رواية صدفه غريبه الفصل السابع بقلم جمانه السعيدي
زيد...من هذا الموقف حسيت العمال يعرفون هو جاي ياخذ بضاعه من زمان ويبيعها لحسابه
لان ردت فعلهم كانت عاديه ابد ماتفاجئو من طلع حرامي
بس كلهم ساكتين خايفين منه
طبعا الي يسكت على الحرام يكون شريك بي
الي يشوف شي غلط لا زم يكول
الساكت عن الحق شيطان اخرس
هذا الموقف عزز ثقة ابو فاطمه بيه اكثر من قبل
ابو فاطمه....انت رحمه رب العالمين دزه اليه كل يوم تثبتي انت جدير بلثقه
زيد...لاتكول هيج اني لو باي مكان واشوف شي غلط
لازم احجي اذا اسكت اكون شريك بهاي الجريمه
ابو فاطمه ...عفيه عليك
بعدا هذا الموقف ابو فاطمه زاد راتبي
وعلا قاتنا العائليه وياهم كل يوم تقوى اكثر واكثر
امي كل النهار بيتهم
لو همه بيتنا
اذا طبخت ادزلهم وهمه اذا طبخو اي اكله لازم تطلع حصتنا منها
بس اني طول النهار بلشغل اطلع من الصبح
وماارجع اله بليل
حتى الغدا امي تنزله اليه جوا
جمانه السعيدي
بعد حادثة السرقه هاي صرت حريص اكثر على حلال ابو فاطمه
وكمت ادقق بلجبيره والصغيره
اكو مثل قديم يكول عينك على حلالك دوه
وحسب ماسمعت من امي حالة فاطمه صارت احسن بهواي
من قبل
امي...يمه ليش هيج تعب نفسك انطي نفسك ساعه استراحه الضهر
زيد..مااكدر اعوف الشغل ماامن بلعمال
امي..بس نفسك اله عليك حق
زيد...بس اجمع مبلغ زين افتح مشروع خاص بيه وساعته
محد يتحكم بيه
تذكرين شكد بقيت ادور شغل زين
هسه من لكيت الشغل الي اريده تردين ارتاح
ابد مراح ارتاح اريد اشتغل
بعدين ابو فاطمه عايف كلشي عليه لان عندا ثقه عميه بيه
واني مااريد اخون هاي الثقه ابد
امي...على طاري بيت ابو فاطمه
اذا مااروح الهم تجي فاطمه تاخذني البيتهم لو تكعد هنا يمي
وتبقى تسئلني عنك
زيد...تسئل عني ليش
امي...الضاهر ولله اعلم معجبه
زيد...حرام هذا الحجي
امي... انت ماشايفه شكد تلح بلسؤال عنك وكانما تريد اجمع معلومات عنك
زيد...يمه هي وين واني وين هذا الخير كله الها وحتى هذا البيت بيتها
ابوها اذا يريد يزوجها قابل يزوجها واحد مثلي
اكيد يريدلها واحد شبعان مريش
اني شعندي قابل حتى بيت مااملك واشتغل محاسب عد ابوها
امي...ولله الحب لا يعرف مستويات ولا بطيخ
بعدين انت معدنك صافي هنيالها الي تاخذك متدين
خريج مودب ماعندك سوالف منا منا
حتى جكاير ماتشرب بعد ليش ماتقبل بيك
زيد..امي سدي هذا الموضوع مااريدج تحلمين زايد
هسه نحلم يصير عدنا بيت ملك وبس
امي..انشاء الله
جمانه السعيدي
راسا اندكت الباب
باوعت للساعه بلوحده ونص بليل ياستار منو اجانا هيج وقت
امي...يمه لا تفتح الباب كول منو بلاول احنا مانعرف احد هنا
زيد...انتضري دقيقه
فتحت الباب جان اشوف فاطمه بوجهي شايله ماعون حلاوه
لابسه تراك بنفسجي وشامره شال على شعرها
عطرها انتشر بلمكان
زيد...اهلا فاطمه
فاطمه...اسفه إذا اجيت هيج وقت بس اعرف انت تجي متاخر اليوم سويت حلو وجبتلك حتى تكول شنو رائيك بشغلي
راسا امي اجت للباب
امي...منو يمه
زيد...هاي فاطمه جايبه حلو
فاطمه...شلونج خاله
امي..ابن الحلال بذكره ادخلي حبيبتي ليش واكفه بلباب
فاطمه..لا الوقت متاخر
زيد..اخذت الماعون من ايدها شكرا
فاطمه. تصبحون على خير
زيد...انتي من اهل الخير
بقيت واكف بلباب وعيني عليه منا لمن دخلت للبيت
قبل لا تطبك الباب رفعت ايدها تسلم عليه وبتسمت
طبعا المسافه بين بابنا وبابه تقريبا اربع مترات
طبكت الباب التفت شفت امي تضحك
زيد..اني هم ابتسمت لا اراديا هااا خير اضحكين
امي...مو كتلك تحبك ماتصدك ووين اكو حلاوه الساعه
بلوحده ونص
زيد....خل اروح انام احسن
امي...والحلاوة منو ياكله
زيد...اكليه انتي
امي...لا راح اضمها الباجر حتى تاكل منها وتكول رائيك
الفاطمه
زيد...ضحكت وهزيت ايدي ودخلت غرفتي
تمددت معقوله فاطمه تحبني
اوكف زيد ياا تحبك بسم الله الرحمن الرحيم
كول معجبه ميخالف مقبول بس مو تحبني ايجوز لان ابوها يحجي بيه كدامه
ايجوز لان اني الي طلعت السحر
اني ووين وهي وين اصلا باحلم مااحلم احبه وتحبني
بعدين عيب من ابوها
هو عندا ثقه بيه وماامني على حلاله وبيته
مايصير اخلي عيني على فاطمه
جمانه السعيدي
ثاني يوم نزلت للشغل بس اكو شويه من عقلي يفكر بفاطمه
الساعه ١١ الصبح مدنك اراجع بلسجل اكو حساب عدنا متاخر على التسديد
مااسمع غير صباح الخير زيد
رفعت راسي فاطمه
بقيت صافن متفاجئ من جيته لا بسه نفنوف اسود
بي ورده بيضه وحذاء ابيض وحجاب ابيض
طالعه تخبل
رجعت عادت عليه السلام من شافتني صافن بوجها
فاطمه...صباح الخير
زيد...هااا صباح الخيرات
فاطمه...شلونك
زيد...الحمد لله تامريني بشي
فاطمه... اريد زاهي وصابون
زيد...اي صار
فاطمه...هااا طيبه
زيد...شنو؟؟؟؟
فاطمه...الحلاوه
زيد....راسا اذكرت امي وضحكته ماكدرت ماااابتسم
تردين الصدك
فاطمه...هاا ماعجبتك
زيد...لا ولله بعدني مااكلت منه بليل ماكدرت اكل
والصبح مو وكت حلاوه من ارجع اكل منه
ولو متأكد راح تطلع طيبه
فاطمه...شكرا سكتت دنكت
اريد اسئل سوال
زيد...اي
فاطمه...انت ليش هالك نفسك بلشغل ليل نهار ليش ماترتاح
فد ساعه بلنهار
بعدين عايف خاله طول النهار وحدها
زيد...ومنو يبقى بمكاني
فاطمه...بس الشغل جان ماشي قبلك
زيد... ماشي بس اكو حراميه هسه اني حافظ الحلال
مستحيل احد ياخذ شي واني موجود
فاطمه...بس تعب عليك
زيد...لا مو تعب اني احب الشغل
فاطمه....زين خاله شلون جانت تخلص النهار اذا انت بلشغل
زيد...قبل ماجنت اشتغل لان ماكو شغل
جنت مكابله وكاعد طول النهار
فاطمه...تمام براحتك
زيد...اي نوع زاهي تردين
فاطمه...اني اجيب لا تشغل بالك
زيد...مايصير اني اساعدج
رحت وياها نزلتله زاهي وأخذت صابون وصحت على واحد من العمال يصعد العلاكه وياها
الضهر امي جابت الاكل
زيد..ليش مااتصلتي واني اجي اخذه الدرج يتعبج
امي...هااا اجتك
زيد....غشمت نفسي منو تقصدين
امي....يمه يمه منك سوي نفسك ماتفتهم فاطمه منو غيرها
زيد...احنا مو كلنا مانحجي بهذا الموضوع
امي...زين بس اعرف شحجيتو
زيد....يمه يمه شنو هذا الفضول
امي...الله عليك احجيلي
زيد...تريد زاهي وصابون اخذت وراحت
امي...لا تأخرت يمك نص ساعه
زيد...خرررب هههههه ولله انتي حاسبه الوقت
امي..لا هيج بلصدفه
زيد...سكتت شويه
امي...احجي لا تسكت
زيد...كلشي ماحجينا اخذت زاهي وصابون وراحت
امي...هاا هيج زعلت عليك
زيد..ميخالف اني من اجي اصالحج
امي...ولك ساعه تبدل وتعدل وواكفه كدام المرايه
علمود تنزل تشوفك وخلت حجتها الزاهي
وانت تكول كلشي ماحجينا
زيد... مرت الجايه اذا اجت اسجل كلامنا من تجي فاطمه
لو انتي تعاي وياها حتى تسمعين الكلام
ياحبيبت كلبي شيلي فاطمه من بالج اني وين وفاطمه ووين
زيد...ولك تحبك افهم حس شويه
ولو انت منيلك الاحساس
اليوم بس شافتني راسا كالت خاله فدوه البارحه كلتي ابن الحلال بذكره
جنتو تحجون عني انتي وزيد
الله عليج شكال عليه
زيد...اي وبعدين شرديتي عليه
امي....مااكول بس انت ماتحجبلي شصار ببنك وبينها
زيد...الله وياج روحي اريد اتغدا وارجع الشغلي
امي....هااا تطردني
زيد...تعاي تغدي وياي
امي...شكرا
عافتني وراحت ولله امي عليه سوالف
بس اني صدك عجبتني فاطمه بس مستحيل اخطبه
اكيد ابوها راح يكول طمعان بفلوسنا
واني مستحيل اخلي نفسي بهيج موقف ابد
