رواية لأني عاقر الفصل الحادي عشر بقلم مريم خفاجة
فتحت عيوني بصدمة:-شنو هاي؟
أبتسم:-كلشي اسوي لخاطر هاي العيون تفرح
دمعت عيوني واني اباوع
للجواز:-صدك تحجي؟
كمال:-شو انتي ماتصدكين بية شنو سالفتج
ملاك:-لا لا مو هيج
رحت گعدت ؏ جرباية واني مصدومة اباوع
للجواز باوعتلة وگلت:-انت دتسوي اشياء كلها جانت بخيالي يعني حتى حلم ماحلم بيها وانتَ دتحقق الي بالخيال الي مستحيل فد يوم اكول يتحقق
أبتسم رجعت باوعت ونوب
رفعت راسي استفسر
ملاك:-بس اني وياك؟
هز راسة مبتسم بـ أي
ملاك:-وين نروح؟
كمال:-گتلج للامارات وين ماجنه گاعدين احنه
ملاك:-اي صح جنتوا گاعدين بالامارات بس ممصدكة عززززة يمة يعني اصعد طيارة؟
كمال:-لا بس تخافين منها
ملاك:-اي أكيد
فرك ايدي بأيد بحماس وكال:-اييي حتى اضحك عليج بلكي تبجين
ملاك:-ماراح اضربك لأن فرحتني
فتح ايده وحضنته حيل:-ربي يخليك الي
باسني بشعري وشالني...
واني فرحانه وياه تجاوبت وبادلته
بشعور اقوى منه
مرت يومين هو مالتحق لان گال اخذت إجازة
سفر
گعدت احضر بالجنط صفنت وسالته:-كمال هناك البس عباية؟
كمال:-والله ودي البسج عباية بس تعاندين واين ماريد اضوجج
ملاك:-أحبك
كمال:-باجر الصبح اخذج ونروح للسوك اخذي ذني الثياب العراض وطوال حتى ماتتقيدين ممنوع بناطير
ملاك:-لا حبيبي عندي ميحتاج اشتريتلي مال شغل لسة عندي
كمال:-تؤ أكيد زغرن عليج اريدهن عراض
ملاك:-بكيفك ، بس العصر اروح لأهلي
كمال:-شتسوين؟
ملاك:-لا حباب جا شون غير راح اسافر عاد اروح اودعهم وتعال انت الفجر هي بيش الساعه الطيارة؟
كمال:-بـ7
ملاك:-اي خوش لعد تعاليلي ب4 ؏ مانوصل وننتضر تصير ب7
باوعلي تك عين وهز راسة
واني كعدت احضر ملابسة وصدك ثاني
يوم اخذني
للسوك واشترالي جبب وصايات
وثياب طوال ماوصل للبناطير والقمصان ابد
كل ما الزم بنطرون يخزرني
واعوفة
رجعت للبيت متكسرة حضرت جنطتي واخذت
كلشي احتاجة
نزلت سويت الغدة
تغدينه وغسلت الاماعين
نمنه ساعتين واخذني لأهلي
اول ماسلمت ؏ امي ضلت تبوس وتحضن بية
دخلت سلمت ؏ كل
وصعدنه فوك
ملك:-الله يعني ملاك صدك راح تسافرين؟ هنيالج
أيمان:-لاتحسدين البنية
ملك:-شنو السالفة لا بس هيج احجي يعني اكيد ماحسد
ريم:-ملاك جيبيلي شي وياج
ملاك:-اي اكيد كُلكُم أجيبلكم صوغات
أيمان:-لا يمة مانريد تونسوا أنتوا لاتلتهون بهيج سوالف قابل ماعدنه
ملاك:-الله كريم
تونست وياهن حتى نوم ماخلني أنام
كعدتني أمي بالاربعة گالت كمال بالباب
گعدت لبست الجبة ورتبت روحي بوست خواتي
وجاسر نايمين نزلت ؏ كيفي
حضنت أمي وهي توصيني وتحفضني آيات
حتى نوصل بالسلامة
صعدت بالسيارة والدنيا ضلمة باوعت لأمي
بيدها طاسة مي من تحركنه ذبتة ورانه
حطيت راسي ؏ جامة وأبتسمت
أحلامي دتحقق
جنت أحب اسوق سيارة وخلاني اسوقها واتعلمها
وهسه نسافر
شنو الاحلام الي يحققها إلي بعد؟
معقولة يخليني أدرس؟ واحقق هذا اكبر حلم
دعيت ربي بهاي الفجرية وضليت لازمة
ايدة لحد ما وصلنه للمطار جانت هوسة
واصوات راح كمال حجز وهاي السوالف مال سفر
وكعدنه ننتضر حطيت راسي ؏ جتفة
تلمس خدي وگال:-فرحانة؟
ملاك:-فوك ماتتصور
باس گصتي وهمس:-الله ينطيني العمر وماشوف دمعة تنزل من عينج
ملاك:-آمين
ضليت حاطة راسي لحد ما اعلنوا
انو لازم المسافرين يركبون الطيارة
لزمت أيد كمال حيل ضحك:-امشي بابا اني وياج
ملاك:-أخاف
كمال:-ماتخوف أمشي
لزمني وبأيدة الثانية يمشي بالجنط
ثنينهن ميرضى الزم جنطة
عدى جنطتي
حطينه الجنط بهاي مال تفتيش
واحنه فتشونه هم
اخذنه الجنط
ورحنه للطيارة واني اهمس الادعية الي كالتهن
الي أمي
كمال:-شنو السالفة ولج هسه تغمضين عيونج تفتحيهن تلكين روحج بالامارات
ملاك:-مادري خايفة خاف تنگلب
كمال:-راح اركعج ؏ حلگج
ملاك:-اها باوع حتى انت خايف
باوعلي وضحك
يمة ونوب اباوع للطيارة شكبرررها
جبيرة حيييل جنه نشوفها زغيرة بالتلفيزون لو
من تعبر بالسما
شكبرها من تتقربون منها
ونوب كل درجاية شكبرها گوة اصعد
وكمال يضحك يضحك علية ماتوقف عن الضحك
لحظة وحدة
اخذنه مقاعدنه وگعدنه
ملاك:-انت اكعد يم الشباك اني ما اگعد يمة
كام وبدل مكاني وهو ضام ضحكته
گرصته حيل بزندة:-اني اعلمك اوگفلي اني شورطني واجيت وياك اصلا ما أمن بيك لباب الشارع
ضحك وهز راسة أي
تحركت الطيارة لزمت أيدة بساع:-يالله
كمال:-اذا صيحتي اشمرج من الشباك لاتفضحينه
ملاك:-اني شعندي اجيت يمةةة
وهي تصعد شوية شوية ومن صعدت
احس روحي صعدت للخالق
متت بدمي بطني صعدت ويا روحي
بساع شهگت لزم ايدي كمال حيل وهو يهمس:-؏ كيفج
بابا ؏ كيفج صلِ على محمد شكد فاهية
اباوعلة سنونه مبينه
مبين يضحك
خرمشت أيدة واني فاتحة عيوني خايفة
لحد ماتوازنت الطيارة بالجو يلا كدرت اتنفس
عدل
كمال:-باع ذاك مو طفل وياج امداج اي والله
ملاك:-لاتغلط علية غير انتي سحلتني وياك
كمال:-عود ردت اونسج واطلعج
هو انتي مال طلعة
ضربته وگتلة:-ترة مابية شي
بس شوية اكيد لان ما مجربتها قبل
كمال:-اي كلش باع وجهج صار ازرك بلون عيونج
اجيبلج اوكسجين؟
درت وجهي عنه وهمست:-نذل
گرصني بزري:-هاي عليمن
طفرت وخزرته:-اني اعلمك
كمال:-واني هم اني اعلمج دخلي نوصل وشوفي
ملاك:-اي ديلا ؏ اساس خايفة
كمال:-خوش
باوعتلة عود هم يهدد
رجعت باوعت للطفل يباوع من المرايا
يمة مايخاف هذا شيطان مو طفل
بس يمكن متعود
ضليت استغفر واسبح لحد ما وصلنه
ومن نزلت الطيارة ماسولفلكم
الصار بية
روحي گامت تلعب بسرعة وردت اتقيأ
دخت وضليت مغمضة عيوني واردد يالله
يالله
بصوت مسموع لحد ما وگفت
همست:- راح اتقيأ
كمال:-بس لحظة اطلع الجنط انزل انتي تكدرين؟
ملاك:-ماكدر ماكدر اتحرك
طلع الجنط ولزمني من ضهري ساعدتني
الموضفة مدري شيسموها هو كاللها اتخربطت
نزلتني والبايات مال درج گوة نزلتهن
وگفت وضليت اتنفس بسرعة
كمال عاف الجنط وأجاني:-تعاي هنا غسلي
وكفنه بمكان معزول گمت اتقيأ وهو يدك
؏ ضهري:-؏ كيفج
خلصت واخذت البطل شربت مي
رجع اخذ مني ويغسلي نگعني تنكع شالي كله
تنكع:-كمممممال جيييب
كمال:-دهاج مو صوجج
ملاك:-أگلك شو انت مان علية؟ اذا متريد رجعني
ضحك:-بابا شنو مان عليج
بس انتي مخبلة زايد يلا غسلي غسلي وارتاحي يلا
غسلت وارتاحيت شوية
انطاني جكليته اكلتها وتمشينه اخذنه تكسي
ومشى بينه ماعرف وين رايحين
اباوع للشوارع تجنن ماتوقعتها هيج
اباوع واتحسر ؏ عراقنه المضلوم
بس يبقى بعيونه هو احلى وأأمن بلد...
وصلنه لأفرع كمال يدلي السايق
ويطببنه بأفرع همست
لكمال:-وين رايحين؟
كمال:-هسه انتضري
وگفنه بفرع نزلنه وكمال انطاه فلوسة
ونزلنه الجنط وضلينه نمشي
أباوع للبيوت شنهاي؟ قصور ڤلة شنو
يخبلن كلها عالية الشوارع نضيييفة
تراب ماكو هسه غير هو شارع المفروض
اكو تراب ماكو أبد
وگفنه گبال بيت باوعتله بصدمة:-هذا بيتكم؟؟؟؟
ضحك وگال أي
ملاك:-عزززة يجنن
كمال:-دخلي وشوفي
ملاك:-جا شرجعكم للعراق يحضي
كمال:-غير جمالج سحلني
ملاك:-لاتذبها براسي
دخلنه جوة الحديقة شكبرررها بس حرامات
كلشي ميت لان ماكو احد يعتني بيها
كلما ندخل كمال يفتح الباب بمفتاح
دخلنه المطبخ ماشوف شي لان تراب و وصخ
واشكال والوان
راح كمال فتح الكهرباء
والبيت نور بكل مكان اكو ضوة
نزعت حجابي واني صافنة أباوع
شكد بيت خالتي هسه جبير وحلو بس هذا بعد اكبر بقاطين
البيت كلة تراب حرفياً
حرنه وين نخلي غراضنه باوعلي كمال وگال:-عود
بيج حيل تنضفين
ملاك:-اييي البيت يسوي واهس يلا خلي نبدل ونبلش
كمال:-واني شكو
ملاك:-وتريدني اكرب وحدي؟ يلا عيني يلا
كمال:-أمري لالله
نزع ملابسة وضل بس بالشورت
واني نزعت لبست دشداشة واصلة للفخذ
اصلاً يكول تشيرت جانت خفيفة كلت حتى انضف
براحتي
باوعلي كمال وگال:-تردين تغريني لو تنضفين
ملاك:-الاثنين
كمال:-نذلة ، باعي هاي مكناسة كهربائية الفوك
بس هيج شلون ماجان نضفي بي
وهذا نغسلة غسل بس لاتطلعين للسطح بس الصالة الفوك
ملاك:-عفية برجلي النادر
ضحك واخذ الفرچة يكنس بالصالة
واني اخذت المكناسة وصعدت
جانن اكو 3 غرف فتحت اول غرفة خمنت غرفة
وحدة من البنات بس جانت كلها بلون الابيض
والاحمر وحرامات كلة متدمر لان تركو صار هواية واكيد صارت عثة لو تآكل الأخشاب والتراب فوووول اول مافتحت الباب بوجهي أجة
فتحت غرفة مال ولد
واكيد لكمال فتحت الضوة رأساً
وخرت ايدي مشت دودة عليها
باوعت لصورته بتخرجة من السادس لان مكتوب
عليها الف مبروك التخرج من السادس
ضحكت يفشل شنو هذا يمكن لو خاطبني
قبل لو أموت ما أقبل خرب سبحان الخلاه
هيج حلو
فتحت كنتورة فارغ مابي شي
جرارات مدري شنو كلشي فارغ گلت خاف
عندة شي وضامة حتى جوة الجرباية دورت مالگيت شي
فتحت ألغرفة الثالثة
هاي حدث ولا حرج فضيحة كارثية
وتاكدت هاي لوردة
الألوان الف صبغ ؏ حايط وكلها طبعات مال أدين
وصورها من هي وزغيرة ملزگتهن ؏ حايط
ومشخبطة لاعبة لعب سديتها بساع
وتاكدت رندة من هي وزغيرة يمكن تحب الترتيب
لان هي ارتب غرفة بيهم
كمال صبغ لون غرفته
أخضر وازرك وسمائي ماعرف الربط وين
سديت الغرف وكنست الصالة وانضف بيها
ومتنضف
لحد ماخلصتها ضهري انكطم كطم وكل ساعة
طافرتلي دودة واني اصيح
وكمال يصيح علية من جوة لأن أخرعة
نزلت كمال مخلص كنس بس بعد الغسل
لان هيج مستحيل تصير نضيفة واني
ما أگعد
بمكان عندي شك بي هو وصخ
فتح غرفة وكال:-هنا ننام بغرفة أمي وأبوية
مانصعد للغرف الفوك
ملاك:-عزة كمال صدك
كمال:-شكو؟
ملاك:-شفت صورتك وانت زغير
كمال:-الله ياخذج شون فتحتي الغرفة
واني غاصة بالضحك:-هههههههههههههههههه لو جاي وخاطبني وانت هيج شكلك لو تموت ماقبل بيك هههههههه
كمال:-نذلة شبية مو بعينج
ملاك:-تفششششل يممممة متتتتت
كمال:-ديلا يلا محد اجة من بطن أمة توم كروز
واني اباوعلة وضامة ضحكتي
كفخني ؏ راسي
فتحت غرفة خالتي
تجننن جانت أثاثها ذهبي وابيض
وملكية بحته
حبيتها
نضفتها اول وحدة حتى بيبان الكناتير مستحهن
ونضفت الجوة وكلشي نضفت بالغرفة
طلعت تخبل
طلعنه اني وكمال
هوو منضف التخم رجعت مستحة بوصلة مبللة
علمود ينضف اكثر
وسحبنه التخم ؏ جهه ونضفنه مكانة
وغسلته ونشفتة نوب رجعناهن
وكملنه الباقي لحد المغرب احنه ننضف
حتى غدة اكلنه شلون ماجان
لان كلشي وصخ وما مرتب ماكدرنه نگعد وناكل
براحتنه
تكسرنه اني وكمال
هو هم تعب وياي كلش يشيل عني الأشياء
الثگيلة
خو المطبخ اكثر شي متعب لان هو بالواجهه
كملت منتهيه من التعب
خلينه البيت يلج لج اخذت ملابسي وكمال
عاند الة يطب وياي
دخلنه سوة والمناگر مالتنه مالة والي
لحد ما طردته وسبحت براحتي
حتى المي يخبل
لبست خفيف وطلعت
كمال:-نطلع برا ناكل؟
ملاك:-تحجي صدك أنت؟ متكسرة تكسر روح جيب اكل وتعال
كمال:-جا حتى اني تعبان
ملاك:-روح حبيبي روح يلا عيوني
غمني وراح ضحكت
ومشطت شعري المايتمشط گوة يلا صار سرح
شلته عالي
وتمددت ؏ جرباية
ضهري كبل گام يطكطك
غفيت شوية وكعدني كمال جان جايب
كباب شوي سطرتني سطر الريحة
تربعت ؏ جرباية وهو جاب سفرة
وفرشها ؏ جرباية وكعدنه ناكل متكسرين وميتين
تعب
من خلصنه شلت الأكل
ونكثت الجرباية ورجعت تمددت:-كمال جولاتك عوفهن الباجر ترة حتى حضنه مابية
كمال:-حتى اني تعبان مالي خلگج ولي
ملاك:-؏ اساس ميته عليك
ضحك وجرني لحضنه وباسني برگبتي
كمال:-يعني ماميته علية انتي؟
ملاك:-لا جذب اموت عليك
كمال:-لاتخليني اتهور
ضحكت ودرت بس راسي بسته
حييل وحتى مابادلني بس مبتسم
ورجعت درت وجهي ونمت وهو حاضني
ثاني يوم
الصبح گعدت مالگيته
گمت من مكاني ورحت امشي صفح
مالي خلك والنوم بعيني
وكفت بباب المطبخ باوعتلة أبتسمت
گاعد يطبخ ومشغل اغنية ماتذكرها شنو جانت
تقدمت ؏ اطراف اصابيعي وحضنته من ورة
ملاك:-صباح الخير
كمال:-صباحي أنتِ
ملاك:-اممم شدتسوي؟
كمال:-اطبخلج
ملاك:-صاير نادر ماعرفتك والله
كمال:-جا امس منو الكرب كراب المطي
انتي مايفيد وياج لا سفر لا غزل لا دلال لا طيحان حظ كلشي ما يغزر وياج ابد
ملاك:-هاي شبيك اشاقة يا حَبيبي
كمال:-راضيني بوسة
ملاك:-خليها ورا الريوك ريوك ثاني خاص
كمال:-يا عَيني
ضحكت ورحت غسلت وجهي
وكعدت ؏ ميز منتضرته
جان الجو حلو ولطيف خاصة بعد التنضيف
احس كلشي صار بمكانه ومشغلين بخور
وفاتح كمال الشبابيك واصوات العصافير
كلها جانت حلم بالنسبة ألي
الهوى يدخل للبيت وبرودة حلوة كلش
رغم لابسة قصير بس مابردانة ذاك البرد
خلص كمال الأكل ورتبة ؏ ميز
جان ترتيبة خُرافي شنو معقولة عائلة
هيج أنيقة ومرتبة حتى خالتي اذا الحاجة متحركة
او بس هيج شوية متحركة من مكانها تلعب جولة
حتى وردة يومية لبس وصبغ اضافر
وشعرها مفتوح ؏ طول وكل ساعة مغيرة ملابسها
وكذلك مرتبة
أما رندة بحث آخر وانتوا شاهدين عليها
كلشي هي بالترتيب محد يلحگها
بس همة هم أنيقين
ابتسمت الحمدلله الله رزقني هيج عائلة مثققة
ومرتبة
وهو يصب الجاي ويرتب الأكل واني اباوعلة
مبتسمة:-يعني جهالي يطلعون ؏ أبوهم مرتبين هيج؟
كمال:-اي جا يطلعون عليج
ملاك:-بعدين اتناكر وياك هسه الاكل مبين طيب
كمال:-أكلي بالعافية أكلي بخيري
ملاك:-خليني ادرس واتعين واكل بخيري
كمال:-انجبي ويلا اكلي
سكتت مامنه فايدة
بس الترتيب يسويلك واهس تاكل
اكلت كلشي وكلشي طيب حرفياً
كمال عندة
نفس بالأكل فضيع
كملت وگتلة:-كمل معروفك واغسل اماعينك
؏ ما اتجهزلك
كمال:-اذا هيج يلا
ضحكت ورحت للغرفة لبست
ثوب نوم اصفر بعدين صفنت خاف يضل
يحشش علية ويگلي زردة ومادري
شنو
نزعته رغم هو جان لطيف ورقيق
بس هذا يعيب
رجعت لبست غير لون كُحلي
وحطيت مكياج طوخ
وشعري شلتة ذيل حصان
والگلادة برگبتي مانزعتها أبد الي هيه اجنحة
الملائكة
كعدت ؏ جرباية اصبغ اضافر
رجلي
دخل كمال وابتسملي اتقدم وهو لابس بس البجامة
ملابس تشيرت
صار وراي وضل يبوس برگبتي ؏ طولها
أبتسمت وباوعتلة ورجعت أصبغ
شوية وسألته:-كمالي
كمال:-أمة وأبوة وعشيرته
ملاك:-شبيهم؟
كمال:-يرحولج فدوة
ضحكت ونفخت ؏ الصبغ
لزمني من زندي وذبني ؏ جرباية
وصار فوگاية حاوطت رگبته وهمست:-شكد تحبني؟
كمال:-ميت اني بيج مو بس أحبج
تدرين من جنت اشوفج اكول شلون بية؟
جنتي انتي وعيونج عليه تشلني شل
جنت من اشوفج أسال كلبي أكول
معقولة هاي تصير ألية؟
ملاك:-وصار الما معقول مو؟
كمال:-عايش بحلم
ابتسم واخذني للاحلام فعلاً...
لليل وطلعنه نفتر
جانت أحلى اجواء اعيشها بالأمارات
تونسنه هواي وجنت اطلع بدون عباية اخذ راحتي
جانو اكو مصورين بالشوارع يعني هيج
ناخذ صور جنه كل مانطلع ناخذ صور ونسحبهن
آخر يوم خصصته بس للصوغات
اخذنه للكل حتى لبيت جدي
كلهم ؏ حاجة حاجة
وكمال وياي ابد ما كال لا عدى مكياجي ولبسي
يعترض عليهن
الباقي مخليني براحتي اتصرف
كضينه احلى عشرة ايام بحياتي
جانت فعلاً من اروع شي صار
رجعنه للعراق واحس ردتلي روحي
وكأنما دخلت لحضن امي
ياهو اليجي ويسلم علينه ننطي هديتة
مانسيت الكل
وكلها فرحت بالهداية واحس فرحت لفرحتهم
مرت ايام واحنه تعبانين حتى كمال اخذ اجازة
على راتبة
رجعت لحياتي الطبيعية
ومرت خمسة اشهر ؏ زواجي
وجانت اشهر مليانه حب وغزل ورومانسيات وطلعات
جنه كل جمعة نطلع أبد مانفوت ولا جمعة
نزلت الصبح لگيت وردة بالمطبخ عيونها
مورمة صبحت عليها باستغراب:-شبيج وردَ؟
هزت راسها بـ مابية شي
گعدت بصفها وهمست:-شنو مابيج عيونح ليش هيج مورمة؟
وردة:-مابية شبيج والله جنت اغسل وطب الصابون بعيوني
ملاك:-اسويلج ريوك وياي؟
وردة:-بكيفج
كمت سويتلها واباوعلها نايمة ؏ طبلة الميز
حطيت الأكل ؏ ميز وهي منزلة راسها وكاعدة
تاكل حتى ماحجت
وهاي مو عادتها
طلعت خالتي من الغرفة مالتها
ضايحة كلش وعصبية حتى ماصبحت شافتها
وردة ونزلت دموعها
بيداء:-خلصي سم وطبي لغرفتج ماريد اشوفج
باوعت عليها عبالي وياية
بس جانت تخزر بوردة عافتني وكامت
حتى ماكملت أكلها
ملاك:-شبيها خالة؟ ليش هيج وياها
نترت:-مابية شي معليج انتي
استغربت نبرتها سكتت ماحجيت
غسلت الأماعين وسويت الغدة
ورا الصلاة صبيت الاكل رحت اريد
اصيح وردة عاطت بية:-وين رايححة؟
ملاك:-اصيح لوردة
بيداء:-عوفيها ماتسمم
ملاك:-هسه غير افهم ليش؟
صاحت:-گلتتت ماكووووو شيييي لاتلحييين
ملاك:-اي هذا هو ليش صيحين علية شعلية
سكتت وضلت تاكل بحرگة
وتصفن عيونها حمر
كملت وكامت لغرفتها غسلت الأماعين
ورحت لغرفة وردة دكيت الباب:-منو؟
ملاك:-اني
وردة:-ادخلي
دخلت وتقدمت يمها:-عادي تحجيلي لو ماتقبلين؟
دنگت مقهورة وتبجي فتحتلها
ايدي بسرعة ذبت روحها وكأنما هي تريد واحد
يحضنها واجتها من الله
ضليت امسد ؏ شعرها بهدوء
واهمسلها:-كافي حبيبتي
وهي تشهك وخرت عن حضني
وضلت تلطم ؏ وجهها:-خربت حياتي خربتها خسرت امي واخوي خسرت ثقة الكل بية
لزمت اديها وصحت:-اشش لاتصيحين اسكتي هسه غير تفهميني شكوو والله راح اموت بدمي
وردة:-اني اني وأمير
ملاك:-ابن خالي عصام؟
وردة:-اي اي
ملاك:-اي شكو شصاير
ارتبكت وكالت:-احبة وامي شافت محادثاتنه
لطمت ؏ وجهي:-عزة بعينج
سكتت وضلت بس تبجي
وتشهك انفتح الباب وطبت خالتي تخوزر
رأسا ضمت راسها بحضني:-طلعي ملاك
وخرت عن وردة وهي تحرمصلي بعيونها
ماعوفها
بس خفت من خالتي اول ماطلعت
خالتي قفلت الباب
ضليت انتضر بالصالة وشوية وسمعت
صوت وردة تصيح وتبجي وخالتي
مبينه تكتل بيها
ركضت يم الباب اسمعها تصيح:-ولج كسرتي راسي وكسرتي عيني شلون احط عيوني بعيونهن بعد ولج فشلتيني وطلعتي مسوية الأكبر
ادك بالباب اريدها تسمعني ماكو
شوية وطلعت وقفلت الباب وراها وصاحت بية:-ممنوع تطبيلها
ملاك:-خالة خطية
بيداء:-ماكووو خطيةةةة اذا لمحتها تفتر بالبيت انتي وياها تنكتلن
هاي شلون بلوة هاي ضليت
كاعدة بالصالة و اسمع صوت وردة تبجي
تفطر الكلب
ثاني يوم اجة كمال تلگيته
من الباب ضرب ضهر للحايط وباسني بقوة
وهو رافع رجلي وايدة ورا ركبتي:-مشتاگلج
ملاك:-واني هم
اخذني وصعدني فوك ومبين مايدري
بالسالفة
و؏ غدة خالتي ضايجة واني اباوعلها بخوف
وكمال مستغرب:-جا وردة ماتجي تاكل
بيداء:-ماتريد
حجتها وهي ضايجة:-وانتوا شبيكم شو وجوكم تتلاطم اكو شي؟ شبيها ورد؟
ملاك:-لا ماكو شي بس هي متخربطة
كمال:-جا ليش ساكتات خلي اخذها للمستشفى
ملاك:-مابيها شي اكعد بس هيج وجع عادي
واني اباوع لخالتي واتوسللها بعيوني متحجي
رجع كعد واكل
واحنه ماكلنه قليل
گمت غسل الاماعين وسمعت خالتي
گالت:-تعال كمال احاجيك
احس گلبي وكع شلون خاف يكتلها
بس لو يموت ماخلي يوصللها
حتى لو اني انضرب....
وفعلاً شوية وگبت العيطة
وتكسر باب وردة تكسر
رحت اريد اوخرة ماكو صنم فتح الباب
وهي جانت خاتلة بالزاويا:-لا كمال حباب عليك الللله
واني من شفته شالها من شعرها اتأكدت هذا مو
كمال گام يضربها بعشوائية
اجيت وصرت بنصهم بس اريد افكة
عنها ماكو
دفعته حيل ولبدتها ورا ضهري
وهو يصيح ويغلط:-ككككككافففففي كممممال
رااحححح تموووتتتت
كمال:-وموتتتتتهممم بت الكللللببببب انتي وذااااك الگووو..... اني اعلمكم اني الججج يا سا.... مو صوجج صوجي اني الكلب ابن سطعش كلب انطيتج مجال وخليتيني اشتم ابوي بگبرة عاررر لو اكتلج بيدي ماطفي نار كلبي اني اعلمج
وهي تشهك واني واكفة كبالها:-كمال
اذا وصلتلها وحق الله اخذها وروح لأهلي وماخليك تشوفنه
سكت وهو يهز براسة
وطلع وجهه نار وخالتي واكفة بس تباوع
وملامح التعب والقهر بوجهها
طلعت وراه شبكتها
ونيمتها وطلعت وراهم سديت بابها وقفلت بيدي
وضميت المفتاح
صعدت وراه لگيته يفتر بالغرفة
وملامحة عصبية تخوف
اول مرة اشوفة هيج همست:-كمال
كمال:-اسكتي لاتحجين وياي
سكتت واجيت تقربت منه ولزمت ايدة
ملاك:-كمال لخاطري لتضربها زغيرة وغلطت كافي
كمال:-لا والله ما ارحمهم
ملاك:-كمال هي بس مراسلته لاتكبر الموضوع
باوعلي وضحك ورجع دار
وجهه:-مراسلته تكلي أكلللللهااااا نايمممممممة نايممممممة نيووووم ويااااه
فتحت عيوني بصدمة:-شدتحجي هي كالتلي بس مراسلته
سكت وضل يتنفس بغضب كعد ؏ جرباية
فتحت الثلاجة وانطيته بطل مي واني صافنه
معقولة تسويها؟
اكيد اكو شي غلط شفت كمال نايم
نزلتلها لكيتها نايمة وتشهك غطيتها
وصعدت نمت بصف كمال
للعصر وفزيت ؏ دگة الباب فتحتها شفتها
خالتي باوعت لكمال وكالتة:-گعدي كمال اجة جدج وخالج
هزيت راسي
ورحت گعدته:-شعدهم جايين ؏ سواد وجهه ابنهم
لزمت ايدة وبستة:-كمال فدوة لاتعصب حطني بين عيونك اذا صار بيك شي وين اروح؟
باسني بخدودي وابتسم:-انقى بنية عرفتها انتي
زغرت عيوني وكتلة:-ليش قبل جنت تعرف بنات
ضحك وهمس لا
راح بدل ونزل واني بدلت ونزلت سلمت
عليهم وانطيتهم ماي والمصايح
مالتهم مالة والي
كمال حتى ؏ جدو وخالي اتجاوز واني اخزرة
واهدئة بعيوني
اخر شي همس أمير:-كافي كمال كتلك اتزوجها واستر عليها...
