رواية عمر الديب صقر المخابرات الفصل العاشر
بسم الله توكلت علي الله. وهو رب العرش العظيم
ومن داخل عربية ملك تسوق ملك وبجانبها تجلس فاطمة وهي عماله تبص لها فتقول لها ملك
هاتفضلي بص لي كتير كدة
فاطمة
ما انا هاتجنن ازاي قدرتي علي اثنين رجاله وبسرعه كدة. انتي شكلك مش دكتورة
ملك
لا دكتورة بس بلعب كونغ فو. عادي يعني. وبعدين مش المهم انك بخير
فتبص لها فاطمة وهي مش مصدقها، ،،،،،،
ومن قدام باب شقة خبير اللي كان قاعد فيها مع فاطمة تقف ملك ومعها فاطمة علي كرسيها المتحرك وتزق ملك الباب بايديها فانفتح الباب لانه كان مكسور من ساعه اخر مرة كان فيها ديفيد مع خبير ودخلت ملك الي الشقة وهي تزق كرسي فاطمة وتبص فاطمة للشقة المتبهدلة وتقع عين ملك علي دم خبير اللي كان علي السجادة ونشف وراحت ملك ناحية الدم ومشيت ايديها علي الدم وقالت
واضح ان في شي خطير حصل هنا
فاطمة
مش عارفة لية قلبي مقبوض وحاسة ان خبير في خطر
ملك
لا. ان شاء الله خير. عموما انا جيبتك مكان ما قولتي. حاسة انك هاتكوني بامان هنا. ولا تحبي اوديكي عندي
فاطمة
انا ما بحسش بالامان الا وانا مع خبير وبسمع قران بصوته
ملك
طيب انتي مش معاكي موبيله . ممكن نتصل بي
فاطمة
صح. انا الموبيل بتاعي جوة في درج الكمودينو
وتشاور فاطمة علي اوضة نومها واللي فيها الكمودينو فتدخل ملك الي الاوضة وتجيب الموبيل من الدرج وتخرج بي لفاطمة اللي تمسك الموبيل وتتصل بخبير، ،،،،
وفي هذة اللحظة كان خبير يجلس مع سوريا ويتابع خبر هروب خبير اللي انتشر علي مواقع التواصل الاجتماعي فيرن الموبيل الخاص به فيخرج الموبيل من جيبة ويري اسم فاطمة فيفتح مسرعا وباشتياق شديد
فاطمة انتي كويسة
فاطمة
كدة يا خبير تسيبني الفترة دي كلها من غير ما تسال عليه
فتحرق نار الغيرة قلب سوريا لما عرفت انه بيكلم فاطمة وخبير كان يقول وقتها
انتي فين كدة
فاطمة
انا في شقتنا. انت اللي فين
خبير باستغراب
شقتنا. انتي سيبتي المستشفي
فاطمة
اة. هربتني دكتورة بنت حلال اسمها ملك من ايد اتنين مجرمين كانو عايزين يقتلوني.
خبير باهتمام
هما وصلو ليكي
فاطمة
هو انت تعرف مين دول
خبير بارتباك
لا. خالص وانا هاعرف مجرمين منين
فاطمة بشك
اومال اية وصلو ليكي دي
خبير
فاطمة. اسمعيني كويس انتي لازم تسيبي الشقة دي حالا
فاطمة
لية يا خبير. ماتفهمني اية اللي بيحصل
خبير
بعدين هافهمك كل حاجة. المهم تهربي دلوقتي علشان خاطري مافيش وقت. انتي الدكتورة اللي بتقولي عليها دي معاكي دلوقتي
فاطمة
اة.
خبير
يبقي خليها تاخدك وتمشي من عندك وخلي معاكي الموبيل وانا لما احب اوصل لك هاوصل لك
وينهي خبير المكالمة وهو قلقان علي فاطمة فتبص له سوريا وتقول
يااااااا. للدرجة دي بتحبها
خبير
مش وقته ممكن تخلينا نفكر هانوصل ازاي لخبير المزيف واللي ممكن يكون عمر ابننا، ،،،،،،،
وبعدها بيوم ومن داخل منطقة المعادي يتنكر ديفيد في هيئة عسكري مرور ويقف قدام الشقة اللي حطو فيها عمر علي انه خبير وكان معه ابرام في هيئة بياع جرايد وواقف في اشارة المرور وبيبص للشقة هو الاخر وكان المنطقة مليانة برجال المخابرات المصرية وكلهم متنكرين اللي في زي عامل نظافة واللي موظف واللي سواق فيتجة ديفيد ناحية ابرام وهو يقول
تعالي هنا يا بتاع الجرايد
فيقف ابرام قدام ديفيد ويقول
عاوز جرونال اية يا دفعة
ديفيد بصوت واطي
المنطقة كلها ظباط مخابرات
ابرام
قولت لك ان دة مخطط من المخابرات بس انت ماصدقتش
ديفيد
يعني اية أسيب عمر عايش. دي الافعي حذرتنا لازم خبير المزيف يموت. والا هانموت احنا
وفي هذة اللحظة يظهر خبير ومعه سوريا ولكن وهما في لبس ناس صعايدة ومعهم حوالي بتاع عشر رجالة وامرتين وكانت سوريا. تغطي نص وشها بالايشارب وبتقول بصوت عالي و بلكنة صعيدية ولا كانها متربية في الصعيد
لازم نخرب بيتة هو فاكر بنتنا اية ملهاش اهل
خبير بلكنة صعيدي
اهدي يا مراة وحق بنتك هانجيبة
سوريا
نطلع نجيب عفش البت كلة ونسيبة ينام علي البلاطة
خبير
دة اللي هايحصل
فتصعد سوريا اول درجات سلم العمارة اللي كان عالي فيبص لهم ديفيد ويضحك ضحكة الشر لانه عرف سوريا ويقول لنفسه
جيتة برجليكم
ويدخلو الي العمارة اللي فيها. عمر وقدر خبير بالفلوس يخلي الامن بتاع العمارة يدخلو العمارة وعرف كمان الشقة اللي فيها عمر وطلع للشقة بعلم من المخابرات وتحت عيونهم وطلع قنبلة يدوية صغيرة وحطها علي كالون الباب وفجر الكالون ودخل للشقة هو وسوريا والكام راجل اللي معه وبدأ يدور علي عمر في كل اوض الشقة لغاية ما وصل للاوضة اللي فيها عمر اللي كان علي السرير وبص له وقال
انت عمر الديب
ولكن عمر حرك عينية يمين وشمال وكانه عايز يقول اة فبص خبير لسوريا وقال
واضح انه واخد حقنة تدمير خلايا الاعصاب
سوريا
خلينا نخرج بي من هنا الاول وبعد كدة نتصرف
خبير للرجالة
زي مافهمتكم.
وبصو الرجالة لعمر وشالو من فوق السرير، ،،،،،،،
ويخرج من العمارة رجلين يحملو دولاب ومن ورائهم. رجل وامراة يلبسون لبس سوريا وخبير ويخرج وراء منهم اثنين يحملو الثلاجة ويبدا الرجال في تحميل العفش علي عربية نص نقل كانت معاهم ويجلس جنب السواق الاثنين اللي لابسين لبس خبير وسوريا. وتتحرك العربية ووراء منها تتحرك عربية تبع المخابرات المصرية وبحذر شديد فيقول ابرام لديفيد
المخابرات المصرية طلعت وراء العربية شكلهم شاكين فيهم
ديفيد وهو بيبص للعمارة بصة شر ويقول
ليهم حق يشكو لان العربية دي تبع خبير وسوريا
ابرام
انت بتقول اية. واية اللي هايجيب خبير وسوريا هنا
ديفيد
ما الاثنين اللي عاملين صعايدة هما خبير وسوريا
ابرام باستغراب
وانت عرفت ازاي
ديفيد
من الوشم اللي في رجل الماما
ابرام
وانت شوفت رجل الماما ازاي وهي لابسة جلبية طويلة
ديفيد وهو بيبص علي اول سلمة في العمارة واللي كانت عالية وقال
وهي بتطلع اول سلمة رجليها بانت
ابرام
اومال مين اللي ركب العربية جنب السواق
ديفيد
اثنين لابسين لبسهم علشان يضحكوا علينا وعلي المخابرات المصرية
ابرام
والمخابرات المصرية تصدق بسهولة كدة
ديفيد
اكيد هي المخابرات المصرية فيها ديفيد
وبمجرد ما ينتهي من كلامة يخرج من العمارة سوربا وديفيد وهم يحملون مرتبة سفنج من اللي السوست بتاعتها عالية وبيحطوها في عربية نص نقل اخري وينطلقو بالعربية فقال ابرام
طلع كلامك صح. لكن خرجوا ازاي من غير عمر
ديفيد وهو بيبص للمرتبة السفنج
عمر جوة المرتبة
ابرام
يعني شالو السوست وعمر اتحط جوة المرتبة
فيضحك ديفيد
لسة البابا خبير دماغه كلها مكر
وتنطلق العربية النص نقل ووراء منهم ابرام وديفيد في عربية ديفيد ومن بعيد صالح في عربية اخري ويتكلم في الموبيل ويقول
انا وراهم يا فندم ولوحدي
السيد كامل
اوعي حد يحس بانك بتراقبهم
صالح
ما تقلقش يا فندم ،،،،،،،،
وبعد مرور نص ساعه ومع حلول الظلام تقف العربية النص نقل اللي فيها سوريا وخبير. في منطقة مقطوعه وينزلو من العربية ويشيلو المرتبة السفنج ويدخلو بيها لاحدي البيوت القديمة فينزل وراء منهم ديفيد وابرام. ومن ورائهم من بعيد صالح وبمجرد ما يدخل ديفيد وابرام الي البيت تنفجر قنبلة غاز مسيل للدموع واخري تضرب تحت رجل صالح فتصيبهم القنبلة بارتباك شديد ويخرج خبير مسدسة كاتم للصوت ويضرب عجلات عربيات ديفيد وصالح وينطلق بعربية مسرعا ويسيبهم في هذا المكان وديفيد يكتم نفسه بايدة ويسحب المرتبة لبرة البيت ويبص فيها لكنها كانت فاضية فيصرخ من شدة الغيظ ويلاقي صالح في وشة فيدفعه بيدة بمنتهي العصبية ويركب عربيتة ومعه ابرام وينطلق بالعربية وهو عصبي جدا ويقول
عملها خببر هو وسوريا لكني مش هارحمهم
ابرام
اهدئة ديفيد وخلينا نفكر ازاي نوصل ليهم
ديفيد
اهدئة ازاي بس.
ويرن موبيل ديفيد فيفتح ديفيد فيرد ديفيد ويسمع الصوت الخاص بالافعي وهي تقول بغضب
خبير المزيف لسة حي والمخابرات المصرية اعلنت انه هرب. باين عليك ديفيد ما بقتش قد المهمات الكبيرة
ديفيد بخوف شديد
ازاي بس انا الراجل الاول عندك
الافعي بصوت مخيف
ديفيد. رقبة خبير المزيف قصاد رقبتك والا ملك الموت هايكون ضيف ثقيل جدا عليك
ديفيد
اديني بالظبط ساعه وهايكون خبير المزيف ميت
الافعي
ساعه ديفيد اما روح خبير المزيف او روحك
وتنهي المكالمة فيرتبك ديفيد ويدوس فرامل بمنتهي العصبية ويقول لنفسه
كل اللي خطط لي ضاع بسبب خبير. لكن لا. لازم اتصرف واكسب ثقة الافعي كمان مرة
في هذة اللحظة يسمع صوت ابرام وهو يقول
ديفيد مالك. احكي لي ممكن اقدر اساعدك
فيبص ديفيد ل ابرام ويقول وهو يضحك بجنون
فعلا انت ممكن تساعدني
ويخرج ديفيد سلاح ابيض ويذبح ابرام بمنتهي الاجرام ويبص له ويقول
اقدم جثتك للافعي علي انك خبير
ويضحك ديفيد وهو بيبص ل ابرام اللي كان دمه بيتصفي، ،،،،،،،،،
ومن داخل شقة في منطقة شعبية يرن جرس الباب فيفتح احدي الرجال اللي كانو عاملين صعايدة فيجد سوريا وخبير بعد ماقلعه لبس الصعايدة فوسع لهم هذا الرجل الطريق علشان يدخلو ودخل خبير الي الشقة وهو بيقول
هربت من اللي كانو وراك يا كاظم
كاظم
طبعا يا خبير هي يعني اول مرة نعملها
سوريا
وفين خبير المزيف
كاظم يقول وهو بيشوار علي احدي الاوض
في الاوضة دي
فتخرج سوريا مبلغ من المال وتدي لكاظم وتقول
طيب خد دول وحاسب الرجالة
كاظم وهو بياخد منها الفلوس
تسلم ايدك.
ويخرج كاظم من الشقة وتدخل سوريا الي الاوضة وتبص لخبير اللي قاعد قدام عمر. يتفحص وشه فتقول له
وصلت لحاجة
بص لها خبير وقال
ديفيد لبس عمر ماسك مطاطي من اللي بنستخدمة في المنظمة علشان يكون شبهي بالظبط
سوريا
يعني دة عمر ابننا
فيبص لها عمر وخبير بيشيل الماسك من علي وشه وبيقول
هو عمر
ويرفع الماسك ويبان وش عمر الحقيقي اللي سوريا راحت ناحيتة وفضلت تبوس وتحضن في ودموعها غرقت عمر وعماله تقول
عمر. ابني بعد السنين دي كلها اشوفك تاني. انا مش مصدقة نفسي
خببر وهو بيمسك ايد عمر
حقك هايرجع لك وديفيد هايدفع ثمن اللي عمله فيك
سوريا وهي في حضن عمر
خبير احنا هانسيب عمر مشلول كدة لازم نعالجة
خبير
ماحدش يقدر يعالجة الا هي
سوريا
تقصد مين
خبير
الافعي
ويخرج الموبيل بتاعه من جيبة ويتصل برقم غريب، ،،،،،،
وبعدها بساعه تجلس سوريا علي السرير جنب عمر وتاخدة في حضنها وخبير يجلس تحت رجله فيسمعوا صوت جرس الباب فتبص سوريا لخبير
شكلها جت
خبير
هاقوم افتح لها
ويخرج من الاوضة ولايمر سوي لحظات ويرجع ويفتح باب الاوضة وتدخل ملك وهو من وراها فيبص لها عمر وهو هايتجنن، ،،،،،،،،،
