رواية الفصلية والضابط الفصل السادس بقلم مجهول
ضرغام: طلعت شذى وامها واخابرنه العمي اجه وشوفته التصوير وكال اني مستحي منكم ومن اريج وهيه ما اللها ذنب بالي صار ابن عمها الي دعم ابني مو هيه
ابو ضرغام: خطيه هيه يتيمه وحسب ما عرفت انه اريج جانت متعذبه عد بيت عمها انا اريد احافظ عليها لان هيه يتيمه وما اللها اي ذنب وليدي ضرغام دير بالك عليها مبينه فقيره ومن اهل الله
ضرغام: صار بويه اخليها بعيوني رحت من يمهم صعدت للغرفه لكيت اريج نايمه اشكد حلوه وجها عيونها احس بديت احبها دخلت للحمام اسبح
اريج : سمعت ماي انفتح كعدت كلت اكيد هذا ضرغام جاي يسبح اشويه وطلع لاف المنشفه على بطنه وعضلاته بارزه اشكد حلو بقيت صافنه عليه هو ابتسم اني ابتسمت اله
ضرغام: طلعت من الحمام لكيت اريج كاعده شفتها ظلت صافنه عليه ابتسمت اللها هيه هم ابتسمت الظاهر حلو اني وهل صافنه بيه
اريج : يبوو هسه اني شبيه كتلها هاي يي انت حلو كال شنو هااا لا ماكو شي ومو عيب هيج تتطلع كدامي
ضرغام: اشلون طالع قصدج
اريج : بدون ملابس عيب. ما يصير
ضرغام: لا مو عيب لان انتي مرتي ويصير اشلون ما اطلع كدامج اشلون صرتي هسه بعدج تحسين بوجع
اريج : لا هسه احسن اريد حسيت نفسي جوعانه واستحي اكله
ضرغام: شفتها عكرت حواجبها كلت اكيد جوعانه لان هيه بالغداء ما اكلت بس شويه بدلت وكملت كتلها هسه اجي
ضرغام: بدلت ونزلت لكيت امي والبنات كاعدات مسيت عليهن كتلهن راح اجيب عشاء من بره لا تسون عشاء كالت امي خوش يمه اريج اشلون صارت الحمد الله يله انا رايح
اريج: طلع ضرغام واجن يمي البنات وعمتي ام ضرغام
ام ضرغام: هاا يمه اشلون صرتي راح اسويلج شوربه تاكليها لمن ما ضرغام يجي
اريج : ما اشتهي اكل لا بنيتي بدون ما اريد يله انا رايحه راحت عمتي وكعدن يمي البنات
غدير: ولج لو شوفين ضرغام سوه بشذى
اريج : ليش شبيها شذى
نسرين : ولج غير هيه طلعت حاركتج
اريج : شنووو عود تحجين صدك
نسرين : يي ولج طلع ضرغام مخلي كامرات بالمطبخ وووو
اريج : سولفلي البنات وضجت وظليت ابجي بس ليش سوت هيج اني ما ماذيتها بشي
غدير : ولج هيه مو تحب ضرغام بس ضرغام ما يحبها وهيه كاتله روحها علي
نسرين : هسه عوفينه من سالفتها انتي شلون صرتي ولج لو شوفين ضرغام اول مره اشوفه هيج يسوي علمود واحد مبين يجبج
اريج : هااا لا
غدير : ولج شنو لا وشوفي مع مرور الوقت راح تشوفين زين انتي تحبي
اريج:لا ما اعتقد يحبني ولا راح يجي يوم ويحبني
نسرين: اي حقه تره باعي نفسج لا تزعلين مني بس اني لمصلحتج خاي احجي باع حالج ما جن عبالج وحده عروس لج انتي بعدج شابه وما شاء الله عليج تخبلن وما محتاجه شي
غير:حجي نسرين صح لا تزعلين من عندنه انتي حلوه وشمحلاج المفروض تكسبي الج وتخلينه يحبج ويتعلق بيج شمالج لا تضلين فاهيه
اريج : شلون يعني اخلي يتعلق بيه واني من اجيت لحد هسه شذى ما عايفتني بحالي
نسرين: راح اسئلج سوال بس تجاوبي الصراحه اوكك
اريج: اي حبي اسئلي
نسرين: انتي تحبين ضرغام لو لا يعني شنو مشاعرج اتجاهه
غدير: اي شنو مشاعرج اتجاه اخوي كولي لا تستحين هههههه
اريج: هاا ما اعرف بس أحيانًا من اشوفه احس شي غريب بداخلي اول مره يصير وياهه
نسرين: يعني شنو من شعور حب اعجاب لو هيج
اريج: لحد هسه ما اعرف بس احس نفسي جاي انعجب بي بس ما اعرف اذا جان هوا نفسي لو لا
غدير: هااا يعني تحبي اخوي
نسرين: غدير كتلج بعدني ما متكئد
غدير: زين شلون نعرف هوا عنده مشاعر تجاهه
اريج: مادري والله
نسرين: اني اعرف شلون اخلي يتعلق بيج ويحبج هم بس يرادنه شغل عليج هواي
غدير: يعني شلون ما افهمت فهمينه
اريج: اي نسرين فهمنه شلون
نسرين: ما عليج اريج اول شي لازم نغير لبسج وثاني شي اسلوبج وياه بالكلام وثالث شي لازم نوديج للصالون
أريج: ليش اشبي لبسي
نسرين: خيه الرجال يحب مره نازكه وحلو ً ومرتبه مو وحده لابسه دهداشه وريحته كله طبخ
اريج: بس اني كل ملابسي هيج
غدير: معليج من تطيبن بسلامه اخذج اني ونسرين للسوك ونجهزج احسن اجهاز
ضرغام : اجيت وجبت كلشي وينكم تعالو يمه غدير نسرين
ام ضرغام:هاا يمه هلا بيك
ضرغام وبيج يمه بس وين البنات
ام ضرغام: البنات فوك يم اريج كاعدات
ضرغام: هاا يمه اوك اني راح اصيح الاهم صعدت وسمعتهن يهمسن احم احم بلا زحمه كاطعت كلامجن بس اني ميته جوع
غدير: هلا بالحب هلا بالضلع هلا بالمعدل اخوي حبيبي
ضرغام: خير ست غدير بيج شي
نسرين: خويه طاف عليه نبي اختك ههههه
ضرغام: يمكن يلا تعالن حضرن الكل
غدير : اوكك تردون هنا الكل لو جوا
اريج: لا جوا ناكل
نسرين: اثول اي والله اقصد اوكك اريج من نجهز نصيحكم
اريج: همست بذان نسرين ولج ليش هيج كلتي
نسرين: اي لين ثوله وتبقين ثوله خلي نتعشه ونخلص واني وغدير نجي نعلمج
ضرغام:يلا نزلن تره ميت جوع
غدير: صار اخوي حبيبي
اريج : نزلن البنات حته يحضرن السفره واني اجيت انزل وكفت بس جان طحت اجه ضرغام لازم ايدي وحط ايده الثانيه على خصري اتذيت من الحرق شوي بس غلست
ضرغام: شفت اريج رادت تنزل بس ما تكدر لزمته من ايدها وايدي الثانيه على خصرها وبتسمت خصرها ناعم وهيه ناعمه عبالك حاض بنتي مو مرتي ههههه
اريج: اشبيك توزع إبتسامة اكو شي
ضرغام :لا ماكو شي يلا تعالي ننزل
اريج: نزلنه جوا وكعدنه على السفره وضلينه ناكل ونضحك وانسولف
ام ضرغام : اريج ابنيتي شلون صرتي
اريج: الحمد الله عمه احسن
ام ضرغام: ابنيتي امسحا بوجهي واعذريني على الي سوته وياج شذى
اريج: لا عمه ماكو داعي تعتذرين من شي انتي مالج دخل بي وشذى اني مسامحته
ضرغام: كاعدين نضحك ونسولف وامي اعتذرت من اريج كدامنه ضجت بالبدايه لين امي ولا مره معتذره من احد بس تفاجئت برد اريج شلون جان كلامه حلو وي امي صدك هل بنيه ملاك ودخلت كلبي
غدير: ضرغام حب صاير هواي تضرب صفنات
ضرغام: انجبي لا اكوم اكسر راسج بعدين عندي شغل وجاي افكر
نسرين: حسين حبيبي من تخلص عشه اريد تروح للمحل وتجيب ربع كيلو حب عندنه كعده اني والبنات
حسين: بس الله اليستر من كعداتج ههههه
نسرين: حبيبي جيب ولا تكثر حجي ماشي
ضرغام: هيج احسن الك حسون لو ضال ساكت مو احسن ههههه
حسين: ولك خويه هاي النسوان اذا ما تشوف عين الاحمر تسوكك
ضرغام: قصدك نسرين سايكتك هههههه
حسين: طيح الله حضك خويه على الاقل محترمني كدام مريتك
أريج : حسين ما عرفتك هيج تخاف من مرتك هههههه
حسين: هاا ءءء لا خويه مو قصة خوف بس هذا يسمونه حب بيناتنه مو مثل بعض الناس
ضرغام: شقصدك ولك
حسين: هاا ما قصدي شي يلا اني اترخص
الكل هههههه
ام ضرغام : يمه من تخلصن كفن السفره سون جاي لابوجن وضرغام
غدير: ليش يمه انتي وين رايحه
ام ضرغام: يمه اني نعسانه ورايحه انام يلا تصبحن على خير
الكل وانتي من اهل الخير
اريج: اني راح الم السفره وانتي ونسرين سوي جاي
غدير: لا عيني انتي صعدي فوك بغرفتي انتضرينه راح نسوي جاي وانجي
اريج: بس ما يصير خلي اساعدجن
نسرين: عيني ست اريج يلا كدامي يلا
اريج : ههههه اوك طلعت وشفت طلع ضرغام بوجهي
ضرغام: وين رايح الحلو
اريج:هاا ءءءء
ضرغام: اشبيج شنو شفتي جني
اريج: اي قصدي لا اهووو شتريد يمعود
ضرغام: اريدج
أريج: شنو قصدك يلا وخر من كدامي رحت وسحبني من ايدي تجاني على الحايط
ضرغام: من احجي وياج لا تخليني وترحين لين ما احب هل شي ابد
اريج:يحجي ونفاسه تضرب بوجهي اي افهمت يلا وخر عندي شغل فوك
ضرغام: شعندج من شغل شغلج مو اهم مني
ابو ضرغام جاي اتمشه اطلع بره وشفت ضرغام واريج هههههه احم احم ابني ضرغام جا الغرفه المن صنعوها
ضرغام : هااا ءءءء بويه شعندك هنا
ابو ضرغام: ولك انجب اني ابوك مو ابنك حته تحجي هيج وياه
اريج : شفت عمي شافني بهل منضر عزاا بعينج يا اريج ركضت صعدت فوك سويت الدرج طلقه ميته خجل ولج هسه شكول عليج رحت كعدت بغرفة غدير اجت هيه ونسرين وسولفت الهن على الي صاره ووووو ماتن ضحك عليه واني مستحيه
غدير: ههههههه عزا بعينج ولج هاي شمسويه
نسرين: ههههههههه شعليه هيه غير اخوج ههه
غدير: ههههه يمه بنطني متتت ولج
اريج: اذا خلصتي مضحكتج كافي
نسرين: هههههه ولج اريج راح اموت
اريج: اهووووو اني صوجي سولفت الجن
غدير هههههه يلا كافي كافي لا هسه ننكتل
نسرين : اي ولج هههه
اريج: اي نسرين شنو فكرتي
غدير: نسرين باع شوفي العصفوره شلون مستعجله هههههه
نسرين: ههههه ولج غدير كافي
اريج : والله العظيم اني صوجي اكعد وياجن راح اروح
غدير: يلا يلا تعاي اشاقه وياج خايبه امداج اي والله هههههه
نسرين: تعالي اريج خلي نفكر شلون راح نبلش بيج
اريج: كعدنه ثلاثتنه كل وحده حاطه رجل على رجل صافنات ونسلس حب راح نخلص الحب ونسرين بعدهي ما حاجيه
غدير: اوووووف ولج نسرين نشف ريجي وانتي بعدج دسولفي عاد وفضينه
اريج: اي نسرين حته اني نعست
نسرين: امداج ولجن هيج شغل يرادله تفكير وضرغام مو سهل نجيبه للطريق غدير عندج قلم وصبوره
غدير: اي عندي شسوين بيهن
اريج: راحت غدير جابت قلم وصبوره انطتهن لانسرين وكتبت من حرف الواحد للعشره
نسرين باعن بنات اول نقطه شلون نغير كلام اريج
اريج: ليش شبي كلامي
نسرين: خايس كلامج عبالج اخوي كاعد كبالي ويحجي مو انثى
غدير: والله صحيح هههههه
اريج: انجبي وكملي
نسرين: يعني طريقة كلامج لازم تكون ناعمه وبدلع واهم شي من يحاول يضوجج خليج ليلاركس
اريج: هههه شنو هاي الكلمه الاخيره
غدير: يعني خليج هادئ
اريج: هااا
نسرين: بنات اكمل لو لا
البنات: كملي كملي مدام نسرين
نسرين: مو صوجن المهم ثاني فقرا هذا لبسج كله ما اريده لابسه دهداشه جنه نهداشت جدي الله يرحمه يعني خلي لبسج مرتب بالنهار حلو ونازك بليل اريدج اطلعين هيفاء وهبي
اريج: شقصدج بالله
غدير: قصدها بالنهار لبس حلو ومستور بس بالليل مصلايخ يعني مو مصلايخ كلش بس روبات نوم
اريج: شنو شنو اني البس هيج وكدامه
نسرين: لعد منو الي يلبس امي طبعا انتي
اريج: ماكو مستحيل عندي وي شي نكلج اني وغدير تسوينه تردين ضرغام يحبج لو لا
اريج: هاا اي اريد بس مو هيج
غدير: لا بس ولا بطيخ مثل ما نكلج تسوين المهم عندج روبات نوم لو لا
اريج: لا ما عندي بس بجايم
نسرين: هاي هيه باجر اني وغدير وانتي نروح للسوك
اريج: بس خاف ضرغام ما يقبل
غدير: معليج عوفيها يمي
نسرين: ثالث شي لازم نوديج للصالون نكلب خلقتج من فوك للجوا اني عندي وحده اخابر يمها واحجز لازمج تنضيف بشره وحف وصبغ وكلشي
غدير: سؤال اريج بس بدون خجل
اريج كولي
غدير: ضرغام اخوي ماخذج لو لا
اريج: شنو يعني ما افهمت
نسرين: آثول اي والله قصدها مدني الج لو لا 😉
اريج: هااا افهمت لا ولا مره من اتزوجته لليوم
غدير: حلو هاي فرصتنه
اريج : كعدنا ونحجي اني والبنات لحد ما صارت الساعه ب 11
نسرين: اليوم كافي سوالف باجر اريدجن تكعدن من وكت حته نكف شغلنه واول ما نروح للسوك
غدير: اي والله الكعده وياجن حلوه بس اني انام من وكت هههه
اريج: و نسرين: هههههه
اريج: يلا تصبحن على خير
البنات: وانتي من اهل الخير
اريج: رحت للغرفه شفت ضرغام متمدت على الجوربايه بس بالتشيرت بقيت صافنه بمكاني
ضرغام: جنت كاعد اكلب بجهاز ومتمدد على الجوربايه بس بالتشيرت ودخلت اريج شفته صفنت عرفته خجلت فدوه اروح للخجلان اريج اشبيج ما تجين تنامين بعدين لا تستيحن لين شفتني هيج اني متعود انام هيج لين ما ارتاح بعدين انتي مو غريبه مرتي مو 😉ً
اريج: ضرغام يحجي وكال اني انام هيج كال انتي مرتي مو غريبه ويغمز هاا ايي اقصد
ضرغام: شبيج تعالي نامي المن واكفه
اريج: رحت يم ضرغام نمت بس على طرف الجوربايه ودرت ضهري اله ونمت
