رواية لأني عاقر الفصل الثالث عشر بقلم مريم خفاجة
انضف وگلبي يوج نار
خاف تسوي شي ياربي اني اعرفها مو راحة
وما ارتاحلها ابد
ورندة كل ما تجينا لازم هي وياها
مجلبة بيها حتى تبات يمنه
كمال يموت منها ومن يشوفني اضوج منها
مايتقرب يمها او ينطيها مجال
عفت الشغل وكعدت ؏ كرسي
عيوني تدمع من الغيرة يربي راح اموت
يمكن نص ساعة وانفتح الباب
راسا مسحت وجهي
دخل كمال وكال:-هاي لسة ما مخلصة عبالي خلصتي
باوعت للمكان وكتلة:-هوسة ماتشوف
كمال:-الله يساعدج
باوعتلة وهمست:-وصلتهن؟
كمال:-اي فريناها شوية وتخربطت وردة ورجعنه
فز گلبي وكلت:-شبيها ليش تخربطت؟
كمال:-مادري بطنها مغص مدري شنو واختنكت
خلصي بسرعة رادتج خبصتنه بيج
ابتسمت وبسرعة تذكرت الصار
تخصرت وكفت كبالة:-شعدها ولاء صاعدة بصفك؟
كمال:-غير ماكو مجال بسيارة كتلهن ثنين يصعدن بالصدر
ملاك:-اوووي يعني ماكو سيارات غير سيارتك؟
ضحك بصوت عالي
واجة لزم خصري:-شو بالله عيديها مال أووي؟
دفعته وعطت:-احجي ترررة احس روحي احترگت
وهو يقربني اله أكثر
نزل نفسة وخلة خشمة بصف خشمي:-تغارين علية ملوكة؟
ضربتة راشدي ؏ خفيف:-مو بس اغار احترك هم
كمال:-اويلي يابة
شالني وخلاني ؏ كاونتر وهو يبوسني
ابتعدت التقط انفاسي ابتسمت
وخليت شعري ورا اذني:-هم حجت وياك؟
كمال:-كلشي ماكو حتى اغاني ما طلعتلهن يكول رايحات فاتحة
ملاك:-احسن شكو اغاني اصلا حرام
هز راسة وضحك وهو يمشي
ايدة ؏ افخاذي وخشمة يقربة من خشمي
ويعضني ؏ كيف:-اممم تنضف وياي؟
ضحك:-يلا جا شعدنة
ضحكت وكتلة نضف الاستقبال
واني علية المطبخ
نضفنه البيت كلة
رشيت عطر للبيت وبدلت وطلعنة اني وكمال
نتمشى لان السيارة يكول خذوها
وصلنة والزلم متجهمرة بالشارع
هاي شلون ندخل ظل كمال حاير
درنة من غير جهه اكو زلم بس يعني النعرفهم
ولد خالاتي وهيج مو هواي
دخلت بسرعة ورحت ركض لوردة
اشوف وجهه اصفر ولازمة بطنها شافتني رأساً
وكفت وصلت يمها وحضنتها:-شبيج يروحي؟
وردة:-بطني موتتني
بيداء:-عليمن كمزتي شجاج منو اجة قابل اگعدي
باوعت عليها ومبينه تفور من الغيرة
سكتت وگعدتها گتلها اسويلج مي حار
رحت للمطبخ سويتلها وحطيت ويا هيل
وانطيتهيا گامت تشرب ؏ كيفها واني لازمة ايدها
ملاك:-ها ما صرتي احسن؟
وردة:-شوية
ملاك:-خاف العذر؟
وردة:-لا ذاك الاسبوع خلصت
ضليت امسد ؏ ايدها وگلت:-من التوتر
وردة:-مادري احس مغص مو الم
ملاك:-اي من الخوف والتوتر ؏ كيفج اشربي لاتنجوين
ضليت يمها حتى من يصيحولي
ماتقبل تضل لازمتني
ورندة ملتهيه ويا حمواتها
ولا تباوع لأختها ولاتدور وجهها والصدمني
عيالها كلهم يدرون بعملة وردة
فد استحييت و هي تخوزر بأختها وتصيح
عليها كبال الكل
تعبت واني اخلي وردة ماتهتم للكلام
سمعنة اشكال والوان السالفة
مانضمت ابد و وردة مغورگة عيونها وماكدرت تحجي
وامها ساكتة
لعبت روحي من الوضعية
لحد ما زفيناها لفوك خالتي گالت:-يلا خلي ننزل شعدنة ضالين وشنحجي همه بعد مسويها لگدام
وردة:-يمة كافي!
خزرتها رندة واجت كرصتها من زندها:-لج لاصيحين لا اكسر راسج فوگاها
دفعت ايد رندة ونترت:-مو تايهه هي وتكسرين
راسها بدال متوكفين وياها
رندة:-انتي منو مخليج محامي دفاع محد هيلگها
غيرج
ملاك:-عندي لسان واعرف اردج بس راح اسكت لخاطر كمال فقط
رفعت حاجبها وگالت:-هلو عيني طالعلها لسان
بيداء:-امشن ننزل يلا ضلي انتي يمها
نزلن كلهن مدري شنو صعدتهن
وجنت اني اكدر اصعدها وحدي حتى لا صفگة
ولا هلهولة
بجت وردة ولطمت ؏ رجليها
وردة:-ليششش هيييج ليشششش
الله ينتقمممم منننننيييي
لزمت اديها بكل قوتي وضميتها
لحضني:-كتفي حبيبتي لاتهتمين
وردة:-شلون ماهتتتمم ملااااك امي هاااي واختي من دمي ولحمي فاضحتني وما مخلية واحد ما كايلتله
ملاك:-لاتضوجين مني بس اختج احقر اخت شفتها ؏ وجه الأرض
وردة:-من زمان هي هيج من جنة زغار شايفة
روحها علينه ومغرورة وماتتحاجة بس
ماتوقعتها توصل بيها المواصيل
تعيرني وتفضحني!
دخل أمير من شافها بهت تقرب من يمها
وهمس:-شبيج وردة
رفعت عيونها علي وصاحت:-كلة بسبببك الله لاينطيك الله ياخذني واخلص منك خليت امي واختي واخوي حتى لوجهي مايباوعون دمرتني
حضنها حيييل وهو يبوس
براسها ويردد بكلمة آسف
ماگدرت اعوفها شربتها مي وهو طلع
نزعتها البدلة وردت البسها ثوب نوم گامت تصيح علية
وتبجي
انطيتها دشداشة طويلة
بس رداناتها قصار
لبساها وكعدت افل بالتسريحة
ومسحت مكياجها
وكتلها:-يلا خلي اروح هم عيب اضل هنا
غمضت عيونها وكالت:-ماجااااي اتقبل الوضعية ملاك شلون بية
ملاك:-اني هم جنت مثلج ما متقبلة
وهاي شوفيني صرت ام البيت ومهتمة بيكم اكثر
من روحي لاتخافين امير يحبج ويريدج
لو مارايدج ماصار مطاحن وكتل علمود وعناد حتى كمال الراسة يابس واخذج
ومتأكدة راح يحافظ عليج ومتندم ؏ فعلتخ
انتي من خوفج وندمج مجاي تركزين بعيونه عدل
بس اني كل ما اباوع لعيونه اشوف بيهن
الف حسرة وندم وحب الج
وردة:-واني شلون بيه؟
ملاك:-صدگيني تتعودين
حضنتني حيييل وهمست:-تعبتج وياية حييل
ملاك:-اي والله ضهري انگطم اريد اروح اناام
بس ياعيني خالاتج كلها هناك يعني راح يبدي
كراب جديد
وردة:- هسه تنامين وتكعدين تلكين الاماعين
متلله بالمطبخ لان ياكلن اربعة وعشرين ساعة
ملاك:-نامي يلا لاتهتمين واذا رادج أمير
لاتمنعي فدوة ضلي هادئة تمام؟ واصلا مراح تتأذين هواية
هزت راسها ونيمتها ؏ جرباية وغطيتها
وبست راسها وطلعت لگيتة يفتر
بالصالة شافني فز:-ها نامت؟
ملاك:-اي ، فدوة لاتجبرها اذا مارادت
هز راسة ودخل
شيخلص هاليوم نزلت لگيت العوائل مجتمعة
وكمال موجود تقرب يمة كال:-ليش تأخرتي يمها
ملاك:-وحق النبي البنية راح يصير بيها شي من وراكم
كمال:-شبيها؟
ملاك:-بعدين اسولفلك
سكت واخذني ورجعنه للبيت
ومثل ماگلنة الهوسة واصلة لآخر الشارع
صعدت ميتة تعب رأسا اخذت
تراك خفيف ودخلت للحمام ضليت جوة المي
خلصت ولبست ملابسي
وطلعت انشف بشعري
دخلت للغرفة لگيت رندة موجودة يم كمال
وهو حواجبة عاگدهن ضليت
اباوعلهم وهمست:-شكو؟
رندة:-شنو تطرديني؟
ملاك:-گتلج اطلعي برة؟
كمال:-كافي روحي رندة انزل
نزلت رندة وهو كال:- شنو هاي العركة الصايرة
بغرفة وردة؟
ضحكت وكلت:-صدك بالله اجت حجتلك كارثة هاي اختك
هدئت ملامحة وكال:-سولفيلي
سولفتلة المقتل كلة وهو ضل فاتح حلگة
يگول ما كالت هيج
يعني ذابتها كلها براسي
هزيت ايدي وسكتت ورحت امشط
ملاك:-كتلك وردة راح تموت لو يصير بيها شي كلة بسبب كلامكم المسموم
حط راسة بشعري وگال:-مقهور منها بس ما كارهها
ملاك:-بس كلامك يأذيها كافي
كمال:-الله كريم
ملاك:-ورا العرس ناخذلهم هدية وانت تعتذر منها
كمال:-اني اعتذر؟؟؟؟
ملاك:-اي تعتذر لعد شنو
كمال:-ششو صايرة تتأمرين علية؟
ملاك:-علمود تتأدب صاير كُلش ماتنحمل
لزمني من ايدي وذبني ؏ جرباية
وصار فوگاية وهو يهمس:-يعني ترديني اتأدب؟
لفيت ايدي على ركبتة وكلت:-اريد اربيك من جديد
كمال:-الععععب
ضحكت بصوت عالي وسمعنة
صوت رندة داخل الغرفة رأساً فز كمال وخر عني
بعد ما جان راسة برگبتي
گمت بهدوء وهي تخوزر بينه
وبيدها فلوس:-كمال روح جيب حب النه
كمال:-روحي هسه اجي ومرة الثانية دكي الباب
رندة:-ديلا هاك الفلوس
كمال:-عندي ميحتاج وسدي الباب وراج
ضلت فاتحة حلگها
وتباوعلنه طبعاً انصدمت عبالها
يجي كمال بسرعة يضربني وميفتهم السالفة مني
انسانة مسمومه سم
طلع كمال واني ضليت امشط بشعري
لفيتة كبة لفوك
ونزلت خصل منا ومنا
وحطيت حمرة حمرة وجريت عيوني بالكحل
جنت لابسة تراك نوم اسود وبي
كلوب حمر
باوعت للمرايا واني احجي ويا روحي:-شنو
هذا الجمال شنو هالاناقة اليوم ذولاك الوادم
المسمومين يشتعلون من الغيرة
ترست روحي عطر وانتبهت
للاثر الطابعة كمال خرب
ضليت احاول اخفي وماكو جربت كل الطرق
بعدين كلت عساس مانايمات ويا رجولتهن
شمسوية قابل اني
نزلت وهنه كلهن بالصالة يسولفن
اتجهت للمطبخ واسمع رندة تگول:-شوف
هاي اگلها حاط راسة برگبتها ويشمشم بيها
لا ضايج ولا معصب
عرفتها علية
دخلت وهنه حسن بية سكتن
ملاك:-هممم ولاء تباتين هنا؟
رندة:-اي تبات
ملاك:-هلا بيها
رندة:-والله عايشة الدور
ملاك:-يادور هذا
رندة:-عبالك البيت بيتج وتتمشين براحتج
ملاك:-اي لعد مو بيتي؟
رندة:-هي هم صدك والله يسويها الحظ
ضحكت ورحت اخذت تفاحة وگعدت
يم خالات كمال عاد ذني اشوة
ولا ذنيج الحياية ماينبلعن
اباوع لزهراء فرحانة مخطوبة همزين تخطت
خطوبة كمال خلصت منها
واني اشوفهن يتلفتلي كل ساعة
وحدة من خالاته جانت حبابة شوية
مو كلش هواي كالت:-ملاك شكد وجهج يرد الروح
ابتسمت وكلتلها:-بعد عمري شكراً
ابتسمتلي ودارت وجهه وهنه يسولفن
واني لو اشارك لو ما اشارك هيج ساكتة
بعد روحي وردايتي شكد جانت تونسني وتلهيني
عنهن وعن سمهن
اجن رندة و ولاء يباوعلي ويباوعن للأثر
الي برگبتي اييي هو اني اريدجن تحترگن
ضليت دايرة وجهي عنهن
سمعت صوت كمال صاحلي طفرت
بسرعة وحجيت:-ها حبيبي
كمال:-تعالي رتبي هذني الحلويات
جان مدنك يفتح بالعلاليك رفع راسة وباوعلي
عيونه كمت احسهن يطلع منهن كلوب:-هاي
شطالعة؟
ملاك:-شو اشوف شجايب
واني اتحاشى نضراتة التخجلني
تقربت منه لزم خصري
وحط راسة برگبتي:-تؤؤ لايجون
كمال:-ميهمني
ابتسمت وطلعت الغراض
سمعت ولاء وهي داخلة للمطبخ:-ملاك اساعدج؟
رأساً ابتعد كمال ودار وجهه وهمس:-احنة
اليوم منخلص
ضحكت بصوت عالي ورجعت
باوعتلها:-لا حبيبي مشكورة كمال يساعدني
وهي تباوعلنه هزت راسها وراحت
رتبناهن بأماعين واحنة نضحك بصوت عالي
وهو يكلي:-علي صوتج بعد علي يا يابة شكد خبيثة
ملاك:-حتى يعرفن انتَ مالتي وبس
بعد الخصلة النازلة ؏ رگبتي وگال:-شو محسستني
ابن الأمير هاري وهيج كاتلات رواحهن علية
ملاك:-والله يا روحي روح اسألهن الهن كللهن
شكو كاتلات روحجن عليه منو اني وهيج تسوون وتخلن ملاك تشتعل بنار
كمال:-هاي بدال متگليلي احلى من الأمير تذميني هيج
ملاك:-ههههههههههه
سمعت صوت خالتي گالت:-ادررري موديكم
هناك تضحكون شنو السالفة
ملاك:-اي خالة اجينة
شلنة الصواني وحطينة كدام كل
مجموعة حب وكرزات وحلويات وعصاير
اباوع كمال ودة العصاير عيوني ضلت وراه
لحد ماوصل لزهراء ضلت تباوعلة وهو مدنك راسه
انطاها الكلاص دنگت
ماتتوب ونوب ندار لولاء هاي صلفة بلة
لزمت ايدة يلا خذت الگلاص واني واكفة وراها
ودي ادمغها دمغة اخلي عيونها تنزل للگاع
وبعد متگدر ترفعهن
گمت گعدت بصف كمال هو
متمدد واني ضهري ؏ صدرة ابتسم ومسد ؏
ضهري درت وجهي وخزرتة واني مبتسمة
ملاك:-تريد تشعلني بالزايد؟
ضحك
وضلينة نسولف اني وياه فاصلين عنهم
وادري العيون كلتنه بحيث
يسكتن كلهن
ونوب يرجعن يسولفن
ولاء:-احمممم كمال
باوعت عليها ورفعت حاجبي
كمال:-ها؟
ولاء:-اكو هسه محلات مفتحة؟
باوع للساعة وگال:-اي اكو
ولاء:-عادي تجيبلنه اندومي؟ جوعانين ماتعشينة عدل
غمضت عيوني واني اگرص بفخذي
وابلع بريگي واحس جاي ابلع تيزاب
استحى كمال ماكدر
يحجي بعد گال:-اي عادي
گام واني رفعت راسي علي
ضحك وگال:-كومي ترحين وياية؟
نزلت راسي و وجهي احمر احسة:-لا تعبانة مابية حيل
كمال:-ترة المحل الراح اروحلة بنية تبيع بي
رأساً طفرت:-اي اروح
ضحك بصوت عالي وكلهن ضحكن
خالتي گالت:-لو ما الغيرة ما حبلت الخنزيرة
باوعتلها واني لافة ايدي
؏ زندة:-زين بربج خالة دباعيلة اكو بجمالة؟
ضحكت وگالت:-لا
رفعت حاجبي واني اباوعلة:-لعد لاتلوميني اذا اغار
خالة كمال:-لا عمي حقج حقج بس لاتخنگي زيادة
ملاك:-خانگتك اني كمالي؟
كمال:-احلى خنگة
ضحكت وهو ضمني لصدرة
عفت النار تشتعل وراي
وصعدت لبست جبة و خففت الحمرة
ونزلت لزم ايدي وطلعنه اني وياه
كمال:-ها ارتاحيتي هسه؟
ملاك:-ماي بارد يثلج الگلب
كمال:-شوكت تبطلن غيرتجن المالها داعي
ملاك:-الها الها حبيبي بس انتوا متحسون بينه
كرصني وضحك
ياخي احب اشوف ضحكتة شلون
بهوس الحب هذا
دخلنة للمحل مجان اكو بنية
تبيع ضحكت وعرفت خططة
اشترينالهن واني اشتريت حلويات ألي
ورجعنة اخذت بيدي العلاليك ورحتلهن
وهم رجعت سمعت رندة عمي مو بشر هاي
اسمعها تگول:-يمة تنتر تنتر بوجهي انتي لو شايفتها
شلون تخوزر بينه ولاء احجي
ولاء:-اي والله عمة ضوجتني حيل
بيداء:-شسوي مثلاً بيدي هو اسكتن وعدن اليوم
؏ خير مدام اخوج هادي مالنة خلگة يضل يصيح
تأخرت شوية گلت خاف من اطب
يگولن جنت اتسمع دخل كمال
رأسا حطيت اصبعي ؏ حلگي وهو زغر
عيونه وهز راسة وهمس:-اخ منج اخ
دخلنة سوة انطيتها العلاگة
ونزعت الجبة ورجعت گعدنة نفس كعدتنه
واني اكل الحلويات الجبتهن
خلصت واحس عيوني شكلت باوعت للساعة
بعدها بتسعة ونص يربي اطول يوم بحياتي كلة
مادري شلون غفيت ؏ ايد كمال
وحسيت بي شالني وهنه يگلله:-گعدها خو
كمال:-لا عليمن خليها ؏ نومتها تعاي رندة
انطيني الشال والعباية
حسيت خلتهن ؏ بطني وهو يصعد باية
باية ؏ كيف همست واني مبتسمة:-عفية عفية
ابتسملي:-عليمن؟
ملاك:-غورتهن
كمال:-راح ننشال وننركع من العيون
ضحكت وهو هم ضحك
دخلني للغرفة ونيمني ؏ جرباية طفة الضوة
ونزع تراكة وتمدد بصفي
وقربني الة
مديت ايدي ؏ فالينته همس:-ما تعبانه
ملاك:-وياك تعبي يروح
ذبيت الفالينه لبعيد وهو يفتح بدگم
قميص التراك ابتسمت وهمست:-احبك...
گعدت الصبح ب11 نومة تكسيرية
حتى كمال ماگعدت وياه للدوام وسويتلة ريوك
ونزلت وريتني مانزلت
واباوع الهوسة بيمن ابدي
بيمن انتهي
وردت اروح لوردة ضليت صافنة
خو الأماعين كارثية من السويناه امس
والاندومي مالتهن وحتى طماطة مگليات
واماعين الريوك نوب صفنت
ليش كمال ما گعدني؟ يمة خاف ولاء مسويتلة
ريوك
ضليت اشتغل واغسل اماعين وببالي
يروح لغير مكان
ماگدرت اكمل عفتهن وصعدت اتصلت ؏ كمال
صبحت علي وگتلة:-حبيبي منو مسويلك ريوك؟
ضحك وگال:-عرفتج راح تسألين هالسؤال اويلي شلون بيج
ملاك:-دحجي جاي افور
كمال:-گاطعني الجوع وحق العباس كعدت متأخر
لگيتهم يتريگون اكلت لفة جبن وطلعت ركض
ملاك:-اي احسن ضل جوعان
كمال:-شبعان بيج
ملاك:-عفية هههه
نهيت الاتصال وياه ونضفت ورتبت
وصعدت سبحت وطلعت بدلت وگعدت اتمكيج
حتى اروح لهناك
دگت علية وريدة فتحت الخط
ملاك:-ها حبيبي
وردة:-وين انتي ليش ماجيتي
ملاك:-گعدت ب11 والله والبيت مگلوب
گلاب هسه اجي بس اكمل تبديل
وردة:-يلا منتضرتج
ابتسمت وطبگته وخلصت مكياج
صبغت اضافري ولبست جبتي وطلعت
وبيدي موبايلي
دخلت للبيت جاسر لگيته كبالي
بوستة وهو گال:-شون طالعة بهيج مكياج؟
استغربت وضليت اباوعلة:-ليش شبية؟
جاسر:-طوخ كلش لاتطلعين هيج بعد حتى لو
كمال يرضى اني ماقبل
ضحكت وضربته بزندة:-كبرت وصرت تتأمر علينه
جاسر:-غصباً ما عليجن
هزيت ايدي ودخلت
سلمت ؏ امي وخواتي وأمي تكلي:-ولج
يمة تردين تجيبيلنة العين والأثر مكياجج طوخ
ملاك:-حطيتوا دابكم وداب المكياج هو اني دائماً اخلي هيج
وجدان(خالتي):-ماتشوفيها مخبلة الرجال
ضحكت وامي ضحكت:-خليها احسن بس
عيب هسه زلم هواية ويضلون يباوعون ويعرفوها
مرت كمال
ملاك:-ماكو هواي بس الأقارب
وجدان:-هو كمال يدري بيج هيج مخلية بلا
ملاك:-حتى يشگني بالنص
ضحكن ثنينهن وامي دمغتني:-جا اذا مايرضى
شكو تخلين ادبسز مو حرام عليج
ملاك:-يبووو ؏ راسج يملاك خلي اروح لوردة احسلي
عفتهن يضحكن
ورحت لوردة جانت گاعدة و وجهها
مخطوف ولابسة دشداشة ولا يگول عروس
شافتني كمزت من مكانها واجتني
شبكتني بسرعة ابتسمت:-شلونج؟
وردة:-زينة الحمدلله ليش تأخرتي علية كلت هسه انتي اول وحدة تجين
ملاك:-اخوج ياعيني خلاني لل3 الصبح وگعدت ب11
وردة:-ها يعني انتوا معرسين مو احنة
ضحكت وكتلها اي
سلمت ؏ نسوان وخالتي غمزتلي ؏ وردة
اخذتها وصعدتها فوك:-شنو جنتي تكربين صدك جذب شلابسة
وردة:-يمعودة بية حيل اني
ملاك:-تقربلج أمير؟
همست:-لا اصلا هو ابتعد گالي ارتاحي
ملاك:-يلا الله كريم عدكم ايام هواي
احد يعرف؟
وردة:-لا بس انتي
ملاك:-احسن خليهم بعيدين عن حياتج
ديلا خلي نختار ملابس
طلعتلها ثوب قصير لونة بنفسجي
جان رداناته بف وهو لحد الركبة يوصل
والحزام جان قماش كذلك نفس اللون وبي نمنم ابيض
ويم الردانات هم نفس النمنم
شلت شعرها ذيل حصان عالي
ومكيجتها طلعت تخبل:-اي هذا وجه عروسة
صدك تحجين هي هاي أيام من العمر المفروض تفرحين
باوعتلي عيونها مدمعة:-افرح وامي جوة تسولفلهن گبالي
ملاك:-لاتهتمين ياعيني
هزت راسي بأستهزاء وضحكت
لبستها كعب واني نزعت الجبة والشال
وجنت لابسة ثوب زيتوني طووخ
وطويل هم ماردت اتضايق من القصير
بس الردانان طوال كيبور اسود
وشعري مفتوح وشايلته من الجهتين فقط
ومكياجي صاروخ
ابتسمت وردة وكالت:-عمي حقة كمال
ملاك:-مخبلته
وردة:-اي والنبي واحنة مكول ليش متسودن الولد
ضحكت وضليت ارتب بروحي
لزمتها ونزلت وهي تردد:-احبج والله
ملاك:-رجلي ما كايلي احبج بكدج
وردة:-احسج امي
ملاك:-واني احسج بتي
ابتسمنا ثنيناتنه والهلاهل تتناثر وامي
تطش الجكليت علينة وتصيح
صلو ؏ نبي
گعدتها يم النسوان
لمياء:-اي هسه يماما صارلي ساعة احرمصلها تكوم تبدل
بيداء:-حلوة هي بكل حالاتها
لمياء:-اي اعرف حبيبتي ربي يحفضج ويخليكم انتي وأموري
ملاك:-آمين يارب
ابتسمت وردة وطگيتلها كم صورة
وگعدت يمها
نوب شوية وكمت اسوي اجواء عاد
طلعتلهن ردح اغاني وضلينة نرگص وملك ذبت لحم
فرصتها هاي هي ونجلاء رغم
مايتراهمن سوة
بس حطوهن بغرفة وشغلولهن اغاني
يصيرن حبايب
واني اصفك وابتسملهن ويسحلني كل ساعة
واني اضل حايرة اشيل بالفستان واهوس
ماعرف اركص ؏ ماشي شون ما جان
لليل وصار العشة
ضلينة نطبخ ونعزل ونرتب
همزين هواي احنة
كل وحدة لزمتلها شغلة اني لزمت الأماعين
ادية وكعن للگاع
بس اماعين العشة تقاسمنة كل وحدة
تغسللها مجموعة لحد ما خلصنه صار المطبخ يلمع
للعشرة رجعنة للبيت
والبيت وحششة عن وردة
مرت الأيام خالية من كلشي
صار البيت كلة فوك راسي من تنضيف وطبخ
عدى غرفة خالتي وملابسها وحمامها مانضفهن
البيت جبير حيل ومايستاهل هالكبر كلة
لان بس احنة الثلاثة
وشكد ما انضفة ماينضف الوصخ يتدحس منا ومنا
وخالتي ذبحوها ولا تشوف ذرة تراب بالكاع
تخبصني خبص
حبي لكمال يزود كل لحظة وكل ثانية
وهو كذلك
كأنما ماعندة غيري بهالكون كلة
وردة بين فترة وفترة تجي حتى تبات يومين
و 3 وعايفيها بيت جدي ؏ راحتها
كدرت تحجي ويا كمال ويسلم عليها ويسولفون
احسن من قبل
بس بعدة الحاجز بيناتهم مبني مانهدم
ورندة من يوم العرس
واليوم راح يصير شهرين وهي ما واصلة النه
وسمعت اشكال الحجي ؏ اساس اني
طاردتها
سولفت لكمال وگالي معليج لاتهتمين
وعفت كلشي مدام هو وياية
صار أبوية هواي يترددلنة خصوصاً
من يلتحق كمال ويا خوفي
من الجاي وخوفي خاف كمال يعرف
كل مايجي اضل ادعي كون مايصير شي
بيوم كمال گال:-اگلج شو استاذ علاء يومية رايح راد؟ خيرة؟
بلعت ريگي وكتلة:-والله مادري يمكن
يجي علمود يشوفني
كمال:-حبيبي شهرين ويصير سنه ؏ زواجنة
وين جان شنو هالمحنة للنازلة
لفيت ايدي ؏ رگبته وهمست:-هممم عوف كلشي
بس انتَ دتخيل احنة صارلنة سنة سوة؟
ضحك وشالني:-احبج واضل طول سنين عمري احبج
واخذني وياه لعالمنة
الحمدلله كدرت انسي شوية يمكن لو
سائلني بعد شوية جا من الخوف عرفني
خليت راسي ؏ صدرة وهو همس:-ملاكي
ملاك:-ها يروحها
كمال:-اسولفلج قصة؟
وهو ينفخ دخان الجگاير بوجهي:-اممم سولفلي
كمال:-كان يا مكان
ملاك:-اي
كمال:-حضنج أحلى مكان
ضحكت بصوت عالي
وشلت نفسي وصرت فوگاه:-زين اسولفلك قصة اني؟
كمال:-يلا
ملاك:-كان يا مكان
ضحك وكال:-اممم
ملاك:-حضنك أأمن أمان
كمال:-ياعيني اقصر قصص الحب
ضحكت ودارني صار فوگاي:-يا أم عيون الخرز
يالسابيتني ومشيبتني أحبج
مشيت اصبعي ؏ شواربة
وگلت:-حلوة هاي ام عيون الخرز
باس شفايفي متقطع ونوب ضغط عليهن
حيل ابتسمت وابتعد:-احير بشنو اتغزلج كمت احاول احط حرف بصف حرف حتى اتغزل بيج واشفي گلبي
ملاك:-حروف وكلمات الغزل كلها ماتوفي جمالي
عض خدي وگال:-شنو هالغرور هذا حبيبي؟
ملاك:-حقي مو؟
كمال:-حقج ونص
ضحكت احب اشوف روحي علي
واخلي يتغزل ويحترك حرك
وبيوم أجة ابوية كمال مموجود بالدوام
كاعدين يسولفون ومندمجين هو وخالتي واني
گاعدة اباوعلهم ولا حتى يعبروني
علاء:-بابا ملوكة ماتسويلنة جاي
بابا؟ هاي سمعتها ستوني حتى مجان يلفظ اسمي
گمت واني خايفة اتلبد هاي شلون سالفة هاي
رحت سويت الجاي وگلبي مقبوض ياللهي
عدي اليوم ؏ خير
لزمت صينية الجاي واباوع لأيدي ترجف
وگفت يم باب الاستقبال كلت اسمع شيحجون
واسمعها تگلة:-هواي ناس فرقتنه لا تنسى اولهم ابو أيمان
علاء:-الله ينتقم منهم حرگة گلبي ماتطفة أبد
سكتوا شوية ورجع گال:-بيداء شايفة من اشوف
كمال وأتخيل هذا من احمد
وأتخيلكم سوة انتوا بالفراش حتى لو ميت
اشتعل واني ماگدر اوصلج واتزوجج
گلبي ضل يرگع ذولة شديحجون
بيداء:-الصار مو بدينه
علاء:-جان نگدر نشررد بس اخخخ عقلي وين جان
ماحس الة وأصبع صار ؏ شفتي
رفعت عيوني وهمست:-كمال
كمال:-اششش...
ــــــــــــــــــــــــــــــــــــــــــــــــــــــــــــ
يتبع...
رئيكم؟...
سِمسِمَه
ياگمرة اليرسِم سِما
ياغيمَه بَس مو مِن مُطر
ذوبيّلي يا لَطخهّ شَكر
يـَ مكيجهه خُدود السِما
يانكهه الحُب الصِدگ
بوجهِج خَجل غُصن العِثگ
مو مِن ثَمر دنگ عشگ
يا غاليه وجيتيّ بغَفل
غالي الـ يجي بُمو موسِمه
بِلا قاضي داخل محكَمة
رُوحي بريئَه ومُجرِمه
والما يُحط حَد للجَرح
بَس موتَه يُصبح بلسَمه
