رواية لماذا انا كامله جميع الفصول بقلم عبير السراي
تتحدث عن بنت بعمر 18سنه يتم الاعتداء عليها لكن...
و لاننا في مجتمع ذكوري يتم التستر عليها
لان الغلط الاساسي للرجل ..
احداث مشوقة تروى بلسان صاحبه القصة ... .. اتمنى تنال اعجابكم
. #لماذا_انا .
#البارت الاول ...
مرحبا اني اية عمري 18 سنه طالبة خامس اعدادي قسم ادبي طولي160 تقريبا مو سمينه ولا ضعيفة مربربة عيوني كبار وعسليات بيضه واهم شي عندي غمازات
.. عمري 3سنوات وامي توفت دتخبز وطك عليهة التنور وضليت ويه ابويه طبعا ابوية ماتزوج بعد امي رغم شكد حاولوا وياه لكن رفضه جان قاطع مقبل يجيبلي مرت ابو وايضا لحبه لامي لان اتزوجهة بعد قصه حب ..
لكن بعد خمس سنوات سوة حادث وادى الى وفاته جنت بوقته صف ثاني ا و ثالث ابتدائي مااذكر بالضبظ لكن هم طفله فربيت ابيت عمي وعمتي اخت ابوية
.(دلال)عمتي ارمله تزوجت و ورى سنه توفه زوجهة مصار عدهة طفل لذالك رجعت لبيت عمامي وماتزوجت بعده واعتبرتني مثل بتهة وهي التكفلت بيه فاني وعيت على الدنيا هي جانت امي حنينه كولش وياي وعمي كذالك كولش يحبوني رغم عمي جان عندة اربع بنات وثنين ولد البنات ثنين بعمري تقريبا وثنين اصغر مني جنه مقربات من بعض
محسيت اني ابيت عمي بالعكس يحبوني ودائما يحاولون ميحسسوني اني يتيمه بينهم بالعكس جنت مرتاحه طلباتي مجابه عمي ممقصر ويايه بشي جنت رافضه فكرة الزواج رغم يجوني هواي خطابه لكن جنت ارفض وعمو مضغط عليه ابد وهم لان جنت كولش شاطرة والمدرسات يحبني وحلمي اني اكمل دراسة واصير محاميه وجنت متصورة اني راح اتعرف على فارس احلامي بالجامعه ونعيش احلى قصة حب ونتزوج بلا.. بلا.. بلا. .
جانت حياتي هادئة وطلباتي مجابه مردت شي وموصلني جنت نشيطة جدا بنات عمي البعمري اسمهة رهف تركت الدراسة جانت تنبل مال نوم متحب الدراسة
والاصغر مني سالي بالثالث متوسط عكس اختهة هم شاطرة يعني اني جنت وحدي بالاعدادية ...
اكعد من الصبح مااحب اتريك من اوصل للدوام بالفرصة اكول .. اروح للدوام من وكت مااحب التاخير يعني حياتي كانت منظمة بكل معنى الكلمة .
. الى ان اجه اليوم المشؤؤم ..جنت داامشي للدوام الساعه ب7:30 الشارع هادئ وفارغ تقريبا ومااحس الة طبكت سيارة كدامي ونزل منهة شاب ضخم طويل عيونه حمر يردن يطكن دم معرفت شسوي من الصدمه ضليت بمكاني لاحركت ايد ولا رجل اجه هجم عليه ولزمني من ايدي وكلي اصعدي للسيارة نصدمته منه دفعته واجيت اشرد لزمني من شعري وجر شعري والحجاب صرخت خله ايده على حلكي وحاول يدخلني للسيارة ضليت اقاوم بي دفع راسي حيل جان انضرب بالباب من فوك حسيت نفسي دخت حيل وجسمي مسيطرت عليه (اغمى عليه ) مهتم الي دخلني للسيارة وطبك الباب وصعد وشغلهة هنا اني صحيت بس مو كولش عيوني مغوشة ودايخة مكدرت حتى افتح عيوني من الدوخة اسمعه يحجي ويه واحد ويصيح بس سمعته يقول اني جايك جايك افتحلي الباب ...
حاولت ارفع نفسي بس الدوخة اذتني حاولت ارفع صوتي واحجي ماكدرت مااعرف اذا من الضربة او من الخوف .. اصعب احساس انو تنخطف ومتعرف مصيرك شراح يصير بيك رفعت راسي شويه شفته دخل لمدرسة او بناية مبين مهجورة فتح الباب وجان ...
اني اسمي .علي .عمري 28 سنه ضابط باحد الوزارات .. طويل البنية .ضخم . حنطاوي ..عيوني سود . . الزواج بالنسبه الي بدايه النهاية .. نهاية الحرية نهاية السعادة الجنت عايشهة عصفور اطير من شجرة لشجرة ميهمني احد اني الاخ الوسطاني لخمس ولد. عندي ثنين خوات والدي والدتي عايشين والحمد لله .. بايام اجازتي جنت اسهر ويه جماعتي للصبح بس بدون مااشرب مواصله ابد لان الصراحه اخاف من ابوي واخوي الجبير لان كوولش متعصبين واذا شكو بيه اشرب لو اسوي شغلات منا ومنا يعني رحت بيهة رغم اني ضابط و مستقل بحياتي تقريبا وصاحب مسؤؤلية لكن احترم ابوي واخواني الاكبر مني وحتى عمري مرفعت صوتي بوجهم . اصدقائي دائما يلحون عليه حتى اجرب الشرب والحبوب لكن اني ارفض لان ممتقبل الفكرة بالاساس لحد ما يوم صارت عندي مشكله بالدوام فطلبت اجازة وطلعت كولش ضايج فصديقي ليث شافني .ضايج وطالعه روحي .. فكلي اليوم اسويلك كعدة من العمر اني هم مااعترضت المهم صارت الساعه بالعشرة باليل رحت عليهم بشقه ليث ولكيته عازم جماعتنه وشرب وكذا... كعدنه بس اني اول مرة اجرب الشرب شربت عجبني طعمه شربت بعد لحد ماسكرت
ليث : علاوي حبي عندي حبوب تخليك تصير فوك السحاب فووك .
علي: لا يمعود ياحبوب خلينه بس عل شرب اهون. شيخلصني من. ابوي و عمار (اخوي الجبير ) .
بعد ماألح عليه ليث عل حبوب .
علي : لك دجيب هي خاربة خاربة .. اخذت الحبوب وشربتهن بدون مااعرف شنو هالحبوب .. مشه الوقت ومحسيت بروحي طلعت من الشقة مالته اباوع دنيا صبح وين اني مااعرف طلعت على سيارتي ماادري شسوي هالحبوب والشرب شسوون براسي حسيت هاجت عندي غرائز حيوانية اريد ايي فريسه حتى انقض عليهة رغم اني ممارست ايي علاقة ويه ايي بنت لكن بسبب الشرب او الحبوب حسيت نفسي مثل الثور الهائج ضليت امشي بالسيارة لحد ماشفت بنية تمشي وحدهة بالشارع( مسيطرت على نفسي ومااعرف شلون هيج صار )
كلت هاي هي جان اوكف كدامهة واسحبهة حاولت تنهزم لكن سيطرت عليهة ودخلتهة للسيارة بس انضرب راسهة بالسيارة واغمى عليهة لكن ردت بس اخذهة. وياي ..
خابرت على ولد اعرفه اسمه احمد حارس بمدرسه دتنبني بس حاليا متوقف البناء طبعا ميرفضلي طلب لان دائما يجيني واساعده هو واهله . ويعرف اهلي .
علي: ها احمد اكولك وين انته ..
احمد: بالمدرسة خير كول
علي : جايك حضر روحك .. وسديته رحت للبناية لكيته منتظرني وقلقان دخلت بالسيارة داخل البنايه وهي اثناء الطريق التفت عليهة شكلهة متكدر تكوم اني مهتميت الهة ردت اوصل قبل لا تصحه . وصلت للبناية ولكيت احمد واكف .. جان انزل
احمد ..: خير علاوي شكو ..
علي: ماكو شي .. بس منو يمك
احمد : محد ليش .: شبيك مو على بعضك شنو شارب .... دفعني وراح للسيارة طلع بنية بس مبين طالبه من لبسهة ضلت تصرخ بس خفت ماعرفت شسوي ..اخذهة ودخل للغرفة مالتي الي انام بيهة .كلت ماكو غير اخابر على اخو عمار .. عمار ضابط جبير وكلهة تهابة حتى علي .. ميكدر يكسر كلمته او يرد بوجهة ..
احمد : الو مرحبا ابو مصطفى
عمار: اهلا تفضل حمودي . خيرك
احمد : والله ماادري شكولك ..؟؟
عمار : كول شصاير ؟؟
احمد : اخوك علي ..
عمار : علي شبيه احجي
احمد : امممم .. جاب وحدة مبين غصبا ماعليهة واخذهة للغرفة مالتي والبنية بس تصرخ واني مكدرت اوكفه شكله شارب الله يخليك تعال والحك عليه .. لا يسوي مصيبة
عمار : جنت كاعد يم اهلي وقلقانين.. علي مجاي للصبح مو عوايدة وجان يدك التلفون (احمد) تخبلت رحت بعصبيه وامي لزمتني .
ام عمار : الله يخليك يمه علي صاير بي شي .
عمار : لا يمه مبي شي هالحيوان عوفيني خلي اروح
ام عمار : والله مااعوفك رجلي على رجلك .... يمه فهمني شصاير
عمار : (بعصبية) انتي متجيبينه البر امشي وبالطريق افهمج
اية:دائما اتابع افلام رعب بس محاستهة لكن هاي كانت اكثر الدقائق المرعبه بحياتي مجنت اعرف شلون اتصرف من شفته دخلني لبنايه مهجورة كلت راح يذبحني هاي نهايتي سحبني من شعري ودخلني لغرفة واني اتوسل بي بس يعوفني ومااكول لاحد عليه .. مااهتم الي ابد.. دفعني على سرير كان موجود وهجم عليه كان ضخم وقوي لكن حاولت اوخرى عني.كمت اضرب بي . قاومته بكل قوتي . واصرخ بس اريد احد ينقذني اتمنيت بوقتهة تصير معجزة الي تنقذني منه ضليت اصيح ياااارررب .. كان يتوددلي واحاول ابعدة باي طريقه .
كرهت انفاسه من جان يحاول يبوسني .
كرهت ايده من جانت تتحسس على جسمي .
كرهت جسمي لان حسيته مسيطر عليه . ..
تعبت .ضليت اصرخ بكل قوة لحد ما ضربني كف .
ضربني كف حسيت الدنيا كولهة افترت بيه فقدت احساسي بالحياة حسيت نفسي جثة بايد جنازهة ..منتظرة القبر اليآويني ...
