رواية في ظلام مغتصبي الفصل العاشر بقلم توتة
إحدى تلك الذكريات المؤلمة ،تُؤلمني مِن دون تردد.
One of those painful memories, it
hurts me without hesitation.
>>>>>>>>>>>>>>>>>
معاذ/ الوو منو. ??
مثياق/ الوو سلام عليكم
معاذ/ وعليكم السلام منو حضرتك.
مثياق/ مو بيت الحجي ابو جواد هذا
خزرته كتم المكالمه ودار وجهه عليه يشوف شنوو اكول
ميثاق / خير
_ لا تگول اني يمك
مثياق/ ما عليج ... اي عمي بس ردت اسال عل واحد اسمه ??
اشرلي بعيونه شنوو يحجي بقه ساكت همستله بصوت ناصي.
_حاسب
مثياق/ حاسب جان صديقي شلونه شلون اهله انشالله بخير
معاذ/كلنه بخير عمي تسلم عل سؤال خو خابر حاسب علئ رقمه.
مثياق/ عمي ضاع رقمه من عندي بس رقمك هو نطاني اياه من قبل واني صارلي فترا ماحاجي وياه وگلت اخابرك واسألك عنه.
معاذ/ حياك الله عمي هلاا بيك
مثياق/ تسلم عمي متقصر.
سد المكالمه وگعدت اني اتربعت اتربع ما اهتميت للبطني دموعي نزلت بدون ماحس حيل مشتاقتلهم وگلبي طاك عليهم.
مثياق/ شبيج تبجين ?
بحر بدموع/ عايشين حياتهم مثياق ولا كانو ضعت منهم ولا كانو شي صاير
مثياق/ لا تحكمين عل غلاف من عنوانه بعدين اذا انتي اجيتي وحدج لبغداد شلون حته لو رادو يدورون عليج ما يلكونج انتي ماعندج تليفون تخابرينهم شلوون يعرفون مكانج.
_ بس مبين مرتاحين بغيابي
مثياق/ مع مرور الوقت تعرفين كلشي لاتحكمين عليهم م̷ـــِْن هسه
مسحت ادموعي وهذول كامو واحد يدفر الثاني احس معركه صارت بيه
_بطني احترك ابوكم
مثياق/ هههههه خبالج
_ هففففف ميثاق ما يخلوني ارتاح ابد والله تعبت
مثياق/ اريد اتحسس حركتهم بس خاف ما تقبلين
_ لا عادي تعال اسمع حركتهم
مثياق/ خليت ايدي عل بطنه صدك يتحركون بحيث واحد يحس بالدفره اذا دفر هههههه.
_ بشر سمعتهم
مثياق/ احساس كلش حلوو والله
_ شيمك انته او انتم كلكم الزلم تحبلون تتنسون كل الضيم علينه احنه نربي ونتعب وتالي نطلع كلشي ماكووو.
مثياق/ بس التعب النه اكثرر.
_ بشنوو داده التعب الكم ?
مثياق/ اني اكلج نشتغل ونتعب وحر وصيف وشته وبرد المهم نجيب لكمه الكم.
_ هسه اضرب مثال عل نفسي اني لو ما لاكيه عمي وعمتي جنت اكدر اعيش وحدي وربيهم وشتغل وتعب واولد وكل هذا وبعدين يرجع الاسم الكم ابو افلان
مثياق/ اي لعد شلون
_واذا ما صار عده جهال صوج المره واذا سقطت صوج المره والوجع تتحمله المره كل هذا وما تارس عيونكم
مثياق/ يا كلمه رجعي لمكانج اسكتي اسكتي ندري بيجن
_ شمرت شالي لوره بغرور لا تندكون بينه تره احنه قاده البلد
مثياق/ خل اعفطلج عليج الله تعاي هههههه
_ ياااا ازعل بس اي انتو الزلم بدون النسوان كلشي ما تعرفون وما تسوون شي اعترف
مثياق/ والعكس صحيح انتو لنسوان بدونه ما تسون شي هااا.
_ الجدال وياك ضايع بس ارجع واكلك احنه النسوان كيدنه عظيم ديرو بالكم منه
مثياق/ انجبي وامشي خلي غده.
بحر بعناد/وهاي گعده كوم حضر الاكل هو جهاز جبته
مثياق/ امري الله اني احضره
_كام ويجيب يخلي عل الطاوله مالت الاكل سمج شوي وعصاير وليمون ولبن واني كاعده واباوع علي واتبسم
مثياق/ امر ثاني باباتي
_كالولك ما عدنه سنون ناكل بدون خبز الخبز وياك كمل شغلك كله لاتبقي ناقص
مثياق/ الطج راشدي هسه اكسرر سنونج ولله
_ امشي باباتي
مثياق/ مترئف بحالتج لان حامل وبطنج قروده جان عرفت شلون اتصرف وياج
_ فديت عل منو يطلعون غير عل خالهم.
ميثاق/ اكلي اكلي.
بلشنه ناكل وهو ياكل اتكول هو الحامل مو اني يمطك من اليمون
_ لا تسوي هيج اتگول وحده حامل باول شهر اله
مثياق/ اليمون حامض حيل والنوب وياها شطه حاره يممم.
بقينه ناكل اني وياه عمي وعمتي يباتون بكربله اخس بوحشه عليهم
_اتصلت عل عمو ادم ?
مثياق/ اي وصلو كربلاء
_انشالله مايرجعون خايبين. قصص وروايات عراقية
كملنه كمت غسلت وخليت جاي عل نار هو كمل وشال المواعين وخلاهم علئ السنك
_ صاير ربت بيت معدله عفيه
مثياق/ اعجبج لعد بالخارج منو ينضف ويغسل غيري
_صدك
مثياق/ والله اكثر سفراتي لدبي تمشين وياي اخليج تشوفين مناطق بعمرج ماشايفتهن.
_اشرت عل كرشي بهذا كرشي اطيح الطياره والركاب البيها.
مثياق/ههههههه وره الولاده يمعوده
_عندي مخططات هل كد تدري
مثياق/ مثلا
_ مثلا ااثث شقتي وغرفه جهالي امليه العاب واخلي الهم كل واحد سرير وحده وملابسهم هيج واشتغل اعيشهم احسن عيشه.
مثياق/ حلوو جاي تبنين مستقبل يعني
_اكيد بعد تعرف راح تصير عندي عائله
مثياق/ واني وياج خطوه بخطوه واساعدج بكلشي
_ لو. مو انتم اضيع وعلي
مثياق/ وياج وياج للموت
غسل هو مواعين ونضفنه المطبخ سوه صبيتله جاي شرب ضوجه هو اخذ لابتوبه وتمدد عل قنفه ويكلب بالابتوب الجوو كلش حار صيف وتموز بس بالشقه ما نحس لان سبالت طبيت لغرفتي نزعت شالي اختنكت منه
مثياق/نمتي بحره
_كاعده ليش.
مثياق/ طالع حبي ما اتاخر عليج خما تخافين لوحدج.
_ لا عادي براحتك
طلع من الغرفه نزعت ملابسي لبست كيمونه وبرموده الكيمونه صايره لنص بطني ربطت شعري عشوائي بقراصه بقه كذلتي واكعه افتريت بالستقبال شغلت البلازمه وكعدت عل فلم رعب جان طالع جديد
(البيت المسكون ) خلص وكمت نمت.
مثياق/ اجيت الغروب كلش الشقه اذا اذب بيه ابره ينسمع صوتها الضاهر نايمه.
……………
اسمر/ الولد ابد ما حاجوني حاولو يخففون عندي صح الي سويته غلط بس الندم ما يفيد بعد الشي الوحيد الي اريد اعرفه عايشه لو ميته هسه هاذه اكثرر شي شاغل بالي.
اكرم/ خليت ايدي عل جتفه لا تفكر ربك يحله
اسمر/ لا يسمعك احد ونبتلي
اكرم/محد يسمع
عون/ شنسمع ولكم
اكرم/ ماكو شي وين جنتو
فاضل/ موجودين وين انروح
عباس/ شكد بعد لدوره السنه
غالي/ احسك مو عل بعضك اسمر صار فتره صاير شي وياك
محمود/ تدري حته متغير مو اسمر قبل ضعفان وجوه عيونك سواد صاير مبين ماينام عدل.
اسمر/عادي من الشغل واجبات وسهر وصاير ماگدر انام بسرعه.
غصون/ اسويلكم شي يولد.
اكرم/ ياريت سوينه عصير بارد بلكي اسمر يهدئ باله ويرتاح.
غصون/ صار
ام عارف/ شبيك يماا اسمر هل ايام وضعك حيل ماعاجبني.
اسمر/ ماكو شي يوم لايضل بالج.
ام غالي/ من الفاتحه اتغير خاف انصاب بالعين
صمد/ عليمن عل جماله يا عمه شبيج شو اسمر عل مسما اسمر املح اجلح هههه.
هبه مرت عباس/ ياا شبي اسمر صح اسمر بس عين الله علي غير يخبل
عباس/ هااا هااا وين طلعتي بينه يابه علئ كيفج
هبه/ شكلت هسه اني
شجون/ مناكرات ما تخلص بهل بيت شوكت تسكتون
اسمر/ باجر رايح لبغداد اني
الكل/ خير شعندك
الجد/ شكو وين رايح
اسمر/ عندي واجب وحتمال اتاخر ما احضر دورت السنه وهم نفستي تعبانه اريد ارتاح.
صمد/ ماشي
ام عارف/ دير بالك يمه وخابرنه عود
اسمر/ انشالله
رجاء/ ما تاخذني وياك لبغداد ولله ضايجه
غالي/ انتي حته رايح للموت اتكليله اخذني وياك استجني
عباس/ عاط بيه غالي هل بت ما توب ابد خربت بيته بيده ولا تكعدت راحه. قصص وروايات عراقية
رجاء / هسه اني شگلت والله يالله.
………………
كعدت وره الغروب متكسره اتكسر نومت الغروب اتموت كمت توضيت وصليت قريت زياره عاشور بدلت هدومي وشالي وطلعت
مثياق/ صح النوم ياحلووو.
كمزت كمزه م̷ـــِْن صوته جنت خامله وامشي من حجه خوفني
_ يمته اجيت
مثياق/ من زمان وانتي مكضيتها تشوخرين
_ متعشي
مثياق/ جبت بيتزا تحبيه ?
_ ما ماكلتها بس نجربها ونشوف
ميثاق/ تعالي
گعدنه ناكل وعادي حته ما حجينه خلصنه هو راح لغرفته ينام واني فتت لغرفتي ما كدرت انام نايمه اهواي بقيت اتكلب منا ومنا لحد 2 بليل اله اخذت عيني نوم.
كفاح/ دخلنه للشقه لا حس ولا نفس ابد نايمين فتت عل بحر نايمه ومثياق هم
ادم/ نايمين
كفاح/ اي خليهم خطيه صبح نشوفهم.
سمعت طكطكه متت خوف شويه واجيب فتحت الباب عل كيف شفت عمو وعمتي ركضت لحضنه واني مشتاقتلها.
كفاح/ يروحي هلا ببنيتي
_الحمد الله عل سلامه زياره مقبوله انشالله
كفاح/ منه ومنج حبيبتي
ادم/ شلونج باباتي
_ زينه بشوفتكم ارتاحو
كفاح/ جبتلج شغلات بغرفتي حبيبتي متاكده راح يعجبنج.
_تسلمين يروحي
ادم/ مي اذا ما بيه زحمه بنيتي
_بعيوني
رحت بسرعه جبت مي ونطيتهم وهم گعد مثياق اجه اتكول طفل طفر عليهم يحضن بيهم ويبوسهم.
مثياق/ الحمد الله عل سلامه الحمد الله اجيتو جان اتعاركنه اني وهاي الخبله الخبله
_ بسم الله ؏ شنوو.
كفاح/ مناكركم ما يخلص راح افوت اسبح ونام تعبانه كلش
ادم/ واني هم يلا تصبحون علئ خير ارجعو ناموو.
هم نامو من التعب ومثياق هم راح لغرفته رجعت لغرفتي ونمت ثاني يوم اجاني ميثاق
مثياق/ اطلعج
_الله وين
مثياق/ كيفج وين ما تريدين نروح نغير جوو.
بحر/ نروح لمدينه العاب كلش احب اروح لهناك
مثياق/كومي لبسي وخلينه نروح.
اني سمعته گال البسي فرحت كلش كمت سبحت ولبست فستان ابيض كلوشه كلش حلوه بي ورد ازرك كبار من يم صدره حلوه مالت حوامل ولبست شالي وعبايتي وحذاء رياضي وسبحت نفسي بالعطر
مثياق/ الله الله هيج طلعين وياي.
_ اي لابسه عبايه
مثياق/ امشي يالله
طلعنه سويه صعدنه بالسياره اخذني لمدينه الالعاب وصلنه للمدينه كلش كلش حلوه نتشمه وهو لازم ايدي الي يشوفنه اكول متزوجين وشرط عن حب هههه
مثياق/ هاا اتونستي.
_ اي وباجر اتجيبنه اني وجهالي لهنا وتشترينه مصاص اربعه بربع كل واحد وحده
مثياق/ اتضل وحده لمنو ?
_ والعباس الي عبالك انطيكياها
مثياق/ هههههههههههاي تحجين صدك عود
_ والله شبيك
مثياق/ ادللي انتي وزعاطيطج شعدني غيركم بويه
بقينه نضحك ونمشي وهو يسولف وياي ما منتبه للطريق ونصدم بواحد من جماعته.
رعد/ العفو اخويه
مثياق/ رعد هاذه انته ?
رعد/ لا شهل صدفه يكوا*** ولك شعندك هنااا.
مثياق/ لسانك لسانك مشاء الله اسمر ساهر اشرف سامر بس اني ناسني كواو***
ساهر/ حياك مثياق شلونك ضلع
مثياق/ الحمد الله وانته شلونك شخبارك
رعد/ شخبارك شو اختفيت فد مره صاير قليل نشوفك.
مثياق/ بهل دنيا وشغل تدري
سامر/ لا هاي ما مقبوله منك متزوج وما اتگول لجماعتك عرفتك نذل بس موو هيج ماناكل هواي حنه شمالك ههههه
مثياق/ هههههه لا مو زوجتي هاي
يباوع عليه ويضحك ابستمت اني ونزلت راسي
اسمر/ جنت مبتعد عنهم مسافه اجيت يمهم اول ما سلمت علي انتبهت للبنيه سبحان الخالق بس شايفه وين ما ادري الخشم جاي اتكول قلم لو الشفايف اتكول كرز البياض سبحان الخالق حلووه حييل حلووه.
_واحد من جماعه ميثاق اكلني اكل بعيونه الله يستر حته اتوترت من يمهه
مثياق/ اي شخباركم انتو يا ناكرين المعروف
رعد/ وين نكرنه ابن *** اخ منك يلساني لو ما البنيه موجوده وياك جان عرفت شلون احجي
اسمر/ هو وصلت وصلت احجي عرفها مايحتاج تكمل.
سامر/ احترما للنساء غير هههه
اسمر/ كل ما اشيل عيني عنه ارجع وغمض عيوني احسه هيه نفسه البنيه كلبي يكلي هيج ليش حاس هيه هاي ?
يسولفون واني لازمه ذراع مثياق شفت رجال يبيع موطه كبوس هههه بهاي العربانه هديت ايدي من مثياق ودرت وجهي اريد اروح اشتري لزم ايدي ميثاق.
مثياق/ وين ?
رعد/ خليه شبيك مقيدها
_هسه اجي اريد اشتري ماطول عليك
سامر/ما اضيع يمك عيني
مثياق/ ما تندل اتضيع وشوف الكروشها تكول طوبه خاف تعثر وتفضحنه.
_ ضربته عل ايده جهالي لا تعيب عليهم
رعد/ جهالي ?
خليت ورحت اشتريت وعين الولد ما فاركتني ابد احس عيونه مثل اليزر صارت عليه مدري شبيه.
اسمر/ جماله جماله اريد اشبع من عيونه البنفسجي اتذكرت شايفه بالعماره بالمدرسه شوصلها لهنا وحبله حسيت عقلي راح يطك يربط شي بشي ولله شايف هل بنيه.#ڪــڔٰا̍ڕ
مثياق/ اسمر شبيك متغير وضعفان شصاير بيك يولي.
اسمر/ لا ماكو شي شغل وتعب
بحر/ اشتريت ورجعت يمهم بس ارجع ما اعرف اكل وحدي اشتريت الهم كلهم.
الولد/ شكد عموو
بحر/ 6 عموو
الولد/ حاضر
انطاني الموطه اخذتها ورحت الهم انطيتهم لمثياق انطيهن لجماعته.
مثياق/ معزبه مو بيدج.
رعد/ ما جان اكو داعي عمي كلفناج
_لا تدلل عمو والجو حار بالعافيه
مثياق/ انطتهم الهم راحت هيه يم الحديقه تتباوع عل جهال الي تلعب.
رحت اتمشه اباوع علئ جهال تلعب شحلاتهم واني اتخيل جهالي يمي كلهم يلعبون ويجيبهم اهنا واكل بالموطه مالتي.
اسمر/ احم مثياق اگدر اسألك سؤال
مثياق/كول جواب
اسمر/ البت هاي بغداديه لو منين. ?
مثياق/ ليش تسأل.
اسمر/ مجرد سوال بس هيج اريد اعرف لأن ولامره شايفها وياك.
مثياق/ اي منا صديقتي واختي اتصير اقارب عمي ادم وطالعين سويه.
اسمر/ هزيت راسي وسكتت بقيت مشوش اريد افهم راسي من رجليه البت حسيته دخلت كلبي واني استغفر الله شلون افكر بيه وهيه حامل اكيد متزوجه بس ما لابسه حلقه اوووف ربي اووووف اريد اهدئ من التفكير شويه عقلي احسه موو الي.
بقيت اتمشه واباوع عليهم درت وجهي علئ مثياق لگيتهم كاعدين عل مسطبات بالحديقه ويسولفون سويه.
رعد بهمس/ شبيك اسمر البت زرفته عيب شيل عينك منهاا.
اسمر/ رعد ما اعرف احس اعرف هل بت هاي عقلي ما جاي يجمع كلشي مستحيل تكون صدفه اكوو شي وراها اني شايفها بس مدري وين.
مثياق/ شبيكم تتهامسون.
اسمر/ بس جاوبني وين لگيت هاي البت ?
مثياق/ضوجني بسألته كل شويه وكال البُـنًتٍ اجيت احجي وسمعت صيحه بحر لو جمد كل دمي جسمي درت وجهي عليها.
واكفه وبقيت كل شويه اخذ نضره خاف يعوفني ويروحون حسيت بوجع قليل عندي بس حسبالي تقلصات سكتت شويه وصارت عندي دفعه قويه وشي دافي سال من ملابسي الداخليه لحد كعب رجلي بسرعه رفعت فستاني اتخبلت من شفته دم وراها دفعه قويه وجع متت صحت بصوت واحد رجع المنتزه
_ مييييثثثثثثااااااق
مثياق/ ركضه كلنه عليه حته الولد شبيج شبيج بحررر
بحر/ دم دم جهالي مثياق جهالي ساعدني فدووووه راااح اموووت.
مثياق/ انخبصت خبص ما اعرف شسوي احس اديه صارت تتراجف.
رعد/ شكد الج بابا.
بحر بخوف/ 15 يوم بـ ثامن.
مثياق/ شسوي شسوي فهموووني راح تموت بيدي.
بحر/ اااااااخخخخخ مثياق .........
