رواية لأنها اختي الفصل الثاني عشر بقلم فاطمه حمود
ملاك تكوول
كلشي چذبة
حُبك وكلمه احبچ
واني اريدچ
ذني چذبة
صدكت لمن گلتلي انتِ روحي
چان حچيك كله چذبة
لمن صدگتك نيتي چانت حيل بيضه
اللهفه والخوف ورجفتك
عكس نيتك
نظره عيونك وصوتك
حتى صوتك چان چذبة
زمخ بيه
نيار :- أخت الكلب الورى هاي
تحركت السياره وراحت توجهت للباب مال قاعه شفت ابوي كبالي انخطف لوني زمخ عليه ب صوت ناصي
أبو ملاك :- شدا تسوين هنا
ملاك :- ها
أبو ملاك :- شدا تسوين هنا كولي
حجيت ب تلعثم وتوتر
ملاك :- حسن حسن خابرني وما كدرت اسمع جوه ف طلعت
كال انو هوه ب ديوانية ويمكن ما يكدر يجي اليوم يبات هناك بابا
أبو ملاك :- شيسوي ب ديوانية
انخطف لوني ما معقوله ابويه ما يعرف ب حسن لان ما يتحرك حسن خطوه الا يخلي عند بابا علم بس ليــش هيج سال ما أ؏ــرف يمكن كان يريد يتاكد مو عندي او عنده غايه
ملاك :- عنده قضيه ودا يشتغلون عليها ورايح وي ضباط هيج كال
أبو ملاك :- ماشي يلا امشي كدامي
حط بابا ايده على جتفي ودخلنا للقاعه مر الوقت صارت ساعه ب 9
خلصت الحفلة وزفينا العرسان وراحو للفندق مشت سياره مرينا من يم مطعم على نهر دجله تذكرته اي هذا هوه رجعت ب ذاكرتي الذاك اليوم
1 ت
نزلت واني بيدي الكتاب كان نيار وحسن كاعدين ب صاله ودا يشتغلون كدامهم هواي اوراق وهيج
ماما كاعده يمهم هم عدها اوواق دا ترتبيهم
ملاك :- مليتت تعبت شبيكم
رفعلي حسن راسه
حسن :- خيرج ملوكه شبيج
ملاك :- تعتبت من السادس ونفسيتي صفر
حسن :- وشنو المطلوب اطلعي ب نظيف
ملاك :- مو انت اخويه طلعني يلا
حسن :- عندي شغل مهم ملوكه غــير وقت
ملاك :- مااااا حسن شبيك ترا تعبانه نفسيتي طلعوني
نيار :- خطيه قهرتني خل انطلعها
شفته ب كلامه جمعنا يعني راح يجي ويانا ابستمت
حسن :- تشوف شغل وين نروح
نيار :- ملحكين ملحكين علي ،،نروح المطعم ***** الي على نهر دجله
ملاك :- اي اي حباب حسن حباااااب
حسن :- خوش يلا ويمه شوفي ابويه يروح ويانا وانت يلا بدلي
كمزت ب فرحه وركضت اصعد اسمع ضحكته هوه نيار عليه رحت الحمام فورا غسلت ولبست البرنص وطلعت بسرعه وصلت للباب مال غرفتي صعد هوه وشافني اتي بسرعه فتت وسديت الباب
طلعت ملابسي وبدلت ورتبت وجبت جنطه عفت بيها قلم الحمره وجزدان ومرطب ايد وكننس مرطب وبقه يصيحون بسرعه اخذت غراضي ونزلت
ملاك :- جاهزه اني
شفته كصاني كص من فوك ليجوه اجا بابا رحت الها
ملاك :- هاي شطالع باباتي
باساني من خدي وكرصه
ابو ملاك :- طالع على بنتي غيرر
وصلنا للمطعم عافو السياره ب الكراج وطلعنا كانت اكو طاولات على نهر وداخليه تقربت من بابا ولزمت ايده
ملاك :- بابا اريد هلى نهر نكعد حبااااااب
ابو ملاك :- من هاي العين قبل هاي العين
رحنا كعدنا ب طاوله على نهر كلش حلوه كعدنا صارت كعده نيار كبالي اني ابستمله وهوه يضحكلي بعيونه طلبنه اكل واني صارت روحي ب ضفه مال نهر
ملاك :- اريد انزل جوه يم المي خل انزل
حجيت ب توسل
ام ملاك :- لــأ ملاك كعدي وستري علينا ما بيه حيل قدر يصير
ملاك :- حباااااابههه بابا حباااااب خل انزل
نيار :- روحي انزلي
حسن :- لــأ شتنزل انوب تعثر ب حجاره شي وهي ما تعرف تسبح لا اكعدي ملاك
ملاك :- انت امشي وياي لـ؏ــد خل ننزل حباااب شوف هذيج العائله نزل الرجال وبنته طفله خل اني انزل حباااب اريد احس ب بروده المي حبااااااب
نيار :- امشي اني اخذج
حسن :- نيار وين ماخذها تكعد لــأ تصير خير هسه
نيار:-هسه ع شنو خايف هوه احنا طلعنه حتى تتغير نفسيتها طالبه سادس خليها امشي ملاك امشي
1 ت
باوعت البابا الي كان يستمع للكلام ب توسل حتى يقبل
ابو ملاك :- روحي
كمت ب فرحه اخذت تليفوني وحسن اجا ويانا لزمت ادين حسن ب تشبك عبرنا السناسل الي حاطيها اهل المطعم
بارد وليل وشعور حلو صرت اضحك وحسن يضحكلي نيار شغل جكارته وكف صاح ابويه على حسن
ابو ملاك :- حسن تليفونك تعااال
راحله حسن بقينه اني ونيار
ملاك :- شكرا على كل الي سويته
باوعلي وهوه يذب دخان جكاره ب وجهي
نيار :- اهم شي ونستج بزونتي
ملاك ؛- لــأ تنغر عود طلعتني
نيار :- ما انغر بس بعيونج اني
ملاك :- نياااار
نيار :- شلعين عيوني كولي
ملاك :- كاافي
صعدنا وكعدت واني خجلانه واحس كلبي طاير ب دكاته رفعت راسي لكيته مركز بيه رجعت دنكت وسويت نفسي مشغوله كنت احاول ابين نفسي طبيعيه واني غركانه ب خجلي
17 ت
مر الوقت وخلصنه بابا دفع الحساب وطلعنا صعدت ب السياره ورجعنا للبيت
فزيت من صفنتي على صيحه امي
ام ملاك :- ملاك مو دا أحــچي وياج
ملاك :- ها ماما كولي
ام ملاك :- حامد داك عليج
ملاك :- ها ايي وكال راح ابات بيت خالو يم نيار لان صحبانهم مجتمعين هناك
ام ملاك :- خوش
رجعت اباوع للطريق رجعت ب ذاكرتي ورى يومين من طلعنه كاعده ب الغرفه مكفشه وحالتي حاله ودا اقرا دك عليه نيار كامره ما يدك كامره الا عنده سالفه فتحت وعفت ايدي ع كامره وسديتها مني نت كان ضعيف ف صوره مغوشه
ملاك :- هاي شنو كامره مواضحه
نيار :- وينج لطومه
ملاك :- شهل اسمه ويعععع شتريد
نيار :- كليلي هذا المنننن
انتظرت توضح الصوره كان قلم الحمره مالتي اكثر قلم احبه وين ما اروح اخذه وياي وصار يومين ادوره ماكو شهكت
ملاك :- بكت الحمره مالتي نياااار صخام
نيار :- صخام ب عينج لجججج لكيتها مشموره ب سيارتي صاحبي شافها وكعد يبسمرني عباله مصعد وياي كح** وجنت متواعد وياها
3 تع
ملاك :- عززززه شكد ما تستحيييي انت صاير
نيار :- اني ما استحي ولج بعدج ب كد زري وماخذه الحمره وياج بس لا تصيريلي مثل هذني البرابيك الي يكعدن ب نص مطعم ويطلعن المرايه ويحطن المكياج الخلقهن
ملاك :- اذا ب كد زرك شعندك جايلي ورجعلي ياه هل قلم احبه
نيار :- لــچ لطووومه غنتبه ما اريدددد والقلم ما ارجعه حتى توبين اطلعين ب حمرتج الجيب تايههه
ملاك :- ها ها غاثتك الحمره ف بكت حمرتي مووو
نيار :-من عابت هل لسان ولج شنو ابوكها تنجبي وخليني متحمل
ملاك :- جيبلي القلم
دار الكامره علي ورفع حاجبه وحجه
نيار :- ما اجيبه
ملاك :- تجيبههههههه
نيار :- حلم بليس ب جنه
ملاك :- مااا تجيبههههه
دار الكامره ولزم القلم وكعد يكتب بي اسمه على ورقه يمه كسر للقلم من فوك
نيار :- مقصدي الي حجيته
بوقتها من فشلتي وصدمتي من رده غلقت تليفون
فزيت على بابا
ابو ملاك :- يلا ملاك انزلي
هزيت ب راسي نزلت شوكت وصلنا للبيت ما ادري
كلش تعبانه أحس جسمي مكسر تكسير رحت بدلت وتمددت ب الغرفه شفت البنات دا يحجن ب الكروب وياخذن نميمه على العرس والمعازيم
بس اني كان فكري شارد تفكير ب حامد شلون رجع شرب اوووف اوووف
مو هذيج المره كال التوبه
بعد لعد ليش رجع مو حلفلي وكال هاي هي بعد ليش هيج سوه وفوكاها حسنن اوووف الا اليوم يطلع شغلك
وانت تعرف شنو يعني هل يوم الحامد وتعوفن وتروح وفوك كل هذا ربي لطف بينه وما شافه بابا
ولو متأخر نيار شويه كان شافه ابوي وكان صارت مصيبه شكبرها ما الها اول ولا الها اخر
ابويه يتخبل من الرجال اليشرب ويستحقر الي يشربون مو عاد يطلع ابنه شارب وعلمود منو علموده بنت عمي غــير ينجن
ساعه ب 11 صارت ما كدرت اتحمل بالي يم حامد شلون صار دكيت على نيار انطاني رفض ودز
نيار :- لا ادكين مشغول
ملاك :- طمني على حامد
بقيت اكل ب نفسي من القلق
مر الوقت ساعه ب 1 ب الليل دا احجي وي منى اجتي رساله من مريم استغربت رسالتها بهيج وقت وهي اليوم ليله عرسها
ملاك :- ولج شعدج لازمه تليفون غــير عروس انتِ!؟
مريم :- ضوجه وما جايني نوم شفتج متصله كلت احجي وياج ويامن دا تحجين انتِ هسه
ملاك :- دا احجي وي منى بس تعالي شنو ضوجه شنو الوضع بس لا بعدكم ما مسوين ال
مريم :- لا لا شبيج تم كل شي الحمدالله وخلصنه وطب سبح هوه واني هم ولمن
طلعت من حمام لكيته لازم تليفون يتصفح ب الفيس كعدت كباله
ب النص ساعه
صافنه بي ما أ؏ــرف شسوي استحي اسوي شي او أحــچي وياه مدري شبيه وهوه ما سوه شي ولا حجه فكعدت يمه وراسلتج
ملاك :- لا ب شرفج زين عندج صواب شي لو هم لا
ملاك :- اكلج خاف لاعبين ب الإعدادات انتِ متأكده انو انتو عرسان لــوو خاف جايبيكم من باب الشرجي. !؟
مريم :- ههههه ليش ولج ترا عادي
ملاك :- ولج تذكرين زينب لمن رحنا الها ب سبعه تذكرين شكلها وضعها !
مريم :- ههههههه عزا شذكرج بيها اصلن اني ما أوصل 1 ب الميه من صوابها
ملاك :- مو اكول الج لاعبين ب الإعداداتما تصدكين بيه اصلن شفتيها شنو
كالت لمن كلنا الها شعجب صار سبوع على زواجكم شدعوه هيح رايحه وما باقي مجال ب جسمج كالت هوه غير يتجدد مرتين أو 3 مرات ب اليوم من اول مره هيج
مريم :- اهووو الله لا يحط أحد ب السانج عمي تعبانين ترا
ملاك:- امشي لــچ غــير استكشف ب راسج شنو سوالف لـ؏ــد قابل اسال الغربه
بقيت اسولف وي مريم إلا أن كملنا ونمت كعدت الساعه ب 10 ونص جسمي مكسر تكسير ويوجعني شفت نيار شايف رساله وما رد دزيت اله
ملاك "- حامد شلونه طمنييي ؟؟؟
كمت نزلت جوه ماما دا تحجي ب تليفون
كعدت اسوي ب ريوك الي انفتح الباب دخل حسن
حسن :- صباح الخير يحلو أنتِ
ملاك :- هلا يابه هلا عيوني شنو ياب اليوم المزاج عال العال مبينن
حسن :- أي عيوني انتي بس انتظريني شهر واصيرلج النقيب حسن وتصيرين يا خانم اخت النقيبببب
صحت من الفرحه وطفرت علي حضنته
ملاك :- ااااااا الف الف الف مبروك
حسن :- ههه الله يبارك بيج
أم ملاك :- شكو على شنو المباركة شنو نفتحت جبستك وراح تعرس وتفرحني يمه كلييي
1 ت
ملاك :- لا عيوني بعد كلبي ماميتي راح تصيرين أم النقيب حسنننن بـ؏ــد فتررره
أم ملاك :- يمه صلاوات على النبي كلللوووش صلاوات على نبي يمه ابني الشاطر السبع
ملاك :- هلا هلا شوف الهلاهل عمي لمن جابوك للدنيا ما هلهلو هيج مثل هسه ههههههه
حسن :- خلي يابه خل تفرح وترفع راسها وان شاء الله دوم رافعه الها هل الراس يلا من رخصتكم اروح اغير ملابسي وانام لان صاير جنااازه
صعد حسن تذكرت ما كلت اله على سالفه حامد خل يروح يشوف شصار
لأن نيار ماكو صعدت ركض فتة للغرفه بدون إذن وسريع كان دا ينزع بالبدله العسكريه مالته
حسن :- ها ها ها شكو شبيج
ملاك :- اخاف احجي وتكول خربتو فرحتي
حسن :- شكو شصاير احجي
حسن :- شكو يا ستار انتو ما تخلون الفرحه أتم ابدا يعني منا منا ابدا ما عدكم
ملاك :- عوف الفرحه هسه بعدين خوش افرحلك والله واسفه بس سالفه داجه حامد
حسن :- اشبي المصخم والمطلم
ملاك :- البارحه اجا للعرس و (حجيت كل شي )
حسن :- عود صدك هيج سوه !! وكل هذا صاير
ملاك :- اي والقران
صار يغلط على حامد وهوه يلبس ال بنطرون أخذ السويج والموبايل وراح طلع ب سرعه
مر الوقت صارت ب 1 اجا حسن وحامد
حسن بسرعه صعد الغرفته وجهه ما يكصه السيف مبين عصبي وحامد بقه كاعد كبالي عفته ومشيت ما حجيت شي احس حتى ما بيه حيل اعتب لان لو يفيد العتب كان فاد اول مره
حامد :- ملاك
حجيت وإني منطيته ظهري ودا اريد اصعد للغرفه
ملاك :- نعم
حامد :- ليش هيج دا تحجين وياي عدلي حجيج
ملاك :- لمن تحترم نفسك وتكون كد كلمتك الي كتلي ياها اول مره عود اني احترمك لمن احجي وياك خووش
كام واجا يمي
حامد :- امشي فوك خاف تسمع امي حجينه
صعد حامد ب معنى الحكيني صعدت اني ورى كعدت ب صاله
ملاك :-كول احجي استاذ
حامد :- انسي الي البارحه صار ملاك
ملاك :- ههه شنو تريد انسه حدد الي رجاءا
حامد :- كلشي انسي
ملاك :- همم مثلا تريدني انسه اخوي الي نزل قيمته وقدره واحترامه النفسة علمود وحده ما تسوه شعره منه شعره وحده ما تسوه
لوتريد انسه اخوي الي كال توبه وغلطه عمري بعد ما اسويها وما اشرب واجاني البارحه يطوطح
يريد يفضحنا ويسوي مصيبه وي ابوي وانت تعرف شنو طبعه !!!
لــوو تريد انسه مخاطرتك البارحه الي رادت تنزل مو بس قدرك واحترامك لــأ ومو بس هيج
حتى قدرابويه واحترام الناس اله وتكسر وجهه كدام الكل وكدام منو كدام حثااااله العالم الي ينتظرون زله من عدنا
لو انسه البارحه الرزايل الي اكلتها من نيار كدام ولد غريب حدد شنو انسه تريد ؟
حامد :- كلهن انسيهن ملاك
ملاك :- صعبه ماكدر
حامد :- لا مو صعبه
طلع حسن
حسن :- سهله ملاك شبيجج عادي انسي وعود وإن شاء الله فترا ويرجع يطوطح والله يدزج اله مثل كل مرا ويرجع يصحه ويصيح انسيييييي الحد ما يوكع ب ايد ابوج وساعتها يحترك البيت علينه وهوه ما يتوب عادي اصلاً
حسن:- هوه شنو لا تصعبها انت كل ما صارن كلمتين على مريم ركضت تشرب هوه هيج الحجي ! ب ربك هييييج يعني عفتك البارحه ورحت الشغل ارجع الكه ملاك كاعده بيك كدام القاعه خاف طب تفضحنه ولك اختتتتك صغيره هاااي هيج موقفك كدامهااااا !
حامد ؛- حسننننن
ملاك :- حسن خلي شوف تنطيني وعد بعد ما تسويها ومريم تنساها غــير هيج ما عندي
حسن :- شبيج انتِ يا ينساها بـ؏ــد كدامنا مريم راح تصير حامد ويركض يشرب ورها مريم راح تجيب ويركض يشرب واحنا على هل رنههه وي استاذ حامد
حامد :- حسننن هاي هي مريم ماضي وراح بعد والي صار اذا نعاد حلال عليكم تكولون الأبوي وهوه يتصرف وياي
ملاك :- اكيد مو شهر شهرين وترجع
حسن :- نكول الابوي !! هاي اذا ما لكفك استاااذ
اتجاهل حامد كلام حسن لان كان باين معصب
حامد :- هل مرا اكيد ملاك
ملاك :- ماشي وحسن شاهد اذا هل مرا ما التزمت ب وعدك بعد فلا احجي وياك ولا يطخ الساني السانك حتى ب سلام
حامد :- لعيونج
حسن هز ايده وفات الغرفته واني رجعت الغرفتي
مر هل يوم ب هدوء بديت اقوي نفسي على الي صار الي واستوعب شنو الي صار واستوعب انو حياتي الي كانت وي نيار كانت كذبه وخداع بس مع كل هذا احبه اي احبه مكلبي رافض تفكير عقلي ب خداعه وبعده متمسك ب حبه وهيج مره الايام ب صراع بين قلبي وعقلي
اليوم راحو الكل دا يحددون المشيه مال زلم مالته من عرفت بقيت واكفه ب صدمه كل هذيج الفتره
بس لا بدت هاي القوه تقل يوم ورى يوم كل ما يقرب موعد عقده حسيت قرب يومي
قرب أجلي اي اجلي والموت دا يقترب من عندي كل ما يتقرب موعد المشيه مال زلم يعني شنو هاهيه
بعد راح يصير الغيري هاهيه بعد راح يلبسها الحلقه وتلبسه حلقه
تعبر عن ملكيتها اله
يعني ما الي حق بي بعد معقوله سنه ونص راح تروح هيجي ب لمح البصر معقوله كل أحلامي الي حلمتها وياه راح تنهدم
هيجي وتروح هباء منثور منن ورى غلط من اختي من ورى جريمه هي ارتكبتها واني ما الي ذنب بيها بس صار العقاب الي !
حتلو حاولت اكرهه حتلو بذت كل جهدي حتى ابتعد او اكرهه يبقه هل يوم يعتبر كسره ب نسبه الي
اليوم يوم المشيه مالته امي كعدتني ب 8 ويلا ويلا ما تدري شي ما تدري انو اليوم العقد هوه عقد موتي الي راح يتممه نيار اليوم وراح ينهي بتها
كمت ودمعه ب عيني اشتغل بلا قوه كملت ب 12 شغلي واني مثل الجثه الي تتحرك بدون روح دزتني امي حتى ابدل صعدت الغرفتي فتحت الكنتور وأني اسمع
صوت حامد وحسن أجو من عنده كانو عند الحلاق وبعدها راحو الحمام الزلم واجوي بسرعه حتى يتجهزون اباوع
على الملابس جميع الألوان عندي بس الي عنده عزه ما يصير يلبس غير الأسود حله هل لون ب عيني
طلعت سترا رسميه لون اسود وعندي بنطرون أقماش اسود
لبست كل شي اسود اتذكرت تليفوني جوه نزلت اجيبه شافتني امي لطمت على صدرها وحقها شكلي يخوف كانو ميت عزيز كلبي
ملاك :- اهوو يمه شنو تريدين مني ترا والله لعبانه نفسي اذا تريدين ما اروح احسن واخير واكعد ترا روحي طالعه
أم ملاك "- شلون ولج ما تروحين خطبه أبن خالج مثل اخوج معقوله شنو شبيج ملااااك لا تحركين دمي قبل لا نروح ترا العب بيج طوبه
ملاك :- ما ابدد وهل لبس عاجبنيييبيي خوووش واني تعبااانه عوفوني ب حااالي
ام ملاك :- اخبالج ما طلع بس اليوم مووو اني اعلمج خل نرجع اني الج احسابج يمي
ملاك :- اي تمام
ام ملاك :- على الأقل روحي البسي تيشيرت ملونه جوه سترا خوما هيج وتخلسين العالم ملاك
ملاك :- أن شاء الله
صعدت واني ما الي قدره اناقشها لبست تيشيرت بيضه لأن ما الي خلك اتعارك وي امي اذا ما بدلت
طلعت كعب اسود مو كلش عالي سويت مكياج بسيط كلش بس حاولت اخفي التعب والحزن الي مبين عليه لبست
شال بيجي وي جنطه بيجي نزلت كان حسن كبالي ابتسم ب وجهي بس بهتت ابتسامته من شافني هيج واضح تعب عليه
حسن :- شنو شبيج ملوكه
ملاك :- ما بيه شي بس تعبانه حسن
حسن :- شنو من شنو تعبانه خاف مريضه ؟
نزل حامد
حامد :- تعالي ملاك سويلي الربط مال عنق
تجاهلت سوال حسن ورحت اسوي الحامد رباطه حامد غمز الحسن
حامد :- شبيها ؟
حسن :- مريضه
حسن :- لا يابه ما تكفي كلنا اني اخذكم ب سياره مالتي وحامد يجي ب سيارته لان يحتاجونه
طلعنا من البيت الطريق كله اني ساكته اهلي انتبهو عليه وضلو قلقين
أبو ملاك :- بابا بيج شي وضعج ما عاجبني
ملاك :- لا بابا ما بيه بس لعبانه نفسي وراسي كلش دا يأذيني ومدري شبيه
ابو ملاك :- خوش باباتي اذا بقيتي تعبانه كليلي اول ما نكمل ارجعج ترتاحين
وصلنا لبيت خالي الكل موجود أصدقاء نيار من هسه چايين هاي ما عده الشيوخ الي موجوده لأن مسوين عزيمه غده وكانو
الولد وبابا موجودين ولمن كملو أجو للبيت يتجهزون سوه حسن مجال النا من بين الزلم ودخلنا
أم ملاك :- الحمدالله عيوني وانتِ
أم نيار :- ب احسن حال شلونج خاله ملاك شنو اليوم ضاربتها على صامت وإني اكول للبنات هسه تجي ملاك ب الفستان تكسر جمالجن كله
دا تحجي امه وإني بس ابتسم مجاملة وداخلي نار نار أحس دا يحركون بكلبي ب مي حار كل شويه يزيدون حراره المي اجاني صوته من ورى
نيار :- يمه ملاك دومها مكسرتهن ب كشتختها عمي وكفت الكل بره على رنت كعبها وفوك كل هذا شنو ما سامعه المثل الي يكول من لبس اسود سبي العباد سبت الكل سبي ب جمالها
أخذت نفس قوي وإني أصبر نفسي بعدنا ب البدايه اصبري وتحملي خفي نارج يا روحي خفيها انتِ مو كد هل نار و بعدج ما شفتي شي يا روحي
عقلي يحاجيني ويصبر بيه كانو هوه غريب عليه
صعدت الهن حاولت انو ما أبين انكساري ابدا بس هيهات كل الي يشوفني يسال شبيج ولازم أعيد عليهم الكذبه
الي اخترعتها بس حتى اخفي وجعي ونهياري ب الي صار صاحو
علينا ننزل حتى نصعد بالسيارات قبل لا يطلعون الزلم
ويصعدون ب السيارات انهاريت كليا حسيت من صدك فقدت عقلي
أي فقدت عقلي لزمت تليفون دعاء دزيت رساله النيار
منه لأن اذا اني ادز ما يرد عليه اعرفه
ملاك :- تعالي خويه أصعد الغرفتك أريد احجي وياك ب شي ضروري قبل لا نطلع
7 ت
نزلو كل البنات توجهت يم غرفته كان يمها الحمام سمعت
صوت رجلي دا تتقرب من الغرفه طلعت من الحمام توجهت علي بسرعه
ما كان اكو شي ب عقلي ابدا
كان تفكيري محدود كان مركز بس بالنار المشتعلة ب صدري معقوله اليوم خطبته كانت بس الفكره مخبلتني يعني معقوله راح يروح يلبسها حلقه معقووووله كل الي صار صدك يعني
ما يحبني يعني وهمني ب حبه علمود ينتقم من اختي الي كسرت گلبه ف اجا حتى يكسرني ويضوكني عذابه لمن تركته
اشوف الفرحه ب وجهه الكل وإني بس ابتسامه جذبه مرسومة على شفتي ونااااار نااااااار موجره بداخلي أحس ب وجع
كلبي وجع ما منه وجع شلون اليوم راح يعقد عليها حتى يثبتلي
انو من صدك هاهيه هوه صار الوحده غيري
توجهت علي وصوت الكعب الي يرن ب الارضيه سحبته
من ايده والأيد الثانية فتحت بيها الباب الغرفه مالته دخلت
وسديت الباب صار ضهري على الباب وهوه كبالي نفس المتفاجئ
من حركتي مصدوم مني بس اني ب هاي اللحضه نسيت كلشي
نسيت الحرام والعيب والخجل نفس ما رباني على جرئه وياه
وما اخاف عيوني من وحدهن وهنه ينظرن اله شلون متجهز ومتانق
بس مو الي لا الانسانه ثانيه غيري انسانه كانت تحلم يشوف طرف خيالها
1 تع
لزمت ايده أطراف أصابعه اتلاقت وي أطراف اصابعي حسيت
ب شي بارد غزه كل جسمي وبعد حروره كلبي نطقت
حروف من الساني بدون ما انتبهه مع نزول دمعتي
ملاك :- لا تروح الها لا تتزوج
1 تع
أما هوه ب صدمه الي شافه وعيونه الي دا تشوف كل جزء بيها ودا تتفحصه ب تمعن بلع ريك وحجه ب بحه
نيار :- منو انتي حتى اسمع منج
28 تع
ملاك :- اني الضحية الانتقامك الي ربيتها على ايدك اني الضحية
الحبك اني الي عشکتگ اني الي اتولعت بيك اني الي نسيت الخوف
والخجل والعيب والحرام وياك اني تربات ايدك ابنيتك وبزونتك
اني الي كسرت كلبها بس بعد اكو أمل عدها انو انت تحبها تريد بعد تعرف منو اني
نيار :- اني كتلج ما حبيتج إنما انتقت من اختج عن طريقج
سحبت ايده الخشنه الكبيره وخليتها على كلبي
ملاك :- دا تسمعه محترك اكوو ناار بي ما دا تطفه ارحم بية
الله يخليك ارحم بيه وكلي كل شي جذب ولك الحد هاي اللحضه يريدك كلبي والله يريدك
4 تع
بسرعه سحب ايده
نيار :- كافي ترخصين ب نفسج كتلك انتي مجرد ورقه واحتركت
14 تع
تهسترت لمن كال هيجي
ملاك :- شنو ورقه يعني هسه انت تريد تقنعني انو كل حبك جذب
تريد تقنعني انو كل ذرة غيره ب كلام وأفعال منك جذب تريد
تقنع كلبي انو عيونك الهايمه بيه والي هسه نفس نضرات
الحب بيهن جذب ولك ارحم بيه دا اكلك نار نار دا تاكل بيه
مدا اتحملها شلون تطفى هاي نااار ولك والله دا اموت حس بيه
ناري ما اعرف شلون اطفيها ما اعرف دا تاكل بيه حراراتها
موتتني روحي دا تطلع وربي روحي دا تطلع
نزلت تدريجا إلا انو كعدت ب خيبة أمل ب الكاع وسانده ظهري
على الباب ودموعي تنزل اجا تقرب مني صار نفس مستوايه اعيونه
الي أحس بيهن نضرات حب نفسهن ما تغيرت نظرتهن
2 تع
نيار :- ليش دا تعذبين ب نفسج بزونتي ما يهون عليه اشوفج هيج
5 تع
بجيت ب شهكه أحاول اخفيها
ملاك :- نيار وربي نار ناار دا تاكل بيه حرارته مدا اتحملها
ابدا شابه بيه ما اكدر اشوفك وي غيري احبك مجنونه
اني تخبلت ب حبك ولك ناري مدا تحس بيها كلبي جمره ملهبه
مدا تقبل تطفه او يقل لهيبها لا دا تزيد ب لهبها
كال هاي الكلمات كانو دا يواسي طفله وخلاني ومشه دا يريد يطلع ويريد يعوفني بين حطامي تركني ابن كلبي تركني وراح فتح الباب
ملاك :- هان كلبي عليك واني ما يهون عندي اشوف نظره زعل منك مشكور شعلتني ب ناري وشعوطت كلبي رحمه الله والديك على مجازاتك الي
4 ت
عافني وطلع نهاريت صارت شهكاتي تتعاله دك التلفون حسن
كمت
مسحت دموعي بسرعه عدلت مكياجي الي صار هوسه نزلت وكل خطوه اخطيها كان ب سنه وصلت يم الباب مال المطبخ
كانو الزلم دا يطلعون من الإستقبال لمحني حامد اجا عليه وإني دخلت للمطبخ البيت فارغ
حامد :- اذا تعبانه ابقي ملاك خاف يصيرلج شي ؟
ملاك :- لا ما بيه شي
حامد :- بس خل يصعدون الزلم للسيارات واجيج اصعدج
ملاك :- ماشي
مرت 10 دقايق وأجا حامد رحت للسياره مال حسن كان صاعد بيها بابا وامي وحسن
أم ملاك :-شنو وين جنتي ملاك
ملاك :-ب الحمام دا استفرغ ف اتاخرت
حسن :- تعبانه ارجعي ارتاحي جوه ملاك
ملاك :- لــأ ما بيه شي
بدت السيارات تطلع وضحكات الكل دا تتعاله وإني هم صرخات گلبي
دا تتعاله الكل فرحان أصدقائه دا يتسابقون ب سيارات
صارت سياره الولد الي اجا وي نيار ب سالفه حامد وي سيارتنا كان مشغل اغنيه
حبيب امك مترضى من احاجيك روحي معلكه بيك
وامي مفرعه تدعي يابني الله يهديك روحي معلكه بيك
كانت عيوني مدمعه صارت عيني ب عينه صفن ب وجهي وبهت لونه وضل صافن درت وجهي وصلنا البيت البنيه نزلو الزلم وامي هم نزلت
بقينا احنا البنات الحد ما يعقد عليها شيخ إلا ننزل من سيارات
مر الوقت أجو الولد كالو أنزلو نزلت وكان قوتي خلصت
دخل نيار يمها كعد يمها والكل فرحان ويهوس همس يم اذنها
لو هاهيه صرت ما اكدر أسند نفسي
صارت عيني ب عينه انطاني ابتسامه على انتصاره رحت يم امي لأن بعد ما اكدر اتحمل
3 تع
ملاك :- يمه اني راح اطلع لأن كلش لعبت نفسي راح اوكع
أم ملاك :- روحي روحي السياره حسن لا تكلبينا الفرح عزه علينا هسه
4 ت
محجيت ومشيت طلعت من البيت وصلت للباب كله الزلم واكفه مشيت بدون ما ينتبهون توجهت للسياره مال حسن شفتها مقفوله أخذت نفس
دكيت علي ماكو بقيت ادك علي ماكو ما يسمع
اجاني صوت من ورى
الولد :- شعدج واكفه بنص الزلم ملاك
درت وجهي كان نفسه الولد الي وي نيار الي هسه ما عرفت اسمه شنو كنت فاقده سيطره على حواسي بــحيث ما ركزت منين يعرف اسمي
ملاك :- اريد أكعد ب سياره ودا ادك على حسن ما يرد
الولد :- هيج تحبين نيار حتى ما تكدرين تشوفي وي خطيبته
