رواية عشك الشاهيين الفصل الثالث عشر بقلم مجهول
رجعنه للبصره صعدت لغرفتي وديت غراضي ونمت ساعه ونزلت كاعده اسولف اني وزهراء وداسولفله دخل شاهين عيونه براسه انه من اشوف شاهين عصبي. اكوم ماشوف بس اريد اشرد زهراء طفرت اخذت ابنه وشردت باوع عليه وكال
شاهين
مصخم وين
مريم
هااا هذا منو
شاهين
فهد وين لادفنج وادفنه
مريم
ناعم
شاهين
ناعمً شنو احجي عدل
مريم
اقصد نايم
كمت ماعرف شحجي والله هو يخوف اكبر واحد. خطيه عمتي كالتلي يمه روحي صيحي رجلج اني ماصدكت عمتي كالتلي هيج رحت ركض الغرفتي بحيث من دخلت ارتجيت عل باب وخليت ايدي على كلبي
فهد فز من سديت الباب قوي. جان يكول. بخوفه
- شبيج ولج
- هذا شسمه شاهين يريدك
- شيريد وليش هيج خايفه
- مادري فهد. حيل صاير عصبي
- ماكتيليه اني مو بالبيت
- هو غير اني حتى حجي كمت ماعرف احجي اريد اكله نايم. كتله ناعم
- أي هو اني كلش ناعم
- كوم شوفه شيريد
- ثوله انتي وين اروح مسمعين صوته يرعد
- والله هسه يصعدنه
- اني اطفر من البلكونة. وانتي الي راح توكعين بيه واذا اتصل عليه. اكله اني بالشغل
- وطلعني جذابه
- يطبج طوب
- والله اسولفله كل خرابيطكً اصلا اني ناويه اليوم انهي كلشي الكاها فرصه
- شتنهين انتي شتحجين
- هسه روح شوفه والله كريم
نزل فهد لشاهين اسمع شاهين يعيط. ويصيح ماعرف شصاير بالشغل. بس فهد ماسمعت صوته. وراها كل. عاده شاهين اخذ جنطته وطلع صعد فهد يفرك بوجهه. كتله
- هااااا شبيه
- مومهم. راح التحق
- شنو التحق مو كتله اريد احجي وياه
- شتحجين
- طلاكنه
- شنو
- انته. سويت بيه الي ممسويه احد واني ما يوم غلطت بحقك. وجبرتني ازوجك ومجان عندي اي خيار لا اي شي ماجنت اكدر اكل لجدي عل جنت سوي. بس. مال تخوني لا هنا وكافي
- اخونج
- ليش جذب
- اي جذب
- وهاي الي تحجي وياها لوجه الصبح. الي حتى من رحنه لبغداد طلعت وياها
- لان هيه من أهل بغداد
- اهااا وتعترف اكو وحده
- اي احاول انسه مريم بيه
- فهد طلكني
- ماكدر لطلبين هل طلب لان مستحيل اطلكج مريم مستحيل
- هذا الحجي يفيدك
- وهم يفيدج
- انته متحبني وشك بيه. وكلشي سويته على شنو متمسك بيه
- لا اني احبج. وبالنسبة للشك جان اكو شي يخلني اتخبل مو بس اشك بالنسبه لكلشي سويت بيه لا اني مامسوي شي....
واحد ثاني مكاني طلقه براسج بس ربج باوعلج مدري رئف بحالي. وعل متمسك بيج مو بس متمسك لا اني متكدرين تتخلصين مني غير من اموت
- ارجع واكلك حجي يفيدك
- مريم حاولي تتقبلين سالفه اني وأنتي مصيرنه واحد تردين تتقبلين وترجعين تفتحين صفحه جديده وياي تردين هيج ضلين لا انتي القريبة وارتاح ولا انتي البعيد. وو
- ووو شنو
- كتلج مره انتي موتي مريم. وزين ادري راح ضلين مصره على بعدي لان بيوم من الأيام اني رفضتج وضيعتح بس صدكيني والله مريم سوي شي يادي لموتي وتحرري من فهد لان مادام خشمي يشم الهوى انتي راح تبقين وياي.... قصص وروايات عراقية كرار صلاح
من كال هيج ثار كل ذره بيه شك بيه وشرب وخاني ويه أشكال النسوان تهمني بشرفي. فوك كل هذا الضرب والسب الي تعرضت اله. وسكتت وتالي بخوني وكدام عيني وهم مصر يستمر بعذابي ومايقبل يعوفني
ماعرف فقدت كمت ماشوف كدامي ماحسيت غير اني داخله للمضيف جان ابو وعمي وجدي بي حجيت كلشي صار وياي من خطبتي لحد هذا اليوم والكل مصدوم. جدي تخربط ونقلوه للمستشفى وأبوي كال هسه تلمين ملابسج وتجين وياي وعمي ماحسيت غير ضرب فهد راشدي رگع راسه بالحايط اني ماجنت اعرف فهد موجود. بس نضرته الي قبل مايطلع لهسه ماترضه تطلع من مخيلتي. ليش هيج بيه كميت عتب ولوم وليش هيج اني مهتمه لهل نضره.
مر عله هل حادث شهر. باجر موعد جلستي حتى نطلك بس هو فهد اصلا ماكو. يعني طول هذا الشهر هو مختفي الي عرفته من زهراء جدي طارده من البيت.
اني الشيخ فهد من لحضه الي ولدتني امي لحد ما دخلت مريم بحياتي راسي عالي ومانزل لا جدي ولا واحد من اخوتي لا عم لا خال. قلل من احترامي. أما بالنسبه للغربه فهد. شيخ وصدر ديوان
يمكن حبيت البنت الغلط او اني اصلا من البدايه غلط. بس امر كلبي مو بيدي مريم صارت حياة الي خطبته وصارت مرتي وحلالي
بس من سمعت كلام هذا النذل فراس. احس الدنيا ضاكت بيه لحضه شكيت انو رفضه الي هو سبب
بس من تركت الجامعه لخاطري عرفت غلطي وحده مثل مريم اول ماعرفت الحب عرفت فهد مستحيل التخون
بس بسبب غبائي. صدكت كل الكلام الي جان يكوله فارس جان متمسك بيه بشكل عجيب بحيث صرت يوميه اني وياه متعاركين ومخلي دمه بطوله. ولوما العالم اني مخلص عليه خلاص. من عركه لثانيه صار دزلي صوره هيه وياه رسائل غرام بينهم. صح وصلت بيه حده وأخذت سلاحي وهديت عليه وجنت ناوي قتله خلاص ضربته طلقه وكعت بجتفه. وشاهين من يمنه سد السالفه بحكم معارفه القوية. بوكته كتله جنت أصيد. صح ماعبرت عليه بس ماكدر يأخذ مني لا حق ولا باطل
وراها طلع من المستشفى وجنت هل مره ناوي خلاص اكتله. اصلا هو خابرني كال اريد اشوفك
من رحت كال. ( شوف شيخ فهد اني وانته اذا انضل هيج. تالينه واحد ميت واهله الثاني المبتلين اني اليوم اجيت احجي وياك بشرع الله وحكم رسوله وانته رجال تعرف شرع الله وأحكامه.
اني زين ادري بيك انته ماتحب بنت عمك بس انته شيخ وهذا حكمكم ببنت العم لابن العم بس اسأل بحضك وبختك شلون تحط راسك عل نفس المخده انته وحده وهيه رجال غيرك براسه وكلبه وهيه وياك بس جسد )
من كالي هيج احس الدنيا اضلمت بعيني مريم عشگي اني هيج ينكال عنه. ماحجيت خليته يكمل كلامه كال اذا ماتصدك هسه اتصل عليه. وانته اسمع باذنك
باوعت عل رقم كتله هذا مو رقمه كال اكيد تميز انته صوته
اني صوت مريم اميزه من بين الف صوت
والي خله عقل ماضل براسي من اتصل ورد مريم اي هذا صوت مريم. اسمعه شلون تكله لتعوفني ضل متمسك بيه لغيرك ماصير اكتل نفسي وماصير
اني كل الي سويته خلصته نهيت عليه من الضرب. وكوه سحبني ولد صديقي جان كاعد بنفس المكان الي كاعدين بي
وتصديكي لهل سيناريو جان اول غلطه والغلطه جرت غلطه صرت كل ماتعارك وياه اروح ويه زياد صديقي آلي جان يشرب وأكثر من مره شربت
وهاي جانت اكبر وأعظم غلطه.
ومن حضي الفكر كل مره يلكفوني صگر وشاهين ومره شاهين خلص عليه نهاني وسحب سلاحه راد يضربني بس علي صار كدامه وأخذه منه
بس اخر مره جانت بشهر رمضان
اني جنت إنسان ملتزم بصلاتي وصومي لأبعد حد بحيث صليت وصمت وعمري سبع سنوات
بس الغضب والكره ولخيبه الي عشته ذيج الفتره وابتعادي عن درب اصح. والشيطان الي عرعش براسي بعدني عن الصح وصرت ماميز بين غلط وصح
اخر مره شربت بيه وصلتني رساله منه كاتب ( خليك رجال. وتركه خليني اجي اخطبه منك لا تخليني اخذه واشرد بيه ويضل بس العار لاحكم. ادري بت عمك وصعبه عليك بس وحق هذا شهر رمضان اذا اخذته ماتتهنه ولك نفسي بيه وهيه تحبني )... قصص وروايات عراقية كرار صلاح
من قريت الرسالة فلشت المكتب وراها شربت وصلت مرحله من رجعت سويت حادث الولد عبالهم متعارك أجوني همه وأسلحتهم
بس شاهين من شافني كال بعد مالك كعده بالبيت. بذيج الفتره كرهتهه. كره عميان. عزيز كومي اني صرت ذليل ومالي قيمه بس الي يخبلني تصرفات مريم. وياي ماتوحي بالي يكوله فارس
بالمحادثات الي يدزه يعني لو ماسامع كلامه بأذني. بيه مجال اشك بعدم صدقه
بس هيه من شافتني. وضعي تخبلت اشوف الخوف القلق كلشي بيه يدل على فهد روحه بس للأسف. جنت اضن هذا تمثيل مو اكثر
بس شاهين من عرف بسالفه فارس ورغم مامفتهم كلشي
هدء وخف عليه رغم هو جان ناوي خلص اني ماعدت اخوه
مانكر جان يعاملني بقله احترام وذلني بأسلوبه بس احس جنت كدام عينه
جنت ناوي اترك كلشي وسافر ومارجع بس الي صدمني شاهين من كال خلي نزوجهم ويسافرون سوى لان فهد عده شغل بتركيا
للعلم اني ماكايل لاحد راح اسافر.
سفارنه وصار الصار. اليله الي جنت كل ماحط راسي عل مخده افكر بيه صارت كابوس حياتي جحيم
مره وحده بسته لان خلص ماكدرت أتحمل. لو مو خانتني كلبي يحبه
بس وراها شويه شويه بده الستار ينشال
صح شاهين بركان موقوت غضب وسلطه وتملك بس يخطي خطواته بحكه ماعرف شلون واصل لفارس
خابرني رحت لكيته معلكه مثل الخروف المذبوح ونازع جلد من جلده بحيث من كدما ضاربه صاير لونه بنفسجي
كال اسمع منه هل حقير الي ردت اخسر اخوي بسببه من كام يحجي وهو يتوسل بس حته نتركه
ضليت مصدوم كل الي صار من تخطيطه ومريم ماعده اي علاقه بيه بس ظلت بالي. صوت مريم سمعته بأذني
كال هاي وحده الله مطيه موهبه تقلد اي صوت ماكدرت الصدك اله شفت البنيه بعيني وسمعت صوته شلون تقلد صوت مريم
هنانه حلفت اله اقتله بس شاهين كال هذا حصتي بس مو هذا همي
بالوقت الخالي ضيمي مريم شحجيله شكله واني ادري بروحي خسرته اعتذرت منه بطريقه غير مباشره ابتعدت عنه بس مستحيل اكدر أتخلى عنه
ماكدر أعيش بلاهه جنت مرات اسولف ويه بنيه جانت وياي بالجامعه وصدفه لكيت. احسابه وضليت أتواصل وياها بس مجنت ادري مريم منتبه
بس اليوم عمي بنص ديوان مد ايده عليه والسبب مريم وحب مريم
تارك بيت اهلي صار شهر والسبب مريم وحب مريم
بس باجر موعد جلسه الطلاك وإذا ماحضر القاضي يطلكنه
اصلا جدي حكم حكمه وأصدر قراره وحتى طردني من البيت.
صبح صبح ثاني يوم يعني يوم موتي رحت للمحكمه شفته هيه وابوهه وجدي
آلي حتى مارد عليه السلام طلكت وخلص قبل ماطلع جانت واكفه بصف جدي وهو زعلان مني توني اريد احجي وشاهين كال
- شسويت أثول كتلك انتضرني
- لا يل شاهين هل مره ماجنت راح اسمع قرارك هذا مايستاهل قصص وروايات عراقية كرار صلاح هل ورده مره اله
- جدي ورأسك لو عرفت الصاير ماطلكه
- شاهين ...... صح بسنه وحده انمسح الفهد بس تراني لهسه عله حيله بنت عمك اني لو رايده لا شيخ مظفر ولا حتى كل العشيره توكف كدامي بس وأنه اخوك الي يبيعني شلي بيه
كتله هيج واني اشوف عيون مريم تريد تاكلني دنكت على جدي بست راسه ويده وكتله
- شيخ من يوم ألمات ابوي لهذا يومك انته راعيتنه مثل مي بصينيه وخايف عليه. معزتك بالكلب هيه هيه ماتهزه عواصف
بس بيت الشيخ مظفر من هذا يومك يتعذرني حق مالك علي غير برباك ربيتني ورد هل حق تكول يالفهد روحك تسد الدين اكلك عد عيناك
شيخ مظفر من اخذته مني وهيه مرتي غصب عني وحتى ماسمعتني. وزين تدري هيه روحي
اعذرني شيخ الديره البيه مريم وجده الشيخ مضفر تحرم عليه حرمت اختي
كلت هذا الكلام وطلعت من محكمه لحكني الشاهين وهو يكول وروح ابوي هل مريم لغيرك ماتصير لو ادري الدم للركاب اوكف بس خلي احاجيك
اني عفت كلشي. ورحت ضليت بين فتره والخره اشوف امي بغداد بكربلاء بالنجف من تروح زور نتفق اني وياها نشاوف رغم هيه ماراضيه على قرار وتكول جدك ماراضي عليك
