رواية زواج ست أشهر كامله جميع الفصول بقلم جمانه السعيدي
اني سمر عمري عشرين مرحله ثانيه كليه اداب
قسم انكليزي
امي توفت واني عمري ١٦ سنه وبابا ازوج خاله حنان
خاله حنان كانت صديقة امي وتتردد علينا دائما
تعرف كل زغيره وجبيره بلبيت
قبل لا تزوج بابا كنت احسه تحبني
بس بعد ماازوجت هي وبابا وصار عدها ولد ثنيين
تغيرت معاملته وياي حيل
دائما تفضل اولادها عليه
بابا انسان عملي بشكل وشويه بخيل يعني تحقيق على الفلس يله يطلع
طبعا خاله حنان بفترة مرض امي كانت شبه كاعده عدنا
بحجت تعتني بامي
ولان هي صديقته المقربه
اهل امي بغير محافظه
بيبتي متوفيه وامي ماعدها خوات بس اخوان ثنيين
خاله حنان كانت تجي كل يوم وتبقى عدنا
جنت اشوف الحركات بينه وبين بابا
والكلام وبعد شغلات ثانيه
اني زغيره بس كنت افهم اكو شي ببنهم
وهمه استغلو فرصة مرض امي الي كانت شبه نايمه طول الوقت بسبب المسكنات
حنان مزوجه قبل ومنفصله
حسب كلامه انفصلت لان مو رجال ومايكدر ينطبه حقوقه الشرعية
بعد شهرين زواج انفصلت
كانت هي وماما صديقات مقربات الابعد حد
امي الله يرحمه انسانه طيبه بشكل مو طبيعي ومسالمه كلش
اني ماخذه هواي من صفاته
ابد ماأحب المشاكل واحاول اضغط على نفسي حتى لاتصير مشكله
وارضى باي شي لان الصراحه بابا عصبي بشكل مو طبيعي
اذا مانفذت كلامه راسا يضربني
كنت اجنبه قدر الإمكان وابتعد عن المواجهات اني ويااا
اني مااشوفه بعامل خاله حنان مثل ماجان بعامل ماما ابد
حنان ماكلته اكل وتعرف شلون تمتص غضبه
وتأخذ منه أي شي تريده
امي كانت فقيره وتخاف منه لان هو جان دائما يضربه
حتى اني علمتني انفذ الاوامر بدون مااسئل
او اعترض حتلو كان هذا الأمر مايعجبني
انفذ واني ساكته
من اشوف خاله حنان شلون ماكله بابا بلحجي واسلوبه
وشلون مسيطره بلبيت
اضوج على ماما ليش ماجانت تسوي هيج حتى تسكب بابا وتخلي يغير معاملته وياناااا
على العموم اني كنت ارجع من الجامعه والكا الشغل
منتضرني
اني عليه العشى وتنضيف المطبخ بليل
واذا دخلت الحمام لازم اغسل كل الملابس الموجوده واطلعه
اشتغل واني ساكته حتى الايام تعدي واخلص كليتي
اني شكلي عادي يعني مو جمال خارق ملامحي حلوه
ومتناسقه
حنطاويه بس بشرتي فاتحه جسمي حلو انثوي كلش
وجهي بيضوي عيوني وسط بس حلوات
خشمي عدل حلكي زغير اسناني حلوات مرتبات
شعري تمري على بني بي كسره خفيفه
صار سنتين من دخلت للكليه بس بعمري مافكرت ادخل بعلاقه ابد
همي ادرس وبس
والصراحه محد يقربلي من الولد لان اني عازله نفسي كلش
ومااختلط بلولد ابد
البنات يكولن انتي معقده
لا مو معقده اعرف حدودي ومااربد اجاوزها ابد
اريد اكمل كليتي ومااريد شي يخليني التهي عنه ابد
وبصراحه اكثر شخصية امي طاغيه عليه
مسالمه وخوافه كلش
اخاف ادخل بعلاقات لا اسبب النفسي مشاكل
اروح بطريقي وارجع بطريقي
الحد مايوم رجعت من الدوووام وتفاجئت بابا يكووول
حضري نفسج
اكو واحد تقدملج واني وافقت
سمر شنوووو
بابا تقدملج واحد واني وافقت
سمر بس
....شنو بس واحد ابو تاجر وأموره كلش زينه اصلا ماتحلمين تزوجين واحد مثله
اني صارلي فتره اقنع بي اكو بينا مصالح واني اريد
هاي المصالح تكبر
واريد شغلي يتوسع أبو تاجر وواصل
اكو شغل بينا اريده اطوره
هاي الزواجه هي الي راح تكبر شغلي
سمر اريد اكمل دراستي
بابا ومنوكالج هو راح يعترض اصلا الولد هم يدرس هاي السنه قصص وروايات عراقية كرار صلاحاخيره
اني اشرط عليهم تكملين دراستج
سمر بس الزواج راح يعطلني عن دراستي
بابا يادراسه شوف هاي اكله ابو تاجر يعني مامحتاجه الدراسه ابد راح تعيشين بخير
سمر كوه جمعت قوتي واني متأكده راح بنفجر عليه
اني مااريد ازوج
وهو عاط عليه بصوت عالي
...انتي ماتفتهمين تبقين ثوله مثل امج اكله تاجر وواصل والولد مثقف صارلي شكد احلم يناسبونا
ويطلبون ايدج
وانتي تكولين مااكدر ازوج
تزوجين وغصبا ماعليج فهمتي او تنسين الكليه
وتنسين اطلعين من باب البيت نهائيا
سمر تحسرت اعرف اني كلامي مراح ينسمع ابد
ومحد راح ياخذ رائي
بس مو توصل للزواج شلون ازوج واحد لا أعرفه ولا شايفته
شلووون
اريد تكمل دراستي
قررت بس اشوف الولد الي متقدملي اكله اني مااريد ازوج
لازم أقنعه يكون الرفض منه مو مني
اني مامستعده للزواج ابد
اريد اكمل دراستي وبس
بقيت احوس ماكدرت انام اخاف مااكدر أقنعه
لو يروح يحجي البابا عليه
لو تصير مشكله مااكدر احله ابد
قررت احجي ويه خاله حنان بلكت اكدر اقنعه
وهي تقنع بابا يعوف شغلت الزواج هاي
ثاني يوم لكيته كاعده بلمطبخ كان يوم جمعه
سمر خاله اريد احجي وياج
...اي كولي
...اني مااريد ازوج
...شوف هاي الفكر ولج ابوج يكول شبعانين تعرفين شنو شبعانيين
...اي بس احنا عدنا خير من الله مامحتاجين ابد
...انتي غبيه ولج راح تزوجين وتستقرين وبيت وحدج
شعندج باقيه مكابلتني وكاعده
الدنيا فرص وهاي الفرصه ماتتعوض ابد
يحضي تمسكي بيه باديج ورجليج
اني منج هسه ادك واركص
راح تعيشين مرتاحه طول عمرج
سمر ولله مامستعده للزواج ابد
حنان اسكتي لا يسمعك ابوج وينفجر علينا
ارضي واسكتي
هي البنيه اول وتالي للزواج ازوجي يجوز يطلع خوش انسان وتعيشين مرتاحه ويااا
سمر يعني مراح تقنعين بابا يعوف هاي الشغله
حنان هو ابوج البارحه مانام عبالك محصل يانصيب
شلون ربح صفقة العمر
يكول هاي الزواجه راح اصعدني فوك
راح تغير شغلي كله
مامصدك نفسه اني لو عندي بنيه ولا اتردد ازوجه هيج زواجه ابد
عرفت كل محاولاتي مراح اجيب نتيجه ابد
بعد احاول ويه الولد بلكت الله يهدي ويعوفني
معقوله يعرف اني رافضه فكرت الزواج ويتمسك بيه
