رواية بلا اثر كامله جميع الفصول بقلم جمانة السعيدي
اني فهد صار سنتين مخلص معهدتحليل ومتعين بس هذا الحجي سنة ٢٠٠٠ يعني الراتب قليل كلش بس اسمها وضيفه
عندي خوات اثنيين وحده اكبر مني عمرها ٢٤ والثانيه ازغر مني عمرها ١٨ وليث ازغر واحد عمرا ١٢ سنه
ابوي حجي سعيد معروف جدا
طبعا هو رايح للحج مرتين هو وامي امي طيبه وفقيره وحقانيه وعدنا عمتي عايشه ويانه عمرها تقريبا ٤٠ سنه
وما مزوجه جانت مخطوبه الواحد وعاقده
قبل زواجهم
مات بحادث وبعد ما ازوجت
مثل الي انصدمت لان جانت تحبه حيل
احنا من الشوملي
جمانه السعيدي
حجي سعد ابوي جبير اخوانه قصدي يعني كل اقاربنا هو جبيرهم ياخذون رائيه بكل شي
واي مشيه لازم هو يكون بيها
ابوي عندا محل دشدايش رجاليه واني اساعده بي
بيت عمتي جوارينا الحايط على الحايط
اقصد عمتي الثانيه نجيه
عدها اربع ولد الجبير مهند بعمري ازغر مني بشهرين
والبقيه احمد ومحمد واكرم
طبعا احنا وياهم كلشي سوا همه عدنا واحنا عدهم طول النهار
مهند اكبر واحد للسادس اعدادي ومبطل عندا محل ملابس نسائيه
واخوانه يدرسون وزوج عمتي يشتغل مصلح اجهزه كهربائيه
القصه الي احنا مانعرفه ان اختي الاكبر مني سجى جانت عدها علاقه بمهند ابن عمتي
بينهم نضرات وكلام حب طبعا هي اكبر منه كان يوهمه بلحب لمدت اربع سنوات
بس بعدين فجاءه وبدون مقدمات
غير رائيه بلنسبه الها وقرر يخطب اختي الازغر منها ندى
اتمرضت سجى وكطعت الاكل واخذناها الكل الدكاتره الكل اكد مابيها شي
احنا بلبيت ماجنه حاسين بهذا الحب لان همه عدنا ٢٤ ساعه
يعني عمتي وولد عمتي مايفاركونا ياكلون ويشربون ومرات ينامون عدنا
وماجان امبين عليهم واحد يحب الثاني
ولو اني اشك يحبها لان لو يحبها ماخطب ندى وعافها
الكل بلبيت وافق وفرح
اله سجى انهارت وتمرضت
لان ماجانت تشوف احد غيره هي تاركه المدرسه من الثالث متوسط وتقريبا محبوسه بلبيت ما تطلع اله صدفه
تطلع للسوك ويه ماما لو للخياطه وترجع
الخطبه كانت عباره عن عمتي اجت وفاتحت ماما وبابا بلموضوع
وافق كل الي بلبيت وقررنا بس تخلص امتحانات السادس اعدادي يعقدون
لان خاف تلتهي وماتركز بدراستها
يعني بعد شهرين ونص
جمانه السعيدي
سجى كانت عايشه على المغذي احتارينا بامرها نريد نعرف شنو بيها لو شنو السبب
بعد كم اسبوع اتحسنت حالتها بس نحسها ضايجه وتعبانه
عزله نفسها طول النهار
سجى قررت تروحله للمحل بحجة تشتري ملابس وتواجها بموضوع خطبته
وكان رده صادم اكثر من موضوع خطبته
مهند امي ماتقبل تكول سجى اكبر منك
سجى...زين اخطب وحدا غريبه بعيده بس لاتضلون طول الوكت كدام عيني
مهند...امي تريد ندى
سجى...انت انسان بلا شخصيه شنو كلشي امي امي انت تتزوج لو امك
مهند...ما اكدر اخالف رائيها ابد
سجى...ما اكول...بس حسبي الله ونعم الوكيل
كانت سجى تتحطم كل يوم وهي تسمع تحضيرات الزواج وتشوف الفرحه بعيون ندى
وماتكدر تحجي ولاتكول اي شي
بس دائما عازله نفسها من عدنا وتكعد وحدها بلغرفه
هسه راح احجيلكم عن مواصفاتي
اني طويل حنطاوي عيوني كبار حواجبي ثخان
مواصفاتي حلوه
بس اسوء صفه بيه عصبيتي
اني كلش كلش عصبي وما اتفاهم ابد
اذا صرت عصبي اكسر اي شي يجي كدامي بدون تفاهم
اني ماجنت عصبي بس مريت بضروف خلتني عصبي
اول سنه معهد تعرفت على بنيه تخبل يعني صدك حبيتها
وقررت اصارحها واخطبها
وفعلا صارحتها بس هي ماقبلت ننخطب اله بعد التخرج
البنيه من كركوك
حيل تعلقت بيها وجنت احسب يوم يوم يمته نتخرج واخطبها ونتزوج
جمانه السعيدي
ولمن اتخرجنا ورحنا نخطبها اهله رفضو رفض قاطع
عشرين مره رحت خطبت وماقبلو
اخر شي هددوني يقتلوني اذا رجعت مره ثانيه
وتفاجئت بيها تتصل وتكول انساني اني راح ازوج
بلبدايه اعتقدت مجرد يخوفوني
مرن ست اشهر واني ما سامع اخبارها لان غيرت رقمها
ورجعت اخذت زلم ورحت اخطبها
ونصدمت صدمت عمري طلعت مزوجه صار شهرين
تخبلت بيومها اله شويه
من هاي اللحضه صرت انسان عصبي وادخن
وما اتحمل اي شي ومن اصير عصبي اكسر اي شي كدامي مااتحمل ابد
اهلي يحاولون يخطبولي بس اني ارفض
امي وابوي يردون يخطبولي بت عمي
بيتهم شارعين عن بيتنا بنيه حبابه وحلوه مخلصه معهد اداره وقتصاد
بس اني ماليه نفس بلزواج ابد
اليوم اني كلش عصبي اتسوكنا بضاعه من بغداد وكاتبين العنوان غلط وطالعه البضاعه الكربلا
تعاركت ويه ابو المكتب
واني بطريق الرجعه للبيت اكو نزله على منطقتنا كله نخل
والدنيا مغرب
الوطنيه طافيه بس مولد
اني اسوق بلسياره وطلعت الوصل اتأكد منه ووكع مني
دنكت اجيبه
حسيت دعمت شي
نزلت اشوفه وتفاجئت
