رواية عيون المها الفصل التاسع بقلم ظل الياسمين
اما عني:
فقد فوضت امري لله ؛فهو سند ووكيلي ،؛
وقد ايقنت بان من يستعين بلله ؛لا يضيع ابدا "؛
_اجمدت بمكاني شلون اخذوهم الامن واحنه نعرف الي ياخذوهم الامن بعد ميرجعون ابدددد
يا رب سترك وعفوك جاوبتهه برعب
_خاله اشلون اخذوهم وليش
جاوب ابن صلاح من وراج تعاركو ويه رجل عمتج
حجه عمو سالم خلونه نفهم السالفه شنو تعالي ام صلاح فهمينه وهيه تحجي وتبجي دخلنه لبيتهم
_اليوم طلعو الصبح لشغل يبنون غريفه لمها وصعدو يسكفون اشو هذا رجل المره كام يعيط ويصيح ويغلط عليهم
نزله نجاح وتلازم وياه وراد يضربه لوما تلاحكه ابوه
كملو ل12رجعو تغدو وصلو ورجعو يشتغلون يردون هاي المسكينه تستقر اشو اجت سياره اخذتهم من سالت بيت ام عبد كالو الامن 😭
اشلون خاله سالم اخذو الولد وابوهم رجال جبير مو حمل بهذله
_لا تبجين هسه اطلع منكم كبل لبو رائد واحجي وياه
_ام صلاح/اروح وياك وهيه تبجي وتلطم
_كولي يا الله تره الامور ما تنحل بهيج طريقه بلبجي واللطم
_خاله فدوه اروحلج 😭 لا تبجين والله هسه يطلعون كمت اغصغص من القهر اني عميت عليهم لو ادري ما موصيتهم ابد اشلووون بيه
كتلهه خل نروح لعمتي وعمو سالم يروح لبو رائد
_كالت اروح وين مجان بس كون يطلعون ربي سترك ربي انته تعلم بحالي بجاه الحسين عدك اريد ولدي وراعي بيتي
رحنه ودخلنه من يم الغرفه مالتي ما كامله بناءه ودخلنه
شفناهم كاعدين والدنيا ظلمه
كامو من مكانهم واجت علينه
_شعدجن بليل جايات
_ام صلاح/عيوني بداعت ابوج الخير والادمي احنه ناس فقره ومالنه بلمشاكل والطلايب فدوه لعيونج يمن اروحلج فدوه خليهم يطلعونهم
اشو هاي تفرعنت كامت تصيح بعلو حسهه
_اي تمسكنن جايات ادكن ناعم تردن اطلعن الكوو٫٫٫٫ روحي ولج رررروحي لا اخليهم يسحلونج وياهم
_كتلهه همه ما مسويلكم شي ليش تشتكون عليهم
_امشي لج زعطوطه ساق ٫٫٫٫
_ام صلاح/امشي خاله مهاوي هاي وحده استغفر الله
هجمت علينه بصايح والغلط والدنيا ليل وصوت عالي انفضحنه فضيحه
طلعنه من يمهه لا حق ولا باطل
رجعنه بس كلوبنه خلصانه اشو اول ما دخلت لكيت مرت صلاح متخوصره خالتي من كثر التعب والبجي راحت لفت راسه ونامت وهاي اجت عليه دفعتني وطلعتني بره اريد بس احجي ما تخليني _انتي راس البله طلعي ما اريد انشوف وجهج دكيت الباب علكيف فدوه دنيا ليل وين اروح خاله ام صلاح طلعي المره خاويه وين تسمعني
باوعت ليل وصوت الجلاب عالي والجو بيه خيط بروده اروح لبيت عمو سالم مرته ما تريدني وين اولي كمت ابجي بصوت عالي وينج بيبي وينك جدوووو اصعب ليله مرت عليه اخذني الخوف
رحت للغرفه الي بناهه عمو أبو صلاح دخلت ظلمه ولا بيه باب عباره عن سالفتهم غريفه 3في 3 مسكوفه والبصفهه مطبخ ما كامل ولا مسكوف والكاع تراب كعدت على التراب وجنطتي بيدي انتجيت وغمضت عيني واني اردد امن يجيب المضطر اذ دعاه ويكشف السوء
الا ان غفيت واسمع صوت الصبح ناس طالعه على باب الله
كمت رحت على جهه الحديقه وعبرت لتوليت توضيت ورجعت صليت على التراب وروحي خاويه
يا رب انته تعلم بحالي وتعرف الي كاعد يصير وياي بجاه حبيبك الحسين
طلع ابو صلاح ولده يا رب العالمين 😓
صبح الصبح واني مثل الخاتله
يا رب هسه اني وين اروح كلت خلي اروح اكل متت جوع
اهدومي متريه وحال الظيم حالي صعدت فورت واني ما اشوف من كد الاذيه والقهر
ما احس الا امجد كاعد بصفي
جسمي كام يرجف واعصاب صرت
_من رخصتك اريد انزل
_ابقي اريد احجي وياج ولا اضلين اطفرين تره عدي استعداد كدام الناس افشلج
_باوعتله بحزن والدمعه تلالي افلوس ما عدي بعد انطيك درت وجهي لجامه وبجيت 😭
_منو كلج اريد فلوس انتي اطلبيني اني انطيج دنك وصبن دموعه
_ما اريد منك شي بس عوفني بحالي تره البيه مكفيني
_مها اني متندم والله وما اعرف اكمل حياتي بدونج جاي اتعذب ضميري يعذبني
_عدك ضمير!!! هذا الحجي بعد ميفيد واني بعد ما اريدك لو اظل اخر رجال بالعالم
_مو بكيفج اني احبج وما لكيت وحده تحبني مثلج
كمت من مكاني وصحت نازل كام طلع فلوس من جيبه وانطاني كال هذا جزء من الدين
_ابتسمت كتله ما بينه دين ذني هديه عرسك وعفته ورحت بس احس جسمي كله يرجف وميته قهر نزلت نص الطريق والجو بارد والشحاطه انكطعت كعدت بلكاع وبجيت من خاطري
كانه القشه التي قسمت ظهر البعير
ودورت منا ومنا لكيت وصله اخذتهه وشديت الشحاطه برجلي ومشيت سريع وصلت كوه لسوك اكلت لفه وعبرت للسكافي خيطت الشحاطه وشتريت بعد لفه كلت لليل ورجعت خشمي احمر واباوع للمحلات شفت محل صديق جدو ابو حازم يصلح كهربائيات نزلت يمه
_اشلونك عمو
_كل الهله بيج بنيتي تفضلي
_عمو اني حفيدة حجي فلاح صديقك
_اخذني على جهه وكال هله بيج عمو شنو اخباركم وين بيبتج وين صرتو
_بجيت كتله بيبي ماتت واني بعدهه تبهذلت كمت اسولف وابجي
_اليوم ترحين وياي وباجر يحلهه الف حلال
_لا اريد ارجع خاف ام صلاح تقلق عليه واكيد هسه ادور عليه
_احلفج بروح جدج بيبيتج اذ تحتاجين شي تعالي ولا تترددين وطلع خمسه وخلاهه بجنطتي جدج جان صاحبي الصدك واله فضل عليه
_رحملله والديك يلله اني اروح مع السلامه
طلعت من يمه وحسيت بعدهي الدنيا بخير
خلي ارجع للغرفه واشوف شنو نولقصهه واكملهن رجعت لكيت باب بيهم مقفول
كلت بكلبي ايييي خل نكفي شر خيريه تحزمت ودرت وره البيت لميت طابوك وكسر نكلتهه وكمت اجمع بيهن يم الغرفه
ودرت من الجهه الثانيه وهنا جانت الصدمه لكيت غراض بيبي الله يرحمهه
البوفيه وميز الماعين والفراشات وملابسنه فرحت من شفتهن عبالي خيريه ذابتهن متريات وصايرات عباره عن انقاض فتحت البوفيه لكيت اماعين صيني قسم مكسر وقسم لا قواري استيل وفافون فتشت كلشي
شميت عطرهه بيهن حجيت ويه روحي بيبي متاكده هسه انتي تدعيلي والا ما لكيت غراضج
والي تعتبرهن خيريه زباله تحسبت عليهه ورجعت دورت برده ما لكيت طلعت بطانيه مال جيش وسويتهه برده من جهه الباب وكمت اشتغل لليل تعبت وخيريه ماكو الحمد لله
اخذت ملابسي ورحت غسلت وتوضيت وكمت اصلي رتبت كعدتي بلغرفه اذكرت اللفه وكمت اكل واني صافنه معقولة اليوم ام صلاح ما فكدتني ولا مريت على بالهه لو سمعت حجي جناينهه
ادري المره مطلوبه بيه اني غريبه عنهم وسببتلهم اذيه وفوك كل هذا ادور حنيه
صارت ضلمه جبت فراش من النضد وتغطيت ونمت
الصبح كعدت على هلاهل وهوسه باوعت من البرده لكيت جهال نجاح بره صحتلهم كالو جدو والولد طلعو
سجدت لله شكر وكلت ها هي ذول الناس صاحبين فضل ما اسبب الهم مشاكل بعد ابتعد والتهي بنفسي
كمت اصلي اني التزمت بصلاه والعباده كلش اهواية طلعت من غراض بيبي قران وتربه وسبحه ومصلايه صح قديمات بس من ريحه الغاليه وكلما اشوفهن اكول بيبي ودتهن الي كمت اشتغل والم الكسر واسوي خبط واصب الارضيه كملت الغرفه واتجهت للمطبخ الي هو كلش زغير مترين في متر كملته تعبت وما عدي اكل رحت للحديقه لكيت خضره هيه بعد بيبي كلشي انهمل ومات حتى الاشجار جانت عامره بصايتهم هيه وجدو
اخذت فجل مشيب غسلته وكلت وكرفس طالع استوه اغسل واكل
للعصر طلعت رحت جبت غراض احتاجهن ورجعت شفت الناس تسلم على عمو ابو صلاح رحت عليهم اول ما شافني كال ها عمو شعدج جايتنه
_عمو اجيت اسلم عليك
_عمو بعصبيه سالم الله عليج وعلى عمتج لا تدنين يمنه انتم ناس شره ما عدكم مخاف الله
_اختنكت كتله بغصه اهم شي انتم بخير وسالمين حمد لله على السلامة
رحت ركض للبيت دخلت ونزلت البرده وحضنت ملابس بيبي وبجيت بحركه للعصر واسمع صياح واعياط عد بيت ام عبد المعروفين بطابعهم الديني المزيف
كلت خلي اسمع على شنو هذا العرك والصياح
اسمع امجد يعيط بعلو صوته انتم مو اهلي انتم كفره هيج منكم زوجتوني وكتلكم ما اريدهه كتلكم اريد اليتيمه وغصبتوني على وحده مطلكه ما اريدهه عوفوني فوك ما راضي بيهه تتفيك براسي وتريدني اخدمهه بت الفكور
كام يكسر ويلعن امه اصيح واخوه يصيح
صفنت على نفسي اني ليش جاي اصنت عليهم هو طلع من كلبي 💔وانتهى خلي الله يجازيه مشيت للغرفه واجت ام صلاح اول ما شفتهه بجيت وتشابكنه وكمنه نبجي مدت ايدهه لوجهي تمسح بدموع
_كافي يبعد روحي لا تبجين والله اني ما هي طيبه اليوم كمت من شفتهم طلعو
_عدج العافيه خاله والله كلت ما هون عليج وعرفتج تحبيني كالت هذا عشاج ولا تجبجبين منهم همه ماخذين بخاطرهم من عمله عمتج ورجلهه
_لا خاله تبقون اهلي
راحت وره شويه اجت جايبه لاله ونفط وخلتهن يمي وباستني وطلعت
فرحت الحمد لله والشكر صار عدي غرفه باجر اروح لعمو سالم يخليلي باب ومن جهة عمتي برده ومغطيتي الشجر
نمت مرتاحه لان قريت هواي قران وصليت وهديت لبيبي صلاه لروح ابوي
كعدت الصبح على صوت نشاز فنكم تعرفوه
