رواية ذاري النجوم الفصل العاشر بقلم زهراء السراي
ودي أبَوگن جدمي وأبعد
ودي أفك باب السنين السودة
وأشرد
ودي لكن
شدّوا برجلي جرس يشهد عليه
وبس اشيلن خطوتي الحراس تگعد
:
:
عذبة
✥━━━༺✦༻━━━
بليلة گبل لا اروح لبيت استاذ
بشير گاعدة بالحجرة يم
البنات فارشة مصلاتي
وادعي ربي من گلب محزون مكسور
وادري ماعندي غيره هو يطلعني
من ضيج الهم لوسع الفرج رافعة ايديه
وعيوني تهمل
1 ت
- ربي أنت الشفت وأنت الدريت
شفت خزعل وهو مربط
وشفتني وأنا مطرودة من داري بليل أظلم
وشفت هاجس وشلون راد ينهش بستري ويمحي كرامتي
ربي الدنيا ضاگت بيه
والخلگ الچنت أظنهم ناسي صاروا وجع وعثرة بدربي
بس أنا أدريك أدريك كريم وما ترد إيد انمدتلك بكسرة خاطر
الهي يگولون الضيج تاليته فرج
وأنا هسه بوسط الضيج أتاني عدلك يا إلهي
بحق نبيك ووصيك مثل ما نبتت النخلة بصم تراب مالح
انبت بگلبي الفرح من جديد
أنت التفتح البيبان السدتها البشر بوجهي
وأنت التسخرلي عبادك الما يعرفون اسمي ولا رسمي
1 تع
-ريحانة ابووووچ
هلا بيييچ بويه
رد عاينلي وهو يحط ايده على صدره
-تفضلي مررررت الغالي
چنت انتظر جيتچ
صاح بعلو صوته
-ام سلطان جايچ خطار
اشرلي اطب وطلعتلي من باب الكلدور
ام سلطان بثوب حلو ازرگ مطرز
وشعر ملموم فوگ وجهها يضحك
-هلا بالخطار ينورون
1 تع
راحلها وريحانة فرفرت عليها
ذبت روحها وبشير يعرفها علي
-هاي زوجة مرحوم خزعل
وهاي البيدچ ريحانة
گعدت وبشير گاعد منزل راسه
وهي تعذرت راحت شويه وردت
بيدها شربت وكيك ووياها وليد
عمره بالسبع سنوات اخذت ريحانة
حطتها بحضنه من گعد بصف ابو
گعدت بصفي عبالك تعرفني من سنين
-شلونچ ام ريحانة وضعچ شلونه
-الحمد لله بس الفراگ صعب
وخزعل من راح شال الدنيا
كلها وياه
-والله بشير گلبه متكسر تكسر
عليچ وعلى صاحب عمره
بس ماگدر يجي بالاعتقال ضاربي
بظهره گوه يمشي شفتي
1 تع
-الله يصبره ويشفي ويعافي
رفع راسه بحسرة جاوبني
-أنا وخزعل من المتوسطة سوه
ربع وصحبان درسنا وتعينا سوه
وهسه من ترقى انا هم ترقيت وياه
معاون بس الموت سبگه
1 تع
عاين لمرته هي فهمت علي
گامت شويه وردت بيدها چيس قماش چبير
خلته بيد بشير
-ام ريحانة هاي فليسات خزعل
الباقية عندي
ماردت اجي للسلف اجيبهن
واني اعرف ولد عمامه وسوالفهم
خاف تعتازيهن
1 تع
-عملو عملتهم وياي عمامه
واخذو بيتي وگاعي وحتى الهيكل اليبني
بي واخيتك صفيت انا وبنيتي بالبيوت
-افااااااااااا انا اخووووچ شلون
اخذوووها
-سالفتهم طويلة ياخويه
وانا جايه اليوم ولو اتعبك
اخذ الفليسات ابنيلي بيهن
حجرة اليه ولبتي وين ما چان
-لعد سمعيني بعد اخوچ
اخذيلچ چم فلس منهن والباقي
يبقن يم ام سلطان بالحفظ والصون
-رحمة لروح موتاك ولو الامانة ثگيلة
-مامسويلچ شي حبيبة
ردت علي مرته طلعلي منهن وگام
-تبقين هنا اليوم تتغدين خوش
-ابددددد والله خويه مااكلفكم شي
اخواتي گالن لا تبطين واجيكم بالافراح
ان شاء الله
گامت مرته وردتلي بساع بيدها علاگة
-ربي يجعلها اخر ثياب الحزن
هذا ثوبچ
وهاي بدلة ريحانة سودة عليه
المرحوم وصاني گال اريدلها بدلة راح
يصير عمرها سنة
طلعت وبشير وياي
وگف سيارة بالشارع ومارضى الا يدفع
الكروة رديت بس شني الدرب
الجبته بحزن رديت گلبي مرتاح ربنا
مانساني وخزعل عبالك مناك من گبره
طبطب على گلبي حتى ارتاح
1 تعليق
وصلنا ونزلنه عالشط تمشينا لبيت نعمة
لاگانه رجلها حسين
عاين بس ضايج
-وين چنتن خويه
-انا اجيت اسولفلك
هز راسه وطب للربعة رحت وراه
-خويه حسين انت ماقصرت ولا عباس
قصر وحتى حسن خطيه
بس انا ضيگت المچان عليكم وبيوتكم ضاگت
والحجية راح تطيح بيتها وين تروح
-ماتروح تگعد ببيت عباس
-وعباس وين يروح هي حجرة وحدة
والربعة متروسة غراضي
-انت تگله
-هاي سهلة بس ليش مااخذتي
مني فلوس
-منيلك ياخويه كافي العيشة تريد
-اتداينلچ اذا لزم
-لا دبرت من ربك شگلت هسه
-هاي هي اليوم اروحله حتى مايركبنا الحگ
وصدگ گلت بلكي يستحي والله وصدگ
راح حسين ويا عباس ورد وجهه يبشر
بخير
-هاااا بعد اختك
-رضا وگال من باچر خل تبدي
-ياالله
گوة لزمت روحي عن لا الطم
ورديت اهف للبيت اعرفه هو يريد
يحرگ گلبي حشمت حسن جابلي غير
زلام شالو الطايح وهم بعشر أيام
صعدو
وهم يتغدون جايينهم ملثمين
طاگينهم ومطيحين المبني وهم مسيسينه
بالماي مشيت مفرفحة للمركز مالگيته
گالو مجاز مشيت لبيت الشيخ لگيت
السايق تعذرت من الشيخ واخذني
للولاية لبيته طول الدرب دمعتي مانشفت
الفليسات راحن خسارة وماحصلت منهن شي
وصلني لبيته بنص الولاية
بيت چبير مرتب السايق گال وصاني
الشيخ أتانيچ هنا واردچ وياي
دگيت الباب فتحته بنية صغيرة مبينة
تشتغل عدهم نشدتها
-ابو كمال موجود
-اي موجود عمي
بقيت بالباب دشت للبيت وشويه وطلعت
سهاد زايدة حلا وحبلة وابنها يمشي وياها
كبران
عاينتلي ونطت عيونها اجتني تمشي
بعدني ارد وطلع هو بهدوم البيت
لابسله نضارة وبيده جريدة مشالي بسرعة
-عذبة صااااااايرلچ شي
رفعت اصبعي بوجها
-شووووووووف هاي گدام مرررررتك
بت الباشوووووات خليييييت الله حسبي
ووكيلي علييييييك ياهاجس ياابن
عمييييييي ولك شمسويه بدنيتي
تطيني الوعد وتأمني باليمنى
وتكسر گلبي وتفلش بيتي باليسرررررى
مرتين يا ظالم ولك مررررتين تطيح البناء
شترررررررريد اظل بلا بيت وارضى بيييييييك
-طلعي بررررررره بيتي شعندچ وياااااااه
-ماااااعندي لزمي رجلچ عني بدل مالازم الچول
يدووووور ريحتي
-سمعي يالحضرررررية لزمي رجلچ
الظال مثل فرررررخ جاهل يدور وراي
كافي هجم بييييتي خل ابوووچ الباشا
يمنعه عني مو ظال بالرايحة والرادة
يريدني اررررضى بي ويعرسسس عليچ
1 تع
هي سمعت هيچ وهي لطمت
-تاخذ هاااااااي العربية الهمجية
الوصخة علييييييه هيييييي هاي الجربة
التقارني بيها هيييي هاي الجاهلة التگلي
تسوووووووه النسووووان وموگف حياتنا
وعايفنا هنا لخاطرررررها
والله والله اخلي بابا يسحب شنوووو
سواااااا الك والله
1 تع
عاينتله وهو يجدح عليها وعليه نار
-الگاع خلها الك تمتع بيها هسه
بس يم الله حگي مايضيع
هذا اخر انذار وراااااها والله
والله اكتل روحي وذنبي برگبتك
ليلتين بعدها انا طايحة
بالفراش من القهر وعيال
البنات فلشو وصار الحچي هواي
وبليلة نامت العيون والقهر حمسني
حمس اخذت سهامة تالي
الليل وگعدنا عالشط حدر السدرة عاينت للصريفة
بالگاع صوت وضوة عرفته بيها بس خل اشووووفه لا احرگه حرگ
روحي طالعة من هالدنيا وحيرتي چبيرة
وحچاية بشير ترن ببالي لاتبنين وتذبين
فلوسچ بگاع مو گاعچ
شهگت سهامة وندستني
-خالة زلمة جاي
درت وجهي وشفته گال لسهامة
-روحي هناك يم الراگ عمي اريد
احاچي خالتچ
-ظلي سهامة
-گومي عمي معليچ
گامت مستحية ووگفت انا
-شرااااايد بعد
-رايدچ انتِ ولو تجين الف مرة لبيتي
هم ماارد واريدچ
-سمعيني منا للموت وين ماتبنين
افلش منا لمن تطخين
-حشى والله مااطخ رااااس لا الك
ولا لغييييرك وانا عذبة
-اخذچ اخذچ گاع ماكو وفلوس ماكووووو
-شووووف هذا التراب الحدر رجليك
يلمني وياخذني وانت ماتاخذني
تنوووووع وشووووف سوايتي
ياشيطان
مد ايده يريد يلزمني رديت روحي
-تسوووودنتي
-ايييييي تسودنت شييييطان انا ما مچذبة
خربت بيتي واخذت عمي موته بحسرتي
ولك وين ماتحط ايدك خرااااااب بديتها
من گلبي لبيتي يزززززي عاد وخاف رررررربك
-هااااااي جزاتي لأن رااااايدچ
-انتتتتتت تسمع رووووحك شتگول
تررررريدني رااااده تعرف شني الراده
ماميت عليه بس عصيت عليك
وماحصلتني لا وانا على ذمتك
ولا وراااااهة احلف عليك بالعباس
ياهاجس ماتحبني بس شفتني
فرس صعبة عصيت عليك وهالتتكاتل
صفن عليه وضوه الگمر بين ملامحة وعرفت
بساعتها حچيي صدگ هالصفن
ردت عيونة ضلمت وگال
-وراچ وراچ
-وانت وراك الاكبر مني يوگفلي
مشيت وعفته وراي وانا احلف لروحي
هالسلف مااعاد اگعد بي دوووووووم
ثاني يوم صبحت گبل الكل حتى
الحگ على حسين مالي غيره عاقل فاهم
وعادته اخوي الچبير
نعمة بالمطبخ تسوي چاي وانا صحته
وهو راح للربعة بديت احچيله
شصار وشسوه هاجس منا لبعد موته
خزعل للبارحة نطت عيونه وانا هديته
عاينت لنعمة وادري ماراح ترضى بكلامي
-اشتريلي مچان بالولاية
طگت صدرها نعمة وحسين نشدني
-وحدچ
-شلون وحدي وعندي انت وعباس اخوتي
وحزام ظهري انا اذا ظليت هنا هاجس يسويله
بيه عملة ويكسر وجهي ومايهمه ترضالي كسران
الوجه
-وهم ماارضى تظلين وحدچ
-علاوي وليدي وياي اذا ترضون
هو وسهامة حتى اعلمهم تعليم والله
عاينلي ونعمة ماراضية رد نشدني
-والناس شتگول
عاينلي وظل يفكر شويه ورد
-انا ماچذبت من نشدني هاجس
وگالي الزمها بلكي ترضى اخذها
وگتله عذبة حرة وراح تعييش
حزنانة على خزعل طول العمر
هاي هييييي انا اخوووچ
شو انا وعباس بالولاية ليل
نهار والولاية شمرة عصى
عنه وفليساتچ خسارة ينحطن بگاع
مو گاعچ حتى لو گاعي انا
نتوكل على الله بيدي انا اخذچ
-اليوم
-هاي هي اليوم راح اتأخر علمودچ
ونروح ضحوية بنيتچ لا تاخذينها تتبهذل
خليهة نايمة
نعمة ابددد مارضت گامت
رحت وراها للمطبخ
-ولچ هو ياهو الربا هو وسهامة
غيييرچ
-خايبة خل اعلمهم الچ يمي
بلكي ينفعون روحهم
-والله اكيف بس……
-معليچ بحچي الناس نعمة
رضت وحبتني تانينه صارت ضحوية
وطلعنه لبيت استاذ بشير ماقصر
رحب بينه وهلل وبده حسين يحچيله
وهو يستمع لحد ماگاله
-نريدلها بيت هنا بالولاية شتشوف
فلوسهة تكفي
-اي تكفي بيت صغير طابق واحد
وهنا بهالحوالي
ويم السوگ ويجوز تعوز چم فلس انا اسدهن
الها
والله وردني بسيارة حسين
ورد خطيه لشغلة يتناوب هو وعباس
عالحراسة ومچلبين بالشغل هنا وبالگاع
علمود راتب الحكومة
وصدگ عشر ايام واجاني الخبر اخذني
حسين ورحنه لبيت بشير
رحت سلمت على مرته
ولبست واجت ويانه
السوگ صاير بظهر المدرسة
اكو شارع يتفرع من السوگ صغير
ونهايته عگد مسدود
البيت عاليمنى حوش صغير بي حوض ورد
والداخل غرفة نوم وهول وديوانية صغيرة
ومطبخ وحمام بره
عاينت حلو ونظيف رغم قديم بس لارطوبة
لا شي صاح من بره بشير
-ها ام ريحانة بشري
-خويه كلش زين
-ابد والله
-ميخالف اسددهن وبعدين عود سدديني
-ويمتى تگدر تاخذه
نشده حسين
-شوكت ماتريد والاوراق اني ضامنكم
للناس وضامنلكم صاحب البيت
هالشهر يكملن
-اگدر خويه هاليومين اشيل
بعد جاي شتا خل استقر
-ايييييي اني اعاونكم اذا تردون
سيارة للغراض
-سيارة صغيرة كافي
-بعيني يمتى تردونها
-ياااااا لتكبريني صيحيلي بأسمي
-شسمچ
ضحكت وگالت
-اسمي أميرة
-وانا عذبة
-فدوووة عاشت الاسامي عيوني
عذبة خل نروح شوفي
اني باچر اجي اغسلچ البيت
حتى گبل تنزلين
-فدوة لعيونچ ليش تتكلفين والله
انا اجي
-مامسويه شي يلا حبيبة
طلعنا وراهم وردني حسين للبيت
بديت اشدد بغراضي
والم الأريده وصدگ يومين
واجتنه السيارة صارت غراضي
كلها بيها وصلوهن وردو عليه اخواتي
اجن وياي وجهالهن
لگيت البيت مغسول ويتلامع
شدولي الغرفة الخشب مالتي
وبدينه نعدل ماكو نص نهار وگعد البيت
گعدة أميرة جابت هي وبشير
الغدة ومامقصرين تارسين الصواني
للغروب صار بيت
صغير دافي ومعدل اخواتي گالن
نبات
وبتنا ليلتها سوه ترسنا البيت
ترس
الصبح علاوي ظل يمي وسهامة
راحت وياهم تلم هدومها وهدوم اخوها
وترد وره يومين ويه ابوها
اعاين للبيت من طلعو الصبح
دافي ملموم وحلو
تراوالي خزعل يم حوض الورد
طاحت دموعي وحاچيته
-زعلانة منك البيت صار
وكل شي مثل ماتريد وانت
مااجيت
اتخايله يضحكلي گعدت عالحوض
وانا انعى بحزن
-يممممه على
ريحتك وتنام عيني
يابعد روحي تسمعني خزعل
ولك والله سنتين مابيهن سوه
بس يسووون سنيني كلهن
ماغمضتلي عين ذيچ الايام
كلها الا وانا اشم ريحتك بهدومك
كفيت دموعي وگمت للبيت اعاينله شناقص
المطبخ يرادله مثل ماگالت أميرة
معرض مواعين حلو
ماعندي بس سلال للمواعين والبريمز
گالت اكو طباخات حلوة طابة جديدة
وكرويتات للهول والديوانية
وزرعات اطشهن بالحوش الصغير
صارت ضحوية فتحت ذهباتي
اعاينلهن
گلادة النجم شلتها على صفحة
يجي يوم واردها لصاحبها
معاضد ريحانة
حجولي گلايد ثلاثة وچلابين
گلادة عنگود العنب وتراجيها ومعضدها
وذهباتي الردهن هاجس
عاينتلهن كلهن اصخى بيهن
بس العنگود لا
ولا معاضد ريحانة چان كل
مااحطهن بيدها يحبها ويفر بيها
كعدت علاوي
-علاوي ظل گاعد بعد خالتك
عينك من ريحانة خوش هسه
ارد
لبست وطلعت من العگد
صرت بوسط السوگ
عاينت وترحمت لأهل بشير عالمكان
بنص الناس والهوسة مااخاف
مشيت مسافة عاينت للصياغ
مشيت ومن واحد لواحد تأكدت
كلهم اطوني نفس السعر بعت
الذهبات خليت الفلوس بجيزداني
وبوجهي رحت لبيت بشير
دگيت الباب وطلعلي سلطان
عاينلي وركض لأمه
-صباح الورد اگلچ شو عيونچ
گلبن صفر
-ههههههههه يتخايلچ
-تعااااي يالحلوة تعاي
-ماازاحمچ دنيا صبح
شوفي انا بعت ذهباتي الفلوس الگال
عليهن اخوي ابو سلطان عوزن من فلوس
البيت جبتهن وظلت
خوش فلوس ترحين وياي اكمل غراضي
لو تدليني واروح
-لا انتظري اروح وياچ لمعاميلي
-خوش اتانيچ بالباب
-والله ازعل طبي بشير مو هنا راح
ابدل لسلطان واجيچ
طبيت للهول وهي تفتر شويه وردت
ثوبها الحلو الكصير وفوگا العبا
بلا چفية والوليد هدومه حلوووة مال ولاية مبينة
اشرتلي
-هذا اخوي شكري
هاي ام ريحانة مرت مرحوم خزعل
-اااااخ صار مرحوووم
مد ايده يصافحني خليت ايدي على
صدري وهو استحى
-الله يرحمه مو صاحب چان اخو
-يرحم امواتك يارب
-اليوم منورتني أميرة شتأمرين گشولتي
المحل تگشول وبعدچ ما موفيتني
ضحكت وضربته على ذراعه
-نزوووول والله الحلال حلال ابووووي
ضحك وتشاقه وياها
-تشلعين عيييني بدل عيون الطباخ
-شوف شكري ام ريحانة محتاجة طباخ زين
اربع عيون ومرتب
-تفضلو جوه وتشوف وتتخير مرت الغالي
-انا مااعرف خويه انت وام سلطان على
شوف عينكم اريد الزين واليظل عندي عمر بأذن
الله
-تتدللين تعاي تفضلي
دخلنا المحل وسيع شوفنا نوعين ثلاثة
لحد ماگال
-وهذا احسن نوع عندي ببيتي
منه
-خووش هذا
وگفت يم نجار سلم عليها
واختارتلي ثلث كرويتات
وحدة للهول واثنين للديوانية
وياهن كراسي اثنين وطبلة
فلوسهن زينات لأن مستعمل
وهم وداهن الحمال
-بعد عذوبة امريني
-مايأمر عليچ عدو
ضل معرض المواعين
-هذا عليه راح احچي وانت تسمعيني
-والله ولا تتكلفين
-دسمعي ياعيوني شوفي اني
عندي واحد صغير چان بس مايكفي
ضميته من جبت واحد چبير
نظيف وجديد ومغطيته يلمع لمع
-اخذة بشرط بفلوسه
عدلتهن ورتبتهن وريحانة بعدها
نايمة وعلاوي راد نايم وياها
للظهر اسوي غدة واندگ الباب فتحته
بشير واميرة وياه جايبين المعرض
طببته وياهم للمطبخ اعاينله شگد حلو
فتح وجه المطبخ
رد طلع بشير واجه بيدة علاگة شكبرها
-هاااااي شني ياخويه
-هاي شغلات بسيطة
مشي امورج بيهن لحد ماتتعلمين
عالمكان
-والله ماقصرت وماانسى فضلك
ابددددد
-صدگ چذب شمسوين بعد اخوچ
طلعو وفتحت العلاگة بيها كيلو چاي ورگ
وشكر وماش وتمن عنبر وقوطية دهن
وبهارات وهيل وطرشي ودبس
ومعجون بشيشة وبالكيلو لحم
-ها خويه
-شلون تعيشين هنا
-عندي چم فلس يمشني شهرين
ثلاثة وراها الله موجود
والگالها حل
-تتعبين
-الدنيا تحب التعب
سلم علي وراح وانا گعدت من صدگ
افكر شلون راح نعيش ومنين بعد
مايخلصن فليساتي
بديت اتعلم عالمچان بس ليلية
ماانام اذا ماابچي ودموعي تهل
على الحبيب الراح وماشبعانة منه
ليلية بعد ماانام اهجس ايده
تمر على عيوني انا ادري بروحي
اتخايل بس ارتاح من اصدگ هالخيال
وهيچ صارت عذبة بعد مافلست من
كل شي صاحبة ملك والحمد لله
ولذاك الزين الراح وخلالي وراه
خير حتى اعيش انا وبته
ومر شهر زمان ورجل نعمة
گال سهامة اخذها امها تعتازها
من شفت البت راضية
خليتها راحت
بس علاوي لا اشتريتله هدوم
من الولاية وسبع يختلط ويلگط
لسانه بسرعة لگط حچيهم
يتسوگلي ويروح يلعب ويه
سلطان مرات
وصار يعرف ولد العگد
وطبينه شهر ثاني والفليسات بدت
تخلص
بيومها گعدت اعاين لروحي
شسوووي شسووي ماعرفت
واگوم وواودي علاوي على اميرة
اجتني خطيه وگعدنا حطيتلها
استكان الچاي وتعاينلي
-انا مااريد اظل گاعدة ومسفطة
فلوسي بدت تخلص واريد اشوفلي
شي استرزق منه
-شتعرفين تسوين
-طبخ كل شي اطبخ
-وبعد
-احوك مكانيس
-وغييرها
-اخيط كلبدون عبي مال زلام
-ايييييي هذني خوش شغلات
شوفي السوگ كله يعرفه بشير
العصر اجيبه واجي ونسولف
-اييييييي تعاي والله ضيجة
خلگ
-هاي هي هسه گومي
جيبلي كليچة هذا الماعون ميكفيني
جبتلها وهي تضحك
أميرة وصدگ اميرة يمممه
اللسان الحلو والوجه والگفا يضحك
راحت وردتلي للعصر بشير وياها
گعدنا بالديوانية وعاينلي
-شوفي خوية شغلة العبي انا اشوفلچ
المحلات بعد غيرها شتعرفين
-كل شي اعرف اطبخ واخبز
-بشييير وتسوي كليجة تموع بالحلگ
-هذني خوش شغلات بس هم مايجيبن
دخل للعيشة
فزت أميرة ووگفت وگفة
-اگلك بشير ماعدنا واحد يسوي طرشي
هنا ولا خل بس خالتي جمارة وبطلت
متگدر صار سنتين
عاينت صح مااعرف بس انا شاطرة
الگفها من مرة ومرتين توكلت على
الله وياهم وريحانة
تمشي وياي ماترضى أشيلها
-اگلچ عندي عربانة اطفال جابوها
اهلي من الاورزدي صار عمر ضامتها
تفيدچ لريحانة
-ياااا وانا اخذ حاجتچ المامستخدمتها مايصير
-يصير خيه بعد ايسنا من الخلفة اني
وبشير
تقربتلي على كيف
-السبب ببشير خطيه سودة
عليه ماخلينه مكان مارحنا يادوب
صار سلطان وره خمس سنين
زواج
-اجيييتچ جمارة الگلب تعاي شوفي
جبتلچ وحدة مثلچ هم شگييرة والعيون خضر تتلاگط
عاينتلي وضحكت
-ولچ هاي اني بشبابي
بشير سلم وراح واحنة طبينه بوست بتي
وسلطان وگالتله روح للبوفية تندل المصقول اخذ
جاب المصقولات والتهى هو وريحانة
واميرة بلسانها الحلو سألتها
-خالة جمارة هاي مرت صاحب بشير السولفتلچ
علي
-الشهيد مو
-اي هي وجايتچ اني اليوم علمود
شغلة ولا ترديني
-تعلمينها
-شلون ولچ مثل ماعمي الله يرحمه
علمني اني اعلمها شيرادله
باعيلي يوم تردين مصدر رزق
على گدچ لو تردين شغل معدل وكمية
چبيرة
-ياااا خالة فدوة لوجهچ انا اجيت
علمود سطل سطلين صغار
-لا ياسطل صغير تعاااي وياي
گمنا وياها وفتحت حجرة متروسة
سطولة كبار وغراض اشكال والوان
-اذا شاطرة افتحيلچ معمل مثلي
وهنا غراضي خليهن يمچ تحت امرچ
بس ضميلي من الربح على گد غراضي
والچ الاكثر خوش
-خالة خاف ماادبرها
-يااااا غير انا وياچ اوجهچ واعلمچ
شتسوين ابدي بسطل چبير
وانا ادليچ وين تبيعينه
اذا عجبهم راح يتسطرون
تسطر ببابچ
-شنعتاز
-غراض كل شي عندي
تحتاجين مخضر انا اكتبلچ الوزن
تسوگي من السوگ وجيبي والباقي شگلچ
سوي
-يطول يلا يستوي
-بالبرد ١٤ يوم وبالحر ٧ أيام
ومو بس هذا خل هم ينراد
-شتسوگ
راحت جابت ورقة وقلم وترد
واميرة تكتب
- خمس كيلوات قرنابيط
و خمسة جزر وعشرة خيار
وواحد فلفل وواحد ثوم
ونص ثوم عجم
وبهارات رباع
ربع كزبرة
ربع حبة حلوة
وكركم
ونعتاز بنزوات
-شني البنزوات
-يم العطار گليله يطيج شويه
بورقة حافظي علي
وجيبي تمر هند من ابو التمر
وخمس كيلوات تمر اسويلچ وجبة
خل خوش
-اجيبهن باچر
-اييييي انتظرچ الصبحية وبنيتچ
جيبيها وياچ عندي لعابات اشكال
الوان تظل تلعب
ودعاناها وطلعنا واميرة وياي
تسولف قِصٌصٌ مَآيِّ هِوِبَِّس
-اگلچ اميرة حجية جمارة
گاعدة وحدها
-ايييييي مسكينة
-هي خالتچ الصدگ
-مو اخت امي بت عمها بس
نسميها خالة
عدهة ولد وبنية وراحو لرحمة
الله ومن يومها بطلت الشغل تتنتظر
يجيها اجار البيت مال مرحوم ابنها ماجرته
ظليت افكر بيها وبأولادها شلون ماتو
ثاني يوم تسوگت وريحانة ودتلي العربانة
اميرة حطيتها بيها وعلاوي وياي
والحمال بعربانة اخذنا المسواگ
ورحتلها
-ولچ طبي معليچ بيه روحي للغرفة
طببي مخضرچ
طبيت والغراض وياي شويه واجتني
وريحانة تفتر وبيدها لعابة جنها بشر
شعرها يتلامع اصفر
-تعاي خالة
اول شي يمچ السچاچين والمصافي
ابدي بالقرنابيط والجزر گصصي وانا اگلچ
شگد الوحدة
انا اكصگص واحط بالمصافي
لحد ما خلصت كل الكمية
-وهسه الخيار بس زرفي تزرف
بالسچينة
-مااگصصه
-لا مايعتاز يستوي بسرعة
خلصت بساعة كل شي وهي تفتر
غسلت سطل وحطته يمي
-يلا يمچ الحوض غسلي مخضرچ
واعلمچ شغلة سمي بسم الله بكل
شغلة تسوينها حتى يتبارك شغلچ
اغسل واسمي منا لمن كملت ثلث
مصافي كبار
عاينتلي
-جبتي بنزوات
-اي خالة وگالي ضميهن عن الجهال
وهاي حطيتهن بجيزداني من بتي
-معدلة باعي ذاك الرف حطي فوگ
گعدت يمها وبدت تعلمني
-ابدي بالجزر خلي بالچعب حيل
اسفط جزر من خلصته گالت
ذبيت بهارات وبديت بالقرنابيط
اسفط وارش منا لمن خلص
-يلا خيارچ كله ديري هسه
درت الخيار وترتب ورشيت بهار
انترس السطل
طلعت هي شبچة مال سعف مثل الطبگ
طببتها بالگوة بالسطل عصرت المخضر عصر
-هسه باوعي
-يمچ ملح خشن طلعي گدار
طاسة ونص من اليمچ
جبته الها
-جيبي ذيچ الدبة اليمچ مال الخل
جبتها دارتها عالمخضر
-يلا ترسيها ماي
اطيتها التمر
-افلسه خالة
-لا يمه مايتفلس
ذاك السطل غسلي وتعاي
غسلتة وجبته يمها
توزن التمر بيدها وگالت
-هذا كيلو جيبيله ثلث دوالك ماي
وهيج سويت لحد ماخلص التمر وصار لنص
السطل
-خالة مو لازم نترسه
-لا الخل لازم يظل نص السطل فارغ
روحي شوفي ذاك السطل الصغير جيبي
جبته الها فتحته شو ريحته قوية
وعلي وجه مثل الكشوة مال الروبة
لونها جوووزي وتتلامع
-لا اول اسبوع يظل وكل يومين
لازم تحركينه بشي خشب
وهذا اخذي وياچ السطولة اثنينهن
حتى تراقبينهن اني عندي روحة
للبصرة لاخوتي واخذلي شهر شهرين
اخذي مصافي فافون واخذي چمچات
خشب خوش وخليهن يمچ
باوعي اول اسبوع للخل تگلبينه
كل يومين مثل ماگتلچ
بس وراها تقبقينه
وتعوفينه بغرفة دافية
الطرشي هم خلي مقفول اسبوعين
ضبببببط تطلعين منة خيارة من جوه
الشبچة الخوص اذا مستوية
طلعي
وين تودينه لحجي ناصر تلگينه
بعگد الاكراد گليله ودتني
عليك حجية جمارة وعندي طرشي
وهالگد يطونج للكيلو ولا ينضحك عليچ
حسبي حساب مسواگچ چم كيلو وحسبي
الخل والملح وحتى البهار
وگليله السعر شراح يسوي
راح يشتري منچ السطل كله
-لا لا يبقى يمه لمن يفرغ
ويبادلچ بسطل فارغ تشتغلين
بي
-خالة
-لا تشكريني هاي صنعة اعلمها الچ
بثواب وليداتي وربي يرزقچ
عود ردتچ هنا تشتغلين بس
تتبهذلين رايحة جاية ببيتچ بعد
بس ينجح مرة ينجح مرات
واخذيلج سطل صغير من ام الخل
العندي وسوي ترى صنعة بيها رزق خوش
باوستها وطلعت جبت عربانة عاوني
الولد شال السطوله ومشيت وانا
ادعي لجمارة بالرحمة لاولادها
وبالعافية الها
ولروحي برزق حلال يترس
بطني وبطن بتي لگمة حلال
وهيچ مرت اسبوعين وانا اناطر
مثل اليناطر العيد وفتحته
السطل وصلاوات گبت ريحته
الحلوة بالبيت والخل على كلامها
اسبوع گلبته وبعدها غطيته
-رگبتي سدادة
شنو محتاجة شي
-عمي انا اسوي طرشي
-اييييييه اجيتي والله جابچ
من ايام جمارة واني بطلت شغل بي
شگد عندچ
-سطل واحد بي ٢٢ كيلو
-خيييير وبيش تردينه
-گالت الحجية هو يعرف السعر ويرفعه
چم فلس لأن الدنيا غلت
-هاي هي اريده كله بس جيبيلي
اضوگ منه
-هاي جبت بشيشة
-شو اشوف
-عمي واريد سطل بدل اسوي بي
علما تفرغ هذا
-سهلة يلا بويه مثل ما وصيتچ
اجه وياي العامل جاهل عمره بال١٢ سنة
انا ويا وعلاوي گوة خلينه السطل بالعربانة
ومشيت ويا وصلته سلمني الفلوس خير
ونعمة واطاني السطل وانا ماشية ريحانة
تتدهرب بيد علاوي تسوگت للسطل الجاي
ورديت للبيت وعلى تعلوم الحجية جمارة
سويته بس ماعندي شبچة لوجه السطل
عندي خشبات سعف نضاف
خالفتهن عالسطل من النص وسديته
وهاليوم جر أيام وفرغ السطل بأسبوع
رده الي حجي ناصر وطلب الثاني من
يستوي
بين ماهذا استوه انا چابسة الثاني
اشتغل واقرة الفاتحة لاولاد حجية
جمارة
الخل فتحته وطلع خير من الله عبيته
بدبات واشترى مني الحجي بس خليت
دبة اداور بيها للطرشي
ومرت خمس أشهر على گعدتي هنا
مرتاحة وتعلمت عالناس والسوگ
وبيوم گاعدة اچبسلي سطل اندگ
الباب علاوي طالع وريحانة تلعب
بالحوش
مرة مرتين اندگ حيل ركضت امسح بيدي
-يااااا جايه جايه كسرتو الباب تكسررررر
فتحت الباب وياريتني ماشفته
واگف بقايفته العسكرية
ساند روحه عالباب يتبوسم
-وانا اگوووول الولاية شبيها منوووورة
هالمدة كلها
-امر خدمة
-ولچ گلبچ شگد گووووووي
هجيتي ومااندلچ درررررب انشد
اخواتچ يگولن يمنا اراقب البيوت
مالچ خببببر
-ابن عمچ انا شني محد هنا
-محد يعرفك ابن عمي
بعدني احچي واجه زيطة عامل حجي
ناصر صاحلي
-خالة حجي ناصر يگول هالاسبوع
اريد سطليييين طرشي خوش
-گله خوش وباچر اجي افاهمه
دفع الباب وطب غصبا عليه وگفت
على صفحة وهو شال ريحانة
تلعب بشواربه ويحب بايديها
-تبيعين طرشي
-اي
-وانا متتتتتتت تشتغلين
-ملكي والملك لله
من حر مال زلمتي ربي ماعازني لأحد
خزعل وهو بگبره ضمن عيشتي
انا وبته
-خيييير خيييييير
-خيرين
-وهسه عايشة بوحدچ
-لا انا وعلاوي ابن نعمة
واخواتي رايحات رادات عليه
-هاااااا وانا مثل الهوا محد يبلغني
-ترة انت رجال غريب
-غريب
-ايييييي ابن عمي اي بس
ماتتحكم وين اگعد وشلون اعيش
-باقي كيلوين بس طرشي حار
كله فلفل
-اخذه يلا انا معتاز شي يچوي الگلب
طبيت للبيت وسرگيت باب الهول وراي
حتى مايطب وراي
طلعتله الشيشة خليتها بيده
-شگد فلوسه
-هذا من عندي الك
-مايصير
يحچي ويضحك ويعاينلي
-لا خليها علي هذا ماااااالح حيل
بلكت يغزر خاف الملح گبل ما غزر
-غزررررررر حيل حيل ولچع بنص الگلب
فتحتله باب الحوش ووگفت
-اريدچ تگلين لنعمة ابن الشيخ
الصغير صادق يريد سهامة
انا ماگلت لحسين انت بلغي نعمة
يگول الشيخ بهالاسبوع نريد نعرسله
-الله كريم
-تلثمي من تطلعين
-مااتلثم وجهي مابي شي
استحي منه
-وعيونچ
-مابيهن غير المرحوم
محد يعاينلهن بس العينه نگسة
مسح شواربه ومشى
اندار يعاينلي طبگت الباب
وطلع
بالليل مر بيه حسين وگتله اروح
وياك باچر للسلف وصدگ بات يمنا
وطلعنا صبحية
اخواتي تلگني فرحانات سهامة
اخذتلها ثوب حلو من ثيابي
وگعدت بالليل احچيلها
-اييييي خية الشيخة ودت
علي ووياي سهامة ماعرفت
ليش بس لمن شفتها تتنوعلها
وتصخر بيها هجست تريدها
-شوفي گالو يردون كل شي بأسبوع
-يا خية شنلحگ
-عوفي الشنلحگ ليش بأسبوع نتشد يلا
-مااگدر اروحلهم انا
-انا اروحلهم
-خاف عيب
-معليچ الشيخة تحب خاطري
وصدگ خليت ريحانة عدهم وسيرت
عليهم لاگتني حمدية الدلالة بالدرب تمشت
وياي الهم
-شيخة عندي الچ نشدة
-نشدي
-شعجب تردون تفضون السالفة بأسبوع
-ههههههه يااااا ولچ هاي چيف البت
تربية ايدچ تردين تعرفين
-لا والله مو علمود ترباية ايدي
بس انشد تعرفين هي بت تحتاج العبا
واللبس والخياط يطول
-اببببببد ماتخيط وماتگص كله
جاهز وحاظر من الاورزدي باك
جعفر ومرته جهزو تعرفين صادق
راح يسكن الولاية بحوش
وحده وهو شغله هناك مااريد اعطله
وگلت ماترهم لصادق الا معدلة
وانا على عدالتچ انت وندارتچ
شفتها مرة هنا بليلة الطبگ
ويه البنات تتلافح وتلطم وعجبتني
هي حتى طالعة عليچ وخيعونه اليحويچن
هسه برد گلبچ
باوستني وطلعت للبيت
بلغت نعمة بكل شي
سهامة فرحانة حگها صغيرة واجاها
ابن الشيخ وللولاية ووحدها
جبنا الحفافة حفت البنات اخواتي
وحمواتهن وحفت سهامة وثاني يوم گبل جيتهم
انا بالغراض العندي زوگتها ولبستها
ثوب الجبته وحليت شعرها وعدلته الها
وصلوات ارتفع صوت الهلاهل والفرح
بدار اخواتي وگطعو المهر ومهروها ذهب
والنيشان ببقچ مطرزة شافته النسوان
كلها
طلعت الناس وظلت البنات فرحانة
وتصفگ ليغاد سمعت صوووت عالي
وصياح وصراخ الزلام والنسوان
طلعت للباب اركض واسمع
الصوت واحد يصيح
-ياااااااابويه ولكم ماااااات وحيدي موووو
صحت للجهال واجاني واحد
موذح وطاير
طاحت دموعي وانا اسمع
جوابه
-خالة هذا محمد ابن ستار ابن بيت الملا
غرگ مايدرون بي ولگو مطوف
ضربت على وجهي ونشغت وبچيت
وتخايلتلي اخيتي وصاحبة عمري
-خيييييه مزنة اجاچ وليدچ
:
:
أَتَهزَأُ بِالدُعاءِ وَتَزدَريهِ
وَما تَدري بِما صَنَعَ الدُعاءُ
سِهامُ اللَّيلِ لا تُخطِأُ وَلَكِن
لَها أَمَدٌ وَلِلأَمَدِ اِنقِضاءُ
الفصل الحادي عشر من هنا
