رواية ابي عذابي ومأساتي الفصل الحادي عشر بقلم سمر اسامه
كاعده ب غرفه ولضلام محاوطني. ولوجع الي بجسمي مينحمل. احس روحي. تطلع مِڼـّي.
راسي وبطني. وكل جسمي ياذيني. مارحمو بحالي. اذوني. كلش.
كنت متمدده علئ السرير ودموعي. تشكي. حالي. انفتح الباب وغمضت عيوني بقهر حته يمايضربوني وعبالهم نايمه.
فتحت عيني بطئ شفتها. نوال بنت كريمه جايبتلي. ريوك.
تقربت مِڼـّي. وضربتني علئ كتفي عود تكعدني الحقيره. هيه هم مثلهم. حقيره.
فزيت م̷ـــِْن مكاني وحجيت بعصبيه وثوول ماتعرفين تكعديني بهدوئ.
ضحكت وكعدت علئ الكرسي وجاوبت. ثول يثولج. والله وفوك سوايتها. الها عين وتحجي. والله لْـۆ اني مكان عصام. ادفنج وانتي. عايشه.
رديت. عليها. بضحكه. لا والله. وانتي شنو جايه تحاسبيني. يلا براا ماريد اشوف خلقتج. طفله ولسانها اطول. منها بس حقج امج منو
تطفرت عليه تريد تضربني بس لزمت ايدها ولويتها وهيه بقت تصرخ. وتصيح.
رديت عليها والله اكسرها الج. وخليها كلاده بركبتج. والله عايزه. مابقي. لاه انتي تضربيني.
دفعتها وكعتها علئ الارض وانزلت م̷ـــِْن السرير. بهدوء
رفعت اصبع تهديد. وحجيت بصوت غضب.
شوفي نوال. اذا شفتج مره ثانيه رافعه ايدج عليه قسما بذات الله. اله اكسرج تكسير.
عادي يضربوني. المهم اكسر سنونج بحلكج.
بقت تصرخ وتعيط. التمو كلهم ب غرفه اني بقيت ارجف. م̷ـــِْن الخوف.
بس. الحمدالله عصام وابوي مموجودين ب بيت جانو كسروني تكسر.
اجاها. اخوها كاظم. لزمها وشالها م̷ـــِْن الارض وهيه تبجي. وتتمسكن. سالها شبيج ليش تبجين.
جاوبته. بحزن ودموع. شوف خويه شوف. شهد ضربتني ولوت ايدي جان كسرتها. وتكول ماخاف م̷ـــِْن اكبر واحد بيكم
فوك ماجبتلها الاكل. مانه علينه وبقت تضربني وتسب بأمي. تكول مَآعِرَفتّ تربيج.
فتحت عيوني علئ. جرئتها وشلون تكذب ب وجهه
رديت عليها ولج ليش تجذبين اني يمته غلطت هيج
اشو انتي هديتي عليه للغرفه وتريدين اخواني يدفنوني واني عايشه.
ضربني. هشام راجدي علئ وجهي بقوه وكعني علئ السرير. خليت راسي علئ السرير وبقيت ابجي بصمت
بقه. كاظم يغلط ويسب. اخر شي سب امي. وكال. امج. الي مَآعِرَفتّ تربيجن ياكح.... ياعاررررت.
شلت راسي م̷ـــِْن السرير ورديت عليه بغضب. خااب تروح فدوه لتراب امي. انت العااار. اطلع برااااا
تهجم عليه وكسرني تكسر م̷ـــِْن الضرب وهشام ولارفله جفن ولامد ايده ودافع عن اخته.
عافوني. وطلعو. بقيت ابجي بصوت مسموع.
والي يسمع انيني والوجع الي بيه والله حته لكلبه حجر هم يحن عليه.
بقيت ابجي ساعات. لاحد ماحسيت وجع قاتل بطني. مثل سجينه. بقيت اتلوه م̷ـــِْن الوجع. وكلبي احسه يريد يطلع.
م̷ـــِْن مكانه. بقيت ابجي. طلعت برا. وشفت عصام وابوي. موجودين ب صاله.
رحت. اتعثر بخطواتي وكعت كدامهم واني. اتقيئ واتلوئ م̷ـــِْن الوجع الي بطني.
ابوي بقه بس صافن. وعصام شالني م̷ـــِْن الارض بقوه وزمجر بوجهي وصاح. شبيج.
صرت ماكدر افتح عيوني. بس اهمس بوجع. بطني بطني. راح. اموت. والله. يمه وينج عني.
ابوي كله. اخذها للمستشفئ. وشوف شبيها. ليش حالتها هيج.
رد عليه عصام ختولي. خليها تموت. ماتشرف بيها اختي. نزلت راسنه. وماهتمت. وهسه تريد اهتم لوضعها.
لزمته م̷ـــِْن قميصه بقوه. وعيوني. تطلع منها نار. ودموع تتناثر. علئ خدودي.
صحت بصوت عالي. حرررام عليكم. راح اموت. بطني. والله. انتو. تتحملون. ضنبي. مراح. اغفرلكم.
دفعني بقوه ورفع اصبع تهديد. وزمجر بوجهي. شوف لج. اخر م̷ـــِْن يتكلم انتي. ماريد اسمع صوتج.
عافوني. مثل الجلب. ب صاله اتلوه م̷ـــِْن الوجع. فقدت. وماحسيت علئ شي بعد. كلشي ضلم بوجهي.
................................................................
ساره.
صار. يومين. علئ. السالفه الي صارت وليوم جابر. يطلع. م̷ـــِْن المستشفئ. بس لسه ميكدر يمشي. عدل
لان ضربه بضهره بس مو قويه.
طلعناه م̷ـــِْن المستشفئ. للبيت وهو كان. كاعد علئ نار.
كل شويه وخابر علئ. الشرطه ولضباط ولعشاير. يريد بس. يطلع ويروح لمرته.
خايف عليها كلش. وخصوصا م̷ـــِْن عرف بيها حامل تخبل فد مره.
حجيت بكلبي. هاذه الحب الحقيقي. هاذه الخوف علئ الحبيب. شفت اخوي شلوون كلبه مكسور علئ مرته
وهو الي مكان شي يهزه. ولايخلي ينكسر كان مثل الجبل الي ماتهزه ريح.
وصلنه البيت وخذناه للغرفه يرتاح شويه.
بقينه. شويه وصلت العشاير ولناس لتمت. علينه.
كعدت ب ديوان. وراح كعد وياهم عمي وهيثم. وحته خالي. اجه علينه م̷ـــِْن عرف جابر متصاوب.
الكل كان خايف علئ جابر م̷ـــِْن الضربه.
طلع هيثم وكلي اصعدي. لجابر خلي ينزل. يريدو. بسرعه.
صعدت عليه. لكيته. متمدد علئ السرير وعيوني. تتامل الغرفه. وكانو بكلبه. نارر مشتغله.
فتحت الباب وهو بسرعه شال نضره عليه وهمس بوجع. هاا ساره.
كعدت يمه وخليت ايدي علئ راسه. وحجيت جابر. الكل. موجود تحت. لازم تنزل يريدوك
رد عليه ساعديني اكوم. لزمت كتفه وساعدته يكوم كانت حركته صعبه شويه. وهو. ضخم.
نزل وراح عليهم بصعوبه. دخل وياهم.
رحت. اسمع علئ حديثهم م̷ـــِْن الباب. سمعت الكل تحمداله ب سلامه.
وهو رد عليهم الله يسلمكم الله يخليكم مشكورين متقصورن.
رد عليه رجال. بويه جابر. الي صار. مو شويه. وهمه لازم. يحولون عدنه مو احنه نروح عليهم.
لان احنه الي تعرضنه للاذئ.
جاوبه جابر. عمي. صح احنه المتأذين بس. مرتي عدهم هسه.
اني مرايح احول عدهم لا ب عكس رايح اطلع مرتي م̷ـــِْن عدهم بكرامه. ولاه اني. اكدر اطلعها ب كوه وكدام عيونهم
بس اكول مهما يصير يبقون اهلها. ولازم احترمهم.
لذالك. دزيت عليكم. حته تروحون ويايه. ناخذها منهم
ومال اسكت عن حقي. هاذه بسابع المستحيلات. اني. هسه. مجاي. اداوم وتاذت حالتي. ماكدر امشي بسهوله
وكله بسببهم. راح ارفع قضيه عليهم. بتهمت. اطلاق النار علئ منتسب حكومي. وختطاف مرته م̷ـــِْن البيت
اله اخليهم يعفنون ب سجن. بس ب اول اريد اسايسهم. واخليهم. ينطوني مرتي. خايف. تتاذه اكثر منهم
جاوبه رجال. بويه ترا يبقون اهلها مراح يأذوها اكيد
ماكو داعي لهاذه الخوف كله. وحالتك لسه موزينه. خلينه ننتضر كم يوم.
جاوبه جابر. لا عمي انت متعرفهم زين هذولي وحوش مو بشر. انت. لْـۆ تسال امي. شلون. ضابيها ب بيت
هاي كدام العالم هيج. بيتهم الله اعلم. شسو بيها.
جاوبه رجال ثاني. هسه شنو لمطلوب نسوي. نروح عليهم. لوحدنه لْـۆ انت تروح ويانه.
جاوبه هيثم لا عمي كلنه نروح. سويه. واحنه ناخذ حكنه بدينه مايحتاج. تروحون بدالنه احنه وياكم نروح
رد عليهم جابر. اروح وياكم. حضرو نفسكم ليوم بليل نتوجهه الانبار.
رد عليه رجال. جبير. انت تندل بيتهم. لْـۆ بس ب انبار تعرفهم.
جاوبه لا اندلهم. انتو بس جهزو نفسكم ولباقي عليه
طلعت الناس. وجابر. كعد ب صاله. تمدد شويه يرتاح ميكدر يبقه كاعد لفترا طويله م̷ـــِْن ضهره.
كعد يمه عمي وهيثم وصارو يحجون بيناتهم. بكلام ممسموع. شويه وصاح عليه عمي.
رحت عليه كلي سوي لجابر اكل. خلي يغذي جسمه تعبان كلش.
رحت سويت اكل. وانطيته الامي. صارت توكل بيه وهيه تبجي. كل لكمه. تحطها بحلكه. توكع دموعها.
لزم ايدها جابر وباسها وهمس بتعب. كافي يمه ترا م̷ـــِْن غير شي روحي طالعه لاتزيديها عليه فدوه اروحلج.
مسحت دموعها. وجاوبت يمه شوف حالك شلون صرت كله. م̷ـــِْن هاذه زواجك. دمرت حياتك بيدك.
رجع. لزم ايدها. وهمس. اني. مرتاح بزواجي م̷ـــِْن شهد. احسها بس هيه الي داوي. جروح الي بكلبي.
شنو ذنبها اذا كانت الحياة. معاكستها ومسدوده بوجهاا اريد اكون سندها. اريدها تحس. ب امان م̷ـــِْن اكون وياها.
اني واعدها انو ماتخلئ عنها لْـۆ مهمئ يصير. لازم اتحمل الي ديصير لخاطر عيونها
داحس هسه يهيه. تنتضرني. منتضره يمته ارجعلها. اعرفها جاي تمر بأيام صعبه.
بس اني. لْـۆ مالوجع مسيطر علئ جسمي جان م̷ـــِْن زمان رجعتها. بس. شسوي مابيدي شي.
مسحت علئ راسه وجاوبت اي يمه رجعها. خطيه كانت كل الوقت تبجي. وتستنجد بيك.
جاوبها. اكيد يمه. وهسه رايح. شويه ارتاح حته نطلع بليل. ونشوف حل.
عافنه وصعد للغرفه ينام.
صارت تقريبا ساعه ب 6 العصر الكل اجتمع بيتنه ولكل. راح وياهم جابر وهيثم.
بقيت ادعي. ربي. يسهل عليهم وماتصير مشاكل وترجع شهد بسلامه وماكو اي اضرار.
...............................................................
شهد.
مر يومين. علئ. رجوعي. الاهلي بس احسه سنين. لان بعيده عن جابر. مَآعِرَفتّ
شنو صار وياها حالته شلونها.
اني. ب نسبه الي الوجع الي بطني. قاتل لاكل ولاشرب منه. احس مثل سجينه بيه.
كل ساعه تمر عليه احسها سنين. دموعي مانشفت ابد.طول الوقت ابجي وادعي. ربي ياخذ حقي منهم
كنت كاعده اصلي. ودموعي تشكي. حالي. ومأساتي. بهاذه البيت.
كانت الساعه ب 7 بليل.
اجتي كريمه. ورافعه خشمها. دخلت ب غرفه شافتني اصلي بقت واكفه تريدني اكمل. ماعرف شتريد مِڼـّي
كملت صلاتي. وباوعت عليها بقهر. وعيوني مورمه شكلي صاير. مثل المهرج. وجهي كله مشوه وصاير الون م̷ـــِْن الضرب.
باوعت عليه ورفعت حاجبها. وحجيت. كومي. يريدج ابوج تحت. مسويه روٰحها مؤمنه وهيه ماطيع اهلها
والله يالله. لْـۆ ماتصلين احسلج.
مارديت عليها ونزلت. للصاله. الكل كاعد وحاد سنونه عليه.
كعدت. ب صاله وعيوني. ع ارض. ماريد اشوفهم صرت اكرهم كلش. حقدت عليهم.
حجت ابوي. شهد. تريديني. ارضه عليج. وبعد ماضربج مو.
شلت عيوني عليه وجاوبت. بعديش. بعد ماكسرتو. كل ضلوعي.
زمجر بصوت غاضب. انجبي وحجي عدل لاكسر سنونج.
شوفي لج. باجر صبح اخذج للمحكمه. توقعين اوراق الطلاق وندزهم. لزوجج المحترم.
حته بس تطلكين. ازوجج لجاسم. هاذه. ابن عمج فوك عملتج السوده. وصخام وجهه وهوه متقبلج.
وبعده لسه يريدج تكونين مرته.
باوعت علئ بابا بغضب وحجيت بصوت عالي. مستحيل. مستحيل اطلق لْـۆ تموتوني. وتذبحوني ماوقع.
مستحيل اتزوج جاسم لْـۆ يبقه اخر الكائنات ماتزوج منه. باحلامه اوافق عليه.
طفر عليه عصام وضربني. راجدي علئ وجهي. لزمت خدي بوجع وصحت بوجهه.
اااخ. انشالله كسر بيدك. انشالله تموت وارتاح منك.
لزمني م̷ـــِْن شعري وصاح يحجي بصوت غاضب
تدعين عليه ولج. طلعتي. وحده. صاقط.... وكح...
تدعين علئ اخوج. وبدون خجل ياعار.
دفعته وكفت علئ رجليه وصحت بوجهه اني ماعندي خوووان ماعندي. اكرررررهكم. كلكم. • ﺂكـٰرهكم.
الله ياخذني. انشالله ورتاح م̷ـــِْن ضلمكم الي. وحقدكم. ليش دسوون بيه هيج. حته. اعداكم ماضلمتوهم مثلي
صرت اضرب عصام علئ صدره بقوه وعيوني كلها دموع. واصيح. بشنووو امي وصتك بشنووو
مو كلتلك دير بالك علئ اخواتك. ويييين وصيت امي الك. ليش جاي تعذبتي. ودمر حياتي بيدك.
صح اني نهزمت وهل شي. غلط بس ترا مانهزمت منكم. لاه واني. جزعت متت م̷ـــِْن هل ضلم م̷ـــِْن هل كراهيه.
ماعرف ليش حاقدين عليه. ماعرف شسويتلكم اني
رحت علئ ابوي واني ابجي واشر علئ نفسي. اني اني بنتك اذا ناسي. ياشيخ عگاب.
اني م̷ـــِْن دمك ولحمك. ليش حاقد عليه ليش ماعندك رحمه. وين. دور الاب. انت مو اب انت ضاااالم. ضااالم
وكف وضربني علئ رجلي ب عوجيه. وكعت م̷ـــِْن طولي وبقيت ابجي بصوت مسموع.
زمجر بصوت عالي. وصاح باجر غصبن. عليج تطلكين. وتزوجين جاسم. اني. انطيت كلمه. وكلمتي ماتصير ثنين. سمعتي.
بقيت ابجي واني. كاعده علئ الارض.
اجه. هشام. يركض. وصاح يابه. اجتنه ناس وشيوخ ماعرف منو
تعال بسرعه. وصلو البيت.
عافني ابوي. وراح للديوان. واني بقيت. واكعه علئ الارض وابجي.
صار العياط ولحجي العالي. ولغلط ولمسبه
سمعت صوته الي يشافي كل جرح بيه سمعت صوت جابر وهو يصيح.
والله مرتي. اخذها. وغصبن علئ كل واحد اذا ماتنطوها اطلعها ب قانون. غصبن عليكم.
وعصام يصيح مالك مَـرّھٌ عدنه. انت ماخذها وضاحك عليها. ومن باجر طلكها غصبن عليك.
صار الحجي عالي. اخر شي كعدو ب ديوان وبعدها الزلم. تحجي.
رحت. اركض اريد اشوف جابر. كلبي نار صاير. عليه.
شفت. دم نزل م̷ـــِْن رجليه بقوه وبعد ماسيطرت علئ نفسي. وكعت م̷ـــِْن طولي.
وصرت اصرخ بصوت عالي. احس روحي. جاي تطلع م̷ـــِْن جسدي.
طلع عصام. عباله اريدهم يطلعون يريد يسكتني. شاف حالتي. كلش. تعبانه ولدم مغطي كل جسمي.
وجسمي كله يرجف واصرخ. عبالك اسكر سكرات الموت. تعبت كلش تعبت.
تقرب مِڼـّي وهو يهزني. بقوه ويصيح شبيج احجي.
شنو هاذه الدم.
شفت جابر. طلع يركض. دفع عصام وحضني بين اديه وهو يضرب علئ خدي ويصيح. شهد شهد حبيبتي احجي.
شنو هاذه الدم شبيج شهددد شهدد
مكدرت احجي. بس افتح عيوني ورجع اغمض. ولوجع قاتل.
فقدت وماحسيت علئ شي بس اسمع صوتهم وهمه يغلطون ويحجون. بس ماركز علئ كلامهم م̷ـــِْن الدوخه.
فتحت. عيوني بصعوبه وشفت نفسي ب مستشفئ.
وجابر. كاعد يمي. ب غرفه.
ومخلي اديه علئ. جبينه. وهو ضايج ولقهر مبين علئ ملامح وجهه
همست بتعب وقهر. ج ءجابر.
هو بسرعه. شال عيونه عليه وتقرب مِڼـّي وهو يمسح بدموعي. ويرد.
هاا يروح جابر اني اجيتج لاتخافين م̷ـــِْن شي. راح اخذج منهم الاتخافين م̷ـــِْن شي
والله اله اندمهم علئ الي سوو وياج واطلع حق ابني م̷ـــِْن عيونهم.
لزمت جابر م̷ـــِْن ايده بقوه وصرخت. شنووو يعني. شنووو ابني ماااات. مااات.
مسح دموعي. ورد. لاسف.
بقيت اصرخ. واملخ بشعري. واني اشهك واحس روحي تطلع بكل شهكه
لزمني م̷ـــِْن راسي. وضمني الصدره وهو يهدي بيه ويرد اششش. كلشي يتعوض لاتبجين. والله دموعج. تموتني
دفنت وجهي بصدره وصرخت. م̷ـــِْن الام والقهر الي بداخلي. م̷ـــِْن ضلم اهلي الي. ابجي علئ ضيمي ابجي علئ ابني الي قتلو اهلي الضالمين.
بقيت ابجي. واحس. الاحبال الصوتيه. تكطعت كد ماصرخت. صرخاتي وصلت الاخر المستشفئ.
فقدت صرت ماحس. علئ شي بس اصرخ. وجسمي كله يرعش. ماحس علئ شي.
وجابر بس حاضني ويهدي بيه. ويردني بس اسكت
دخلت دكتورات تركض. طلعو جابر مِڼـّي.
وانطوني. مهدئ. بقيت شويه. وفقدت. وماحسيت علئ شي. بعد.
بهذيج الحضه. نهارت اعصابي كلش. كرهت اهلي بشكل موطبيعي. خلوني اخسر ابني.
ماكدرت. احافض علئ ابني. م̷ـــِْن ضلمهم. هاذه. الشخص 3 الي يروح م̷ـــِْن ايدي بسبب اهلي. بسبب ضلمهم.
ماعرف ليش. الحياة معاكستني. وضالمه بوجهي. ماعرف ليش هيج جاي انضلم واتحاسب.
شنو الغلط الي سويته بحياتي حته. هيج اتعذب
فتحت عيوني. بتعب. واحس مثل. الرمل. موجود بيهم
كانت الدكتوره. واكفه. تعلگ مغذي الي.
همست بتعب. اابني. دكتوره اابني مات
ركزت بعيوني ثواني. وجاوبت. اي. الاسف الطفل وكع
وقبل شويه طلعناج م̷ـــِْن العمليات.
وهسه لآزٍمٍ ترتاحين وماتقهرين نفسج لان هاذه الشي راح يأثر علئ صحتج.
بقيت ابجي بصمت. وماعرفت شسوي. املخ روحي. اموتها. وشنو استفاد.
اريد حق ابني. اريد انتقم منهم. ماريدهم بعد كرهتهم كلش. طلعو م̷ـــِْن عيني.
كله بسبب الضرب الي اخذته ولرفسات الي حصلتها علئ بطني.
همست بوجع. اسفه يماما. كله بسببي. اني مَآعِرَفتّ احافض عليك.
ماعرفت ادافع عنك. خليتهم. يقتلوك بدم بارد.
طلعت الدكتوره. ودخل. جابر وهيثم. وعمهم للغرفه.
اني كنت ماكدر اتحرك. الوجع. قاتل. حاولت احرك نفسي. واكعد. لان اخجل م̷ـــِْن عم. جابر.
جابر كان مبين عليه الوجع. وهو مصوب بس لخاطري جاي. لزمه هيثم م̷ـــِْن ايده وكعده علئ الكرسي.
تقرب مِڼـّي. عم جابر ومسح علئ راسي. بلطف وهمس الحمدالله علئ سلامتج بويه.
نزلت دموعي. وماكدر ارد. احس. مأساتي كلها. تطلع م̷ـــِْن يلفض كلمت بويه.
مسح دموعي. وحجه. لاتبجين. مادام عمج. عايش وخشمه. يشتم الهوئ. ماسمح. لاي شخص. يتعرضلج بعد.
بس. ترتاح نفسيتج. راح. ناخذج ويانه غصبن عليهم.
لزمت ايده وبجيت بصوت مسموع. اخذوني. عمو اخذوني وياكم.
تعبت منهم تعبت. كررررهتهم. كلش.
ومراح اسكت عن حق ابني. كلهم. ينسجنون. وماقبل. بغير شي.
ماتت اختي وامي وسكتت بس هل مره بعد ماسكت ولاخليهم. يستحقروني اكثر. قصص وروايات عراقية
حجه هيثم بصوت غاضب والله اله اسحلهم كلهم للسجن. وهسه تنطين اقوالج. للمحامي.
ونرفع عليهم قضيه. ونشمرهم كلهم ب سجن. حته مايفكرون. انو انتي. ضعيفه ومالج احد.
مستحيل. اتخيل. اهل هيج ماعدهم ضمير. شنو وين عايشين. والله. لْـۆ عدوي ماجرم. بيه هيج.
وجهج صاير خريطه. ابنكم. راح. اريدج تحجين كلشي صار وياج. للمحامي.
هزيت راسي بأي. ودموعي تنزل واحس شهكات. يطلع كلبي. بيها. باوعت علئ جابر ماحجه ولاكلمه.
وبس ساكت. ومصدوم بحالتي. وشلون صايره.
طلع هيثم وعمه م̷ـــِْن الغرفه.
مديت ايدي علئ جابر اريده يتقرب مِڼـّي اريد اشكي همومي. بحضنه اريده ينسيني الي صار.
وكف بصعوبه. ولوجع. الي بيه احسه. بكلبي يسعر.
تقرب مِڼـّي وخله. راسه علئ راسي.
صرت اشهك وابجي بصمت. واني اتأمل عيونه.
حسيت بعيونه. دموع. وقهر.
حضني وخله راسي علئ صدره وعصرني عليه بقوه
لزمته م̷ـــِْن قميصه وبقيت بس ابجي واكانو اريد افتح.
صدره واتخبئ بيه ماريد اطلع منه.
همس بتعب. اششش كافي. والله. راح اخليهم يتندمون
جبتج للمستشفئ. وماخليت جلب منهم يدخل. خليت شرطه دايره علئ. كل المستشفئ. ماريدج تخافين بعد
م̷ـــِْن الًيَوُمًِ انتي حره. راح تتحررين م̷ـــِْن ضلم اهلج راح. تكونين بنتي ومرتي. وحبيبتي.
ماريد اشوف دموعج. م̷ـــِْن الًيَوُمًِ اريد اشوف شهد لقويه الي تحارب الكل علئ جابر.
مثل ماني حاربت عليج اريدج تحاربين عليه اريد اشوف مدا حبج الي.
باوعت عليه وعيوني كلها دموع وجاوبت اني مومثلك جابر. اني. بنت ضعيفه. اتقوه بيك والله.
لْـۆ مو انت ويايه الله اعلم بحالي. تحملت الضرب ولقهر. ولله ليلي كله. مانام م̷ـــِْن الوجع الي بجسمي.
بس ماستسلمت وكلت ماعوفك مكسور مِڼـّي. مراح اخليك تخسرني ولاني آخسّـرك.
شهكت وبجيت بصوت مسموع. كءان هنا بطني ابنك
هنا. كان ابنه. ثمرت حبنه. بس بسببهم مات
كنت م̷ـــِْن اخاف. الزم بطني. واطمن نفسي بيه واتخيلك. يمي. وتحميني منهم.
بس. ماكدرت احافض علئ ابنه ماكدرت. سامحني جابر. سامحني. ماكدرت. والله. ضربوني واذوني كلش
ولاعبالك بشر كدامهم. والله. ماتمنئ حالتي. للعدو.
باس راسي. بقهر وهمس. اطلع هل قهر ولوجع الي عشتي كله. بس اصبري عليه
قسما اذا ماخليتهم. يعضو اصابع ندم. فلاطلع. جابر.
اني. ضابط جابر. يضربون مرتي ويضربوني طلقه.
وسفه وسفه. اذا ماطلعت حكي م̷ـــِْن خشومهم.
بقيت. حاضنته شويه وبعدت راسي. ومسحت دموعي
وحجيت. شلون صار جرحك. بعده ياذيك.
جاوبني. لاتخافين. اني. زين بس م̷ـــِْن اتحرك هوايه احس الجرح. ينفتح.
لزمت ايده وطلبت منه يكعد. قرب الكرسي قرب علئ السرير وكعد يمي ولزم ايدي.
همست بوجع. متعرف شصار بيه م̷ـــِْن وكعت. احس روحي طلعت. م̷ـــِْن جسدي.
مخلوني. اتقرب منك ولاطمن. الشكر للدكتوره طلبت منها تنطيني جهاز. واتصلت عليك لان بوقتها والله ماتنوصف حالتي.
خفت اخسرك كلش خفت. لان اذا صارلك شي بسببي والله اموت وراك.
لزم ايدي وباسها بحب ورد. لاتخافين م̷ـــِْن شي اني زين وصحتي. تمام. زوجج. ذيب مايموت بسرعه
اني. كنت متصاوب وحالتي تعبانه وافكر بيج شراح يسوولج.
اريد اسالج سؤال وجاوبيني. بصراحه.
رديت عليه اي جاوب.
كلي. ليش اهلج هل كد ضالمين عليكم. شنو سبب. يعني. ماكو شخص يضلم بنته هل شكل. اريد اعرف ليش هل كراهيه.
همست بتعب. شوف جابر. احنه عدنه. ماكو قيمه للبنت. ابد. كانت امي كلش تعاني م̷ـــِْن هل موضوع.
للعلم هيه كانت مرت ابوي بس ولايوم عاشت وياه. يوم حلو. خلصتها كله قهر. بقهر.
اخر شي بابا تزوج علئ امي. وامي تمرضت. بقينه بس اني وسهئ نهتم بيها. اخواني. هم. حاقدين ماعرف شبيهم.
صح كانو يحبون امي بس ولايوم عارضو بابا بشي ومن تزوج ولاشخص بيهم. كله لا.
المهم اختي سهئ كانت تحب واحد. ماعرف وين متعرفه عليه بس شنو حب م̷ـــِْن الطفوله. يعني تقريبا. كان عمرها. 16 تحبه لاحد ماصار 22 وهيه تحبه
يوم عرفو اهلي هيه تحب واحد ضربوها واذوها كلش. مثل شكلي هسه تماما
طلعوني م̷ـــِْن المدرسه وهيه هم حرموها م̷ـــِْن المدرسه وماخلوها تتعلم شي.
حرموها م̷ـــِْن طلعت البيت. لباب البيت ماتطلع. وهيه كانت من النوع الضعيف ولخايف وماترد علئ اي واحد م̷ـــِْن يغلط ويسب
تبقه بس تبجي.
اخر شي طلعت حامل. وماعرفت شلون. وين صار هل شي. وهيه اصلا متطلع.
تنهد جابر وحجه يعني اختج كانت حامل م̷ـــِْن حبيبها
جاوبته اي كانت حامل.
بوقتها كانت كلش خايفه وترجف وطلبت من عندي اساعدها بس اني مَآعِرَفتّ شسوي بقيت اهدي بيها واريدها تحجيلي
بس هيه كانت بوضع كلش صعب وماحجت شي.
بوقتها اجو علينه بيت عمي وطلبو ايد سهئ لجاسم النذل.
طلعت كولتلها عن الموضوع ويه رفضت وبقت تبجي وتشهك. م̷ـــِْن التعب.
عفتها ورحت لغرفتي ولصبح كعدنه وهيه ماكو صعدت اطمن عليها وشفتها. شفتها.
خليت ايدي علئ وجهي وصرت ابجي بوجع. قاتل
همست م̷ـــِْن بين دموعي شفتها جابر شفت اختي وصديقتي وامي. شانقه روحها
وجها صاير ازرك م̷ـــِْن الخنكه. المضهر مجاي يطلع م̷ـــِْن بالي. كل ماحاول انسه الي صار. ترجعلي مأساتي.
وبعد فترا علئ وفات اختي. اجو بيت عمي يريدون يخطبوني. لجاسم. وهو. الحقير. يباوعلي بنضرات. حقيره ومستفزه.
بوقتها. قررت انهزم وعوف كلشي ورايه ومافكرت شراح يصير بيه.
كنت. عارفه انو راح. يصير هاذه اليوم وكل ماتذكر. اهلي اخاف وانرعب. كلش
عرفت ليش. نهزمت وهمه ليش يكرهوني. كله ع مود تقاليدهم وقيمهم. عدهم المره مالها كلمه ابد.
لزم ايدي وباسها وهمس. لاتخافين. الله. ينتقم م̷ـــِْن كل ضالم.
الي صار وياج. مينحمل. وانتي بعدج صغيره وعايشه كل هل مأسات ولضلم ولضرب.
ماعرف شكولج بس اهلج. حرام. ينحسبون علئ الناس وينكال عليهم اهل.
بقه يمي. يحجي ويطمن بيه. احس نفسي شويه رتاحيت علئ كلامه بس مقرره. اخلي اهلي ب سجن
اولهم. جاسم وعصام اله اخليهم يعفنون ب سجن
ورفع قضيتي للمحكمه.
بقيت ب مستشفئ. يوم كامل. بعدها. طلعوني.
كنت. كاعده ب سياره انتضر. جابر. يجي ونرجع لبغداد
اشوف عصام وجاسم وهشام. يتهددون علئ جابر.
نزلت م̷ـــِْن السياره. ورحت عليهم.
عصام شافني وتخبل يريد يضربني وياخذني ب كوه م̷ـــِْن جابر.
باوعت عليه بقهر وحجيت. والله صرت اخجل بيك اخوي. شرايدين مني بعد. ابني. وخليتو مات. ضرب وضربتوني. شررررايدن. بعد
صاح جابر. شهددد ادخلي ب سياره. واني اعرف شلون اتصرف وياهم.
التمت الشرطه عليهم ولزمت هشام وعصام وجاسم. وهمه. يهددون ويريدون. يفلتون اديهم م̷ـــِْن الشرطه.
الضابط. وين البُـنًتٍ الي تريد ترفع قضيه.
اشر عليه جابر كله هاذي اخذ اقوالها.
عصام بقه بس فاتح عيونه بعصبيه شلون اسوي قضيه عليهم واريد اسجنهم. بهذيج الحضه لْـۆ لازمني لا حته م̷ـــِْن دمي يشرب.
حجيت وبكلبي غصه وجع مهما يكون يبقون اهلي. بس الي صار ويايه مو قليل.#ڪــڔٰا̍ڕ
حجيت. سيدي. هذولي. كلهم. عذبوني. وضربوني. وخلو. ابني. يموت. كله منهم. اريدهم يتحاسبون علئ كل. ضربه انضربتها.
عصام صار يصيح. ولج عاااااار. تريدين تسجنين اخوج
والله اله اشرب من دمج. بسييييطه بسيطه.
جابر رفع اصبعه بتهديت. والله اله اندمك علئ كل. ضربه. ضربتها. لشهد. اله اطلع ابني م̷ـــِْن عيونك ياعار.
اصلا انت. عيب تنحسب علئ الزلم. انت واحد مريض
اخذتهم الشرطه وانيي. صرت ابجي واديه ترجف كلش خايفه. يصير شي بعد.
حضني. جابر وصار يمسح علئ راسي ويهدي بيه وهمس. يلا شهد ارفعي. قضيه علئ ابوج.
رفعت راسي ودموعي. تنزل. بسرعه. هزيت راسي بنفي. ورديت عليه لا جابر لا ماكدر. حته لْـۆ عذبني وضربني. بس ماكدر. اهينه واخلي ب سجن
مستحيل. اخلي يدخل سجن. هذولي خليهم ب سجن وطلع. عذابي منهم همه. بس بابا لاتاخذو للسجن.
لزمت ايده بتوسل. ودموعي تنزل اوعدني. جابر اوعدني ماتسجن ابوي. فدوه
مسح دموعي. باديه ورد. بس ياشهد كل هاذه بسبب ابوج. هاذه مو ابو هاذه ضالم. مجرم. انتي شايفه حالج ب مرايه
وجهج صاير خريطه. وعيونج رايحه م̷ـــِْن البجي والاصعب م̷ـــِْن هاذه كله ابنج الي راح بسببهم. ليش
مجاي تفهمين هذولي. ميحبوج ولايعتبروج بتهم. فكري اذا سجنته. راح يتندم علئ الي سواه وياج.
جاوبته بحزن. لاجابر. حت لْـۆ ميعتبرني بنته اني. ماكدر انسه انو هوه. ابويه. ماكدر تفهم وضعي. فدوه.
سحب نفس بحزن. ماشي مراح اسجن ابوج. بس. راح اخلي اخوانج وابن العم كلهم ب سجن. واحاسبهم علئ ايدي.
هزيت راسي بأي
صعدنه ب سياره وتوجهنه لبغداد. بعد كل هل قهر ولحزن. واخيرا. راح ارجع ويه جابر.
