رواية صدفه غريبه الفصل السادس بقلم جمانه السعيدي
زيد...الحمد لله الي فرج عليه واخيرا
لكيت شغل وراح انتقل منطقه احسن ومكان اقرب الشغلي
وراح اكدر اوفر فلوس
حتى بلمستقبل اكدر أسس شغل خاص بيه
الحمد لله الي رزقني رزق حلال ومامديت ايدي الاي احد
رجعت للبيت واني طاير من الفرح ابد مامصدك الي جاي يصير وياي
بس دخلت كمت اصيح امي امي وينج
امي.. هله هاا اليوم فرحان
زيد...ابو فاطمه انطانا البيت الي كبال بيته نسكن بي
يكول حتى تكون قريب على الشغل
امي...خاف الايجار غالي علينا
زيد...بدون ايجار
امي...شلون بدون ايجار مافهمت
زيد...البيت بي غراض يعني مثل المخزن راح يفرغه
حتى نسكن بي
امي...خاف قديم
زيد..لا مو قديم بناء جديد وحلوه على اساس بنته
فاطمه تسكن بي بعد الزواج
هسا راح نسكن بي احنا منا لمن تزوج بنتيه
منا الذاك الوقت اني راح اشتغل واجمع فلوس حتى
اشتغل شغل مستقل بيه
وبعد مانحتاج اي احد يجوز رب العالمين يفتحه بوجهي
واكدر اشتري بيت
امي...انشاء الله رب العالمين يفتحه بوجهك
جمانه السعيدي
من ثاني يوم بدو العمال ينقلون بلغراض الي بلبيت
ويفرغونه علمود ننتقل بي
صحيح هاي الخطوه كانت بصالحي
بس اكو عامل اسمه رشيد هذا كان الكل بالكل بلمكان
ابد ماعجبه اني اجي والزم المجمع وأسكن بلبيت
كان يحجي عليه حجي مزين يم العمال
ومرات يحاول يحرض ابو فاطمه عليه
دائما يلمح الابو فاطمه حتى يتاكد من السجلات
لو يحاول يستهزء بيه على اساس مااعرف اشتغل
طبعا ابو فاطمه المسكين حاير بنته يريد يعالجه
كان عايف كلشي عليه
اني الحد هذا الوقت ماشايف فاطمه وجه الوجه
مرات اشوفه من بعيد من تنزل من البيت هي وابوها حتى ياخذها العلاج
وابو ها كان دائما يطمني عليه ويكووول عدها تحسن
الحمد لله رب العالمين
خلال أسبوع واحد العمال نقلو الغراض
ونضفو البيت
بقا بس ننقل غراضنا للبيت
طبعا احنا ماعدنا اثاث هواي شغلات بسيطه
بليل نقلت كل الأغراض للبيت
وامي اجت للبيت بعد مارتبنا اني والعمال
وراحت تعرفت على ام فاطمه وفاطمه راح نصير جيران
الباب بلباب
ثاني بوم عزمونا على الغدا بيتهم
اني ماقبلت هيج مراح اكدر أسد فضلهم علينا
بس ابو فاطمه وامها صممو على العزيمه
المهم اني الصبح نزلت للمجمع وامي كالت اروح عليهم اساعدهم بلطبخ
الضهر اني صليت بلمجمع وبعدها بساعه اتصل ابو فاطمه
كال تعال نتغدا
صعدت البيتهم
لكيتهم محضرين الاكل على السفره
وكاعدين كلهم سلمت واني مدنك ودخلت
امي وأم فاطمه وفاطمه وابوها كلهم كاعدين
اول مره ننجنع اني وفاطمه بمكان واحد وياا الاهل طبعا
زيد...السلام عليكم
...الكل عليكم السلام
ام فاطمه...شلونك زيد
زيد...الحمد لله بخير
سكتت راسا سمعت صوت ناعم وهادء
فاطمه...شلونك زيد
زيد...رفعت راسي فاطمه كاعده كبالي
الاحساس الي وصلني بذيج الحظه
حسيت مثل نسمة هوا بارده ضربت وجهي
وكانما شفت شي مريح للعين حسيت اكو سعاده صارت بروحي
انتبهت اني جاي اباوع عليه وهي مبتسمه
كانت لابسه ثوب وردي فاتح وحجاب ابيض
راسا دنكت
زيد...الله يسلمج شلون صرتي
فاطمه....الحمد لله الفضل الرب العالمين والك انت نقذتني
زيد...ولله انتم مكبرين الموضوع رب العالمين راد يخلصج من هذا المرض خلاني بطريقج
فاطمه...الحمد لله والشكر
جمانه السعيدي
زيد...اكلت قليل لان حسيت بلا حراج حسيت الكل عينهم عليه
خلصت ورجعت نزلت للشغل لان احنا الضهر
يبقى المجمع مفتوح
المهم اني بعد هاي الفتره بديت اركز بلشغل اكثر
لان تعلمت علي
هنا بديت الاحظ اشياء غريبه
اكو واحد عندا ستوته يجي يسوك مواد من عدنا
يكول عندي محل
يسوك تمن شكر نساتل عصاير جكاير وهيج شغلات
اول ما اشتغلت بهذا المكان كنت مااعرف اي شي
كان اول مايدخل هذا الولد يصمم اله رشيد يجهزه
يروح رشيد وياا يجهزه
بعدين رشيد يجيب قائمه بلمشتريات واني احسب القائمه
واكول شكد المبلغ
الي خلاني اشك اكثر اجا مره من اجا جان رشيد ماموجود ولمن سمع رشيد ماموجود
اني عرضت علي اجهزه
بس ماقبل اله رشيد يجهزني
اني استغربت ليش اله رشيد هاي العمال اجهزك
ماقبل ابد اله رشيد
بقا ينتضره منا لمن رجع
طبعا هاي مو اول مره يسوك من عدنا
كل اسبوع يجي يتسوك
بس هاي الايام كام كل يومين يجي
شكيت بلموضوع حيل
بس دخل رشيد أخذا على صفحه وانطا فلوس
هو الولد انطا الرشيد فلوس
اني رجعت للمكتب وكمت اراقبه بلكامرات لان المجمع كله كامرات داخليه وخارجيه
جمانه السعيدي
المهم كعدت على المكتب وكمت احسب الأشياء الي جاي يطلعوها هو ورشيد من المخزن
جبت ورقه وقلم وكمت اسجل
منا لمن حمل الستوته غراض
اجاني هو ورشيد جايبين قائمه بلشغلات الي اخذهن
هذا الولد
رشيد...هاي القائمه احسبه
زيد...تعالو وياي ثنيبنكم
طلعت برا وكفت يم الستوته وصحت على عمال ثنيبن
رشيد...شكووو اني بيدي صعدت الغراض وجردتهن
زيد...واني ماكلت شي
اريد ارجع اجردهن مره ثانيه
رشيد....شنو تجردهن انت تحسب وراي
ترا اني صار خمس سنوات اشتغل هنا وكلامي ثقه
زيد...اني ماكلت انت موثقه
رشيد...اي ليش تحسب وراي
زيد...نزلو الغراض من الستوته بدو العمال ينزلون بلكراتين
رشيد...مااسمحلك صارلك شهرين تشتغل هنا تريد اتشكك باامانتي
زيد...انت ماكو مثل امانتك بس ابو فاطمه خال المجمع امانه عندي واني احب احافظ على الامانه
هنا العمال نزلو كل البضاعه
بديت اجرد بيها ابو الستوته وجها كام بنطي اللوان
ورشيد مابطل يحجي ويهدد
رشيد...عوفه اني اجردهن انت شمعرفك يشغلنا
اني اعرف كلشي هنا
عوفهن اني اجردهن انت منيين الله جابك النا
لحست دماغ ابو فاطمه وسكنك كباله
وهسه تريد تتحكم بينا انت بلوه ونزلت علينا
زيد.. مارديت علي كعدت احسب واجرد بلكراتين
طلع اكو فرق ١٠٠ الف شغلات موجوده وماجاردهن
اكيد متفقين هو وصاحب الستوته يتقاسموهن بلنص
ولو تعرفون ابو فاطمه شكد عندا ثقه بي
بس كملت جرد ابو الستوته صعد وشغل الستوته وطلع
طلع بيها فارغه
يخاف لا يتحاسب على هاي البضاعه الزايده
الضاهر من زمان ياخذون بضاعه بكيفهم ومحد يدري بيهم جمانه السعيدي
زيد...التفتت علي هاي بضاعه زايده ١٠٠ الف
رشيد...وشنو يعني يجوز غلطانين
زيد...الي يغلط بكارتون كارتونتين مو بضاعه ١٠٠ الف
رشيد...اني ما اعرف اي شي
شنو غلط عادي يصير بس هلمره غلطنا شدعوه مكبر الموضوع
زيد....زين اني عندي القوائم قبل يومين من اجا هذا الولد نفسه ؤاخذبضاعه راح ارجع الكامرات
واشوف
هنا ارتبك رشيد اكثر
بهاي الاثناء دخل علينا ابو فاطمه
شاف البضاعه باب المحل والعمال مجمعين علينا
ابو فاطمه...شكووو
زيد..اني ماحجيت اي شي رشيد لان يعرف نفسه غلطان
ارتبك وكام يصيح
رشيد....انت جايبلنا واحد كلشي مايفتهم وخليته علينا يتحكم بينا
صار خمس سنوات اشتغل عندك ماشفت مني شي موزين
وهسه جاي يتهمني
بضاعه طلعت بلغلط اني شنو ذنبي
زيد...اني ماكنت ناوي احجي ابد بس مادام انت حجيت
وتهجمت عليه
راح ارجع الكامرات واشوف شكد صارلك تاخذ بضاعه
من المحل بلا تفاق وياا ابو الستوته
رشيد..مااسمحلك شنو اتفاق وياا ابو الستوته
زيد...ليش انهزم ممكن اعرف ليش من نزلنا البضاعه انهزم
عفت رشيد يحجي ويغلط عليه يريد يسد هاي المصيبه
بلصياح والهوسه
رحت للمكتب رجعت الكامرات وكمت اسجل بلبضاعه
واقارن وياا القائمه لكيت ماخذين بضاعه ١٢٥ الف زياده
والقبله ٨٠ الف زياده
اجا وراي ابو فاطمه
ابو فاطمه..هذا صدك جاي يبوك
زيد...ولله اني شكيت بي ولكيته ماخذ بضاعه زايده والضاهر هاي مو اول مره
جنت ناوي اسامحه واخلي وانطي فرصه جديده
بس الضاهر مراح يبطل الي يخون مره يخون الف مره
ابو فاطمه....صاح بصوت عالي رشيد رشيد
رشيد..اجا ووجها ينطي اللوان لان عرف نفسه انكشف
وبعد مابيه مجال
ابو فاطمه....بعد مااريد اشوف وجهك هنا فهمت لو لا
حرامات شكد جنت واثق بيك
روح ولا تخليني اشوف وجهك ترا بتسجيل الكامرات
اكدر اشتكي عليك واحبسك بلسجن
يله روح منا
طلع رشيد وهو عيونه تجدح نار وحاقد عليه لان كشفته
بس اني مايهمني ابد
مادام امشي بما يرضي الله مااخاف
