رواية حب محرمة داخل العائلة الفصل الثامن بقلم جمانه السعيدي
نجلاء اني وليث منتهى الانسجام عبالك مخلوقين البعض
مرات اكول يمكن رب العالمين خلاني ارتبط بغيث حتى اعرف ليث
وبيوم كاعده ورن التليفون باوعت سراب صديقة ليث
الي كتلكم عرفني عليه
استغربت صار هواي مامتصله
ليش اتصلت وشنو الي ذكره بيه
نجلاء الوووو
سراب هلو نجلاء شلونج
...الحمد لله انت شلونج
...الحمد لله ردت اسئلج على ليث شنو مغير رقمه شو اتصل علي ومايرد
اريد احجي وياااا مشتاقتله اني ماشفته من بعد الامتحانات لان سافرنا التركيه
نجلاء مشتاقتله
سراب اي ولله مشتاقتله من زمان ماحاجيه وياااا
وهم عندي اله مفاجئه
واكو شركه اهليه تريد مهندسين
واني سجلت واريد احجي ويااا حتى نسجل بنفس الشركه
صاحب الشركه اقاربنا واكدر اخلي يسجله بسهوله
نجلاء حسيت بطني كامت توجعني منيين طلعتلي هاي
هاي من حجيه ولهفته مبينه تحبه
سراب جاي تسمعيني ممكن تخلينه يتواصل وياي واذا عنده رقم جديد دزي برساله واني اتصل علي
نجلاء اي
سراب حبيبتي شكرا اسفه إذا ازعجتج بس لان مايرد عليه اتصلت عليج
راح انتضر اتصاله
نجلاء سديت التليفون وضجت احس دمي يفور
كلشي اله ليث يمكن اتخبل اذا وحده قربت علي
ليث اليه وحدي ومااريد الهوى يمر بي
من يوم زواجنا لليوم نسيت الدنيا كله ونسيت اهلي
ابد مايخليني احس بلنقص
محوطني ومهتم بيه
للضهر رجع من الشغل
بس شافني راسا قبل لايسلم كال شبيج يوجعج شي
نجلاء مابيه شي
ليث اني مااعرفج حبيبتي ولله اكو شي احد مضوجج
سامعه شي متاذيه من الحمل
نجلاء اهووووو مو كلت ماكو شي
ليث براحتج لاتصيرين عصبيه اهدءي وفهميني
خليت الاكل وكعدو ياكلون
واني صعدت الغرفتي
راسا صعد وراي
ليث ممكن اعرف حبيبتي شبيه اليوم
نجلاء راسا كمت ابجي
ليث يابويه تبجين ولله تبجين راسا حضنته وكمت ابوس بيه ليش تبجين
نجلاء مسحت دموعي اليوم سراب اتصلت عليك تكول مغير رقمه
ليث اي وشنو يعني
نجلاء تكول مشتاقتله وادور رقمه ماكوووو
ليث هذا الشي الي مضوجج
نجلاء اي تحبك ومشتاقتلك وتكول لكيتله شغل بشركه نشتغل اني وياااا
ليث هاي هي لو بعد اكو شي
نجلاء شنو بعد اكثر تحبك ودور عليك
ليث بس اني احبج ومااحبه
واني اعرف هي تحبني من زمان ولاحتي الف مره ملمحتلي
بس اني مااحبه
اني حبيت مره وحده واختاريت وماتهمني الف سراب
نجلاء يعني مراح تتصل عليه
ليث لا ماتصل عليه ولااريد اعرف اخباره
وانتي احضري رقمه من تليفونج
بابا انتي مخبله اني احبج تفهمين شنو احبج
وماابدلج بكل نسوان الارض
نجلاء حضني حيل وعضني من خدي
ليث ماادري انتي هلكد تحبيني
نجلاء اصلا اني ماعرفت الحب اله على اديك انت اول واخر انسان يدخل كلبي
ليث اي هذا الكلام الحلووووو وينج سراب من زمان
تعاي ودوسي بطن نجلاء
حتى تحجي غزل
نجلاء ولله اني ادوس بطنه بس تقرب عليك
ليث يمه تخوفين طلعتي شريره
نجلاء اي وحده تقرب عليك اموته خلاص
ليث يله تعاي خل نتغده لان جوعان واريد ارجع للشغل
تعرفين جابو اكل جاهز بلمحل وعزموني على الغده
بس اني ماقبلت اتغده
اذا مااكل من ايدج الحلوه مااشبع
ومااصبر منا لليل مااشوفج
اخذ تليفوني وحضر رقم سراب ورجع التليفون
يله ننزل نتغده
لزمني من ايدي ونزلنا للغده
اباوع علي واكول ياربي اني استاهل هاي النعمه منك
الف الحمد لله والشكر
ايامي كانت تمر يوم احلى من يوم
من وصلت الايامي الاخيره من الحمل وكبرت بطني
رتبلي الغرفه الجوه الي كان كاعد بيه
لان مااكدر اصعد الدرج وانزل
من اول يوم دخلت شهري يتصل بيه كل عشر دقايق
يطمن عليه
مرات يفتح الخط ويبقى يشتغل واني اسمع صوته
١٥ يوم بشهري وصار عندي وجع
الساعه ثنتين بليل بدا الوجع
كعد وياي ويهون عليه كلما اطلك اكوم اصرخ يحضني حيل
حتى عضيته من ايده من كد الوجع
ايده ورمت من العضه
بلسته الصبح رحنا للمستشفى
كلهم راحو وياي عمي وخالتي وليث
من دخلوني الغرفة الولاده كمت اعيط
نجلاء ليث فدوه امير امانه دير بالك علي
ليث لا تكولين هيج هسه اجيبين وطلعين بلسلامه
اكثر من ساعتين يله جبت وطلعت
وصلت للموت
طلعوني من الغرفه لكيت ليث منتضرني برا
بس شافني حضني مبروك حبيبتي
صار عدنا ولد يخبل يشبهج
الفرحه الي بعيون ليث نستني الوجع كله
طلعنا للبيت هلمره عمي سما ابني احمد
الحمد لله والشكر الله تمملنا على خير
بعدها بكم يوم طلع تعيين ليث
طلع تعيينه بشركة بترول على حدود السعوديه
بدا يشتغل باوراقه وكملهن
ليث اني مااداوم اذا ماترحين وياي
نجلاء وين اروح وياك
ليث اناجر شقه أو بيت بلبصره ونكعد
لان الدوام ١٥ يوم يله انزل اجازه واني مااكدر ابقه ١٥ يوم مااشوفج
لو ترحين وياي لو ابطل
نجلاء وعمي وخالتي شلون
ليث اناجر بيت وكلنا نروح هناك وهذا بيتنا اناجره وندفع ايجاره هناك
نجلاء اي ولله اني هم مااكدر افاركك ابد
ليث خلاص اني راح اداوم واستقر بشغلي وادور بيت
وبعدين ننتقل
عمي وخالتي حيل رحبو بلفكره لان مايكدرون يبقون وحدهم هناااا
ويخافون على ليث من الطريق شلون يروح ويرجع هاي المسافه
بعد تلث اشهر استقر عمل ليث ولكا بيت وبدا باثث بي
حتى انروح ورا
اصعب وقت يمر عليه من يروح للبصره
١٥ يوم مااشوفه كلبي يطك علي اكره الايام الي يكون بعيد بيهن عليه
هلمره نزل وبس تخلص إجازته نروح ويااااا
وصينا الدلال يشوفونا موجر البيتنا
بيوم إجازته بدلت وتعطرت ونتضرته بلباب شكد مشتاقتله ياربي رغم احنا طول النهار نحجي سوووا
بس شافني حضني وشألني ويبوس ببه
شكد استحيت عمي طلع وشافنا
نزلني وراح سلم على عمي وخالتي
حاضن الجهال ويبوس بيهم
ثاني يوم طلع يسئل الدلال على الموجر
رجع الضهر كال اكو موجر يريد يجي يشوف البيت العصر
تغدينا وشربنا جاي عمي وخالتي دخلو بغرفتهم
وليث اخذ الجهال وصعد فوك
واني نصفت المطبخ وكملت
اريد اصعد سمعت الباب اندكت
رحت افتح بس فتحت الباب جان واحد يحضني
حبيبتي مشتاقلج مشتاقلج موت
نجلاء بس فتحت الباب واحد شعره طويل ولحيته طويله وعيونه حمر
راسا دخل وحضني ويكول مشتاقلج حبيبتي نجلاء
اني خفت منه ودفعته عوفني عوفني انت منو احجي بصوت عالي لان خفت منه
غيث هاااي شبيج اني غيث
نجلاء اني سمعته يكول غيث واني راسا اغمى عليه من الهبطه
على صوت العياط طلعو عمي وخالتي يردون يفهمون شكوووو وليش اني اعيط
لكو غيث يحاول يوعيني
عمي انت منو وليش دخلت هنا
غيث هااا شبيك يابه اني غيث
خالتي بس سمعت اسم غيث عاطت بصوت عالي
يمه غيث انت عايش
على الصوت نزل ليث من فوك يركض يريد يفتهم شكوووو
لكا خالتي حاضنه غيث وتبجي وعمي يريد يرجعني الوعي
ليث شكووووو شنو هاي الهوسه
عمي اخوك رجع غيث رجع
ليث وكفت بمكاني ومااكدر اتحرك شنو غيث رجع ليش
غيث عايش مامات
وكف غيث واجا عليه ياخويه مشتاقلك
ليث من الصدمه ماكان عندي اي ردت فعل هو حاضني واني متبسمر بمكاني
صار اتلث سنوات شلون طلع عايش شلون رجع
غيث اني حاضن ليث بس هو عبالك خشبه اي ردت فعل ماكوووو اني مقدر موقفه اكيد مصدوم بعد هذا الوقت كله
ليث غيث عافني واني مااعرف شنو شعوري بهاي اللحظه
فرحان مدري مصدوم مدري متفاجئ
دنكت على نجلاء شلته من الكاع ودخلته غرفت امي وابوي
خليته على الجربايه
طلعت لكيت الكل كاعد بلهول وامي تبجي وابوي حاضن غيث
ابوي وين جنت كل هذا الوقت يابوي عبالنا متت
امك ضربته جلطه بسببك
غيث حقكم هواي وقت فات هسه احجيلكم كلشي صار وياي بس اربد ماي اشرب
ليث رحت جبتله مي وبدا يحجي كلشي صار وياااا
من يوم تركنا وراح البغداد لليوم
غيث وصلت بغداد وخلصت شغلي رجعت للكراج ادور سياره ماكووو بس سياره تكسي وحده
وكاعدين بيه ثنيبن
ماقبل يطلع اله يقبط السياره اني كتله ادفعلك النفر النقص واطلع
بس مشت السياره نزعت قمصلتي وخليته كدامي
الي بصفي لابس قمصله نفس قمصلتي بلضيط
هم نزعه وخلاها كدامه الدنيا ضهر وحاره الدنيا
بس مشينا شويه هذا الي بصفي اجا اتصال وكال اريد انزل
صارت عندي شغله مهمه
نزل واخذ قمصلتي بمكان قمصلته لان هنا حيل متشابهات
ثنيبنهن جلد اسود
اني ماانتبهت ابد بس وصلنا السيطرت اللج
كالو الهويه
سحبت القمصله اريد اطلع الهويه طلعت مو هويتي
حاولت اشرحلهم الموقف
بس ماقبلو ابد يسمعوني كالو انت منتحل شخصيه غير شخصيتك ايحوز انت شأرد لو مسوي مصيبه
المشكله اني حتى تليفوني راح بلقمصله
ابد ماقبلو يسمعوني
اخذوني للحجز وقررو يسجننوني منا لمن يتحققون من شخصية صاحب الهويه
نقلوني للسجن وهاي الفتره كله تصعد أوراقي وترجع تنزل
لا أحد اجاني ولا احد بلغ عن صاحب الهويه
اهل الولد هاي الفتره كله يدورون علي
عمي اي احنا أخذنا ودفنا توقعنا انت
غيث الحد ماانسجن واحد وياي وحجيتله قصتي كله
طلع من نفس مدينة الولد
كال اني راح اوصل صوتك الهم
واجواهل الولد وكالو هذا مو ابنا ابنا انخطف ونقتل
بس مالكينا الجثه
عدنا عداوه ويه جماعه وقتلووو ووصلولنا خبر القتل
بس لان مالكينا الجثه
كل مانشتكي عليهم يطلعون لان جثه ماكوووو
وهسه بعد كل هذا الوقت عافوني اطلع
اهل الولد أنطوني كروه حتى ارجع الاهلي لان عرفو من مركز الشرطه جثة ابنهم انتم دفنتوها
اخذت رقم تليفونهم حتى اتواصل وياهم وادليهم على مكان الجثه
نجلاء كنت واعيه وسمعت كل الحديث هسه اني بمصيبه اني مزوجه غيث وليث بنفس الوقت
وكل واحد عندي منه طفل
هاي شلون راح تنحل فهموني
ليث كنت كاعد وساكت اني ازوجت زوجة اخوي وهي على ذمته ولله مصيبه هاي
غيث اريد اشوف نجلاء واحجي وياها التفت على امير هذا ابني راد يحضنه بس امير ماقبل حضن ليث
وكام يبجي
غيث وهذا الزغير ابن ليث انت ازوجت وهذا ابنك
مبروك حبيبي ليوثي
ليث ماكدرت احجي ولا كلمه
عمي يابويه هواي اشياء صارت بغيابك احنا توقعنا متت
ودفنا الجثه الي لكيناها لان لكينا قمصلتك عليه
ونجلاء رادت تاخذ امير وتسافر ورا اهله
احنا ماقبلنا وخطبناها الليث وتزوجو وهسه عدهم احمد
غيث شلون شلون ليث ازوج نجلاء بس هذا الزواج باطل مايصير
ليث كلشي ماكدرت احجي ابد من الصدمه الي عشته
ابو غيث اني راح اسئل واستفسر ونمشي على الشرع
غيث شنو الشرع ليث يطلكه وزوجتي ترجعلي هاي مايحتاجه كلام
عمي ادخل اسبح واحلق شعرك ولحيتك واتغده ورتاح
واني راح اسئل وارجع عليك
خالتي اي كلام ابوك معقول تدخل اسبح بينما احضر الاكل
نجلاء بس دخل غيث للحمام اخذت جهالي وصعدت الغرفتي
وليث بقه كاعد جوه ومحتار بزمانه
بعد ساعه ونص رجع ابو غيث
لكا غيث حالق شعره ولحيته وسابح ومتغدي ومنتضر ابوه يرجع
غيث هااا يابه نجلاء زوجتي تبقى اليه
عمي الشرع يكول ثنيينكم اطلكوها وتكعد عدة طلاك
وبعدين هي تقرير ويامن تعيش
الخيار الاخير اله
ليث كتبت كلشي كال علي ابوي برساله ودزيته النجلاء
حتى تعرف شنو الي صار
نجلاء بس وصلتني الرساله وقريته كتبت اليث
...ليث لاتعوفني اني احبك
...اني هم احبج ومستحيل اعوفج ابد
نجلاء اتصلت بامي وحجبتله كلشي صار وياي
وامي من الصدمه ماكدرت تحجي ابد
غيث تواصل ويه اهل الولد ودلاهم بكبره صممو ينقلون الجثه المقابرهم
نجلاء بقيت فوك مانزلت ابد ثاني يوم راحو غيث وليث وطلكوني ثنيبنهم
عمي جاب اوراق الطلاك
...باعي بنتي راح تبقين هنا بينا معززه مكرمه منا لمن تخلص العده وانت تقررين ويامن تبقين بعقد جديد ومهر جديد
نجلاء اني وليث بقينا متواصلين بلتليفون
ليث اذا تردين ااجرلج شقه منا لمن تكمل العده
نجلاء لا مايحتاج بس تخلص العده نزوج ونسافر اني وياك نعيش بلبصره
وخلي غيث عايش هنا ويه امك وابوك
ليث تمام
خلصت اجازت ليث ورجع للدوام
اني ماانزل ابد يصعدولي الاكل فوك
حاول غيث يتواصل وياي يريد يقنعني ارجعله
غيث دكيت الباب نجلاء اريد احجي وياج
نجلاء من ورا الباب تفضل اسمعك
غيث اني مسامحج لان ازوجتي ليث انتي ماتعرفين اني عايش
ارجعيلي وراح اعيشج احسن عيشه واذا تردين نطلع بيت وحدنا ماعندي مانع
وجيبي احمد يعيش ويانه
نجلاء اسفه اني وياك بعد مانرجع البعض كلشي بينا انتهى خلاص
بس تخلص العده اني وليث نزوج ونسافر نعيش بلبصره
غيث ليش هيج تعامليني ولله اني احبج
نجلاء كلشي ببنا انتهى خلاص افهم اني لكيت نفسي ويه ليث ومااكدر اعوفه ابد
اني وليث ابد ماانكطع التواصل بينا وحتى حجيتله على محاولة غيث يرجعني
رجع غيث بحاول مره وثنيين بس اني ماقبلت ارجع ابد
غيث بهاي الفتره رجع يدور شغل
وعمي يمشي بلمعامله هو وغيث حتى يكذبون خبر الوفاه
رجعنا التعويض الي اخذنا من الدوله
همزين خلينا بلمصرف ورجعت قطعة الارض للدوله
بس الرواتب مااخذوهن يعتبرن تعويض لان هو انسجن بدون سبب
كملت العده واجا عمي يسئلني على رائي ومنو اختار حتى اكمل وياااا
اختاريت ليث اكمل وياااا
جمعت ملابسي وكل شغلاتي وودعتهم وطلعنا واخذت جهالي ثنيبنهم وياي
رحنا بلاول المكتب شيخ عقدنا اني وليث
بعدين طلعنا للبصره
وصلنا لكيت البيت يخبل ليث مااثثه كله شغلات باله بس تخبل كلش حلوه الشغلات الي خاله بي
استقرينا هناك ومارجعت للحله بس مره وحده عقدنا بيه محكمه
ليث دائما يجي يشوف اهله هو وامير بس اني مااجي ويااا
اتواصل وياهم بلتليفون مااريد اشوف غيث ابد
بعد سنتين من رجعت غيث خالتي خطبته وزوجته
صار عنده ولد أثنين زوجته كلش حبابه
من ازوج غيث يله كمت ادخل بيتهم
نجي اجازه يوم واحد ونرجع كل شهر نجي مره نشوفهم بيه
واني صارت عندي بنيه الحمد لله عايشه ومستقره
وأهم شي ليث يروح ويرجع عليه يوميه
لان دوامه قريب
راتبنا خير من الله مكفينا وزايد وندز منه البيت عمي
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
