رواية ثأر الشيخ مهران الفصل العاشر بقلم حوراء
ايليا:-
رجعت غيداء من الزيارة وراحت نامت اما غسق من الضهر اجه زوجهة عليهة وراحت للبيت مالتهم انفال اراسلهة ماكو مدري وينهة واني ضاله بغرفتي افرفر بالبرامج من الملل صارت ساعه1 واني بعدني كاعدة وصلتني رساله من رقم غريب
"ليش بعدج كاعدة؟"
جاوبت
:-ماجايني نوم
:-عادي عندج تجاوبين على رقم غريب؟
:-انت مو غريب دائما تراسل وحته فيديو الي عندك بس عندك مشكله كلساع مغير الرقم
:- منو يكول اني نفسه الشخص الي دائما يراسلج
:-محد فارغ يراسلني غيرك
:-شلون اسلوب
:-مثل اسلوبك
:-نامي بويه وراج دوام وهاا حاجي المصلح الاجتماعي اثير خلي لايدخل بيج
:-وانت شعليك بأثير ومنين تعرفه؟
:-لاتسألين اسأله ماله داعي تعرفين اجوبتهة عرفته وخلص
:-راح تخبلني والله العظيم
:-بعدج مشايفه شي يابه
:-فتحت رسالته ومارديت عليه عدتهة اكثر من مرة ورجع دز مرة لاخ
:-لاتضلين صافنه نامي ورتاحي بويه
:-حيل تنرفزت منه فتحت الموبايل وكتبتلهة
:-شكد غثيث لخاطر الله
:-فتحهة بس مارد علية
طفيت الموبايل و غمضت عيوني وحاولت انام صدكك شويه وبعد ماحسيت بروحي ونمت كعدت ثاني يوم ب6 الصبح بين ما سبحت وبدلت واخذت اغراضي ونزلت باوعت على الساعه لكيتهة ب7 صبحت على ماما وبابا وجدو واخذت لفه وكلاص جاي ورحت انتظر عمو ابو حسين شويه وسمعت صوت الهورن مالته وطلعت من صعدت بالسيارة اتفاجأت انفال ماكو سألته
:-عمو انفال وين
ابو حسين:- والله عمو تكول مااداوم اليوم
:-اها
:-اي والله
:-ضليت ساكته البنات كل وحدة ويه صاحبتهة واني بوحدي افكر ليش ماداومت انفال وصلنه للكليه ودخلنه اول محاضرة و نزلت للكافتريا اخذتلي كيكه وعصير و كعدت اكل شويه واجاني اتصال من نفس الرقم الي راسلني البارحه بسرعه رديت عليه
:- الو
:-ليش بوحدج وين صاحبتج الوياج دائما
:-اني سمعت صوته لو ضليت صافنه مامعقوله اكو هيج صوت خشن وبنفس الوكت تحسهة يرهب
:-مو جاي احجي وياج ليش متردين؟
:-هاا ماادري اتصل عليهة مترد وبعدين انته شعليك
:-بعدين تعرفين منو الي معليهة هسة روحي اكعدي وي اي وحدة من بنات قسمكم وثاني مرة اذا صاحبتج ماداومت لا اداومين
:-واذا هي يعني تريد ابطل اني هم ابطل
:-هو لازم انتي تقنعيهة ما تبطل بس اذا وصارت اي بطلي چا غير انتن صاحبات
:-لا والله
:-مجذب عليج من قبل اني
:- كول حاجي وياج مثل العالم
:-ماكو بيناتنه حجي فترة وتصيرين بأسمي رسمي واحجي براحتي
:- ليش اني عمارة لو بيت حته اصير بأسمك
:-مو هسة وكت حجي بعدين
:-لا اشو اله هسة باع اذا سديت الموبايل بوجهي والله بعدني ممكمله وسداه بوجهي
:-حيوان عديم ذوق
:-خليت وصعدت للقاعه اخذت بقيه المحاضرات ورجعت للبيت دخلت سلمت على ماما وحجيت باستعجال
:-ماما راح اروح اشوف انفال ليش ماداومت اليوم مااتاخر تمام
:-خوش يمه بس لاتتأخرين واخذي موبايلج وياج خوش
:-خوش ماما يلا باي
:-طلعت مستعجله ومسمعت ردهة صادفت بالباب زين
زين:-هيو وين رايحه
ايليا:-هي بعينك عندي اسم وبعدين انته شعليك وين رايحه
يزن:-انجبي لج غير ابن عمج وجاي اسألج وين رايحه
ايليا:-اجاوبك وارضي فضولك رايحه لبيت انفال لان اليوم ماداومت وما جاي ترد على اتصالاتي
عفته ورحت مشيت مسافه لبيتهم ووصلت دكيت الباب وطلعتلي امهة سلمت عليهة
:-السلام عليكم خاله
:-وعليكم السلام حبيبتي
:-بس اجيت علمود انفال مداومت اليوم ومترد على اتصالاتي بيهة شي؟؟
من حجيت هيج كالت بحسرة
:-فوتي يمه تكليهة فوك بغرفتهة هي تحجيلج
:-انقبض كلبي من كلامهة ودخلت وصلتني لغرفه انفال وعافتني ونزلت دكيت الباب واجاني صوتهة المبحوح اثر البجي وهي تكول
:-ماما الله يخليج عوفيني بحالي
:-اني ايليا فتحي الباب بس كلت هيج وسمعت صوت الباب ينفتح وشهكت واني اشوف وجهة
:-شصاير بيج انتي
:-بس كلت هيج شمرت روحهة بحضني تبجي وتشهك واني احاول اهدي بيهة دخلتهة للغرفه وكعدت على الجربايه وهي بعدهي تبجي شويه وهدت من نوبه البجي وكالت بشهكة
:-ا ا ن ي ا ن ت ه ي ت
:-شصاير انفال حبيبي شبيج ليش تبجين لج ليش اتصل عليج ومتردين واليوم صعدت للخط واتفاجأت بيج ماجايه شصاير ولج
انفال:-اسمعي
back to the past:-
من رجعت من خطبه غيداء دخلت لكيت الاستقبال مالتنه متروس ناس والصاله هم من ركزت عرفتهم اهل خطيبه اخوي الشفيه سلمت وصعدت حته ابدل وانزل اساعد امي بتجهيز الغدة الهم كملت ونزلت وسلمت عليهن هم ودخلت للمطبخ ويه ماما رتبت الاكل بمواعين اني وياهة واجه اخواني الاثنين واخو خطيبه اخوي الحيوان شلون يباوع عليه كرهت روحي من وراه كملنة الاكل مال الزلم وكمنه ننگل بالاكل مال النسوان وهم خلصنه تغدن ان شاءلله سم وزقنبوت بكلبهن الخايسات بس يعيبن عليه وهن زرگ شلنه المواعين اني وامي وهاي العيارة خطيبه اخوي حجت
:-عمه عوفيهن نشيلهن اني وانفال لا اتعبين نفسج
شالتهن وامهة تكول هنيالج عليهة ام باقر(خطيب بنتهة) شلون جنه عندج معدله
ردت امي
:-اي والله ماكو مثلهة الله يحفظهة
وهي نزلت راسهة عود خجلانه احلف عليهة باليله العرس هي تغتصب اخوي واكص ايدي من العرج اذا ماسوت هيج
عفتهن وكمت انكل واغسل بالمواعين
وهي تسولف فوك راسي هيج جبت وهيج سويت باقر هيج يتغزل بيه باقر هيج وعدني واني بس اهز براسي الهة وشوي وكالت
:-اكلج انفال انتي ليش ماتتزوجين؟؟
:-ليش داده كاعده على كلبج
:-لا ولج بس اني رايدتج لاخوي كلمرة احاجيج واكلج شنو رأيج بيه وانتي بس تضحكين ترة اخوي خوش زلمه ويعتمد عليه ويحبج هم
:-اوععع تحجين صدكك انتي تردين اتزوج اخوج العطواني؟؟
:-شبي عطواني اشو كذلته تخبل وصفرة والبنات ميتات عليه
(من رخصه انفال بنات تخيلته مثل هذا 👇) 😂😂😂
:-فكي ياخه عني يابه اني روحي مامتحملتهة ترديني اتحمل اخوج ونوب هو لا علم ولا فهم سادس ممخلص
:-وشنو يعني بس لا انتي تردين واحد مخلص دراسه يتزوجج
:-اهم شرط من شروطي لعريسي المستقبلي مخلص دراسه واذا ماكو ممخلصه مااتزوج
:-لا والله وتضلين هنا على كلبي
:-شنووو على كلبج شنووو ليش البيت بيتج؟؟
:-مو قصدي هيج فهمتيني غلط قصدي تظلين على كلب امج؟
:-وانتي شعليج امي شاكيتلج عليه؟؟
:-لا شبيج بس اني حاسه بيهة يعني انتي هم كبرتي ولازم تتزوجين
:-بابا شبيج كل عمري 19سنه منين اجيت جبيره؟؟
:-لعد الازغر منج فاتحات بيوت وانتي ضاله مكابله الكتب
:-واني شعليه بيهن عجيبب امرج والله
:-سكتت مني وراحت يم النسوان ماراضيه ام الوصخ
:-صبيت الجاي وصحت على كرار يجي ياخذه مااحس اله فقار (اخو سارة خطيبه اخوي) مد راسه للمطبخ يباوع عليه صحت بيه
:-شتسوي هنا؟
خله ودخل للمطبخ وصار قريب مني وكال
:-سمعتج تصيحين على كرار وصوتج سحل روحي سحل لج اهخخ شوكت يجي اليوم الي تصيحين بيه عليه فقوري
يحجي بدلع وتموع حته اكثر مني لعبت روحي منه وصحت بيه
:-يسحلك عزرائيل إن شاءلله ياكلب منو انته حته هيج تحجي وياي وعلي اذا ما وخرت من وجهي انعل والديك
فقار بمياعه:-ماراح احاسبج هسة من يصير كلشي رسمي اعلمج شلون تعلين صوتج عليه
يحجي ويحرك بكذلته
رديت:-وحق علي يابه اذا ما تطلع منا اله اخلي كتلك عمل شعبي
من كلت هيج خله وراح شوي واجه كرار عطت بيه بصوت مكتوم
:-وين جنت انته حته الجاي برد
:-كاعد يم الزلم يلا حميه مرة لاخ خليني اخذه يردون يرحون
حجيت بكلبي:- روحه بلا ردة ان شاء الله
اخذ الجاي وراح واني هم صعدت ابدل ملابسي لان تبللت مي من المواعين وما نزلت اله راحن نوب طلعت محاضراتي وقريتهم وحضرت الملابس وحجيت شويه ويه ايلي حاولت اصبر عليهة مصيبتهة بس ماحجيت شي عن الي صار وياي لان هي الي بيهة يكفيهة ومشه اليوم اعتيادي صار وكت العشه ونزلت احضر الاكل ويه ماما وتعشينه اني واخوتي وبابا وماما ونوب هم غسلت المواعين
صار ثاني يوم ورحت للدوام وانخبصت بالسالفه مال ايليا من رجعت للبيت لكيت البيت مكلوب كلاب صياح وغلط اول ما فتت مااحس اله باقر هجم عليه يغلط ويصيح ويفشر عليه اول مرة تصير وياي وكرار حاطني ورة ظهرة يحميني منه وبابا واكف وساكت فززني من مكاني صوت باقر وهو يكول
:-شعندججج وياهههههه
صحت بخوف:-منو منو
:-فقار شعندج وياه شعندج صحتيله للمطبخ؟؟؟
:-ضليت صافنه هسة يلا انتبهت لوجود سارة وفقار الي وجهة صار عبارة عن خريطه
:-ماعندي شي وياه والله اصلا هو دخل للمطبخ وضل يحجي كلام سافل مثله والله باقر صدكني حته اسأله مو انته اجيت للمطبخ هاا؟؟
صدمني من كال:-
حبيبتي عرفو كلشي عن علاقتنه لا تجذبين سولفي الهم حته نصير لبعض
عطت بيه:-لكك شنووو حبيبتي حيواننن الله ياخذكك يا علاقههه لاتجذبب بابا جذاب لاتصدك بيه ماعندي شي وياه وداعتك اني بنتك تربيتك مستحيل اسوي هيج شي
احجي وياه وهو مايرد عليه تخبلت كمت ادكك والطم
:-سارةة انتب جنتي موجودة مو هم سألتيني على فقار هاا اني شنو كلت الج جاوبيهم يلا
احجي وابجي واتوسلهة بعيوني تحجيلهم بس هنا صدمتي الاكبر من بدت تحجي
سارة:-صح اني سألتج عليه وكلتي انتي تحبيه وتموتين عليه ودائما تشوفيه بالكليه واني جنت احجي وياج وانصحج حته لاترحين زايد وياه لان خايفه على سمعه باقر وعمو بس انتي مسمعتيني
باقر من سمع كلامهة تخبل اكثر وطاح عليه دكك ضرب وكرار يحاول ياخذني منه بس ميكدر ماعافني باقر منا لحد ماسواني جنازه صاحح بصوته الي رج البيتت
:-باجر تجي تعقد عليهة وتاخذهة بهدومهة الي عليهة واحنه متبرين منهة واذا شفتهة كدامي اذبحهة مفهوم
حجاهة وطلع من البيت بكبرة امي وكرار كوموني وصعدوني للغرفه امي تنزعني بالملابس او بقايه الملابس الي ضلت عليه بسبب ضرب باقر الي وتبجي واني دموعي تنزل عشرة عشرة مااحس بجسمي ودموعي على مستقبلي الي خسرته بدلتلي امي ونزلت شويه وانفتح الباب مهتميت عبالي امي بس اتفاجأت من شفتهة سارة باوعت علبه وطكتهة بضحكه مال گ*حاب
سارة:-ههههههههههههه شنو الي صار بيج يحلوة تؤ تؤ مسكينه هههه
دنكت لمستواي وكالت
:-شفتي شنو صار بيج بس لان حطيتي راسج براسي وهايي انتي راح تطلعين من بيت ابوج بوجه اسود هههههه وهاا ديري بالج تزعلين فقوري هههههههههههههه
طلعت وعافتني بصدمتي معقوله هي الي سوت هيج شوي ورجعت ماما وحجتلي على الصور
:-صور شنو ماما؟
:-صور الج انتي وهذا الحيوان فقار بالمطبخ مالتنه دزوهن لباقر وراح لبيتهم كتله وجابه هو واخته لان اهلة ماجانو موجودين والبقيه صار كدامج شفتي شلون اعترف عليج ليش هيج سويتي بروحج يايمه
لطمت وبجيت وخرمشت وجهي وموتت روحي وهمة ممصدكيني حته امي مصدكتني توسلت بيهة حته تقنع باقر يأجل العقد بلكو قبل نسوي يوم الاربعاء لجج ايلي الاربعاء راح اخسر مستقبلي وحياتي بسبب الكلبه سارة
ايلي:-اهدي حبيبتي إن شاءلله انحل الموضوع
انفال:-شلوننن فهميني شلون
:-اوكفي، اخذت موبايلي وطلعت رقمه اتصلت عليه رن مرتين وجاوب عليه
:-الو
:-محتاجتك بموضوع واتمنى تساعدني
:-صاير وياج شي؟؟
:-مو اني صديقتي انفال
:-جوارينكم؟
:-اي هية
:-شبيهة؟
:-اسمع.......... وهاي كل السالفه
:-زين شنو الي يثبتلي ان هي ماعدهة علاقه وياه صدكك
:-يااا شبيك معقوله انفالل تباوع لهيج واحد
:-دزيلي صورته وعنوانه واني اشوف شلون نحلهة
:-تمام شكرا هواي راح اتعبك
:-يرخصلج التعب بويه
:-تسلم
سديته منه ودزيتله صورته طلعيتهة من حسابه على الانستا وانطيت العنوان وضليت انتظرة
:-باعي انفال اني لازم اروح اتأخر الوگت ومن يرجعلي خبر اجيج صدكك موبايلج وين؟
:-اخذه اخوي الشفيه
:-تمام لعد اني اجيج وانطيج الاخبار
طلعت من بيت انفال ورحت لبيتنه صعدت لغرفتي بدلت وصليت وظليت منتظرة خبر منه
_________________
الشيخ مهران:-
جنت كاعد يم الناس من اتصلت بيه اترخصت منهة ورديت عليهة اخذت المعلومات اللازمه ودزيت فهد ونزار للمنطقه الي دزتلي ياهة حته يجمعون اخبار عنه ويجون راحو اربع ساعات ورجعو محملين اخبار
الشيخ مهران:-بشر يابن العم
فهد:-والله مااعرف شكول شيخ الولد واهلة سمعتهم بالكاع الولد صاحب بنات وسوالف مكسرة والبنات والام الله يستر على اخواتنه كاضياتهة يم السحارات وسوالف الشعوذه والعياذ بالله
الشيخ مهران:-استغفر الله زين جبتو شي يثبت صحه كلامكم
فهد:-على بختك شيخ ماتعبر عليه راحت للمختار واخذت منه الكلام وحته تسجيل صوت سويتله واكو ولد صاحبي ضابط ساجنه كذا مرة واخذت صور اله من السجل مالته
الشيخ مهران:-بارك الله بيك يالذيب دزلي ياهم حته نطيح حظه
فهد:-العفو منك شيخ بس الولد مو منه ليش ادور وراه
الشيخ مهران:-ناس اعزاز طلبو مني خدمه واني لازم البيلهم الطلب مو لو لا
فهد:-اكيد شيخ وهاي دزيتهم الك محتاج مني شي بعد
الشيخ مهران:-سلامتك اخو الغالي
فهد:-هاا اخو الغالي مو الغالي ليش تفرق شيخ كلنه ولد عم
الشيخ مهران:-هههههه مامفرق بس اخوك معزته جبيرة بكلبي
فهد:-وهو هم يعزك بس يبدو ان انتم متزاعلين لان ماكام يجي للديوان
الشيخ مهران:- لا تخاف مايدخل الزعل بيناتنه بس سالفه صغيرة وهو من يطلعهة من راسه يجي للديوان لاتخاف
فهد:-خير ان شاء الله اني اروح ارتاح بعد متحتاج شي
الشيخ مهران:-سلامتك بويه
فهد:-الله يسلمك شيخ مع السلامه
الشيخ مهران:-الله وياك وانت شعندك مكابلني وكاعد
نزار:-اني شيخ!!
الشيخ مهران:-لا الحايط الوراك اذا مو انت منو غيرك بديوان يمي
نزار:-شيخ والله خبلتني اكعد يمك تطردني مااكعد يمك ترزلني شنو الي تريده مني بالضبط
الشيخ مهران:-اطلع برة من يمي اخلص شغلي واعرف شلون احاسبك على سوالفك
نزار:-هاي فوك تعبي وياك
الشيخ مهران:-تتعب وانته الممنون غير اخوي
نزار:-هسة صرت اخوك
الشيخ مهران:-هسة شلوننن
نزار:-رايح رايح لاتعصب
طلع نزار وهة يدردم واني اتصلت بيهة اجاني صوتهة وهي تكول
:-صدكك تحجي وكع كلبي عبالي نسيتني
الشيخ مهران:-اخذي نفس وافتهمي شنو راح اكول الج
:-تمام اسمعك
:-هذا الولد واخته مو خوش ناس سوالفهم مكسرة وعندي الاثبات عليهم راح ادزه الج انتي رأستا تاخذي وتنطيه لأبو صاحبتك لو لأخوهة الصغير ديربالج تنطيهة لأخوهة الجبير الشفيه مفهومم
:-مفهوم يلا دزهم
:-دزيتهلة الصور والتسجيل وكلشي كاله فهد هم برساله
:-المن راح توديهم
:-لعمو ابو باقر هو راح يعرف شلون يتصرف شكرا الك بفضلك صديقتي راح ترجع للدوام وماراح تتزواج هذا الحيوان
:-ماكو داعي للشكر وهسة استعجلي حته تنقذين صديقتج
:-تمام يلا باي عود من ارجع احجي وياك
:-إن شاءلله خير بويه
:-يلا مع السلامه
:-امانه موسى بن جعفر بويه
سديت الاتصال منه بس كلمته بعدهي براسي نفضت هاي الافكار من راسي واخذت الموبايل والحجاب ونزلت اركض
:-يمهه وينجج
:-هناا بالمطبخ
:-ماما لازم اروح لبيت انفال بسرعه
:-انتي شبيج اليوم كلساع رايحه لانفال
:-من ارجع اسولفلج يوم هسة لازم اروح
:-خوش انتبهي على نفسج حبيبتي
:-تمام ماما
