رواية في ظلام مغتصبي الفصل الثالث عشر بقلم توتة
مـحد شـاف بعيـوني شڪـبر هـمي؟.
>>>>>>>>>>>>>
ميثاق / ضحكت عفتهم وكمت حته افتح الباب فتحته جانـت عمتي كفاح ستغربت من رجعتها خيرر عمه شو رجعتي
كفاح / نسيت ملف مهم رجعت اخذه والعصر اروح
ميثاق / دخلت وراحت علئ الاطفال بوستهم واخذت جاد خلته بحضنها.
ادم/ اتضلين هيج بحر شوف شصاير بيج.
_ يبوو شسوي عمي ميته تعب والله
ميثاق/ والله خايف عليج اجي يوم الكاج نايمه بالحمام لو بالگدر مالت المركه ههههه
_ اضحك اضحك عليه انته شفايتك تنام بكيفك
ميثاق/ مو كاسره خاطري بحري شسوي
كفاح/والله الله يساعدج شتلحكين المصيبه شمو ريحتج حته من نشيلهم ما يسكتون صارلج 15 يوم بس اتشيلين بيهم حته مايريدونه
_ شسوي غير اريدكم ترتاحون حرتو بيه انتو
ميثاق/ عمي
ادم/ وعمه شكو شتريد
ميثاق/ هاك هذا النعال وهفه بي شدعوه عليك
ادم/ اي والله تستاهل
كاعده بالكاع وهم عل قنفات ومخليه راسي بحضن عمه واغفي وين ما اخلي راسي انام لو صدك عل كولت بالحمام هم انام لان صدك ميته ميته تعب.
ميثاق/يااا شوفو نامت عمي
ادم/ الله يساعده تكضي اليل والنهار تركض من هذا لهذا شلون ماتنام.
كفاح/كامت اتسوي ممات وتخليهن مي حار حته من يبجون بس اتطنيهن الهم خلت راسها بحضني وغفت خطيه.
ادم/ خوش حل عاد شويه اصرف.
ميثاق/ بس عمي شوف ضعفانه حيل وين ام خديدات الحمر وعيونه البنفسجي هسه حته دم ماضال بوجهه.
كفاح/ اسكت ميثاق دخل لسانك لحلكك وكوم شيله خل تنام عشر دقايق ما دام نايمين
ميثاق/ شلته بخف الريشه بيوم ما ولدت كوه شلته شحلاته سمينه وخدود والنوب حمل زيد جماله جمال صدك من اطلعها اخاف عليه هسه وين عمت عيني صاير بس عضام.
كفاح/ بقت نايمه للظهر اني ما رحت لا للمستشفي ولا للعياده خطيه خل ترتاح وهم ما كعدو مدري شعجب جابو اكل من بره كمنه حته اكل ما نحبه اذا مو من ايده هيه نفسه شكد طيبه بالاكل
_كعدت وين الضهريات بس ميته جوع وجهالي بدون رضاعه ولا مبدله الهم كعدت لبين ما رحت غسلت واجيت لكيتهم كاعدين ويتناوصون
ميثاق/ كعدو قرودتج.
_اي بس ساكتين خل اسويلهم ممات جوعانين
كفاح/ حته تاكلين.
سويت ممات وبدلت الهم حفوضات نقلتهم يمي بره عل شمس شويه فتحت الكماط مالتهم بلشنه ناكل سويه.
ادم/ شعجب اليوم الله هاديهم مايبجون
ميثاق/ هسه يضربهم بعين عمي استر علينه مالنه خلك.
_ عمو اتذكرت سوال ناسيته
ادم/ اي باباتي كولي
_ اذا سويتو البيان وانتو سميتو الجهال اكيد يريدون هويه او اسم الاب والام.
ادم/ اي صح سجلتهم باسمي.
_ باسمك ???
ادم/ اي ليش عندج اشكال
_لا بالعكس كلش يهمني هل شي.
ادم/ الولد الي يسوي بيانات وهويات اعرفه اتفهم الموضوع وكتله سجلهم باأسمي قصص وروايات عراقية
كفاح/ يعني اسم الاب هسه ادم
نزلت راسي بخجل محتاره شلون اجازيهم لو اردلهم المعروف والله احس روحي عاجزه كدام تضحياتهم الي اقرب ناس ماسوولي هيج
ميثاق/ بحرتي لا تفكرين بهل وكت هذا كلشي يصير عادي ماكو شي صعب عمي سجلهم باسمه لان باسم منو يسجلهم.
_ اني اصلا محتاره شلون اردلكم المعروف مو معروف واحد من يوم الي اجيتكم ما حسبتوني غريبه ابد وماخليتوني اعتاز شي
ادم/ طول عمري اتمنيت يكول عندي ابنيه حنونه وقويه تتلكاني بكلمه حلوه انتي عوضتي كل هذا بحر شلون ما اعتبرج بنيتي.
بحر بدموع/ ابوي دوم عمره ماكالي بنيتي عمي وهسه انته كل يوم لقب جديد وكل يوم شكل جديد والله حته صرت ماعرف شون ارد عليكم وعلئ حنيتكم.
كفاح/ احنه اهلج حبيبتي
كام ميثاق من مكانه واجه كعد يمي ومسح ادموعي
ميثاق/قلبي صغير لا يتحمل اتسدين شهيتي خل ناكل وبعدين نوحي انتي وفروخج والله تحصلين حرام من وراي اذا خليتني جوعان
_ هههههه اكعد اكل منوو لازمك
ادم/ قليل ادب وتربيه خلي لبنيه براحتها
ميثاق/ تربيتك بويه ههه
كفاح/ ياااا.
بقينه ناكل سويه وميثاق سوالفه ولاينشبع منهم يضحكني كوه ويخليني انسه كل همومي.
مرت الايام طبيعيه ماكوو اي شي جديد مر 3 اشهر عل نفس الوضع ومعناتي وي الجهال بس احسن من قبل ردت اروح لشقتي وما قبلو لان جهالي ازغار ما اتحملهم وحدي بيوم گاعدين توني سابحه وطالعه واجت عمتي تركض للحمام
_ ياااا عمه شبيج.
كفاح/ لعبت نفسي من شميت ريحت شامبو من طلعت بحر من الحمام رحت اركض اتقئ متت روحي طلعت مِڼـّي
_ ركضت وراها شبيج عمه هبطتي كلبي شصاار.
كفاح/ ما ادري حبيبتي يمكن تسمم غذائي
دخل الشك براسي معقوله تطلع حامل
_شكد صار ما جايتج #ڪــڔٰا̍ڕ
كفاح / شقصدج
_ تذكرين من اجيت اول فتره عدكم وطلعت حامل وكتيلي شكد صار ما جايتج
كفاح/ فتحت عيوني عل وسعهن معقوله حامل ياربي دخيلك.
_ عمه بشري وين وصلتي احسبلج اني
كفاح/ بلا تفاها بحر صايره تافها مثل ميثاق خليني اركز.
_تربيته غير اي كولي.
كفاح/ يمكن فوك 35 يوم يعني موو هواي
_ زين قبل متخربطه لو عاديه.
كفاح/لا مامتخربطه كل 23 يوم تجيني.
_ راح اصير دكتوره براسج
ركضت لغرفتي بيوم ما طلعت حامل جابولي 3 اختبار حمل حللت بواحد وبقن ضميت الباقي رجعت عليها وانطيتها الاختبار
_الزمي حللي وشوفي
كفاح بدموع/ لا ما افوت ادري بنفسي مستحيل بعد كل هل سنين يصيرر عندي ماريد ينكسر خاطري.
_لا والله ادري بيج حامل حلمت بيج اني وانشالله هل حلم يصيرر حقيقه.
كفاح/كافي تفاها بحر شنوو احلام تتحقق
_ ادخلي شخاسره منطيه بطل دم هسه انتي
كفاح/ هفففف بحر ولزكت بعد امري الله
دفعته وفاتت جوه شويه وطلعت انطتي الختبار بعده ما كامل وراحت لغرفه الجهال
كفاح/ اني متاكده من نفسي ماكو حمل صارت روحي بهل 3 ذول الشالعين كلبنه كعدت يمهم اشم ريحتهم اتجنن المصيبه ملامحهم عل امهم بس العيون لا سود وحاده الله يستر.
بحر/ ضليت اتباوعله لحد ما كمل صار خطين واني اجيت اتخربط من لفرحه بقيت فاتحه عيوني ممصدكه صرخت بصووت عاااالي قصص وروايات عراقية
_ دخييييللللللك يبووووو فاضل ما قصرت بعد روحي يااااابببببوووووفاضللللللل.
كفاح: طفرت عل صياحها شبيج ولج البنايه كله راح تفزع علينه
اكمز وركص واهز بشالي فوك راسي وهلهل ماعرف شسوي حييل فرررحانه
_ حاااااااامل عممممه حاااااااامل انتي حااامل والعباس حامل هاذه الاختباررر
كفاح/ عمري كله ما انسه فرحت بحر هاي اتكمز من كل كلبها ما صدكت كلامها ركضت للختبار سحبته من ايدها
سحبت الختبار من ايدي اتباوعت بي ودموعها اتصب ما حسبت غير اتخربطت وكعت بيدي ضليت الطم علئ خدي
_ عممممه عمممتي فدوه اروحلج لا تهبطيني اكعدي شصاارلج
ميثاق/ خلصت شغل الظهريات كلش وراجع للبيت واني بعدني اصعد عل الدرج لان الشقق مالتنه فوك واسمع صوت بحر اميزه من الف صوت ركضت ركض حسبالي الجهالي بيهم شي دخلت ركض للشقه فتحت الباب.
بحر بدموع/ الحكلي ميثاااق ابوس ايدك عمتي وكعت مدري شصارلها.
مثياق/ ركضت عليه شبيها امي شصار ليش هيج متخربطه.
_وكعت بس ساعدني خلينه ناخذه هناك.
ميثاق/ اخذناها عل قريوله وهيه جهاله كلهم يصاروخون ولا هامه اترش عل عمتي مي ودموعها تنزل
اسمع جهالي فرفحو من البجي شسوي بين الجنه والنار بقينه نرش عليه مي اله صحت فتحت عيونه بثقل وهيه تباوعلنه.
كفاح/ شبيكم
حضنتها بقوه واني احس رجعتلي الروح من فتحت عيونهاا
_ هبطتيني.
ميثاق/ جهالج فرفحو روحي
ركضت للجهال حته نسيت نفسي بدون شال لان جنت اهوس بشالي دخلت واخذتهم بحضني انطيتهم ممات واحد واحد بقه جاد شويه هادئ سكتو فتحت الكماط خليتهم يلعبون طلعتهم بره للشمس ورجعت لعمتي.
ميثاق/ شصار ليش هيج وكعتي اخذج للمستشفئ
يبووو عمتي صارت حمره من الخجل اتريد اتموت ماتعرف شتگول لميثاق.
كفاح/ جمد دمي لان صار 14 سنه ماكو جهال هيج وجه بحر خير علينه يجوز الله دزه النه او يمكن الله ستجاب دعائي من رحت زرت وتعنيت ابو فاضل(ع)
نطقت بفرحه عمري كله ما حسيت بهيج فرحه
_ لان ابو فاضل ما فشلني ونطاها الي تريده… عمتك حامل هسه
ميثاق/ سمعت هيج لو بعد ما حسيت عل شي احس راسي داخ
اني كلت هيج لو خرطت روحه وكع من القنفه ركضنه اني وعمتي علي شلون بيه اليوم التهي كل شويه اصحي واحد
كفاح/ ميثاق ميثاق شبيه يماا حاجيني
ركضت جبت مي ورشيت علي ثلج ثلج صحه فتح عيونه بس يتباوع بينه
_شبيك مسودن عمتي حامل مو انته
ميثاق/منو حامل اني حامل منين ولج
يمه اني گال هيج لو اتمددت بصفه ومتت ضحك
_منين ولك حامل طشرت عرض العشيره مصدك
ميثاق/ اضحكين عليه بحر شهل شقه هذا شتحجين انتي
كفاح/ ما تتشاقه ولك اني حامل صدك والله #ڪــڔٰا̍ڕ
ميثاق/ كعدت عل قنفه شنوو عمه انتي حامل منين حامل ?
يمه متت والنبي لازمه بطني واضحك وعمتي هفته بالنعال
كفاح/ زمال منين يعني غير من عمك ادم شنوو هل خرط
ميثاق/اخر شي يالله استوعبت الامر وهاي ماتت من الضحك النوب اني استوعبت شكلت متت ضحك علئ نفسي.
كفاح/ تافهين ثنينكم والله
_كوم احجز النه عد الدكتوره خلينه نشوفها
كفاح/ اني بالغرفه افكر شنو ردت فعل ادم اذا ميثاق خرطت روحه وكع يماا اسم الله شيصيرر بادم يتخبل
ميثاق/ اخذت اسويجي وطلعت حجزت موعد عند الدكتوره.
_ اني ناذره اذا عمتي حملت يبوو فاضل اطش جكليت عليهه بالعياده يبو فاضل وما قصرت احس هل فرحه دخلت حياتي من بعد سنين عمري كله مافرحانه هيج
كفاح/ مشكوره بحر لو ما انتي مشجعتني جان لحد هسه اعاني من هل شي بسببج دخلت الفرحه لحياتي
_يلا اكعدي بعد ماكو طلعه ولا دوام بس اكل ونوم وحركه زايده ماكوو
كفاح/ ياااا ولج ودوامي شلون اعوفه
_ ماكو حفاضي علئ الطفل
ميثاق/ حجزت ورجعت للبيت لحد هسه ما مستوعب فرحاان كلش وطاير ماعرف شون اوصف شعوري عمتي وعمي يستاهلون يصيرون اب وام لان همه ماكوو منهم. حجزت يحلوات
_ يمته
ميثاق/ العصر
_ ماشي
كمت سويت غده بعد كل هل ضحك وجهالي يناغون بميثاق وهو ميت ضحك من يصيحون كلهم.
ميثاق/ ولج دهر الله شلون اتعرفينهم ما جاي افرق بينهم عبالك نسخه وحده
_ الي بيدك جون
ميثاق/ هذا مبين وكح من هسه مسربت
_ الله اعلم
بقيت اسوي غده وهو يناغني بيهم يخاف ما يشيلهم ابد كملت وعمتي لحد هسه خجلانه ما طلعت والصدفه عمي ما اجه
ميثاق/ يالله عموو كول اغوو اغييي.
_ ميثاق شبيك احاجيك
ميثاق/وياج اسمعج احجي
بحر/ شو عمو اتاخر اليوم موو من عوايده
ميثاق/ راتب العمال اليوم راس الشهر وتاخر
_ هاا خوش
ميثاق/ روحي بيهم صارت ومن يضحكون الي اتكول ابوهم شكد افرح وفرحتي لعمتي ابد ابد ماله وصف بعد كل هل تعب راح يصيرر عدهم طفل #ڪــڔٰا̍ڕ
ادم/ رجعت للبيت متاخر لگيتهم منتضريني عل غده بس اكو شي لان واحد يباوع علئ الثاني ومبين عدهم سالفه شبيكم ولكم.
_ لا عمو ماكو شي بس شو اتاخرت اليوم
ادم/ اي والله عمو اليوم راتب العمال وتاخرت
ميثاق/ يالله. بسرعه كملن اكل حته اخذجن للطبيب
_ جهالي يبقون عندك عمو لبين ما نرجع ويرجعلك ميثاق
ميثاق/ ارجعلهم ملائكت كلبي
ادم/ فهموني شبيكم شنو طبيب منو مريض بيج شي بابا جهال بيهم شي
_ اتوترت شحجي خاف نخرب كلشي لا عمو بس عمليتي توجعني لهيج عمتي راح تاخذني
ادم/ هاا خوش بويه
كلمنه اكل وغسلت مواعين ورضعت الجهال وسويت ممات احتياط قوطيته الحليب ما اضل عمي حته اربع ايام اتخلص لبسنه وطلعنه
ميثاق/ لو خلصتن خابرني ماشي حته ارجعكم.
_ماشي
كفاح/ دخلنه رغم اني دكتوره وشايفه وعايفه بس مدري ليش اتوترت دخلنه للدكتوره عرفتني راسآ لان صديقتي وهم جبيره
بقت تفحص بيه واخذت تحليل وصدك طلعت حامل بس الصدمه الجبيره جانت ............
