رواية هاربة الي الريف ( كاملة جميع الفصول) بقلم مجهول

كاعدين بأمان الله اني مكابلة مكينتي واخيط وماما بالمطبخ دتسوي عشه لبابا ﻻن من يجي يريد عشاه حاظر..بسرعة..اشو..فجأة واندكت الباب حيل..فكرت كلت هذا بابا اجه شارب..خلي اركض افتح الباب ليروح يشوفلة احد من الجوارين وعيب هم يومية مشكلة..فتحت الباب دفعني حيل ودخل يركض قميصة بيه دم..من الطرف وايديه هم مليانه دم..خفت كلت بكلبي ياالله شبي بابا شنو ضاربته..سيارة كلبي بسرعة انقبض احس صاير فد شي جبير..ركض للحمام يغسل..حتى القميص منزعة عدل هيج شكة ونزعه حيل مرتبك ويرجف..وريحة الشرب قوية ماماشافته كامت تعيط:                                   

مجيد..شبيك..شنو هذا الدم ضاربيك..شنو متعارك..مجيد حاجيني..

بس...بابا مجاوب..صاح بيها..... سميعة اسكتي..لتعيطين..اسكتي..

ماما خافت..بس ضلت تعصر باديها:

مجيد بس فهمني شصاير..

هو خلص تغسيل ..وكلها:                      

هذني هدومي..لتخليهن هنا ضميهن...

اضمهن..ليش شصاير..انت شمسوي؟؟

وراح يركض للغرفة..لبس دشداشه..وغترة وقبل ميتلثم كال لماما:

سميعة لتضلين بالبيت اخذي بتج وروحن لبيت سعيد ..بس اطلع منا لتبقن دقيقة بالبيت..

ماما بجت..

مجيد مسيويلك.مكسورة كلي مجيد..وين تريد تروح..

كسر الكنتور البي فلوسة ..خله قسم بجيبة..وكال..

اني رايح..لتضلن بالبيت.. 

وبس فتح الباب..وراد يطلع الشرطة..لزمته..عزة..عزة..شمسوي بابا..دخل الضابط جوه..

اني بس دموعي يجرن..واحس نفسي بكابوس اكول..... لنفسي هذا حلم بعد شويه اكعد ويطلع حلم..مو صدوك..

الضابط كال الماما..

اختي ..تفضلي ويانا..

اتفضل وياكم وين ليش هو شصاير..وليش ماخذين زوجي خاص بصفحتنا قصص عراقيه واقعيه اختي..زوجج..قتل 2 شباب..                   

قتل 2..عزة..عزة

تفضلي ويانا بهدوء..احنا منريد..منج شي..بس تشهدين بالمركز

اشهد بشنو اني ما اعرف شي..

ميخالف اختي ﻻزم تجين للمركز..

البيت انمله شرطة وناس..من الشارع شفت عموابو.يوسف جيرانه يحجي ويه الضابط:            

حضرة الضابط..ترة ذني النسوان ميعرفن شي مستورات خطيه لتجرجرهن للمركز

شنو تعلمنا شغلنا..انت..!

العفو..حضرة الضابط..بس انتظر دقيقة بس خلي يجي المختار..

بعدهم ديسلوفون واجه المختار مال المنطقة دخل يحجي ويه الضابط...جوه..طلع الضابط كال بس اﻻم تجي ويانه..

اخذو..ماماوراحو..اني بقيت بس دموعي يجرن وافرفح عمو ابويوسف اجه يمي..

لتخافين بابا هسه المختار يجي وتجي امج وياه..بس يسألوها كم سؤال..لتخافين بنيتي..تعالي لبيتنا..بينما تجي امج..

بقيت يم جوارينا بيت ابو يوسف هنه يسكتن..بيه جنت ارجف ودموعي متوكف:

خاله ام يوسف..ماما راح تجي صدوك..همه وين اخذوها..

يوم هسه ترجع لتخافين ولد المنطقة كولهم راحو..والمختار هم هسه يجيبها..انتن شعليجن يمكرودات هو..ابوج واحد مينجرع الله يغفرله..هسه ميفكر..ميكول عندي مرة وبنيه شابه ميكول شيصير.....

بيهن من ورة طﻻيبة يوميه سجينته بيده..وسكران ويتهدد ع العالم..واليوم..هم تعارك..قابل الناس تسكتلة تماطل وياهم..دجو..سردهم اثنينهم بسجينته اثنينهم خطية شباب..بعدهم زغار..وابوج متعافي جنه افاد اخرس..ماكدروله ...الاهي استرنا هي هاي التايهات..

خاله يعني بابا..راح يعدموه!

يوم علوا يعدموه..وتخلص الناس من شره..نسيتي العام شلون تعارك ويه ابني يوسف همزين ماكتل ابني..واجه الصبح عينه حلسه ملسه..يتعذر يكول جنت سكران ما ادري..دخلي ياكلها هسه..يوم لتزعلين..هذا الصدوك..الله ياخذه ويخلصج انتي وامج من شره..خطيه هسه المكرودة بياحال..

وبقيت كاعدة منتظرة..ورة ساعتين اجه المختار..ماما وياه شبكتها..وافرفح..

المختار كال لماما..

اختي ام جنة..قبل الصبح اخذي بنتج..وروحي لكرايبج ﻻي مكان بعيد..اني كتلج تعالي انتي وبنتج لبيتي.... لبيتي..وميمسجن غير..الهوة بس انتي مقبلتي..اختي لتبقن بالبيت تره اهل المكتولين ميسكتون هسه يحركون بيتجن على روسجن..بعدها بحرارتها اخذي البنية..وروحي..

اي مختار..راح اخذ بنتي واروح لبيت حمايه..هسه الم هدومنه ونروح..

رحنا للبيت بسرعة..جمعنا مﻻبس الي وﻻمي..بجنطة..يوسف جيرانا وصلنا بسيارته لبيت عمي سعيد....بس عمي مجان بالبيت..فتحتلنه الباب مرت عمي..سعاد

سميعة شصاير..شعدجن جايات بالليل اشو سعيد خابروا..وطلع يركض ندوك عليه ميجاوب..شصاير..طلعت للشارع انتظر..اريد اعرف شنو القصة مفهمت..

سعاد القصة صخام ولطام...مجيد كتل 2 شباب..واحنا اجينا شاردين..اخاف اهل المكتولين يحركون بيتنا على روسنا..

يبوووووووو...يبوووووووو..يبووووووو

يمه..هاي تاليته رجلج..هاي تاليها..هسه يلزمون سعيد لو يكتلو..لو تلزمة الشرطة..ويروح بيها....يبوووو..

يبووووو.كعدنا منتظرين خبر خطيه عمو..سعيد هم خلفته بس 3 بنات معنده ولد كعدن يتصارخن ويتباجن واني هم ابجي وياهن..وره شويه اجه عمي سعيد..هم يركض...

سعاد..لمي بناتج..وشكو فلوس وذهب بالكنتور..وروحي ﻻهلج يحجي ممنتبه اني وامي واكفين بعد ين شافنه..

سميعه هاي انتي هم هنا..لتبقين ابغداد اخذي بتج..وروحي ﻻهلج..

ابو..رفل انت وين راح تروح..

وين اروح راح انهزم وين عند الله كاع..اهل المكتولين اكيد راح يدورون عليه ويكتلوني..لو الشرطة اتذبني جوه...تلثم..وخله فلوس بجيبة ولبس حزام جوة المﻻبس خله بيه مسدس..وباس..بنته.. الزغيرة..وباوع..لمرته خطيه هي هم تبجي..كلها:

سعاد ديري بالج ع البنات روحي ﻻهلج..ولتطلعين اني بس استقر بمكان..اخابركم..

بناته يفرفحن ويبوسن بيه مطلع من الباب تلثم وعبر من السطح..مرت عمي لمت مﻻبس واخذت البنات..وكالت لماما:

سميعة شو واكفة...شبيج اخذي بنتج وخلي نطلع للكراج..انتي..ركبي ﻻهلج واني اخابر..اخوية يجي ياخذني..اني والبنات استعجلي..

ماما..طلعت ويه مرت عمي..اني..امشي وراهن والبنات ..خطيه يمشن ويبجن..ماما..صعدت بسيارات الديوانيه ومرت عمي راحت وكفت اباب الكراج تخابر..

ومشت بينه السيارة.. وبالطريق اذن اﻻذان..ماما الطريق كوله تبجي..واني..هم ابجي..اني..ﻻبسه ..عباية اسﻻميه..وبدون شال..ﻻن ماماكالت لبسي عباتي اني ممتعودة البس عبايه..بس يعني البس تنورة وتي..شيرت ..لو قميص بس ﻻن مستعجلين ماما شمرت عبايتها اﻻسﻻميه كالت البسيها..بس هي ﻻبسه عبايه من هاي الي ع الراس..بقت السيارة

محسيت على نفسي نمت..ماما كعدتني:

كعدي ماما خلي..ننزل..نزلنا بالكراج..مال الديوانيه..ماما..هم..ركبت تكسي ﻻخ سألتها:

يوم وين راح نروح:

لبيت خالج ابو علي..يعني وين نروح قابل عدنا غيره

بس يوم احنا متعاركين وياه..اتذكر هو طردنا..بعرس ابنه علي من رحنا..صح من زمان هالحجي بس اتذكر..بابا تعارك ويه..خالو..وهو طردنا..ومن..يومها بعد..مرحنا..لبيت جدي...مو اخاف نروح وهم يطردنا..

لتخافين ماما..شلون يطردنا واحنا بهالظرف...

لعد ليش طردنا قبل..

غير..ابوج..السبب..يشرب ومطلع مسدسه ويرمي همزين ماكتل العالم..خالج حجة وياه ضل يغلط ويفشر..وانتي تعرفين خوالج..ناس اهل ريف..والعيبة والغلط عدهم جبيرة..ﻻعبالج مثل اهل بغداد يبلعون الغلطة ويسكتون..

علي:::

كعدت الفجر..رحت..اشغل الماطور..ع البكشه مال العنب..متعود يوميه اكعد الفجر..اشغله بس اليوم شلع كلبي ضل يعتعت..كوة اشتغل ويدخن..هم..اهوووهاي شلون قهر من الصبح..شغلته ورجعت..اشوف من بعيد مرة..ﻻوالله هذن اثنين نسوان..انه اخوك...وحدة بيهن..مبينه بعدها..بت ومفرعة..شني هاي..منين ذني وشعدهن طبن للديوانيه مالتنا....ابوي عفته يصلي..بالديوانيه..ضل بالي مني هاي المفرعة..الطبت للديوانيه..رحت اركض..وصلت اباوع..هاي عمتي سميعة وياها..بت ﻻبسه بس دشداشه سودة...وبﻻ..حجاب بس البت مدنكة..

فتت..كامت عمتي سلمت عليها:                     

هله يمه علي شلونك..

هله عمه..شلوكم شخباركم؟                      

بس عيني ع البت متعجب..هاي شلون كاعده هيج مفرعة..ادري بيهن عايشات ابغداد واعرف بنات بغداد دوم اروح اتونس ابغداد...بس مدري ليش اشوفها...

عجبه وصعبه من اشوف بت كاعدة كبالي وبديوانيتنا وبﻻ حجاب بس البت مدنكة ماشالت راسها..ابد..ابوي كال:

بويه..علي..روح جيب ريوك لعمتك..وبتها..

اي بويه....بس..

بس شبيك بويه..

بويه مو..البت مفرعة...واخاف احد يجي..للديوانية تدري بويه الديوانيه مشرعة..وجماعتك يفوتون جفت..و..

اي بويه صدك..يفوتون جفت..كومي خالي جنه روحي وية علي فوتي جوة يم النسوان غطي راسج..

هي كامت مشت جدامي اني حتى ماسلمت عليها وﻻهيه هم حجت بس طلعنا من الديوانيه كبل ﻻنفوت للحوش كتلها:

اكلج..انتي شلون جايه مفرعة من بغداد لهنا..شني..عادي..عندج..لو ماتدرين وين جايه..

هيه التفتت..

ها..العفو...العفو..احنا جنه

 مستعجلين..وماما نست تلبسني...

شني..هاي..تحجي..لو تغني..شهالصوت دخيل الحسين..شهالعيون..خضر....يلمعن..والرمش شاك..الخد...الوجه مدور..والحلك جنه فستقة...والخشم...ينكرط..كرط..مو بت..تكتل كتل....

زلمة شكدني شكبرني شايف اشكال والون صفنتني اريد احجي بعد ما اعرف احجي:

واذا امج نست...انتي شني هم نسيتي خاص بصفحتنا قصص عراقيه باوعتلي ردود...هاي شلون تباوع..عبالك طبت بعيني جوة من من تباوع :

مو..اني ممتعودة البس شال وماما..مستعجلة نست تلبسني..واني هم منتبهت..و

اششش..اسكتي لاتحجين..ماما..نست..ماما..مستعجله..فوتي..فوتي جدامي..همزين ماشافج احد جا صرنه مكصة للوادم..

الفصل الثاني من هنا