باصبع واحد مِڼـّي اخليها برا حياتك انت الي مو لغيري. جابر انت الي ملكي اني. وهاذي اذا. ماتطلع برضاتها غصبن عليها اطلعها.
صاح بيها. امشي لج. جايه بيتي وتهدد ماتخوفين جلبي يلا براا ماتشرف بنت خال مثلج
بجت وصارت تحجي. راح تتندم. ياجابر راح تتندم والله. راح اخليك تتوسل ارجعلك.
عافتنه وطلعت وسدت الباب بقوه اني بقيت بس صافنه بوجهه ودموعي تنزل. مَآعِرَفتّ شحجي شكول
ليش لعب عليه هل لعبه ليش تزوجني علمود مصلحته حته بس يتخلص م̷ـــِْن هيام تزوجني حته يكسر خشمها. يعني ميحبني.
عفته ورحت للغرفه. ابجي. دخلت للحمام بدلت ملابسي وطلعت. مالكيته ب بيت. ضجت كلش. ليش هيج سووه ويايه
راحت اتصلت علئ ام علاء وطلبت منها تجي عليه. سالتني. عن جابر وشلون زواجنه. ويمته نروح نكول الاهله.
مارديت عليها وكلتلها تعالي واني احجيلج كلشي صار
لاطولين كلش ضايجه. وجابر عافني وراح مدري وين
بقيت. شويه كاعده علئ الغنفه. مر تقريبا. ساعه واندك الباب بقوه كلش.
كلش رتعبت وخفت ياربي منو جاي يضرب الباب هيج.
وجابر مموجود.
رديت مءمنو. صاح. بصوت عالي افتحيييي الباب عارررر.
ليوم ادفنكم بيتكم ياكلاب افتحيييي الباب وصار. يدفر ب باب بقوه اني. ارتعبت كلش ورحت اركض للغرفه. وقفلتها عليه واني ابجي وارجف م̷ـــِْن الخوف
ياربي ساعدني شهل ورطه لوكعت نفسي بيها هاذه منو وليش يريد يقتلني. اني شنو ذنبي.
حسيت الباب اندفر ونفتح. اجه يدفر ب باب مالت الغرفه الي اني بيها واني بكل دفره اصرخ بصوت عالي.
وستنجد. بلكي شخص يسمع صراخي ويجي يفرغني. منه. انفتح الباب. بقوه. وشفته رجال ضخم وجهه محتقن. وعيونه صايره بكصته.
وكعد علئ الارض. ولميت رجليه. علئ صدري وصرت اصرخ منووو انته اطللللع برااا اطلع. وينك جاااابر
ضحك بصوت عالي ورد. ليوم اخلي جااابر يبجي عليج.
الًيَوُمًِ العب بشرفه مثل مالعب بشرف اختي وتالي عافها.
بقيت مصدومه م̷ـــِْن كلامه هاذه شيحجي شنو اخته وشرفها يعني جابر. متقرب من هيام لهل درجه واصله وياه يضم عليه هيج شي.
رديت بصوت عالي. اطلللع اني شعليه باختك روح منا
تقرب مِڼـّي ولزم شعري بقوه وهمس م̷ـــِْن بين اسنانه.
طلع جابر خوش مختار.
هل مره ماحجي علئ اختياره كلش حلوه وناعمه وعيونج ملونه اووف. ولجسم. نارر. احسده عليج.
دفتعته بقوه وكنت اريد اطلع لزمني م̷ـــِْن خصري وشمرني. علئ السرير. واجه قرب مِڼـّي واني ادفع بيه واصرخ.
عووووفني الله ينتقم منك عوووفني. جاااااابر وينك
شمر الشال م̷ـــِْن راسي وكان يريد يبوس عنقي بس اني. ضربته بقوه وركضت للصاله اريد اطلع
طلعت اركض. وهو يركض. ورايه. لزمت سجين ورديت والله اذبحك اذا تقرب مني. اطللع. حقيررر حيوان
ضحك وحجه. بصوت مستفز. وكال يلا اذبحيني بس ماعوفج ليوم اله اخلي جابر يتندم عباله ضابط ويكدر عليه. لا غلطان اني. مايهمني. حته لْـۆ ادخل سجن.
المهم. انفذ الي براسي واختي ماخلي شرفها يضيع بهل سهوله وابقه ساكت.
بقيت ارجف ولازمه سجينه بيدي. صحت بوجهه بعصبيه. اني شعليه باختك. شعلييييه. ليش جاي تنتقم مني. لْـۆ بيك خيرررر روح لجابر.
لاتجي. علئ الضعيف تطلع رجولتك. اطلللع.
اجه بسرعه ولزم سجينه وشمرها. واني اصرخ م̷ـــِْن لمساته الي
شمرني علئ الغنفه وصار. يشم بعني. ويريد يغتصبني.
بقيت ادفع بيه واصرخ بصوت عالي. عوووفي.
وخرررر عووفني جاااااابر. جاااابر.
حسيت الباب. انفتح بقوه. ونسحب الرجال مِڼـّي. ونضرب.
ابتعدت واني ارجف وابجي بكلب محروك.
شفته جابر. لآزٍمٍ الرجال ويضرب بيه بعنف. كسر سنونه تكسر.
اخر. شي طلع المسدس. واني ركضت عليه لا لا جابر لاتوصخ ايدك بدمه. فدوه. عوفه.
شال راسه. ورد علئ جابر وكله. عبالك من تضربني راح. تنقذ مرتك. والله قسما اذا ماندمتك ياعار.
تلعب علئ اختي.قصص وروايات عراقية
دفره جابر برجله بقوه علئ بطنه. ولزمه م̷ـــِْن قميصه وصاح بوجهه لككك. والله. اذا شفتك قريب من مرتي. اذبحك. وشمرك للجلاب.
رد عليه بعصبيه. انشوف منو يذبح الثاني وعافنه وطلع.
اني بس. ابجي ارجف. تقرب مِڼـّي جابر ولزمني م̷ـــِْن اكتافي. وحجه هدي هدي. دفعته بقووه وصحت لاتلمسسسسني.
كله بسببه. ليييش ليش ضحكت عليه وخلتني اوكع بهيج. سالفه. بقيت اضرب بيه علئ صدره وابجي. ولقهر. مبين علئ ملامح وجهي.
ليش جابر. ليش.وكعتني. بمصيبه اني. اطلع م̷ـــِْن ضيم ادخل بضيم اكبر. كنت مسوي علاقه ويه بنت خالك
احجي. كان اكو شي بيناتكم. احجيييي.
لزمني م̷ـــِْن اكتافي بقوه وثبتني. ورد. اي كان بيني وبينها علاقه.
بس اني. مامسيت شرفها. صدكيني هيه تريد بس. تسوي مشاكل. وهاذه اخوها. الاه. اعدمه. والله ماخلي. ينفذ بعملته.
دفعني. وراد يطلع لزمته م̷ـــِْن ايده بقوه. وحضنته وحجيت لا تعووفني. لاتعوووفني. جابر. صرت اخاف لوحدي.
هسسسه يرجع عليه ويتهجم عليه لاتروح وتعوفني لوحدي.
لزم وجهي. بثنين اديه ورد. شحده يوصلج والله اله اكله بسنوني. تعالي. اكعدي هنا لاتخافين ماروح.
كعدتني علئ الغنفه واني ارجف من الخوف وابجي. احس كلبي يريد يطلع م̷ـــِْن مكانه من الخوف كل جسمي. يرجف
لزمني. من وجهي وحجه كافي تبجين شبيج اني يمج لاتخافين بعد مايكدر يوصلج ابد. اهدي شويه
بقيت حاضنته وابجي. ورد عليه جابر. ليش تزوجتني. وكعت نفسك وكعتني بمشكله اني. ضعيفه ومالي احد.
ليش خليت الي يسوه وميسوا. يحجي عليه وعلئ شرفي. يكول عليه اني بلا شرف وماخذني. تتسله بيه وتقضي وقت
مثل ماسويت ويه اخته انت. ليش ماحجيتلي عن هيام ليش ضميت عني الموضوع.
مسح دموعي. بيده ورد. اششش كافي تبجين اني احبج. والله احبج لاتخليهم يلعبون بعقلج. اني لْـۆ ماحبج ماتزوجتج.
صدكي كلامي. ولاتهتمين الهم اريدج تكونين لبوه مرت اسد. ماريد شي يخوفج.
باوعت علئ عيونه بألم ورديت. اني. ضعيفه ضعيفه مو قويه. والله ماكدر. ادافع عن نفسي تهجم عليه مثل الوحش. المفترس.
طلعت كل قوتي عليه وماكدرت. كنت اناديك بصوت عالي وانت ماكو. خفت. كلش خفت.
باسني. براسي ومسح دموعي. ورد كافي. اني يمج وهسه حضري روحج اخذج لبيتنه. مابقيج هنا بعد.
رديت عليه بس اهلك شلون. اكيد هم راح يتهجمون عليه. ويضربوني.
ابتسم ورد لا بابا شسالفه ترا اني مو جاهل وبكيفي اختار الي اني اريدها. مالهم حق يدخلون وهسه كومي. بدلي. وخلينه نروح
رحت. ابدل واني. ابجي بقهر وحركت كلب ياربي ليش ديصير بيه هيج ليش ماكدر اعيش يوم حلو بحياتي
كله ابجي. واخاف عيوني راحت كد مابجيت. تعبت م̷ـــِْن هاذي الحياة. تعبت من هل اختبارات
بدلت وطلعت ورحنه. لبيتهم. هو كان كلش متوتر وبس يدخن. وكل شويه اتصل جهازه.
وصلنه البيت واني كنت كلش خايفه من ردت فعلهم.
فتحنه الباب وصار الهجوم م̷ـــِْن ام جابر وخالت جابر.
لزموني م̷ـــِْن ايدي وصارو. يضربون بيه. لزمني جابر وسحبني علئ حضنه. وصاح بيهم.
كاااااافي. شدسوون انتو. شنو ماتستحون علئ نفسكم. اني مو رجال كدامكم شلووون دمدون اديكم علئ مرتي. شلووون.
ردت عليه امه بعصبيه. ولككك جابر. تزوج. هاذي الخدامه. وتضرب ابن خالك. خليت عداوه بيني وبين اخوي.
والله ليوم اذبحها بيدي. شلووون تسوي هيج بأمك ولك شلون انطاك كلبك.
لْـۆ اني لْـۆ هيه ب بيت ماخليها. تفكر تفكيرر واحد انو تدخل بيتي. والله اموتها بيدي.
اني كنت لازمه. جابر م̷ـــِْن قميصه. مخليه راسي علئ صدره م̷ـــِْن الخوف. ماريدهم. ياذوني.
اجت هيام وسحبتني م̷ـــِْن ايد. جابر وكانت تريد تضربني. لزم ايدها جابر. وضربها راجدي طير وجهها
هيه وكعت ولزمت خدها وصاحت بصووت عالي. تضررربني. جاااابر. تضربني. علئ هاذي الخدامه. والله ليوم اهجكم البيت.
ضحك بصوت عالي ورد عليها. امشي ولي من خلقتي رايحه. تتبيتين ويه ليث. ومخليه سالفه براسي عبالج غشيم ماعرف سوالفج.
طفرت عليه ام هيام وصاحت احترم نفسك جابر واذكر هاذي بنت خالك ماسمحلك. تحجي هيج عليها.
ابتسم ورد ترا ماحجيت شي غلط اسالي بنتج وين تبات. ويه منو لْـۆ ماعدكم. حساب وياها جايين طلعون. رجولتكم. علينه.
ترا ماتخوفون جلبي. مو اني لتهدد بيتي. وخابرت دوريه. وابنكم هسه ب سجن. روحو فكرو شلون طلعونه.
والله اله اخلي. يبجي دم لان فكر ليمس شعره م̷ـــِْن راس شهد. احركه وهو عايش. مخلي اخته. تتفتل ب بيوت وجاي. يحاسبني. علئ افعالها.
صاحت امه بصوت عالي. جااابر شبيك تخبلت. هاذي البُـنًتٍ اكيد ساحرتك. والله ساحرتك. ولك هذولي بيت خالك شلون تسجن ابنهم
رد عليها بعصبيه. يمه هاذه العار ليوم تهجكم علئ مرتي. تعرفين شنو مرتي يعني. مس عرضي.
والله اذا ماخليته يعفن ب سجن ماطلع. ضابط جابر.
كان يحجي ولشراييين. تبين بوجهه من العصبيه.
اني. بس واكفه واصفن ماحجيت ولاكلمه ولافتحت حلكي. بشي.
لزم ايدي وصعدني. لغرفته. وامه وخالته وهيام بقن ب صاله يحجن ويغلطن. وسبن بيه واني غلست علئ كلامهم. وماحجيت كلمه
فتح الباب ودخلني. وحجه. ماعليج بكلامهم سمعتي. واي شخص يجي عليج او يضربج بس كوليلي
اني رايح. للمركز. اريد أدب. هاذه ابن الخال.
لزمت ايده بخوف ورديت لا جابر فدوه لاتعوفني وحدي.
هاذي هيام وحده مخبله اخاف منها تتهجم عليه وتضربني.
لزم وجهي بايده ورد. لاتخافين اني يمج شحدهم يضربونج. اني. ماتاخر ساعتين ورجع لاتخافين م̷ـــِْن شي.
واذا خايفه سدي الباب ولاتفتحينه لاحد مارجع عليج تمام. هزيت راسي بمعنئ اي.
وهو عافني. وطلع. راح للمركز. واني بقيت ب غرفه
كلش كنت خايفه بس. رتاحيت م̷ـــِْن شفت شخص يدافع عليه كدام الكل وساندني. طلع جابر هو سندي ب حياة.
رحت. تمددت علئ السرير ونمت. ولخوف محاوطني.
شويه ونلزمت م̷ـــِْن شعري بقوه.
فتحت عيوني بوجع وصحت اااخ. منو بعدي عني شفتها ام جابر وهيه وجهاا. محتقن وعيونها تجدح م̷ـــِْن الحقد.
لزمتني بقوه ويه تصيح ولج حقيره كلبه شسويتي لابني. احجيي ليوم ادفنج هنااا وماخلي شخص يعرف شي عليج
كالت هيام انتي مو راحه وماصدكتها. طلعتي صدوك. رخيصه وتوكعين الشباب. بشباكج.
ابتعدت عنها واني ابجي ورديت عليها. مموكعه شخص بشباكي. ابنج هو الي تقدملي. وكان يريد يتزوجني
اني مالي علاقه. ولاطلبت منه شي. هو ساعدني. وبعدين طلب ايدي.
بعدين اني شبيه. حالي من حالكم هم بشر. مثلكم ليش هل كد مستحقريني. ترا مسويتلكم شي. حرام عليكم
صاحت بصوت عالي ماتشرف بيج تكونين جنه الي. ولج انتي وين وابني وين. وين صايره خدامه تاخد سيدها.
انتي اكيد سحرتي. لابني مامعقوله. هو مايفكر بهيج ناس. انتي شسويتي. بأبني. احجيييي.
دخل جابر وصاح. ييييمه.
هيه دارت وجهها عليه. وردت لا تناديلي يمه اني مو امك. اني مو امك.
امك ماتت م̷ـــِْن يوم. فضلت الخدامه عليها من يوم خربت. علاقتها ويه اخوها.
انت ماحسيت علئ نفسك. ولك يمه. جاي. تغلط والله جاي تغلط. هاذي البنت راح تجيب اخرتك.
حجه بصوت غضب مايهمني. شي واني. تزوجتها وخلص. ليش مجاي. تتقبلون الموضوع.
ترا اكدر اعوفكم واطلع بس انتي واختي كاسرات ضهري. ماكدر اعوفكم لوحدكم. يمه. خلي بكلبج رحمه. ليش جاي. تضلمين شهد.
هيه. برئيه. وممسويه شي اني. الغلطان هنا اذا عندج كلام. وجهي. الي احجي بوجهي.
لاتجين تتهجمين عليها. ترا هيه مالها ذنب وعاشت بضيم. محد يعيشه.
ردت عليه. اي لان بنت فكور. وماعدها اصل. هيه شلون تزوجك وين اهلها وين. الناس الي تعرفهم. انت تعرف شي عليها.
لْـۆ هيج ع عمياني اخذتها. ماسالت عن اصلها ولافصلها. اجيت اخذتها بدون متعرف شي. وجاي تحاسب امك شلون تغلط بحقها
انت شنو مابقه براسك عقل. فضلت هاذي علئ بنت خالك هيام الحلوه ولمثقفه. الي كانت دائما تحبك وتهتم الامرك
بلحضه نسيت كلشي ورحت اخذت هاذي شنو الي عجبك. بيها. شفتها. صغيره وعيونها ملونه واخذت عقلك. موو
رد عليها بعصبيه يمه اني ماريد هيام هيه كانت كل الوقت. لازكه بيه. وتلعب ع صوبين.قصص وروايات عراقية
تسوي نفسها تحبني وهيه مسويه علاقه ويه ليث ابن عمي. لاتغشمين نفسج انتي اكثر وحده تعرفين هيام
بعدين. تحجين علئ شهد ع اقل شهد محافضه علئ شرفها. وبنت. خجلوه وتعرف الاصول. صح. اني ماعرف شي عن اهلها
بس باقرب وقت بس اعرف راح اروح عليهم اني وعمامي. واخذها منهم. وخلي كل العالم تشهد. علئ كلامي
ردت عليه. انت بهاذه كلامك. تتبره مِڼـّي. اني. اذا هيه. تبقه عدنه اني اطلع لْـۆ هيه لْـۆ اني ب بيت.
مسح وجهه بتوتر ولزم ايد امه وباسها وهيه بعدت ايدها عنه بـسٰـرعَه.
حجه وياها. يمه. لاتخلني. افقد اعصابي ليش مجاي تتفهميني انتي ميهمج. اكون مرتاح. ليش دورين علئ. قهري وضيمي.
اني اذا. ابقه ويه هيام راح تتمر حياتي مراح اكون مرتاح. صدكيني. اني. ماكدر ازعلج.
والله مايهون عليه اشوفج زعلانه مني. بس ترا هاذي حياتي. ومن بعد بابا بس انتي الي بقتي ساندتني.
ليش بهاذه الًيَوُمًِ تخلتي عن ابنج. ليش جاي تحسسيني اني مالي قيمه عندج. وين راحت امي لاعرفها.
امه كعدت علئ الغنفه وصارت تبجي وهو يهدي بيها
ويشرحلها موقفه وانو هوه مايحب. هيام.
سكتت وماحجت شي بس بعدها. زعلانه علئ جابر عافته وطلعت. واني. كعدت علئ السرير كلش متوتره وخايفه.
اجه كعد يمي ولزم ايدي وحجه. شبيج انتي الثانيه. اهدي وحده تجيني الثانيه. شبيكم عليه تخبلتو.
خليت راسي علئ صدره وحجيت بقهر. جابر ليش جاي تتحمل كل هاذه ع مودي. ماريدك تخسر امك بسببي.
اني مو لهل درجه ماعندي. كلب. واخلي امك تغضب عليك. اذا. هيه مموافقه عليه. طلكني وهاهيه.
شال راسي م̷ـــِْن صدره ولزم وجهي. بعصبيه ورد. شبيج شهد. هاذه كله. وادافع عليج وتجيني تكوليلي طلكني. مخبله انتي
بقيت مركزه ب عيونه. وبجيت. ورديت عليه. جابر ماريدك. تخسر عائلتك بسببي. اني. ماتحمل اشوفك هيج. اريدك تكون مرتاح ويايه.
باسني. بعيوني وهمس. وجودج يمي. كافي. اني مرتاح هيج. لج هاي اول مره. اعارض اهلي علئ شي. مكمت متوقع. راح احبج هل كد
صرتي. كلش مهمه بحياتي. صرتي كلشي بحياتي.
تقربت منه وبسته بخده ورديت. انت احلا شي صار بحياتي.
والله كانت حياتي عباره عن ضلام. بس م̷ـــِْن دخلتها دخل النور وياك. كنت اخاف ﺄرتـبط. واخاف من العلاقات.
بس م̷ـــِْن تعرفت عليك كل. لمسه وكل نضره م̷ـــِْن عــيونك. تخليني. ارجف. احس نفسي مو قويه كدامك
خله راسه علئ راسي. ومهمس بحب. لاتخافين م̷ــني.
راح اكون الج درع الي يحميج م̷ـــِْن كل شي.
مراح اخلي شخص. يمسج بشي ولايمد ايده عليج.
تصدكين م̷ـــِْن لكيت ابن خالي. يتحرش بيج. تمنيت احركه وارتاح منه
بس. تعرض عيون امي كدامي. خليته ب سجن وكل شويه اتصل علئ الضباط يروح واحد منهم يبسطه.
ضحكت ورديت. عوفه يستاهل. عبالك ثور. هجم عليه بدون رحمه. لزمت عليه سجين. كتله اضربك بيها
بس هوه ماخاف منها وصار يضحك عليه مدري ليش
ضحك ورد هو انتي م̷ـــِْن ضلج تخافين. انوب تضربين شخص سجين
غير تموتين وراه م̷ـــِْن الخوف
باوعت وخزرته ورديت. لا غلطان اني. ماخاف ابد وقويه فوق متصور. بس. هو تهجكم. عليه بعنف.
تقرب مِڼـّي. ودفن راسه بعنقي. وهمس. عوفينه منه. لاتضوجين نفسج بيه اني احاسبه الج
ابتعدت عنه وحجيت. هسه اريد اسبح شلون ملابسي بقت ب شقه.
ضحك ورد عادي البسي من ملابسي
ضحكت ورديت لا وين يصيرو ويايه انت ضخم واني ناعمه.
اكو فرق بينه كلش كبير. وماصير البس ملابس رجال.
تقرب مِڼـّي. ولزمني من خصري. بذوبان. وهمس. عادي
اني قابل انطيج م̷ـــِْن قمصاني. تلبسينهم. ماعندي مانع
وصار يبوس بعنقي. بهدوئ. واني احاول ابعد نفسي عنه. احس لمساته تخلي كل جسمي يرجف
همس. بذوبان. شبيج تتحركين. استقري شويه. بادليني البوسات. ليش تتهربين.
ابتعدت عنه ورديت. كافي جابر شبيك. خنكتني
ضحك ورد. غير انتي ماتبادليني. كلت اشد عليج حته تتحرك مشاعرج.
ابتسمت وبسته بخده ورديت. بس اني مشاعري دائما متحركه عليك.
هو ماصدك حجيت هيج. لزمني. وشمرني. علئ السرير ونزع قميصه.
واني. ادفع بيه لا جابر عفيه مو هسه ماعندي ملابس فدوه جااابر لا
دفن راسه بعنقي وصار يبوس ويشم بشعري. واخذ بوسات. هادئه م̷ـــِْن شفايفي. خلاني صرت بغير عالم
بعده يبوس واندك الباب هو بسرعه شال راسه واني بتعدت عنه. وعدلت. ملابسي وابست شال
فتح الباب. جابر وطلعت اخته ساره. خايفه وتبجي.
لزمها جابر وكلها شكو ساره شبيج ليش تبجين.
ردت عليه ساره اءامي. امي. واكعه ومجاي تكعد ويايه ماعرف شبيها لكيتها فاقده.
ركض جابر لغرفت امه واني وساره لحكناه. لكيناها واكعه علئ الارض. وماتتحرك.
لزمها جابر وخلاها بحضنه وصار. يضرب علئ خدها ويحاجيها. ماما. حجيني. افتحي عيونج.
شالها بين اديه وركض للسياره. صاح بساره. بسرعه افتحي الباب. راحت ساره تركض فتحت الباب.
اخذها ودخلها ب سياره وساق بسرعه. ساره بقت تبجي وخايفه كلش علئ امها.
لزمت كتفها وحجيت اهدي انشالله مابيها شي.
دارت وجها عليه بعصبيه وصاحت بصوت عالي. انجبي. كله بسببج امي تمرضت
الله ينتقم منج ياحقيره. والله اذا صار شي بأمي اموتج بيدي.
عافتني وراحت لغرفتها تبجي. وحزينه. رحت وراها. ودخلت شافتنه وصاحت اطللللعي برااا شكو داخله
لزمت ايدها وحجيت ساره. ع كيفج والله مالي علاقه اني. بعدين انتو ليش متحاربين ويايه اني هم نفسكم بشر
واخوج هو الي ختار يكون ويايه انتو ليش متحبوني
بعدت ايدها عني ورفعت اصبعها بتهديد.
شوفي شهد اطلعي براا لا قسما بالله تشوفين شي ميعجبج. انتي شنو متفهمين شلون تزوجين ب سر ماعندج الاهل ولاقارب. يحاسبونج.
اطلعي. براا. جايه. تعلمني منو احب ومنو لا. وتالي طلعتي. مطبقه اخوي. مع الاسف عليج.
رديت عليها بقهر. اي ماعندي اهل اني يتيمه. اني مالي احد اخوج الوحيد الي ساعدني وكان سند الي. بس ماعرف ليش الكل محاربني.
انتي الوحيده. الي كنت ارتاحلها وماشوفها مثلهم. لان كان عبالي ماتهمج المضاهر. مثل مانتي. هسه رافضه وجودي. وياكم لان فقيره
ترا راح ينقلب عليج الموقف وحبيبج هم ڣـقير. تحبين هيج ينحجي. عليه. شعبالج الفقير مو مثلكم. ترا كلنه بشر وحالنه م̷ـــِْن حالكم
تحجين علئ اهلي اني اهلي ميتين امي ماتت واختي ماتت اني مالي احد غير جابر هو الوحيد الي تفهم وضعي.
ليش مجاي تتفهوني. اني مراح اسببلكم مشاكل اني بنت فقيره وحالي حال كل بنيه يتقدملها شخص وتوافق.
ليش جاي تحاسبوني. علئ زواجي م̷ـــِْن جابر ليش
بقت ساكته وماردت عليه. وعرفت كلامي صح. لان هيه تحب واحد فقير
كعدت علئ السرير وصارت تبجي وردت شهد انتي متعرفين بيت خالي. كلش متحاربين ويه اخوي. همه م̷ـــِْن زمان يكرهونه
خايفه. ياذونه بشي. هذولي مايهمهم قرابه او شي وهيام. كلتلهم انو جابر متقرب منها. وهسه همه متخبلين. علينه
امي. م̷ـــِْن خوفها علئ ابنها دسوي هيج. ماما ماعدها غيرنه احنه 3 جابر وهيثم واني. واحد كان صغير مات
م̷ـــِْن مات اخويه هيه بقت بكلبه صدمه وصارت تخاف علينه م̷ـــِْن الهوئ.
ويوم الي اجيتهم وكلتلهم ممرتاحه بزواجي فورا طلقوني. حته مايشوفون دموعي. ولايشوفوني. مكسوره.
هاذه زواجكم غلط. جان. انتضرتو. يهدئ الوضع وتزوجون. علني كدام الكل. هسه. صرتو علج بحلوكم
اي واحد يسمع. هل كلام راح يوكف ضد جابر لان. هسه بعيونهم هو لاعب علئ شرف بنت خاله ورايح متزوج ب سر
افتهمتي ليش احنه. مراضين عليج. ولاه احنه شعدنه وياج لانعرفج ولاتعرفينه. بس خوفا علئ اخوي يتاذه.
بلعت ريكي بتوتر ورديت. انشالله مايصير شي. بعدين اخوج ضابط ميكدرون يوصلوله.
وهو كلي انو راح. يتفاهم وياهم. وابن خالج راح يبقي ب سجن. ومايخلي يطلع حته مايتعرضلنه بعد
ردت عليه انشالله مثل ماتكولين
كعدت يمها علئ السرير ورديت. فدوه ساره ماريدج تكونين ضدي
والله ماحب اشوف عائله جابر كلها تكرهني. ع اقل بس انتي. كوني ويايه والله. مراح اخلي شي يصيب اخوج
باوعت عليه وبتسمت وردت. لاتخافين اني مو ضدج ولاكرهج ب عكس ارتاحلج بس الي صار مو شويه وماحب اخلي امي تزعل.
اذا اوكف ويه جابر وياج راح. تحس امي نفسها وحيده ومالها شخص. لهاذه اني وياها. وشتكول اكلها اي
رديت عليها عادي حته لْـۆ ماتدافعين عني المهم راضيه عني. بعدين وين بنتج ملاك. اشو ماكو م̷ـــِْن اجينه
ضحكت وردت. ليوم ملوكه سجلتها ب روضه وكنت وياها م̷ـــِْن رجعت لكيت قايمه القيامه.
ضحكت ورديت اي والله لْـۆ شايفه اول مادخلت. لزمتني. امك وخالتج. وكانو ناوين يموتوني. لْـۆ ماجابر. سحبني م̷ـــِْن اديهم
ضحكت بصوت عالي. وكالت خطيه. صرتي بزونه بين عتاوي. ههه
حسينه الباب اندك راحت ساره فتحت الباب شافت جابر. لآزٍمٍ ايد امه ويدخلها.
رحت عليها اني وحجيت الحمدالله علئ سلامتج.
خزرتني. وماردت عليه.
ساره حضنت امها وهيه تبجي وتحجي ماما. حبيبتي خوفتيني عليج يروحي. ليش هيج تسوين بنفسج.
ردت عليها لاتخافين يروح امج مابيه شي بس صاعد ضغط مالتي. واخذت علاج هسه شويه وصير زينه
اخذوها. للغرفه. مالتها. ونامت.
صار العصر. ساعه ب 5 تقريبا. اجتي ساره كالت. شهد اني رايحه اجيب ملاك م̷ـــِْن الروضه اذا سال عني اخوي. كوليله.
رديت عليها اوك بس لاتتاخرين خاف امج تكعد. وتحتاج شي اني ماكدر اروحلها. لان ضايجه مِڼـّي.
هزت راسها مبعنئ اي وراحت
رحت للمطبخ اسوي. عشئ. اندك الباب. ستغربت منو
جابر كاعد يم امه وساره هسه طلعت منو اجانه.
رحت فتحت الباب. كان اخو هيثم وياه. مرته. وجوهم مترتره وضايجين.
سالني. بعصبيه وصوته الخشن وين جابر.
بلعت ريكي بخوف ورديت. هاا جابر. موجود عند امه. ب غرفه. لان م̲ريضه
راح بسرعه. لغرفت امه وبلهفه ومبين عليه كلش خايف علئ امه م̷ـــِْن حجيت هيج كلش خاف وراح.
بقت مرته واكفه وتباوع عليه م̷ـــِْن فوك الي جوه.
ابتسمت وحجيت. تفضلي اكعدي ليش واكفه
رفعت عيونها بملل وردت. انتي منو وليش جاي تصرفين. عبالك. ست البيت. منو ﺣضرتج.
رديت عليها بثقه. اني مرت جابر
فتحت عيونها بصدمه وردت عليه. شنوو جابر تزوج ?
رديت عليها اي تزوج واني مرته اسمي شهد. صارلنه يومين. متزوجين.
ضحكت وردت شنو تضحكين عليه انتي لج جابر ميتزوج اذا مياخذ رئيي اخوه وامه. شلون تزوجج هيج
رديت عليها والله تزوجنه صار زواجنه بسرعه وماكدرنه نكول لشخص. بس انشالله اذا وافقو اهله علينه راح نسوي عرس.
خزرتني وراحت لغرفت. ام جابر واني بقيت كاعده ب صاله مثل الغريب. هو اني غريبه بينهم.
بس الحمدالله خليت ساره يحن كلبها عليه شويه. يمكن لان واكفه وياها بموضوع. حبيبها. او هيه ماتحب تشوف اخوها بخطر.
بقيت كاعده ومنتضره يطلعون. اسمع بس العياط وغلطت ولمسبه وهيثم يسب بجابر. ويغلط عليه لان
تزوجني. بدون علم احد. واسمع جابر يرد عليه ترا اسوي. عرس. لاتخبصون الامه بس عقدت عليها حته اسد حلوك بيت خالي
جاي يتهموني. بشي ماله صحه ابد وهيام هاذي طلعت وحده ملعبه. ودزت اخوها علئ مرتي. حته. يغتصبها.
غمضت عيوني وبجيت م̷ـــِْن هل كلام القاسي. ياربي ليش مجاي. يتقبلوني. بس حقهم يخافون علئ ابنهم م̷ـــِْن الخطر
واني ماعندي لا اهل ولاقارب. عفتهم وتخليت عن الكل
طلع جابر وجهه محتقن وضايج كلش.
وطلعو الكل وراه خايفين منه. طلع مسدس وخلاه براسه. اني. رتعبت ورحت اركض. عليه وامه تخبلت صارت تلطم علئ صدرها وتصيح ولك يمه. جابر
لاتلجم كلبي بيك يمه اشمر المسددس.
هو يصيح كااافي. ليش مجاي تفهموني. اني ماريد بيت خالي هل ناس. اكرهممم.
خلوني اموت ورتاحو. مِڼـّي.
رديت عليه لا جااابر فدوه لاتسوي هيج مالي غيرك اني
باوع عليه وبتسم ورد. شهد. اهلي مجاي يشوفون حبج الي وحبي الج. خليني اريحهم م̷ـــِْن همي.
بقيت ابجي واتوسل بيه يعوف المسدس م̷ـــِْن ايده
اخر شي لزمه. اخوه. شمر المسدس من ايده
اخذو كعدو علئ الغنفه. وصارو يحجون بهدوئ يخافون منه ياذي نفسه وهمه يحبونه كلهم. وامه خطيه.
مخليه. راسها علئ صدره وتبجي وتغلط عليه لان هيج يخوفها.
رفع راس امه وباسه. وكلها. ماموت ولاقتل نفسي بس اريد اخوفج ماتعرفين. سوالفي انتي
ابتسمت بحزن وردت عليه ليش يمه تعرفني اخاف عليكم م̷ـــِْن الهوئ. شعندي غيركم اني. ليش تعذبوني.
اشرلي اجي ابوس امه. اجيت تقربت منها وبست راسها. ولزمت ايدها بحب وحجيت.
والله مراح اخلي. شي يصب جابر بسببي. واذا شفت حياته بخطر راح اخلي يطلكني. المهم تكونين مرتاحه
ماريدج تضغطين علئ نفسج ولاتضوجين م̷ـــِْن جابر
ماردت عليه. وكلت لجابر. يمه جابر اريدلك عرس ماريدها سكته.
هو كلش فرح بكلام امه وكف باس راسها باهفه ورد اكيد يمه اكيد نسوي عرس وحفله كلش جبيره.
ردت عليه بس يمه. منين مرتك وين اهلها. لآزٍمٍ يحضرون العرس. مو.
توترت م̷ـــِْن كلام ام جابر.
رد عليها جابر اكيد يمه اكيد ام علاء تعرفيها انتي. تكون خالت. شهد.
وشهد يتيمه ماعدها لام ولاب.
باوعت عليه وردت. هاا خوش اذا هيج. م̷ـــِْن باجر نحدد موعد للعرس
بس ب اول تروح تعتذر م̷ـــِْن خالك وتطيب خاطره حته ارضه عليك وفرح بعرسك م̷ـــِْن صدك
