رواية ذيب الشامخ الفصل الثالث عشر بقلم توتة
- فَهكذا نعـيشُ نحن ، ملّوحين بِالوَداع في كُل خُطوة.
✿✿✿✿✿✿✿✿✿✿✿
_امي سوت عمليه وحالين احنه بالمستشفئ
ذيب : شنوو شوكت سوووت وليششش اني اخرر واحد يعرررف شبيهاا اميي
_انته موو تدري بيهاا مريضه وهيه ماترضه تشرب العلاج اله تشوفك وتدهورت حالتها واخذناها لبارحه گالو حالتها صعبه ولازم نسويلها عمليه ..
ذيب : انتو هسه يامستشفه جايكم
_مستشفئ ****
ذيب : منوو وياج هسه بالمستشفئ ?
_رياض وغيث وبابا (اخواني الي ماذكرتنهم بالقصه عندي 2 خوان واخت وحده واني 3 )
سديت من عدها ورحت علئ المسؤل اخذت من عنده اجازه 3 ايام بس اشوف امي ورجع وهو مارفض طلعت بسررعه
واني خايف اخسرها. وهيه بسببي وصلت لهل مرحله
بعدد ساعات من السياقه وصلت للمستشفئ لگيت ابوي واخواني واكفين باب الغرفه. رحت عليهم
_شلون صارت
ابو ذيب : منوو گالك سوت عمليه ?
_ليش جنت ناوي تضم الموضوع عني شنووو
رياض : ذيب احنه مستشفئ صوتك
ابو ذيب : انته الوصلتها لهنا طلبت منكك تجي تشووفها ماجيت فضلت الشغل علئ امك الي ربتك وتعبت عليك
_شووف منوو يحچي انته لوو مهتم بيها زين مجان تمرضت وصلت لهل مرحله لاتذب الصوج بيه
اجت اختي يمي ولزمتني م̷ـــِْن ايدي
_ذيب لله يخليك كاافي امي هسه مريضه لاتتعاركون ؏ اقل بس اليووم
سحبتها علئ حضني وبست راسها بقينه منتضرين دكتور يطلع ويطمنه ؏ امي
مرت ساعتين تقريبا طلع الدكتور من الغرفه الكل كام نريد نعرف شلون صارت
_بشر دكتور شلوون صارت أمي
غيث : صحت نگدر ندخل عليها ?
دكتور : الحمدلله عبرت مرحله الخطر وحالتهه مستقره حالين بس لازم ترتاح شويه.
ابو ذيب : نگدر ندخل نشوفها
دكتور : لا حالين وضعها مايسمح دخلون من ننقلها لغرفه العنايه تگدرون دخلون عليها ومشافايه انشالله
_اشكرك
رحت اباوع عليها من الجام مال الغرفه نايمه وصوندات بخشمها
اووف يمه ولله ماقصدي اوصلج لهل مرحله جان عندي شغل وماگدرت اشوفج واني من ابوي اتقيد ماريدد احجي وياه كل مانلتقي نتعارك.
بقينه تقريبا ساعه نقلو امي من غرفه العمليات واخذوها لغرفه العنايه.
دخلنه عليها جانت بعدها مصاحيه وتأثير البنج بعده بيها
گعدت يم رجليها ولزمت ايدها وبستها. اووف شكدد مشتاق الهاا صارلي سنين مشايفها وحاضنها وحاجي وياها وجهه بوجهه
اخواني دارو عليها كلهم خايفين بس ابوي واكف ويه دكتور يسأله عن صحتها
شويه وصحت وهمست بصووت تعباان
ام ذيب : ذييب
_عيون ذيب هاا يمه اجيتج كوومي شوفيني يمج اني
فتحت عيونها وهيه تعبانه شافتني وابتسمت بهدوئ
كمت من مكاني بست راسها وحضنتها.
_الف سلامه بويه خوفتينه عليج
ام ذيب : ههه ولا تبطل سوالفك شنوو بنيتك اني وتگلي بويه
_ههه نسيتي شنوو انتي من زمان بنيتي واني المدلل مالج
ام ذيب : ياعمري انته تعاي اگعد كبالي اريد اشبع من شوفتك
رياض + غيث : الحمدلله ؏ سلامتج يوووم
ام ذيب : الله يسلمكم.
_الحمدلله ؏ سلامتج ماماتي خوفتيني عليج ولله
ام ذيب : لله يسلمج يمه لاتخافين هسه صرت زينه من شفت ذيب گدامي
_اي اني اتصلت بيه وخليته يجي يشوفج
ذيب : تدرين يمه ضامين الموضوع عني لو ماهيه مجان عرفت بيج مسويه عمليه
رياض : ترا لبارحه جبناها مالحكنه نخابرك لاتسويها قصه
ذيب : اي صدكتك
ام ذيب : تعال يمي
رحت گعدت يمهاا لزمت ايدها وبستها بقت تسولف ويايه وتنشدني وين انام شاكل وهل امور
_ليش تعاندين وماتشربين علاج يعني هسه لووو صايرلج شي انه شيصير بيه
ام ذيب : انته ناسي امك شنوو صارلي سنين ماشايفتك اگلك تعاال تكلي اي ليوم باجر ومرت اسنين وانته تجذب عليه
_انتي تدرين بيه زين ليش ماجي اني
ام ذيب : لخاطري يمه لخاطري اني معليك بأحد
لزمت ايدها وبستها وشميتها.
_هايني گبالج. شلون حاسه هسه خما موجوعه مشتهيه شي اجيبلج اكل
ام ذيب : بس عطشانه اريد ماي
كمت من مكاني اخذت بطل ماي فتحته الهاا وشربتها لزمت ايدي ورجعتني كعدت يمهاا
_عندي موضوع وياج يمكن موو وكته بس اني ماگدر اضل هناه هواي ماخذ اجازه بس 3 ايام
ام ذيب : شنو 3 ايام هم واني مريضه تعوفني روح بعد ماحچي وياك
_شسوي يمه انتي تعرفين شغلي صعب وماگدر اعوفه شوكت ماريد.
ام ذيب : هسه عوفنه من هاذه الحچي گتلي عندي موضوع وياج شنوو احچيلي
_اريدج تخطبيلي بنيه
ام ذيب : يمه هااي الساعه المباركه هيج واشوفك عريس گبال عيني
_اكوو بنيه احبها واريدج تخطبينها الي.
ام ذيب : بعيني بس خليني اطلع من المستشفئ نروح عليهم. ماگتلي منين هيه اعرفها اني لوو غريبه.
_لا يمه غريبه من بغداد
ام ذيب : حليوه ?
طلعت جهازي من جيبي وراويتها صورتها اول ماشافتها صلت علئ محمد
ام ذيب : الهم صلي علئ محمد لله يحفضها حلووه تخبل هاي شكدد عمرها
_دخلت 18
ام ذيب : بعدها صغيره تبين اكبرر
_ههه لا بس لان سمينه ومربربه
ام ذيب : يبعد عمري هيج ويرتاح بالي وازوجك وامن عليك
_شرط اخليج تركصين بعرسي
ام ذيب : ههه شلوون ماركص العب لعب عرس وليدي بعدد
كمت من مكاني بست راسها
_لله يخليج النه ويطول بعمرج
ام ذيب : فدوه رحتلك .. خوانك وين راحو
_تبارك راحت تسال دكتور عن صحتج ولبقيه مادري بيهم وين راحو
ام ذيب : هسه يجون انته خليك يمي لاتروح اريدد اشبع من شوفتك قصص وروايات عراقية
بقيت گاعد يمهاا واسولف عليها شكدد مشتاق لكل سوالفها.
__________________
رباب.
بقيت اكل بروحي اكل دموعي تشكي حالي اصعب يوم يمر عليه خوف وتوتر وفضيحه احس روحي انتهيت
گالي ذيب لاتخافين اني اتصرف رغم الي گاله بس مارتاحيت شلوون يتصرف صور طشت بالكروب اكيدد غير باقر حفضوها.
بقيت كاعده بغرفتي شويه واندك باب الغرفه مسحت دموعي وسويت نفسي نايمه شفت ساره دخلت شافتني نايمه عافتني وطلعت من الغرفه.
كعدت واني اطكطك بأصابعي منتضره خبرر من ذيب دخلت ؏ كروب مفلشينه وكلشي بالمحادثه محذوف.
شويه جريت نفس بس بقيت لازمه گلبي بأيدي خايفه يكون شخص غير باقر حفضهن وانفضح هل مره ؏ فيس اذا طشت الصوره ؏ فيس اهلي يعرفون وتدمر حياتي.
مر يومين وذيب ابدد ماتصل بيه ولاسأل عني ماعرف شصاار وياه وليش مغلس عليه
اني هم ماتصلت عليه اخاف اتصل وتطلعلي سالفه
رجعت من المدرسه الضهر اني وصديقتي.
وصلت للبيت فتحت الباب امي سلمت ودخلت جوه لگيت ابوي موجود سلمت عليه وصعدت لغرفتي.
لزمت الجهاز اباوع عليه ذيب بعده لاحد هسه ممتصل عليه شبيه خليني اني اتصل واشوف وينه وليش هيج مختفي.
اتصلت عليه جان جهازه مغلق عفت الجهاز ورحت بدلت ملابسي ونزلت حضرت الغده ويه امي شويه واندك الباب راحت امي فتحته دخلو خواتي زهراء وساره.
كعدنه كلنه سويه تغدينه اخذت الصحون غسلتهم ورتبت البيت.
صارت ساعه ب 2 الضهرر سمعت جهازي يرن صعدت علئ غرفتي لگيت ذيب يتصل
رحت علئ الباب سديته وفتحت عليه
_الووو
ذيب : الوو هاا بويه شلونج
_الحمدلله زين وتذكرتني
ذيب : امي سوت عمليه وملتهي وياها ولله
_ياااا شبيها
ذيب : مريضه ولبارحه سوت عمليه اخذت اجازه ورحت عليها وهسه اني يمها بالمستشفئ ..
_مابيها غير العافيه انشالله
ذيب : لله يعافيج ..رباب عندي الج خبرر حلو
_صدوك شنو گول
ذيب : ليوم حچيت ألامي عنج وكتلها اريدج تخطبيها الي.
_صدك وشگالت
ذيب : اريدها بس تتعافه شويه اجيبها ونجي عليكم. بس قبل هاذه اريدج تحچين ويه امج عن الموضوع
_احچي الامي ??
ذيب : اي جا شلون نجي عليكم هيج ؏ ساكت
_بس ذيب اني اخاف من امي ماگدر احچيلها عن علاقتنه ولله تموتني انته متعرف امي زين
ذيب : حبيبي لخاطر حبنه اذا ماتحچيلها شلون نجي عليكم غير يكون عدها علم وتساعدج.
_ولله خايفه اخاف اكولها وتاخذ مِڼـّي جهاز وبعد ماگدر احچي وياك #ڪــڔٰا̍ڕ
ذيب :زين انطيني رقم امج اني احچي وياها كوليلها باجر ضهر احنه يمكم
_باجر ??
ذيب : اي باجر انشالله احنه يمكم وهسه روحي احچي ويه امج وگوليلها اكو شخص يحبني واني احبه ويريد يجي يخطبني
_وامك شلون
ذيب : حاول اجيبها مراح تسوي شي هيه مجرد تكعد وتفاتح أهلج بالموضوع
_ذيب
ذيب : يروح ذيب
_احبك هوواي
ذيب : اني هم احبج ام خدود يلا روحي احچي وياها واذا متگدرين دزيلي رقم امج تمام
_تمام
طفيت من عنده بقيت متردده شلوون افاتح امي بالموضوع امي عصبيه واحتمال كلش جبير تاخذ جهاز مِڼـّي وتبطلني م̷ـــِْن المدرسه ..
بس اذا ماتصرفت هسه مراح ننجمع اني وذيب لآزٍمٍ احچي وياها وخلي شيصير خلي يصير
نزلت جوه جانت امي گاعده بالصاله ..
رحت يمها واني اعصر باديه وافكاري متخربطه ماعرف شلوون افتح الموضوع وياها توتر وخوف.
_يمه عندي موضوع وياج
ام رباب : سويلي جاي وتعاي گولي شعندج
هزيت راسي بأي عفتها ورحت للمطبخ سويت الهاا جاي احجي ويه نفسي واجهز الكلمات الي لآزٍمٍ احچيهم كدام امي
اخذت الجاي ورحت عليها انطيته الهاا وبقيت واكفه
ام رباب : اكعدي وكولي شعندج ?
_اريدج تسمعيني ألاخر وتفهميني ر
ام رباب : شمصخمه ولج
_اكو ولد يحبني واني هم احبه وباجر ضهر راح يجون اهله يخطبوني
كامت من مكانها وهيه فاتحه عيونها بعصبيه اجاني راجدي ؏ خدي قووي خليت ايدي ؏ خدي واني ابچي
ام رباب : ولججج هاااي تربيتي الج تسوووين علاقات واحنه ماندري بيج
_فدوه اسمعيني الولد رايدني بالحلال واني راضيه بيه لاتوكفين بطريقنه وساعدني فدووه
ام رباب : من شوكت انتي وياه ؏ علاقه احجي
_تقريبا 5 اشهر.
ام رباب : ااااخ يمه ولج انتي تدرين ابوج اذا عرف شيسوي يذبحج ولله ومايرفله جفن
لزمت ايدها واني ابچي واتوسل بيها بقيت اتوسلها واحجيلها عنه خوش رجال ويحبني وراح يهتم بيه بألاخر اقتنعت وگالت
ام رباب : انطيني رقمه خليني افتهم من عنده منوو يجي باجرر وياه.
_ايي هوه گال انطيها رقمي واني احچي وياها
هزت راسها ماراضيه عليه رحت اركض لغرفتي واني بين خايفه من امي شلوون راح تحچي وياه معقوله تهينه لأن مسوي وياي علاقه
لا اصلا هيه تريد بس ترتاح مِڼـّي خليها تحچي وياه وتفهم من عنده منوو راح يجي بااجر
اخذت الجهاز ونزلت جوه طلعت رقم ذيب واتصلت عليه رن مره ومرتين بـ المره الثالثه فتح خط
اخذت جهاز امي مني.
