رواية الطالبه والضابط الفصل السادس بقلم توتة
"أؤمن جدًا بالإرتباط الروحي بين شخصين وبأن
نغزة القلب المفاجئة تعني إنه حتمًا حاصل شيء وإن الأرواح تتخاطر رغم وجود المسافات♥️".
<<<<<<<<<>>>>>>>>
_منوو الانسه الوياك.
ضرغام / هاذي مرتي
فتحت عيوني بصدمه .
بقه يسولف وياه شويه ومشينه بقيت مصدومه ليش گله اني مرته. صاار عندي فضول اسأله ليش هيج كال
_اممم ليش كتله اني مرتك
ضرغام / شتريدين اكوله يعني.
_معرف بس متوقعت تكوله هيج لان دائما تكولي انتي طفله
ضرغام / هههه لآزٍمٍ تعودتي وعرفتي نفسج طفله مو مال زواج ومسؤليه.
_لا عيني مال مسؤليه وب نسبه للزواج الف م̷ـــِْن يتمناني.
ضرغام / انطيني واحد م̷ـــِْن الاف وهسه اروح اشمرج علي.
_لهل درجه مثكله عليك ??
ضرغام / هههه لا بابا ممثكله بس انتي تكولين الف م̷ـــِْن يتمناني انطيني واحد يتمناج وهسه اني اصيرلكم واسطه خيرر
_هوايه اولهم واحد استاذي يدرسني خصوصي اسمه عصام يحبني ودائما يدزلي هدايه ويدرسني
باوع علي بخزره وكال
ضرغام / صدك تحجين ??
_ايي صدوك.
ضرغام / ااااخ لْـۆ الي سلطه عليج وحق ربج اله اربيج من جديد.
_عفو !!!
ضرغام / مثل ماسمعتي.
_وليش عيني انته شعليك بحياتي. بعدين الحب موحرام واني مكتلك اني احبه كتلك هوه يحبني
ضرغام / حت لْـۆ هل موضوع غلط انتي بعدج صغيره ع حب بعدج مرحله مراهقه ينضحك عليج بكم كلمه حلووه وتروحين بيها.
_لا عيني اني ناضجه واعرف شون اتصرف لتخاف عليه
ضرغام / مشكلتج طفله ومتفهمين الكلام بسرعه
^انته شنوو مشـٰكلتـٰک ويايه ليكون حبيتني وغرت م̷ـــِْن حجيت بسيره عصام
دار وجهه علي بصدمه وخزرني خزره خله گلبي يرجف م̷ـــِْن الخوف
ضرغام / لججج انتي شنوو. شعلمج ع هل سوالف البربوكيه
_لاتفشرررر
ضرغام / ستغفرلله شوون تخليني اطلع م̷ـــِْن طوري
ضجت كلشش م̷ـــِْن كلامه شنوو يفشر عليه شايفني كدامه همست بصوت ناصي معبالي يسمعني
_عابت شكدد غثيث
ضرغام / هاي عليه ?
_لا ع عموو الشايب
ضحك وهز راسه عود معاجبه كلامي ولله يالله
_جوعانه.
ضرغام / اصبري مابقه شي ونوصل البيت واخليهم يسوولج اكل
سكتت وبقيت اباوع ع اجواء الانبار اول مَـرّھٌ اجي لهاذي المحافضه كلش حلوه شوارعها وبمناطق البيها كلها مرتبه وحلوه
دخلنه منطقه كلش حلوه وبناياتها كله بيوت فخمه مثل منطقتي العايشه بيها
وصلنه البيت مالهم هم كلش حلووه وجهيته بس بيتنه اكبرر منه.
نزلنه ثنينه واني نزعت الكمامه وشمرتها ب سياره
نزلت الجنطه مالتي. وهو راح كدامي دك الباب فتحته مره جبيره اعتقد امه
سلم عليها وباس راسها وهيه خطيه حاضنته وتبوس بيه
الموقف كلش أثر بيه بحيث وصلت الدمعه لطرف عيني تمنيت عندي ام تحضني تخاف عليه تنطيني حنان
دارت وجهه عليه وهيه مستغربه
ام ضرغام / منوو هاذي يمه ?
ضرغام. / يمه هاذي نارين بنت صديقي عباس الي حجيتلكم عنه المتصاوب خطيه ماعدها مكان وابوها طلب مِڼـّي اخليها يمنه كم يوم
ام ضرغام / هلا بيج يمه تعالي ليش واكفه بعيد
رحت عليها وبوستها وكنت اريد ابوس ايدها بس ماقبلت دخلنه كلنه للبيت بيتهم كلش حلوو ومرتب
تلاگت ويانه باب الاستقبال بنت تصير بكدي لابسه تراك. بجامه سوده وقميص رمادي وعليه كتابه ب انكلش
سحر / منوو هاذي خيوو
ضرغام / صديقه جديده الج موتكولين ماله ب بيت
سحر / ههه لا صدك منوو
ضرغام / يمه انتي عرفيها ع بنات اني طالع عندي شغل ضروري. خلوها ترتاح وسولها اكل خطيه مماكله شي م̷ـــِْن لبارحه
بقيت اباوع ع ضرغام واني خجلانه م̷ـــِْن اهله معرف لـٰٕـيٓـ،ٰـٖش
دخلنه لاستقبال وراح ضرغام دخل ب بيت يبدل اعتقد
كعدت ع غنفه اجت كعدت يمي البُـنًتٍ وكالت
سحر / اني اسمي سحرر اصير اخت ضابط ضرغام
_عاشت الاسامي حبيبتي اني اسمي نارين
سحر / حلوو اسمج نارين. شكد عمرج
_18 وانتي.
سحر / يااا بكدي اني هم 18
بقت تحجي ويايه سحرر كلش رتاحيت الها مبينه حبابه وبشوشه تضحك وتشاقه شويه ودخلت بنت شويه جبيره.
سهئ / سلام عليكم
_گمت وكلت وعليكم سلام
اجت بوستني وكعدت يمي وكالت
سهئ / هلا بيج كلبي اعتبري البيت بيتج وايي شي تحتاجي كوليلي
_تسلمين.
سهئ / معرفتيني عليج
_اسمي نارين عمري 18
سهئ / حلو اسمج نارين بعدج كتوته.
ابتسمت وسكتت.
سهئ / اني سهئ مرت ضابط ضرغام
فتحت عيوني بصدمه يعني ضرغام متزوج ?
_هلا بيج حبيبتي تشرفت
بقت تسولف ويايه وتسالني منين وين عايشه احسها فضوليه زياده عن الزوم عكس سحر بنفس الوقت مصدومه مكنت اعرف ضرغام متزوج احس موضوع زواجه ضوجني معرف ليش.
شويه ودخل ضرغام مبدل ولابس ومتأنق
ضرغام / سهئ تعالي شويه
راحت سهئ وهو طلع كدامها معرف ليش ضجت ونقهرت يالله شبيه رجال ومرته شعلي بيهم اني.
_حبيبتي سحر ممكن دليني ع غرفه اريد اغير ملابسي
سحر / اكيد كلبي تعالي ويايه لغرفتي فوك غيري ملابسج ورتاحي بين ماحضرلج شي تاكلي
_تسلمين حبيبتي.
رحت ويه سحر لغرفتها تصير ب طابق الثاني
سحر / بعد عندي اخت اسمها منار حالين ب دوام م̷ـــِْن ترجع تعرفي عليها وعندي اخ ثاني اسمه حيدر هم طالب جامعي واخوان ثنين متزوجين
_لله يحفضكم انشالله.
سحر / تسلمين حبيبتي وانتي هم عندج اخوان
_لا ولله ماعندي لاخوات ولاخوان اني لوحيده الأبويه
سحر / هاا يعني بس انتي الاهلج
_ايي.
سحر / لله يحفض اهلج لعد
_بس بابا موجود ماما متوفيه
سحر / يااا.
_ولله.
سحر. / لله يرحمها انشالله ويجعل مثواها الجنه
_تسلمي.
سحر / يعني انتي مالج غير ابوج وحالين متصاوب اذا صارله شي لاسامح لله وين تروحين انتي
_سم لله انشالله مايصيرله شي ولله ماتخيل حياتي بدونه اموت احسلي شكوو باقيه
سحر / لا انشالله ثنينكم تبقون لبعض ومايفرقكم شي اني نازله اخذي راحتج ب غرفه اعتبريها غرفتج رايحه اطلب م̷ـــِْن سهئ تسويلج شي تاكلي
_لاتعبيون نفسكم كلبي مجوعانه اني
سحر / لا حبيبتي ماكوو ايي تعب ارتاحي وغيري ملابسج واذا ماعندج تراكات انطيج مِڼـّي لان جسمج مثل جسمي يعني ترهملج ملابسي
_ههه لا اشكرج عندي ملابس ب جنطه
سحر / اوك حبيبتي يلا اني نازله
عافتني وطلعت بقيت بس اني ب غرفه غرفتها جدا مرتبه ونازكه بشكل مثل غرفتي اني م̷ـــِْن نوع احب ارتب كلشي بغرفتي
غيرت ملابسي لبست تراك يصير بيه خيط م̷ـــِْن الجهه الصدريه وينربط وقصير فوك م̷ـــِْن الافخاض.
اني كل ملابسي هيج معرف اذا همه يقبلون البس هيج او لا.
خليت قسم م̷ـــِْن عطوراتي ع ميز سحر وبقيت امشط بشعري اندك الباب.
_تفضل.
دخلت سحرر وكالت
سحر / واوو طالعه تخبلين واخيرا لگيت بنت تلبس البس الي احبه اني.
_ههه يعني تحبي ملابسي
سحر / ايي كلش احب هيج نوع م̷ـــِْن البس بس ضرغام ميخليني ودائما يرزلني م̷ـــِْن البس هيج
صرت اشتري كل تراكاتي طوال
_حبيبتي كدامج اذا تريدين هسه انزعه واخذي
سحر / ههههه لا يٰـمعوده شسالفه عندي كوومه ولله بس داحجيلج عن اخوي
_عادي اعلگ ملابسي بكنتورج
سحر / ايي حبي عادي.
اخذت جنطه مالتي وطلعت كلشي موجود بيها خليتها هيه تعلك ب ملابس واني اخذت العطورات واغراضي خليتهم ع ميزز
سحر / شكدد حلوو هل اسور ذهب لْـۆ هيج اكسسوار
_لا حبي ذهب اخذي الج
سحر / شسالفه نارين كلشي اكلج عليه حلوو وكلتي اخذي شايفتني
_ولله موقصدي شي بس اني هيج م̷ـــِْن زمان كل صديقاتي يعرفوني ايي شي يكولون عليه حلوو بعد ماكدر البسه اله انطي الهم
وهسه هاج اخذي هل اسوار هديه مِڼـّي عليج لله لاترجعي
سحر / ولله ماكدر حبيبتي اسوارتج ذهب اكيد غاليه عليج
_ماحب ذهب اني واصلا بيتنه عندي غيرها هوايه عندي ساعه وگلايد ومحابس كلهم ذهب كان بابا بكل عيد ميلاد يشتريلي شكل واني مالبسهم بس هاذه الاسوار مرات البسه لان نازك وهاي الگلاده كلش احبها
كنت لابسه كلاده ناااعمه كلش وبيها شذر ازرك ناعم
سحر / كلش حلوه الكلاده
_ايي هاذي هديه م̷ـــِْن بابا كلش احبها.
سحر / الله يخليلج ابوج
_تسلمين حبيبتي وهسه هاج اخذي الاسوار محلوه ترجعين الهديه بأيدي
سحر / شكرا حبيبتي.
اخذت الاسوار مِڼـّي وبقت تباوعله. مبين عليها كلش فرحت بيه اني م̷ـــِْن نوع كلشي عندي احب انطي لصديقاتي مابخل بشي ابد
بقينه نرتب ملابسي واغراضي كملنه ونزلنه تحت كانت سهئ محضره الغدئ. بعدنه مكاعدين ناكل اندك الباب ودخل ولد شاب.
ينطي شبه لضرغام وهم عيونه ملونات شافني واجه علينه
حيدر / سلام عليكم
_وعليكم سلام.
حيدر / سحرر جاينه ضيف م̷ـــِْن اصدقائج
سحر / ههههه لا هاذي صديقت اخوك ضرغام
حيدر / ليكون حبيبته ومنعرف
باوعت عليه سهئ وكالت
سهئ / اطمأن ضرغام ميخوني. خلو معلوماتكم الكم
حيدر / ههههه وانتي شبيج دخنتي. ترا رجال اله حق يحب ويتزوج مَـرّھٌ ومرتين و3
سهئ / عمممه احجي ويه حيدرر
ام ضرغام / ماما حيدر عيب م̷ـــِْن البنيه شبيكم يعني مايمر يوم اذا ماتتناكرون بيه
حيدر / هههه يلا سكتت.
امد ايده الي وگال
حيدر / اني حيدر اخو ضرغام
مديت ايدي وصافحته. اني نارين تشرفت بيك
_الي شرف. عيوني
سحبت ايدي عنه ورجعت خصلات شعري وره اذني. بناتهم سحرر ملابسه حجاي اعتقد بس ب بيت بس سهئ مرت ضرغام لابسه وهيه ب بيت
راح حيدر صعد فوك شويه ودخلت بنت كانت لابسه بنطرون وشاكيت بلون البنطرون وحجاب طالعه تخبل اعتقد ب جامعه
سلمت علينه وهم تعرفت عليه اسمها منار عمرها 22 سنه وحيدر 24. وضرغام الوسطاني اعتقد
بقت سهئ تحضر ب اكل رحت وراها للمطبخ گلت اساعدها.
كانت واكفه وتثرم زلاطه
_اساعدج
سهئ / لا شكرا روحي اكعدي ب صاله شويه ويجهز الاكل
_اممممم. لاتعبي نفسج اني مجوعانه.
دار وجهه علي وهيه لازمه سجين بلعت ريكي بخوف
سهئ / نارين راح اكلج شي واحد. واكيد هسه انتي راح تكولين هاي شبيها وليش تصرف هيج
بس اني واضحه وماحب الف وادور ب كلام
_شنوو الموضوع
سهئ / ابتعدي عن ضرغام لان ضرغام خط احمرر عندي ايي بنت تتقربله مارحمها
_عفواا. شايفتني بايعه ومخلصه ترا عيب هل كلام وماسمحلج تعامليني هل شكل
سهئ / حبيبتي اني گلت العندي ولباقي عليج
ضجت كلش منهاا عفتها وطلعت للصاله احس نفسي اختنكت كلش وبس واحد يلمسني انفجر
شويه والكل تجمع فرشو سفره اكل وراحو البنات ينقلون ب اكل ع سفره كعد حيدر مقابيلي وبقه يباوعلي بنضرات مستفزه
نزلت عيوني ع سفره ماريد اباوع علي حته مايفكر غير تفكير م̷ـــِْن غير شي مسالمه م̷ـــِْن مرت ضرغام.
كملو صب الاكل كعدنه كلنه ناكل سويه اني رغم كنت كلشش جوعانه بس م̷ـــِْن سمعت كلام سهئ انسدت نفسي عن الاكل.
__________________________________
ضرغام.
بقينه نايمين ب بيت مقرر باجر م̷ـــِْن الصبح اخذ نارين ونروح ع انبار اخليها بيتي احسن الها والي اني اصير قريب ع شغلي
وبنفس الوقت أمن عليها بيتي ويه عائلتي وماكوو شخص يمسها بكلمه
كنت نايم وماحس غير شي وكع عليه بقوه كمزت كانت نارين معرف شبيها تمشي وتتعثر
كنت ناوي احجي عليها لزمت حلكي وكالت اكوو اشخاص موجودين ب بيت بعدتها عني وطلعت اشوف منوو
اول شي خطرر ع بالي هل اشخاص م̷ـــِْن جماعه سلمان لان موصعبه عليهم يعرفون المكان يوم بعد يوم جاي يفاجأوني بمعلوماتهم.
طلعت ونارين لازمه ضهري وهيه ترجف م̷ـــِْن الخوف شفت شي ياريتني ماشفته اني من يمي لعبت نفسي واحس روحي طلعت
مضهرر يخزي يعني ماعرف شلوون اشرح بس رجال ومره ويسوون سويه كدام عينك
كنت ناوي اسجنه واعلمه شلوون يسوي هيج سوالف طايح حضها ب بيوت. بس صاار يبجي ويتوسل واني ماعندي وقت احاسبه اريد احل سالفه نارين اول
عفيت عنه بس اخذت كل معلوماات عنه وين عايش. وشكد عمره وهل امور #ڪــڔٰا̍ڕ
رجعت للاستقبال كانت نارين كاعده وطكطك م̷ـــِْن الخوف بس تمثل القوه عفتها ونمت
كعدت صبح ع اتصال م̷ـــِْن ابوها. العميد حسين
الووو.
_هاا ضرغام شلونك شلونها نارين
الحمدلله سيدي نارين بخير ليوم راح اخذها لانبار اخليها بيتنه هناك افضل الها والي تعرف عندي شغل ومسؤليات ماكدر اكعد هنا واسكت
_ابني ضرغام ماوصيت بنتي امانه يمك مالي غيرها اني ثيقت بيك لان اعرفك كدها ماريد شي يصيب بنتي.
تأمر سيدي اخليها ع راسي.
_لله يحفضك انشالله مثل ماكتلك خلي الموضوع سري هسه حته اهلك لاتكولهم عنها طلعلك عذر
حاضر سيدي
_عرفنه مقرر لواحد م̷ـــِْن المتهمين وراح نطلع اليوم واني راح اقود الفوج.
وين انتو حالين لبارحه ملازم كرار اتصل علي وگال عرفنه مكان واحد م̷ـــِْن جماعه سلمان واني اليوم راح اروح واشوف الوضع
_لا هاذه ارهابي اخطر م̷ـــِْن سالفه سلمان مشكل خطوره كلش جبيره.
خيرر انشالله ايي شي يصير وياكم دعم بس اتصلو علي اخلي يجيكم.
_ماشي يلا ديربالك واي شي يصير وياك اتصل علي ولاتخلي شخص يعرف بنتي وياك
_حاضر سيدي.
خلصت الاتصال ودرت وجهي كانت نارين واكفه وراي مباشره عبالي تسمع علي
بـٰ۫ﹻس گالت كنت داغسل واني هم غلست ع موضوع كتلها تحضر نفسها حته نروح
طلعت كدامها واتصلت ملازم كرار وبقينه نحجي موضوع الشغل شويه وطلعت صراحه صدمني لبسها واناقتها هاي عود مو بيتها ولبس قليل عدها
عليها شعر حلوو كلش بس محلووه تطلع هيج طلبت منهاا تلبس حجاب لان راح اخذها الاهلي بس هيه رفضت عفتها براحتها
اخذتها وتوجهنه الانبار وصلتها لبيتنه وعرفتها ع امي واختي سحر
رحت دخلت للغرفه مالتي كانت سهئ كاعده
سهئ / هـٓااا حبيبي رجعت
_ايي تعبان كلش وجسمي مكسر حضريلي الحمام
سهئ / هسه دقايق ويكون جاهز بس موكلت راح ابقه اسبوع بغداد.
_بعدين سهئ هسه مالي خلك احجي بعدين اجت ويايه بنت روحي سلمي عليها
سهئ / بنت !!!!
_ايي شبيج انصدمتي
سهئ / ضرغام منوو هاذي وليش وياك اكوو علاقه بينك وبينها احجي الحقيقه
_اششش صوتج لاتسمعج شبيج تخبلتي البنيه صغيره لْـۆ انتي حامل هسه بتنه بكدها
للعلم مرتي ماتحمل صارلي متزوج تقريبا 5 سنوات وماكوو. مَآعِرَفتّ صوج مِڼـّي او منهاا هيه تكول حلل ومابيه شي واني احلل هم مابيه وحايرين
سهئ / عليك لله كول مابينكم شي موو
_كتلج ماكوو شي ليش تخليني اطلع م̷ـــِْن طوري
سهئ / زين ليش جايه وياك
_ماعدها مكان تروحله صديقي ضابط عباس الي كتلكم علي تصاوب
ايي.
_هيه بنته تصير وابوها متصاوب وماعدها مكان تروحله طلب مِڼـّي اخذها وياي وجبتها لبيتنه
سهئ / وانته شعليك بيه شنوو ماكوو غيرك
_سسسسهئ
سهئ / اووف يلا سكتت رايحه احضرلك ملابسك
عافتني وراحت كعدت ع سرير واني افرك براسي بوجع تذكر شون گالتلي ليكون حبيتني وغرت عليه
هههه ولله مخبله هل بنيه
سبحت وبدلت وطلعت لشغلي رحت ع مركز واخذت كل المعلومات الي ماخذيها عن هاذه المجدي
شويه ودخل ملازم فهد للمكتب
فهد / سيدي
_اهلا فهد تفضل.
فهد / راح قسم م̷ـــِْن الجنود للمكان الي موجود بيه المجدي ولبسو ملابس مدنيه حته مايحس عليهم
يكولون يطلع يتنقل بين المناطق وخصوصا مناطق الضكه ولازدحامات يجي يشوف الوضع اعتقد ناوي ع تفجير.
_اثبتولي ع مكان وباجر م̷ـــِْن صبح نطلع.
فهد / حاضر سيدي.
بقيت ب مركز لليل دك شغل خلصت كلشي ورجعت للبيت.
كان الكل كاعد بحديقةة البيت ومن ضمنهم نارين كاعده ويه خواتي ع مرجوحه دخلت وراقبتني عيونها اشوفها تباوعلي وكانو عدها كلام بس متكدر تحجي
_سلام عليكم
الكل وعليكم سلام
_شلونك يابه.
ابو ضرغام / بخير بويه انته شلونك
_ولله شحجيلك قليل تعب احس راسي راح ينفجر.
ابو ضرغام / لله يساعدك. اشوفك رجعت موو گلت عدك شغل بغداد.
_ايي ولله يابه چان عندي شغل بغداد خلصته ومن عرفت بصديقي عباس متصاوب مگدرت اله اروح واشوفه وطلب مِڼـّي اخذ بنته وياي
ابو ضرغام / هاا يعني هاي لبنيه بنت عباس
_اي يابه هاي بنته نارين
حجت امي
_روح بدل ورتاح ماما بين ماتحضرلك سهئ العشئ
ماشي.
كمت ورحت دخلت للبيت كان حيدر كاعد ع غنفات ويلعب بوبجي
حيدر / هاا شيخ شلونك
_هلا حيدر.
حيدر / اكلك هاي منين جايبها خرب يومها تخبل انوب شتلبس م̷ـــِْن لبس تخلي لواحد يهيج
_انجب حيدر عينك الزاخيه تشيلها عن ناررين لا وحق السواك ادفنك ب بيت
حيدر / ع كيف عمي شگلنه هسه احنه ع اساس هيه م̷ـــِْن هذني الشريفات العفيفات تلكاها ميت شخص لاعب بيها..
_حيدرررررر. دير بالك تحجي هيج ع بنات الناس نارين بنت شريفه ومؤدبه ماعدها سوالفك المكسره
حيدر / شبيك ياضرغام هسه اني شگلت لوو اكوو شي بينك وبينها وتريد طلعني م̷ـــِْن الموضوع حته يصفالك الجووو.
_شلوون يخليني هسه انتحرر بيه واطلع كل قهري بيه
حيدر / ليش يول هسه اني شحچيت
_تعرف شي انته واحد زمال مو مال واحد يحچي وياك بأحترام تضل حيوان وبدون فهم طول عمرك
عفته ودرت وجهي كانت نارين واختي سحر واكفات بالباب ونارين دمعه بطرف عينها .
عفتهم وصعدت لغرفتي واني احس دخان طلع م̷ـــِْن راسي هاي اني وحيدر ابدد منتفاهم دائما نتعارك هوه محترگ دمه لان اني ضابط وهو كلشي ماكوو وابوي مفتخر بيه
هو م̷ـــِْن نوع سرسري كل سوالف المكسره عنده ابو بنات عدنه كلشي تسليه اكثرر م̷ـــِْن مره اطلعه م̷ـــِْن مصيبه.
دخلت للغرفه. وضربت الباب بقوه كمزت سهئ وكالت
سهئ / خيرر يستار شكوو
_ماكوو شي روحي حضريلي عشئ
سهئ / ماشي.
اخذت ملابس ودخلت اسبح كملت وطلعت انشف براسي اندك باب غرفتي
_تفضل
دخلت نارين وكالت
ممكن نحجي .
