رواية الملازم والعنوديه الصغيرة الفصل الثاني عشر بقلم مجهول
ﺳﻤﺮ .. ﺍﺟﺬﺏ ﺍﺫﺍ ﺍﻛﻠﻜﻢ ﻣﺎﺍﻧﺼﺪﻣﺖ ﻭﺩﻣﻮﻋﻲ ﻧﺰﻟﺖ
ﻋﻠﻴﻤﻦ ﻳﺘﻌﺎﺭﻙ ﺍﺫﺍ ﻫﻮ ﻳﺮﻳﺪ ﺷﻬﺪ
ﺑﺲ ﻳﺮﻳﺪﻧﻲ ﻳﻤﻪ ﻭﻫﻮ ﻳﻌﻴﺶ ﺣﻴﺎﺗﻪ ﺍﻧﺴﺎﻥ ﻣﺘﻤﻠﻚ ﻛﻠﺸﻲ ﻳﺮﻳﺪﺓ ﺍﻟﻪ ﻭﺑﺲ
ﺻﻌﺪﺕ ﺍﻟﻐﺮﻓﺘﻲ ﺍﺭﻛﺾ ﻭﺍﻟﺪﻣﻮﻉ ﺗﻨﺰﻝ ﻣﻦ ﻋﻴﻨﻲ ﺣﻘﻴﺮﺭ ﻟﻤﻦ ﺣﺒﻴﺘﻪ ﻭﺗﻌﻠﻘﺖ ﺑﻲ ﻳﺮﻳﺪ ﻳﺎﺧﺬ ﺷﻬﺪ
ﻟﺬﺍﻟﻚ ﻗﺮﺭﺕ ﺍﺭﺟﻊ ﺍﻟﺨﺒﺮ ﺍﻟﺒﻴﺖ ﻋﻤﻲ
ﻭﺍﻧﻄﻴﻬﻢ ﻣﻮﺍﻓﻘﺘﻲ ﻭﺍﻟﻴﺼﻴﺮ ﺧﻞ ﻳﺼﻴﺮ
ﻳﻤﻜﻦ ﺑﻤﺮﻭﺭ ﺍﻟﺰﻣﻦ ﺍﺣﺐ ﻣﻬﻨﺪ ﻭﺍﻧﻲ ﺣﺘﻰ ﻛﻌﺪﺗﻲ ﻳﻢ ﺑﻴﺖ ﻋﻤﻲ ﻏﻠﻂ ﻭﺍﻟﻨﺎﺱ ﺗﺤﻂ ﺍﻟﻒ ﺍﻧﻪ ﺑﺎﻟﻤﻮﺿﻮﻉ ﻣﺎﻳﻜﻮﻟﻮﻥ ﻳﺘﻴﻤﻪ ﻭﻣﺎﻋﺪﻫﺎ ﺍﺣﺪ ﻛﻞ ﺍﻟﻴﻬﻤﻬﻢ ﻳﺤﺠﻮﻥ ﻭﺑﺲ
ﺿﻠﻴﺖ ﺍﺭﻭﺡ ﻭﺍﺭﺟﻊ ﺑﺎﻟﻐﺮﻓﻪ ﻭﺍﻟﺪﻣﻌﻪ ﺗﻼﻟﻲ ﺑﻌﻴﻨﻲ ﺍﻫﻔﻲ ﻋﻠﻰ ﻭﺟﻬﻲ ﺍﺣﺴﻪ ﻳﻄﻠﻊ ﻧﺎﺭ ﻣﻨﻪ
ﻛﻤﺖ ﻋﻠﻰ ﺣﻴﻠﻲ ﻭﻧﺰﻟﺖ ﻳﻤﻬﻢ ﻟﻜﻴﺘﻬﻢ ﻋﻠﻰ ﻛﻌﺪﺗﻬﻦ ﺑﺲ ﺿﺮﻏﺎﻡ ﻭﻣﻴﺲ ﻭﺳﻼﻡ ﻫﻢ ﻛﺎﻋﺪﻳﻦ
ﺩﻧﻜﺖ ﻭﺳﻠﻤﺖ ﻋﻠﻴﻬﻢ ﺭﺩﻭ ﺍﻟﺴﻼﻡ ﻛﻌﺪﺕ ﻳﻢ ﻋﻤﺘﻲ
ﺳﻼﻡ .. ﺍﺷﻠﻮﻧﺞ ﺑﺖ ﻋﻤﻲ ﺑﻮﻳﻪ ﺷﻨﻮ ﺳﺎﻟﻔﺘﺞ ﺍﻟﻨﻬﺎﺭ ﻛﻠﻪ ﺣﺎﺑﺴﻪ ﺭﻭﺣﺞ ﺑﺎﻟﻐﺮﻓﻪ ﻻﺍﻃﻠﻌﻴﻦ ﻭﻻﺗﻨﺰﻟﻴﻦ ﺑﺲ ﻓﻬﻤﻴﻨﻲ ﻣﺎﺗﺨﺘﻨﻜﻴﻦ ﻣﺎﺗﻀﻮﺟﻴﻦ ؟؟
ﺳﻤﺮ .. ﻋﺎﺩﻱ ﺧﻴﻲ ﺗﻌﻮﺩﺕ
ﺳﻼﻡ .. ﺻﺪﻙ ﻳﻤﻪ ﻣﻮ ﻋﻠﻰ ﺍﺳﺎﺱ ﺍﻟﻴﻮﻡ ﺗﺮﺟﻌﻮﻥ ﺧﺒﺮ ﺍﻟﺒﻴﺖ ﻋﻤﻲ
ﺍﻡ ﻫﺸﺎﻡ .. ﺍﻱ ﻳﻤﻪ ﺍﺧﻮﻙ ﻣﺎﻳﻘﺒﻞ ﻣﺎﺗﺸﻮﻓﻪ ﺻﺎﺭﻟﻪ ﻳﻮﻣﻴﻦ ﻣﺴﻮﻱ ﺍﻧﻘﻼﺏ ﺑﺎﻟﺒﻴﺖ
ﺳﻤﺮ .. ﻫﻲ ﺗﺤﺠﻲ ﻭﺍﻧﻲ ﺑﻜﻠﺒﻲ ﺍﻛﻮﻝ ﻋﻠﻴﻤﻦ ﻳﺴﻮﻱ ﻧﻘﻼﺏ ﻣﻄﺒﻖ ﻋﻠﻴﻪ ﻣﺜﻞ ﻻ ﺍﻧﻄﻴﻚ ﻭﻻ ﺍﺧﻠﻲ ﺭﺣﻤﻪ ﺍﻟﻠﻪ ﺗﻨﺰﻝ ﻋﻠﻴﻚ
ﺑﺎﻭﻋﺖ ﺍﻟﻌﻤﺘﻲ ﻭﺣﺠﻴﺖ ﺑﺼﻮﺕ ﻧﺎﺻﻲ
ﻛﺘﻠﻬﺎ ﻋﻤﻪ ﺭﺟﻌﻮﻟﻬﻢ ﺍﻟﺨﺒﺮ ﺍﻧﻲ ﻣﻮﺍﻓﻘﻪ
ﻫﺸﺎﻡ .. ﻫﺎﺍﺍﺍﻱ ﻣﻨﻮﻭ ﺍﻟﻤﻮﺍﻓﻘﻪ؟؟
ﺳﻤﺮ .. ﻣﺎﺍﻛﻠﻜﻢ ﻉ ﺍﻟﺨﻮﻑ ﺍﻟﺘﻤﻠﻜﻨﻲ ﻣﻦ ﺳﻤﻌﺖ ﺻﻮﺗﻪ ﺑﺲ ﺍﺩﻋﻴﺖ ﺍﻟﻘﻮﺓ
ﺩﺭﺕ ﻭﺟﻬﻲ ﻋﻠﻲ ﻳﺒﻮﻭ ﺩﺧﻴﻠﻚ ﺭﺑﻲ ﺍﻧﻮﺏ ﺟﺎﻱ ﺑﺎﻟﺰﻱ ﺍﻟﻌﺴﻜﺮﻱ ﻭﻻﺯﻡ ﺍﻟﺴﻼﺡ ﺑﻴﺪ ﻭﺍﻟﻤﻮﺑﺎﻳﻞ ﺑﻴﺪﺓ ﺍﻟﺜﺎﻧﻴﻪ ﻧﺰﻟﺖ ﻋﻴﻮﻧﻲ ﻭﻛﻤﺖ ﺍﺭﻳﺪ ﺍﻋﺒﺮ ﻣﻦ ﻳﻤﻪ ﺍﺻﻌﺪ ﻟﻠﻐﺮﻓﻪ
ﺑﻠﺤﻀﻪ ﺻﺎﺭ ﻛﺪﺍﻣﻲ
ﻫﺸﺎﻡ .. ﺩﻗﻴﻘﻪ ﺩﻗﻴﻘﻪ ﻣﻮ ﺷﻤﺮﺗﻴﻠﺞ ﺣﺠﺎﻳﺘﻴﻦ ﻭﺗﺮﺩﻳﻦ ﺗﺮﺣﻴﻦ
ﻋﻴﺪﻱ ﺷﻨﻮ ﻛﻠﺘﻲ ﺍﺭﻳﺪ ﺍﺳﻤﻊ
ﺳﻤﺮ .. ﺭﻓﻌﺖ ﻋﻴﻮﻧﻲ ﺑﻌﻴﻮﻧﻪ ﻭﻛﺘﻠﻪ ﺍﻧﻲ ﻣﻮﺍﻓﻘﻪ ﺑﻤﻬﻨﺪ ﻣﺎﺣﺴﻴﺖ ﻏﻴﺮ ﻫﻔﻨﻲ ﺑﺮﺍﺟﺪﻱ ﻭﺭ ﺍﺫﻧﻲ ﻭﺭ
ﺍﺟﺖ ﻋﻤﺘﻲ ﻭﺍﻟﻮﻟﺪ ﺻﺎﺭﻭ ﻛﺪﺍﻣﻲ ﻭﺍﻧﻲ ﻻﺯﻣﻪ ﺧﺪﻱ ﻭﺍﺷﻬﻚ ﺑﺎﻟﺒﺠﻲ ﻓﺸﻠﻨﻲ ﻛﺪﺍﻣﻬﻢ
ﻭﻫﻮ ﻳﺼﻴﺢ ﻭﺿﺮﻏﺎﻡ ﻭﺳﻼﻡ ﻳﻬﺪﻭﻥ ﺑﻲ
ﻫﺸﺎﻡ ... ﺧﻮﻳﻪ ﻭﺧﺮ ﻋﻨﻲ ﺭﺣﻤﻪ ﻟﻠﻜﻌﺒﻪ ﻭﻟﻜﻢ ﻣﻦ ﺍﻛﻠﻜﻢ ﺻﻠﻔﻪ ﻣﺘﺼﺪﻛﻮﻭﻭﻥ ﺗﺤﻂ ﻋﻴﻨﻬﺎ ﺑﻌﻴﻨﻲ ﻭﺍﺗﻜﻮﻝ ﺍﺭﻳﺪﺓ ﻣﻮﻭﻭ ﺍﺩﻓﻨﺞ ﺍﻧﺘﻲ ﻭﻳﺎﺍﺍﺍﺍﻩ ﺣﻘﻴﺮﺭﺭﺓ
ﺳﻼﻡ .. ﺷﻨﻮ ﺳﺎﻟﻔﺘﻚ ﺧﻮﻳﻪ ﺻﻞ ﻋﻠﻰ ﻣﺤﻤﺪ ﻫﻲ ﺷﺤﺠﺖ ﻭﺗﻀﺮﺑﻬﺎ ﻳﻌﻨﻲ ﺍﻧﺘﻪ ﻛﻠﺸﻲ ﻋﻨﺪﻙ ﺿﺮﺏ ﻣﺎﺍﻛﻮ ﺗﻔﺎﻫﻢ
ﻫﺸﺎﻡ .. ﺷﺘﻔﺎﻫﻢ ﻫﺎﺍﺍ ﺷﺘﻔﺎﻫﻢ
ﺍﺳﻤﻌﻴﻨﻨﻨﻲ ﻭﻟﺞ ﺳﻜﺘﺘﻠﺞ ﻫﻮﺍﻱ ﻣﺎﺿﻞ ﻏﻴﺮ ﺷﻬﺮ ﻧﻌﻘﺪ ﻭﺭﺟﻠﺞ ﻓﻮﻙ ﺭﺍﺍﺍﺍﺳﺞ
ﺳﻤﺮ .. ﻋﻠﻴﻤﻦ ﺧﺎﻳﻔﻪ ﻣﻨﻪ ﺍﻧﻲ ﻭﺿﻌﻴﻔﺔ ﺷﺨﺼﻴﻪ ﻛﺪﺍﻣﻪ ﻭﺍﻧﻔﺬ ﺑﺪﻭﻥ ﻣﺎﺍﺣﺠﻲ ﺑﺲ ﻻﻥ ﺍﻫﺎﺑﻪ ﻭﺍﺣﺘﺮﻣﻪ ﻫﺎﻱ ﺣﻴﺎﺗﻲ ﺍﻧﻲ ﺣﺮﺓ ﺑﻴﻬﺎ ﻣﻮ ﻻﺯﻡ ﺍﺿﻞ ﺑﺲ ﺧﺎﻳﻔﻪ ﺣﺘﻰ ﺍﺫﺍ ﺍﺣﺒﻪ ﻫﻠﺸﻲ ﻣﻴﻔﻴﺪ ﻫﻮ ﻣﺨﺘﺎﺭ ﺣﻴﺎﺗﻪ ﻭﻳﻪ ﺷﻬﺪ ﻋﻠﻴﻤﻦ ﻣﺮﺑﻄﻨﻲ ﻳﻤﻪ
ﻟﺰﻣﺖ ﺍﻳﺪ ﻋﻤﺘﻲ ﻭﺧﺮﺗﻬﺎ ﻋﻦ ﻭﺟﻬﻲ ﻻﻥ ﺟﺎﻧﺖ ﻭﺍﻛﻔﻪ ﻛﺪﺍﻣﻲ ﺗﺨﺎﻑ ﻳﺠﻴﻨﻲ
ﻛﺘﻠﻪ ﺍﻱ ﺍﻧﻲ ﻣﻮﺍﻓﻘﻪ ﻭﻣﺘﺠﺒﺮﻧﻲ ﻋﻠﻰ ﺷﻲ ﻣﻨﻮ ﺳﻤﺤﻠﻚ ﺗﺪﺧﻞ ﺑﺤﻴﺎﺗﻲ
ﺷﻮ ﺍﻧﻲ ﺣﺠﻴﺖ ﻫﻴﺞ ﻟﻮ ﻫﻮ ﺻﺎﺭ ﻣﺎﻳﺸﻮﻑ ﻛﺪﺍﻣﻪ
ﻫﺸﺎﻡ .. ﻫﺪﺩﺩﺩﻧﻲ ﺿﺮﻏﺎﺍﺍﻡ ﺑﺲ ﺍﺭﻳﺪ ﺍﺣﺠﻲ ﻭﻳﻪ ﺍﻡ ﺍﻟﻤﻴﺴﻤﺢ
ﺿﺮﻏﺎﻡ .. ﺧﻮﻳﻪ ﻛﺎﺍﻓﻲ ﺭﺣﻤﻤﻪ ﺍﻟﺮﺑﻚ ﺻﺎﺭ ﻛﻢ ﻳﻮﻡ ﻋﻠﻰ ﻫﻠﻤﻨﻮﺍﻝ ﻣﻮ ﻭﺍﻟﻠﻪ ﻣﻠﻠﺘﻮﻧﻪ
ﺳﻤﺮ .. ﺑﻠﺤﻀﻪ ﻭﺣﺪﺓ ﺩﻓﻊ ﺿﺮﻏﺎﻡ ﻭﺍﺟﻪ ﻟﺰﻣﻨﻲ ﻣﻦ ﺍﻳﺪﻱ ﻭﺳﺤﺒﻨﻲ ﻭﺭﺍﻩ ﺻﺮﺕ ﺍﺟﺮ ﺑﻴﺪﻱ ﻭﻫﻮ ﻻﺯﻣﻬﺎ ﺣﻴﻞ ﻭﻋﻤﺘﻲ ﺗﺘﻮﺳﻞ ﺑﻲ ﻳﻬﺪﻧﻲ ﻭﻫﻮ ﻭﻻ ﻳﻤﻪ ﺍﺑﺪ
ﺻﺎﺭ ﻳﺠﺮ ﺑﻴﻪ ﻭﺍﻧﻲ ﺍﻣﺸﻲ ﻭﺭﺍﻩ ﻭﻛﻠﻬﺎ ﺗﺼﻴﺢ ﻋﻮﻓﻬﺎ ﺣﺮﺍﻡ ﻋﻠﻴﻚ ﺩﺍﺭ ﻭﺟﻬﺎ ﻋﻠﻴﻬﻢ ﻭﻛﺎﻝ
ﻫﺸﺎﻡ .. ﻭﻭﻭﻣﺤﻤﺪ ﺍﻟﻴﻠﺤﻜﻨﻴﻴﻲ ﺍﺍﺍﻫﺠﻢ ﺍﺍﺍﻟﺒﻴﺖ ﻋﻠﻰ ﺭﺍﺳﻪ
ﺳﻤﺮ .. ﻛﻠﻬﺎ ﺍﻧﺨﻠﺴﺖ ﻭﻋﻤﺘﻲ ﻛﻌﺪﺕ ﺑﺎﻟﻜﺎﻉ ﺍﺗﻠﻮﺏ
ﺍﺧﺬﻧﻲ ﻭﺻﻌﺪﻧﻲ ﺍﻟﻐﺮﻓﺘﻪ ﺩﻓﻌﻨﻲ ﻭﺳﺪ ﺍﻟﺒﺎﺏ
ﻛﺎﻝ
ﻫﺸﺎﻡ .. ﻳﻠﻪ ﺍﺣﺠﻲ
ﺳﻤﺮ .. ﺿﻠﻴﺖ ﻣﻨﺰﻟﺔ ﻋﻴﻮﻧﻲ ﻭﻻﺯﻣﻪ ﻃﺮﻑ ﺣﺠﺎﺑﻲ ﻭﺍﺣﺲ ﻣﻦ ﺍﻟﺨﻮﻑ ﺭﺍﺡ ﻳﻐﻤﻪ ﻋﻠﻴﻪ
ﺷﻔﺘﻪ ﻭﺻﻞ ﻳﻤﻲ ﻭﺻﺎﺭ ﻛﺪﺍﻣﻲ ﻣﻴﻔﺮﻗﻨﻪ ﻏﻴﺮ ﺧﻄﻮﺓ ﻭﺣﺪﺓ ﺭﻓﻊ ﻭﺟﻬﻲ ﺑﺼﺎﺑﻴﻌﻪ ﻭﺣﺠﻪ
ﻫﺸﺎﻡ .. ﺗﺮﺩﻳﻦ ﻣﻬﻨﺪ؟؟
ﺳﻤﺮ .. ﻣﺎﺟﺎﻭﺑﺖ ﺧﻔﺖ
ﻫﺸﺎﻡ .. ﺟﺎﻭﻭﻭﺑﻲ
ﺳﻤﺮ .. ﺍﺍﺍ ﻥ ﺍﻧﺘﻪ ﺍﺍﺥ ﺍﺧﺘﺎﺭﻳﺖ ﺣﻴﺎﺗﻚ ﻋﻮ ﻋﻮﻓﻨﻲ ﺍﺍﺧﺘﺎﺭ
ﻫﺸﺎﻡ .. ﺷﻨﻮ ﻫﻮ ﺍﻟﺨﺘﺎﺭﻳﺘﻪ
ﺍﺭﻓﻌﻲ ﺭﺍﺳﺞ ﻭﺣﺎﺟﻴﻨﻲ ﻟﺪﻧﻜﻴﻦ ﺟﺎﻭﻭﻭﺑﻲ
ﺷﻨﻮ ﺍﻟﺨﺘﺎﺭﻳﺘﻪ ﺍﻧﻲ؟؟
ﺳﻤﺮ .. ﺷﻬﺪ
ﻫﺸﺎﻡ .. ﺷﺒﻴﻬﺎ ﺷﻬﺪ؟؟
ﺳﻤﺮ .. ﺍﻧﺘﻪ ﺧﺎﻃﺒﻬﺎ
ﻫﺸﺎﻡ .. ﻣﻦ ﺷﻮﻛﺖ
ﺳﻤﺮ .. ﻣﺎﺍﺩﺭﻱ
ﻫﺸﺎﻡ .. ﻳﻌﻨﻲ ﻗﺒﻠﺘﻲ ﺑﺎﺍﺳﺘﺎﺫ ﻧﻌﺎﻝ ﻻﻥ ﺍﻧﻲ ﺧﺎﻃﺐ ﺷﻬﺪ؟؟
ﺳﻤﺮ .. ﻧﺰﻟﺖ ﺭﺍﺳﻲ ﻣﺎﺣﺠﻴﺖ ﺭﺟﻊ ﺣﺠﻪ
ﻫﺸﺎﻡ .. ﻣﻦ ﺍﺣﺠﻲ ﻭﻳﺎﺝ ﺷﻴﻠﻲ ﺭﺍﺳﺞ ﻭﺑﺎﻭﻭﻋﻲ ﺑﻌﻴﻮﻧﻲ
ﻳﻌﻨﻲ ﻫﺬﺍ ﺍﻟﺨﻼﺝ ﺗﻘﺒﻠﻴﻦ ﺑﻲ ؟؟
ﺳﻤﺮ .. ﺩﻣﻌﺘﻲ ﺟﻨﺖ ﻛﻮﺓ ﻣﺴﻴﻄﺮﺓ ﻋﻠﻴﻬﺎ ﺑﺲ ﺍﺧﺮ ﺷﻲ ﺧﺎﻧﺘﻨﻲ ﻭﻧﺰﻟﺖ ﻭﺗﻬﺪﻡ ﺳﻮﺭ ﺍﻟﻘﻮﺓ ﺍﻟﺒﻨﻴﺘﻪ ﻻﻥ ﻫﺬﺍ ﻣﻮ ﺍﻱ ﺍﺣﺪ ﻫﺬﺍ ﻫﺸﺎﻡ ﺍﻟﻲ ﺍﺣﺲ ﻧﻔﺴﻲ ﻛﺪﺍﻣﻪ ﻃﻔﻠﻪ ﻭﺧﺎﻳﻔﻪ ﻣﻨﻪ ﻃﻔﻠﺘﻪ ﻫﻮ ﻭﺑﺲ
ﺟﺎﻭﺑﺘﻪ ﻛﺘﻠﻪ ﺍﺫﺍ ﺍﻧﺘﻪ ﺗﺮﻳﺪﻫﺎ ﻟﻴﺶ ﻣﺘﻘﺒﻞ ﺑﻤﻬﻨﺪ ﻣﻦ ﺧﻄﺒﻨﻲ
ﻫﺸﺎﻡ .. ﻣﻦ ﻛﻞ ﻋﻘﻠﺞ ﺍﺷﻮﻭﻑ ﻏﻴﺮﺭﺭﺝ ﺑﺎﻭﻋﻴﻠﻲ ﻟﺘﺘﻬﺰﻣﻴﻦ ﻣﻨﻲ
ﺍﺭﻓﻌﻲ ﻋﻴﻮﻧﺞ ﻭﺑﺎﻭﻋﻲ عليه
ﻣﻨﺘﻀﺮ ﻃﻔﻠﺘﻲ ﺍﻟﺮﺑﻴﺘﻬﺎ ﻋﻠﻰ ﺍﻳﺪﻱ
ﻣﻨﺘﻀﺮ ﻃﻔﻠﺘﻲ ﺗﻜﺒﺮ ﺣﺘﻰ ﺍﺧﺬﻫﺎ ﺍﻟﺤﻀﻨﻲ ﻭﺍﻏﻤﺾ ﻋﻴﻮﻧﻲ ﺑﺮﺍﺣﻪ ﻭﺍﻧﻲ ﺍﺻﺒﺢ ﺑﻮﺟﻬﺎ ﺍﻟﺼﺒﺢ
ﺗﺎﻟﻲ ﺗﻮﻛﻒ ﺑﻮﺟﻬﻲ ﻭﺍﺗﻜﻠﻲ ﺍﺭﻳﺪ ﻏﻴﺮﺭﺭﻙ
ﺗﺪﺭﺭﺭﺭﻳﻦ ﻫﺬﺍ ﺷﺼﺎﺍﺍﺭ ﺑﻲ ؟؟
ﺳﺠﻴﻨﻨﻨﻪ ﺧﻠﻴﺘﻲ ﺑﻨﺼﻪ ﺑﺤﺠﺎﻳﺘج هاي
ﺳﻤﺮ .. ﺟﺎﻥ ﻳﺤﺠﻲ ﻭﻫﻮ ﺍﻟﻮﺟﻪ ﻣﻄﻌﻮﻥ ﺍﺣﻤﺮ ﻭﺍﻟﻌﻴﻮﻥ ﺗﺠﺪﺡ ﻭﺍﻻﻭﺭﺩﺓ ﻣﺎﻝ ﺟﺴﻤﻪ ﻧﺎﻃﻪ ﻣﻦ ﺍﻟﻌﺼﺒﻴﻪ ﻣﻮ ﺑﺲ ﻭﻳﺎﻱ ﺣﺘﻰ ﻣﻦ ﺍﺷﻮﻓﻪ ﻣﻌﺼﺐ ﻭﻳﻪ ﺍﺣﺪ ﺗﻜﻮﻥ ﻫﺎﻱ ﺣﺎﻟﺘﻪ ﺑﻌﺪ ﻣﻴﺴﻴﻄﺮ ﻋﻠﻰ ﺍﻋﺼﺎﺑﻪ
ﻫﺸﺎﻡ .. ﺍﺳﻤﻌﻴﻨﻲ ﺑﻨﻴﺘﻲ ﺍﻧﺘﻲ
ﻣﻮﻗﺼﺪﻱ ﺍﺿﺮﺑﺞ ﺑﺲ ﺍﻧﺘﻲ ﻫﻨﺘﻴﻨﻲ ﻛﺪﺍﻣﻬﻢ ﺍﻭﻛﻔﺘﻲ ﺑﻮﺟﻬﻲ ﻭﻫﻤﻪ ﻛﻠﻬﻢ ﻳﺪﺭﻭﻥ ﺍﻧﻲ ﺍﺭﻳﺪﺝ ﺣﺘﻰ ﻟﻤﻲ
ﻭﺑﺎﻟﻨﺴﺒﻪ ﺍﻟﺸﻬﺪ ﺣﺠﻴﺖ ﻭﻳﻪ ﺍﻣﻲ ﺑﺴﺎﻋﺔ ﻋﺼﺒﻴﻪ ﻭﻛﺘﻠﻬﺎ ﺭﻭﺣﻲ ﺍﺧﻄﺒﻴﻬﺎ
ﺳﻤﺮ .. ﺩﺭﺕ ﻭﺟﻬﻲ ﻋﻨﻪ ﻭﻛﺘﻠﻪ ﻭﺍﻛﻴﺪ ﺧﻄﺒﺘﻬﺎ
ﻫﺸﺎﻡ .. ﺍﻛﻴﺪ ﻻ ﺷﻮﻓﻲ ﺍﻣﻲ ﻣﻦ ﺣﺠﻴﺖ ﻭﻳﺎﻫﺎ ﻣﺎﺭﺍﺣﺖ ﺧﻄﺒﺖ ﺍﻟﺒﻨﻴﻪ ﻭﺍﺳﺘﻌﺠﻠﺖ ﻻﻥ ﺗﺪﺭﻱ ﺑﻴﻪ ﺑﺲ ﺣﺠﻲ ﺍﻟﺴﺎﻥ ﻭﻛﻠﺒﻲ ﻳﻤﺞ ﺍﻧﺘﻲ ﻭﺑﺲ
ﺍﺟﻠﺖ ﺍﻟﻤﻮﺿﻮﻉ ﺍﻟﺒﻴﻦ ﻣﺎﺍﻧﻲ ﺍﺣﺠﻲ ﻭﻳﺎﻫﺎ
ﻭﺍﻧﻲ ﺷﻮﻓﺖ ﻋﻴﻨﺞ ﻣﻠﺘﻬﻲ ﺑﻮﺣﺪﺓ ﻟﻮ ﻣﺘﺰﻭﺝ ﻣﻦ ﺯﻣﺎﻥ ﺟﺎﻥ ﺑﻨﺘﻲ ﺑﻜﺪﻫﺎ
ﺑﺲ ﺍﻭﻭﻑ ﻳﺎﺑﻪ ﺷﻜﺪ ﺍﺣﺒﻬﺎ ﺳﺎﻛﻨﻪ ﻫﻨﺎﺍﺍ ﻭﻣﺘﺮﺑﻌﻪ ﺗﺮﺑﻊ
ﺳﻤﺮ .. ﺣﻴﻞ ﻓﺮﺣﺖ ﻣﻦ ﺳﻤﻌﺖ ﻛﻼﻣﻪ ﺍﻟﺤﻤﺪﺍﻟﻠﻪ ﻣﺎﺭﺟﻌﺖ ﺍﻟﺨﺒﺮ ﺍﻟﺒﻴﺖ ﻋﻤﻲ ﻭﺻﺎﺭﺕ ﻣﺸﻜﻠﻪ ﻫﻤﺰﻳﻦ ﻫﺸﺎﻡ ﺍﺟﻪ ﻭﺧﺮﺑﻂ ﺍﻟﻮﺿﻊ ﺑﺲ ﻟﺤﺪ ﺍﻻﻥ ﺧﺪﻱ ﻳﻮﺟﻌﻨﻲ ﻣﻦ ﺍﻟﺮﺍﺷﺪﻱ
ﻟﺰﻣﺖ ﺧﺪﻱ ﻭﻛﺘﻠﻪ
ﺍﻧﺘﻪ ﻟﻴﺶ ﺩﺍﺋﻤﺎ ﺗﻀﺮﺑﻨﻲ ؟؟
ﻫﺸﺎﻡ .. ﺑﻮﻭﻭﻳﻪ ﺍﻧﺘﻲ ﺷﻨﻮﻭ ﻣﺎﺗﻔﺘﻬﻤﻴﻦ ؟؟
ﺍﻧﺘﻲ ﻣﻠﻚ ﻫﺸﺎﻡ ﻭﺑﺲ ﻗﻠﺒﺎ ﻭﻗﺎﻟﺒﺎ ﺷﺌﺘﻲ ﺍﻡ ﺍﺑﻴﺘﻲ ﺍﻧﺘﻲ ﺍﻟﻲ ﻭﺑﺴﺴﺲ
ﻭﻟﺞ ﺻﺎﺑﺮ ﻛﻞ ﻫﺎﻱ ﺍﻟﺴﻨﻴﻦ ﻭﺗﺎﻟﻴﻬﺎ ﺗﺮﺣﻴﻦ ﺍﻟﻐﻴﺮﻱ
ﻏﻴﺮ ﻣﺎﺍﺧﺴﺮ ﺑﺲ ﻃﻠﻘﺘﻴﻦ ﻭﺣﺪﺓ ﺑﺮﺍﺳﻲ ﻭﺍﻟﺜﺎﻧﻴﻪ ﺑﺮﺍﺳﺞ ﻭﺍﺑﻮﻙ ﺍﻟﻠﻪ ﻳﺮﺣﻤﻪ
ﺳﻤﺮ .. ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ ﺭﺟﻊ ﺭﻓﻌﻪ
ﻟﺰﻡ ﻭﺟﻬﻲ ﺑﺜﻨﻴﻦ ﺍﺩﻱ ﻭﺑﺎﺳﻨﻲ ﺑﻜﺼﺘﻲ ﻭﺟﺮ ﻧﻔﺲ ﻗﻮﻭﻭﻱ ﻭﻛﺎﻝ
ﻫﺸﺎﻡ .. ﺍﻓﻴﻴﻴﺶ ﻳﺎﺭﻭﻳﺤﺔ ﺍﻟﺠﻨﻪ ﻭﻟﺞ ﻳﻤﺞ ﺭﺍﺣﺘﻲ ﻛﻠﻬﺎ
ﻟﻴﺶ ﺗﺠﺒﺮﻳﻨﻲ ﺍﺿﺮﺑﺞ ﺍﺑﻮﻳﻪ ﺍﻧﺘﻲ
ﻟﻴﺶ ﺗﺤﺠﻴﻦ ﺳﻮﺍﻟﻒ ﺍﻛﺒﺮ ﻣﻦ ﺭﺍﺳﺞ ﺑﺪﻭﻥ ﻣﺎﺗﻔﻬﻤﻴﻦ ﺷﻜﻮﻭ
ﺳﻤﺮ .. ﻣﻮ ﻣﻮ ﺳﻤﻌﺖ ﻋﻤﺘﻲ ﻭﻣﺮﺍﻡ ﻳﻜﻮﻟﻮﻥ ﺧﻄﺒﺖ ﺷﻬﺪ
ﻫﺸﺎﻡ .. ﻭﺷﻨﻮ ﺷﻬﺪ ﻣﺎﺍﺍﺑﺪﻟﺞ ﺏ ﺍﻟﻒ ﺷﻬﺪ
ﺍﻧﺘﻲ ﺑﺖ ﻛﻠﺒﻲ ﻭﺭﻭﺣﻲ ﻋﺒﺎﻟﺞ ﻣﻦ ﺍﺿﺮﺑﺞ ﺍﺭﺗﺎﺡ
ﻟﺞ ﻭﺍﻟﻠﻪ ﺍﺣﺲ ﺍﻟﻀﺮﺑﻪ ﺗﺠﻲ ﺑﻜﻠﺒﻲ ﻗﺒﻞ ﺧﺪﺝ ﻣﻮ ﻳﻜﻮﻟﻮﻥ ﺍﻫﻞ ﺍﻟﺤﺐ ﻣﺠﺎﻧﻴﻦ
ﻋﻤﻴﻴﻲ ﺍﻧﻲ ﺧﺒﻠﻠﻠﻠﻞ ﻭﻣﺴﻮﻭﻭﺩﻥ ﺑﻌﺸﻜﺞ
ﺳﻤﺮ .. ﺧﺠﻠﺖ ﻣﻦ ﻛﻼﻣﻪ ﻭﻧﺴﻴﺖ ﺍﻟﺰﻋﻞ ﻭﺍﻟﺮﺍﺷﺪﻱ ﺍﻻﻛﻠﺘﻪ ﻣﻨﻪ ﻋﺒﺎﻟﻚ ﻛﻼﻣﻪ ﺑﻠﺴﻢ ﻳﺸﻔﻲ ﺍﻟﺠﺮﻭﺡ ﻭﻻ ﻋﺒﺎﻟﻚ ﻫﺬﺍ ﺍﻟﺸﺨﺺ ﻫﻮ ﻧﻔﺴﻪ ﺍﻟﺠﺎﻥ ﻗﺒﻞ ﺳﺎﻋﻪ ﻳﺼﻴﺢ ﻭﺧﺎﺑﺺ ﺍﻟﺪﻧﻴﻪ
ﻫﺸﺎﻡ ﺗﺮﻛﻴﺒﻪ ﻋﺠﻴﺒﻪ ﺣﻨﻴﻪ ﺑﻘﺴﻮﺓ ﺏ ﺍﻣﺎﻥ ﺏ ﺗﻤﻠﻚ ﺑﺤﺐ ﺟﺎﻣﻌﻬﻦ ﻛﻠﻬﻦ ﺑﻲ
ﻣﺮﺍﺕ ﺗﺸﻮﻓﻪ ﻋﺼﺒﻲ ﻭﺍﻟﻜﻞ ﺗﺒﻌﺪ ﻋﻨﻪ ﻳﺨﺎﻓﻮﻥ ﻣﻨﻪ ﻭﻣﺮﺍﺕ ﺗﺸﻮﻓﻪ ﺣﻨﻴﻦ ﺑﺸﻜﻞ ﺗﺘﻤﻨﻰ ﺑﺲ ﺍﺗﻜﺎﺑﻠﻪ ﻭﺗﻜﻌﺪ ﺗﺤﺠﻲ ﻭﻳﺎﻩ
ﺷﺨﺼﻴﺘﻪ ﻭﻫﻴﺒﺘﻪ ﻭﺭﺯﺍﻧﺘﻪ ﻳﺠﺒﺮ ﺍﻱ ﺍﻧﺜﻰ ﺗﺸﻮﻓﻪ ﺗﺤﺒﻪ ﺑﺲ ﻋﻴﺒﻪ ﺍﻟﻮﺣﻴﺪ ﻋﺼﺒﻴﺘﻪ ﺑﻮﻗﺖ ﺍﻟﻌﺼﺒﻴﻪ ﻣﻴﺘﻔﺎﻫﻢ ﺍﺑﺪ
ﻃﻠﻌﻨﻪ ﻣﻦ ﺍﻟﻐﺮﻓﻪ ﻭﺟﺖ ﻋﻤﺘﻲ ﺗﺮﻛﺾ ﺍﺗﻜﻠﻪ ﺧﻮ ﻣﺎﻫﻢ ﺿﺮﺑﺘﻬﺎ ﻭﻫﻮ ﻳﻀﺤﻚ ﻳﻜﻠﻬﺎ
ﻫﺸﺎﻡ .. ﺍﺩﺭﻱ ﻳﻤﻪ ﺍﻧﺘﻮ ﻫﻴﺞ ﺷﺎﻳﻔﻴﻨﻲ ﺑﻌﻴﻨﻜﻢ ﺍﺑﻮ ﻃﺒﺮ ﻋﻤﻴﻴﻲ ﺍﻟﻠﻪ ﻭﻛﻴﻠﻜﻢ ﺑﺲ ﺣﺠﻴﺖ ﻭﻳﺎﻫﺎ ﻭﺍﺫﺍ ﻣﺎﻣﺼﺪﻛﻴﻦ ﺍﺳﺎﻟﻮﻫﺎ
ﺳﻤﺮ .. ﺳﺎﻟﺘﻨﻲ ﻋﻤﺘﻲ ﺧﻮ ﻣﺎﺿﺮﺑﺞ ؟
ﻫﺰﻳﺖ ﺭﺍﺳﻲ ﺑﻤﻌﻨﻰ ﻻ
ﺭﺟﻊ ﻫﺸﺎﻡ ﺣﺠﻪ
ﻫﺸﺎﻡ .. ﻳﻤﻪ ﺍﺣﻨﻪ ﻋﻠﻴﺶ ﺳﺎﻛﺘﻴﻦ ﻟﺴﻪ
ﺑﺲ ﺍﺩﻭﺭ ﺳﻨﻪ ﻋﻤﺘﻲ ﻭﻋﻠﻲ ﺍﻟﻠﻪ ﻳﺮﺣﻤﻬﻢ ﻧﺠﻴﺐ ﺳﻴﺪ ﻳﻌﻘﺪﻟﻨﻪ ﺑﻴﻨﺎﺗﻨﻪ ﻻﻫﻮﺳﻪ ﻭﻻﻃﻨﻪ ﻭﻻﺭﻧﻪ
ﺍﻡ ﻫﺸﺎﻡ .. ﻟﻴﺶ ﻳﻤﻪ ﻣﺘﻮﺍﺯﻱ ﺍﺣﻨﻪ ﻫﻢ ﻧﺮﻳﺪ ﻧﻔﺮﺡ ﺑﻴﻚ
ﻫﺸﺎﻡ .. ﻭﻣﻨﻮ ﻛﺎﻟﺞ ﻣﺎﺗﻔﺮﺣﻴﻦ ﻳﺎﺍﻡ ﻫﺸﺎﻡ ﺍﺣﻨﻪ ﻛﻠﻨﻪ ﺑﺲ ﻧﻌﻘﺪ ﻣﺎﻧﻌﺮﺱ
ﺍﻟﻌﺮﺱ ﺭﺍﺡ بيج قصص my hopes ﻳﻜﻮﻥ ﺑﻌﺪ ﻛﻢ ﺷﻬﺮ ﻣﻨﺎ ﺍﻟﻮﻗﺘﻬﺎ ﺍﻳﻜﻮﻥ ﻓﺎﺕ ﻋﻠﻰ ﻣﻮﺗﻬﻢ ﺳﻨﻪ ﻭﻧﺺ ﻭﻳﻤﻜﻦ ﺍﻛﺜﺮ
ﺍﻡ ﻫﺸﺎﻡ .. ﺑﻜﻴﻔﻚ ﻳﻤﻪ ﺍﻟﺘﺸﻮﻓﻪ ﺑﺲ ﺍﺳﻤﻌﻨﻲ ﻭﻫﺎﻱ ﻛﺪﺍﻡ ﺍﺧﻮﺗﻚ ﻭﻛﺪﺍﻡ ﺳﻤﺮ
ﺧﺎﻑ ﻋﺒﺎﻟﻚ ﺗﻀﺮﺑﻬﺎ ﻣﺮﺓ ﺍﻟﺜﺎﻧﻴﻪ ﻭﺍﺳﻜﺘﻠﻚ
ﻳﺸﻬﺪ ﺍﻟﻠﻪ ﻳﺎﻫﺸﺎﻡ ﻣﺮﺓ ﺍﻟﺜﺎﻧﻴﻪ ﺍﻧﻲ ﺍﺧﺬﻫﺎ ﻣﻨﻚ ﻭﻣﺎﺍﻧﻄﻴﻬﺎ ﻭﺍﺧﻠﻴﻚ ﺗﻌﻀﻌﺾ ﺍﺻﺎﺑﻌﻚ ﻧﺪﻡ ﻭﺍﻟﻠﻪ
ﺳﻤﺮ ﺑﻨﻴﺘﻲ ﺣﺎﻟﻬﺎ ﻣﻦ ﺣﺎﻝ ﺑﻨﺎﺗﻲ ﻣﻤﻨﻮﻉ ﻭﺍﺣﺪ ﻳﻐﺜﻬﺎ
ﺳﻤﺮ .. ﺍﻟﻠﻪ ﻳﺨﻠﻲ ﻋﻤﺘﻲ ﺍﻡ ﻫﺸﺎﻡ ﻣﺮﺓ ﻣﻌﺪﻟﻪ ﻭﺗﺨﺎﻑ ﺍﻟﻠﻪ ﻣﺘﺮﺿﻪ ﺑﺎﻟﺒﺎﻃﻠﻪ ﺍﺑﺪ
ﻭﻓﻌﻼ ﺭﺟﻌﻨﻪ ﺍﻟﺨﺒﺮ ﺍﻟﺒﻴﺖ ﻋﻤﻲ ﺑﻌﺪﻡ ﺍﻟﻤﻮﺍﻓﻘﻪ ﻭﻋﻤﻲ ﻛﺎﺿﻢ ﺑﻮﻗﺘﻬﺎ ﺍﺟﻪ ﺳﺎﻟﻨﻲ ﺑﻨﻔﺴﻪ ﻛﺎﻝ
ﺍﺑﻮ ﻣﻬﻨﺪ .. ﻋﻤﻲ ﺍﻧﻲ ﺍﺟﻴﺖ ﺍﺳﻤﻊ ﺍﻟﺤﺠﺎﻳﻪ ﻣﻨﺞ ﺧﺎﻑ ﻫﺸﺎﻡ ﺿﺎﻏﻂ ﻋﻠﻴﺞ ﺗﺮﺓ ﺍﺛﻨﻴﻨﻬﻢ ﻭﻟﺪ ﻋﻤﺞ ﻭﻳﺸﻬﺪ ﺍﻟﻠﻪ ﺍﻧﻲ ﺣﺎﺑﺞ ﻭﺍﺭﻳﺪﺝ ﺗﺼﻴﺮﻳﻦ ﺟﻨﺘﻲ ﻭﻣﻮ ﻣﻦ ﻣﺎﺗﻮ ﺍﻫﻠﺞ ﻻ ﺑﺎﻟﻠﻪ ﻣﻦ ﺯﻣﺎﻥ ﺍﻧﺘﻲ ﻧﺎﻛﻌﻪ ﺑﺨﺎﻃﺮﻱ ﻭﺍﺗﻤﻨﻴﺘﺞ ﺍﻟﻮﺍﺣﺪ ﻣﻦ ﻭﻟﺪﻱ
ﺳﻤﺮ .. ﺩﻧﻜﺖ ﺍﺳﺘﺤﻴﺖ ﻣﻦ ﻋﻤﻲ ﻛﻠﺶ ﻛﺘﻠﻪ ﻭﺍﻟﻠﻪ ﻣﺤﺪ ﺟﺎﺑﺮﻧﻲ ﺍﺭﻓﺾ ﺑﺲ ﻣﻬﻨﺪ ﻣﺜﻞ ﺍﺧﻮﻱ
ﺍﺑﻮ ﻣﻬﻨﺪ .. ﺍﺫﺍ ﻫﻴﺞ ﺍﻟﺤﺠﻲ ﻫﺬﺍ ﻫﻮ ﻳﺒﻌﺪ ﻋﻤﺞ ﺍﻧﻲ ﺷﻴﻬﻤﻨﻲ ﻏﻴﺮ ﺳﻌﺎﺩﺗﺞ ﺑﺲ ﺍﻧﻲ ﻣﻦ ﺳﻤﻌﺖ ﻫﺸﺎﻡ ﻳﺮﻳﺪﺝ ﻛﻠﺖ ﺧﺎﻑ ﻣﺠﺒﻮﺭﺓ ﻭﺑﺎﻻﺧﻴﺮ ﻫﻤﻪ ﺍﺛﻨﻴﻨﻬﻢ ﻭﻟﺪ ﻋﻤﺞ
ﺳﻤﺮ .. ﻛﺘﻠﻪ ﻻﻋﻤﻮ ﻣﺎﻣﺠﺒﻮﺭﺓ ﻫﻮ ﺗﻔﻬﻢ ﻭﻛﺎﻝ ﺷﺘﺤﺘﺎﺟﻴﻦ ﺍﻧﻲ ﺣﺎﺿﺮ ﻣﻮ ﺑﺲ ﺍﺑﻮ ﻫﺸﺎﻡ ﻋﻤﺞ ﺍﻧﻲ ﻫﻢ ﻋﻤﺞ ﻭﺍﻣﺎﻧﺔ ﺍﻟﻠﻪ ﻟﺘﺘﺮﺩﺩﻳﻦ ﺍﻃﻠﺒﻴﻦ
ﻣﺮﺕ ﺍﻻﻳﺎﻡ ﻭﻫﺸﺎﻡ ﺯﻳﻦ ﻭﻳﺎﻱ ﻣﻮ ﻣﺜﻞ ﻗﺒﻞ
ﻣﺮﺍﺕ ﻣﻦ ﺗﺘﻌﻠﻖ ﺑﺸﺨﺺ ﻭﺗﺤﺒﻪ ﺍﻟﺪﺭﺟﻪ ﺍﻧﺘﻪ ﻧﻔﺴﻚ ﻣﺘﻌﺮﻑ ﻟﻴﺶ ﺗﺤﺒﻪ ﻭﻫﻮ ﻣﺎﺫﻳﻚ ﺍﻟﺸﻲ ﺍﻟﻮﺣﻴﺪ ﺍﻟﺘﻌﺮﻓﻪ ﺍﻧﻮ ﺧﻠﺺ ﺍﻧﺘﻪ ﺭﺍﺿﻲ ﺣﺘﻰ ﺑﻌﺬﺍﺑﻪ ﻭﻗﺎﺑﻞ ﺑﻲ ﺑﻜﻞ ﺳﻠﺒﻴﺎﺗﻪ ﻭﺍﻳﺠﺎﺑﻴﺎﺗﻪ
ﺑﺎﺟﺮ ﻳﺼﻴﺮ ﻟﻬﻠﻲ ﺳﻨﻪ ﻭﺑﻴﺖ ﻋﻤﻲ ﻋﺰﻣﻮ ﺍﻗﺎﺭﺑﻨﻪ ﻛﻠﻬﻢ ﺍﻟﻔﺠﺮ ﻧﻄﻠﻊ ﻟﻠﻤﻘﺒﺮﺓ ﻭﺑﻠﻴﻞ ﺍﻟﻌﺸﻪ ﻳﺼﻴﺮ
ﻃﻠﻌﻨﻪ ﺍﻟﻔﺠﺮ ﻛﻠﻤﻦ ﺑﺴﻴﺎﺭﺗﻪ ﺗﻘﺴﻤﻨﻪ ﻉ ﺍﻟﺴﻴﺎﺭﺍﺕ ﺯﺭﻧﻪ ﺍﻫﻠﻲ ﻭﺍﻟﻨﺎﺱ ﺍﻟﺮﺍﻳﺤﻪ ﻭﻳﺎﻧﻪ ﻛﻠﻤﻦ ﺭﺍﺡ ﻳﺰﻭﺭ ﺍﻫﻠﻪ ﻻﻥ ﺍﻟﻘﻄﻌﻪ ﻛﻠﻬﺎ ﺍﻗﺎﺭﺏ
ﻫﺸﺎﻡ ﺻﺎﺣﻠﻲ ﻭﻛﺎﻝ ﺗﻌﺎﻱ ﺑﻮﻗﺘﻬﺎ ﺟﻨﺖ ﻣﻨﻬﺎﺭﺓ ﻭﺍﺑﺠﻲ ﻣﻮ ﻋﺒﺎﻟﻚ ﺳﻨﻪ ﺻﺎﺭﻟﻬﻢ ﻋﺒﺎﻟﻚ ﺍﻟﻴﻮﻡ ﺍﻧﺪﻓﻨﻮ
ﺭﺣﺖ ﻳﻤﻪ ﺷﻔﺘﻪ ﻛﻌﺪ ﻳﻢ ﺭﺍﺱ ﺍﻣﻲ ﻭﺍﺑﻮﻱ ﻭﻛﺎﻝ
ﻫﺸﺎﻡ .. ﻋﻤﻲ ﺍﺍﺍﻣﻦ ﻭﻧﺎﻡ ﻣﺮﺗﺎﺡ ﺑﻨﺘﻚ ﺑﻴﻦ ﺍﻫﻠﻬﺎ ﻭﻧﺎﺳﻬﺎ ﻭﺍﻧﺸﺎﺀﺍﻟﻠﻪ ﻧﻜﺪﺭ ﻧﺴﻌﺪﻫﺎ ﻭﻣﺎﺍﻗﺼﺮ ﻭﻳﺎﻫﺎ ﺑﺸﻲ
ﺟﻨﺖ ﺑﺲ ﺍﺑﺎﻭﻉ ﻟﻬﺸﺎﻡ ﺍﺷﻠﻮﻥ ﻳﺤﺠﻲ ﻭﻳﺎﻫﻢ ﻭﺍﺑﻜﻠﺒﻲ ﺍﻛﻮﻝ ﺍﻟﻠﻪ ﻳﻬﺪﻳﻚ ﻋﻠﻴﻪ ﻻﻥ ﻳﺘﻴﻤﻪ ﻭﺿﻠﻴﺖ ﻣﺎﻟﻲ ﻏﻴﺮﻙ ﺑﺠﺎﻩ ﻛﻠﻤﻦ ﻋﻨﺪﻩ ﺟﺎﻩ ﻳﺤﻨﻦ ﻛﻠﺒﻚ ﻭﻣﺎﺗﻀﺮﺑﻨﻲ ﺑﻌﺪ ﻭﺗﻜﺴﺮ ﺧﺎﻃﺮﻱ ﻣﻨﻚ
ﻛﻤﻠﻨﻪ ﻭﺭﺟﻌﻨﻪ ﻟﻠﺒﻴﺖ ﻭﺑﺪﻳﻨﻪ ﻧﻌﺸﻲ ﺍﻟﻌﺎﻟﻢ ﻭﻛﻠﻤﻦ ﺭﺍﺡ ﻟﻬﻠﻪ ﻭﺧﻄﻴﻪ ﺍﻟﺒﻨﺎﺕ ﻛﻠﻬﺎ ﺗﺮﻛﺾ ﻻﻥ ﻫﻮﺍﻱ ﻋﺎﺯﻣﻴﻦ ﻋﺎﻟﻢ ﻣﻦ ﻛﻤﻠﻨﻪ ﺭﺣﺖ ﺳﺒﺤﺖ ﻭﻧﻤﺖ ﻻﻥ ﻣﻴﺘﻪ ﺗﻌﺐ
ﻛﻌﺪﺕ ﺍﻟﺼﺒﺢ ﻣﺎﻟﻜﻴﺖ ﻫﺸﺎﻡ ﺭﺍﻳﺢ ﻟﻠﺪﻭﺍﻡ
ﺭﺟﻌﺖ ﺷﻔﺖ ﻣﻮﺑﺎﻳﻠﻲ ﻟﻜﻴﺘﻪ ﻛﺎﺗﺐ
( ﺻﺒﺎﺡ ﺍﻟﺨﻴﺮ ﻣﺮﻳﺘﻲ ﻭﺍﻡ ﺑﻴﺘﻲ ﺍﻟﻤﺴﺘﻘﺒﻠﻴﻪ ﺍﻧﻲ ﺭﺍﺡ ﺍﺗﺎﺧﺮ ﻛﻢ ﻳﻮﻡ ﺍﻧﺬﺍﺭ ﻋﺪﻧﻪ ﺑﺲ ﺍﺭﻳﺪ ﻣﻨﺞ ﺗﺪﻋﻴﻦ ﺍﻟﻠﻪ ﻳﺼﺒﺮﻧﻲ ﻋﻠﻰ ﻓﺮﺍﻛﺞ ﺫﻧﻲ ﺍﻟﻜﻢ ﻳﻮﻡ ) ﺍﺣﺲ ﻛﻠﺒﻲ ﺍﻧﻘﺒﺾ ﻳﻌﻨﻲ ﻣﺎﺭﺍﺡ ﺍﺷﻮﻓﻪ ﻣﻨﺎ ﺍﻟﻜﻢ ﻳﻮﻡ
ﺗﻌﻮﺩﺕ ﻋﻠﺔ ﻭﺟﻮﺩﺓ ﺑﺼﻮﺭﺓ ﺭﻫﻴﺒﻪ
ﺻﺮﺕ ﺍﻓﻜﺮ ﺍﺷﻠﻮﻥ ﻣﻦ ﺍﺗﻤﺮﺽ ﻣﻴﻌﻮﻓﻨﻲ ﺍﺑﺪ ﺍﻟﻰ ﺍﻥ ﺍﺻﻴﺮ ﺯﻳﻨﻪ ﻭﺍﺷﻠﻮﻥ ﻣﺎﻣﺨﻠﻲ ﺑﻨﻔﺴﻲ ﺷﻲ ﺷﺮﻳﺪ ﻳﺠﻴﺐ ﻭﻣﺮﺍﺕ ﺑﺪﻭﻥ ﻣﺎﺍﻃﻠﺐ ﺍﻓﻠﻮﺱ ﻳﻨﻄﻴﻨﻲ بيج قصص my hopes ﺍﻧﻲ ﺍﺑﺪ ﻣﺎﻃﻠﺒﺖ ﻣﻨﻪ ﻻﻥ ﺍﺳﺘﺤﻲ ﻭﻫﻤﻪ ﻣﺎﻣﻘﺼﺮﻳﻦ ﺑﺲ ﻫﻮ ﻳﻜﻮﻝ ﻫﺬﺍ ﻣﺼﺮﻓﺞ ﺗﺬﺑﻲ ﺗﺤﺮﻛﻲ ﺗﺼﺮﻓﻲ ﺑﻜﻴﻔﺞ
ﺻﺤﻴﺖ ﻣﻦ ﺍﻓﻜﺎﺭﻱ ﻉ ﺻﻮﺕ ﻣﺮﺍﻡ ﻭﻫﻲ ﺗﺼﻴﺤﻠﻲ
ﻣﺮﺍﻡ .. ﻭﻳﻴﻴﻦ ﺻﺎﻓﻦ ﺍﻟﺤﻠﻮ ﺍﻛﻴﺪ ﺗﻔﻜﺮﻳﻦ ﺑﻬﺸﻮﻭﻣﻲ
ﺳﻤﺮ .. ﺩﻃﻴﺮﻱ ﻳﻤﻌﻮﺩﺓ ﺍﺻﻼ ﻣﺎﺍﻓﻜﺮ ﺑﻲ
ﻣﺮﺍﻡ .. ﺍﻱ ﻭﺩﺍﻋﺖ ﻫﺎﻳﺸﺘﻨﻪ ﺍﻟﺼﻔﺮﺓ 😒
ﻭﻟﺞ ﻭﺟﻬﺞ ﻳﺤﺠﻲ ﺍﺷﻜﺎﻝ ﻭﺍﻟﻮﺍﻥ ﻋﻠﻴﻨﻨﻨﻪ ﺳﻴﺪﻱ 😉
ﺳﻤﺮ .. ﻫﻬﻬﻬﻬﻬﻪ ﻋﺎﺑﺖ ﺍﺷﻠﻮﻥ ﻋﺪﻫﺎ ﻋﺒﺎﺭﺍﺕ ﻣﻮﻃﺒﻴﻌﻴﻪ
ﻣﺮﺍﻡ .. ﺑﻌﺪﺝ ﺍﺷﻔﺘﻲ ﺍﻟﻪ ﺍﻧﻘﻠﻬﻦ ﻛﻠﻬﻦ ﺑﻘﺎﻣﻮﺱ ﻛﻠﻤﺎﺗﺞ 😂
ﺳﻤﺮ .. ﻫﻬﻬﻬﻬﻬﻪ ﺳﻬﻤﺞ ﺍﻟﺮﺍﺣﻪ ﺗﻌﻠﻤﺘﻬﻦ 🙄
ﻣﺮﺍﻡ .. ﻻ ﺻﺪﻙ ﻋﺪﺍ ﺍﻟﺸﻘﻪ ﺍﺣﺠﻴﻠﻲ ﺭﻏﻢ ﻫﻮ ﻳﻀﺮﺑﺞ ﻣﺮﺍﺕ ﻭﻳﻌﺼﺐ ﻭﺍﻧﺘﻲ ﺗﺤﺒﻲ
ﺳﻤﺮ .. ﻫﻬﻬﻬﻪ ﻏﻴﺮ ﺿﺮﺏ ﺍﻟﺤﺒﻴﺐ ﻣﺜﻞ ﺍﻛﻞ ﺍﻟﺰﺑﻴﺐ
ﻣﺮﺍﻡ .. ﻋﺎﺍﺍﺍ ﻭﻟﺞ ﺍﻧﻲ ﻣﻮ ﻣﺜﻠﺞ ﺯﻳﻦ ﺍﻧﺘﻲ ﻣﺘﺤﻤﻠﻪ ﺍﻧﻲ ﺍﺫﺍ ﻛﺎﻟﻬﺎ ﺍﻟﻠﻪ ﻭﺍﺗﺰﻭﺟﺖ ﺍﺫﺍ ﻳﻬﻔﻨﻲ ﺭﺍﺷﺪﻱ ﺍﻧﻲ ﺍﻫﻔﻪ ﺍﻟﺜﺎﻧﻲ ﺭﺍﺷﺪﻱ ﺍﻟﻚ ﺭﺍﺷﺪﻱ ﺍﻟﻲ 😁
ﺳﻤﺮ .. ﺍﻣﻤﻢ ﺑﻴﺞ ﺣﺾ 😒
ﻣﺮﺍﻡ .. ﺍﻱ ﻭﺩﺍﻋﺖ ﺻﺨﻠﺘﻨﻪ ﺍﻟﺒﻜﻌﻪ 😂😂
ﺳﻤﺮ .. ﺧﺮﺭﺭﺏ ﻳﻮﻣﺞ ﻛﻮﻣﻲ ﺭﺍﺡ ﺗﻌﺪﻳﻨﻲ ﻣﻦ ﺳﻮﺍﻟﻔﺞ ﺍﻡ ﺍﻟﺼﺨﻞ ﻭﺍﻟﻬﻮﺵ ﻫﻬﻬﻬﻬﻪ
ﻣﺮﺍﻡ .. ﻫﻬﻬﻬﻬﻬﻪ ﻭﻳﻦ ﺍﺭﻭﺡ ﻏﻴﺮ ﻣﻜﺎﺑﻠﺘﺞ ﻭﻛﺎﻋﺪﺓ ﻣﻦ ﺣﻴﺚ ﺍﺑﻮ ﻏﻀﺐ ﻣﺎﻳﻨﺰﻝ ﻣﻨﺎ ﺍﻟﻜﻢ ﻳﻮﻡ
ﺳﻤﺮ .. ﺻﺪﻙ ﺍﺑﻮ ﻏﻀﺐ ﺣﻠﻮ ﺍﻻﺳﻢ ﻫﻬﻬﻬﻬﻪ
ﻣﺮﺍﻡ .. ﺍﻛﻠﺞ ﻟﻴﺶ ﻣﺎﻧﻨﺰﻝ ﺟﻮﺓ ﻳﻢ ﺍﻣﻲ ﻭﻣﻴﺲ ﺷﻌﺪﻧﻪ ﺟﻨﻪ ﺍﺭﺍﻣﻞ ﻛﺎﻋﺪﺍﺕ ﻫﻨﺎ ﻧﺴﻄﺮ ﺟﺬﺏ ﻭﺻﺪﻙ
ﺳﻤﺮ .. ﻫﻬﻬﻬﻬﻪ ﻳﻠﻪ ﻛﻮﻣﻲ ﻭﺍﻟﻠﻪ ﺍﻧﺘﻲ ﺳﻴﻨﻤﺎ
ﻧﺰﻟﻨﻪ ﻳﻢ ﻋﻤﺘﻲ ﻭﺍﺳﻤﻌﻬﺎ ﺗﺤﺠﻲ ﺍﺗﻜﻮﻝ
ﺍﻡ ﻫﺸﺎﻡ .. ﻣﺎﺍﺍﻳﺒﻄﻞ ﺳﻮﺍﻟﻔﻪ ﺍﺑﺪ ﺫﺍﺏ ﺭﻭﺣﻪ ﺑﺎﻟﻤﻮﺕ ﻧﺎﺱ ﺑﻌﺪ ﻣﺎﺗﺨﺎﻑ ﺍﻟﻠﻪ ﺷﻠﻨﻪ ﻏﺮﺽ ﺑﻴﻬﻢ ﺍﺩﺧﻞ ﺭﻭﺣﻚ ﺑﻴﻬﻢ ﻟﻴﺶ ﻳﺎﻳﻤﻤﻪ
ﻭﺿﺮﻏﺎﻡ ﻳﻜﻠﻬﺎ ﺟﺎ ﺍﺷﻠﻮﻥ ﻳﺎﻳﻤﻪ ﺗﺮﺩﻱ ﻳﺘﻨﺎﺯﻝ ﻋﻨﻬﻢ ﻭﻳﺴﺪ ﺍﻟﺪﻋﻮﺓ ﻭﻫﻤﻪ ﻛﺎﺗﻠﻴﻦ ﻣﺮﺓ ﻳﻌﻨﻲ ﺍﻟﻘﻀﻴﻪ ﺟﺒﻴﺮﺓ
ﺳﻤﺮ .. ﺍﻧﻲ ﻣﻦ ﺳﻤﻌﺖ ﻛﻼﻣﻬﻢ ﺿﻞ ﻛﻠﺒﻲ ﻳﻨﻐﺼﻨﻲ ﻋﻠﻰ ﻫﺸﺎﻡ ﻭﺍﻟﻔﻬﻤﺘﻪ ﻣﻦ ﺍﻟﺴﺎﻟﻔﻪ ﺍﻧﻮ ﺷﺨﺺ ﻳﻤﺸﻲ ﺳﺮﻳﻊ ﺑﺴﻴﺎﺭﺗﻪ ﺿﺎﺭﺏ ﻣﺮﺓ ﺍﺭﻣﻠﻪ ﻭﻫﻲ ﺗﻌﺒﺮ ﺍﻟﻄﺮﻳﻖ ﺑﺪﻭﻥ ﻗﺼﺪ ﻭﻣﻦ ﻧﺰﻝ ﻭﺷﺎﻓﻬﺎ ﺗﻨﺰﻑ ﺧﺎﻑ ﺍﺧﺬﻫﺎ ﻭﺷﻤﺮﻫﺎ ﺑﻌﺮﺻﻪ ﻣﻬﺠﻮﺭﺓ ﻭﺧﻠﻪ ﻓﻮﻛﻬﺎ ﺯﺑﺎﻟﻪ ﻻﻥ ﻋﺒﺎﻟﻪ ﻣﺎﺗﺖ ﺑﺲ ﺍﻟﻤﺮﺓ ﻛﺎﻥ ﺑﻴﻬﺎ ﺭﻭﺡ ﻭﺍﻟﻨﺎﺱ ﻣﻦ ﺷﺎﻓﻮ ﺍﺧﺬﻭﻫﺎ ﻟﻠﻤﺴﺘﺸﻔﻰ ﻭﺣﺎﻟﺘﻬﺎ ﺧﻄﺮﺓ ﻭﺍﻟﺸﺨﺺ ﺍﻟﻀﺮﺑﻬﺎ ﺍﻧﺴﺠﻦ ﻭﺍﻟﺪﻋﻮﺓ ﻳﻢ ﻫﺸﺎﻡ ﺑﺲ ﺍﻫﻠﻪ ﻭﻋﻤﺎﻣﻪ ﻋﺎﺭﺿﻴﻦ ﺭﺷﻮﺓ ﺍﻧﻮ ﻣﺘﻨﺮﻓﻊ ﺍﻟﺪﻋﻮﺓ ﻟﻠﻘﻀﺎﺓ ﺣﺘﻰ ﻣﻴﺼﺪﺭﻭﻥ ﺩﻋﻮﺓ ﻋﻠﻲ ﻭﺗﻨﺴﺪ ﺍﻟﻘﻀﻴﻪ
ﺑﺲ ﻫﺸﺎﻡ ﺭﻓﺾ ﻻﻥ ﺍﻟﻤﺮﺓ ﺗﻮﻓﺖ ﻭﺑﺮﻛﺒﺘﻬﺎ ﺍﻳﺘﺎﻡ
ﻳﻜﻠﻬﻢ ﻟﻮ ﻧﺎﻗﺬﻫﺎ ﻧﻜﺪﺭ ﻧﺴﺎﻋﺪﺓ ﺑﺲ ﻫﻮ ﻓﻮﻙ ﻣﺎﺳﺤﻜﻬﺎ ﺣﺎﻭﻝ ﻳﻘﺘﻠﻬﺎ ﻳﻌﻨﻲ ﻗﻀﻴﺘﻪ ﻗﺘﻞ ﻣﺘﻌﻤﺪ ﺍﺷﻠﻮﻥ ﺍﺳﻜﺖ ﺑﻌﺪ
ﻫﻨﺎ ﻛﻠﻨﻪ ﻟﺰﻣﻨﻪ ﻛﻠﻮﺑﻨﻪ ﻋﻠﻰ ﻫﺸﺎﻡ ﻭﻛﻠﻬﺎ ﺗﺘﺼﻞ ﺑﻲ ﺣﺘﻰ ﻳﺸﻴﻞ ﺍﻳﺪﺓ ﻣﻦ ﺍﻟﺴﺎﻟﻔﻪ ﻻﻥ ﻭﺍﺻﻠﻪ ﺿﺮﻑ ﺑﻲ ﻃﻠﻘﻪ ﻣﻌﻨﺎﻫﺎ ﺍﺫﺍ ﺍﻧﺤﻜﻢ ﺍﺧﻮﻧﻪ ﺏ ﺍﻻﻋﺪﺍﻡ ﺍﺣﻨﻪ ﻫﻢ ﻧﻌﺪﻣﻚ
ﺿﻠﻴﻨﻪ ﺍﺭﺑﻊ ﺍﻳﺎﻡ ﻋﻠﻰ ﻫﺎﻱ ﺍﻟﺤﺎﻟﻪ ﻭﻋﻤﺘﻲ ﻻﺯﻣﻪ ﻛﻠﺒﻬﺎ ﺣﺘﻰ ﻣﻦ ﻳﻨﺪﻙ ﺍﻟﺒﺎﺏ ﺗﺮﻭﺡ ﺗﺮﻛﺾ
ﺍﻟﻰ ﺍﻥ ﺧﺎﻣﺲ ﻳﻮﻡ ﻛﺎﻋﺪﻳﻦ ﻧﺘﻐﺪﺓ ﻭﺩﻙ ﺍﻟﻤﻮﺑﺎﻳﻞ ﻋﻠﻰ ﺳﻼﻡ
ﺷﻔﻨﻪ ﺳﻼﻡ ﺫﺏ ﺍﻟﺨﺎﺷﻮﻛﻪ ﻣﻦ ﺍﻳﺪﺓ ﻭﻃﻔﺮ ﺻﺎﺡ
ﻫﺸﺎﺍﺍاااااااااااااااااااﺍﺍﻡ
