رواية جبروت إبن عمي الجزء الثاني الفصل العاشر بقلم توتة
خُلقنا في هذه الحياة رُحّالًا؛
فلا يقيم أحدنا على ضفّة شعور واحد بل
طُبعنا على الترحل بين فرحٍ وحزن، فمن نهرٍ عذب يتحدّر إلى بحيرة ماؤها آسن،قد كُتب علينا أن
نستوفي نصيبنا غارفين من كليهما،
مؤمنين أن الأيام دول وأننا مُتنقّلون بين الأحوال لا مقيمون، وليس بثابتٍ لنا سوى الأجر.
"لا شيء يستمِر للأبد ، فكما تٌلاحظ ،
حتى الأفكار والمشاعِر بداخِلك لا تبقى طويلاً . ولذلك يجب أن لا تُهدِر وقتك في البحث عنهُم
وتذكرهم من جديد . تعوّد عندما يرحل وينتهي أي شيء ، أن تكون هذه نهايته بالنسبة لك تماما .."
«» «» «» «» «» «»
ورود.
الانشغال بالذات أكثر من الاختلاط بالناس، السيطرة على القلب والتحكم في
العقل، العزلة ذات الفائدة "امارس هواياتي"، شعور الرضا بنفسكم مهم جدًا،
تقبلوا نفسكم وحبوها، وخلوا مشاعركم
ثمينة لا تقدموها لأي شخص، كُل متختارون نَفسكم أو
تنقذوها من علاقة مُتعبة أو مشاعر مزيفة ف انتم وصلتم للنضج، الثقة بالنفس مهمة..
مرت سنه حياتي تغيرت م̷ـــِْن الاسؤء الئ الافضل تغير ثائر وصار انسان ثاني
انسان فاهم يحبني ويخاف عليه يهمه زعلي وفرحي
صار يحبني ويعاملني بحب طول هل سنه
صار عمر ابني يزن سنه تقريبا يكوم ويوكع بعده ميكدر يستقر ب مشي
واخوي عامر اشتغل ويه ثائر وصار عنده شغله الخاص بيه اشترئ سياره وبيت جبير عاش بيه هوه وامي وخواتي.
بإخر فترا عرفت اكو علاقه بينه وبين مروه اخت ثائر.
هو فاتحني بهل موضوع وطلب مِڼـّي اساعده واحجي ويه ثائر حته يجي يخطبها رسمي.
ب نسبه لوسام تزوج م̷ـــِْن صديقتي ساره ومن وقتها اني ماسمعت شي عنهم ولاريد اعرف شي عنهم
حته م̷ـــِْن التقي ويه ساره ب جامعه ماسألها عنه ولاحب ادخل بيهم
خلص طلعته م̷ـــِْن حياتي وعقلي تماما رجعت للكليه ورجعت حياتي مستقره ويه عائلتي الي متكونه م̷ـــِْن ثائر. وابني يزن
كعدت صبح وليوم اخر يوم الي ب كليه اروح اشوف نتيجه مالتي ناجحه او لا
كمت ورحت للحمام غسلت وطلعت اباوع علئ ثائر نايم ومخلي يزن بحضنه
تكول نسْخَھِ يزن نسْخَھِ عن ابوه كلش شيبهه ملامحه كلهم علئ ابوه ولاشويه عليه بس عيونه واسعات وصفرر كلش
اخذت ملابس ورتبت نفسي وهمه بعدهم علئ نومتهم يخبلون فديتهم
رحت تقربت منهم بست يزن براسه وخده وعيونه تقربت م̷ـــِْن ثائر وبسته م̷ـــِْن طرف شفته.
اول مابستهه هو حس عليه فتح عيونه ابتعدت عنه بسرعه واني اتبسم
هاا وين ?
رايحه اشوف نتيجه مالتي.
كعد ع سرير وكال.
اصبري خليني ابدل واني اخذج
لا لا ابقه انته ويه يزن اني راح اروح ويه مروه هيه كلتلي اخذج
تمام لاطولين محضرلج مفاجأه اذا طلعتي ناجحه
صدوك شنو هيه ?
مفاجأه ميصير اكولج شنو هيه
زين لمحلي شويه ولله صاار عندي فضول اعرفها شنوو
لاا. روحي ومن ترجعين راح تعرفين المفاجأه شنوو لاطولين اوك
تمام حبيبي بالك ع يزن ماطول اني
درت وجهي اريد اطلع سحبني م̷ـــِْن ايدي عليه رجعت بقوه وكعت عليه وهو علئ السرير
دخل ايده بين خصلات شعري وباس شفتي بهدوئ.
ابتعدت عنه وگلت
يلا تأخرت لآزٍمٍ اروح
تمام
درت وجهي اريد امشي سحبني مَـرّھٌ ثانيه وكعني عليه باس خدي قصص وروايات عراقية
هههههه ثائر خليني اروح ولله تإخرت
هسه اني لازمج ماتروحين
لعد منوو صار ساعه يسحبني عليه
مو اني هاذه يزن
يزن نايم لاتتهمه بشي ممسوي
صار يباوعلي بجاذبيه وسحبني م̷ـــِْن ايدي عليه ابتعدت عنه واني اضحك
ولله تاخرت لآزٍمٍ اروح انت ارجع نام اذا تريد
لاطولين اوك
ماطول
لبست شالي واخذت جنطتي وطلعت نزلت لكيت دنوو كاعده ب صاله
نسيت اكولكم دنوو حامل وعليها 4 اشهر وطلع بيها بنيه.
صباح الخيرر
هلا ورود صباح النور. طلعت نتايج مالتج بعدج
ايي رايحه اشوفهم الًيَوُمًِ
ب توفيق حبيبتي
تسلمين يلا طالعه اني محتاجه شي
سلامتج
طلعت لگيت مروه كاعده ب سياره ومنتضرتني.
صعدت وياها ب صدر ورحنه علئ الكليه مالتي شويه وصلنه نزلت ومروه هم نزلت ويايه
رحت علئ لوحت العلامات الي ب كليه اشوف اسمي ناجحه لا
بقيت ادور علئ اسمي شفت نفسي ناجحه كلش فرحت.
اجت يمي مروه وكالت
هاا ورود بشري
ناجحه
صدوك
ولله
الف مبروك حبيبتي
يبارك بيج. يلا خلينه نرجع خاف يكعد يزن واني مموجوده
اوك يلا
رجعنه للسياره قبل لاندخل وكفت يمنه سياره اخوي عامر نزل منهاا بقت مروه تباوعله وعيونها تلمع م̷ـــِْن الفرحه ولحب.
نزل م̷ـــِْن سياره وسلم علينه
هاا ورود شنوو طلعتي ناجحه لا
ايي الحمدلله ناجحه
الف مبروك
يبارك بيك شعجب انت جاي لهنا عندك شغل لْـۆ غير شي وباوعت ع مروه
خزرني بنضره ضحكت وسكتت
هوه كان عندي شغل قريب ع الجامعه وكلت امرر واشوفج
هاا زين عبالي غيرر شي
شنوو قصدج
ههههه لا هيج ماكوو شي. ماتجي ويانه تتغدئ عدنه
لا ماكدر عندي شغل غير يوم اجيكم بموضوعي الي وصيتج عليه.
باوعت عليه مروه بستغراب وكالت
شنوو لموضوع اكدر اعرف
ضحكت ورديت عليها. الموضوع يخصج
باوعت علي بصدمه
ايي شبيج انصدمتي احجي عامرر ههههه
ااخ اني صوجي احجيلج انتي مو مال واحد يكلفج بموضوع
هههههه ترا ابطل بعد ماحجي
لا عمي كلشي ولاتسكتين عن الموضوع باقي ع امل منج بعد
ضاجت مروه وكالت
ترا اني مجاي افهم شي عامر شنوو لموضوع
باوعت عليها وگلت
حبي اني اعرف اكوو علاقه بينج وبين عامر وعامر يريد يخطبج وطلب م̷ـــِْن عندي احجي ويه ثائر بموضوعكم
اشو هاذي حجيت هيج خدودها صارو حمرر وبقت تتبسم بوجهه عامر
عافتنه وراحت ع سياره
لزمني م̷ـــِْن ايدي عامر بقووه وكال
خرب يومج خربتي كل السالفه كنت مفكر اسويها مفاجأه. اني غبي وحجيتلج
اووي ايدي شبيك ترا ولله ماحجي ويه ثائر
عاف ايدي وكال
عمي نعتذر المهم تحجين ويه ثائر
اوك ليوم احجي وياه وعد
تمام لعد انتضر منج خبرر مو تنسين الموضوع
مراح انساه
يلا مع سلامه عندي شغل
مع سلامه
عافني وراح اني هم رحت علئ سياره مروه دخلت باوعت عليها تباوع ورا عامر وعيونها تراقبه
احممم احممم
هاا ورود
يلا خلينه نروح كافي تصفنين بيه ع اساس هوه شلونه.
لاتحجين عليه فدوه
ههههه لا ولله لهل درجه متنطين بيه
ايي ماقبل ايي شخص يحجي عليه
م̷ـــِْن يمته انتو علئ علاقه
م̷ـــِْن زمان
هلاوو ومتحجيلي.
مكدرت احجي خفت تحجين الأخويه ثائر وتصير مشكله م̷ـــِْن غير شي ثائر عصبي اخاف يأذي عامر
الله يجمع بينكم انشالله. اليوم راح احجي ويه ثائر ب موضوع وانشالله يوافق
انشالله.
يلا خلينه نروح تأخرنه
تمام.
ساقت ورجعنه للبيت اني وياها اول ماوصلنه خلت مروه سياره ب كراج نزلت اشوف عمتي لازمه يزن وكاعدين ب حديقه تلاعب بيه
للعلم عمتي صاارت تعاملني بلطف م̷ـــِْن يوم الي ولدت بيه يزن تغير اسلوبها ويايه صارت تحبني
رحت سلمت عليها اجاني يزن يكوم ويوكع سوده عليه
شلتها وحضنته ع صدري
ياروحي ماماتي شتاقيتلك
باوعت علي عمتي وكالت
ولله موتني ميقبل يكعد ب بيت صاار ساعه كاعدين ب حديقه منتضرينج
سوده عليه حبيبي مشتاقلي
صدوك نسيت اسالج شنوو طلعتي.
ناجحه
الف مبروك
فدوه لكلبج
دخلنه كلنه للبيت. كعدنه ب صاله شويه ونزل ثائر م̷ـــِْن فوك يخابر لابس بنطرون اسود وقميص كذالك اسود.
شافني سد الاتصال واجه نحوي وكال
هاا شنوو نتيجه
ناجحه
مبروك حبيبتي
يبارك بيك ابو يزن
تعالي عندي الج هديه
كمت واني شايله يزن كلي خليه عند ماما انطيته لعمتي وصعدت وياه للغرفه اشوف شنوو الهديه او المفاجأه
دخلنه للغرفه هو راح ع كنتور طلع م̷ـــِْن عنده اوراق وانطانياهم
شنو هذولي ?
اقري.
قريت الاوراق. مال شركه مسجله بأسم يزن واني مديره هل شركه مسجله بأسمي اني وابني يزن
شنو هاذه ثائر
شركتج هاذي
شون يعني اني ادير هاذي الشركه
هز راسه بأيي.
بس شون اني ماعرف بهيج امور.
راح اعلمج علئ كلشي بعدين شغل موصعب انتي المديره مراح تسوين شي غير توقعين ع اوراق وتحضرين الاجتماعات
وراح تكون مروه هيه محاميت الشركه مالتج
حضنت عليه واني ماعرف شنوو احجي احس لساني عاجز عن وصف شعوري بهاذي الحضه
شكرااا حبيبي. ولله متوقعت بيوم راح تهديني شركه
بعد اكوو هديه
ابتعدت عن حضنه وباوعت عليه بستغراب
بعد هديه ?
هز راسه بأيي.
شنوو هيه
راح للكنتور طلع ضرف صغير وكال افتحي
فتحته كانو تذكرات سفر لتركيا
ياااي ثاائر يعني راح نسافر اني وياك لتركيا
ايي اني مو وعدتج م̷ـــِْن يصير يزن اخذج ونروح سويه وصاار الوقت حته انفذ قصص وروايات عراقية
حضنت عليه واني طاايره م̷ـــِْن الفرحه شكرا شكرا متصدك شكدد فرحتني بهل هديه كنت احلم ازور تركيا
حضني بقوه وشالني م̷ـــِْن الارض ركز بعيوني وكال احلامج كلها راح احققها بس ﺂصبري عليه
تقربت بست شفته وهو ماصدك بسته بقه يبوس بيه لاحد مابتعد بأرادته
ثائر
عيوني
احبك
واني هم احبج ام يزن
بقيت حاضنه عليه واني فراحانه
يمته راح نسافر ?
ليوم بليل
ابتعدت عنه بصدمه
عزاا ثاائر مالحك احضرر ملابسي غير تكولي م̷ـــِْن وكت.
مراح تاخذين شي وياج بس جنطتج كلشي حاضر هناك عندي شقه وملابس كلشي يوصلج للبيت
شون يعني ماخذ شي منا
هز راسه بأيي
ابتسمت وكلت. تمام اذا هيج.
يلا تعالي ننزل
دار وجهه يريد ينزل لزمت ايده
دار وجهه عليه مستغرب وكال
هاا.
هوه عندي موضوع صغير وياك
هههه ولله م̷ـــِْن كلتي صغير لموضوع جبير احجي بدون مقدمات شنوو لموضوع
امممم. لموضوع يخص اختك مروه
م̷ـــِْن كلت اخته باوع علي بعصبيه وحجه بنبرت غضب
شبيهااا مروه احجيي.
شبيك ثائر لاتحجي هيج ويايه ولله حته انسه شنوو كنت رايده
ورود احجي لاتختبرين صبري
اخويه عامر يريد يخطب اختك مروه وكلي افاتحك ب موضوع واذا قبلت حته يجيب اعمامنه ويجي يخطبها رسمي.
بقه صافن بوجهي فجاه كال
ماكدر اتصرف بكيفي لآزٍمٍ اخذ رئي اختي وامي
اكيد طبعا لآزٍمٍ تاخذ رئيهم بس اني اريد اشوف رئيك انت موافق عليه
ايي اني ماعندي اعتراض لان شفت اخرر فترا شلون اشتغل ع نفسه وكون شغله الخاص بيه
وغير هاذه كله ابن عمها اوله م̷ـــِْن الكل عليها بس اني اريد اشوف رئيها يمكن هيه متقبل لان تعرفين هيه محاميه
لا راح توافق
شنوو
بلعت ريكي بخوف وكلت
اني اكول يعني احساس اكول يمكن توافق هيه
حت لْـۆ لآزٍمٍ احجي وياها
تمام.
يلا خلينه ننزل
انت انزل كدامي اني اغير ملابسي والحكك
ماشي
عافني ونزل بقيت اكمز من الفرحه عبالك اني الي راح اتزوج مو همه كلش فرحت الهم
رحت اتصلت بأخويه وكتله ثائر موافق خطيه هوه كلش فرح.
سديت م̷ـــِْن عنده بدلت ملابسي ونزلت كعدت وياهم.
_________________________________
جلال.
مرت سنه علئ زواجي م̷ـــِْن دنوو كلش مرتاح وياها صارت الي صديقه وحبيبه وكلشي
سنه كامله مايوم غثتني بشي حته لْـۆ تزعل وتضوج متحجي شي وتبقه ساكته
سمعت مريم متطلكه م̷ـــِْن زوجها وعدها بنيه منه. اهلها متندمين لان مانطوها الي.
يحجيلي عامر عنهم لان هوه بأخر فترا صاار يُشَتغلً ويه اخوي ثائر وصاار زين بشغله وفتحله مشروع وصاارت حالته الماديه زينه
دنوو حامل بشهر ال 4 وبيها بنيه فرحتي ماتنوصف راح يصير عندي ثنين بنات
معتبر دنوو بنتي لان تصرفاتها كلهم طفوليه وهيه مثل طفله تحبني. هوايه ومتعلقه بيه
كنت كاعد ب عياده شغل وكذا اتصل جهازي كانت دنوو.
الوو
ألْـًُوو حبيبي وينك تأخريت موو كلت اخذج الاهلج الًيَوُمًِ
ولله عندي مراجعين حالين بس اخلص شغلي اخذج
جلال انت تعرف اخويه ليوم يرجع م̷ـــِْن السفر هوه ومرته وكنت حابه اكون اول م̷ـــِْن يرحب بيه
اخذي ماما وروحو انتي وياها ولله عندي شغل اني
لا لا راح انتضرك ماروح بدونك اني.
تمام يروحي مراح اطول عليج.
اوك منتضرتك
سديت م̷ـــِْن عدها ورجعت علئ شغلي خلصته بسرعه لخاطرها. ورجعت للبيت
دخلت للبيت لگيت يزوني ابن ثائر يلعب باب الاستقبال.
حضنته وبوسته مااعرف شكدد شايل معزه وحب لهل طفل احسه داخل بكلبي.
صرت الاعب بيه وهوه يضحك.
شلته ودخلت كان الكل كاعد ب استقبال.
سلام عليكم
الكل وعليكم سلام
كعدت وياهم بقينه نسولف وكذا شويه وصعدت لغرفتي ارتاح اجت ورايه دنوو
كنت واكف اطلع ملابس اجت وحضنت عليه م̷ـــِْن ورا وهمست
تعبان حبيبي
لا يروحي متعبان يلا حضري نفسج دنروح الاهلج
لا نام ورتاح بليل نروح عليهم
درت وجهي عليها ورديت
منوو قبل شويه خبصني يريد يروح
اممم ولله م̷ـــِْن سديت م̷ـــِْن عندك حسيت ع نفسي كلت انت عندك شغل واني لحيت عليك م̷ـــِْن غير شي انت تعبان م̷ـــِْن شغلك قصص وروايات عراقية
لزمت وجهه بايدي وبست راسها
فدووه للي تفكرر بيه وبتعبي
شعندي غيرك اني.
لْـۆ تعرفين شكدد ءاحۨبــٰج
مو بكدي ولله
تقربت بست شفتها بادلتني بحب. ابتعدت عنها وهمست.
يلا اني رايح اسبح انتي حضري نفسج تمام.
اوك حبيبي.
عفتها ورحت اخذت ملابس ودخلت للحمام سبحت وطلعت هيه كانت مبدله ومتأنقه طالعه حلووه كل عاده
تقربت منهاا وبست راسها وعيونها
شنوو هل جمال
موو بجمالك حبيبي
فديت ولله
بقيت اتغزل بيها وهيه تضحك. جهزنه ثنينه اخذتها وطلعنه رحنه علئ بيت اهلها لان اخوها مؤمل تزوج بأخر فترا وسافر هوه ومرته
علئ تركيا بقو هناك شهرر وليوم يرجعون اخذتها حته نشوفهم.
لهناا أحبتي تخلص وياكم قصتي مريت بتجارب بحياتي كان كل ضني انو بعد حبي الآۆلْ مراح احب
شخص ثاني ولاراح اكدر اكمل حياتي طبيعي بس الايام ثبتتلي العكس
الحياه عمرها ماوكفت علئ شخص واحد ولحب تجارب. مرات تمرر بتجربه تكون فاشله مو معناتها بعد متكدر تحب مره ثانيه وتجرب حضك
ب عكس انصح كل شخص مارر بتجربه وطلعت فاشله انوو يفكرر مره ثانيه وشوف شخص مناسب اكثرر اله
تحياتي الكم جلال ❤️
_____________________________
ورود.
صاار اليل حضرنه نفسنه اني وثائر وطلعنه للمطار اني وياه وابنه يزن
احلا ايام واحلا لحضات مرت بحياتي. ادعي ربي نبقه هيج دائما متفاهمين ونحب بعض
صعدنه ب طياره كانت هاذي اول مَـرّھٌ اسافر بحياتي هوه متعود بين فترا وفترا يسافر.
خلينه يزن بيناتنه اني كنت خايفه لان اول مَـرّھٌ اصعد طياره
ثاائر كلش خايفه ولله
م̷ـــِْن شنوو خايفه
من طياره موو امان اخاف م̷ـــِْن تصعد بينه
ههههههه اهدي بابا مراح يصير شي غمضي عيونج وتأملي شي حلوو متحسين لاه وانتي ب سماء
لزمت ايده وكلت
خليك لآزٍمٍ ايدي واني مراح اخاف
لزم ايدي بقوه وباسها وكال
اني دووم راح ابقه لازمها وماعووفها بيوم
بقيت صافنه بوجهه ماعرف شون اوصف حبي اله وشون اوصف هل لحضات الي مرت بينه كلماته وحنانه ويايه مينوصف
وإن حبي لكِ عميقٌ جدًا، واقعيٌ جدًا، و حقيقي جدًا إلى حد الجنون ، انت حبي الأبدي الذي لن اتنازل عنه ابدآ.❤️
بقه يسولف ويايه وينسيني حته ماخاف يزن كان طول السفره هادئ وماسوه شي مدري شعجب
وصلنه مطار تركيا نزلنه اني وياه ويزوني
بقيت بس اباوع ع اجواء تخبل ولبنات شنوو لبسهم والناس تختلف عنه هووايه
لزم ايدي ثائر خلينه يزن بعربانه مالت اطفال ومشينه
طلعنه م̷ـــِْن المطار واجتنه سياره خاصه النه لان ثائر عنده معارف بتركيا هوايه اجتنه سياره نزل منهاا رجال سلم علئ ثائر وانطاه السويج
يلا حبيبتي تعالي.
صعدت ب سياره واخليت يزن بحضني. صعد ثائر وساق بقه يفتر بينه بمناطق تركيا تخبل خارقه عن الوصف
كل مكان بيها حلوو.
بقينه نفتر اخذنه علئ مطعم قريب م̷ـــِْن البحرر تصير اطلالته علئ البحرر
نزلنه تعشينه سويه كان الجوو كلش حلوو
لزم ايدي واحنه كاعدين ع طاوله الاكل وكال
شنوو رئيج بتركيا
كلش حلووه كنت احلم ازورها م̷ـــِْن زمان
وهاي تحقق حلمج
بفضلك اكيد
لاتكولين بفضلك انتي تامرين ام يزن كلشي تتمني يصير.
يروحي ربي لايحرمني منك. #ڪــڔٰا̍ڕ
ولايحرمني منكم انتي ويزوني.
ليوم يزن عاقل. يمكن هم عاجبته السفره
ههه ايي عاقل طالع علئ ابوو
اممم وابو عاقل
قمزلي وكال. ايي عاقل ويه الكل بس ويه امه مخبل
ههههه ولله زين وعترفت
اني احجي صراحه
بقينه نسولف ونضحك شويه وجابولنه الاكل تعشينه وطلعنه اخذنه ثائر علئ شقه مالته تصير قريبه علئ البحر ولمطعم الي تعشينه بيه
دخلنه للشقه كلش حلووه ومرتبه
يزن كان نايم اخذته وخليته علئ السرير وبدلت لبست ملابس نوم خفيفه
طلعت شفت ثائر طالع ع بلكونه ويباوع ع بحرر
رحت وحضنته م̷ـــِْن وراه وهمست
بشنوو صافن حبيبي.
لزم اديه بقووه الي حاضنته بيهم وخلاني احضنه اقووه. وكال
دافكرر شون اول ماتعرفت عليج شون كنت اتصرف وياج واخليج تبجين وماهتم
شنوو الي ذكرك بهل موضوع هسه
ولله ماعرف فجأه خطرر ع بالي
ابتعدت عنه وصرت كدامه ارتكيت علئ حافه البلكونه لزمت ايده وكلت
كلشي صار صار وانتهئ واحنه هسه متفاهمين ونحب بعض.
ايي صح هاذه المهم هسه
هزيت راسي بأيي.
تقرب باس شفتي وحضني بقوه كعدنه كان اكوو كرسي يصير مثل المرجوحه بس لنفر واحد
كعد ثائر وخلاني بحضنه بقينه كاعدين ونتأمل نجوم سويه وهو يسولفلي عن حياته شون كانت.
....
لهناا حبايب گلبي تخلص وياكم قصتي حياتي بعدها مستمره بين مدد وجرر. ويه ثائر لان هو م̷ـــِْن نوع صعب كلش تفكيره وقليل الي يفهمون عليه
بعد كلشي سوواه ويايه وبعد ضلمه وقهره عوضني وخلاني اسعد انسانه.
مريت بأصعب ايام بحياتي.
لدرجه وصلت الئ مرحله افكرر ب انتحار بس الحمدلله تغيرت الاحوال وتغير كلشي
نصيحه مِڼـّي عندما تفقدون الأمل بكلشي لاتستسلمون لان الله جاي يمركم بتجارب واحنه علينه نتقبل الواقع ونكفي طريقنه واحنه اقوياء
نصيحه مِڼـّي الكم لاتخلو كلبكم يسيطر علئ حياتكم تقبو واقعكم. اني الي خليت قلبي يقرر مصيري مريت بأصعب ايام
ومن فكرت بعقلي وعرفت شون اتصرف تغيرت كل حياتي خلوو دائما مسافه بين العقل ولگلب وخلو العقل دائما متقدم ع گلب
لانو مهما يصير العقل راح يختار الشي الصح الگلب عاطفي راح يخليك تصرف بتطفل.
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
