رواية عشكت جنوبية الفصل الحادي عشر بقلم نسرين الاسدي
*
ليث: هاي ألمن؟ !
توترت وگلت: هاي ..مو ألك ..اقصد مو انته
أجه تقدم عليه وگال: صدوك؟ !..ليش ماداصدكج اني؟ !
خفت وحجيت بالگوة: مو عليك ..انته غلطان سمعت غلط
تقربلي اكثر مد ايده على العباية مالة الروب وسحبها من اجتافي وانا ارجف من الخوف خايفة يضربني ويصرخ عليه
گال: لا اني مو غلطان اذا هذا الترتيب كله مو ألي لعد ألمن؟ !
ضحكت وگلت: يعني انته قصدك على هدومي
باوعلي صفح وكال: اني موكتلج كولي ملابس
توترت ومگلت شي فكال وهوا يتفحص جسمي بعيونه صراحه خوفتني نضراته: يي شنو عجبنج الملابس ؟
گلت: لا ماعجبني لأن كلهن فاضحات ، انه اروح ابدل
حط ايده كدامي وكال : ليش مستعجله بعدني مشفتج بيهن
رجعني من جتافي لي ورا وضل يباوعلي من فوك ليجوه وانه جسمي يتراعش گال : ممم لايگلج كولش
اللون الابيض وي جسمج الحلو
خفت وكلت :ل..ليث حبااب لا تسوي مثل البارحه والله ا.اخاف
ضحك وكال : لا لاتخافين البارحه جانت اول مره وانتي عاندتي ..ادنه يم اذني وكمل بهمس: انتي لا تعاندين وتجاوبي وياي مراح تتأذين وهمين حيعجبج الي حيصير
باسني برگبتي ورجعني ليورا نيمني على الجربايه وابتعد فتح دكم قميصه وانه ارجف من الخوف
صار فوكي وكام يبوس بيه وانا حاولت ما اتحرك حتى لا أتأذئ..
ابتعد عني وگال وهو يبتسم: شفتي شلون متأذيتي؟ هاي لأن اخذتي كلامي وماعاندتي..
مارديت عليه عافني ودخل للحمام وانه گمت انتضره يطلع وادخل ، طلع وهو لاف المنشفه على خصره وانه رحت ركض للحمام وسمعته يضحك وراي ، سبحت ولبست دشداشه قصيره مالت نوم وطلعت لگيته كاعد على قنفه ويگلب بتلفونه نشفت شعري ومشطته وردت انام سمعت يگول
: حيجونه بيت خالي باجر ، مو جفصين بالكلام كدامهم .. اذا سألوج عن زواجنه..وخاف مازعجج أحد اليوم
گلت: لا دخلت بس ذيج المرة جابتلي الأكل
گال: اسمها ام وسام ..حفضي
هزيتله راسي بـ اي وبس حطيت راسي ع المخده نمت
**
ليث ..
كعدت الصبح لگيت هنادي لافه نفسها بالغطه صايره جنها دوده ولابده جواي يمكن لأن بردانه ما گدرت أقاوم شفايفها وهنة مفتوحات شوي بستها بهدوء بعدتها عني وگمت طفيت السبلت ولبست وطلعت لهذا الكو... مروان صاير يتزعل الساقـ...
نزلت من السيارة شعلت جيكارتي وضربت الجرس وانتضرته يطلع
شوية واسمع صوته: اجيت
فتحه وتفاجئ بشوفتي
نزلت الجيكارة وگلت: صباح الخير يا الكلـ... شلونك سقـ... شلون هيج تبتعد عن صديقك واخوك بدون ما تسأل حتى ..لك انته صدوك گوا...
گال: صباح النور ..أولآ لتغلط وثانيآ اني كولش زين لأن بعيد عنك
ضربته على كتفه وگلت: لك انته صدوك صاير واحد متستحي هيج تحجي وياي؟ ..وعالمود أيش موضوع تافه وميستاهل ..لك السالفة خلصت وهي زوجتي هسة ..اني ممسوي شيء غلط
مروان: ماشي ليث ..ماشي ..انته مغلطت بشيء بس اني ما تحملت الفكرة وبعدين مو انته الي ردت صداقتنه تنتهي ..مو انته الي هددت بهالشيء؟ !
يعني مو اني السبب ..انته
خليت ايدي على كتفه وگلت: انزين اني آسف وأعتذر ممكن ننسى الي صار ونرجع نفس قبل لأن صدگني مجاي ارتاح وانته بعيد عني ..شسوي متعلق بيك كولش ..ولو انته توافق جان ازوجتك حتى تبقى وياي غصبآ عنك
هو ضحك حيل وگال: لك انته صدوك جني ومينگدرلك
حظنته وبقينا نضحك سوة صدوك ذيج الأيام ابعده عني حسيت بفراغ جبيرة ابمكانه
**
هنادي: گعدت الصبح غسلت ولبست اتراك التيشرت طويل شوية يوصل لركبي وردن كاملة قررت انزل يمهم واجرب اذا يضايقون مني لو يسمعوني حجي راح اصعد وبعد ما انزل
لفيت حجابي ونزلت على كيف لگيت بس أم وسام بالمطبخ
ابتسمتلها وگلت: صباح الخير خالة ام وسام
گالت: صباح الخير يا مدام هنادي منورة اليوم
گلت: مشكورة خالة ..بس انتي گليلي هنادي لا تگولين مدام ..محتاجة اساعدج بشيء ؟!
بهالوقت ونزلت لبنى باوعت عليه وضحكت گالت: هاي شنو اليوم مرت اخويه نازلة للمطبخ لا يكون الغدة عليج اليوم
گلت: اذا رايدين اسوي الغدة ما عندي مشكلة انه طبخي حلو واكيد راح يعجبكم
ضحكت هي بصوت اعلى وگالت: عبالي اخوي ازوج مو جايب خدامة للبيت
گلت: مابيها شيء اذا اشتغلت بالبيت اصلآ شغل البيت حلو ومابيه تعب
شوية ونزلت امها وگالت: صباح الخير
ردينه عليها ..گعدت وگالت: ام وسام جيبلنا الريوگ
ام وسام: من عيوني مدام
ألتفتت لبتها وگالت: خير لبنى اشو مو على بعضج
لبنى: ماما هاي هنادي جاي تجاوز عليه وتريد تخرب بيناتنا اني واخويه
تعجبت انا من جذبتها هاي وگلت: لا تصدكينها خالة والله انه ما گتلها هيج ولا اجاوزت عليها بشيء والحسين بيش ما ترديني أحلفلج انه بس گتلها مو عيب اشتغل بالبيت
باوعت هي لبتها وگالت بعصبية: لبنى ..شنو هالتصرف شلون تكذبين هيج كذبة على زوجة اخوج وتتهميه بشيء هي ممسويته ..
لبنى: ماما شبيج انتي شلون تصدگينها هي وتكذبين بتج حبيبتج لبونة ..هاي وحدة منافقة گدامج شيء ووراج شيء ثاني
گالت: كافي لبنى البنية امبينة حبابة ومو مال هاي السوالف ..وهسة انتي روحي جهزي نفسج لأن خوالج على جية وادري بيج تحتاجين يوم كامل حتى تكملين
گالت: اي صدوگ اني اصلآ شداسوي هنا يم هيج شكولات
ألتفتتلي وگالت: ولا يهمج هنادي هاي لبنى دايمآ هيج بس هي گلبها ابيض لتزعلين منها
أبتسمتلها انه وگلت: لا خالة انه ما زعلانة ..اصلآ اعتبرها مثل خواتي
گالت: ليش انتي شكد عندج اخوة وخوات؟ !
گلت: احنة ثلث بنات وولد اثنين هيثم الجبير وفهد وليلى وحياة الصغار
سكتت شوية وگالت: هنادي انتي ماعندج عمام خوال؟ ! يعني مقصد كلامي همة شلون قبلوا بهيج زواج ألج؟
نزلت راسي وگلت: انه ماعرف اي شيء عن قرايبنه من احنة اصغار ما شايفينهم وامي وابوي هم ما حاجيلنه شيء عنهم
رفعت حواجبها مستغربة وبعدين أشرتلي بأي وگالت: ماشي ..انتي عرفتي بيت اخويه جايلنا اليوم
گلتلها أي ليث گلي
گالت: انتي معليج بالمطبخ ولا أي شيء ام وسام هي الي جاي تهتم بهالموضوع بس اني اريدج ترحين تجهزين نفسج وتلبسين ملابس مرتبة وتخلين مكياج لأن بعدج عروس واذا تگدرين تنزعين الحجاب بعد احسن
گلت: لا خالة ماأگدر ..اخوج اكيد عنده ولد وانه ما انزع حجابي گدامهم لأن همة غرب
ابتسمت وگالت: براحتج عيني
بعدها تغدينا سوة وابوه وامه مبينين طيبين وما سمعوني اي كلمة تغث مثل بتهم
وسوالفهم شكد حلوة ذكرتني بأمي وابوي
صعدت للغرفة وماخليت شيء ماجربته بس كلهن ما أگدر ألبسهن
أخر شيء اختاريت فستان لونه فضي مزند بس لبست وياه بدي هو شكله كلش،حلو وعجبني بس ياريت يعجبهم همة
بعدين بديت اجرب احط مكياج لأن أول مرة وكل ساع اروح اغسله لأن ماجاي يصير
آخر شيء ايست وعفته باوعت لنفسي انه ما احتاج مكياج مو صح؟
شوية وأندگ الباب
ألتفتت بسرعة وشفتها أم ليث جانت لابسة فستان احمر نص ردن بس طويل ومخليه شعرها مفتوح هو گصير يعني ما يتعبها ومكياجها هادي طالعة كلش حلوة
گمت وگلت: هلا خالة ..محتاجة شيء؟
ضحكت وگالت: لا عيني اني ممحتاجة بس اجيت اشوفج اذا جنتي انتي تحتاجين اي شيء اساعدج بيه
فرحت وگلت: صدك أنتي تردين تساعديني خالة؟
تقربت عليه وگالت: اي صدوك.. خليني اشوف ..
ملابسج حلوة ومبيها شيء بس خليني ارتبلج المكياج ..بنات اخوي ياخذن عالمضاهر عدهن أهم شيء
وماريدج تسمعين كلمة محلوة منهن
ابتسمتلها وگلت: مشكورة خالة
ابتسمت وگالت: لا تشكريني انتي مثل لبنى هسة
نزلنا بعدها وگال عمو: ما شاء الله ..هاي أكيد شغل رويحتي اسراء
ابتسمت انه ونزلت راسي استحيت
گال هو: شوف الخجل ..الله يحميج بنيتي لا تستحين اعتبريني مثل ابوج
گلت: أكيد عمو
شوية واندگ الباب فتحته ام وسام ودخلوا رجال ومراة بعمر عمو وخالة ..تلگوهم وسلموا عليهم ودخلوا بعدهم بنات ثنين وشاب بعمر ليث تقريبآ سلموا عليهم
ولبنى سلمت على أبن خالها وهي لابسة فستان مزند وگصير وبدون حجاب
انه من يمي استحيت وهيه ولا مهتمة
گلت: السلام عليكم ..باعوا عليه وردوا السلام
انه حسبالي راح يگولون منو هاي؟ ! بس يمكن همة حاجيلهم عني
گال خاله: هاي هي زوجة ليث الي گتولنه عنها؟ !
گالت زوجته: ما شاء الله حلوة وصغيرة الله يهنيهم يارب
گالت خالتي: مشكورة ياعمري ..اليوم لكيان ونفرح بي
ضحك هو وگال: اكيد بوقتها محسوي مثل ليث وازوج عالسكاتي اريد اسويلي عرس ولا صاير
ضحكت وحدة من خواته وگالت: وهي هاي الي ليث عاف لارا عالمودها ..تصدگين خالة هي هسة نايمة بالمستشفى من سمعت الخبر متحملت تگطع الگلب والنبي
انه ضليت صافنة منو هاي لارا وليش هي بالمستشفى؟ !
ابتسمت خالتي وگالت: خن نحجي بهالموضوع بعدين رتوجة وهسة تفضلوا
**
ليث: صار الليل ورجعت من شغلي واني ادري حلكه بيت خالو احمد عدنه
دخلت لگيتهم كلهم گاعدين بالصالة ويضحكون سلمت عليهم
وگام خالو وابنه كيان سلموا عليه واجتي ريتاج ولوجين سلمن هماتين
ضليت ادور بعيوني عنها وشفتها گاعدة يم امي وحاطه مكياج ..شكد طالعة حلوة بت الك...
گعدنه وضلوا خالو وكيان يحاولون يلمحون على زواجي
گتلهم حبيتها وازوجتها وسبب السرعة لأن جان جدها مريض وخفنا يموت
هي ما علقت على كلامي وضلت ساكتة وهذا الي اريده اني
شوية واجتي لوجين لزمت ايدي وگالت: ليوثي متصدگ لارا شنو صار بيها من عرفت بزواجك لك هي حاولت تنتحر تصدك؟ !
گلت: لا معقولة هيج؟ !..لعد شكد قاسي اني ولا يهمج لوجين اني حصلح هالغلطة هاي واحلها
گالت: شلون ليوثي مو البنية تريد تموت
گلت: يمكن ازوجها
گلها باوعتلي بصدمة وضلوا ساكتين
بس هي ما رفعت اعيونها اصلآ ولا كأنها سمعتني
گالت ريتاج: وزوجتك حتقبل تجي عليها ضرة وضحكت
گلت اني: هنادي شنو رئيج انتي ازوجها ؟!
گالت: عادي لو تزوج اربعة ماراح اهتم
هنا اني حسيت بنفسي متت من الأحراج والكل ضحكوا واستهزؤا بيه بسببها
لوجين: لج انتي اكيد مخبلة هي منو الي مزوجة ليث وتخليه لغيرها؟ !
ريتاج: الحمدلله والشكر ..الله ينطي جوز للي معنده سنون
لبنى: وليش عيني انتن شتوقعتن منها؟ !..هي اصلآ متستاهل اخويه
تحملت بقية الليلة على اعصابي وما شاركتهم بأي كلمة بعدها
انتضرت يطلعون بس حتى اعلمها شلون تفكر تحرجني هيج مرة ثانية حخليها تندم على اللحضة الي حجت بيها
هنادي: گاموا خواله وودعناهم بس لبنى طلبت من خالها يبقن بناته وياها وهو وافق
ومن طلعوا گعدن هنه بالصالة وصاحلي حتى اجي يمهن
هنة ادري بيهن راح يستهزئن بيه ويقلدن على حجيي بس ما گلت شيء واجيت يمهن
هو طلع ودع خالة وابنه ورجع من برة چن عيونه براسه
ركض عالسريع للدرج وصاح صوت رجفني وطيح گلبي بين رجليه
:هنااااادييي ...لحگيني عالسريع
بلعت ريگي وصعدت وانه ادعي ربي ما يسويلي شيء
نهاية البارت
