رواية ثنائي الدايت وعود القصب الفصل الاول
كانت قاعدة مع جوزها على السفرة و مدت ايدها على الأكل و قبل ما تاكل حاجة ، زعق بصوت عالي:
_ مش كفاية بقي يا هانم.
حطت المعلقة من أيدها و بصت باستغراب و سألت: كفاية ايه يا حبيبي.
ضرب على الترابيزة و قال: بلاش استعباط انتي فاهمة قصدي.
هي فعلا كانت فاهمة بس بتحاول تبيان أنها مش فاهمة، قالت بحزن: أنت اللي كفاية إهانة فيا مش انا.
قام بغضب و زعق: أنا اللي كفاية أنتي مصدقة نفسك
عيطت من غير رد.
زعق هو أكتر: ده اللي انتي شاطرة فيه تعيطي يس، أنتي ايه مش ناويه تتغيري بقا أصل أنا زهقت منك ومن شكلك ده.
ردت بحزن: يعني أعمل ايه يا عز ،على أيدك أنا حاولت اكتر من مره ومفيش فايدة، كل مرة افشل.
عز بقرف: عندك حق مفيش فايدة فيكي، يا شيخه أنا بتكسف أعرفك على الناس و أقول دي مراتي.
الجملة كسرت قلبها، سألت عهد بدموع قهر: للدرجة دى يا عز أنا وحشه في نظرك اوي كده.
عز بصوت عالى: و أكثر من كده بصي على نفسك فى المرايا أنتي عامله زي الفيل.
قامت عهد من مكانها و وقفت قدمه و قالت بدموع: حرام عليك يا عز أنا عملت رجيم قاسي ورحت عند دكاتره كتير والكل قال إن دي هرمونات و أن الجسم الرفيعه والتخين ملوش علاقة بالاكل.
عز باستهزاء: طبعا لازم يقولوا كده لما يشوف شكلك.
عهد بعصبية :ليه يعني يا أستاذ عز.
ضحك بسخرية و قال : الدكتور يخاف على نفسه و على اللي فى العياده منك لاحسن تاكليهم
عهد بدموع: ليه وأنا باكل البشر.
عز باحتقار: تصدقي بالله أنا بخاف على نفسي منك.
مسحت دموعها و صرخت بحزن : ربنا ها يحسبك على كل ده يا عز ،أنت ظالم.
عز ببرود: أن شاء الله ربنا هيسامحني علشان اللي أنتِ فيا ده، احمدي ربنا أنك لسه مراتي، واحد. غيري كانت خلص من الجوزة دي.
وكان خارج من باب البيت بعد لما كسرها بكلامه
وقبل ما يخرج بص لها و قال:
معاكي تلات شهور بس يا تخسي يا اما اتجوز عليكي واحدة حلوة.
وخرج بعد ما كمل على كسرت قلبها
جريت على أوضتها وقفت قدم المرايا ،وبصت على نفسها بعدم رضا و كلمت نفسها بحزن: أنا مكنتش كده قبل الجواز كنت جميلة،،،،أنا عارفه اني أهملت نفسي شويه لكن رجعت على طول وحاولت كتير أعمل رجيم لكن مفيش فايده اعمل ايه
الشكل ده حاجه من عند ربنا ليه يارب ليه مافي ناس كتير بتاكل ومش بتتخن يارب سامحني
بس أعمل ايه عز قال لو مش خسيت يتجوز عليا أنا بحبه أوى اعمل ايه يارب، ساعدني يارب.
//////////////////
تاني يوم
في عيادة دكتورة تغذية
كانت قاعدة مستنية دورها، جت وقعدت جنبها و قالت بابتسامة: بلاش التكشيرة دي اضحكي و لا يهمك.
عهد بحزن: أنا مخنوقة اوي.
ردت البنت و قالت: هي خطوة صعبة بس لازم نكون قدها.
عهد بابتسامة : كلامك صح، و أنتي أسمك ايه
قالت بابتسامة: سندس.
عهد :أسمك جميل و أنا عهد
سندس: شكرا يا عهد، اسمك مميز
ضحكت من غير رد، و سندس انتهدت بحزن و بعدين قالت:
ــ هو السبب صح.
رغم أن كلام سندس مش واضح بس عهد فهمت و ردت : ايوه هو السبب في زعلي ،جوزي مش عجبه شكلي
سندس بحزن: و أنا كمان ،جوزي شايف أني اسوء شئ في حياته، و كل ده علشان تخينة ،فانا قررت اخس.
عهد : الموضوع صعب أنا حاولت كتير و فشلت.
سندس: هو صعب بس لازم نحاول، أنا شخصيا دخلت تحدي مع نفسي، اخلي جوزي يندم على كلامه لي، هعمل كل حاجه علشان قبل المدة اللي البيه محددة، أكون زي عارضات الازياء، طالما يفرق معه الشكل اكتر من الروح.
عهد بحزن: بس فعلا الشكل مهم، أنا فقدت ثقتي بنفسي و بقت ديما قاعدة في البيت مكسوفة أخرج و الناس تشوفني كده.
سندس بابتسامة: حبي نفسك يا عهد،علشان الكل يحبك
//////////////////////
في مكان تاني
مريم خارجة من اوضة الصالون و هي تصرخ : طلقني، بقولك طلقني حالا.
رد محمود ببرود و هو يشرب الشاي:حاضر أول ما الماتش يخلص اطلقك.
صرخت مريم بعصبية و شدت شعرها كأنها مجنونة: لا طلقني دلوقتي علشان أنت خاين، و كاذب، دي حاجه أنا متأكدة منها،و مش هضحك على نفسي أكثر من كده ، يلا طلقني حالا .
محمود ببرود: طيب اصبري بس بعد الماتش.
قعدت جنبه و هي تقول بصوت عالي : محمود بطل أسلوبك المستفز ده، و بلاش تعمل فيها ملاك و أنا الشيطان .
محمود ببرود:لا طبعا يا قلبي، أنا الشيطان و انتي الملاك ،بس وطي صوتك شوية الجيران زهقت مننا.
مريم: و مين السبب يا أستاد محمود.
محمود: مين يا قلب محمود
مريم بعصبية: أنت طبعا ،بكلمك مبتردش ليه وأنت فى الشغل.
محمود بابتسامة باردة: سامعة نفسك بتقولي ايه ، بكون فى الشغل، ارد ازاى بقا.
مريم بعصبية: و أنا أضمن منين أنك فى الشغل يمكن كنت هنا ولا هنا.
محمود بزهق: أستغفر الله العظيم يارب
يا بنتي الغيره الاوفر دي غلط مش صح.
مريم بعصبية: صح علشان دي الحقيقة أنت خاين.
محمود بعصبية: ايه الدليل على كلامك.
مريم بشك::قلبي مش مطمن ليك ,وبعدين كل ما اتصل عليك وأنت بره مبتردش عليا ،وأسألك تقول علشان الشغل ،زي ما يكون الشركة مش بتتحرك ،الا بيك ،وأنا مش عارفة.
قالت الجملة باستهزاء ،اتعصب و قال: مريم أنا زهقت من الغيرة الزيادة ،و الجنان ده.
مريم بحزن: يعني زهقت مني.
محمود بصوت عالى: أنا قولت كده امت.
مريم بحزن : أنت زهقت من كلامي يبقي زهقت مني صح.
محمود بهدوء:لا مش صح أنا عمري مزهق منك ،أنا بحبك يا مريم بلاش نكد ليل ونهار ،على حاجات في خيالك
مريم بعصبية: لا بتحصل و مش في خيالي، و أنا متاكده من كده.
محمود بهدوء: وايه دليلك يا ست مريم على التهمة دي.
مريم : الدليل أن كل الرجاله خاينين .
محمود ببرود: هو فى حاجه اسمها كده اصلا
هزت راسها بنعم و قالت : ايوه في كده.
محمود بحدة : مش كل الرجاله بتخون ،ولا كل الستات مظلومة، زي ما في رجاله مش كويسه فى ستات مش كويسه برضو بلاش هبل يا حبيبتي.
مريم : حبيتك اضحك عليا بكلمتين وأنا عبيطه وأصدق أصل أنا هبله، أنا عارفة أني شكلي مبقاش عجبك بعد الجواز صح.
نفخ محمود بضيق و قال : الحمد لله جت منك و عرفتي أنك هبله، و بعدين شكلك قبل الجواز و بعد الجواز زي القمر يا مريومة.
مريم بعصبية: مش مصدقة كلامك.
محمود بعصبية: يا شيخة حرام عليكي أنا زهقت بجد من كتر الغيره دي ديما شك و غيرة و جنان
وياريتك شفتي عليا حاجه او شفتني مع واحده لا كله اوهام فى دماغك.
مريم : مش اوهام
محمود : بجد طيب مين بقا اللي بخونك معها
مريم بعصبية: أنا نفسي اعرفها علشان اقتلك و اقتلها
محمود بهدوء: مريم أنا بجد تعبت ومش قادر أتحمل العيشيه دي حاولي تتغيري أحسن لكي.
قامت من مكانها و قالت بدموع: يعني أنت ناوي تسبني وتجوز عليا صح، أنت مش بتحبني.
قام وراها ،حط أيده على كتفها بحنان و قال بحب:والله بحبك وعمري ما حبيت غيرك وعمري ما فكرت أبص لغيرك يا مريم أنا اخترتك لاني بحبك.
مريم بدموع: مش مصدقه
شال أيده من عليها و قال بعصبية: أن شاء الله عنك ما صدقتي، أنا خارج علشان بجد تعب منك
مريم بصوت عالى :طبعا دي حجه علشان تروح لحبيبة القلب.
محمود بعصبية: ايوه رايح لحبيبه قلبي عايزه حاجه بقا.
وخرج محمود من البيت ،و ساب مريم تموت من الغيظ.
جريت على المرايا و بصت على نفسها بعدم رضا:
أيوة أنا شكلي اتغير بعد الجواز ، قبل الجواز كنت احلى بكتير، أنا لازم اروح عند دكتورة تغذية .
و رغم أن مريم وزنها مثالي و جميلة جدا بس عندها فقدان ثقة في نفسها.
رن تلفيون مريم، خدت التلفيون و فتحت الخط و قال بدموع: الو
علا:هو نكد عليكي برضو
مريم بدموع: عايزه ايه يا علا
علا بحقد: عايزكي تأكدي أن كلامي صح ومفيش رجل مش خاين كلهم خاينين يا حبيبتي ولازم تفضلي تعملي كده علشان يفضل معاكي.
مريم بحزن: علا هو أنا شكلي حلو.
قالت علا لنفسها: حلو بس انتي شكلك زي القمر، و ديما الاولى في كل حاجة ، حتي جوزك احسن من جوزي، و في الاخر الجربوع جوزي يطلقني بعد متحملة الفقر معه،و انتي عايشة في هنا و نعيم و فلوس زي الرز و بيت كأنه قصر.
فاقت علا من حقدها على صاحبتها و مريم بتقول: علا روحتي فين، بسالك أنا حلوة.
ردت علا: بصراحة يا مريم قبل الجواز كنتي ملكة جمال ، بس بعد الجواز شكلك اتغير.
عيطت مريم بحزن و هي مصدقة كلام صاحبتها اللي تثق فيها ثقة عمياء.
/////////////
في عيادة دكتورة التغذية
في اوضة الكشف
الدكتورة: ده النظام يا مدام عهد اللي تمشي عليه، مش عارفة ازاي سيبتي نفسك لحد كده.
عهد بتحاول تمسك ضحكتها و هي بتقول: معلش يا دكتورة نتكلم في المهم لو مشيت على النظام ده اخس في تلات شهور
الدكتورة: أن شاء الله اهم حاجة نظام غذائي و الرياضه
عهد بابتسامة: أن شاء الله.
و خرجت عهد من اوضة الدكتورة و انفجرت من الضحك.
سندس: شوفتي الدكتور
عهد : أيوة، أنا مش بتنمر عليها أنا اكتر واحدة عانت من التنمر، بس ازاي دكتورة تخسيس تكون تخينة كده و محتاجة تخس.
سندس : مش عارفه ، خلينا في المهم، في جيم في نفس العمارة تعالي نشترك فيها.
عهد بابتسامة: أنا مبسوطة أنك معي و تشجعني على الخطوة الصعبة دي.
سندس بابتسامة: احنا الاتنين محتاجين نشجع بعض ،يلا تعالي.
و خرجت عهد مع سندس من العيادة على الجيم
/////////////
في بيت محمود
عدي ساعتين و مريم لسه قاعدة بتعيط ، رجع محمود وقفت مريم بصدمة و قالت:
