رواية الطالبه والضابط الفصل الثاني عشر بقلم توتة
شنووو ??
نارين / هيه اجت وگلتلي وتعالي ويايه كتلها. ماكدر اعوف بابا لوحده
_ اششش اهدي مراح تاخذج لايي مكان رتاحي انتي مريضه هسه.
دارت وجهه عليه وهيه تبچي
نارين / يعني مراح امووت
_ اني يمج مراح اخلي شي يصبج اطمأني
تقربت مِڼـّي وحضنت عليه بقووه
نارين / لاتعوفني لوحدي فدوه
ثبتت راسها بأيدي. وهمست الها
_ مراح اعوفج لاتخافين يلا نامي ورتاحي
هزت راسها بمعنئ لااا.
_ ليش بابه نامي شويه حته ترتاحين
نارين / اخاف ولله اخاف انام وبعد ماكعد شلوون راح اشوف بابا مره ثانيه هوه ماعنده شخص غيري ولله يموت بدوني اني احبه ولله اخاف اخسره
_ اهدي نارين كافي بابا لاتحجين هيج مراح يصيرلچ شي.
صارت تبچي وتشهگ حتاريت شسوي شلون اهديها متخبله جايتها امها ب حلم واعتقد گايلتلها اريد اخذچ يمي.
بقت شويه ع هل حاله وحسيت بيها غفت بحضني
رفعت راسها عن صدري كانت نايمه مثل الطفل البريء .
خليت راسها ع مخده وغطيتها وطلعت م̷ـــِْن الغرفه بقيت گاعد ب صاله واني دايخ
شلوون ارجعها لْـۆ ابقيها بشقتي
احسن حل اخليها هناا كم يوم هيه اصلا صارلها 4 تيام يمي مابقه شي ويرجع ابوها وهو يسفرها ويهتم لوضعها.
خليت راسي ع غنفه ونمت.
______________________________
نارين.
نزلت تحت لگيت ضرغام منتضرني طلعنه سويه اني ماعرف شبيه احس راسي دايخ وعيوني ناار بيهم
صعدت ب سياره دخت زياده احس الارض دور بيه والعبره خانكتني اريد ابچي حته ارتاح
بقيت صافنه ب طريق وضرغام يحجي وياي كتله تعبانه واريد ابجي
وكف سياره وصارر يسالني شبيه وليش هيج داحچي.
ماگدرت اجاوبه احس الكلام ثكيل عندي عيوني غوشت وصرت مافهم كلام ضرغام ولاسمعه زين
ماعرف وين اخذني اباوع ع طريق واني تعباااانه
وكف السياره وفتح باب الصدر وكال انزلي
كتله ماكدر انزل اريد ابقه ب سياره واني صدوك ماكدر احس رجليه ضعيفات وماكدر امشي عليهم
لزمني م̷ـــِْن ايدي المضمده وجعني كلش بس ماكدرت احچي عليه ولاعلي صوتي.
شالني ودخلني لبيت مدري شقه ماعرف ماركزت ع مكان عيوني افتحهم وغمضهم دخلني وخلاني ع سرير
غمضت عيوني ونمت وماحسيت علئ شي بعد اجت امي ب منام.
حبيبتي نارين
ماما حبيبتي رجعتي مشتاقتلج
اي حبيبتي رجعت علمودچ راح اخذج يمي مشتاقتلج بنيتي
شلون اجي يمج وبابا منوو يبقه يمه خطيه انتي ارجعي لبابا تعبان بدونج
اني يمكم دائما.
فزيت مرعوبه م̷ـــِْن الحلم معقوله ماما تريد تاخذني يمهاا يعني راح امووت بابا منوو يبقاله احس نفسي تخبلت مابقه عقل براسي
بقيت اباوع علئ اجزاء الغرفه الي اني بيها شفت نفسي بغرفه حلووه ومرتبه ماعرف لمنوو درت وجهي كان ضرغام كاعد ع طرف السرير يمي
تخبلت عبالي مسويلي شي او متقرب مِڼـّي م̷ـــِْن شافني بهل حاله بس شفت بأيده قطعه قماش اعتقد كان يسويلي كمادات
هوه هم كلي كنت اسويلج كمادات
بقيت ابچي واني اتذكر بكلام امي لآزٍمٍ احجي ﯙيه بابا اريد ارجعله. اخاف امووت وماشوفه بعد
صرت ابچي ورجف م̷ـــِْن الخوف بدون ماحس رحت وحضنت علئ ضرغام م̷ـــِْن خوفي وتوتري
هو هم حضني وهداني شويه
بقيت لازمه قميصه ودافنه وجهي بصدره واني اشهك ودموعي تنزل
بچيت وبچيت لاحد مادخت ونمت بحضنه ماعرف شكدد مر وقت واني نايمه
فتحت عيوني تعبانه الغرفه ضلام واني متغطيه ولوحدي ب غرفه
گمت م̷ـــِْن مكاني واني اتلمس خاف اعثر بشي كدامي
شغلت الاضويه مالت الغرفه وبقيت اباوع ماكوو ضرغام ب غرفه الحمدلله
طلعت م̷ـــِْن الغرفه لگيته متمدد ع غنفه ومخلي ايد تحت راسه وايد ع عيونه ونايم
بقيت اباوع ع مكان وين جايبني شهل مكان ?
رحت وخرت البرده وبقيت اباوع م̷ـــِْن الشباك. المكان عالي اعتقد بشقه احنه
اووف راسي وين اني شوصلني لهنااا. وين جايبني ضرغام.
رحت عليه واني ضايجه كعدت يمه ع غنفه
_ ضررغام كووم ضررغام
فز بسرعه وشال راسه
ضرغام / خيرر شبيج
_ وين جايبني شهل مكان
ضرغام / هاذي شقه مالتي رتاحي بيها
_ وليش عيني جايبني لشقتك شتكوول الناس علينه
ضرغام / هوه اصلا منوو يعرف بيج بشقتي هسه انتي
_ يعني ميعرف شخص بيك م̷ـــِْن جبتني لهنااا
ضرغام / اي اطمأني كم يوم ورجعج لبيتج
_ لا ولله تضحك عليه شنوو انته موو كتلي راح ارجعج لبيتج شغير كلامك هسسه.
ضرغام / م̷ـــِْن كل عقلج تحجين شلوون ارجعج وابوج موو بألبيت
_ واذا موو بالبيت ترا عادي اني متعوده ابقه لوحدي بيتنه ماخاف ويايه عموو صلاح والخادمه
ضرغام / ابقي بس هل كم يوم هناا وبعدين ارجعج لبيتج.
_ انته ضام شي عليه موو بابا بيه شي صايره شي ومتحجيلي
ضرغام / شبيچ تخبلتي شهل كلام ابوچ مابي شي وقبل شويه اتصل بيه وحجينه سويه
_اتصل عليه هسه اريد احجي وياه
ضرغام / شوفي ساعه شكدد
باوعت ع ساعه ب 1 بليل
_ واذا. حته لْـۆ الوقت متأخر هسه تتصل عليه كوله نارين تريد تحجي وياك
ضرغام / باجر اشتريلج جهاز واحجي شكدد متريدين وياه
_ صدووك راح تشتريلي ??
ضرغام / اي وعد باجر اشتريلج جهاز
_ امممم اوك بس اول ماتگعد صبح اريد احجي ويه بابا ماشي
ضرغام / تمام
_ هسه جوعانه اريد اكل
ضرغام / هذاك المطبخ روحي سويلنه شي اني هم جوعان
_ ماعرف اطبخ ولله
ضرغام / ابد. ولاشي تعرفي طبخي
_ كلشي ماعرف ب طبخ اسوي مرات لفه واكلها
ضرغام / سويلنه لفات وخلي عصير وياهم
_ ههه هم ماعرف كانت الخادمه تكلي الهمبركر. واني بس اخلي زلايط ولكاتشب
ضرغام / الهي رحمتك
_ كوم سويلي اكل حباب
ضرغام / اني ???
_ اي انته متعرف تطبخ
ضرغام / لا ولله تريديني اطبخلج
_ شبيهاا يعني اني مريضه ويتيمه راح تحصل أجر بيه ولله.
ضرغام / ماعرف اسوي شي. اكوو اجبان ب ثلاجه اكلي منهم اذا تريدين
_ ماحب اكل اجبان هيج وقت
ضرغام / اكوو كيك جاهز اكلي وياه عصير
_ اممم اوك تريد اجيبلك وياي
ضرغام / اي.
عفته ورحت للمطبخ فتحت ثلاجه لگيت بيض اشتهيت اكله منه بس ماعرف شلون اشغل طباخ واسوي
اخذت 3 بيضات وكسريتهم بكاسه وزمجتهم سويه
بقيت ادور علئ جداحه ماكوو رحت طلعت علئ ضرغام لكيته راجع نايم
_ اهووو ضرررغام كووم شنوو رجعت نمت
ضرغام / الهم صبرج ياااروح شتريدين هسسه
_ اريد جداحه
ضرغام / ليش ?
_ انطيني اريدها بشغل
ضرغام / بس لاتحركيني تريدين
_ خايف مِڼـّي هاا هاا اعترف
ضرغام / امشي لججج هاي العايزه اخااف م̷ـــِْن وحده طفله
_ اهووو هسه انطيني الجداحه ولاتخاف مِڼـّي
طلع جداحه م̷ـــِْن جيبه وخلاها بأيده اخذتها ورحت للمطبخ خليت طاوه علئ الطباخ وشغلت النار
گليت بيض وتأكدت م̷ـــِْن الشكر ولملح ضگت قبل لاخلي ع اكل
سويت البيض وطلعت صمون م̷ـــِْن الثلاجه خليته ب صحون سويت زلاطه وفواكه خليتهم ماعون وسويت جاي
خليهم بصينه ورحت للصاله
_ترا ترا ترا
ضرغام / هاي صينيتج تفرح شبيهاا ??
_اكل
ضرغام / شنوو شسويتي اشم ريحه طيبه
_ سويت بيض
ضرغام / هاا موو گلتي ماعرف. اطبخ شووف طلعت جذاباتج انسه نارين
_ ولله العظيم ماعرف اول مره اطبخ بس شوف النداره ولابداع طلعت شيف سم لله عليه
ضرغام / هههههههه هيه بيضه لْـۆ مسويه باچه شجان سويتي
_ شوفني ب مستقبل شلوون راح اصير طباخه محترفه
ضرغام / هسه عوفج م̷ـــِْن هاذه كله جوعان اكل لْـۆ ارجع انام.
_ لا تاكل ويايه وتنطيني رأيك.
ضرغام / تمام.
اخذت صينيه وخليتها يمه ع طاوله ورحت كعدت اني يمه
بقينه ناكل ضرغام اكل لگمه وباوع بوجهي
رفعت حواجبي بتسائل.
_ هاا بشر
ضرغام / واووو ابداع طلعتي صدوووك طباخه
_ احم احم شفت موو گتلك
ضرغام / ههههه خرب.عمييي
_ اهوو ضرغام يعني تضحك عليه مووو
ضرغام / لا بويه ولله ماضحك صدك طيبه البيضه اول مره بحياتي اكل هيج بيض
_ هههه لا شدعوه مو هل كدد تجاملني
ضرغام / هههههههه خرب عقلچ ولله فلا تنگدرين
بقينه ناكل ونضحك وهو مستمر يضحك عليه مره يحجي ع اكلي مره يمدحني.
خلصنه اكل اخذت صينيه وخليتها ع سنگ داغسل اجه م̷ـــِْن وراي وصار محاوط خصري بأيدي ويغسل
بقيت جامده مكاني مكدرت اتحرك ولاسوي شي احس انفاسه. الحاره قريبه م̷ـــِْن رگبتي صارت
توترت كلش وخجلت.
غسل اديه وابتعد عني درت وجهي عليه واني متوتره
ضرغام / شبيج
_ ولاشي راح تبقه هناا لْـۆ ترجع لبيتك
ضرغام / لا راح ابقه يمج اليوم باجر ارجع
_ وباقي الايام شلوون
ضرغام / راح اجيچ كل يوم بس مابات يمچ ولاتخافين راح اخلي عندچ جهاز ولباب تقفلي زين واذا تحتاجين شي تتصلين علي تمام
_تمام.
ضرغام / عفيه عليج شطوره
ابتسمت وسكتت عفته وطلعت م̷ـــِْن المطبخ ورحت علئ الغرفه الي كنت نايمه بيها
تمددت ع فراش واني اتذكر قربه مِڼـّي احس كلبي يدك بسررعه ماعرف شصاار بيه
اندك باب الغرفه ودخل ضرغام
ضرغام / شنوو بعدج منايمه
_ هسه راح انام محتاج شي
ضرغام / لا بس حبيت اطمأن عليج قبل شويه كنتي تعبانه كلش
_ اشكرك لأن هتميت بيه وسويتلي كمادات
ضرغام / تدللين يابه.
ابتسمت بوجهه وسكتت
ضرغام / يلا نامي ورتاحي اني راح انام ب صاله اذا تحتاجين شي تعالي كوليلي
هزيت راسي بأيي.
طفه الاضويه مالت الغزفه وطلع غطيت نفسي ب الحاف لأبيض واني تعبانه. نمت بدون ماحس
"صباح ثاني يوم "
كعدت صبح واني تُعباُنٌهْـ احس راسي صاير طبله معرف شبيه
كمت م̷ـــِْن مكاني شفت ساعه ب 9:00 الصبح
اخذت ملابس م̷ـــِْن الجنطه مالتي ورحت سبحت ورتبت نفسي
طلعت م̷ـــِْن الغرفه ماكوو ضرغام اعتقد رايح لشغله.
اووف يالله شلوون يروح ويعوفني لوحدي
شفت ضرف لونه وردي ع طاوله رحت عليه وشلته كان مكتوب بيه
ضرغام / صباح الخيرر رايح للدوام لاطلعين ولاتفتحين الباب لأي شخص جبتلج ريوك بالمطبخ تلگينه وبس ﺂخـلـصَ شغل الي بأيدي اشتريلج جهاز واجي عليج
ابتسمت واني اقرا برسالته تكول بينه علاقه حب
اخذت ضرف وخليته ب جنطه مالتي ماعرف ليش حبيت احتفض بيه
رحت للمطبخ لگيت علاكه بيها اكل
طلعت منهاا اكل وخليته ع الميزز وجبت كرسي وكعدت اتريك
خلصت ريوك غسلت الصحون الي اكلت بيهم. بقيت افتر ب شقه صاار عندي فضول اشوف شبيها مابيها
رجعت للغرفه فتحت الكنتور وبقيت اباوع بيه مابي شي. بس ملابس شويه وعطورات
سديته ورحت ع صاله شغلت التلفزيون وبقيت اباوع ع افلام رعب واكشن.
____________________________
ضرغام.
كعدت صبح ع اتصال م̷ـــِْن العمل كان صديقي كرار.
الوو هاا كرار خيرر
_صباح الخيرر يابه
صباح النور شعندك متصل م̷ـــِْن صباح لله خيرر
_عندي الك خبريه اله بشده
حلوو احچي شنوو الخبريه
_عرفت منوو يسرب المعلومات كل هل فترا واحنه مندري ومشاكين بيه
منو ?
_ملازم سعد
شنوو ??
_مثل ماسمعت لبارحه كنت واكف قريب م̷ـــِْن المكتب مالته وسمعته يخابر بشخص ويحجيله علئ المعلومات الي عرفناها احنه وهل معلومات ماكوو غيري اني وياك ندري بيها
جان يحجي وياي يحضي
_هاا شنوو وياك ???
ايي وياي يحچي م̷ـــِْن كل عقلك تحجي ولك ملازم سعد يبيع روحه وماينطي معلومه
_لاتغشك المضاهر سيدي ولله اعتقد هوه الي جاي يسرب المعلومات
اسكت كرار رحمه لربك اذا متتاكد م̷ـــِْن الموضوع لاتجي وتحچيلي
_هاا هاي فوگاها
لا جواها
_هههههه اي عيني جوها تفيدك هاي
انجب ولي مِڼـّي هسه اريد اغسل واجي للمركز
_ ماشي منتضرك.
سديت منه ورحت فتحت الغرفه الي نايمه بيها نارين كانت نايمه ولغطئ واكع منهاا شعرها ڱڵـه. مفرود واكع علئ وجهه
دخلت يمها ورفعت الغطئ غطيتها مديت ايدي ابعد شعرها عن وجهه او لا أخاف تحس عليه
ابتعدت عنهاا ومالمست شعرها خاف تگعد وتفكر غير تفكير
اني شبيه ليش حاب وجودها وقربي منهاا احسها طفله وتصرفاتها عفويه
اخذت ملابس م̷ـــِْن الكنتور ورحت سبحت وبدلت وطلعت اشتريت الها ريوك ورجعت للبيت خليته ب مطبخ الها
شلون راح تعرف بيه اني طلعت للدوام احتمال تخاف اذا اني مموجود
اخذت ورقه وكتبت الها رساله وهاي كانت اول مره بحياتي اكتب رساله لبنت
اكتب واني اضحك ع نفسي الي يشوفني يكول يريد يدزها لحبيبته
خليتها ع طاوله وطلعت رحت ع مركز.
ب طريق اتصل جهازي كانت سهئ
الوو
سهئ / هلاوو ضرغام وينك
_ رايح للمركز ليش
سهئ / ليش مارجعت لبارحه وين بتت ونارين وين راحت
_ نارين رجعتها لبيتها واني بتت بالشقه لان رجعت الوقت متأخر
سهئ / هاا اوك لاطول ليوم بيت عمك يجون علينه
_ ليش شكوو ???
سهئ / علئ موضوع اختك سحرر ضاهر سيف م̷ـــِْن طالع منه رايح علئ جبيرنه وحاجي ويه عمامه واليوم يجون خطابه. عمك انطه خبرر الأبوك
_ خيرر انشالله.
سديت الخط وكملت طريقي شلوون بهل مصيبه هاذه صدك يحب اختي لْـۆ خوفا منه لان عرفنه ب موضوع
وصلت للمركز مشه الًيَوُمًِ طبيعي شغل وشكاوي. وسجناء
مرر الًيَوُمًِ طبيعي صارت ساعه ب "2:00 " الضهر تقريبا
خلصت كلشي عندي وطلعت بوجهي. للسوك اشتريت جهاز لنارين. وكم شغله للبيت الها
ورحت للشقه
وصلت للشقه ودگيت الباب مره مرتين مترد هاي شبيها ليش متفتح معقوله شخص عرف مكانها ونخطفت لا شهل تفكير اصلا منوو يعرف غيري واني جبتها بليل
دكيت الباب اقووه ماكوو رد ولافتحت الباب
رحت علئ الحارس.
_ ادم اكوو شخص دخل لشقتي واني طالع ?
ادم / لا سيدي ماشفت شخص اجه للشقه
_ متأكد
ادم / كل التأكيد اني هناا م̷ـــِْن الفجرر ماشفت شخص لاطلع ولادخل
_ ماشي انطيني المفاتيح
انطاني المفاتيح اخذتهم ورحت علئ الشقه فتحت الباب بوجهي علئ غرفه نارين
انصدمت م̷ـــِْن لگيتها هسه طالعه م̷ـــِْن الحمام ولافه المنشفه علئ جسمها وشعرها ينكط ميي علئ كتافها وتحاول تلفه منشفه ثانيه
منضرها يغررري كلش ويخليك صافن بمجمالها.
دارت وجهه علي بصدمه وصاار وجهه ماينطي الوان
بسرعه طلعت م̷ـــِْن الغرفه وسديت الباب وراي
صارت قريبه م̷ـــِْن الباب وحجت
نارين / شلوون تدخل هيج عليه بدون متحجي
_ انتي ماتسمعين الباب شلوون يندك عبالي بيج شي
نارين / كنت بالحمام ومكدرت افتحلك وصحت عليك بس ضاهر ماسمعتني
_ ماسمعت شي منج وفتحت الباب.
نارين / اوك روح ودير بالك تدخل مره ثانيه هيج ولله تشوف شي عمرك مشايفه
_ شنوو تهدديني ﺣضرتج
نارين / احسبها مثل ماتريد
_ ليش تخليني ادخل عليچ هسه واعلمج الشغل شلوون يصير.
_ اذا انته رجال ادخل وشووف شرراح اسوي بيك
نفرزتني كلش درت وجهي اريد ادخل بس مبادئي متسمحلي
_ هه موو اني الي تقيمني وحده طفله مثلج وتكول عني رجال او لا. الرجوله ب افعال موو ب كلام
نارين / وانته ماعندك افعال لهاذه كتلك هيج
_ شقصددج
نارين / قصدي واضح ياضرغام
فتحت الباب كانت هيه واكفه وراه مباشرا اول مافتحته انضربت بيه وكعت علئ السرير
رحت عليها وصرت فوكها ولزمت اديها بقووه وثبتتهم ع سرير
_ تريدين اراويج افعالي
نارين / ء ا.وخرر شدسووي كنت اشاقه شبيك وخرر
_ لاه لاه منوو قبل شويه يحچي بثقه اشوف تغير كلامچ هسه
صارت تتنفس بصعوبه وهيه تباوعلي بنضرات غريبه
نارين / عووفني وخرر عيب عليك تدخل هيج حته لْـۆ كتلگ اني كان لآزٍمٍ تطنش كلامي
_ ليش اني داخل لْـۆ ماكلامج الحلوو
نارين / اووي ايدي توجعني شبييك
بقيت اباوع جسمها كله طالع كدامي زنودها بييييض حيييل عبالك زجاج وصدرها يلمع بس لافه المنشفه عليه.
ستغفرت ربي وابتعدت عنهااا هل تصرفات غلط وحررام بينه
_ بدلي وتعالي وراي
عفتها وطلعت وسديت الباب
رحـت گعدت ع غنفه واني اتذكر شكلها وهيه بين اديه شلوون تباوعلي وشنوو م̷ـــِْن جسم عدها
استغفرلله يارربي لا ضرغام لاتفكرر هيج هل بنيه بأمانتك حررام تخون ثقه ابوها بيك
شويه وطلعت نارين مبدله ورافعه شعرها فوك ونازل شويه علئ خدودها
نارين / نعمم.
_ نعم لله ضلوعج تعاي هناااا
نارين / اخررر مره اسمحلك تعاملني بهل طريقه انته شنوو ماعندك خجل متستحي شوون تلزمني هيج ودخل عليه للغرفه ولله احچي لبابا عن تصرفاتك واخلي يفصلك م̷ـــِْن العمل
_ ههههههه لا نارين حبابه فدووه لاتحچين لأبوج عني ترا اخاف اني
نارين / عود تستهزء حضرتك
_ اسقري بابا هوه منوو غيرج الي نفرزني وطلع خبالي عليج انتي الي تحديتيني وياريت بقيتي كد كلمتج صرتي عبالك بزونه الي يسمع كلامج يكوول لبوه متخاف م̷ـــِْن شي بس م̷ـــِْن تصير شغله جدد تتحول هل لبوه الئ قطه أليفه.
نارين / هسه مگتلي شرايدد مِڼـّي ??
_ هاذه جهاز الج
اجت بسرعه اخذت الكارتون م̷ـــِْن ايدي وفتحته.
نارين / واخيررررا.
_ كولي شكراا ثول
نارين / شكراا عموو ضرغام
_ عمو ??
نارين / لعد موو انته گتلي اني اصير مثل عمج
_ ايي. صح "
فتحت الجهاز وبقت طكطك بيه وهيه فرحانه بقيت صافن ملامح وجهه لاول مره اباوع عليها هيج احس اكوو شي مشترك بينه
نارين / اكول
_ كولي
نارين / اريد نت بلجهاز شلون ?
_ افعلج ع رصيد ??
نارين / ايي فدووه
_ فد شويه اطلع للبيت وادزلك رصيد
نارين / تعوفني لوحدي
_ عندي شغل ولله بليل يمكن اجي اطمأن عليج
نارين / موتنساني تعال اخاف لوحدي ولله
_ الله كريم يلا اني رايح محتاجه شي
نارين / اممم. ممكن طلب
_ اطلبي
نارين / اريد احچي ويه بابا مشتاقتله ولله
_اتصل علي بس بشرط
نارين / شنو
_ ماطولين لان عندي شغل اريد اخلصه
نارين / ماطول ولله دقايق بس اسمع صوته
انطيتها الجهاز اخذته ودخلت للغرفه تخابر ابوها بقيت كاعد ب صاله وادخن شويه واجت لازمه الجهاز بأيدها
هاك هاذي سهئ
