 |
رواية سيطرة قلب الفصل الاول بقلم جيجي
.انا هاخدها يعنى هاخدها دى مراتى والا انا مش هسمى على حد وهحرق الأخضر واليابس يا سعيد وده اخركلام عندى
سعيد قال... بس هى متعرفش ان انا جوزتهالك انا كتبتلك بالتوكيل اللى معايا اعقل يا رياض انت قولت هتستنى لما اقولها
رياض قال... مش موضوعى يلا ادخل هاتها دى بتتخطب انت اهبل
سعيد قال... خليك جدع وقطع الورقه اللى معاك وسيبك منها انت الف من تتمناك يا رياض يا خويا
رياض قال.... اه كده طب انا هخدها بمعرفتى لانى سجلت الورقه فى المحكمه خلاص ابعد بقى ودخل ولقى بنت فى العشرين قاعده جمب شاب وبيلبسو الدبل وقف قدامها ومسكها من ايدها
وقال... يلا من هنا الشاب اللى معاها بصله بستغراب
وقال.. مين ده يا طيبه
طيبه قالت..... ده واحد مجنون كل شويه يضايقني بس شكله هفت معاه النهارده
رياض قال.... انا مش واحد مجنون انا جوزك طيبه ضحكه بخفه
وقالت..... مش بقولك مجنون اوكي يا استاذ جوزي معلش ممكن تمشي ونبقى نتكلم في يوم تاني عشان زي ما حضرتك شايف انا بتخطب
رياض قال... لا انتى اللي شكلك مش فاهمه انا جوزك
انتى ما تعرفيش عشان اخوكى كتب كتابنا بالتوكيل اللي معاه طيبه بصت لاخوها بصدمه
وقالت .. انت واقف كده ليه ما تقول حاجه اتكلم انت مش سامعه سعيد اتنهد
وقال بدموع... انا آسف
طيبه قالت... اسف على ايه اكيد ما عملتش اللي بيقولوا ده صح انت اكيد ما جوزتنيش انت واقف كده ليه
رياض قال... طب يا جماعه كل واحد يروح على بيته عشان دي مشكله عائليه
طيبه قالت.... عائليه وانت بقى من العيله وبصت لخطيبها وكان ماشى مسكت ايده
وقالت.. حسن انت رايح فين
حسن قال.. هروح اكيد مش هتجوز واحده متجوزه يعني وشد ايده بغضب ومشي بس طيبه مشيت وراه
وقالت... حسن ده مجنون يا حسن انا ما اعرفش حاجه عن الموضوع لو سمحت بس رياض راح مسكها
وقال... ايه جاريه وراه هو انا شفاف مش شايفاني خالص
طيبه قالت بغضب.... انت مين انت عشان اشوفك سعيد الحيوان ده بيقول ايه توكيل ايه اللى انت جوزتني بيه ازاى
سعيد قال... ممكن توطي صوتك بقى لو سمحتى وانا هفهمك
طيبه قالت... اوطى صوتي انت بتقول اوطى صوتي ليه مين اللي لسه فاضل وخايف لا يسمع
سعيد قال.... انا كنت محتاج الفلوس قوي انا لما اتخانقت مع الراجل بتاع المحل وكان هيحبسني فاكره كان عاوز 100 الف انا رحت اخدتهم من رياض واديتهم للراجل كنتى عايزاني اتحبس يعني
طيبه قالت... لا وعلى ايه اتحبس انا واتجوز واحد ما اعرفوش يعني مش كفايه جوزتني من ورايا كمان بعتني ده مش كلامك انا عرفاه كويس وانا هتوه عنك ده كلام الحربايه اللي جوه ان شاء الله اما ادخل هسحلها سحل
وبصت لرياض
وقالت... وانت ارجع على بيتك وفلوسك اللي اخدها دي اسبوع ولا اتنين كده وانا هرجعهملك لحد عندك
سعيد قال... هترجعيهملو من فين انتى طرشه بقولك 100 الف
طيبه قالت... انت تخرس خالص اخرس خالص يا اخويا انا مش هتجوز الحلنجى ده لو اشتغلت رقاصه وجبتله الفلوس
رياض قال... ليه بس كده هو انا غلطت فيكى طب ده انا حتى قاعد ساكت من ساعتها مش عايز اتكلم ومقدر اللي انتى فيه احنا هنروح دلوقتي على شقتنا تتفرجي عليها وتشوفى لو ناقصها حاجه كده ولا كده وغمز
وقال بوقاحه ... ولا كده ولا كده ونبقى نعمل حفله بعدين
طيبه قالت... انا مش عايزه تتجوزيني مش عايزه حفله انا عيزاك تطلقنى بتفهم ولا لا
رياض قال... الله طالعه من بقها ملب طلقنى دى
طيبه قالت... طب يا اخويا طلقنى عايزين ملبن تاني طلقني
رياض قال... الله شفتى طب روحي معايا يومين تلاته واطلقك من غير ولا مليم وانتى كده كده مراتي
سعيد قال.. ايه ياعم ده انت بتقول ايه
طيبه قالت... ايه يا اخويا خدتك الشهامه انت ما كنتش عارف ان ده اللى عايزه من الاول ولا لما يبقى على ورقه هيبقى غير وبصت لرياض
وقالت.. الجواز اول حاجه ايجاب وقبول وانا لا جيباك ولا قبلاك عشان تبقى عارف بقى
رياض قال ببرود... جايباك جايبك منين
طيبه قالت... من عند الست اللي خلفت ونسيت تربي
رياض قال... كده بدايه مش لطيفه انا على فكره ساكت منك قلتك عشان الظرف اللي انتى فيه فيكون احسن لو تلمى لسانك شويه
طيبه قالت... والله طب كتر خيرك انا مش هروح معاك وزي ما دخلتني في الكارثه دي تطلعني منها
رياض قال... انا ما دخلتكيش هو طلب مني فلوس واديته الفلوس وده كان طلبي وجوزني انا مالي بقى حسابك مع اخوكى
طيبه قالت... تمام اديني اسبوعين وهجيبلك الفلوس
رياض قال.. لا معلش انا اديته كذا شهر بصراحه ما جابليش الفلوس انا عايزك دلوقتي انا مستعجل عشان زعلتونى عيبه في حقي لما مراتي تخطب واحد وانا واقف زي اللطخ كده حتى ما تعزمنيش
طيبه قالت... بارد انت شخص بارد قوي وانا مش هستحملك اخبطك بحاجه واروح فيك في حديد
رياض قال... لا لا بلاش تروحي في حديد انا ما بعرفش اغني صوتي مش حلو
طيبه قالت... ايه دخل الحديد بالغنى
رياض قال... مش انتى لما تروحي فى حديد بقى انا اقعد اغنيلك زي سامر المدني يا حديد
طيبه قالت... هتغنيلي ازاي وانت هتكون ميت انا هدخل فيك انت السجن
رياض قال... طب ما تيجي ندخل عندى ونعيش
سعيد قال.. رياض انا واقف اتلم
طيبه بصتله بغيظ وقالت.. لا يا ولا متقفش روح عند العقربه مراتك اللي بتسلطتك وما لكش دعوه بيا
رياض قال.. فعلا انت روح عند مراتك كنتى بتقولي ايه اه انا فاكر كنتى بتقولي ندخل كملي يلا
طيبه قالت...شوف لاقي حل تانى لان انا مش عايزاك
رياض قال... ممكن ترفعي عليا خلع وتدفعي للمحكمه 100 الف اوكي وعلى فكره مش هينفع لان انتى مش معاكي المبلغ وطلاق برضه لا انا عند بيتي وعندي شغلى وعندي كل حاجه انتى اصلا ما معكيش اللي تقومي بيه محامي والمحكمة حبالها طويله يلا بقى نروح
طيبه قالت... انا مش هينفع اروح معاك كده مش هينفع انا هنا محدش يعرف ان انا اتجوزتك
رياض قال.. ده كان زمان دلوقتي الحته كلها عرفت ان انا زفيتك ولازمته ايه الفرح اصلا
طيبه قالت... يعني الناس بس يعرفوا ان انا ماشيه معاك
رياض قال.. حاضر هعملك فرح بس عارفه هعملك ليه
طيبه قالت.. مش عايزه اعرف
رياض قال... ايوه ايوه ما انا هقولك اهو يبقى ايجاب اللي انتى قلتى عليه يمكن انتى صح مش قابلانى بس يعني هتبقى متجوزانى وانا مش عايز حاجه تانيه انا مش طماع انا مكتفي باي حاجه منك لو حتى كانت شتيمه مدام منك
طيبه قالت... انت ما عندكش دم
رياض قال... طب ما تيجي تحليللي الدم ده هيطلع فيه طيبه مش طيبه قلبي لا طيبه انتى وعارفه لو عملتى رسم للقلب ولا فتحوه هيلاقوكى انتى عارفه بقى لو عملنا رسم مخ ولا فتحتى مخي هتلاقي نفسك جوه يعني انتى كده بالصلاه على النبي في القلب وفي المخ وفي العقل في الدم وفي الشريان انتى كده في كل حته فيا
طيبه قالت... لا انا لو عملت رسم مخ مش هلاقيه ولو حللت دم مش هلاقي برد استحاله يكون عندك
رياض قال.... هتلاقى عسل انا كلها الناس بتقولي دمك خفيف يلا بقى ولا انتى بتدلعي واهي الحفله جاهزه
طيبه قالت.. وانت خليت حفله ما انت مشيتهم
رياض قال... اه صح خلى الحفله منصوبه زي ما هي كده بكره اجي اجيب الفستان الابيض تلبسيه ونجيب الناس تاني هم وراهم حاجه
طيبه قالت... ماشي روح
رياض قال... هروح بس دلوقتي بقيت خطيبك بما انو بكره الفرح ما تجيبى حاجه كده تحت الحساب
طيبه قالت.... الحساب يوم الحساب ودخلت البيت وقفلت الباب لقيت اخوها ومراته قاعدين في الصاله
قالت... انا عايزه اعرف دلوقتي ايه اللي حصل ما صدقتش الكلام اللي قلته بره انا عايزه اعرف ما تقوليش عشان الفلوس
مراتو قالت.. هو بصراحه يعني بصراحه كده اخوكى اتزنق فى الفلوس يعني لما اخوكى يتحبس هترتاحى وبعدين مالو رياض مش عاجبك ليه شاب طول بعرض عرض ما شاء الله ايه اللي مش عاجبك فيه
طيبه قالت... انا كنت عارفه يا سحر ان انتى اللي ورا الموضوع يعني بجد بعتني عشان الفلوس ماشي انا هتجوز عشان ما تتحبسش لانى لو رفعت عليكم قضيه وقلت ان انت جوزتني ليه من غير ما اعرف وان انت اخدت منه فلوس من غير ما اعرف هتتحبسوا انتوا الاتنين مش عشانك لان انت ما تستاهلش بس عشان البنات اللي جوه ميتشردوش لما انت هتتحبس لان دي هترميهم وهتتجوز من بكره غيرك يا سيد الرجاله ودخلت أوضتها وقفلت الباب بغضب...
