رواية الملازم والعنوديه الصغيرة الفصل الثامن بقلم مجهول
ﺳﻤﺮ .. ﻣﻦ ﺷﻔﺘﻬﻢ ﺧﻔﺖ ﻭﺩﺭﺕ ﻭﺟﻬﻲ ﺭﺩﺕ ﺍﻃﻠﻊ
ﺻﺎﺡ ﺑﺼﻮﺕ ﺍﺣﺲ ﮔﻠﺒﻲ ﻭﮔﻊ ﺑﻴﻦ ﺭﺟﻠﻴﻪ
ﻫﺸﺎﻡ .. ﺍﺭﺟﻌﻴﻴﻴﻴﻴﻴﻲ
ﻣﺮﺍﻡ .. ﻋﻠﻪ ﻛﻴﻔﻚ ﺧﻴﻲ ﻭﺍﻟﻠﻪ ﻣﻮ ﻗﺼﺪﻫﺎ ﺩﻗﻴﻘﻪ ﺑﺲ ﺍﻧﻄﻴﻨﻲ ﻣﺠﺎﻝ ﺍﻓﻬﻤﻚ
ﻫﺸﺎﻡ .. ﺍﻃﻠﻠﻌﻲ ﺑﺮﺓ ﻭﺳﺪﻱ ﺍﻟﺒﺎﺏ ﻭﺭﺍﺍﺝ
ﻣﺮﺍﻡ .. ﺑﺴﺲ
ﻫﺸﺎﻡ .. ﮔﻠﻠﻠﺖ ﺍﻃﻠﻌﻴﻴﻴﻲ
ﺳﻤﺮ .. ﻣﺮﺍﻡ ﻃﻠﻌﺖ ﻭﻫﻲ ﻣﻘﻬﻮﺭﺓ ﻭﺑﻌﻴﻮﻧﻬﺎ ﺗﻌﺘﺬﺭ ﻭﺍﻧﻲ ﺿﻠﻴﺖ ﻻﺯﻣﻪ ﺍﻳﺪ ﺏ ﺍﻳﺪ ﻭﺍﻋﺼﺮ ﻭﺍﻣﺪﻧﮕﻪ ﺷﻔﺘﻪ ﻃﻠﻊ ﺟﮕﺎﺭﺓ ﻭﺭﺛﻬﺎ ﻭﺧﻠﻬﺎ ﺑﻴﻦ ﺷﻔﺎﻳﻔﻪ ﺻﺎﺭ ﻳﺴﺤﺐ ﻧﻔﺲ ﻗﻮﻱ ﻭﺯﻓﺮ ﺍﻟﺪﺧﺎﻥ ﻟﻔﻮﮒ ﻭﺭﺟﻊ ﻃﻔﺎﻫﺎ ﻭﻫﻮ ﻳﺒﺎﻭﻋﻠﻲ
ﻛﺎﻝ ﺗﻌﺎﻱ
ﻛﻞ ﻓﻜﺮﻱ ﻫﻮ ﻣﻌﺼﺐ ﻻﻥ ﻣﺎﺍﻧﺘﻀﺮﺗﻪ ﻧﺴﻴﺖ ﺳﺎﻟﻔﻪ ﺍﻟﺘﺼﻮﻳﺮ ﺭﺍﺣﺖ ﻣﻦ ﺑﺎﻟﻲ
ﺭﺣﺖ ﻳﻤﻪ ﻭﺍﻧﻲ ﺍﻣﺸﻲ ﺑﺨﻄﻮﺍﺕ ﺑﻄيئه ﻭﻛﻞ ﺧﻄﻮﺓ ﺍﺣﺲ ﺩﮔﺎﺕ ﮔﻠﺒﻲ ﺗﺘﻌﺎﻟﻰ ﻭﺻﻠﺖ ﻳﻤﻪ
ﺍﻭﻝ ﻣﺎﺭﻓﻌﺖ ﺭﺍﺳﻲ ﺿﺮﺑﻨﻲ ﺭﺍﺷﺪﻱ ﻓﺮ ﺧﺪﻱ ﻓﺮ
ﻟﺰﻣﺖ ﺧﺪﻱ ﻭﺍﻟﺪﻣﻮﻉ ﺍﺣﺴﻬﺎ ﺗﺠﻤﻌﺖ ﺑﻌﻴﻨﻲ ﻭﺍﻧﻬﻀﻤﺖ ﺣﺘﻰ ﻣﻦ ﻗﻮﺓ ﺍﻟﻀﺮﺑﻪ ﻭﮔﻊ ﺍﻟﺨﺎﻭﻟﻲ ﺍﻟﺨﺎﻟﺘﻪ ﻉ ﺭﺍﺳﻲ ﺭﺟﻊ ﺳﺤﺒﻨﻲ ﻣﻦ ﺷﻌﺮﻱ ﻭﺻﺎﺭ ﻳﻌﺪ ﻭﻳﺼﻒ
ﻫﺸﺎﻡ .. ﻭﻭﻭﻟﺞ ﺍﻧﺘﺘﻲ ﺷﻨﻮﻭ ﻣﻄﻲ ﻣﺎﺍﺍﻝ ﻛﺘﻞ ﻣﺘﺮﺗﺎﺣﻴﻦ ﺍﻟﻪ ﺗﻨﻬﺎﻧﻴﻦ ﻟﺞ ﻟﻮ ﻣﺎﺟﺎﻱ ﺍﻟﻤﺮﺍﻡ ﻫﺴﻪ ﻭﺷﺎﻳﻔﻬﺎ ﺗﺘﻔﺮﺝ ﻋﺎﻟﻔﻴﺪﻳﻮ ﭼﺎﻥ ﻋﺒﺮﺕ ﺍﻟﺴﺎﻟﻔﻪ ﻋﻠﻴﻪ
ﻟﺠﺠﺠﺞ ﺗﺘﺪﺭﻳﻦ ﺷﻨﻮ ﺍﻟﻘﺎﻫﺮﻧﻲ ?
ﺍﺳﺘﻐﺒﻴﺘﻴﻨﻲ ﻭﻛﺴﺮﺗﻲ ﻛﻠﻤﺘﻲ ﻭﺍﻧﺘﻲ ﻛﻠﺞ ﺑﮕﺪ ﺍﻟﻘﻨﺪﺭﺓ ﺷﺴﻮﻭﻭﻳﻠﺞ ﻓﻬﻤﻴﻴﻴﻨﻲ ﻣﻮ ﺗﻌﺒﺘﻴﻴﻨﻲ ﺷﻮﻛﺖ ﺗﺘﻌﻠﻤﻴﻨﻨﻦ ﺍﻟﻀﺎﻫﺮ ﺍﻧﺘﻲ ﻣﺎﻳﻨﻔﻊ ﻭﻳﺎﺝ ﻏﻴﺮ ﺍﺳﻠﻮﺏ ﻃﻴﺤﺎﻥ ﺍﻟﺤﺾ ﻭﺍﻻﻫﺎﻧﻪ ﻭﻫﺬﺍ ﺍﻟﺸﺎﺭﺏ ﻣﻮ ﻋﻠﻴﻪ ﺍﺫﺍ ﻣﺎﻃﻴﺤﺖ ﺣﻀﺞ ﺍﺭﻳﺪ ﺍﺷﻮﻓﺞ ﺍﺷﻠﻮﻥ ﺗﻜﺴﺮﻳﻦ ﻛﻠﻤﺘﻴﻴﻲ ﺑﻌﺪﺩﺩ
ﺳﻤﺮ .. ﻳﺤﺠﻲ ﻭﻻﺯﻡ ﺷﻌﺮﻱ ﻭﺍﻧﻲ ﺑﺲ ﺍﻟﺸﻬﮕﻪ ﺗﻄﻠﻊ ﻣﻨﻲ ﮔﺘﻠﻪ ﺍﺍﻱ ﺍﻟﻠﻪ ﻳﺨﻠﻴﻚ ﻫﺪ ﺷﻌﺮﻱ
ﻫﺸﺎﻡ .. ﻣﻨﻮ ﺻﻮﺭﺭﺗﺞ ﻏﻴﺮﺭﺭ ﻣﺮﺍﻡ ?
ﺳﻤﺮ .. ﻣﺤﺪ ﻭﺍﻟﻠﻪ ﻣﺤﺪ
ﻫﺸﺎﻡ .. ﻭﻭﻭﻟﺞ ﺗﺮﺩﻳﻦ ﺗﻘﻨﻌﻴﻨﻲ ﻋﺮﺱ ﻭﻛﻠﻬﺎ ﺗﺼﻮﺭ ﺑﻲ ﻭﺑﺲ ﺍﻧﺘﻲ ﻣﺤﺪ ﻣﺼﻮﺭﺝ ﺑﺲ ﻭﺣﻖ ﺍﻟﻌﺒﺎﺱ ﺍﺑﻮ ﻓﺎﺿﻞ ﺍﺫﺍ ﺷﻤﻴﺖ ﺭﻳﺤﺖ ﺧﺒﺮ ﻭﺣﺪﺓ ﻣﺼﻮﺭﺗﺞ ﻏﻴﺮ ﺍﺧﺘﻲ ﺍﻧﺘﻲ ﺍﻗﺮﻱ ﺍﻟﻔﺎﺗﺤﻪ ﻉ ﺭﻭﺣﺞ ﻭﺷﺘﮕﻮﻟﻴﻦ ﻋﻨﻲ ﮔﻮﻟﻲ ﻣﺨﺒﻞ ﻣﻌﻘﺪ ﻣﺮﻳﺾ ﺍﻱ ﺍﻧﻲ ﻛﻠﻬﻦ ﺍﺣﺴﻦ ﺑﻴﻬﻦ ﻭﻳﺎﺝ ﻓﻬﻤﺘﺘﺘﻲ ﻟﻮ ﻫﺬﺍﺍ ﻣﺤﺠﺮﺭ ?
ﺳﻤﺮ .. ﺍﺗﻤﻨﻴﺖ ﻣﺎﺟﺎﻳﻪ ﻭﻫﻮ ﻟﺰﻡ ﺍﻟﻔﻴﺪﻳﻮ ﺣﺬﻓﻪ ﻭﻋﺎﻓﻨﻲ ﻭﻃﻠﻊ
ﺍﺟﺖ ﻣﺮﺍﻡ ﺗﺮﻛﺾ ﺷﺎﻓﺖ ﺧﺪﻱ ﺍﺻﺎﺑﻌﻪ ﻃﺎﺑﻌﻪ ﻭﺍﻧﻲ ﺑﺲ ﺍﺑﺠﻲ ﺭﺍﺩﺕ ﺗﺤﭽﻲ ﻛﺘﻠﻬﺎ ﺍﺭﻳﺪ ﺍﻧﺎﻡ ﻭﺑﺎﺟﺮ ﺑﺲ ﻳﺨﻠﺺ ﺍﻟﻌﺮﺱ ﺍﺭﺟﻊ ﻟﻬﻠﻲ ﻭﺍﺗﻔﻠﻲ ﺑﮕﺼﺘﻲ ﺍﺫﺍ ﺍﺟﻴﺘﻜﻢ ﺑﻌﺪ ﺷﻬﺪ ﻣﻮ ﺑﺖ ﺧﺎﻟﻪ ﺧﻞ ﻳﺮﻭﺡ ﻳﻄﻠﻊ ﻣﺮﺍﺟﻠﻪ ﻋﻠﻴﻬﺎ
ﺍﺣﺠﻲ ﻭﺍﺑﭽﻲ
ﻣﺮﺍﻡ .. ﻭﻟﺞ ﺍﺳﻜﺘﻲ ﻻﻳﺴﻤﻌﺞ ﻳﺬﺑﺤﺞ ﻭﺍﻟﻠﻪ
ﺳﻤﺮ .. ﺍﻟﻠﻪ ﻳﺴﻤﻊ ﻣﻨﺞ ﻭﺧﻠﺺ ﻣﻨﻪ ﻭﻣﻦ ﺗﺤﻜﻤﻪ ﻋﺎﻓﻴﻬﺎ ﻛﻠﻬﺎ ﻭﻳﺘﺤﻜﻢ ﺑﻴﻪ ﻟﻮ ﺍﺑﻮﻱ ﻋﺎﻳﺶ ﻣﺎﻋﻤﻠﻨﻲ ﻫﻠﻤﻌﺎﻣﻠﻪ ﻭﺍﺫﺍ ﻋﻠﻲ ﺳﺎﻛﺘﻠﻪ ﻫﺬﺍ ﻻﻥ ﻳﺤﺘﺮﻣﻪ ﻭﻳﺤﺴﺒﻪ ﺑﺤﺴﺒﻪ ﺍﺧﻮ ﻭﺍﻟﻠﻪ ﺍﺫﺍ ﺍﮔﻠﻪ ﻫﺸﺎﻡ ﻳﮕﻠﻲ ﺍﺣﺒﺞ ﺑﻌﺪ ﻓﻨﻪ ﺍﺫﺍ ﺧﻼﻧﻪ ﻧﺠﻲ ﻫﻨﺎ
طﻣﺮﺍﻡ .. ﺷﻨﻮﻭﻭ ﺷﻨﻮﻭﻭ ﻋﻴﺪﻱ
ﻫﺸﺎﻡ ﻣﻌﺘﺮﻓﻠﺞ ﻃﺎﺣﻀﺞ ﺍﻱ ﻭﺍﻟﻠﻪ ﻫﺎﻱ ﻣﻦ ﺷﻮﻛﺖ ﺷﻮ ﻣﺎﺣﭽﻴﺘﻴﻠﻲ
ﺳﻤﺮ .. ﻋﻮﻓﻴﻨﻲ ﺭﺣﻤﻪ ﻟﻬﻠﺞ ﺍﺭﻳﺪ ﺍﻧﻄﻤﺮ ﻫﻮ ﺍﻟﻤﺜﻞ ﺍﺧﻮﺝ ﻳﺤﺐ ﻟﻮ ﻳﻌﺮﻑ ﺍﻟﺤﺐ ﺍﺧﻮﺝ ﺷﺎﻓﻨﻲ ﺧﻮﺵ ﻣﻜﻔﺨﻪ ﺍﻟﻪ ﻭﻋﺠﺒﻪ ﺍﻟﻮﺿﻊ ﻻﻳﺤﺒﻨﻲ ﻭﻻ ﻫﻢ ﻳﺤﺰﻧﻮﻥ
ﻣﺮﺍﻡ .. ﺍﺷﻠﻮﻥ ﺗﺮﻳﺪﻧﻲ ﺍﮔﻮﻡ ﺍﻛﻔﺨﻬﺎ ﻫﺴﻪ ﻟﻮ ﻣﺎﻳﺤﺒﺞ ﺟﺎﻥ ﻣﺎ ﺍﺣﺘﺮﮔﺖ ﺭﻭﺣﻪ ﻋﻠﻴﭻ ﻭﺍﻟﻠﻪ ﻳﻐﺎﺭ ﻋﻠﻴﭻ ﺍﻓﻬﻤﻲ
ﺳﻤﺮ .. ﻃﮕﻴﺘﻬﺎ ﺑﭽﻴﻪ ﺑﺼﻮﺕ ﮔﺘﻠﻬﺎ ﺍﻛﻔﺨﻲ ﻫﻲ ﺿﻠﺖ ﻋﻠﻴﺞ
ﻣﺮﺍﻡ .. ﺍﺷﺎﻗﻪ ﻭﻳﺎﺝ ﻭﺍﻟﻠﻪ ﺷﺒﻴﺞ ﺍﻧﺘﻲ ﻟﻴﺶ ﺗﻌﺎﻧﺪﻳﻨﻪ ﺑﻄﻠﻲ ﺍﻟﻌﻨﺎﺩ ﻭﺷﻮﻓﻲ ﺍﺷﻠﻮﻥ ﻳﺘﻐﻴﺮ ﺍﺳﻠﻮﺑﻪ ﻭﻳﺎﺝ
ﺳﻤﺮ .. ﺣﺘﻰ ﻣﺎﻣﺸﻄﺖ ﻟﻔﻴﺖ ﺷﻌﺮﻱ ﻭﻧﻤﺖ ﻭﺿﻠﻴﺖ ﺑﺲ ﺩﻣﻮﻋﻲ ﺗﺼﺐ ﺍﺫﻛﺮﺓ ﻣﻦ ﺑﺎﺳﻨﻲ ﻭﮔﺎﻝ ﺍﺣﺒﺞ ﻭﺍﺫﻛﺮ ﺍﺳﻠﻮﺑﻪ ﺍﻛﺮﻫﺎ ﺣﺘﻰ ﺻﺮﺕ ﻣﺎﺍﻋﺮﻑ ﻣﺸﺎﻋﺮﻱ ﺷﻨﻮ ﻣﺎﺍﺩﺭﻱ ﺷﻮﻛﺖ ﻧﻤﺖ ﮔﻌﺪﻧﻪ ﻣﻦ ﺍﻟﻔﺠﺮ ﻋﺼﻮﺕ ﺍﻟﻬﻮﺳﻪ ﻻﻥ ﺍﻟﻴﻮﻡ ﺍﻟﺰﻓﻪ ﻭﻋﺸﻪ ﻭﻧﺎﺱ ﺗﺎﺭﺳﻪ ﺍﻟﺒﻴﺖ
ﻧﺰﻟﺖ ﺍﻧﻲ ﻭﻣﺮﺍﻡ ﻛﻨﺖ ﻻﺑﺴﻪ ﺩﺷﺪﺍﺷﻪ ﻭﻻﻓﻪ ﺣﺠﺎﺑﻲ ﻟﻔﻪ ﻋﺪﻟﻪ ﺍﻟﺒﻴﺖ ﻧﻀﻴﻒ ﻣﻦ ﺍﻟﺒﺎﺭﺣﻪ ﺑﺲ ﺗﺮﺗﻴﺐ ﺍﻟﻤﻮﺍﻋﻴﻦ ﻭﺗﺤﻀﻴﺮ ﺍﻟﺠﺪﻭﺭﺓ
ﺗﺮﻳﻜﻨﻪ ﺍﻧﻲ ﻭﻳﺎﻫﺎ ﺷﻮﻳﻪ ﻭﺍﺟﺖ ﺳﺖ ﺷﻬﺪ ﻻﺑﺴﻪ ﺟﺒﻪ ﻭﻋﺒﺎﻳﻪ ﺭﺍﺱ ﻧﺰﻋﺖ ﺍﻟﻌﺒﺎﻳﻪ ﻭﺿﻠﺖ ﺑﺎﻟﺠﺒﻪ ﻭﺟﻬﺎ ﻣﺒﻴﻦ ﺑﻲ ﺍﻟﻤﻜﻴﺎﺝ ﻃﺎﻟﻌﻪ ﺻﺪﻙ ﻣﺮﺗﺒﻪ ﻫﻲ ﻣﻼﻣﺤﻪ ﺣﻠﻮﺓ ﻭﺟﻬﺎ ﺍﺑﻴﺾ ﻭﺧﺪﻭﺩ ﻭﻋﻴﻮﻥ ﻛﺒﺎﺭ
ﻣﻦ ﺷﺎﻓﺘﻨﻲ ﻧﻔﺨﺖ ﺭﻭﺣﻪ ﻧﻔﺦ ﻭﺿﻠﺖ ﻛﻞ ﺷﻮﻳﻪ ﺗﺼﺨﺮﻧﻪ ﺟﻴﺒﻦ ﻫﺎﻱ ﺍﻭ ﻭﺩﻥ ﻫﺎﻱ ﺳﻮﺕ ﻧﻔﺴﻬﺎ ﻫﻲ ﺍﻡ ﺍﻟﺒﻴﺖ ﮔﺪﺍﻡ ﻋﻤﺘﻲ ﻭﻋﻤﺘﻲ ﻫﻢ ﻣﺎﻗﺼﺮﺕ ﺻﺒﻐﺘﻬﺎ ﺻﺒﻎ ﺑﺎﻟﺴﻮﺍﻟﻒ ﺍﻟﺤﻠﻮﺓ ﻋﻔﻴﻪ ﺑﻨﻴﺘﻲ ﻭﻫﻨﻴﺎﻝ ﺍﻟﻴﺎﺧﺬﺝ
ﻭﺍﻧﻲ ﺑﮕﻠﺒﻲ ﺍﮔﻮﻝ ﻭﺍﻟﻠﻪ ﻟﻮ ﺗﺎﺧﺬﻳﻬﺎ ﻟﻬﺸﻴﻢ ﻭﺗﺨﻠﺼﻴﻨﻲ ﻣﻨﻪ ﺍﺣﺴﻦ ﻭﺍﻧﻮﺏ ﺍﮔﻮﻝ ﺧﺘﻮﻟﻲ ﻣﺎﺗﺴﺘﺎﻫﻞ ﻭﺍﺣﺪﻣﺜﻞ ﺷﺨﺼﻴﺘﻪ ﻭﺭﺟﻮﻟﺘﻪ ﺍﻡ ﺷﻌﻔﻪ ﺻﺎﻳﺮﺗﻠﻲ ﻧﺎﺩﺭﺓ 😒
ﺷﻮﻳﻪ ﻭﺍﺟﻪ ﻫﺸﺎﻡ ﻟﻠﻤﻄﺒﺦ ﻻﺑﺲ ﺗﺮﺍﻙ ﻧﻴﻠﻲ ﻭﺍﻟﻤﻮﺑﺎﻳﻞ ﺑﻴﺪﺓ ﻭﺍﻟﻌﻄﺮ ﺗﺮﺱ ﺍﻟﻤﻄﺒﺦ ﺗﺮﺱ ﻳﻤﻜﻦ ﻳﺴﺒﺢ ﺑﻲ ﺑﺲ ﻛﻠﺶ ﺣﻠﻮ
ﺷﻬﺪ ﺷﺎﻓﺘﻪ ﻟﻮ ﻣﺮﻏﻠﺖ ﺭﻭﺣﻬﺎ ﺗﻤﺮﻏﻞ ﺑﺎﻟﻠﻮﺍﮔﻪ
ﺷﻬﺪ .. ﺍﺷﻠﻮﻧﻚ ﺍﺑﻦ ﻋﻤﺘﻲ ﺍﻧﺸﺎﺀﺍﻟﻠﻪ ﻳﻮﻡ ﺍﻝ ﺍﻟﻚ
ﻫﺸﺎﻡ .. ﻭﺍﻧﺘﻲ ﺍﻟﺤﺎﺿﺮﺓ ﺑﺖ ﺧﺎﻟﻲ ﺗﻌﺒﻨﺎﺝ ﻭﻳﺎﻧﻪ
ﺷﻬﺪ .. ﺗﻌﺒﻚ ﺭﺍﺣﻪ ﻫﺸﻮﻡ ﺍﮔﻌﺪ ﺳﻮﻳﺖ ﭼﺎﻱ ﻃﻴﺐ
ﻫﺸﺎﻡ .. ﺍﻱ ﻭﺍﻟﻠﻪ ﺻﺒﻴﻠﻲ ﺭﺍﺳﻲ ﻣﻮﺗﻨﻲ ﻣﻦ ﺍﻟﺒﺎﺭﺣﻪ ﺻﺪﺍﻉ ﻗﻮﻱ ﺍﻟﻠﻪ ﻻﻳﻨﻄﻲ ﺍﻟﻜﺎﻥ ﺍﻟﺴﺒﺐ
ﺳﻤﺮ .. ﻳﺤﺠﻲ ﻭﻳﺎﻫﺎ ﻭﺍﺑﺪ ﻣﻴﺒﺎﻭﻉ ﻋﻠﻴﻪ ﻣﺘﺠﺎﻫﻠﻨﻲ ﺗﻤﺎﻣﺎ ﺑﺲ ﺍﻋﺮﻑ ﻫﻮ ﻳﻘﺼﺪﻧﻲ ﺑﻜﻼﻣﻪ ﺟﺎﺑﺘﻠﻪ ﺍﻟﺠﺎﻱ ﻭﺍﻧﻄﻠﻘﻮ ﺍﺛﻨﻴﻨﻬﻢ ﺿﺤﻚ ﻭﺳﻮﺍﻟﻒ ﺑﺎﻳﺨﻪ ﺑﺲ ﻫﻮ ﻣﻴﺖ ﺿﺤﻚ ﻳﻀﺤﻚ ﺑﺼﻮﺕ ﻋﺎﻟﻲ ﻣﺪﺭﻱ ﻋﻠﻴﻤﻦ ﻳﻤﻜﻦ ﻳﺮﻳﺪ ﻳﻐﻴﻀﻨﻲ
ﺍﺣﺲ ﻧﺎﺭ ﺑﮕﻠﺒﻲ ﺍﺫﺍ ﺍﻧﻲ ﻣﺎﺍﺣﺒﻪ ﻟﻴﺶ ﺍﺗﻤﻨﻰ ﺍﮔﻮﻡ ﺍﺳﺤﻞ ﺷﻬﺪ ﻣﻦ ﻋﻄﻮﺑﻬﺎ ﺍﻟﻤﺎﻳﻌﻪ ﺍﻡ ﺣﻠﮓ ﺍﻟﻔﺎﻫﻲ
ﺻﺎﺭ ﺍﻟﻌﺼﺮ ﻭﻛﻤﻞ ﺍﻟﻌﺸﻪ ﺍﺳﺘﻮﻩ ﻻﻥ ﻣﻮ ﺍﺣﻨﻪ ﻧﻄﺒﺦ ﺟﺎﺑﻮ ﻃﺒﺎﺧﻴﻦ ﺍﺣﻨﻪ ﻋﻠﻴﻨﻪ ﺍﻟﺨﻔﺎﻳﻒ ﺍﻣﻲ ﮔﺎﻟﺖ ﺭﺍﺡ ﻳﺮﺣﻮﻥ ﻳﺠﻴﺒﻮﻥ ﺍﻟﻌﺮﻭﺱ ﺍﻣﺸﻦ ﺍﻟﺒﺴﻦ ﻭﺣﻀﺮﻥ ﻧﻔﺴﺠﻦ ﻧﺮﻭﺡ ﺑﺎﻟﺰﻓﻪ ﺭﻛﻀﻨﻪ ﺍﻧﻲ ﻭﻣﺮﺍﻡ ﻭﺑﻨﺎﺕ ﻋﻤﻲ ﻟﺴﻨﻪ ﻟﺒﺲ ﻣﺴﺘﻮﺭ ﻭﻓﻮﮔﺎﻩ ﻋﺒﻲ ﻭﻃﻠﻌﻨﻪ ﺟﺎﻧﺖ ﺍﻟﺴﻴﺎﺭﺕ ﻭﺍﮔﻔﻪ ﺑﺎﻟﺒﺎﺏ ﻭﻫﺸﺎﻡ ﻳﺼﻌﺪ ﺑﺎﻟﻌﺎﻟﻢ ﻫﻮﺍﻱ ﺯﻟﻢ ﺑﺲ ﻧﺴﻮﺍﻥ ﻗﻠﻴﻠﻪ ﺍﺣﻨﻪ ﻭﻧﺴﻮﺍﻥ ﻋﻤﺎﻣﻲ ﻭﺑﻨﺎﺗﻬﻦ
ﻫﺸﺎﻡ ﻛﺎﻥ ﻳﺼﻌﺪ ﺑﻴﻬﻦ ﻭﻳﻘﺴﻤﻬﻦ ﻉ ﺍﻟﺴﻴﺎﺭﺍﺕ ﺑﺎﻭﻋﻠﻲ ﮔﺎﻝ ﺍﻧﺘﻀﺮﻱ ﻭﺩﺍﺭ ﻭﺟﻬﺎ ﻛﻠﻬﻦ ﺻﻌﺪﻥ ﺣﺘﻰ ﺍﻣﻲ ﻭﻋﻤﺘﻲ ﻭﺣﺬﺍﻡ ﻭﺳﻬﺎﻡ ﺻﻌﺪﻥ ﻭﻳﻪ ﺿﺮﻏﺎﻡ ﻭﺍﻧﻲ ﻭﻣﺮﺍﻡ ﺿﻠﻴﻨﻪ ﮔﺎﻝ ﻟﻤﻲ ﺭﻭﺣﻲ ﻫﺴﻪ ﺍﺷﻮﻓﻠﻬﺎ ﺳﻴﺎﺭﺓ
ﺷﻔﺖ ﻣﻬﻨﺪ ﺍﺟﻪ ﻭﮔﻒ ﻳﻤﻨﻪ ﮔﺎﻝ ﺧﻞ ﻳﺼﻌﺪﻭﻥ ﻭﻳﺎﻱ ﺑﺲ ﺍﻧﻲ ﻭﺍﻣﻲ
ﻫﺸﺎﻡ .. ﻻﺧﻮﻳﻪ ﻣﺸﻜﻮﺭ ﺍﻧﻲ ﻫﺴﻪ ﺍﺧﺬﻫﻦ ﺗﻮﻛﻞ ﺑﺎﻟﻠﻪ
ﺳﻤﺮ .. ﺭﺍﺡ ﻣﻬﻨﺪ ﻭﻧﻲ ﻭﻣﺮﺍﻡ ﻧﻨﺘﻀﺮ ﺷﻮﻳﻪ ﻭﻃﻠﻌﺖ ﺳﺖ ﺷﻬﺪ ﻫﻲ ﻭﺍﻣﻬﺎ ﮔﺎﻟﺖ
ﺷﻬﺪ .. ﺍﻋﺘﺬﺭ ﺍﺗﺎﺧﺮﺕ ﺟﻨﺖ ﺍﺣﻀﺮ ﻧﻔﺴﻲ ﻣﺎﻋﺒﺎﻟﻲ ﻫﺴﻪ ﺗﺮﺣﻮﻥ
ﻫﺸﺎﻡ .. ﻭﻻ ﻳﻬﻤﺞ ﺑﻌﺪ ﻭﻛﺖ ﺍﺻﻌﺪﻥ
ﺳﻤﺮ .. ﻫﻨﻪ ﺻﻌﺪﻥ ﺑﺎﻟﺴﻴﺎﺭﺓ ﻭﺍﻧﻲ ﺭﺩﺕ ﺍﺻﻌﺪ ﺍﻟﺘﻔﺘﻠﻲ ﻭﮔﺎﻝ ﺟﻴﺒﻲ ﻣﻮﺑﺎﻳﻠﻲ ﻉ ﺍﻟﺸﺤﻦ ﺑﻐﺮﻓﺘﻲ
ﺭﺣﺖ ﺟﺒﺘﻪ ﻭﺍﺟﻴﺖ ﻣﻦ ﻃﻠﻌﺖ ﻣﺎﻟﮕﻴﻬﻢ ﻋﺎﻳﻔﻨﻲ ﻭﺭﺍﻳﺢ ﻣﺎﻧﻘﻬﺮﺕ ﻻﻥ ﻋﺎﻓﻨﻲ ﺑﺲ ﺍﻧﻘﻬﺮﺕ ﻻﻥ ﺳﻮﺓ ﻫﻠﺸﻲ ﮔﺪﺍﻡ ﺷﻬﺪ ﻣﺎﺭﺩﺕ ﻳﺤﻄﻨﻲ ﺑﻬﻴﺞ ﻣﻮﻗﻒ
ﻭﺍﻟﻠﻪ ﻳﻤﻜﻦ ﺍﻟﻴﮕﻠﻲ ﺑﺰ ﺍﺑﭽﻲ ﺻﻌﺪﺕ ﻟﻠﻐﺮﻓﻪ ﺫﺑﻴﺖ ﺍﻟﻌﺒﺎﻳﻪ ﻭﺍﻧﻲ ﺍﺣﻤﺲ ﺑﺮﻭﺣﻲ ﺣﻤﺲ ﻭﺭﺓ ﺳﺎﻋﻪ ﺳﻤﻌﺖ ﺍﻟﻄﻠﻖ ﻭﺻﻮﺕ ﺍﻟﻬﻮﺭﻧﺎﺕ ﻳﻌﻨﻲ ﺭﺟﻌﻮ ﻓﺘﺤﺖ ﺍﻟﺒﺮﺩﺓ ﺍﻟﻔﻮﻙ ﻭﺻﺮﺕ ﺍﺷﻮﻓﻬﻢ ﻣﻦ ﺍﻟﺸﺒﺎﻙ ﻧﺰﻟﺖ ﺍﻟﻨﺴﻮﺍﻥ ﺩﺧﻠﻦ ﻟﻠﺒﻴﺖ ﻭﺍﻟﺰﻟﻢ ﺗﻬﻮﺱ ﺑﺮﺓ ﻭﻫﺸﺎﻡ ﻻﺯﻡ ﻣﺴﺪﺱ ﻭﻳﻬﻮﺱ ﺑﻲ ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﺩﺧﻠﺖ ﻣﺮﺍﻡ
ﻣﺮﺍﻡ .. ﻭﺍﻟﻠﻪ ﺍﻟﻌﻀﻴﻢ ﺍﻟﻄﺮﻳﻖ ﻛﻠﻪ ﺍﻟﻮﺏ ﻋﻠﻴﺞ ﺻﺪﻙ ﺿﺠﺖ ﺣﺘﻰ ﻣﺎﺗﻮﻧﺴﺖ ﺿﻞ ﺑﺎﻟﻲ ﻳﻤﺞ
ﺳﻤﺮ .. ﺩﺭﺕ ﻭﺟﻬﻲ ﻭﺍﻧﻲ ﺍﻣﺸﻲ ﻟﻠﻜﻨﺘﻮﺭ ﺣﺠﻴﺖ ﻭﻳﺎﻫﺎ ﻭﺻﺮﺕ ﺍﻃﻠﻊ ﺑﻤﻼﺑﺴﻲ ﺍﺣﻀﺮﻫﻦ ﺣﺘﻰ ﻧﺮﺟﻊ ﺍﻟﺒﻐﺪﺍﺩ ﮔﺘﻠﻬﺎ ﻋﺎﺩﻱ ﻫﻮ ﻣﻦ ﻳﻮﻡ ﻳﻮﻣﻲ ﺍﺧﻮﺝ ﺣﺎﻁ ﺩﺍﺑﻪ ﻭﺩﺍﺑﻲ ﻳﺘﻌﻤﺪ ﻳﺬﻟﻨﻲ ﺑﺲ ﻣﻨﺎ ﻭﺟﺎﻱ ﺑﺴﻴﻄﻪ ﺍﻟﻠﻪ ﻛﺮﻳﻢ
ﻣﺮﺍﻡ .. ﺗﺮﺓ ﻫﻮ ﻫﻴﺞ ﺳﻮﺓ ﻳﻤﻜﻦ ﻳﻌﺎﻗﺒﺞ ﻉ ﻛﺴﺮﺓ ﻛﻠﻤﺘﻪ ﺍﻟﺒﺎﺭﺣﻪ
ﺳﻤﺮ .. ﻻ ﻋﻘﺎﺏ ﻭﻻ ﺷﻲ ﻫﻮ ﻳﺮﻳﺪ ﻳﻌﺰﻟﻨﻲ ﻋﻦ ﺍﻟﻌﺎﻟﻢ
ﻣﺮﺍﻡ .. ﻫﺴﻪ ﻛﺎﻓﻲ ﻟﺘﻀﻮﺟﻴﻦ ﺍﻧﺰﻟﻲ ﺟﻮﺓ ﺍﻟﻌﺮﻭﺱ ﻛﺎﻋﺪﺓ ﻭﺍﻟﺒﻨﺎﺕ ﻫﻢ ﻳﺮﻛﺼﻦ ﺗﻌﺎﻱ ﺣﺒﺎﺑﻪ ﺧﻞ ﻧﻨﺰﻝ
ﺳﻤﺮ .. ﻟﺒﺴﺖ ﻓﺴﺘﺎﻥ ﻣﺤﺠﺒﺎﺕ ﺟﻮﺯﻱ ﻭﻧﺰﻟﺖ ﺍﺭﻳﺪ ﺍﺑﻴﻦ ﺍﻧﻲ ﻣﺰﻋﻼﻧﻪ ﻭﻣﺎﻣﻬﺘﻤﻪ ﺍﻭﻝ ﻣﺎﻧﺰﻟﺖ ﻟﻜﻴﺖ ﺳﺖ ﺷﻬﺪ ﺍﺩﻙ ﺳﻮﺍﻟﻒ ﻭﻳﻪ ﺍﻟﻤﻮﺟﻮﺩﺍﺕ ﺷﻔﺘﻨﻲ ﺍﺟﺖ ﻳﻤﻲ
ﺷﻬﺪ .. ﺗﺪﺭﻳﻦ ﺍﻧﻘﻬﺮﺕ ﻋﻠﻴﺞ ﻻﻥ ﻣﺎﺍﺟﻴﺘﻲ ﻭﻳﺎﻧﻪ ﻟﻮ ﺗﺪﺭﻳﻦ ﻫﺸﺎﻡ ﺍﺷﻠﻮﻥ ﻭﻧﺴﻨﻪ ﺍﻟﻄﺮﻳﻖ ﻛﻠﻪ ﻣﺸﻐﻞ ﺍﻏﺎﻧﻲ ﻭﻳﺮﻛﺺ ﻓﺎﺗﺘﺞ ﺍﻟﺮﻭﺡ ﺣﺮﺍﻣﺎﺕ
ﺳﻤﺮ .. ﺍﺩﺭﻱ ﺗﺮﻳﺪ ﺗﻘﻬﺮﻧﻲ ﮔﺘﻠﻬﺎ ﻋﺎﺩﻱ ﺍﻧﻲ ﻫﻢ ﻣﺎﻟﻲ ﺧﻠﮓ ﺗﻌﺒﺎﻧﻪ ﻫﻤﺰﻳﻦ ﻣﺎﺭﺣﺖ ﻭﻫﺴﻪ ﺍﺧﺬﻱ ﺭﺍﺣﺘﺞ
ﻋﻔﺘﻪ ﻭﺭﺣﺖ ﻟﻠﻤﻄﺒﺦ ﺍﺳﺎﻋﺪﻫﻢ
ﺷﻮﻳﻪ ﻭﺯﻓﻮ ﺍﻟﻌﺮﺳﺎﻥ ﺍﻟﻐﺮﻓﺘﻬﻢ ﻭﺍﻟﺸﺒﺎﺏ ﺩﺧﻠﻮ ﻳﻬﻮﺳﻮﻥ ﻭﻳﺮﻛﺼﻮﻥ ﺻﺪﻙ ﻣﻨﻀﺮﻫﻢ ﻟﺒﻤﺘﻬﻢ
......................
ﻫﺸﺎﻡ .. ﻣﻦ ﺩﺧﻠﺖ ﻟﻠﻐﺮﻓﻪ ﻭﺷﻔﺘﻬﺎ ﺍﻧﺼﺪﻣﺖ ﻋﺒﺎﺭﺓ ﻋﻦ ﻣﻼﻙ ﻭﻧﺎﺯﻝ ﻣﻦ ﺍﻟﺴﻤﺎ ﺗﺎﺧﺬ ﺍﻟﻌﻘﻞ ﺟﻤﻴﻠﻪ ﺑﺸﻜﻞ ﺍﺗﻤﻨﻴﺖ ﺍﺿﻤﻬﺎ ﺑﺮﻭﺣﻲ ﻋﻦ ﻋﻴﻮﻥ ﺍﻟﻨﺎﺱ ﻣﺎﺭﻳﺪ ﻋﻴﻮﻥ ﻏﻴﺮﻱ ﺗﺸﻮﻓﻬﺎ ﺍﺫﺍ ﺍﺗﮕﻮﻟﻮﻥ ﻣﺘﻤﻠﻚ ﺍﻱ ﺍﻧﻲ ﻣﺘﻤﻠﻚ ﺍﺣﺐ ﺗﻜﻮﻥ ﺍﻟﻲ ﻭﺑﺲ ﻣﻠﻚ ﺣﺼﺮﻱ ﺍﻟﻬﺸﺎﻡ ﻓﻘﻂ ﻣﻦ ﺣﺒﻲ ﺍﻟﻬﺎ ﺍﺗﻤﻨﻴﺖ ﺍﺿﻤﻬﺎ ﺑﻴﻦ ﺍﺿﻠﻮﻋﻲ ﻣﺎﺍﻋﺮﻑ ﺍﺷﻠﻮﻥ ﻟﺰﻣﺖ ﺭﻭﺣﻲ ﻭﻣﺎﺍﺭﺗﻜﺒﺖ ﺑﻴﻬﺎ ﺟﺮﻳﻤﻪ ﻣﻦ ﺷﻔﺘﻬﺎ ﻳﻤﻜﻦ ﺍﺧﺬﻫﺎ ﺑﻠﺤﻀﺘﻬﺎ ﻭﺧﺎﺻﺘﺎ ﻣﻦ ﺷﻔﺖ ﺍﺭﺗﺒﺎﻛﻬﺎ ﻭﺧﻮﻓﻬﺎ ﺍﺣﺐ ﻫﻠﺸﻲ ﺑﻴﻬﺎ ﻳﺨﻠﻴﻨﻲ ﺍﮔﺰﮔﺰ ﻋﻠﻴﻬﺎ ﻭﻳﻤﻜﻦ ﺍﺫﺍ ﺍﺣﻀﻨﻬﺎ ﻋﺸﺮ ﺯﻟﻢ ﻣﻴﻮﺧﺮﻭﻧﻲ ﻋﻨﻬﺎ
ﺍﺗﻘﺮﺑﺖ ﻣﻨﻬﺎ ﻭﺍﻧﻲ ﻫﺎﻳﻢ ﺍﺑﻴﺎﺽ ﻭﻧﻌﻮﻣﻪ ﺑﺸﺮﺗﻬﺎ ﺑﺲ ﻫﻲ ﻙ ﺍﻟﻌﺎﺩﺓ ﺗﺼﺪﻧﻲ ﺑﺲ ﻗﺒﻞ ﻣﺘﻄﻠﻊ ﺷﺮﻃﺖ ﻋﻠﻴﻬﺎ ﺷﺮﻁ ﺗﻐﻴﺮ ﻟﺒﺴﻬﺎ ﻻﻥ ﻛﺎﻥ ﻛﺎﺷﻒ ﺍﻛﺜﺮ ﻣﺎﺳﺎﺗﺮ ﻭﻫﻲ ﻗﺒﻠﺖ ﻣﺎﻛﻨﺖ ﺍﺩﺭﻱ ﺗﺴﺘﻐﻔﻠﻨﻲ ﻧﺰﻟﺖ ﻋﺪﻧﻪ ﺧﻄﺎﺭ ﺑﺎﻟﻤﻀﻴﻒ ﮔﻠﺖ ﻳﻜﻤﻠﻦ ﻭﻳﺮﻣﺸﻠﻲ ﺍﻃﻠﻊ ﺍﺧﺬﻫﻦ ﺗﺎﻟﻲ ﺭﺍﻳﺤﺎﺕ ﻭﻳﻪ ﺿﺮﻏﺎﻡ
ﻋﺒﺎﻟﻲ ﻧﻔﺬﺕ ﻛﻼﻣﻬﺎ ﻭﻏﻴﺮﺕ ﻟﺒﺴﻬﺎ ﺟﻨﺖ ﺯﻋﻼﻥ ﻻﻥ ﻣﺎﺍﻧﺘﻀﺮﺗﻨﻲ ﻭﻣﻦ ﺭﺟﻌﻨﻪ ﻓﺸﻠﺘﻬﺎ ﮔﺪﺍﻡ ﺷﻬﺪ ﺍﺩﺭﻱ ﺑﺸﻬﺪ ﺗﺤﻮﻡ ﺩﺍﻳﺮ ﻣﺪﺍﻳﺮﻱ ﻋﺒﺎﻟﻬﺎ ﺍﻫﺘﻢ ﺍﻟﻬﺎ ﻣﺘﺪﺭﻱ ﮔﻠﺒﻲ ﻭﻋﻘﻠﻲ ﻋﺪ ﺫﻳﺞ ﺍﻟﻄﻔﻠﻪ ﺍﻟﻌﻨﻮﺩﻳﻪ
ﺑﻠﻴﻞ ﺷﻔﺘﻬﺎ ﻛﻠﻬﺎ ﻧﺎﻣﺖ ﻭﺍﻧﻲ ﻣﺎﺍﺗﻌﺸﻴﺖ ﺍﺣﺘﺎﺭﻳﺖ ﺑﺎﻟﺨﻄﺎﺭ ﻭﺍﻧﻌﺸﻲ ﺑﺎﻟﻌﺎﻟﻢ ﺿﻠﻴﺖ ﺍﻟﻨﺺ ﺍﻟﻠﻴﻞ ﺭﺣﺖ ﺍﻟﻤﺮﺍﻡ ﺷﻔﺖ ﺍﻟﺒﺎﺏ ﻣﻔﺘﻮﺡ ﺩﺧﻠﺖ ﻣﺮﺍﻡ ﻛﺎﻧﺖ ﻻﺯﻣﻪ ﻣﻮﺑﺎﻳﻠﻬﺎ ﻭﺗﺸﻮﻑ ﺷﺪ ﺍﻧﺘﺒﺎﻫﻲ ﺻﻮﺕ ﺳﻤﺮ ﻭﻫﻲ ﺗﮕﻠﻬﺎ ﺍﺣﺬﻓﻲ ﺍﻟﺘﺼﻮﻳﺮ ﺍﻗﺘﺮﺑﺖ ﻳﻢ ﻣﺮﺍﻡ ﻓﺰﺕ ﻭﺍﺭﺗﺒﻜﺖ ﺳﺤبت ﺍﻟﻤﻮﺑﺎﻳﻞ ﻣﻨﻬﺎ ﺷﻔﺘﻬﺎ ﻻﺑﺴﻪ ﻧﻔﺲ ﺍﻟﻔﺴﺘﺎﻥ ﺍﺣﺲ ﻋﻴﻮﻧﻲ ﺻﺎﺭﻥ ﺑﺎﻟﻄﻮﻝ ﻣﻦ ﺍﻟﻌﺼﺒﻴﻪ ﺍﺧﺨﺨﺦ ﺍﻟﻠﻪ ﺍﻧﻲ ﺗﻀﺤﻚ ﻋﻠﻴﻪ ﺍﻟﺰﻋﻄﻮﻃﻪ
ﻣﻦ ﺍﺟﺖ ﻣﺒﻴﻨﻪ ﺟﺎﻧﺖ ﺑﺎﻟﺤﻤﺎﻡ ﻃﻠﻌﺖ ﻣﺮﺍﻡ ﻭﺿﺮﺑﺘﻬﺎ ﻣﻦ ﺣﺮﮔﺖ ﺭﻭﺣﻲ ﻭﺍﻟﻠﻪ ﻣﻮﻗﺼﺪﻱ ﺍﺿﺮﺑﻬﺎ ﺑﺲ ﻫﻲ ﺗﺠﺒﺮﻧﻲ ﻻﻥ ﻣﺘﺴﻤﻊ ﺍﻟﻜﻠﻤﻪ
ﺛﺎﻧﻲ ﻳﻮﻡ ﻣﺎﻫﺘﻤﻴﺘﻠﻬﺎ ﺍﺑﺪ ﺑﺲ ﻫﻲ ﻣﺘﺪﺭﻱ ﺭﻭﺣﻲ ﻳﻤﻬﺎ ﺻﺮﺕ ﺍﺗﺸﺎﻗﻪ ﻭﻱ ﺷﻬﺪ ﺣﺘﻬﺎ ﺍﻗﻬﺮﻫﺎ ﻭﺑﺎﻟﺰﻓﻪ ﻣﺎﺍﺧﺬﺗﻬﺎ ﻋﻔﺘﻬﺎ ﻭﺭﺣﺖ ﺟﻨﺖ ﻣﻔﻜﺮ ﺍﻋﺎﻗﺒﻬﺎ ﺣﺘﻰ ﺗﺴﺘﻌﺪﻝ
ﻛﻞ ﻣﺎﺍﺗﻘﺮﺏ ﻣﻨﻬﺎ ﺧﻄﻮﺓ ﺗﺒﻌﺪ ﻋﻨﻲ ﺍﻟﻒ ﺑﺘﺼﺮﻓﺎﺗﻬﺎ
ﻓﻘﺮﺭﺕ ﺍﺣﺎﺭﺑﻬﺎ ﺑﺎﻟﺒﺮﻭﺩ ﻭﻋﺪﻡ ﺍﻻﻫﺘﻤﺎﻡ ﻣﺎﻋﻨﺪﻱ ﻏﻴﺮ ﻫﻠﺤﻞ ﻻﻥ ﺗﻌﺒﺖ ﻭﻳﺎﻫﺎ ﺍﺣﺎﻭﻝ ﺑﻜﻞ ﺍﻟﻄﺮﻕ ﺍﻛﺴﺒﻬﺎ
ﺳﻤﺮ .. ﺑﻠﻴﻞ ﻋﻠﻲ ﮔﺎﻝ ﻻﺯﻡ ﻧﺮﺟﻊ ﺍﻟﺒﻐﺪﺍﺩ ﺑﺎﺟﺮ ﻋﻨﺪﻱ ﺷﻐﻞ ﺻﺎﺭ ﻛﻢ ﻳﻮﻡ ﻣﺎﺭﺍﻳﺢ ﺑﺲ ﻋﻤﺎﻣﻲ ﺭﻓﻀﻮ ﮔﺎﻟﻮ ﺑﺎﺟﺮ ﺭﻭﺣﻮ ﻫﺴﻪ ﺩﻧﻴﻪ ﻟﻠﻴﻞ ﻭﺍﻟﻄﺮﻳﻖ ﻣﻮ ﺍﻣﺎﻥ ﺍﺧﺮ ﺷﻲ ﺍﻗﺘﻨﻊ ﻋﻠﻲ ﻭﻫﺸﺎﻡ ﮔﺎﻝ ﺍﻧﻲ ﻫﻢ ﺍﺟﺎﺯﺗﻲ ﺍﻧﺘﻬﺖ ﺍﻟﻔﺠﺮ ﺍﻃﻠﻊ ﺍﻟﺒﻐﺪﺍﺩ ﻭﺍﺧﺬﻛﻢ ﻭﻳﺎﻱ
ﺻﺪﻙ ﻧﻤﻨﻪ ﻭﮔﻌﺪﻧﻪ ﺍﻟﻔﺠﺮ ﺍﻣﻲ ﮔﻮﺓ ﮔﻌﺪﺗﻨﻲ ﺟﺮﺗﻨﻲ ﺟﺮ ﻻﻥ ﺗﻌﺒﺎﻧﻪ ﻭﻧﻌﺴﺎﻧﻪ
ﮔﻌﺪﻧﻪ ﺗﺮﻳﮕﻨﻪ ﺷﻮﻳﻪ ﻭﻧﺰﻝ ﻫﺸﺎﻡ ﻻﺑﺲ ﺍﻟﺰﻱ ﺍﻟﻌﺴﻜﺮﻱ ﻭﺍﻟﺒﻴﺮﻳﻪ ﻭﺍﻟﻤﺴﺪﺱ ﺑﺤﺰﺍﻣﻪ ﻃﺎﻟﻊ ﺻﺪﻙ ﻫﻴﺒﻪ ﺍﻟﻌﻴﻮﻥ ﻭﺣﺪﻫﻦ ﻳﺮﻭﺣﻦ ﻋﻠﻲ ﻭﻳﺮﺍﻗﺒﻨﻪ
ﻛﻌﺪ ﺗﺮﻳﮓ ﻭﺍﺑﺪ ﻣﺎﺑﺎﻭﻋﻠﻲ ﻛﻤﻠﻨﻪ ﻭﻃﻠﻌﻨﻪ ﻟﻠﺒﺎﺏ ﻭﺩﻋﻮﻧﻪ ﺑﻴﺖ ﻋﻤﻲ ﺻﻌﺪﺕ ﺑﺎﻟﺴﻴﺎﺭﺓ ﻋﻠﻲ ﻛﻌﺪ ﻳﻤﻪ ﻭﺍﻧﻲ ﻭﺍﻣﻲ ﻟﻮﺭﺓ ﺍﻧﺘﺠﻴﺖ ﺭﺍﺳﻲ ﻉ ﺍﺟﺎﻣﻪ ﻭﻏﻔﻴﺖ ﻣﺎﺣﺴﻴﺖ ﻏﻴﺮ ﺍﻣﻲ ﮔﻌﺪﺗﻨﻲ ﮔﺎﻟﺖ ﺍﮔﻌﺪﻱ ﻳﻤﻪ ﻭﺻﻠﻨﻪ
ﻧﺰﻟﺖ ﻭﺍﻧﻲ ﻣﺎﻣﺼﺪﮔﻪ ﻛﻞ ﻫﻠﻮﻛﺖ ﻧﺎﻳﻤﻪ ﺍﺩﺭﻱ ﺗﻨﻤﺒﻞ ﺧﻮ ﻣﺎﺗﻨﻤﻞ ﻃﺮﻳﻖ ﺷﻄﻮﻟﻪ ﻣﺎﺣﺴﻴﺖ ﺑﻲ
ﻧﺰﻟﻨﻪ ﻭﻫﻮ ﺳﻠﻢ ﻭﺭﺍﺡ
ﺩﺧﻠﺖ ﻟﻠﺒﻴﺖ ﺑﻌﺪ ﻣﺎﺍﺟﺎﻧﻲ ﻧﻮﻡ ﮔﻤﺖ ﻋﺰﻟﺖ ﺍﻟﺒﻴﺖ ﻭﻧﻀﻔﺖ ﻻﻥ ﺷﺒﻌﺖ ﻧﻮﻡ ﺑﺎﻟﺴﻴﺎﺭﺓ
ﻭﺑﺪﺕ ﺍﻻﻳﺎﻡ ﺗﻤﺸﻲ ﻋﻠﻲ ﺑﺸﻐﻠﻪ ﻭﺍﻣﻲ ﺗﺨﻴﻂ ﺟﺎﻧﺖ ﺗﺨﺒﺰ ﻟﻠﻌﺎﻟﻢ ﺑﺲ ﻋﻠﻲ ﻣﻨﻌﻬﺎ ﻻﻥ ﻣﺘﮕﺪﺭ ﻭﺳﻜﺮﻫﺎ ﺩﻭﻡ ﺻﺎﻋﺪ
ﺻﺎﺭ ﺷﻬﺮ ﻣﻦ ﺍﺗﺰﻭﺝ ﺳﻼﻡ ﻭﺑﻬﺬﺍ ﺍﻟﺸﻬﺮ ﺍﺑﺪ ﻣﺎﺷﻔﺖ ﻫﺸﺎﻡ ﻣﺎﺍﺟﺎﻧﻪ
ﻣﺎﺍﻋﺮﻑ ﻟﻴﺶ ﺍﺑﺎﻭﻉ ﺩﻭﻡ ﻟﻠﺒﺎﺏ ﺍﺗﻤﻨﻰ ﻳﺠﻲ ﻭﺍﺷﻮﻓﻪ ﻭﺍﺭﺟﻊ ﻭﺍﮔﻮﻝ ﺷﺒﻴﻪ ﺍﻧﻲ ﻭﻟﻴﺶ ﺩﺍﻳﺮﺗﻠﻪ ﺑﺎﻝ
ﻭﺍﻟﺸﻬﺮ ﺻﺎﺭ ﺷﻬﺮﻳﻦ ﻭﻫﺸﺎﻡ ﻣﺎﺑﻴﻦ ﺍﺑﺪ ﺻﺪﮒ ﺿﺠﺖ ﻭﺗﻤﻨﻴﺖ ﺷﻮﻓﺘﻪ ﺍﺳﻤﻊ ﻋﻠﻲ ﻳﮕﻮﻝ ﻫﺸﺎﻡ ﻳﺘﺼﻞ ﻭﻳﺴﺂﻝ ﺷﻤﺤﺘﺎﺟﻴﻦ ﻣﺎﻣﺤﺘﺎﺟﻴﻦ ﻭﻣﻦ ﺍﮔﻠﻪ ﻟﻴﺶ ﻣﺎﺗﻤﺮ ﺍﻳﮕﻮﻝ ﻣﺸﻐﻮﻝ ﺑﺎﻟﺪﻭﺍﻡ
ﻣﻦ ﺍﺳﻤﻊ ﺑﻄﺎﺭﻳﻪ ﺍﺧﻨﺲ ﻭﺍﺿﻞ ﺍﺗﺮﻗﺐ ﺍﺳﻤﻪ ﻭﻫﻤﻪ ﻳﺤﺠﻮﻥ ﺑﻲ ﺍﻭﻭﻑ ﺭﺑﻲ ﺍﻧﻲ ﺷﺒﻴﻪ ﻟﻴﺶ ﻣﺎﺍﻋﺮﻑ ﺷﺠﺎﻱ ﻳﺼﻴﺮ ﺍﺫﺍ ﺍﻛﺮﻫﺎ ﻟﻴﺶ ﺍﺗﻨﻄﺮ ﺷﻮﻓﺘﻪ
ﺑﻌﺪ ﻳﻮﻣﻴﻦ ﻛﻨﺖ ﻃﺎﻟﻌﻪ ﻣﻦ ﺍﻟﺤﻤﺎﻡ ﺍﻟﻌﺼﺮ ﻟﮕﻴﺖ ﺍﻣﻲ ﮔﺎﻋﺪﺓ ﺑﺎﻟﺼﺎﻟﻪ ﻭﻳﻤﻬﺎ ﺻﻴﻨﻴﺔ ﺑﻴﻬﺎ ﺳﺘﻜﺎﻧﻴﻦ ﭼﺎﻱ ﻳﻌﻨﻲ ﺍﻛﻮ ﺍﺣﺪ ﭼﺎﻥ ﻳﻤﻨﻪ ﺳﺎﻟﺘﻬﺎ ﻣﻨﻮ ??
ﮔﺎﻟﺖ ﻫﺸﺎﻡ ﺍﺑﻦ ﻋﻤﺞ ﺍﺟﻪ ﻳﺸﻮﻓﻨﻪ ﻣﺎﺗﺎﺧﺮ ﮔﺎﻝ ﻣﺴﺘﻌﺠﻞ ﻭﺭﺍﺡ
ﺑﺪﻭﻥ ﺷﻌﻮﺭ ﺭﺣﺖ ﮔﻌﺪﺕ ﺑﻤﻜﺎﻧﻪ ﺍﺣﺲ ﻧﻔﺴﻲ ﺍﺩﻭﺭ ﻋﻄﺮﺓ ﺑﻮﺟﻮﺩﺓ ﺍﺣﺲ ﺑﺎﻣﺎﻥ ﻣﻮ ﻃﺒﻴﻌﻲ ﺍﺣﺴﻪ ﻣﺜﻞ ﺍﺑﻮﻱ ﻭﺍﻣﺎﻧﻪ ﺻﺢ ﻳﻀﺮﺑﻨﻲ ﺑﺲ ﻣﺮﺍﺕ ﺍﻧﻲ ﺍﻟﻲ ﺍﺟﺒﺮﺓ ﻋﻠﻰ ﻫﻠﺸﻲ ﺑﺘﺼﺮﻓﺎﺗﻲ ﺍﻟﻲ ﻳﺸﻮﻓﻬﺎ ﺑﻨﻀﺮﺓ ﻏﻠﻂ ﻭﺍﻧﻲ ﺍﺷﻮﻓﻬﺎ ﻋﺎﺩﻳﻪ ﻣﺎﺑﻴﻬﺎ ﺷﻲ
ﺑﻌﺪ ﻛﻢ ﻳﻮﻡ ﺗﺒﺪﻱ ﺍﻟﺪﺭﺍﺳﻪ ﻭﺍﻧﻲ ﻛﻠﺸﻲ ﻣﺎﻣﺸﺘﺮﻳﻪ ﻣﻼﺑﺲ ﺍﻣﻲ ﻛﺎﻟﺖ ﺍﻟﻌﺼﺮ ﻧﺮﻭﺡ ﻟﻠﺴﻮﮒ ﺍﺷﺘﺮﻳﻠﺞ ﺳﺪﺍﺭﻱ ﻭﺗﺠﻴﻬﺰﺍﺕ ﺍﻟﻤﺪﺭﺳﻪ ﺑﺲ ﺍﺗﻔﺎﺟﺌﺖ ﻣﻦ ﺍﺟﻪ ﻋﻠﻲ ﺟﺎﻳﺒﻠﻲ ﻣﻮﺑﺎﻳﻞ ﮔﺎﻝ ﺿﺮﻭﺭﻱ ﻳﻜﻮﻥ ﻋﻨﺪﺝ ﻣﻮﺑﺎﻳﻞ ﻛﻠﺸﻲ ﻳﺼﻴﺮ ﺧﺎﻑ ﺗﺤﺘﺎﺟﻴﻨﻪ
ﺍﻧﺘﻲ ﻃﺎﻟﺒﻪ ﺍﻛﻴﺪ ﺗﺤﺘﺎﺟﻴﻦ ﺩﺭﺱ ﺷﻲ ﻣﻦ ﺻﺪﻳﻘﺎﺗﺞ ﻃﺮﺕ ﺑﺎﻟﻤﻮﺑﺎﻳﻞ ﻋﺒﺎﻟﻚ ﺷﻮ ﺷﻤﻨﻄﻴﻨﻲ ﺍﻧﻲ ﺣﺎﻓﻀﻪ ﺭﻣﺰ ﺍﻟﺸﺒﻜﻪ ﻣﺎﻝ ﺟﻴﺮﺍﻧﻪ ﻳﻨﻄﻮﻧﻪ ﺍﻟﻌﻠﻲ ﺍﺧﻮﻱ ﻭﺧﻄﻴﻪ ﺍﺑﺪ ﻣﻴﻐﻴﺮﻭ ﻳﺤﺘﺮﻣﻮﻥ ﻋﻠﻲ ﺍﺧﺘﻬﻢ ﺍﺗﻜﻮﻝ ﻣﻨﻐﻴﺮﺓ ﺧﺎﻑ ﺍﺧﻮﺝ ﻳﮕﻮﻝ ﺑﺴﺒﺒﻲ
ﺍﻧﻲ ﻣﻦ ﺍﻟﻔﺮﺣﻪ ﺧﻠﻴﺖ ﻋﻠﻲ ﻳﺤﻤﻞ ﺍﻟﻔﺎﻳﺒﺮ ﻭﺩﺧﻞ ﺍﺭﻗﺎﻡ ﺻﺪﻳﻘﺎﺗﻲ ﻛﻠﻬﻦ ﺣﺎﻓﻀﺘﻬﻦ ﺑﺠﻬﺎﺯ ﺍﻣﻲ
ﺍﺗﺼﻠﺖ ﺑﺴﺎﺭﺓ ﻭﺍﻧﻲ ﻓﺮﺣﺎﻧﻪ ﺍﺑﺸﺮﻫﺎ ﺑﺎﻟﻤﻮﺑﺎﻳﻞ
ﺍﻟﻌﺼﺮ ﺭﺣﻨﻪ ﻟﻠﺴﻮﮒ ﺍﻧﻲ ﻭﺍﻣﻲ ﺍﺷﺘﺮﻳﺖ ﻣﻼﺑﺲ ﻟﻠﺪﻭﺍﻡ ﺧﻄﻴﻪ ﻋﻠﻲ ﮔﺎﻝ ﻟﺘﺨﻠﻴﻦ ﺷﻲ ﺑﻨﻔﺴﻬﺎ ﺍﺑﺪ
ﺭﺟﻌﻨﻪ ﻟﻠﺒﻴﺖ ﻭﺭﺓ ﻳﻮﻣﻴﻦ ﺑﺪﻳﺖ ﺍﺩﺍﻭﻡ ﻭﻛﻨﺖ ﻓﺮﺣﺎﻧﻪ ﻻﻥ ﺷﻔﺖ ﺻﺪﻳﻘﺎﺗﻲ ﻭﺷﻮﻳﻪ ﺍﻃﻠﻊ ﻣﻦ ﺣﺒﺴﺖ ﺍﻟﺒﻴﺖ
ﻭﻣﺸﺖ ﺍﻻﻳﺎﻡ ﻋﺎﺩﻳﻪ ﺑﻴﻦ ﺍﻟﺒﻴﺖ ﻭﺍﻟﻤﺪﺭﺳﻪ ﻭﻫﺸﺎﻡ ﺍﺳﻤﻊ ﺑﻲ ﺟﺎﻳﻨﻪ ﻣﻦ ﺍﻧﻲ ﺑﺎﻟﺪﺍﻭﻡ
ﺑﺲ ﻛﻢ ﻣﺮﺓ ﻟﻤﺤﺖ ﺳﻴﺎﺭﺗﻪ ﺑﺮﻛﻦ ﺍﻟﻤﺪﺭﺳﻪ ﻣﻦ ﻧﻄﻠﻊ ﺑﺲ ﺍﮔﻮﻝ ﻳﻤﻜﻦ ﻣﻮ ﻫﻮ ﻭﺍﻧﻲ ﻣﺸﺘﺒﻬﺎ
ﺻﺮﺕ ﻳﻮﻣﻴﻪ ﺍﻧﻲ ﻭﺳﺎﺭﺓ ﻧﺘﺨﺎﺑﺮ ﻭﻧﺪﺯ ﺭﺳﺎﺋﻞ ﻭﻧﺤﺸﺶ ﺑﻌﺪ ﻣﻨﻜﻤﻞ ﺩﺭﺍﺳﻪ ﻧﻀﻞ ﻧﺼﻨﻒ ﻉ ﺍﻟﻴﺼﺎﺩﻓﻨﻪ ﺑﺎﻟﻤﺪﺭﺳﻪ
ﻭﻣﺮﺓ ﺭﺟﻌﻨﻪ ﻧﻤﺸﻲ ﺍﻧﻲ ﻭﺳﺎﺭﺓ ﻭﺻﻠﻨﻪ ﻗﺮﻳﺐ ﻉ ﺑﻴﺘﻬﻢ ﻃﻠﻊ ﺷﺎﺏ ﻛﻠﺶ ﺣﻠﻮ ﻭﻣﺮﺗﺐ ﻣﻦ ﺑﻴﺘﻬﻢ ﮔﺎﻟﺖ
ﺳﺎﺭﺓ .. ﻳﺎﺍﺍ ﺍﻟﻴﻮﻡ ﻣﻨﻮ ﻋﺪﻧﻪ ﻣﺤﻤﺪ ﺍﺑﻦ ﻋﻤﻲ ﺍﻭﻝ ﺗﺎﻟﻲ ﻣﻨﻴﻦ ﻃﺎﻟﻌﻪ ﺍﻟﺸﻤﺲ
ﺳﻤﺮ .. ﺍﻟﻮﻟﺪ ﻳﺤﭽﻲ ﻭﻳﺎﻫﺎ ﻭﻋﻴﻨﻪ ﻋﻠﻴﻪ ﻭﺍﻧﻲ ﺧﺠﻼﻧﻪ ﻣﺪﻧﮕﻪ ﻫﻮ ﺳﺎﻟﻬﺎ
ﻣﺤﻤﺪ .. ﻣﺎﺍﻋﺮﻓﺘﻴﻨﻪ ﺑﺼﺪﻳﻘﺘﺞ
ﺳﺎﺭﺓ .. ﻭﺍﻟﻠﻪ ﻧﺴﻴﺖ ﺍﻋﺮﻓﻚ ﺳﻤﺮ ﺍﺧﺘﻲ ﻭﺻﺪﻳﻘﺘﺘﻲ
ﺳﻤﺮ . ﺳﻠﻢ ﻋﻠﻴﻪ ﺍﻟﻮﻟﺪ ﺑﺲ ﻋﻴﻮﻧﻪ ﺿﻠﺖ ﺻﺎﻓﻨﻪ ﻋﻠﻴﻪ ﺍﺗﺮﺧﺼﺖ ﻣﻨﻬﻢ ﻭﻛﻤﻠﺖ ﻃﺮﻳﻘﻲ ﻟﻠﺒﻴﺖ
ﻭﺻﺎﺭ ﻛﻞ ﻳﻮﻡ ﻣﻦ ﻧﺮﺟﻊ ﺍﻧﻲ ﻭﺳﺎﺭﺓ ﻻﺯﻡ ﻧﺸﻮﻑ ﻣﺤﻤﺪ ﻭﻳﺴﻠﻢ ﻋﻠﻴﻨﻪ ﻭﻋﻴﻮﻧﻪ ﺗﮕﺼﻨﻨﻲ ﮔﺺ ﺑﺲ ﻛﻨﺖ ﻣﺎﺍﻫﺘﻤﻠﻪ ﺍﺑﺪ ﺍﻟﻰ ﺍﻥ ﺻﺎﺭ ﻳﺘﺼﻞ ﺑﻴﻪ ﺭﻗﻢ ﻏﺮﻳﺐ ﻭﻳﺪﺯ ﺭﺳﺎﺋﻞ ﺍﻧﻲ ﻣﻌﺠﺐ ﻭﺍﻧﻲ ﺷﺎﻳﻔﺞ ﻭﺍﻋﺮﻓﺞ ﻭﺍﺗﻤﻨﻰ ﺗﻨﻄﻴﻨﻲ ﻣﺠﺎﻝ ﻻﻥ ﻧﻴﺘﻲ ﺷﺮﻳﻔﻪ ﺑﺎﻟﺒﺪﺍﻳﻪ ﮔﻠﺖ ﻳﻤﻜﻦ ﻫﺬﺍ ﻫﺸﺎﻡ ﻳﺮﻳﺪ ﻳﺸﻮﻓﻨﻲ ﺍﻧﻄﻲ ﻣﺠﺎﻝ ﻟﻮ ﻻ ﺑﺲ ﺑﻌﺪﻳﻦ ﮔﻠﺖ ﻫﻮ ﻣﻨﻴﻠﻪ ﺭﻗﻤﻲ ﺍﻛﻴﺪ ﻣﻮ ﻫﻮ
ﺣﺬﻓﺖ ﺍﻟﺮﺳﺎﺋﻞ ﺑﺲ ﻣﺎﻛﻨﺖ ﺍﻋﺮﻑ ﺍﺷﻠﻮﻥ ﺍﺣﻀﺮ ﺍﻟﺮﻗﻢ ﻭﺻﺮﺕ ﻛﻞ ﺭﺳﺎﻟﻪ ﺗﺠﻲ ﺍﺣﺬﻓﻬﺎ ﻭﺧﻠﻴﺖ ﺍﻟﻤﻮﺑﺎﻳﻞ ﺻﺎﻣﺖ
ﺻﺎﺭ ﺍﻟﻌﺼﺮ ﺩﺧﻠﺖ ﺍﺳﺒﺢ ﻛﻤﻠﺖ ﻭﻃﻠﻌﺖ ﺷﻮﻳﻪ ﻭﺍﻧﺪﮒ ﺍﻟﺒﺎﺏ ﺍﻧﺼﺪﻣﺖ ﻣﻦ ﺷﻔﺘﻪ ﻫﺸﺎﻡ ﻭﻣﺒﻴﻦ ﺟﺎﻱ ﻣﻦ ﺍﻟﺪﻭﺍﻡ ﺍﻟﺒﻴﺘﻨﻪ ﮔﺒﻞ ﻓﺮﺣﺖ ﻻﻥ ﻣﻦ ﺯﻣﺎﻥ ﻣﺎﺷﺎﻳﻔﺘﻪ ﻫﻮ ﺳﻠﻢ ﻋﻠﻴﻪ ﻣﻦ ﻭﺭﺓ ﺧﺸﻤﻪ ﻭﺩﺧﻞ ﻭﺍﻧﻲ ﺭﺣﺖ ﺭﻛﺾ ﻣﺜﻞ ﺍﻟﻄﻠﻘﻪ ﻟﺒﺴﺖ ﺍﺗﺮﺍﻙ ﺍﺳﻮﺩ ﻭﺳﻮﻳﺖ ﺷﻌﺮﻱ ﺿﻔﻴﺮﺓ ﻭﺧﻠﻴﺖ ﻋﻄﺮ ﺍﺭﻛﺾ ﺑﻐﺮﻓﺘﻲ ﻣﺜﻞ ﺍﻟﺨﺒﻠﻪ ﻛﻞ ﺷﻮﻳﻪ ﺍﺑﺎﻭﻉ ﺍﻟﺮﻭﺣﻲ ﺑﺎﻟﻤﺮﺍﻳﻪ ﺍﻭﺻﻞ ﻟﻠﺒﺎﺏ ﻭﺍﺭﺟﻊ ﺍﮔﺮﺹ ﺧﺪﻭﺩﻱ ﻣﺪﺭﻱ ﺷﺒﻴﻪ ﻭﻟﻴﺶ ﻣﻬﺘﻤﻪ ﺍﺭﻳﺪﺓ ﻳﺸﻮﻓﻨﻲ ﺣﻠﻮﺓ
ﻧﺰﻟﺖ ﻳﻤﻬﻢ ﺳﻮﻳﺖ ﺟﺎﻱ ﻭﺍﻣﻲ ﺿﻠﺖ ﺗﻌﺘﺐ ﻋﻠﻲ ﻻﻥ ﻣﻴﺠﻴﻨﻪ ﻣﺜﻞ ﻗﺒﻞ ﻭﻫﻮ ﻳﺘﻌﺬﺭ ﺑﺎﻟﺪﻭﺍﻡ
ﻭﻛﻞ ﺷﻮﻳﻪ ﺍﺷﻮﻓﻪ ﻳﺒﺎﻭﻋﻠﻲ ﻭﺑﻌﺪﻳﻦ ﻳﻨﺘﺒﻪ ﻋﻠﻰ ﻧﻔﺴﻪ ﻭﻳﺪﻳﺮ ﻭﺟﻬﺎ ﻋﻨﻲ
ﺷﻮﻳﻪ
ﺍﻣﻲ ﮔﺎﻟﺖ ﮔﻮﻣﻲ ﺍﺗﺼﻠﻲ ﻋﻠﻰ ﺍﺧﻮﺝ ﻣﻦ ﻣﻮﺑﺎﻳﻠﺞ ﻻﻥ ﻣﺎﻋﻨﺪﻱ ﺭﺻﻴﺪ ﮔﻠﻴﻠﻪ ﻳﺠﻲ ﻣﻦ ﻭﻛﺖ ﻫﺸﺎﻡ ﻫﻨﺎ
ﻫﺸﺎﻡ .. ﻣﻮﺑﺎﻳﻠﺞ ??
ﺍﻡ ﻋﻠﻲ .. ﺍﻱ ﻳﻤﻪ ﻋﻠﻲ ﺍﺷﺘﺮﺍﻩ ﺍﻟﻬﺎ ﻋﻠﻤﻮﺩ ﺩﺭﻭﺳﻬﺎ ﻭﺻﺪﻳﻘﺎﺗﻬﺎ
ﻫﺸﺎﻡ .. ﺑﻴﻬﺎ ﺍﻟﺨﻴﺮ
ﺳﻤﺮ .. ﮔﻤﺖ ﺭﺣﺖ ﻟﻠﻤﻄﺒﺦ ﺍﺣﻀﺮ ﻋﺸﻪ ﻭﻓﺮﺣﺎﻧﻪ ﻻﻥ ﺭﺍﺡ ﻳﺒﺎﺕ ﻳﻤﻨﻪ ﺍﻟﻴﻮﻡ ﺭﺟﻌﺖ ﻳﻤﻬﻢ ﺟﺒﺖ ﻣﻮﺑﺎﻳﻠﻲ ﻭﺍﺗﺼﻠﺖ ﻋﻠﻰ ﻋﻠﻲ ﺣﺠﻴﺖ ﻭﻳﺎﻩ ﺳﺪﻳﺘﻪ
ﺍﻧﺘﺒﻬﺖ ﺍﻟﻤﻮﺑﺎﻳﻞ ﻣﺨﻠﺺ ﺷﺤﻦ ﺧﻠﻴﺘﻪ ﻉ ﺍﻟﺸﺤﻦ ﻭﺭﺣﺖ ﻟﻠﻤﻄﺒﺦ ﺍﻛﻤﻞ ﺗﺤﻀﻴﺮﺍﺕ
ﺍﻣﻲ ﮔﺎﻟﺖ ﺍﻧﻲ ﺭﺍﻳﺤﻪ ﺍﺻﻠﻲ ﻭﻫﺸﺎﻡ ﻫﻢ ﺗﻮﺿﻪ ﻭﺍﺟﻪ
ﺫﻛﺮﺕ ﺍﻻﻛﻞ ﻋﺎﻟﻨﺎﺭ ﺭﺣﺖ ﺍﺷﻮﻓﻪ ﻭﺍﺭﺟﻊ
ﺑﺲ ﻣﻦ ﺭﺟﻌﺖ ﺷﻔﺖ ﻣﻮﺑﺎﻳﻠﻲ
ﺑﻴﺪ ﻫﺸﺎﻡ ﻭﮔﻔﺖ ﺑﻤﻜﺎﻧﻲ ﻣﻦ ﺳﻤﻌﺘﻪ ﻳﮕﻠﻲ ﻭﻫﻮ ﻋﺎﮔﺪ ﺣﻮﺍﺟﺒﻪ ﻭﻋﻴﻮﻧﻪ ﺗﺠﺪﺡ ﺷﺮﺍﺭ
ﻫﺸﺎﻡ .. ﻣﻨﻮ ﻣﺤﻤﺪ ????
