رواية ليتك قدري الأول الفصل الثاني عشر بقلم رفل الكناني
دخلت غرفت هديل شمرت ملابسها عل الجربايه وداطلع دك فونها عل ميز باوعت عل مازنجر رقم صدمني وشفت صورت اخويه حذام لوتخبلت حذام شكو يدك عل هديل وشعنده
وياها تخيطتت بمكاني ردت اجاوب وافتهم السالفه بس كلت اخاف ماالزم اعصابي وصوتي يطلع
بسيطه حذام عفتهه كله ملكيت إل هديل طلعلت وكبل الغرفتي سلام كاعد اجيت كعدت واني افور اريد الله بس يطلع سلام حتى أخبر حذام ماكو جلب كاعد التلفزيون بره ماكدر اطلع واخابر اخاف أحد يسمع تمنيت بس سلام يختفي من كدامي وكلشي ماريد وين ال بدل وطلع راسن قفلت الباب ودكيت اكثر من مره ال جاوب
الووووو
هااا حذام
هلوو هباوي شلونج
الحمد الله حذام اريد اكلك شي ولاتجذب عليه
خير شنووو
حذااام شعندك ويه هديل
شنووو
مثل ماسمعت شعندك ويه هديل
ماعندي شي
حذاااااام لخاطر الله بروحه لابويه تره اني مالي خلك دكلي انت شعندك وياها لو اروح اسئلها
شبيج بابه انتي حلمانه وكعدتلي
لا محلمانه وبعيني شفت رقمك دك عل هديل وعل مازنجر ليش تنكر
اي وشصار يعني
شنووو شصار حذام انت شناوي عبالك هديل من ذني التحجي وياهن اليل كله
لا موهيج
لعد شنووو فهمني هاي حماتي وأخت سلام يعني اذا دره سلام بيتي راح ينهجم
هبه نطيني مجال احجي شبيج اكلتيني وشربتيني البنيه مابينه شي مجرد صداقه لااكثر
اي وره الصداقه شنوو انت تدري هاي العائله شمسوين بيه انت تدري هاي لدكول صداقه وياه امه مكرهتني عيشتي وهيه تدري وتشوف كلشي وساكته ليش هيج حذام ليش
هبه تره كبرتيه وهيه صغير كتلج مابينه شي
تمام انت كلت مابينه شي وإذا صار العكس قسمن بالله لا انت اخويه ولااعرفك
ههههه زين ليش غير اعرف
وتضحك وماهامك مو.. شوف حذام العليه كتلك اذا بالك
شي عل هديل تخليني كدامك اني اختك وحذرتك لاتقترب لامن هديل ولا من عيالي
لا صدك ما عندي شي وياه
نشوف والله كريم
زين انتي ليش ضايجه
انت شبيك داكلك هاي العائله مطيحه حضي دكلي شبيج
ليش تجذبين اشو يمنه موصلتهم للقمر الاصطناعي
اسمعني اسمعني ذوله عيالي و اني حره انفخ اصلخ بيهم
انت معليك المهم خليك بعيد
ماشي ادللي
يله باي
الله وياج
سديته وممقتنعه احس حذام يكذب عليه متأكده عنده وياه شي هسه عرفت شبيه ذيج الفتره بس تصفن عليه حقيره مدشوف امها شمسويه بيه وشلون مستعره مني تريد تورط اخويه ليش والله عل جثتي اخليها تورطه راح اضل وراه واشوف وين توصل
بيومها نسيت سلام ومشكلت عمتي وعقلي مركز بس بسالفة حذام أشكال فكرت اخاف يحبها لو خاف تضحك عليه وتبليه واني اوكع بيها الليل كله افكر فكرت احجي وياها بس بعدين كلت اخاف تسويلي مشكله وانوب افضح اخويه ضليت ساكته عل أعصابي
ثاني يوم عمتي رادت تسوي الاختها ثواب وكالت السلام وديني للسوك اخذها وطلعوو واني نظفت وكملت ولتهيت بلبيت لحد مجوي جنت بلغرفه ممده ودخل سلام كال كومي امي تريدج عاد رحت للمطبخ لكيته مكلوب مسواك عزه
بعينها عبالك جايبه السوك كله من شافتني كالت تعالى
عزلي المسواك
بديت بالمخضر رتبته بالثلاجه وانوب اجيت عل بقوليات جانو مسوين رف لهاي الشغلات وهيه جانت جايبه معلبات من كلشي كمت اشيل واصفط وفجأة وتوكع قوطيه منهن
عل رجلي جانت يمكن مال بزاليا من هاي الدبل الوكعه صارت عل إصبع رجلي الجبير وهيه من جوه حاده والرف عالي روحي شاغت وماشوف بس الدم ينفر منه طلعت الوكعه بخط اصبعي بنص ال شويه كاطمته روحي فرفحت وهيه تصيح
شجاج وثول مدكليلي شدسوين قابل صخرتج تعل الكلب
دموعي نزلن واصبعي الدم غطاه صحت
عمممممه شبيج
وعمه لعماج ليش تصيحين عليه ان شالله رجلج بلكطم
طلع سلام عل حجينه باوع عل رجلي ثنى كبالي لزمه
عطت
هاي بيمن
ابجي واشرتله عل قوطيه
استغفر الله كومي كومي
ماكدر والله
كالت عمتي : يطبج مرض انتي رعنه وتسوين الشغله من
وره خشمج شوفي الله شسوه بيج
يممممممممممه كافي رحمه للكعبه
وسم شكو تعلي صوتك كوم كوم شيلها فدنوب ابجي وياه والله ومغزره بيك النومه التنطيكياه وممغزر بيك حليبي وهيج تصيح عليه
اويلي اووويلي انفتحت بعد متسكت كومي انتي الثانيه
كومني واني رافعه رجلي والسيراميك ابيض وخط الدم وصل وياي الغرفتي كعدني وجاب كطن وديتول مسحه وعقمه ولف اصبعي وماسكت سطرني
انعل ابو النسوان وحتى امي وياهن ما من وراجن بس شلاع الكلب وحده ترفع وحده تكبس امي شاخطه ومرتي ثوله
وين بالج من وكعتيه عل رجلج خرب بحضي والله سودتن
عيشتي
رفع راسه عليه واني مستمره ابجي
كافي هاهيه اسكتي هسه يهود
يحجي بنتر وصوت عمتي بره مسكتت
حياله مكاره سوت هيج حتى تنهزم من التعزيل عبالج اعوفج باجر غصبن ماعليج توكفين بالعزيمه وراسج فوك رجليج ولج هديله يمعزاااايه تعاي بدال هاي المكاره سسسسلام لفها ونام لفها يمضخم
كام شال سويجه وهوه يسب بنفسه
انعل ابو سلام لابوه حتى ساعة السوده اروح اطلع اهج احسلي
صفك الباب وطلع
راسي انفجر من الألم ومن حجيهه لليل واني بلغرفه مطلعت وهيه يمكن تعبت وسكتت سلام اجه بدل ومدد بصفي
شلون صرتي
زينه الحمدالله بس يوجعني
طبعن غير مكسوم بنص
اي شفته
يله خلي مشدود هسه يومين ويصير زين
ان شالله تعشيت
لا والله
خل اسويلك
اخاف مدكدرين
لا عادي اكدر
كمت طلعت للمطبخ سويت العشه وجبته تعشينه سوه وشلت الصينه غسلته ورجعت جاي ديتفرج فلم طفيت الضوه واجيت نمت اباوع واغفي لحد منمت ثاني يوم من الصبح وأول مكعدنه شغلت اسطوانته عمتي تحجي تحجي سلام ديبدل ديروح للدوام واني يمه لازمتله ملابسه كال
هبه اليوم بذات نهائي لاتحاجين امي ماريد مشكله كدام العالم سمعتي عوفيها تحجي وتسكت
صار
هبه سمعتي تره اذا سمعت مجاوبته البيت اهجمه
شبيك سلام اني يايوم مجاوبته
لا ابد البارحه بذني سمعتج من تعورتي شلون صحتي عليها
اي غير روحي جانت شايغه وهيه متوليتي ثوله وثوله
هسه سوي مثل مكتلج يحتاج ااااعيد
لاهذا هو امري لالله
اول مراح رتبت غرفتي وطلعت اليوم هديل ممداومه ومتندره ودتشتغل وعمتي دتحضر حتى تطبخ من شافتني كالت
راح يجون خطاري امشي لبسي اسود مني مستحيتي ولبستي من الناس متستحين مو عل ساس جنتي
عمه غير ماعندي منين اجيبلج اسود
والله حجتج بايخه لوتردين تلبسين جان لبستي بس العتب عل حاويج ابني جان كلج تلبسين لخاطر امي
عمه هسه عل هاي البس والله البس بس عوفيني رحت لغرفتي اسود ماعندي لبست دشداشه نيلي وبيه شغل بسيط مبينه مو مال حزن بس شسوي ماعندي غيرها رهمت وياها شال وطلعت ضليت أساعدها وأكيد هي مقصرت خلتي راسي ماكدر احكه لحد ساعه 11 الضهر بدو يجون اهله وكرايبه وهاي اول مره اتعرف عليهم وهي صارت خيره
كامت تعرفني هاي اختي وهاي عمتي وهاي مرت اخويه وووووو كومه وهمه نسخه منها مدري شلون يباوعولي حتى خلوني اكثر من مره اروح اباوع عل شكلي جد جد حسسوني شكلي بي شي ومن اصفن عل روحي والله احلى منهن هنه كل وحده شسمنها حتى الشابات بيهن ام العشرين سنه مبين عمره أضعاف بنات خالتهم الماتت جانن منعزلات مبين عليهن الحزن هنه4 ثنين متزوجات واثنين لا
مختلطن بااحد واني يا هيه الشايفتني كالت هاي شبيه رجلج يابه تعورت بدل ميكولن عندج العافيه بدلنها ب اووووي خطيه عود مثقفات بعد عيني وهنه كل وحده فيله لحد مصبينه الغدا واني ميته تعب وداكابر كملنا النوب المواعين وهديل احسه تريد تتوددلي عرفت شكو براسها وتأكدت من البالي بس موكته اني الج بعدين ضلت تساعدني وتغسل وياي لحد مااجه سلام عفته ورحت وراه سلم عليهم ودخل للغرفه كعد عل جربايه واني مدنكه دانزعه جواريبه هيج متعلم اني انزعلهيا جان تنفتح الباب التفتت بنيه من بنات خالته
بسرعه كالت اني اسفه عبالي مااكو أحد داسوي شالي
حجتها وطلعت اني هم كمت وهوه بدل حضرت ملابسه خليتهن بلحمام راح سبح واني سويتله الغدا خليته بلغرفه هوه كمل واجه كال جيبي هناك راح للاستقبال كعد عل تخم رحت بلبدايه خليت الطبله كدامه وبعدين جبت الاكل خليته تغدا ويسولف وياهم كلهن هيلكة حتى الكباريه منهن خفاف كالبات الكعده ضحك وسوالف الا بنات المرحومه عل صفحه والعينتين كعد يمهن ااااخ صدك غرت هسه شكو كاعد هنا كالتهه بكلبي ومن الغيره كعدت بصفه لزك حتى من يحرك ايده دياكل اني طاخه بي باوعلي همس
هاي شبيج شويه ليغاد
خزرته
شبيج بابا
شكو شمسويتلك بيش مضايقتك
بتسم بمكر
اكولج اليوم يمكن مشتغله لغيره
رفعتله حاجبي
اموت عليج لعد اليوم دسمه
دكل اكل متشبع من الدسم
صديت لكيت عمتي تخزر بيه وتباوع شلون دنتبسبس عاندت اكثر
سلام
هااا
مشتهيه كيوي
صار اليوم اجيبلج
ضليت هيج بعنادها لحد مكام غسل واني وراه خليت الجاي وهوه رجع كعد لحد مصار الجاي وصبيته وجبته اله لكيته كاعد بصف عمتي وهيه مدري شدكوله وهوه عيونه واكفه بلحق متت متت اريد اعرف شددكوله وهيج شكله صار
مديت ايدي انطي الجاي كام بهمه وحجه بنتر
جيبي بغرفته
رحت وراه كعد وأخذه مني بنتر
هاي شبيك اجه ينجفي
جان ديخوط رفع راسه كال
انتي شبيج اليوم
اني لشبيه لوانت
اكولج لتضلين كل ساعه شكل شبيه شدتشوفين داشكك بهدومي
شفته صدك موطبيعي عفته ماحجيت كمل وخله الكوب عل ميز ومدد واني شلت الكوب وطلعت لاكتني ام رقيه كالت
كافي تفترين تره اليوم تعبتي عوفي كولشي وروحي لغرفتج
اي والله أحلام ظهري فدنوب
طبعن غير الجاهل معلك بالظهر روحي عيني روحي
عفته ورجعت للغرفه هاي الانسانة الوحيده بهاي العائله إلى مشفت منه شي يغث مددت بصف سلام هوه ايده عل عيونه مسوي نفسه نايم بس اعرفه كاعد لان ديهز برجله مدري
شبي انكلب من كعد بصف عمتي عيني عليه لحد مانمت وين ال كعدت مالكيت أحد كلها رايحه وسلام هم كعد وطلع
ضلت هديل من اليوم راح احط بالي وياها صارت عيني
عليها وين متكعد وين متكوم شكد ردت احصل موبايلها حتى أشوف اكو مراسلات او شي ويه حذام مكدرت دائم يمهه والمشكله بي باسوارد كلت ميخالف اذا اكو شي لازم يبين
بليل صفنت الروحي وتذكرت كلام ام رقيه من كالت عينج عل سلام كمت بدلت وشسورت شعري وخليت مكياج وأحلى سيت عندي لبسته طفيت الاضويه وعطرت الغرفه وعليت المكيف صارت الأجواء هادئة رغم الحمل ورغم كلشي بيه حنيت السلام القديم كلت بلكت يرجع مثل قبل انتظرته
يجي وأول مطب شغل الضوه وسد الباب باوع عل غرفه وعليه بتسم وطفى الضوه واجه بتجاهي كعد بصفي
لك هاي شنووو هاي شمسوي اليوم مدللني
ابتسمت بخجل قرب نفسه شم ركبتي راسن اجتي ريحت دخان النركيله بخشمي نفسي لاعت بس ضغطت عليهه كلت اليوم صدك ادلله
هبه
مم
شنو هذا العطر لج صدك مشتاق لهذا الجو وهذا الهدوء
يهمس بذاني روحي ذابت ونسيت حتى ريحت الدخان نومني وصار فوكايه نقذني من نزع التشيرت حتى أخلص فدنوب من الريحه كل لمسه منه وكل همسه ماعرفه شنيه سلام كله مداعرفه من يكون بين اديه احسه يحبني ومن يبتعد تصرفاته دكول حبه إلى رغبه وبس جنت مندمجه وياه اي مندمجه لان اني حبيته رغم كولشي حبيته وهسه راح يصير ابو ابني شلون مااحبه تقربلي وخليته براحته لاجبتله طاري تعب ولاطفل ولاكلشي لحد مرتاح وابتعد حضني
هبه
مم
اليوم انتي متغيره
شلون
مادري حسيتج مندمجه وياي
اي
هبه
اريدج دوم هيج حتى اذا بتعدت منج قربيني
وليش تبتعد
مابتعد بس داكولج تحمليني وتحملي اهلي الخاطري
صار
عصرني بحضنه حيل عبالك يريده يدخلني بضلوعه وهمس
احبج
واني هم
انتي شنو
اني احبك
كوليه بعد
احبك احبك
دوم كوليلياه وذكريني بيه
هههه لازم تنسى
لامانسى بس احبهه منج هيج الكلمه ترجعني الج شكد
ماابعد
سلام اشو كلامك مادري شلونه ليش احسك مهموم احجيلي تره دتخوفني
وداعتج ماكو شي بس اني هاي الفتره اذيتج ويمكن جرحتج بس ارجع واكولج اني احبج
واني هم
ايده صارت عل بطني تلمسه
شوكت يجي
اووو بعد هواي
ان شالله يجي بسلامه
سلام تريده
رفع راسه عليه : صدك تحجين شلون ماريده لعد
مادري احسك مفرحان
لا والله فرحان بس من وراه المشاكل هيج صارت تصرفاني تدرين اني قبل ماتزوج جانت حياتي شغل فقط وهسه ألف شغله براسي انتي والطفل والبيت وامي اااخ امي هي سبب كل مشكله اني ادري بيها ولا اني لداتحمله ولااعرف انتي ليويون راح تتحملين تدري مرات اصفن وأفكر اعوفها
واطلع ومن اصالحه واجي بحضنها اشوف نفسي ماكدر اعوفه ولااكدر افاركه ومن اخلي راسي عل مخده بليل اتندم عل كل كلمه كلته بحقها بل يوم الراح
واني
انتي اااااه انتي
ههههه شبيك اليوم تجر حسرات
والله تعبان بكد الدنيه اريد ارضيج ولااغثج ولا حتى اغث امي وصاير بنصكم وضال بين نارين ادري بيج مرات من احجي عليج واساير امي عبالج اكرهج لو مفضل امي عليج بس والله موهيج اني تدرين شلون افكر
اي
افكر اكول انتي تحبيني ومرتي وتحمليني بس امي اذا زعلتها وغضبت عليها أو دعت عليه شراح يصير بيه
الله يهديه علينه
اي والله امين
حبيبي راح اكوم اسبح ورايه دوام
يله حتى اني اسبح وراك
كام اخذ المنشفه وطلع واني رتبت الجربايه ومسحت وجهي بلمرطب اباوع عل ركبتي مدمره دمار دخل هوه سابح نام وغطيته وطلعت سبحت ورجعت قبل ماادخل غرفتي تمشيت الغرفت هديل عل كيفي كلت بلكت اسمع صوت او شي ماكو صنته ايدي صارت عل باب وبدون تردد فتحته جان تكمز من سريرها والسماعات بذنه والفون بيده عيني عليه اكو اتصال مفتوح راسن سدته وذبت السماعات
هااا هبه شكووو؟؟؟
