رواية خفايا القدر الفصل الحادي عشر بقلم انين الروح
جنت كاعده بغرفه الجده وسمعت صوت عالي مال زلم
كمت اباوع جريت البرده قليل
بس ما شفت شي
الصوت الجاي من الشباك ماكو وراه اشخاص
بعدين
التمت الناس كلها ابمكان الحفل
دخلت عليه امي وزينب وتكلي خل اطلعج وبعدها يجيلج ايوب
كمت طلعت للهول
وكعدت ودكت المزيقه ظلن البنات يركصن وفرحانات ويصفكن ومكيفات
دخلوا ايوب العندي وزفونه وشويه وطلعنه للحديقه كعدت ع مسرح ويمي ايوب
وصار الرمي وندكت الطبول والمزايق وكل اشويه يكومون ايوب يسحبوه يركص ويه عمامه
اني مره وحده كمت ركصت ويه البنات
صارت لحم الكل تدبج وتركص
بعدها صبوا اكل والكل تعشه
ورجعوا لركص والهوسات اخر شي ختموها بدبكه عراقيه جنوبيه اجنن اني صافنه ع حركتهم عبالك كلهم شخص واحد واكف كدام امرايه ويركص ابد ما يغلطون
جانت الدبكه بس لزلم بعدها دخلت النسوان وتلازمو من الايادي ودبكوا لحد ما شبعوا
صارت ساعه ١١ باليل وصار رمي تفك وبرنو ورشاش ابفلس والله حتى خفت خليت يدي ع اذني حتى اخفف الخوف والصوت مني
كومونه ودخلنه جوه البيت واني كلي كمت ارجف مااسيطر ع حالي حتى هو حس برعشه يدي ولزمني قوي من يدي وقرب راسه ع اذني وهمس
لاترجفين هيج راح توكعين يمعوده وصارت عندي حركه مو طبيعيه
اني مفهمت شنو يقصد بحركه صارت عنده
دخلت للغرفه وكعدت عالسرير واني اتصبب عرك وخوف وتوتر حسيت راح يغمه عليه في لحظه
وصل يمي كومني باسني من راسي مبروك علينه يامرتي
مارديته لان احس اسنوني جاي تصك وحده بالثانيه رغم احنه بشهر التاسع والجو حار يكتل كتل
لساعه ١٢ باليل وماكو شي بس كاعدين وجان اسمع الباب تندك
فزيت ..ايوب ع كيفج محد يدخلنه لاتفزين
طلع وسمعت رجال يكله
يابه عجل بأمرك العمام واكفه حتى ترمي
قبل لا يفوت كله ان شالله بسيطه
دخل وصل يمي كام يححي ويايه
رهف اسمعي انتي بعد صرتي مرتي وحلالي واليوم هاي الحفله كلها الج الوحدج والعمام هسه جاي تنتظر فلا تفشليني
شتقصد بكلامك
اقصد انتي مرتي بالورق اريدج تصيرين بالحقيقه وهذا لازم يتم اليله
عود ليش اله اليله
شوفي رهف احنه صح نعيش ابلد واحد بس كل محافظه الها اطباعها وتقاليدها وما نكدر نظم هالشي
احنه غير عن بغداد المره من نزوجها لازم بنفس اليله تكون حرمتنه شرعا والعمام يشهدون عالزلمه الحوك
يعني شتريد انت هسه
اريد منج تسلميني نفسج ولاتخافين
لاعفيه شنو هالحجي ايوب متستحي
اكو واحد يستحي من مرته
بس اني بعدني مو مرتك
وراح تصيرين مرتي هسه
لزمني من خصري وجرني الصدره
اني دفعته واريد افلت روحي بس هو شادني اله بقوه رهيبه
واني ادافع وياها وتلاوه
صار فوكاي لزم يدي اثنينهن بيد وحده والثاني يرفع ثوبي كوه
واني اعيط وخايفه منه عبالك وحش مو انسان
اكو كوشه صغيره عالسرير اخذها وخلاها ع حلكي وكلي عضيها حتى ماتحسين بشي
بعدتها عن وجهي وتوسل بي يتركني
وهو ولا جاي يسمع صوتي رجع الكوشايه الحلكي وكلي عضيها ولا تكابرين
من شده سيطرته عليه صدك عظيت الكوشايه وجان اعيط بصوت بعدها كتم بيده حلكي
وكام كلي الف مبروك صرتي حلالي شرعا
شو هذا ابلا مستحه بس شمر الملحف عليه ولبس بنطرونه وطلع
وجر الشاهد مني وطلع
ويبووو صار الرمي ابفلس عبالك حرب العالميه الثالثه
والهلاهل ابلاش متت خوف وخجل فاتتلي امي وزينب ورشا
يهلهلا وباركلي ويبوسن خدودي
زينب الف مبروك احبيبه ما فشلتي اخوي والله تستاهلين ذهب انتي
اني ميته خجل وجهي محمر احس صرت تنور مشتعل كتلهم اريد افوت للحمام
اخذتني رشا بالممر اكو حمام ما بين غرفتي والغرفه الثانيه
ماما لفتني بالشرشف وكومتني كوه امشي فتت وفتحت الدوش ويصب ع راسي كمت ابجي لان حسيت صدك شي ضاع مني وهالشي حيل ثمين الكل ابنيه
بس اني بالحلال والحمدلله
ظليت ساعه تقريبا وندكت الباب
منو
رشا ..ها رهف خلصتي
اي اي راح اطلع
طلعت وهم رجعن هلهلا كمت جففت شعري بالسشوار ورجعت
زينب مكيجتلي خفيف وعطرت نفسي ولبست سيت لونه ابيض طويل وبي جاكات اطوال حيل
خجلت من هالبس بس زينب كالتلي خلي هالروب عليج افضل وطلعت
وبعد يمكن نص ساعه دخل ايوب جان بعده بالقاط
فات تقربلي كمت اني ع حيلي صرت اكباله مد يده ع راسي وباسني من كصتي
صرتي مرتي يازهره شبابي اليوم اني اسعد انسان بالوجود
رهف مصدكين شكد اني احبج ومستحيل بيوم اتخله عنج
ورجع باسني من راسي وخدودي ونزل ع شفايفي
واني واكفه مثل الصنم لا اصد ولا ارد ماعرف عبالك جمدت ابمكاني
انتبه هو عليه
حبيبي بيج شي .....حجه ومجاوبته
مره مرتين بالثالثه ضربني ع خدي خفيف
فزيت منه 😶😶
بيج شي حبي
لا لا ماكو شي ....خل ناكل تره اني واكع من الجوع
اهل ايوب مخلينه صينيه ومغطيها
لزم يدي بيده ورحنه المكان الصينيه كعدني بالكاع وجاب الصينيه رفع الغطه
وكان كلشي بيها الواحد يحير شياكل
بده اول لكمه شالها بيده
افتحي حلكج
كان شايل تكه لحم اني من خجلي معرفت شكله اخذت الكمه وجان اغص لان بلعتها بدون ما اعلسها
اختنكت حتى مكدرت اشرب مي
كام ع حيله هو يطبطب ع ظهري ويصيح الله الله حبيبي اشبيج
كوه كدرت اجر النفس وطلعت الكمه من حلكي واني اكح وعيوني صبت دمع
شربت مي اشويه وبعدها هدء الوضع
ايوب ..متكليلي شجرالج ليش هيج
ما ادري غصيت بالكمه
اي حبيبي اكيد تغصين لان اني عيوني عليج حسدتج
ابتسمت ابوجهه😊😊😊
يله حبيبي مدي يدج لان اخاف
انطيج لكمه ثانيه وهم تردين تغصين
لان انه عيوني عليج مو بارده بالاخص هسه
ردت اكموم ع حيلي
لزم يدي وسحبني ...وين كايمه ..ماريد اكل ..
لا ميصير تعاي اكلي لكمه وحده وهو يضحك 😄😄😄
لان ورانه شغل جثير ويرادله قوه وحيل
😦😦😦 ماعرف شكله مرتبكه ع خايفه ع متوتره خلطت كل الامور في بعض البعض
اكلت لكمتين وشربنه ببسي
كومني شالني الحضنه ...
رهف والله اليوم اني اسعد انسان بالوجود ..
.لا بالكون كله
جنت من زمان متمنيج وماصدكت تكونين الي الوحدي وحلالي
رهف .انتي كل دنيتي وكل حبي وحناني ومشه بيه للجربايه نزلني من حضنه واني احاول ابتعد وهو يتقرب اكثر الي
الى ان اخذني مره ثانيه بس كانت اهدء من الاولى وكان حيل لطيف بتعامله وهادىء حيل
تقريبا للفجر يله نمنه بحيث تعبت تعب اله كافر
....................
جراح ...اني كل الحفله واحس اكو غصه بزردومي واكفه كوه مسيطر ع حالي اسحب الهوه كوه الريتي
صرت اختفي بعيوني ماريد اشوفهم الاثنين
جنت اداري وجعي وحركتي بجكارتي
طلعت عن الحفله وكعدت بالسياره
وسرحت بخيالي وكتبت في عالم مخيلتي
🌹دعني ارى🌹
دعني ارى مافي عينيكي, ومافي هذه النظرات...
التي تاخذني الى عالم بعيد في خيال واسع...
وصلت الى درجه بان يتكلمون في جانبي
اسمع مايقولون
ولكن لا افهم كانما اصبحت...
جسداً بلا روح
في الحقيقه جسدي...
جالس بجانبهم ولكن روحي اتت اليكي...
لكي تحاول ان تسمع ماتقولين في داخلكي...
وداخل هذه العينين الذي جعلتني لا ادرك طريقي...
نحو بيتي وجعلت اسير خلفكي وفي داخلي اقول...
سوف اتشجع واقول لها ان قلبي مكسور هل تستطيعين...
ان تعالجيه وتجبريه في كلمه او حرف او نظره منكي...
لكي يلتحم ويقول لكي كل ماتستحقيه وكل مايتمناه ان يقوله...
ولكن لم استطع ان اقول لكي انني اعجبت بتلك الفتاة...
التي تحمل عينين فيهما سحر كلام العالم فيه...
واقول لكي لماذا لم استطع ان اقول لكي مافي قلبي...
لكي لا اخسركي ان تجلسي امامي مره اخرى...
واخسر النظره في هذه العينين التي تسحر كل من نظر...
انا خسرتكي نعم خسرتكي
كنتي ملكي وحدي ولان اصبحتي ملك اخي
ياله جبني ياله خوفي من بوح ما اخفي في صدري
عيني تجري سيل دموع وقلبي مكسور الخاطر ينزف
نعم ينزف الم وجراح ينزف انين صوت لا يسمع
في داخلي يسكن الم وحدكي انتي من يستطيع اخراجه للعالم وحدكي انتي حبيبتي
إني اتحمل كل الشوق ونار الشوق وعذاب الشوق...
في قولي لكي مافي قلبي واكتفي فيه بداخلي...
🌹🌹 🌹
اعلمي ياعزيزتي كتبت لكي ما لا يستطع🌹🌹قوله قلبي وعقلي ولساني
دفنت وانا ع قيد الحياه
مرت عليه ليله اووووف ياكلبي تمنيتك متت ولا شفتها تنزف الغيرك
لا والمن تنزف الاخوك ياكلبي
............................
صبحنه الصبح صينيه متنوعه جابوه النه للغرفه
دخلها ايوب وخلاها ع الجربايه
وكعدني اتريك اني افتحت عيني الصينيه اكبالي
كمت هاي شنو الصينيه ليش خالها عالفرشه
حبيبي الناس اول ماتكعد تكول صباح الخير مبارك عرسنه
مو تعيط ع فرشه
اي اني ماحب الرعبله والهوسه احب كلشي ابمكانه وبالاصول
اكلج تره انه ماسويت شي هي صينيه وبمكاني اني
ميخالف ايوب النظافه حلوه يعني افرض هسه اني ما ادري ودرت الصينيه ونجب الشربت عالفرشه
خاب اشمالج شو محسستني الصينيه جربانه وذبيتها ع فراشج
اي الفرشه راح يصير بيها ريحه اكل
وعساها اصير ياعمري الف وحده اجيبلج يله عاد كومي خل نتريك ونطلع نسلم عالناس الجايين
طبعا اني بيه طبع حيل اتقزز واتنرفز من اغير مكان شي او استعمل شي وهو مو مكانه يعني
ماحب اكل بغرفه نومي او ع فراشي
احب كلشي اله مكانه الخاص وماحب احد يستخدم كلاصي ولا خاشوكتي وماعوني
...والله شايله هم شلون راح اكعد وياهم واكل
..لا لا لازم اعزل الي خاشوكه وكلاص وماعون ما اتحمل هالشي
هذا الكل يخوط بخاشوكتي
كمت غسلت ورجعت للصينيه اخذت الخاشوكه والاستكان ورحت غسلتهم بيدي بالحمام
هاي اسويتي بيهم اخذتيهم وياج
غسلتهم ما اكدر استخدم غير غراضي الخاصه
بس هاي راجعات للبيت والكل يستخدمها مو غراضج الخاصه
اعرف بس من اليوم صارن خاصات الي محد يستخدمهن غيري لان ما اتحمل روحي تتقزز من هالامور
الصدك اني استغربت من امرها وضحكت
😃😃😃 مصايره عدنه هيج حاله قبل كلنه ناكل من نفس الخاشوكه ومن الكلاص نشرب ماتكش روحنه ابد
بس يمكن رهف بت بغداد وبيتهم مابي غير اخوها وامها متعوده ع هالسالفه
عفتها ع راحتها
تريكنه وبدلنه وطلعنه سلمنه ع الموجودين وباركولنه
رهف .. ناس هواي جايه وهمه ديحضرون للغده اكو اكله كالوا عليها مصموط سمج
اني صح سامعه عنها بس ما ماكلتها
اخذني البنات الموجودات ويكلولي امشي تعاي شوفي وسمعت وحده تصيح بيهن
التفتت باوعت هاي ازهار وبطنها كدامها وكاعده يم مره جبيره
وهي كاعده حجت ويايه
مبروك رهف وتعوج بحلكها 😏😏
الله يبارك بيج اااااااا العفوا نسيت اسمج
عادي احبيبه اسمي ازهار ومن اليوم مراح تنسي لان حكون اكبالج كل يوم
تشرفنه ازهار الله يبارك بيج ويكومج بالسلامه
اشكرج احبيبه
مر وكت والكل تهيىء لصلى الظهر الزلم طلعت لجامع والنسوان بدن يصبن همه مياكلون سوه النسوان وحد والزلم وحد
كعدت يم امي ورفيف وبدت الاسئله من رفيف تريد كلشي تعرف شصار
كعدنه نسولف وجتلي طفله
خاله عمو ايوب يريدج بالباب واكف
اني استحي اكوم لان الكل اتباوعلي عبالك مخلوق غريب دخل ابينهم
كمت امشي كدامهم ومنتبهت اكو شحاطه اكبال الباب وجان اعثر بيها الكل صاح الله
الله الله وباوعي
يمه من صدك متت بدمي من الخجل
مو عيون شايلات وانما راصد جوي ماتغيب عنهم الذبانه الطير
كمت دمعت عيني عالموقف وطلعت الايوب
اكلج اني وصيتهم عليج يخلون اكبالج مصموط عود اكلي منه لاتستحين
حبيبي هاي اشبيج ليش باجيه
يمعود مريت بموقف العدوك تكول خطيه
خيرج شكو
توني كمت وعثرت من عيون نسوانكم عبالك فضائي وجاي يمشي كدامهم
اي اكيد حبيتي ملاك وسحرت عيون الموجودات ودحكن عليج يابه
ازهار .هاي شكو ايوب هيج مكادر تصبر ساعه ع فراك الحبيبه
تغده وعود اكعد ابغرفتك واحجي وياها وغازلها
اي والله يا ازهار غير عريس وبعدني مشابع
ازهار ..تلحك تشبع وتمل وتكوم تتهرب مثل الجماعه
رهف ..اني اباوعلها هاي اشبيها شو من اول يوم شاده حيلها ويايه
ايوب ..لا والله يا ازهار انه اختلف ما اشبع ولا اكل ولا امل شعندي غير رهوف كلبي فدوه رحت هالشامه
عندي شامه بركبتي حيل واضحه واني اصلا طلعتلهم بدون حجاب يعني ثوب بي دلعه اشويه واشامه تكون واضحه مثل الشمس
ازهار ..كون يشوفج جراح شلابسه حتى ينهد بيج هده
رهف .وليش ينهد بيه هو مايخصه شلبس انه عندي رجال هو اليححي ويايه
اكلج احبيبه انتي اليوم اول يوم عرسج وبعدج ما تعرفين عوايد اهل البيت و....
وسكتتها ماخليتها تنهي كلامها مدامني اول يوم عرسي خليني لعد اتونس وافرح ع شنو كاعده ع انفاسي انتي
وبعدين اهتم العوايد البيت اسمحيلي
ازهار . شفتي زينب شكد صلفه هاي
هاي اول يوم الها وهيج ترد عليه
لا ازهار تره البنيه مكالت شي شو انتي الي استلمتيها هي توها عروسه
اني غير علمودكم وعلمود جراح لا يعيط بيها
لتخافين جراح يعرفها من الاول هذا لبسها
ليش احبيبه شنو
من سنتين شافها جراح خوما يذكرها لليوم
والله ما اعرف يازهار بس احب اكلج طلعيها ابرد راس الج
هي ازوجت ايوب وما فكرت بغيره
اشبيج عيوني شو اكلتيني اكل
لا اكلج ولا تاكليني بس ازهار اني اعرف راسج ابيش يدور
ابيش عيوني
خلينه ازهار مو وكتهن حتى نفتحهن
التمن النسوان ونصب الغده وجان المسموط حاضر اني بس من منظره لعبه نفسي محبيته
مرك اصفر ع سمج
ابغداد مماكلين هيج اكله ابد
بعدها فرن جاي لجميع واحنه كاعدين ونسمع صوت ضحك الزلم يجيب التايهه للبيت
وكم مره وصوا ع جايات صواني تروح صواني ترجع
لساعه ٣ الظهر ايوب دز عليه ابن رقيه
خاله خالوا ايوب يريدج بالغرفه
رحتله سحبني اله لج اشتاقيتلج بكد رحمه الله اصدكين عديت نجوم الظهر نجمه نجمه
هاي شلك بيها وين شفت نجوم الظهر وشلون عديتهن
هو فراكج شوفني نجوم الظهر
يمعود هي ساعتي تلاثه
ولج عبالج هالوقت قليل شو دتعاي كافي سوالف ورحنه بعالم ثاني
......................
رهف مر ع زواجي اسبوع كان حلو وهادئ وايوب جدا سعيد وطاير بيه طيران ميعرف شيجيب وشيخلي كدامي
اني خلال هذا الاسبوع ماكنت اطلع اهواي من غرفتي بس من يجون ضيوف اضطر اطلع اسلم
امي واختي وزوجها رجعوا لبيوتهم بعد يوم السبعه متت بجي ع فراكهم
ردت ارجع وياهم حسيت في لحظه اني غريبه عن هاي الناس ماريدهم ماحبيتهم لان شفت عوايد مو حلوه عدهم
صح اني عشت وياهم شهر بالحرب بس مكنت مطلعه ع كل حركاتهم
اكو نسوان ما حبيتهم ابد بالاخص جدتهم كل ما تشوفني تكلي المسلبحه ماعرف ليش مع العلم جسمي متروس
كمت ابجي والدموع عشره عشره كاعده بالكراج
وحاطه يدي ع وجهي وضامه عيوني ما اشوف احد بس ابجي صعب حيل فراك الاهل
حسيت واحد حجه ويايه .
ارفعت راسي الشمس ضربت عيني
شعندج كاعده اهنا ليش مو جوه فايته
ارفعت نفسي عن الكاع وخليت يدي ع كصتي حتى اشوف منو الحجه
اجت عيني بعينه حسيت من خلال هالنظره بالخوف والارتباك والتوتر ماعرف شرد اله
مو سألتج ليش كاعده اهنا جاوبي
اهلي راحوا وتركوني
اهلج بعد انسيهم هذا بيتج وبيت رجلج لاكل اشويه ودوني رجعوني
هاي اشبيك انت ويايه قابل شاكيتلك اني
لو جايه باجيه اكبال بابك
طبعا من ازوجت ما شفت جراح ابد ولا لمحته بالبيت
بس اليوم شفته
لزمني من زندي .سمعيني عدل يبنت الناس المره التعلي صوتها اببتي ما تبقه بي ساعه
.سحبت يدي منه بقوه ردت امشي
رجع جرني بس بقوه اكبر
لج انتي ويامن جاي تتعنطزين خايبه انه جراح خاف نستينه
لا ما نسيتك بس مالك دخل بيه عندي رجال هو اليحاجيني مو انت
خل اكلج شغله انتي وزوجج واهل هذا الببت كله تمشون بشوري انه فاهمه
ورد يدي بقوه حسيتها نخلعت
وعاط بيه يله فوتي جوه وطلعه ماتطلعين خارج هاي الباب
جيت افوت وسمعت وره ظهري صوت ايوب يسلم ع جراح
التفتتله رحت عليه اركض وكدام جراح عبرته وحظنت ايوب بقوه
ايوب ..لج يابه عيب وخري مني اخوي واكف اكبالي استحي
خلها ايوب
بس دخلها جوه وتفاهم وي حرمتك لا تطلع الحوش
الحيطان عدها عيون وهي غريبه وبوسطنه مانريد الحجايه الشينه تجينه
وحجابها لا تذبه خل تخلي ع راسها طول اليوم البيت بي تدخل زلم ماكاعده وحدها هي بالبيت
صار خويه تدلل ...يله امشينه رهف
امشي وباوع ع جراح شكد كرهته وحقدت عليه اني بيا حال وهو يتأمر عليه
ايوب .وصلت اهلي
اي وصلتهم للطريق اليسلك البغداد ودعتهم ورجعتلج ياكل هلي وناسي
احبج رهف
امشي خل ندخل غرفتنه انتي بعدج عروس
صارت ساعه خمسه العصر
كاعدين وسمعت صوت عالي بالبيت مثل العياط
طلعنه نركض اني وايوب نشوف شكو
الحكلي ايوووب
ها خويه شجاج
خابرلي ع جراح راح اموت
رهف اخذيها الغرفتها دخليها
امشي ازهار خل ندخل جوه
لج رهف راح اموت من الوجع يمكن راح اجيب هسه
اي اكيد انتي مو بشهرج
جتي الحجيه ام جراح ورباب وجانت موجوده بنت عمهم نضال عدنه خطار
خليت ع راس ازهار شال وذبيت ع كتفها دراعه(صايه) مفتوحه لونها اسود
ايوب .وينكم صعدوها بالسياره خل ناخذها للمستشفى
ازهار .لا لا ماريد مستشفى ودوني لجده ام محمود
عمه اخذيني لجده ماروح للمستشفى
رهف .ازهار ليش تروحين للقابله افضلج المستشفى عالاقل تسلمين ع حالج وحال الجنين
لا عيني كل خواتي جابن ع يد ام محمود والحمدلله كلهن سليمات ميخصج انتي طلعي منها
😮😮😮اني صدك ضجت شلي دخل بيج روحي ولي وين ما يعجبج عساج عسرتي ولا يهمني اني شكو مدوخه راسي
عفتها ورجعت الغرفتي
لليل رجعوا الحجيه وازهار ويمكن خواتها وامها دخلنها الغرفه الحجيه مددت عالفراش والطفل يمها نايم
دخلت من بعيد باركتلهم
شايفين كل الخير ويتربه بعزكم شنو سميتي الطفل
جاوبتني اختها ..سميناها (يقين) جراح يريد هذا الاسم
حلو اسم الطفل بس مو هذا اسم بنات لو اني غلطانه
اي احبيبه هو غير المولوده ابنيه قابل نسميها عباس
رهف ..ااااه العفوا والله عبالي المولود ولد مو ابنيه
اي احبيبه ابنيه رزقها وان شالله تجيب الولد
رهف .ان شالله والله ان كانت ابنيه او ولد نعمه من الله اهم شي تمام الخلقه
.الف مبروك ازهار وتتربه بعزج
هزتلي راسها بمعنى اي بدون ما تحجي اي كلمه
خليت وطلعت منهم رحت عالمطبخ لكيت بنات المشكله اني بعدني جديده ما اعرف وين غراضهم ومنو هذني رحت ع رباب صحتلها
فدوه اريد اسوي جاي الايوب وين الجاي والشكر
تلكيهن بالكاونتر اكبالج واشرتلي عالمكان
سويت الجاي وصبيت بالكلاص وديته ما كنت اعرف اكو احد يم ايوب بالاستقبال
من غير ما ادك الباب فتت ونصدمت بوجود جراح
متمدد عالقنفه ونازع دشداشه باقي بس بالداخليات والحمدلله لابس شروال
😮😮😮😮😮😮😮😮😮 فتت وشفته هيج نازع بدون تركيز ندار الجاي عليه ونسمطت يدي بالجاي عطت بصوت خفيف ااااخ طفر عليه ايوب هاي اشبيج شو خل اشوف يدج
جراح ..تعلمي قبل لا تدخلين المكان ادكين الباب انتي مو وحدج عايشه بالبيت
هذا البيت بي زلم مايصير هيج تجفتين حجاها بنبره قويه وحاده
من فشلتي كمت ابجي كتم
اني اسفه مجنت ادري اكو احد بالغرفه غير ايوب
اني شحجيت هسه شنو انتي
ماتفهمين بالكلام كتلج البيت بي زلم
ايوب ..اعذرني جراح ماتعيدها بعد
امشي رهف
خلينه وطلعنه من الاستقبال واني متألمه من الحركه فوتني عالمطبخ وصاح
رباب .وينج .طبعا بنات عمهم وخوات ازهار كلهن متكومات بالمطبخ عبالك صاله استقبال مو مطبخ
ها خويه
اريد مرهم حروق عندج
اي هسه اجيبه من جدتي
لا خليج انه اروحلها
اخذني وياه ومشينه غرفه الجده .
دخلت واني لازمه يدي لان بطبطت الجويه
جدتي محتاج مرهم الحروق رهف سمطت يدها بالجاي
الجده .وهي شمالها هالفرخه كوه كاضبه الجاي خايبه لاتظلين فاهيه
....كربي ونطيني يدج
دهنتلي يدي وطلعنه فتنه الغرفه
هاي اشبيهم اهلك ويايه شو احسهم ما طايقيني
لا حبي شنو مطايقيج هو منو زعلج ..بس هالتشوفين ملتهين بزهار مو جابت
واني شكو اخوك يرزل من صفحه وبيبيتك من صفحه
والله اعلم بعد منو يطلع يرزل بعد
حبي ما دامج يمي وكربي لا تهمين بكلام واحد انتي بعدج عروس اهتمي بس بيه انه
وظل يتغزل ويكول كلام حلو وبوسات وحضن ورحنه العالم ثاني
ونمنه لان الوكت جان تقريبا ساعه عشره بالليل فزيت من نومتي ساعه ٢:١٣ دقيقه
باوعت ع ايوب ركزت بي رغم كل الحب والاهتمام بيه بس اني ماعرف شحس بتجاها
كمت
حتى اروح للحمام واشرب مي
رحت ورجعت للمطبخ مشيت الكل نايم والبيت يعم بالهدوء بس ضوه الاستقبال عالك واسمع صوت تلفزيون صح ناصي بس لان هدوء ينسمع صوت خفيف
اني جنت بدون حجاب ولابسه دشداشه قصيره جوه الركبه بشويه
مشيت حد الغرفه حتى اطفي الضوه واشوف شنو مشتغل بعد وفتت بيها كبل
صرت نص الغرفه وكفت تبسمرت
😐😐🤭🤭🤭🤭🤭
وين فايته
اني اعتذر مجنت اعرف انت موجود بالغرفه
شمنزلج بهيج وكت
كنت عطشانه ونزلت اشرب مي
وليش متاخذين للغرفه بطل مي حتى ماتنزلين
اسفه والله نمت من وكت وماحسيت
شفته سحب تنهيده وظل يتفرج عليه
باوعت ع نفسي نسيت اني بدون حجاب ودشداشتي قصيره ..العفوا اني اترخص
اوكفي
شوفي يابنت الناس انتي ما ساكنه ابغداد وعندج هذا البس عادي ولا كاعده ابيت اهلج ومابي زلم غير انتي واخوج
يابه انتي جيتي البيت شكده وشكبره كل اهلنه وناسنه داخله وطالعه منه
مانرد احد
حتى عمامنه و ولدهم يدخلون جوه ف لا تظلين بهذا لبسج وتظلين رايحه وراده من يمهم
والله اني ماكنت ادري بيك موجود بالغرفه عبالي فارغه وتاركين الضوه والتلفزيون مشتغلين
سمعيني رهف .اني عندي شغل اكعد باليل اشتغله وللفجر يله اكوم من هالمكان ف لا تظلين ع انه ما ادري وما كنت افكر اكو احد بالبيت هاي اسوالفج بطليهن
والله اقسملك ماكنت ادري
فهمت ولاتردين تلحين بالجلمه كتلج بطلي هالسوالف
يعني صار عندج علم انه اشتغل باليل وبهاي الغرفه
واضح كلامي
اي واضح .واني ارجع اعتذر منك تسمحلي
وطلعت منه
...وجع والله وجع شكد شايف حاله شدعوه هالغرور
متعرف تحجي بسلوب اهدء اشويه ماعندك غير بس النتره والصوت العالي
همزين مو زوجي انت كان من يوم عرسي دفنت حالي وخلصت هاي شلون عايشه وياه ازهار وييييع
رجعت الغرفتي تمددت ع فراشي
هاي وين جنتي حبيبي
فزيت جوه يده ..هو هيج يا ايوب فززتني
ليش ياعمري تفزين مني
لا بس ما اصورتك صاحي عبالي نايم
وين رحتي حبي
شربت مي ورجعت
الف عافيه ياعمري يله رجعي نامي
صحيت الصبح لكيت ايوب كايم قبلي طلعت للمطبخ شفتها ساعه عشره الصبح
توني دخلت والبيبي مالتهم حاجتني
خايبه انتي شنو عسبالج لحد الان عروس لو نقش الحنه من جفج مراح
اني الصدك استغربت يعني كله مصارلي عشر تيام من عرست هاي اشبيها العائله ويايه شاده كل حيلها
الحجيه ام جراح .اسمعيني رهف احنه كلنه بالبيت نصحه من وكت
الكل ساعه ٩ صاحي وجاي ياكل فلا تظلين تتماطلين بالفراش
زلمنه وراهم شغل ولا تعودين رجلج ياكل من يد غيرج
انتي تكومين وتحضريله اكله سمعتي رهف
اي عمه صار تدللين اني اسفه لان ما صحيت من وكت
طبعا هذا الحجي كدام جراح هو ياكل وما رفع راسه
واني ميته خجل منه البارحه هو يفشلني واليوم بيبيته وامه يفشلوني اووووف شهل حظ العندي من الصبح
كعدت اكلت لكمه وبعدها كمت لميت الماعين وغسلتهن
رهف عفيه ماطولج واكفه سويلي بيض عيون جعت
التافيت ع مصدر الصوت شفتها ازهار ..
نعم شتريدين
مثل ماكتلج بيض عيون
وليش متجين انتي اسوين الج بيض عيون
اني نفسه بعدني ما اكدر اتحرك يرادلي راحه
بس ما اشوفج تعبان والله ياست ازهار
يله لطولين بالحجي قابل شطلبت منج تذبحليلي ثور هي بيضه عيون الله واكبر
لاعيوني ع شنو اتكبرين الحمدلله مراح ينقصني شي من اسويلج بيض بس اليطلب خل يطلب بادب لان ما اشتغل عد احد اني وخليها في بالج هاي اول واخر مره تطلبين هالشي مني اني مو خدامه اشتغل اهنا
ازهار ..عمه عمه وينج تعاي سمعي جنتج الجديده شتحجي
رهف .يمه ياستار توج تكولين مالي خلك وتحجين بالهمس شو هسه طلع حسج يلعلع وتصيحين ع عمتج
الحجيه .هاي شكو ياصباح ياعليم
تعاي عمه اسمعي رهف تكول اني مو خدامه اشتغل عدكم
الحجيه .وي وي وي وليش هيج تحجين شطالبين منج
ازهار .والله ياعمه كتلها سويلي بيضه عيون لان ما اكدر اظل واكفه ع رجلي بعدني انفاس
شو هي اكلتني بكشوري
ع انه وانه
الحجيه..خايبه شدعواج شطالبه منج البت هي بيضه وتكلج ماتكدر تكف ع رجليها لا تسويها شغله شكدها
😏😏😏صار عمه تدللين
عيوني ازهار بس عيون اتريدين لو عاجبج شي ثاني
ماريد كلشي منج سديتي نفسي الله يسد نفسج
رهف .سمعتيها عمه
اي طبعا البت نسدت نفسها من لغوتج هاي بيضه كلبتي الدنيا لو طالبه تطبخين للبيت شتسوين بينه
.
الله اكبر شو اكلتوني اكل ياكلمه ردي المكانج عيوني ست ازهار نعتذر مندري سبينه العنب الاسود وغثيناج انتي وعمتج
واني دا احجي ودخل مثل الاعصار علينه جراح
خيرجن صوجن يجيب التايه من مكانه
تعال تعال يمه اسمع مره اخوك شتكول
خيرج رهف هاي توج جيتي بعدج ما صارلج كم يوم وطلعتي حسنه
وانت هم فوكاهم هم تحجي غير تفهم بالاول شنو الصاير وبعدها تحكم عليمن الصوج
اي غردي سمعيني حسج
لا ماله داعي اظاهر الحق عدكم ضايع بسوك الصفافير خل هنه يحجلك افضل
عفتهم وطبيت الغرفتي ماعرف ليش حسيت شمرت نفسي بين وحوش مو اوادم ماحبيتهم ولا استلطفتهم مع العلم اني اعرفهم من قبل بس ماكنت اصورهم هيج بس هسه يله طلعت اوجوهم الحقيقيه
واني بالغرفه واسمع صوت جراح عالي بالبيت وبعد اشويه اسمعت صوت ايوب ايضا وصار مرادد بالكلام
طلعت واشوفهم جاي يحجون بموضوعي
رحت وكفت يم ايوب وحجيت
اسمعوني اني جيت الهذا البيت مو خدامه اني زوجه ايوب مو خدامه هذا البيت
ياسيد جراح من زوجتك تطلع عليه وتكلي سويلي بيضه عيون وبدون حتى ما اصبح ابوجهي ولا اسلم وتنتر عليه بدون سبب
لا والله ما اسوي لو اعرفها جاي تموت الكل فعل رد فعل
هي حجت وياي بنتره اني رديت عليها ما اسويلها لكمه وحده ماكو واحد افضل من واحد شو انت من اول يوم دخلت ع بيتكم واحس الكل متحمل عليه عبالك ما ازوجت ايوب لا ازوجت رئيس الجمهوريه
والكل يسمعني كلام وينتر بيه شنو قابل اني جايبيني فصليه البيتكم
صح اني جنه وعليه واجبات بس حالي من حال البقيه كلنه نشتغل ونتعاون ماكو واحد افضل من واحد كلامي ما اصور بي عيب
شتكول انت ايوب
اي كلامج هو الصواب ومن اليوم اليجري عليج يجري عالجميع هاي من بعد اذنك جراح
جراح .اني اسكتت لان شريد احجي وهي سالفه تخص نسوان وهاي بعد اشتغلت رحمه الله بين العمه والجنه وستلم بعد
هزيت براسي بمعني اي وعفتهم وطبيت الغرفتي
هي انتي وينج
اي جراح جايه
حضريلي الحمام والجنطه عندي طلعه البغداد
ايوب ..حبيبي رهف لا تزعلين تره هاي امي هيج ويه الكل والله حتى ازهار من جتي هي خوب بنت اخوها بس هم جانت اتسمعها كلام
.بس شنو ازهار جانت تراضيها وما ترضه تزعلها حتى ماتخسر جراح
انه هم هيج اريدج اريد اذن من طين وذن من عجين
بس اني ما اكدر اتحمل هالذله ع مالمن اتحمل واسكت
الخاطري رهوف شني مالي خاطر يمج وتردين جلمتي
خاطرك فوك راسي بس الغلط ما ينسكت عنه
لاتسكتين رهوف ولا تردين انه من اجي احجيلي وشوفي شلون ما اخذ حقج منهم ثالث ومثلث
بس فدوه لا تسويلي مشاكل وياهم مالي حملهم كلهم
الله كريم ...عفيه بنظر عيني وحبيبتي الحلوه يله فدوه كومي حظريلي الجنطه وخل اطلع وي جراح
ليش انت هم رايح وياه
اي ياعمري غير شغلنه لازم نشوفه
وانت ليش رايح وياه خلي بس هو يروح وحده اني ما اتحمل اهلك
شكلنه يارهف موكتلج ماعليج بهلي لا تحاجيهم انه من ارد احجي وياهم اذا اذوج
ايوب اترجاك لتعوفني والله احس نفسي اختنك من ابقه وحدي بالبيت
رهف تره انه وراي شغل وعمل خوما اكعد وكابلج
لا بس دا اكلك لتروح بغداد اشتغل بس بالبصره عالاقل احس بالامان
شو انتي محسستني كاعده ابسجن وجاي تنتظري دورج لتعذيب
اووووووف لوتدري شيصير وشسمع جان ما اطلعت باب غرفتك ..احجي ويه حالي
رهوف هيه يومين تلاثه وراجعين ان شالله بس ادعيلي نرجع سالمين ياعمري
تروح وترد بالسلامه
شني بس انه
لا اكيد انت واخوك جراح
عفيه بمريتي الحبابه هيج اريدج دوم
ودعتك ومحروس بعين الله
فدوه الكلبج ياعمري انتي
بكلبي حسيت اكو حصره ونفاسي ضاكت دمعتي سكنت عيوني بس مجاي توكع عبالك نشفت بجفوني
اودع بيهم ويدي مجاي تلوح عليهم بس عيوني ضلت ع دربهم تباوع الحد ما اختفوا عن ناظري
وراح ايوب وجراح البغداد
