رواية الضابط والجميلة الفصل الثالث عشر بقلم زيزفون
_
داروني بالتصـويتات واداريكم بالمفاجئات 😂❤️
_
شوية وسمعـت دكت البـاب هل حجي جانت الساعه بـ8 تقريبـا
مسحت دموعي وكمـت عزه يعني معقولة سواهه واچة شراح يكل لابوي
مسحت دموعي وكمت شفت امي بالمطبخ وابوية طلع
كتلها منو كالت مادري باوعت من الجامة قحطان
احس جسمي رجف دخيلك ربي هـذا صدك سواهه
شفت ابوية سلم علية وطببـة للاستقبـال
امي كلتلي منو كتلها قحطـان
رحت لغرفتي بسرعة راسلته اعرف عنده نت مجاني
🏷️قحطان حباب شررراح تكلة
🏷️قحطان عوف ابوية بداعتي لاتكلة شي
خابرت علية مايرد اخر شي طفة النت راح منه لا يررربي
بجاه ام البنين مايسوي شي رحت لامي بسرعة كالت اذا هاي سويلهم جاي اني خل اطب للغرفة
ضليت بالمطبخ وكلبي يدگ سريع
واندعي ياررربي مايصيرر شي وميحجي شي
طلعت من المطبخ رحت للاستقبـال سمعت الحجي واضح
اني دموعي تنـزل نخيـت ام البنيـن مايصير شي عمي واللة موحمل مشاكل اني
شوية وسمعت حجي قحطان بيـن الصدمة بيـن الاضحك ع حجية بين الانصـدم منه
قحطـان:اكلك ابو مريم شنو سالفة ذيج ساع مريت علة بيتكم يمة سيـارات خومـاكو شي
هيمن: واللة يا قحطـان هـذا الي كبالنه الولد اجة خطبوا مريم واحنه رفضنه تعرف جاي تدرس البنيه بَس اليوم جابوا ناس اعرفهم وشيوخ واصروا علية
بعده ابوية مامكمل الحجي كالة قحطان
قحطان : ابو مريم علة بختك صدك تحچـي هـذا الي كبالكم مو
هيمن: اي شبي
قحطان: عمي علية 4 ارهاب تدري هذا خريج سجون اتچفة الشر شنو تريد تطي بتك زايده عليك قابل
عزززه ههههه هذااا شيحجي
هيمن: ياستار ياربي لا يمعود وين انطي بتي لو ساكن الجامع ماطيهيا بس منيلك هل معلومات اشو الناس مبينين ناس اجاويد
قحطان: ها مو اني اكلك شبيك ابو مريم اكو ناس واللة ينحطون ع الراس وابنهم يطلع ساقط حشاك
هيمن: هم صدك اللة اعلم بعـد كلي متعشي چـاي
قحطان: لا واللة لا چاي ولاعشة عدي شغلة هسه لازم اروحلها بس حبيت اطمن
هيمن: وين عمي ماتروح لمكان ابقة تعشة وروح
قحطان :لا وعلي ابو مريم لازم اروح شغلة عـدي غير مره انشاللة يلا اترخص اني
حسيت بي گـام اني بسرعة سويتهه طفره للمطبخ سديـت الباب واضحك عزه شوه سمعـت الولد صدك يحچي هـذا
طبيـت لغرفتي شوية وابـوية هم طـب كال راح اروح لَبيـت حسام ترحون وياي امي كالت تعبانه اني هم مالي خلك ضليـت وياهه وهو طلـع
امي كلتلي اني ماشتهي كومي سويلچ شي الچ ولابوچ كمـت كليت كبة وبورك لبابا وراچعت دروس فتحـت الموبـايل مراسلني هوايـة مافتحت رسائلة سـديت الموبايل صارت بالعشـره
اجة بابا كال تعشيـت يمهم اني ماشتهي ضميته بالاوڤن
كمـت نضفـت البيـت ع السريـع وطبيـت سبحـت ضايجة مَن قحطان كلش
ماعرف شنو مفكر بيـة وشنو تفكيره
طلعت مَن الحمام الدنيـا مطرت ورعـد صـار
نشفـت شعري و راجعت دروسي واجيـت ع جربايتي جان موبايلي صامت
فتحتة لكيـت كوووومة رررسائل وبصمات وواتصالات منـه چانت الساعه بـ12 تقريبـا
ردت اغيـضة ماقريتهن ولافتحتهن بس يبين يمه اخر ضهور اكيد
بعـدين طكـت روحي والفضول يقره الف فتحـت الرسائل
بيهن اعتـذار وبيهن الي يكول واللة احتركت وموبيدي
اني ابتسمـت ماطولة اعتـذر هايهيه بَس هو ماچان لازم يسوي هيچ
شويـة ودز رسالة
🏷️كافي حني علية مو شعلتي عشيرتي
ابتسمـت ع الرسالة ومارديت
شوية وخـابر راسـا رفضته دز رسالة
🏷️صبرررري خلصص تررردين لووو شلون
🏷️شتريـد خوية اريد انام
دزلي بصمـة
هههههه شكد احب هاي الكلمة يابعد اخوچ ياخويـة رايدچ
ضحكت ع الرسالة شوية ودگ ماچاوبت
🏷️مصختيـههه تررردين لووو شلووون صااارلي ساااعتين اتوسسل مووو حجي ترره!
حسيتـه عصب خـابر مره ثانيه رديـت
قحطان:كافي زعل بوية واللة احترگـت مَن اچو يردون يخبطوچ حسي بيـة
مريم:بس انت شايف شلون حجيت حسبالك اني
قحطان:خبلتيني بحجايتچ مريم سدي الموضوع احسن واللـة كافي تغنـدب تره مشتاقلچ
مريم بابتسامة: اممممممم
قحطـان:رضينـة؟
مريم:قحطان تمام بس مره ثانيه لا شك وراسـا تحكم لازم تسالني وكلشي بالهداوه ينحل
قحطـان: شنوو بوية منو الي يتجرئ ويجي يعيد الي سوا هل خايس
مريم: ههههههههه اي اضنك تلبسه 10 ارهاب ههههههههههه
قحطـان:وداعتچ لعيون مريم البسة 100 ارهـاب
ضحكت علة حچايته وطـارت هيبه الزعلـه ضلينـه نحجي لـ2 تقريبـا اني احجي ويـا ومنعسـة اخـر شي نمـت واني مـادري
كعدت مَن النوم فتحت للموبـايل لكيته كاتبلي نوم الهنا دچـاجتي 😅
صبحـت علية گالي البارحة اروح بال6 للمركـز ماكدر اشوفچ
اني هم عفت الفون وكمـت بدلـت ملابسي الجو بارد لبست جاكيت فوكاهم وطلعت صبحـت علة اهللي تريكنـة
وكال بابا يلا كومي خل نروح گمنـة وركبنة بالسيـاره ضاهر واكف يم سيارته عمـار ركب الخط وراح وبابا هم راح
هل ايام مالة اي صوت خانس السجاج
كلي ضاهر روحي صيحي لحـور خلي نمشي
اني هم رحـت دكيت الباب ع بيـت عمو فتحليـا احمـد طبيت لكيتهه تتريك ام بطن كوه شلعتها مَن الصينيه
طلعنة اني ويـاهه موچ مصطفى يوصلهه بالروحة بس الجية تجي ويانه
عركات حور و ضاهر ماتخـلص وموچ وعمـار مـاكو شي بينهم ابَـد
رحنه للدوام نفس الروتيـن ماصـار شي
مرت الايـام وعلاقتي بقحطـان اعتبرها معقـده ههههه چـانت
تصيـر بينه زعلات بَس ماطول راسـا اخـابره لو يخابرني ونتراضة بس جان هو الي يبادر اكثر شي
وجان يكلي انتي عنـيده وراسچ يابس ههههه
اللبَس الطلعة كام يتحكم بيـهن هواية وهو اني وين طالعة اشو من الدوام للبيـت بَسبب الامتحانات ولا طلعـت
مرت الاايـام وعلاقتنه نفس ماهيه كل يوم نتخـابر اغفة ع الموبايل يلة روح
بـدت امتحـانـات نص السنه وصـار يوصي بيـة وميخليني اسههـر انطونة فتره حتة نراچع سبوع
سوينـه جدول والبنات اتفقنه نقره هسه وحدنه وبيوم الامتحـان المراچعة نجتمـع سوه
فعلا بديـت اقره قحطـان ما راسلة ولااحاجي غير ساعه باليوم من اريد انام وشوية ونام
احسة ينزعج حَيل ومرات الكي رساائل وبصمات كومة ممسوحة ويكلي تصبحين ع خير
اعرفة جان يضوچ بس هالشي موبيدي هذا سـادس مو لعبة
الرياضيات مالتنه يشوي شوي گال ابوية احطلچ استـاذ اني ترردت
بين الي اي بين ال لا بليل حجيـت لقحطـان يبووي شو ههذا نگلب علية ياستاااذ يادنيـا اكعدي ع اليوتيوب يكلي كتلة مدافهم
يگلي لا انتي گدهـا واذا ترديـن اني اشوفلچ مدرسة رياضيات اعرفها
هو من كالي هيج تخبلت كتله شنووو ماررريد خليهه تفيدك اصلااا اكعد اقررره ع اليوت اني السعي مالتي 89 اصلا
هو ضـل يضحگ عليـة ويگلي ولچ واللة بكبر امي عزه هاي اني شبية صايره انفعـَل هيچ 😂
مَر طول الوقـت هيچ مرات اچفص يمـة صرت اغار علية واكلة لاتلبس هيج ولاتحط عطر ولاتسوي كذا
بدت الامتحـانات واني خـايفة كلش ومتوتـره اول يـوم بالامتحـانات گاال انَي اوصلچن واخـذچن لان الكل مرتبطيـن بدوامـات حتة ضاهـر
بَس هو الوحيـد الي دوامة العصـر بالمركز بس اذاا صارت مهمه يروح
باجر اول يـوم للامتحـانـات متوتره حَيل مع انو اسلاميـة
ضلينه نحچي سوه بليل وهداني وكلي يمضن ع خيـر
نمـت من وقـت كعدت مـن الصبح ماما كعدتني كمـت بدلـت بسرعة وكعدت اقره
الچو بده يحـر اقره ومتوتره واهلي يهدوني ويكلولي هيه اسلاميـة
طلعنـه شفته واكف يم سيـارته سلم ع بابا وطلعـت موچ دكيت الباب ع حور هم طلعت
بابا راح للدوام واحنـه ركبنه بالسيـاره
فتحت كتابي وكمـت اقره ومتوتره
موچ:عوفي الكتاب مريم تره تنسين كلشي
مريم: يمعوده راح اموت من توتر شعوفه
قحطان:عوفي يابه وين داخلة للجبهه ومتوتره اقري الفاتحة لم البنين وطبي احسن من المراجة تره تنسيـچ
اني هم عفت الكتاب وابتسمت رجعت راسي ليوره ع الكشن وغمضت عيوني وصرت اندعي
فتحت عيوني باوعتله يباوعلي ابتسملي ابتسامة خفيفة بادلتهيـا وصلنه للمدرسة
ضل يوصي بينه گـال بـال10 اني موچود وبراحتجن لا تستعجلن يمتة ماتچن تچن
احنه هم نزلنه درت وجهي ابتسملي واشرلي اهدي نفسي
طبينـه للمدرسة شفنه اسمائنه وين شوية ودگ الجرص اني وموچ نفس القاعه بس حور غير
طبينه للقـاعة ماخليت اية ماقريتهه ختمـت القران كلة 😅
جابولنة الاسئلة جانت سهله الحمدللة جاوبت عليـهه وخلصـت قبل الوقت
ضليـت اراچع بالاجوبة تمـام ضابطة كلشي
كملت وطلعت مَن قاعة الامتحـان موچ ماطلعـت وحـور بعدهي ضليـت منتضرتهن بالساحة
شفت الساعه بـ10 وربع اكيد منتضر هسه خل اروح اكلة البنات بعدهن واچي
طلعـت لكيت الخطوط كومة بالبـاب هو واكف هم شافني اچاني واني تقدمـتلة
قحطان: ها بوية بشري
مريم بابتسامة:كلش زينة الاسئلة
قحطان:يعني مية
مريم: هههههه انشاللة
قحطان بضحكة ع وجهه:ضمي ضحكتج بالشارع احنه البنات لسة يمتحنن
مريم: اي حروح مَن يخلصن اجيك
قحطان:تمام يلا
طبيـت لكيـت موچ مكملة وتحل الاسئلة وي حـور
اني كتلهن ماحل الاسئلة لان اذا عنـدي غلط اضـل اكل بروحي 😂حتة ماركز بالامتحـان الچاي
طلعنه كليتنه صعدنه وي قحطـان صـار يسال موچ شلونچ بالاسئلة وهيه تكلة زينـة
حور كالت خلي كل وحده تقره وحدهي احسـن خاف كلشي يصير كلمن ع طريقتهه
اني هم كلت خليني اقره براحتي احسـن ولو وي البنـات هم بَس خاف نلتهي وشي
وصل لبيت عمو وبيته نزلن موچ و حور كال اني اوصلچ
الفرع مو كلش طويل بَس هو صـار يمشي علكيف ويباوعلي والضحكة بحلكة اني دنگـت وسكـتت
وصلنه للبيـت گال لا تنامين وتضلين ساهره ارتاحي وابدي اقري
ابتسمتلة ونزلـت طبيت للبيـت كلت لماما وبديت اقره للعربي
مَر كم امتحان نفس الشي
صـادف يـوم چمعـة والسبت امتحـان الرياضيات
التوتر يقره الـف اني ضليـت اقره يوم الخميس من رچعت لـ2 بليل لمن ختمته كلة والچمـعة هم ضليـت اقره احس نفسي مسيطره بس خايفـة حَيل
صـاح الاذان گمـت صليـت ونضفت وي امي وفتحـت الفون لكيته مراسل وداگ هواية
واللة امنيتي افتح بس اذاا افتح شي يجرر بشي وراح اضل يمة وما انتبـه ع الدروس وهو يزعل اف ونبي مشتاقتلة بس شبيدي
چاوبت علية ماجاوب اني هم ماعنـدي وقـت كتلة اجيك بـ11 حكوم اقره
ضليـت اقره محـاضرات يوتيوب بَس ختمت المحاضرات بـ11 ونـص
تعبت حَيل ردت افتح الفون كلت لا عليمن خليني اكوم اغسل ملابسي وارتب اموري واجي
شفت ملابسي ماما غاسلتهن اوو فدووه
حضرت اموري لباجر كلشي اجيت اريد انام
موبايلي 64 صارلة 3 ايام ماشاحنتـة 😂
نمت ع الجرباية فتحت الواتساب كووومة مراااسلات يبووي اول دزيـت رسالـة راسا خـابر
احسة عصبي بس يحاول يخفي عصبيته
قحطان: هله واللة بسـت مريم بعد وكـت
مريم:قحطان اعذرني وحق رربي اني هم زهههكت بس شسوي كلي واللة العضيـم مدالحگ وتعرف الرياضيات شلون صعـب
قحطان: تمام ياعيني بس عاد لو رسالة وحده تطمنيني وترحين واللة ماتاخذ من وقتج
مريم: قحطان واللة وقتي محسوب بالثواني زائد ونبي شي يجر شي
قحطان: ولج رحت لبغداد واجيت وانتي ماكو
من كال بغـداد عقچت حاجبي
وخاصتا مَن اذكر موج كالت هل فتره 24 نسرين تراسلني وتكلي امنييتي ارجعلة ومدري شنو
مريم: وشتسوي بغداد
سمعـت حركة امم ديسوي بالاركيلة اكيد
قحطان: شفت خالتي مريضة
مريم: وخالتك ماعدهه ولد
قحطان: هو ابن واحد وصايع اللة وكيلچ ولا عبالك امة
مريم: شفتهه
قحطـان وهو يچـر نفس اركيلة:منيـة
مريم :يعني منيه -تنهدت وكلت هالحجاية-
قحطان:سالمين مريم شهالتفكير
مريم: ياااتفكيررر قحطان سوووال سالتكياا كلي اي لو لا تره مايرادلهه روحـة للقاضي صـَدك
قحطان:اول شي لا تنترين تمام ثاني شي اي شفتهه بَس الي بالچ كلـة غلط بغلط
مريم: تمام يلا اني اترخص اريد انام نعست
قحطان:مريم تره ستونة حچينه اصبري شوية ونامي
مريم: اسفة اريد انام
سمعته تنههد واخذ نفس وكال:لا تشلعين كلبي شبيج يعني من كل وعقلچ علاقتنه ترچع تره اني طلكتهه وهسه صارت حالهه حال موچ
مريم: بس اني ماكلت هيج لَيش هيج ضنيـت لو الشغلة واضحة هه تره روحاتك لبغداد كثررانة حَيـل
قحطـان: صبررك يا ايوووب يااابه شبيچ انتي اكلهه هيچ تكلي هيچ جاي اكلچ البنيه ماعدي شي وياهه والعلاقة انتهت من ذاك اليـوم
مريم: تررره ماااكايلةة شييي وحتلااا رجعتوووا ررربي يهههنيكم اني اترخص تصبح ع خيـرر
سـديت المويايل بسرعة ماعرف شحچة طفيـت الموبـايل وسويتلة كتم
نزلن دموعي ع خدي ماعرف شنو معنـا الي سويته بَس من افكر انو هيه تحبه احس كلبي ينقبض يجوز تقشمره وترجعلة
ضليت ابچي بهدوء نوب نمـت كعدت الصبـح متـاخره ياااالللـه حتة ماررراچعـت
شفت السـاعه بـ7 الـة ربع
طلعت شفت امي وابوية بالمطبخ حتة ماصبحت عليهم راسا اجيتهم
صدكك تحجون الساعه حضير بال7 يرربي
هيمن: بابا هواي قريتي شهل ارتباك هسه بربع ساعه تبدلين وتكملين ماكو داعي لهل ارتباك
غسلت بسرعة ورحـت بدلت وثرت اقره شوية وسمعـت هورن سياره قحطـان
اليوم هو چـاي وجايب البنات طلعت مغندبـة صبحت ع البنات وكعدت اقره ومرتبكة ياااربي تخـلص اليـوم ع خيـر والنبي خايفة خووق موطبيعي
اتجاهلت نضراتة والارتبـاك اخذني وصانه للمدرسة راسن نزززلت حتة ماسمعتلة ولا انتضرت البنـات
طبيـت للمدرسة رحت كعدت وحدي ومرتبكة وصرت اراچع شوي
اف ياااربي كون تعـدي ع خسر وتحنه شلون ام الرياضيات عكررره كالت الة اشويجن شوي بالاسئلة
يعني ماعرف ليش يخوفن الطالب فوگ خوفة عبالك جايه تسوي عداوات موتدرس هو الطالب اذاا حب المدرسة يصير يموت ع الماده بس احنه وين هاي جنهه بومة
شوية و دك الجرص احس ايديه وجشمي يرررجفن دخيلك ربي
كوه نشلعت من الكتاب طبيت اخررر وحده للقاعة
الي واكفة علينه مـدرسة عكككره تدرس الخامس رزلتني لان تاخرت
هسه هو بعـدهه الاسئلة مموزعة
اني اريدلي حچة كمـت ابچي بسكتة خلتني اطـب باوعت لموچ تباوعلي بخوف
اچـت ورقة الاسئلة مسحت دموعي واحاول اهدء بنفسي
اجتني المراقبة الثانيه حبابة هاي المدرسة انطتني مي وكالتلي استهدي بالرحمـن وابـدي يمة
اني ارچـف باوعت للاسئلـة يبوووووي اللـةة ينعلهه بجاه محمـد ع هيج اسئلة جايبتلنة 6 اسئلة وكل سوال يشك شك وافرع هواية ماكو
اسئلة مطولة هوايـة بديت احل بس شنو ارچف اني نص الاسئلة خارچية
اجي للسوال اقرا اعرف احلـة اوصل للناتج اصيررر مثل المطي كلشي ماعرف
بالي متوتر ساعه يم سالفة قحطان ساعة بسبب رزالة هاي
نوب راسي موتني دموعي صارن يجرن دخيلك ربي واللة اعرف احل كلشي بس ماجاي اركززز
اريد اركزز ماكدر
خلص الوقـت واني گوه حليـت سؤاليـن
نوب البنات گامن يطلعن اني ارتبكت بالزايد گمـت ابجي بصوت عالي
هاي الحقيره تحجي اي هنه مايقرن ويجن بالمدرسة يقرن ويضلن يتبجبجن
قههرتني حيـل بس ماحچيـت
هاي المدرسة ماتكدر تجي ع القطاع مالتي لان اذاا اجت المديره ماتقبل
ضلت تكلي امي ركزي عـَدل وعوفي البچي الوقت كلة الچ
هاي الحقيره تكلهه وين ست رشا ورانه تصحيح شوية ونستلم الدفاتر
هيه من كالت هيج اني متت بدمي باوعت لموچ مكملة وجاي تراچع باوعتلي واشرتلي بعيونهه انو اكمل
اني تخبلـت ماضللل وقت يارربي راسي كام يوجعني التوتررر صعد عنـدي شوية واجتني هاي المدرسة
كافي يا امي امسحي دموعچ ليـش هيچ
كالتلهه موچ:ست هيه شاطره بًس لان ارتبكت وراسهه يوجعهه
ذيج المدرسة كالتلهه اذاا كملتي اطيني الدفتر واطلعي ممنوع الحجي بقاعة الامتحان
المدرسة الي يمي مبينه شايلة عليهه هواي بس هيه جبيره شكد غثه عيب واحد يهينهه كالتلي
ماما شوفي امسحي دموعج واشربي مي وحلي
كلتلهه واني ابجي ست بعد ماكو وقت حرسب
كلتلي واللـة وقت عندج شتردين بعد منا للوحده يخلص الدوام
هيه من گالـت هيچ اطمنـت شوية ذيج بس تخوزر
القاعة خلصت ع الاخيـر اني مسحت دموعي اخذت نفس اشرت لموچ تكوم خطية من زمان مخلصة
واللة هيه هم گـامت سميـت باسم الرحمـن راچعـت هالسواليـن الي حليتهن صح بس النتائچ مالتهـن ثنينهن غلك خرب يومي
4×4 كاتبة 8 من توتر
ضحكت ع نفسب ومسحت الاجوبة احس نفسي رتاحيـت شوية
شطبت ع الاسؤلة علامة صح ع السواليـن
جان تكول هاي البومة لا تكتبين ع الاسئلة ممنوع يلا امسحي
خرب هاي شبيهه وياي اليوم مسحت الي ع الاسئلة
اخذت نفس وبـديت احل السوال الثاثال كملته وراچعته مره ثانيه
صرت احسب الناتج بيدي نفس الجهال في سبيل ماخطا
كملته احس نفسي فرحـت مـابقة غير سواليـن
ضليـت وحدي بالقاعه هاي كامـت تنطي بساميـر شوية وكالتلهه هاي المدرسة خليني اني بمكانچ وانتي روحي
كالتلهه مايصير شلووون هاي المدرسة قطاعهه خلص فراحـت
اوف هاي كامت تربكني اكثر دخيلك ياعلي كون احل هالسواليـن ع خيـر
انطيتهه اذن الطرشة وحليـت السؤال الرابع تاكدت منـه مره ثانيه تمام بقة عندي سوالين
شوية واچتي المديره و ويـاهه مدرسة اجتي نطتني عصيـر بارد وكيكة وكالتلي ماما اخذي وقتچ
وصاحت لهاي المدرسة وكالت للمدرسة الي ويـاهه تبقة وياي
شسالفة شنو الي صـار هاي منو دزهن
گالتلي المدرسة هاي
ماما حلي براحتج هذا ابن عمج الضابط واكفلج بالبـاب ودزهن الج كل الوقت
يا عزه هذا قحطان اتشكرت منـهه وكتلهه هو ماضل بس سوال
وابتسمـت بداخلي رجعت لدفتري تركت الخـامس وجاوبت السـادس
جان سههل بسرعة حليته رجعت تاكدت هم تمام
واللة لو هاي الططوة فوك راسي همزين راحت
كمـت اراچع باسالتي ابتسمـت الحمدللة جاوبـت زين ومقتنعة باجوبتي
اطيتهه الدفتر واخذت العصير والكيكة لان ماكلتهن وطلعت عزه المدرسة خالية اخذت كتابي وساعتي شفت الساعه بـ12 هواية تاخرت بسلا راحو
لبسـت شالي بسرعة وطلعـت شفته واگفلي
البنات ماهنه موصلهن وچـاي
شافني اچة تقدم الي اني دنكـت ورحـت لاتجاهه باوعلي بنضـرات خوف
قحطان:هاي الحقيره بت الكلب بچتچ لج شو باوعيلي حليتي زين موو
بلعمت وباوعتله: حليـت الحمدللة جابولي غير مدرسة
قحطان: هم عوزهم واللة اكلب المدرسة فوك راسهم
ابتسمـت بخفة واني مدنكة الي فهمته انو موچ حاجيتلـه وهو مسودن ومحاجي المديره
قحطان:امشي خل نروح الشمس حركتني حرگ
نمشي ونحجي: لو رايح وابوية يجيني
قحطان:يابعد ابوچ ابوي دصعدي صعدي
ضحكت بصوت ناصي ههذا شبي اليـوم
صعـدت ورآ كال
قحطان:سايق الخلفوچ كومي صعدي بالصدر
مريم :مابيه حيل صعدت بعد
استغفراللة ومشة
قحطان: كليلي هسه حليتي
مريم:اي واللة حليـت زين
قحطان:وانتي شبيچ مغندبة بس اريد افتهم من امس لليوم كالبة خلقتچ عليمن كليلي
مريم:ماكو شي قحطان لا كالبة خلقتي ولاشي
قحطان:مريم روحي واصلة لهنـا احجيلي شنوو الي زاعچج تررره هاااي خالتي تضللل خالتتي يعني شلووون المره كلشش مريضة وعدهه وليد واحد وصااايع كلشش محتار بمرتة وبيته وحده وبناتهه مزوجات وميعرفن الدنيا طشت لو ررشتتت شتردين اكطع عنهه
سكـتتت لان حجية صدك بَس اخ الي بكلبي احس كلبي مشتعـل نارر سكتت ماجاوبتة شي
شفته ضرب الستيرن حَيل
قحطان:وليممممته هههل سكككووووت شلوووون ياااا مرررريممم تره طكـتت رووحي ججججاي اكلجج بعتباررر اختي وححق اللة اختتتتي
انتت تعتتتبرهه هيج بسس هيه لااا
قحطان:وشممممدريچ هيه لا مريممم اسكتي كافي لااا تلوصين بالحججي
انتتت تعرف وتحررف وتدري كلش زين بَس شنووو يجوز م..
قحطان: اي بالله مكيف مووو قصدچ مكيففف يننعل ذاك اليوم تمامم مريمم صارر الخيررر انشاللةة الضاهررر هواي لحيتتت ونعلت ابو الكرامة
سكـت ماحجة شي اني عيوني غرغرت بالدموع ووووف اني هم زودتههه كلش ياااربي
وصلني للبيـت راسـا نزلت ضل منتضرني لمن فتحت البـاب امي يلا
طبيـت سالتني ابوية بالدوام الضاهر مطيهه خبر انو اتاخر
كتلههه زينه بالامتحـان رحت لغرفتي ضليـت ابچي واللة ماعرف الي اريده بس واللة هاي مبينه تريده وتريد ترچعلة مره ثانيه
صاحتني امي اجي اكل مالي نفس كمـت بدلت ورحت اكلت هيج شوية
بقالي امتحانين واكمل الاحيـاء و الانكليزي
باجر عنـدي احيـاء اففف مالي خلك ادرس بالقران
بديـت اقره احيـاء حاولت ابعد عن كلشي بس ماكدر كلساع افتح الموبايل ولا رسالة منه
اوف تعودت ع رسائلة الي دوم متفارگني
رحـت الانستا حاط ستوري صورته واقتباس رديت عليـة بهـذا الفيـس ☺️
هو چان يموت من هذا الفيس 😂
يكلي اتعقد منه لادزينه
انطة لايك ع الرسالة بَس اخ مووووتني عفتت الموبايل وكمـت اقررره
صاح الاذان كمـت صليـت
ماما انطتني لفة صاج كلتلي اكليها اني هم اكلتها لان جوووعانه فتحت موبايلي مادازلي شي
رجعت اقرره صـارت ب12 واني اقره بي حچي هواي الاحيـاء
كملـتة گلت خلي انام واكعد اراچع مَن وقت لان هووواية قارية اني يومي ضابطتة و بالامتحانات ضابطته وبالمراچعة وهسه هم
رحـت فتحت موبايلي مادازلي اي شَي
تاففت ودزيتلة تصبح ع خيـر ع الواتساب مـارد
رحت ع الانستـگرام شفته يحط ستوريات وولا همه
ضچت كلش
كتبتلة
تصبح ع خير ❤️
سـديت الموبايل واني ضايچة نمـت كعدت ع صوت الموبـايل الساعه 5
وقفت التنبيه طبيت ع محادثاتة راد عليـة برسالة وحده وره ربع ساعه
وانتي من اهل الخيرر
كلشش ضچت سديت الموبايل وكعدت اقره واني ضايجة كلت اليـوم اخلي بابا يوصلنه
بديت اراچع اجت امي لكتني كاعده كلتلي كومي اكلي ماما
اني هم گمـت اكلت گملـت بابا گال اني مستعچل حيل يلا اني رايح ماوصيچ مريومة
راح بابا افففف مبين مستعچل شوية واچة قحطـان دگ هورن وطلعتلة
ابتسمت للبنات وصبحت عليهن وهو حتة مايباوع لوچهي
خوش لعد بسيطة
وصلنـة للمدرسة نـزلنه طبيت للقاعة مال الامتحان والحمدللة جاوبت زين
طلعنـه كليتنه سوه مابقة غير بسَ باچر وتخلص
رچعـت للبيـت من كد الحماس بسرعة بديت اقره كملت القواعد والانشاءات للعصـر بقة عنـدي الكتاب والكراس وشكم شغلة
فتحت موبايلي ولا رسالة دازلي ياللـة صدك يحجي انههضمـت هواية
رچعـت اقـره تعشيـت وبديـت اقره مره لخ
بابا ماعرف شبي هل ايام مو ع بعضة ابد مادري شبي خلصـت الساعـة بـ11
كمت حضرت ملابسي كلت هو اخر يوم خلي اخالف
حضرت تنوره سوده بڤ ام الشيلات وقميـص ابيـض و ويـاهن شـال احمـر وحـذاء احمـر
نمت ع الجرباية فتحت فوني هم مامراسل
دزيتلة تصبـح ع خيـر ونمت كعدت مـن الصبح دازلي ونتي من اهله
هه خلي براحتة كمـت لبسـت ملابسي وكعدت اقره كملـت قرايـة شوية واچة
كمـت طلعت من باب البيـت باوعلي من فوك لچوه كصني كص
ماهتميتله صعدت صبحت ع البنات وهنه ما مقصرات بالمخالفة 😅
كلما ارفع عيوني اشوفة يباوعلي بَس اني اغلس وصلنه للمدرسة احسة كاعد علة اعصابة
كلت خلاص اليوم اذا ما راضاني اني اراضي مو دائما هو يراضيني
امتحنـت وكملت الانكليزي كلش احبة اني والحمدللة مجاوبة زيـن
امتحنه وطلعنـه يبوي تعبـانيـن
وصلنـه للبيـت بسرعة رحـت حضنت امي من الفرحة 😅😅
كامت تضحك علية اتغديت بملابسي ورحت لغرفتي شفتة داگ علية هوايـة ابتسمـت عرفته
دكيـت علية راسـا رد واستلمني دگ رزاايل واحمر ومدري شنو اني بكلبي اضحگ علية
كتلة موكافي قحطـان اني اسفة وللـة مراح تكرر بَس چنـت
سمعته تنهد وكال
قحطان: بس شنو
مريم: اففف اسفة يااقحطان ونبي ماعرف بس هايههيه اني داعتذرلك
قحطان:مريم اريدچ تثقين بية وتعوفين سوال الزعاطيط لبستي اليوم هيج تردين تغيضيني اخ حركتني حرگ
مريم: هههههه شلابسه اني ماتكلي هو شال احمر يلا بعد ماعيدهه بَس لاتزعل
تنهد وضحك بنفس الوقت وگال :اويلي يابة تضحك علية بكلمتين نفس الطفل
ضحكنه سوه وكضينه اليوم كلة نتخابر ضليت بغرفتي اهلي حسبالهم نايمين ههههههه
خلصت يومين من العطلة ومخلصيـهه احنه مخابرات
يوم چنـة عد بيـت عمو حسـام وبيت عمو حسن موجودين جان حور كالت واللة حرام عليكم صارلنة شكد مطالعين
احمد كال شرايكم نطلع باجر كلنه للعشتار
حور كيفـت اني هم فرحت صارلنه شكد ماطالعين بسبب الدراسة اتفقنه كلنه نروح بس اهلنه ميرحون گالو انتو روحوا تونسوا
حور كگالت خلي نگل لموچ خطيـة
كـال احمد شوفوهم وخل يجون ويانه هم
صدگ واللـة خابرنه موچ كالت اشوف قحطان
اني من رجعت كتلة بالموضوع وقنعته گـال بالبداية خاف زحمه وشي
كتلة تره احنه اههل واحمد كال، كال جا تمـام ماشي
ضلينه نحجي لساعه بـ3 ونمـت
كعدت من النوم شفته دازلي بـ6 رايح لبغداد اني لا تخـافين ارچع
اتاففت وضجت بَس مابينت وكتلة تمام توصل بالسلامة
صـارت بالـ 2 خابرني كالي
قحطان:وصلت للبيـت خالتي مريضة كلش وردت اعرضهه ع دكتور بالبصره وچبتهه ويـاي
كتلة وبتهه
قحطان:هههههاااا مريممممم رجججعنه لهل سالفة اي اجتت بس شسويلهااا يعني
حاولت اهدئ كتلة تمام قحطان
صار يتافف وكال رجعنه كتلة لا واللة بس اني شنو اريد انفجرر
تجججت وسديته منه نمـت وگلت لامي تخليني نايمة
نمت هواي كعدت لكيت اذان المغرب صايح من زمان كمـت صليت ماضل وقـت گالو نطلـع بـ8
والكل اتفق هيچ واحمد محاجي قحطان فتحت موبايلي شفت رسائل منه ومنهن
🏷️خلي موبايلچ بيدچ وفعلي ع الخط خلينه نتراسل ودومة بيدچ
كتلة ماشي بس اني ضايجة شوي
اكلت وبابا ماعرف شبي ضااايج ومععصبب كلششش كلت لامي كالت سوالف المرركز بعـد
مادري شبيهم ميردون يحجولي
رحت لغرفتي لبسـت تنـوره بينصـل ٩٠ لونـهه زيتوني وقميـص اسـود ويـاهه ولبسـت شوز رياضي اسـود لبسـت حچل برجلي اليميـن ولبسـت شال زيتوني حطيـت مكياچ بسيط بناتي كلش خفيف
شلـت موبايلي مراسلني گال دوم خلي موبايلج بيـدچ ولاتصيرين غبيـة وتزعلين
ماعرفت شنو قصـده ابوية گال كومي اوصلچ صدك واللة وصلني وراح راح نروح سيارتين سياره احمد وسياره ضاههر بَس
شوية وطلعنه الموبايل بيدي من طلعنه فتحته
شفـت منضر اندمت منه قحطـان و موچ و ويـاههم بنيه معقولـة هيه
جنه واكفين انضم بالصعده راسلته
🏷️هاي بت خالتك مو
باوعتله ككصني كص بنضراته وعيونه حمممر صارررن
اني عيوني دمعـنن اي اكيـد هيه شفت رسائل من موچ مفاتحتهن تكلي ببهن
انو بت خالتي راح تجي ويانه لا تزعلين وخليهه تولي
واني اكول ليـش يوصي بيه هه لابسة بنطرون وقميص طويل ولبخ مكياچ بَس صراحة شكلهه حلو وبيضة
سلم ع الولد وتكتر ع جهه ودزلي بصمة
شهههههللللل مممملاابس شلاابسه مممتكليلي مررريممم اني شككلت شنووو تردين تخبليني رجليجج طالعة و المكياج مريممم لوو تبقينن احسلج والللة لان ما اضمنلج تصرفاتي
من حجة هيج تخبلت همه ملتهين يردون يصعدون اني خليت ومشيت عيوني دمعن محد انتبهلي ابـد مشيت باتجاه بيتنه وعيوني تجري
اي اي خلي الجو يخلالهم يكلي لوتبقين احسن مو بسيطة يا قحطان بسيطة
ضليت احجي وي روحي وابجي وصلت يم بيتنه تقريبا شوية وماحسيـت غيرر شي انحط ع حلكي وانرفعت من الكاع
سمعت صيحة قحطان اخرر شي وهو يصيحح
قحطان: مريمممممممممم
بعدهه ماحسيت باي شي
