رواية عيون المها الفصل السابع بقلم ظل الياسمين
اجرح يا زماني اشلون متريد وشباج الفرح فد نوب سده
بعد الي اخذته مني شتريد اكطعت من بين كلبي اعز ورده
ما اندم بعد واتحسف العيد كلش زين تدري بعيدي عنده
اجت المره جيرانهم تكلب ببيبي ودارت علينه كالت البقاء بحياتكم
كمت اعيط واللطم واملخ بشعري اهز بيهه فدوه بيبي كومي والله مالي غيرج
اخخخخخ يا بيبي لا تعوفيننني فدوه اروحلج 😭بقيت ثلث ساعات اصرخ الا ان راح صوتي وكعت على صفحه
اجه عمو سالم/خويه صفيه انتي امي واختي ليش استعجلتي الموت ليش 😭
اني انتهيت تكابلنه انه وياه وكمنه نلطم بيبي تستحق الي يلطم عليهه
اجو الجوارين واخذو بيبي وراحو ورحنه وراهم ومناك رحنه لنجف ندفن وام صلاح ما عافتني كل شويه تشربني مي
ام صلاح/حبيبتي مها هذا امر الله ليش هيج اسوين بروحج جاي تعذبهه كافي بجي.
دفنه ورجعنه وعمو سالم سوه فاتحه ثلث ايام اني احس تمرضت وكل جسمي يوجعني كلما اذكر بعد ما اشوف بيبي اخاف وارعب وارجع ابجي الا ان عيوني ورمن وصار البياض حمار
اجتني نسمه وامهه
_نسمه/ولج شمسويه بروحج ليش هيج عيونج واملخه خدودج
_نسمه هاي بيبي بعد ما ترجع راحت
_امها/صدك جذب خاله مهاوي ليش تعترضين على امر الله الميت رايح يم رب كريم كافيج اقريله قران وادعيلهه برحمه
_اشلون اعيش بدون بيبي اني ما مفاركتهه وعيت عليهه اشلوووون يا ناس يا عالم 😭
_كولي يا الله 💔 الله ينطيج الصبر خاتمه الاحزان
خلصت الفاتحه وفرغ البيت ومحد متاثر بكدي صح عمو سالم اول بدايه بجه هواي بعدين الامور طبيعيه
اجاني للغرفه واني اقره قران انطاني فلوس كال هذني زادن من فلوس المرحومه كتله مال شنو
_سالم/بيبيتج انطتني فلوس دفنتهه والفاتحه وحتى العقيقه وزادن منهن وجبتهن الج
_عمو انته هواي تعبت ويه بيبي خليهن الك اوووووف يا بيبي حتى الفاتحه مفكره بيهه
_لا عمو بيبيتج جانت مغركتني بخير جدج الله يرحمه
_جدي مسجون ما ميت
_لا اله الا الله 😓 صرتي مثل صفيه ما تقبل تترحمله وصارله ست اسنين مفقود
خلصت اربعين بيبي واجرنه ريم ورحنه للمقبره وهناك اشوف قبر بيبي كل الناس الويانه تبجي عليهه فضلهه على المنطقه كلهه
رجعنه من النجف واني كل يوم اقره قران واصلي واهديهم لبيبي
اسمع مرت عمو سالم تحجي وياه
_اكلك سالم مها راح تبقه هنا الحجيه راحت لرحمه الله خل تروح لعمتهه
_هاي شبيج يا مره مها وصية الحجيه والبنيه زغيره وحلوه والدنيه تخوف اشلون تردين اتواجه هاي العالم الماتخاف الله
_احنه ابتلينه خوما ابتلينه
_كافي كافي لا اضلين تحجين حجي زايد عود من تاكل من جد اهلج عود طرديهه
_اني سمعته واني دموعي صبن وينج بيبي ليش هنت عليج تعوفيني
وين اروح منو الي
مرن ثلث اشهر واني ما طالعه من البيت ما اكل بنهار اصوم لان حالتهم تعبانه والفطور خبزه وجاي ومرات بس خبزه
كعدت مره على صياح مرت عمو سالم
تلبس بجهالهه وتعيط وتبسط بيهم اجيت عليهه كتلهه خطيه ليش تبسطيه
اشو هاي انفجرت بيه مسبه وغلط ما خلت شي ما حجته ومن ضمن حجيهه تكلي انتي عار على سالم العالم كلت وجهه انته لاعبه لعب ويه ابن ام عبد بنصاص الليالي اطلعين وياه
_بعصبيه رديت عليه اني بت الحجيه صفيه وابد ما فرطت بشرفي انتي شتردين مني حرام عليج
_اطلعي من بيتي هواي تحملناج وعمج يستحي يكلج
_اني مثل الهبط ضغطي حتى عيوني ما بيهن ادموع كتلهه صار يجرالج
_لبست عبايه بيبي من كثر الضعف والاذيه ما اكدر امشي
طلعت اول مره احس بخنكه وما ادري شسوي اخذت غراض بيبي وطلعت رحت لبيت نسمه دكيت الباب واني مستحيه
_نسمه /هله بيج حبيبتي والله تعذريني ما جيت بعد الفاتحه تدرين اهلي ما يقبلون تفضلي
_دخلت جابتلي مي وجاي واجت امهه
_كالت اليوم تغدي عدنه كامت المره وجابت الصينيه بيه تمن ومرك وخضره وزلاطه اني من كد الجوع اكلت بشراهه وهنه يباوعن عليه
_سولفت لنسمه الصار كتلهه نسمة اني اليوم ابات يمج فدوه بس اليوم تحمليني
_امهه صاحتهه وكامت ترزل بيهه
بسرعه اخذت جنطتي وطلعت باوعت لسمه وبجيت ربي مسني الضر وانته ارحم الراحمين مشيت سريع ودموعي تنزل واحجي ويه نفسي عود ليش اني ضعيفه بيبي شنو وصتني كالت صيري قويه وبكل خطوه توكلي على الله واهل البيت عليهم السلام
ما حسيت الا اني اباب عمو سالم صرت وياه وجه بوجه
_صرخ بعصبيه وين جنتي ليش تبهذليني من الضهر لسه ادور عليج
_دنكت كتله مرتك طردتني وحجيتله السالفه كلهه كتله عمو ما مجبور تتحمل عاري اني جنت مراهقه وما اعرف اصرف سامحتي اذ خليت احد يعيرك
_استغفر الله ربي عمو مها منو كلج هذا الحجي
_اني بعد ما اكدر ادخل لبيتك ابد
_وين ترحين اني اخاف عليج الدنيا مو امان
_الله موجود ارجع لبيت جدو واليصير ايصير
_عفته وهو يحاول يلزمني ويتوسل ويمشي وراي واني بكل سرعتي اتعديت بيت ام صلاح ورحت دكيت الباب بكل قوتي وعمو سالم وياي واكف
طلع ولد شاب كتلهه وين عمتي خيريه
_انتي منو
_معليك هذا بيت جدو انته الي منو
_صاح خيريه اكو بنيه تكول هذا بيت جدهه وتريدج
_طلعت اميشه شعرهه ولابس دشاشه دلعتهه جبيره
_اشجابج ولج وشتردين
_هذا بيت جدي ومن وراج اتبهذلنه اني وبيبي وبسببج بيبي ماتت اريدج اطلعين من بيت جدي فلاح
_طلعت الجيران على صياحي وهيه هم كامت اصيح
_شيفضج يا طلابه عمي هذا بيت ابووووي وانتي روحي ركعي راسج بلحايط اشتردين اسوين سوي وطبكت الباب
_طلع اخو امجد الجبير وكام يحجي ويه عمو سالم
_عبد/مع الاسف هاي بت حجي فلاح
الحجي جان خير وابن اوادم خويه يوميه حفلات وركص لصبح وسيارات ايطبكن من كل شكل ولون الله يسترنه ويستر على امه محمد
_كمت ادك حيل بلباب واصيح اطلعي من بيت جدو والا اشتكي عليج ومحد طلع منهم اجه ايو صلاح ورحنه وياه
_ابو صلاح/هاي ناس لا تخاف الله ولا اعباده ابتعدي عنهم
_عمو وين اروح تره الدنيا ضاكت بيه
لا تكلي اكعدي عدنه تره عظم ابنادم ثكيل ولا هي يوم يومين فدوه اروحلك
_خلص باجر نروح اني وياج وعمج سالم لابو رائد ونشوفلج حل الصباح رباح دخلي يم عمتج ام صلاح
_ام صلاح/هله بيج يمه مهاوي تعالي يلحبيبه انته الباقيه من ريحة الحجيه والله الحجيه صاحبت فضل على المنطقه كلهه الجايبه توجبهه والنفسه اداريه والجوعان توكله الله يرحمهه برحمته الواسعه 😭
_اني راسي اموتني من كثر الصياح كتلهه خاله اريد افراش انام
وثاني يوم رحنه بس اني وابو صلاح لواحد حزبي جبير علاساس يحل المشكله وبطريق كلتهه عمو خل انصور سند البيت وننطيه نسخه منه بلكي الله يكدر يسويلي حل ومناك اخذني لسوك صورنه وطلعنه بوجهنه لبيت ابو رائد
دكينه الباب وطلع ابنه ودخلنه
لكينه عدهم ناس كاعدين واني افرك بديه ولابسه اسود وضعيفه وحال الظيم حالي
انتظرنه ساعه يلله اجه سلم وكعد
_تفضل أبو صلاح خوماكو شي
_والله شكلك هاي حفيدة حجي فلاح خل تحجيلك الصار بيهه
_كمت ارجف وابجي واسوالف عمو هاي عمتي طردتنه من بيتنه اني وبيبي ومن وراهه بيبي تمرضت وماتت واني تبهذلت من بيت لبيت وين اروح
وعدي سند بسم جدو يثبت الي حصه بيه
_هز راسه وكال سهله اني اتكفل موضوعه لا تهتم
_ابو صلاح/الله يكثر من امثالك هاي يتيمه وتريد بيت جدهه وانته تعرف ذول الناس اجو من غير ولايه ونكسو بيت الحجي
_اني راح اسوي العليه ويصير خير
طلعنه وكلي امل يرجع بيت جدو اني بقيت عد بيت ام صلاح
ثاني يوم دز ابو رائد علينه ورحناله ولكينه عمتي لابسه عبايه ومطلعه كذلتهه اميشه والمكياج وكاعده على الطخم ومخليه رجل على رجل
رجلهه مدري حماهه كاعد بصفهه
اجينه اني وعمو ابو صلاح وام صلاح
كعدنه وبده ابو رائد يحجي
_شوفي يا بت الحجي هاي بت اخوج يتيمه وماله مكان تروحله وانتي اجيتي اخذتي بيتهن المره الحجيه ماتت من القهر على بيتهه
قاطعته هذا بيت ابوي
_لا تقاطعيني خليني اكمل والج مطلق الحريه بلحجي
_هاي البنيه المفروض انتي المسؤله عنهه
بنيه زغيره ويتيمه منو الهه وانتي تسرحين وتمرحين ابيتهن
_اولا هذا بيت ابوي ثانيا اني اخوي حسن ما مزوج منو يكول هاااااي بته وتاشر عليه من فوك ليجوه
_اني قاطعتهم عمو اني عدي عقد امي وابوي وعدي جنسيه جدو طلعهه الي وعدي السند مال البيت
_خلص اذ هيه مو بت اخوج باجر نقدم الاوراق للمحكمه وهيه تقرر
هيه كامت وهو صاح بيهه اكعددددي خيريه تره اني ساكت لخاطر حجي فلاح سهرات بنصاص الليالي
باجر يفررررغ البيت ما نريدكم بلمنطقه
كامت ترجف وكالت بت اخوي تجي تعيش وياي واني اتكفل بعيشتهه
_امن البزون شحمه احنه ما اريدج تتكفلين بشي اريد حصتهه من بيت جدهه
_خيريه /الي تردوه يصير
_تاخذ الحديقه الي على بيت ام صلاح تبني بيه غرفه وملحقاته من باجر افتهمتي لو لا
_وجهه كام يطلع دخان صار تتدلون تبقه بت اخوي وانشالله ما اقصر وياهه
_تبطلين السهرات تالي الليل
_صار
الحمد لله والشكر كامت ام صلاح باستني _شوفي ربج ما يضيع حك اليتيم
اشكرنه من ابو رائد وطلعنه
