رواية عشكج بس كسرتني الفصل الثاني عشر بقلم زينب نور
كعدتني امي تريكت وكملت رحت وي عمتي وفطومه للصالون
بلشت بفاطمه خلتلهه مكياج بسيط بس يجنن وتسريحه نازله شويه طلعت اميره هنياله حسن بيهه بس والله ما يستاهلهه هيه طيبه كلش واخووي أوف الله بكبره ميحمله مو هيه بس انشالله يصير زين وياهه
نوب اجتماع بلشت بيه سوتلي مكياج يجنن وتسريحه رفعت المقدمه بف وبرمته وهوه شعري اشكر وطويل صااار يجنن
أم الصالون كالت
يمه فدوه تخبلين اليوم رجلج ينجلط وعلي
كالت فاطمه
أي خاله والله خايفه على اخوي من هذا الجمال وين يروح اليوم
أني بتسمت
دك تلفون فاطمه طلعت تحجي بيه شويه وكالت فقاار يريدج
اخذت التلفون وطلعت
الو
اسمعي لج أي شي.يطلع من وجهج بالعباس ادفنج لفي روحج زين وجهج ما أريده يبين واي شعره طالعه بالغلط اجي اسحلج بشارع مفهوووم اني وصيتج وأريد اشوف غلط
فقار ليش هيج تعاملني
لا يعمري بعدنه بالبدايه ما مسوي شي دايسلج على الخفيف تره ورأي هواي اسوي وتتحملين غصبن عليج
انسد التلفون
اني الدمعه وكفت بطرف عيني بس ما نزلتهه لأن مكياجي يخرب بس كلبي تكطع فقار هيج يعاملني ما اصدك
فقاار بعد ما سديت منهه التلفون أحس روحي طلعت شلون قسيت عليها ولك فقاار هاي بنيتك هاي غزالك الربيتهه هاي بنيتك مريتك بس خليني وياهه حتى تتعلم شلون ذله الحب بس ربي صبرك شلون اشوفهه كدامي واتجاهلهه ربي اني ضعيف كدامهه شلووون
ساعدني اربيهه شويه ونطيني الصبر
كملنه من الصالون لبست بدله حمره طلعت اجنن بدون مبالغة والله النسوان بالصالون تخبلن
خاله خلليلج شي ازرك والله تنحسدين بنيتي وعلي تخبلين طلعتي نوب لأبسه أحمر ما خفتي على نفسج جنج كلووب مشتعل
ههههه لا خاله مو لهاي الدرجه
لبست فطومه بدله تركوازي هم صاارت تجنن وعلي جنهه العافيه
كالو راح يجي سيف يأخذنا تغطيت زين والله لفيت نفسي لف مالي خلك فقار يغلط عليه والله تعبت
أجه سيف طلعنه ركبتنه عمتي وصعدت بسدر
كال سيف
والله عيب عليج تنخطبن وإني اعاين خرررب مداني نوب الجهال عليه تتزوج وإني ضليت
خاااااااااب ييييييييمه
وصخام شبيك
كلهه عرست حتى الزعاطيط شمالك يا سويف ما تعرس دكولي ادور لبني مره خطيه كاضيهه ليل كله يشبك بالمخده والله خطيه اني
ههههههه فلك صابك ومنين اجيبلك يالمصخم
أي بس فقار جبتيله لا ونوب أحلى منه
خاب غزيله امداج شفتي بيه ورضيتي وعلي حقنه وما يتحاجه واكلج يبتسم بس بالعياد والمناسبات
حضي بعد شسوي ورطاني
خايبين نجبو ترحوله فدوه هذا فقار أبو النخوه المعدل وليدي العزيز
وانتي غزيله لا يسمعج وعلي ما يرحمج كالت فاطمه
أي والله يمه يطيح حضهه
ييييييييمه
ومرض شمالك
اني أريد ادور على امي جا اذا فقار وليدج اني وليدمن
أندري لكيتك وربيتك كسبت بيك أجر وثوب
اكول السالفة بيهه أنه من البدايه اكول اني مو ابنج ههههه
خايبات غطن رواحجن راح نوصل فقار يكول اذا ما متغطيات اسحلك انته ليش عود اختجن الزغيره اني
والله خبلني هذا الولد بتليت صرت أخوه
يله بعد اختجن غطن رواحجن والله ما أريد انسحل واتفشل كدام الناس والعباس فقار مخبل ويسويهه وتروح هيبتي وبعد ماكو بنيه تعاين بوجهي
ههههههه خرب والله عليك سوالف سيف
خاب سوالف رجلج هاي الطايح حضهه
وكفت السياره بالباب ونزلنه بيت عمتي ثنينه ننزل
والولد بيتنه يجون من بيتنا يخطبون احنا بنفس المنطقه بيناتنه بس بيوت
دخلنه كعدنه على الكراسي وإني الف فكره براسي ربي كلبي بعده متعلق بمصطفى واليوم اصير ملك فقار نوب هوه هم صار ضدي ربي ساعدني بس انته بقيت وياي
اجت امي شبكتني وصلي على محمد
يمه عين الله تحرسج يا غزوله
اني دمعت عيني بس ما بينت الهه ابتسمت ما أريد اضوجهه هاي رويحتي بدنيا
شوي وأجو يعقدون اني أحس كلبي وكف خوف على توتر على حزن على مصطفى لحبيته من كل كلبي
اخذنه البنات بالغرفة ودخلو حسن وفقار
يمه فقار طالع يجنن القاط ورافع شعره وعطره دخل كلبه اول مره اشوف فقار بعيني حلو بس جد طالع يجنن
وحسن هم فدوه لطوله طالع حلو رغم ضالمني بس يا ناس اخوووي شما يسوي يضل اخوي أخاف عليه واحبه حيل فدوه لطوله لابس قاط ومعدل نفسه صاير يجنن عين الله تحرسه
عقدوه بالبدايه حسن وفطومه وكملو
نوب اني وفقار صار دورنه
حاجني الشيخ مرتين يله كلت موافقه وهوه بس يعااين عليه بس اني متغطايه زين ومدنكه شسوي أخاف من فقار
طلع الشيخ دخلت عمتي وأمي باركونه والبنات دخلنه
رفعن عنه الغطه وفقار عاين ضل بس صاافن وحسيت بيه عرك ضل يمسح كصته بالكلنس
ويعاين بكل قوته ما يرمش أبد
اني فرحت بداخلي كلت يعني بعده يحبني
اتقرب عليه
كال مو عبالج معجب بيج بس أي ولد يشوف هيج شي يعااين خليهه بالج انتي متي بعيني بس عاينتلج مجرد رغبه لا أكثر
اني بتسمت ابتسامة مصطنعة والدمعه وكفت بعيني بس ارمش توكع
فقار اوووووووووف صبرك الله صبرك نوب تبرطم من ارزلهه وهيه اليوم طالعه حوريه من الجنه كاعده خرررب شلون تتحمل فقار شلووون بس لازم أكمل البديت بيه
خلونه بغرفة
وفاطمة وحسن بغرفة كالو أخذوا راحتكم سولفو
اني كاعده يم فقار
لزمت أيده نتر بيه
ايييييدج والله اذا عدتيهه اله اموتج لا تفكرين تلزميني أبد خوووش
فقار عليك الله لا تسوي هيج
بعدج ما شايفة وجهه فقار الثاني من وهيج تشوفينه والعرس بعد أسبوع اسوي حفله بسيطه حضري روحج واشتري التردينه خوووش من أطي يوم بعد ما اغيره لو تموتين
تقربت عليه صرت مقابيله ردت احسسه بوجودي
هوه حسيته هده شويه لزمت أيده رتخه شويه قربت وجهي يمه
هوه أخذ شفتي بين شفايفه بهدووه خلاني نتهيت طول شويه نزل على ركبتي باسهه بهدوه شويه وصعد على شفتي اني تجاوبت وياه
راسن دفعني حيييييل ميلي ولج اني ما أريدج لا تحاولين
اني ما تحملت بجيت
كال شفتي من ترفضين شلون يصير بيج وشلون تحسين بالهانه والذله حسي بيه من ذليتيني هوواي يبت خالي هواي تحملي نتيجة غلطج ولا تلوميني على كلشي اسوي لأن بعدج ما شايفه شي بعدنه بالبدايه
طلع وسد الباب اني دموعي ما اسيطر عليهن والله تعبت جاي اتقرب منه وهوه يرفضني شلون ربي
دخلن البنات مسحت دموع ما بينت الهن
وخصوصا وياهم حوراء لأن تبقى تتشمت بيه
هيه بالأصل ماطايقتني ومبوزه الخطبة كلهه
فقاار بويااااي بويه نوب غزوله كلبي تتقربلي وإني ادفعهه كون كسر بديك يافقار كون انشلن اديك من دفعتهه نوب تبجي يا ربي صبرك ااااااخ غزل اااخ ولج مو انتي تتعذبين والله جاي أعذب بروحي وادمرهه شلون أكمل ما ادري وأنه من تتقربلي حتى رجليه ما تعيني اوكف عليهن شلون بيج غزالي شلللون احبج بنيتي سامحيني لأن جاي اذلج هيج بس حتى تتعلمين وانتي تجيني برجليج لأني عشكتج وكسرتيني. . .........
