رواية زواج ست أشهر الفصل الثامن بقلم جمانه السعيدي
سمر مريت باصعب ايام حياتي واني اشوف اصيل كل يوم يموت كدامي
مكابلته وابجي وادعي رب العالمين يكومه بلسلامه
ابد ماادعي لان هو زوجي ادعيله لان انسان بمعنى الكلمه محترم وحنيين وطيب
كل لحظه تمر عليه دهر بليل مااكدر انام وحتلو نمت افز بسرعه وابقه اباوع للنفس مالته
اخاف افقده
لان اعرف اني ماعندي حظ كل واحد احبه واتعلق بي افقده قبله فقدت امي
كعد بليل لكاني ادعي وابجي
اصيل ليش تبجين
سمر لا ماابجي جاي ادعيلك
اصيل اني شفتج تبجين اني مااستاهل دموعج
جمانه السعيدي
سمر اريدك تشد حيلك فدوه اصيل قاوم المرض وكوم
اصيل اتمنى الله يطول عمري واكدر اردلج شويه من هذا التعب
سمر لا تكول هيج ازعل عليك انت بس صير زين
واني اعيش خدامه جوه رجليك
اصيل ليش هيج تكولين انت اميره واني اعيش خدام اللج
سمر يارب لا اضيع تعبي وكومه بلسلامه
تعبت كلش تعبت مو من الشغل لو من اصيل تعبت من القلق والتفكير اخاف افقده بيوم من الايام
بدت حالته شويه تتحسن
الصراحه عمي ماقصر يجيب علاج اصلي
والفواكه والبرتقال نريد مناعته تصعد
بعد شهر كامل من التعب يله صار شويه احسن
صحيح نحلان وتعبان بس احسن من بداية المرض
جمانه السعيدي
اصيل اذا اكو واحد اله عليه فضل بعد رب العالمين انتي
سمر اني ماسويت شي انت عزيز عليه
اصيل فعلا الإنسان المعدنه اصيل يبين بلشده
مااجازيج لو انطيج عيوني
الجو دفا وصار حلو شلت فراش البيت وكله اغسله بديتول واعقمه
اصيل اول ما طلع للشارع الناس كله متفاجئه بي
لان وصل للموت والكل توقع يموت بسبب حالته الصحيه
اول يوم طلع بي راح جابلي سوار ذهب هديه
اني كاعده بلمطبخ ودخل باسني من راسي
وكال عندي اللج مفاجئه
غمضي عيونج
سمر غمضت
اصيل انطيني ايدج
سمر تفضل
لبسني السوار وباسني من ايدي
...الله حلو شكرا
اصيل بس هيج
سمر بعد شتريد
اصيل اكراميه واشر على خده
سمر ابتسمت قربت وبسته بخده
اصيل الله رجعتلي قوتي مثل قبل اي هيج من البدايه
اذا عندج العلاج ليش بخيله عليه
سمر الله لا يرجع ذيج الايام الصعبه
بعد ما اتشافه اصيل باسبوعين اني بينت عليه علامات المرض تعبت كلش وما احس بطعم اي شي
اخذني اصيل للمستشفى سويت تحليل
وطلعت مصابه
جمانه السعيدي
اصيل يمكن اجتج العدوه مني لان هذا الفايروس
تضهر علاماته خلال عشر ايام اواسبوعين
سمر لا تقربلي اني راح اعزل فراشي فوك اني ماصدكت كمت بلسلامه مااريدك تتمرض مره ثانيه
اصيل تحجين صدك قابل روحي اعز من روحج
انومج على كلبي اذا يصير بيج شي غير اتخبل
منو تحملني كل هاي الفتره
حتى امي ماوصلت للبيت تخاف
وانتي حايره بيه مستحيل اعوفج ابد
سمر بليل ابقه اكح واحوس من الحراره وهو نايم يمي
اكله قلقت نومتك روح نام هناك
اصيل ابد ولله ماانام اله بصفج
يخليني على صدره وينام
ياخذني للحمام يغسلي حتى اكل يوكلني
اني حبيت المرض لان اصيل قريب عليه
اكو وحده مخبله مثلي تحب المرض وتتحمل الوجع حتى اصيل يكون قريب عليه
اخاف هذا حلم
واكعد والكه كلشي ماكو
يارب اذا حلم مااريد اكعد منه ابد
جمانه السعيدي
ليله منهن ماكدرت انام من الصخونه حار شسوه
حتى ابره ضربت ومانزلت حرارتي
اخذني للحمام ونزعني ملابسي وكعدني جوه الدوش
رجع لفني بلروب وشالني ورجعني للغرفه
وكعد يجفف بشعري ويمشط بي
خلاني بحضنه ونام يكول خاف تصعد حرارتج حتى احس بيه
اسبوعين وهو ماعافني ولا دقيقه
تدرون ابوي عرف بيه مريضه اتصل بيه بس مره وحده
طول فترت مرضي
بس مره وحده اتصل يطمن عليه
واصيل عايف كلشي وكاعد يمي
كلما اتحرك يكمز قبلي
شويه شويه حالتي بدت تتحسن بس النحول لازمني
ومااكدر اكوم اخلص شغل البيت
ام اصيل ادزلنا اكل لو نطلب جاهز
واصيل ينضف البيت
جمانه السعيدي
لبنى بس سمعت اصيل صار زين ورجع يطلع ويمشي
رجعت تتصل بي
اصيل نعم
لبنى هلو حبيبي الحمد لله على السلامة
اصيل الله يسلمج
لبنى اريد اشوفك
اصيل ماعندي وقت قربت الامتحانات
لبنى هاي شبيك اشتاقيتلك انت ماشتاقيتلي
اصيل ممكن تمسحين رقمي وبعد ماتتصلين
لبنى ادري بيك زعلان بس ولله جنت خايفه
هواي ناس ماتت وخفت على نفسي
اصيل ليش سمر ماخافت على نفسه ولج تنام بصفي
وتوكلني وتلبسني
لبنى اي سمر هاي فرصته حتى تقرب منك
قابل اني حيلي مثل حيل سمر اني مااتحمل ابد
من اوكع فلاونزا عاديه انام بلفراش شهر
والأخبار خبلتنا ناس شكد ماتت
اصيل اي اعتبريني متت وانسي كلشي كان بينا
لبنى اني احبك ومااكدر انساك ابد
اصيل بس اني نسيتج واذا تتصلين مره ثانيه اغير رقمي
لبنى ليش هيج متغير عليه
اصيل اسئلي نفسج الحمد لله الي كشفج على حقيقتج
كدامي قبل لا اتورط وياج ونزوج
جمانه السعيدي
سمر كاعده اقرا وسمعت اصيل رجع من برا
اصيل وينج سمر
سمر هنا كاعده اقراء
اصيل جبت عشى جاهز تعاي نتعشى
سمر قربت الامتحانات ولا اني ولا انت جاي نقرأ
اصيل وداعتج راح ننجح ثنيبنه
اصيل تعرفين منو اتصل بيه ألبوم
سمر منو
اصيل لبنى
سمر راسا شركت بلاكل
اصيل اسم الله هاي شبيج هاج اشربي ماي
سمر شرجعه علينا
اصيل اني طردته وكتله بعد لا تتصلين هنا ابد
سمر عفت الاكل انت بعدك تحبه
اصيل لا
سمر احجي الصدك
اصيل وداعت عيونج الحلوات مااحبه لان عرفته على حقيقته جنت مخدوع بيه
سمر خاف تحجي هيج كدامي
اصيل بس احب وحده غيره
سمر منو النوب هاي الي تحبه
اصيل وحده كاعده كدامي جانت كدامي من زمان بس اني ماشايفه لان جنت اعمى
سمر منو قصدك
اصيل قصدي حضرتج اني احبج بس مااعرف اذا انتي تحبيني لو لا
سمر هااا خل افكر
اصيل زين علما تفكرين اتصل بلبنى
سمر لا كلشي الا لبنى ماصدكت خلصت منه
اصيل اي كووولي
سمر احبك
اصيل ماسمعت
سمر احبك وانت اول حب بحياتي
اصيل واني اموت عليج
