رواية جريمة امبابة ( كامله جميع الفصول) بقلم ملك ابراهيم

رواية جريمة امبابة الفصل الاول بقلم ملك ابراهيم 

_في سادس يوم رمضان لقوا بنت في منطقة إمبابه مـ.ـدبوحه وراسها مفصـ.ـوله عن جسمها وأسنانها كلها مخلـ.ـوعه ومرميه جنبها!!. 

_جريمـ.ـه بالبشاعـ.ـه دي مش لازم تعدي بالساهل.. 

كانت نورسين بتتكلم وهي واقفه جنب خالد قصاد العماره إللي إكتشفوا فيها الجريمـ.ـه، وبتلاقي الظابط بيتكلم وبيقول:-

_الجريمـ.ـه والدتها إللي إكتشفتها بعد ما كانت بايته عند قرايبها وبنتها فضلت لوحدها، بس الغريبه حاجه واحدة.. 

_وإيه هي؟!. 

_لقينا الرساله دي محطوطه جنب الجُثـ.ـه ومحتواها أغرب.. 

بتاخد نورسين منه الورقه وهي بتفتحها وبتشوف المكتوب، الكلمات مكتوبه بالـ.ـدم، وبتبدأ تقرأها بصوت عالي نسبيًا وهي بتقول:-

_"الضحية كانت كل حاجة بالنسبالي، بس ساعات ممكن نضحي بأغلى الناس علىٰ قلوبنا في سبيل النجاة لينا". 

كانت مركزة وعينيها بتستقر عند كلمة معينه "نضحي"، بتقفل نورسين الورقه وهي بتبص لخالد وبتقوله:-

_الجاني مش غريب، ولكن البنت دي فيه شيء مجهول عملته أدىٰ لإن يحصل كل دا!. 

وبترجع تبص لـ الظابط وهي بتتكلم وبتقول:-

_أقدر أشوف الجُثـ.ـه؟!. 

_إحنا المره دي جبنا الطب الشرعي يعاين مسرح الجريمـ.ـه علشان أكيد فيه بصمات وأدله، بتقدري تطلعي عادي. 

وبتدخل نورسين من باب العماره وبتطلع وهي بتتنهد بتحاول جواها تكون مستعده لـ المنظر المعتاد إللي هتشوفه دلوقتي.. 

____________________

_بنت في بداية العشرينات، مرميه علىٰ الأرض قصاد أوضة نومها، الراس مفصولـ.ـه عن الجسم بالكامل ومحطوطه جنبها، أسنانها مخـ.ـلوعه بالكامل ومرميه حواليها بعشوائيه.. 

نزلت نورسين لمستواها وهي بتبص علىٰ الهيئه بشكل عام بتلاقي صوابع إيديها متكسـ.ـره بالكامل، وفيه خطوات قدم في البيت كله ومعموله من الـ.ـدم.. 

بتحس نورسين إنها فقدت توازنها من المنظر فـ بتقف من جديد وهي بتشوف فين الحمـ.ـام.. 

وبالفعل بتدخل وبتبدأ تغسل وشها بالمايه وهي بتبص للمرايا، فجأة بتلاقي النور بيقطع وبيظهر قصادها كلمات مكتوبه علىٰ المرايا بالـ.ـدم!!. 

_" قتـ.ـل، قُرب، قطـ.ـع". 

كانت نورسين بتبص حواليها وهي مش فهمه معنىٰ إللي بيحصل وإللي بيظهر ليها، بتطلع تليفونها وبتفتح فلاش الكاميرا وبتصور المكتوب وفجأة بترجع تبص للمرايا من تاني بتلاقي مسـ.ـخ بيظهر ليها، شخص علىٰ هيئة شيـ.ـطان.. 

بتصـ.ـوت نورسين وهي بتفتح الباب وبتخرج بسرعه وهي بتقول بصوت عالي:-

_الحمـ.ـام مسكـ.ـون فيه مسـ.ـخ جواه كان بيلعبلي حواجبه!!. 

بتقف فجأة وهي بتشوف قصادها فريق الطب الشرعي وهما بيبصوا ليها بنظرة غير مفهومه.... 

بتعدل نورسين التيشيرت بتاعها من الإحراج وهي بتقول بصوت عالي:-

_مالكم؟! ما تكملوا شغلكم!.. 

وبيلفت إنتباهها واحد معين فـ بترجع تتكلم من تاني وهي بتقول:-

_أكرم، تعالى دقيقه لو سمحت!. 

_نعم يا باشا؟!. 

_المعاينه أخبارها إيه؟!. 

_كل حاجه متكسـ.ـره ودا بيدل علىٰ إن فيه حالة دفاع عن النفس من المجني عليها، تفاصيل القتـ.ـل غريبه وباين جدًا إن فيه كسـ.ـر بالرقبـ.ـه، يعني هي ماتـ.ـت قبل فصل راسها عن جسمها، كل دا كلام عن رؤية فقط، خلال بكره هيكون ظهر تقرير الطب الشرعي وقتها هنعرف الحقيقة الكاملة بنسبة مليون في المية.. 

كانت نورسين مش مركزة معاه لإنها عينيها علىٰ الجثـ.ـه، حست إنها بتتحرك ولكن قعدت تفرك في عينيها لحد ما لقتها ثابته مكانها، بصت لـ أكرم بمعنىٰ إنه يروح يكمل المعاينه وهي خرجت علىٰ طول وهي بتقول في سرها:-

_الجثـ.ـه ملبـ.ـوسه ولا إي شكلي هتجـ.ـنن. 

____________________

_فين والدة المجنـ.ـي عليها؟!. 

_قاعدة برا يا ستي، بس قوليلي لقيتي إي في بيتها مخليكِ مش علىٰ بعضك كدة!. 

بتطلع نورسين تليفونها وهي بتفتحه وبتوريه الصوره، بيبصلها خالد وبيقولها بمنتهىٰ السخـ.ـريه:-

_بتوريني جمال المرايا بتاعت الحمام بتاعهم؟!. 

_يعني إيه في كلمات كانت مكتـ.... 

ولسه بتشوف نورسين الصوره بتلاقي الكلمات المدونه بالـ.ـدم مش موجودة، بترمي التليفون علىٰ المكتب وكإنها مشافتش حاجه وبتنادي علىٰ العسكري وأول ما بيدخل بتقوله:-

_دخلي والدة ريتال دلوقتي.. 

بيخرج العسكري وبتدخل والدة ريتال، ست لابسه إسـ.ـود في أواخر الخمسينات، ماشيه بتقدم رجل وبتأخر رجل وكإنها مش قادرة تمشي، دموعها علىٰ خدها. 

قعدت علىٰ الكرسي قصادها، بتبدأ نورسين تتكلم وهي بتبص ليها:- 

_أنا مقدرة حاليًا كل إللي حضرتك فيه بس لازم أتكلم معاكي علشان نجيب حق ريتال! صح ولا غلط؟! قوليلي هلْ ريتال ليها أعـ.ـداء؟!. 

_بنتي مكنتش وحشـ.ـه يا باشا، ريتال مكنش فيه زيها إتنين كانت بتخـ.ـدم الكل وقلبها أبيض، حتىٰ اهل خطيبها كانوا بيحبوها اوي!. 

_خطيبها؟! هي كانت مخطوبه؟!. 

_ومازالت يا باشا، دول لما عرفوا إن يا حبة عيني إللي حصلها إنهاروا!. 

بتبص نورسين لخالد وهي بتقوله:-

_طلع ضبط أمر وأحضار لخطيبها.. 

بيخرج خالد من المكتب علشان يعمل إللي نورسين قالت عليه، وبترجع نورسين تلتفت لـ والدة ريتال وهي بتقولها:-

_معندكيش شـ.ـك بأي حد؟!!. 

_لا يا باشا، بس عاوزة حق بنتي، حق بنتي إللي ملحقتش تتهنى بشبابها يحبيبتي يا ريتال.. 

_تمام إتفضلي دلوقتي يا حجه، ومتقلقيش.. 

____________________

_مكنش ينفع يا خالد تشوف شقة أعفـ.ـن من دي شويه؟!. 

_تعالي على نفسك شويه، إللي بلاقيه قصادي بأجره، الوضع مش مستحمل ولازم نكون جنب القسم كفايه إني دلوقتي ببات في العربيه.. 

_وحشني بيتي يا خالد، وحشتني صنية البشاميل، طبق الرقاق، إزازة الزبادو إللي كنت ببلع بيها، أنا حياتي كلها بقت عبارة عن جرايـ.ـم وجثـ.ـث متشـ.ـرحه!.. 

بيتجه خالد لباب البيت وهو بيخرج منه وقبل ما يخرج بيقولها:-

_إقفلي الباب كويس علشان محدش يدخل يشـ.ـوحك معاهم.. 

_يا رب يا خالد يحصلك أوحـ.ـش حاجه في الدنيا، تتخبـ.ـط في صباع رجلك الصغير، مش هتسحر لا هدخل أنام علىٰ طول.. 

وبتدخل نورسين علشان تنام ولأول مره بعد تعب طويل.. 

___________________

الليل جه، صوت خربشـ.ـه غريب، كانت نورسين نايمه ولكن صحيت علىٰ آثر الصوت، قامت براحه وهي بتستعد لأي شيء ممكن يحصل.. 

لحد ما بتوصل للمطبخ، الدنيا كانت ضلمه، ولكن بيظهر ليها نفس المسـ.ـخ قصادها بشكله المـ.ـرعب... 

_إنتَ إنسان ولا جاي هنا علشان جعان!!. 

ولكنها فجأة بتلاقي راس ريتال في إيده وهو بيقرب عليها وفي إيده التانيه سكينـ.ـه، وبيفضل يقرب عليها لحد ما من المنظر بتقع علىٰ الأرض فاقدة للوعي... 

نظرات مرعبـ.ـه، وهدوء غير طبيعي!!... 

الفصل الثاني من هنا