رواية جوزي وعيلته ( كاملة جميع الفصول ) بقلم رين

بمناسبة رمضان كنَّا عازمين النهاردة أهل جوزي على الغدا، وكنت مفكَّره اللي بيحصل معايا من فترة،

مش هيحصل تاني..

وخصوصًا لأننا بقينا في رمضان،

كانت أم وأخت جوزي وأبوه.. كانوا عندنا النهارده.. جهَّزت السفرة وكل حاجة، وقعدوا.. وكان لسَّه ناقص طبق واحد فدخلت المطبخ وجبته..

وقفت لثواني وأنا ماسكة الطبق في أيدي وأنا خايفة.. خايفة يحصل معايا زي ما بيحصل قبل رمضان.. و.. وأشوفها.. أشوف الحاجات الغريبة اللِّي بقالي فترة يشوفها أو يتخيلها زي ما بيقولوا..

بيقولوا،

إنهم بيتسلسلوا في رمضان..

أتمنى، وأنا بفكَّر فجأة سمعت صوت جوزي بينادي عليَّا وبيقول

"إنتِ فين يا ملك؟!"

بلعت ريقي وحاولت أهدى وأسـ.ـيطر على خوفي وقولت

"جـ.. جاية أهو!!"

طلعت،

وحاولت أخـ.ـفى رجفة أيدي اللي واضحة وأنا ماسكة الطبق.. قعدت وبدأوا يتكلموا،

في كل حاجة وأنا يادوب بدخل معاهم في الحوارات..

شويَّة وبدأت أحس بنفس الإحساس.. 

سامعه صوت جاي من جنبي.. و.. وبدأت أشوف ظل.. ظـ.. ظل جاي من جنبي..

ظل لواحد وكأنها كبيرة في السن،

قاعدة على الكنبة اللِّي جنبي، بصِّيت بسرعة بعيني ناحية الكنبة بـ.. بس مكنش في حد و.. وكأنها إختفت و.. وسمعت أخت جوزي بتقولي 

"إنتِ سامعاني يا ملك؟!"

رديت وقولت 

"هـ.. هاه؟!"..

ردت وقالت

"بقولِك.. أخويا مزعلك في حاجة؟!"

شُـ.. شُفت ظـ.. ظل تاني أسود وكبير المرَّة دي بيجري ناحية الحمـ.ـام،

دخل ووقف فيه و.. وكأنه بيبصلي،

ردت بعدها أخت جوزي وقالت

"شكله مزعلك وإنتِ مش فرحانه!!"

وبدأ الجدال بينها وبين جوزها ورد عليها وقالها

"مين قالك كده يا شولة!!"

وبدأوا يرخـ.ـموا على بعض..

و.. وأنا حسِّيت وكأن قـ.ـلبي هيقف، وعيني راحت على الكنبة اللِّي جنبي بطرف عيني شـ.. شفتها.. أ.. أنا حاسَّة بيها.. بتتحرَّك من كنبة للتانية،

حاسَّة بيها في كل مكان، بقالي فترة هتجـ.ـنني،

حـ.. حسِّيت بحد ورايا.. عيني جت على الساعة وبقت كل الأرقام متشقلبة.. كلها متشقلبة، كل الحروف اللي في التلفزيون كل حاجة عليها كتابة حروفها متشقلبة..

وكأنها بقت مكتوبه من الشمال لليمن،

إ.. إيد بتقرَّب مني،

و.. والظل ورايا.. بيقرَّب.. قرَّبت أكتر وأكتر بقت سريعة جدًا عشان فجأة أحس بالإيد دي على كتفي ولقيت نفسي بقوم بسرعة من على السفرة وأنا بصـ.ـرَّخ ووقعت كوبايَّه المايَّة على الأرض..

كـ.. كان جوزي.. جوزي هو اللِّي كان واقف ورايا،

كلهم سكتوا،

وبصلولي بإستغراب،

ضـ.ـحك بس كان في رعشه في شفايف واضحه من الخوف اللي متملكني،

وبعدها..

حاولت أغيَّر الموضوع وبدأت ألِم السفرة وساعدتني أخت جوزي أميرة وهي بتبصلي بإستغراب..

و.. وكأنه بتحاول تفهمني،

وشويَّة وقالوا خلاص هيمشوا، بـ.. بس أنا طول الوقت كنت حاسَّة بالظبط وكأنه مراقـ.ـبني،

وقفنا على باب الشقة سلَّمت على أخت جوزي وأبوه وقبل ما أميرة تطلع قالتلي

"هو الواحد كده في الصيام صح ولا إيه؟!!"

بصيتلها وبعدين قولتلها

"قـ.. قصدك إيه؟!"

ردت تاني وقالت بعد ما طلعت برَّه الباب

"بتكلم إنك تعبـ.ـانه صح؟!.. تعبـ.ـانه؟!"

رديت بالإيجاب عليها وضحكت.. بعدها رُحت عشان أسلِّم على والدة جوزي وفجأة سمعتها بتقولي بصوت عالي

"مش أحسن أنكم تتطـ.ـلقوا بقا؟!"

لقيت نفسي متسمَّره في مكاني،

وفجأة سألتها بصوت عالي وقولت

"بـ.. بتقولي إيه؟!!

وبعدها وقفت بعد ما كانت بتضحك وبتسلم عليَّا وسمعت جوزي مسكني من در.اعي وهو متضَّـ.ـايق وقال

"بتقولك خلِّي بالك من نفسك يا حبيبتي.. في إيه متضَّـ.ـايقة ليه؟!"

بصَّيت جنبي.. كنت حاسَّة بنفس الست موجوده جنبي..

كبيرة.. و.. ظـ.ـلها بيكبر أكتر وأكتر،

مردتش وقتها وقولت إني بهزَّر ومشيوا.. أ.. أنا متأكدة إني سمعت حاجة زي كده.. مـ.. متأكدة!!

أنا مبقتش طبيعية،

خايـ.ـفة طول الوقت.. ببص حواليا، بقالي فترة كده، مبقتش عارفة أنـ.ـام ولا أغمـ.ـض عيني، بحسها موجوده وقريبة مني في كل وقت..

بعد فترة قرر جوزي يجيب شيخ،

شيخ يرقيني ويرقِي البيت،

يمكن أتحـ.ـسن، وفعلًا قالي أنه كلم حد من صحابه وإتفق معاه على واحد،

لمَّا سألته عن صاحبه مين تهتهه في كلامة ورفـ.ـض يقولي وفعلًا جه اليوم وجِه الشيخ سامي، بس قبل معاده بنص ساعة بس،

هو قالي إسمه كده..

الراجل غريب مبيتكلمش كتير،

دخل وأنا كنت بعيدة عنه متكلمش وأنا كنت بعيدة عنه قاعدة على الكنبة اللِّي في وش كنبته،

بصلي،

وبدأ يقول طـ.ـلاسم غريبة..

وعيونه كانت مركزه أوي معايا بشكل غريب، وهو بيتكلم بسرعة،

و.. ولقيته بيبص في نفس الناحية اللِّي الظـ.ـل ده بيظهر فيه..

بعدها،

متكلمش.. ولا سألني ولا حتى قال أي حاجة..

وفجأة،

لقيته قام وجوزي كان بيكلمه مردش عليه ووقف قدَّام باب الشقة..

جوزي سأله.. مردش، فتح باب الشقة ومشي..

وبعد شويَّة.. جوزي قفل باب الشقة وقال

"إيه الشيخ الغريب ده.. أنا عرفت أنه غريب شويَّة بس مش للدرجة دي!!".

كان لسَّه جوزي هيدخل وفجأة وقف في مكانه تاني ورجع خطوة لورا لمَّا سمعنا جرس الباب بيرن،

ولمَّا فتح..

كـ.. كانت الصـ.ـدمة لمَّا شفناه.. كـ.. كان شخص.. شخص ما بيـ.ـوحي إنه بردو شيخ ولمَّا جوزي سأله وقال

"حضرتك مين؟!"

رد وقال

"أ.. أنا الشيخ سامي.. مش حضرتك الأستاذ أحمد؟!"

جوزي فضل مبلَّم،

وأنا قفت في مكاني وأنا حاسَّة بأطرافي وكأنها كلها متـ.ـلجة..

لـ.. لو ده الشيخ سامي.. الشيخ اللِّي كان في بيتنا دلوقتي ده كان مين؟!

الفصل الثاني من هنا