رواية ابي عذابي ومأساتي الفصل الرابع عشر بقلم سمر اسامه
كعدت الصبح واني باحضان جابر. كنت كلش دايخه ولسه مصخنه. غبيه اني شكو كاعده ب مطر.
حاولت ابتعد عن جابر بس هو لازمني بقوه عبالك اريد اشرد منه. همست بحب جابر عوفني اريد انزل اسويلك ريوك. تاخرت ع شغلك
همس بنعاس شكد ساعه بلا
شفت الساعه ب 8 الصبح. رديت عليه ساعه ب 8
هو بسرعه طفر. وكال ولج تاخرت وليوم جاي النقيب
ولازم اروح. استقبله.
راح سبح وبدل واني نزلت اسويله ريوك بس شنو ب كوه امشي حرارتي مرتفعه. وجسمي مكسر
نزل جابر. وصبح علئ امه. ساره متكعد هيج وقت.
دخل جابر. للمطبخ. شافني. ب كوه اتحرك. تقرب مِڼـّي وباس خدي
ابتعد شهد. حرارتج كلش مرتفعه. روحي. بدلي حته اخذج للدكتور.
ابتسمت. ورديت لا عادي هسه اشرب علاج واطلب م̷ـــِْن ساره تسويلي. كمادات. لاتخاف عليه.
باس راسي بعمق اوك بس ديري بالج ع نفسج ماريدج تعبين نفسج. ارتاحي وراح اطلب من ساره تسويلج كمادات.
عافني. وطلع لشغله
كعدت ب صاله. وعمتي. كاعده. تقرا قران.
احس جسمي صار نار وبردانه كلشش. رحت جبت غدئ وتغطيت وبقيت كاعده مقابيل عمتي.
خلصت وباوعت عليه بستغراب وحجت شبيج وين لبرد. الجو. دافي ليوم.
همست بوجع. بردانه كلش. وحرارتي مرتفعه. بس تكعد ساره اريدها تسويلي كمادات.
تقربت مِڼـّي وخلت ايدها ع كصتي وباوعتلي بصدمه ولج صايره ناار كومي كومي اخذج للمستشفئ.
لاتتمرضين اكثر. يلا كومي
باوعت عليها وبتسمت. لزمت ايدها وبستها بحب وحجيت. لا. عمه. هسه اصير زينه والله مابيه اطلع جسمي كله يرجف
راحت. لغرفتها. وجابت علاج. ومقياس الحراره شافت حرارتي. بعدين انطتني علاج شربته. وسوتلي كمادات. حسيت بحنان الام.
بقيت ابجي وهيه تسويلي كمادات. حجت شبيج تبجين ترا. حرارتج مرتفعه هسه تنزل. ليش خايفه.
باوعت عليها وعيوني كلها دموع. همست بوجع. شتاقيت. الامي كلش.
مسحت دموعي وحجت. الله يرحمها. اذكريها بدعاء او بصلاه مو بدموع. الدموع. تأثر علئ الميت وتضلم كبره
كعدت ولزمت ايد عمتي وبجيت. همست. عمه فدوه خلي راسي بحضنج. خليني. احسج امي. كلش. حاسه ب وحده.
لزمت راسي وخلته بحضنها وصارت تمسح علئ راسي وتقرا عليه ايات. شويه وغفيت علئ رجليها.
حسيت بساره تسولف ويه امها. فزيت واني لسه نايمه علئ رجلين عمتي. كعدت واني. افرك ب عيوني
ضحكت ساره وكالت. والله صرت اغار ماما منيمتج بحضنها واني كل ماطلب منها تكولي صرتي جبيره علئ هاذي السوالف.
ابتسمت بحزن. وحجيت. فدوه لكلبها والله حته تحسنت. سوتلي كمادات وانطتني علاج ربـي يخليها النه.
همست. بحب. امين.
كعدت ملوكه. وكفشتها صايره هل ڪدها م̷ـــِْن النوم
ضحكنه عليها. سوينه ريوك. وتريكو.
اندك الباب. شفته. عصام.
بقت رجليه ترجف. وكلبي احسه وكع بطني.
حجيت بخوف. ءءعصام. شدسوي هنا.
باوع عليه بحزن. وعيونه. حزينه ولقهر مبين عليه.
لزمني م̷ـــِْن كتفي وحضني. استغربت احس رجليه صارت خيوط. شبيه عصام م̷ـــِْن صرت لليوم محاضني.
ممحصله منه بس الضرب ولاهانه.
لزم وجهي بثنين اديه وهمس شلونج. شهد. شلون صحتج.
طلعت عمتي وشافته صاحت. لاهلا ولامرحبا. شرايد م̷ـــِْن البنيه ماكفاكم لسويتو بيها. ياماتخافون ربكم الله ينتقم منكم.
تروح منها لاشتكي عليك هل مره اني ماعرف شهد شلون تنازلت عنكم.
سحب نفس وجاوبها. حجيه اني جاي بس حته احجي ويه اختي شهد شويه وماجاي اعارك او اضرب
دفعته عمتي برا البيت وكالت مالك اخت عدنه يلا منين ماجيت ارجع عبالك تضحك علينه بكلمتين.
باوع عليه عصام بقهر وغضب وحجه شهد تطرديني م̷ـــِْن بيتج. ?
لزمت عمتي م̷ـــِْن كتفها وحجيت عمه خلي يدخل. اريد اشوف شنو رايد.قصص وروايات عراقية
باوعت عليه بغضب وحجت انتي تخبلتي شلون دخلينه واذا سوالج شي. ماتخافين انتي. ولاتوبين.
سحبت نفس وحجيت. لاتخافين عمه. بس اشوف شرايد لاكثر وراح يروح منا بعد مايخلص.
فتحت الباب وحجيت تفضل ادخل. اني ماطرد خطاري.
دخل وكعد ب صاله وهو يفرك بديه بتوتر. وجهه اصفر ماعرف شبيه.
كعدت مقابيله وحجيت. تشرب شي. هز راسه بنفي
حجيت اي كول شرايد. وخلص بسرعه لان ماريد يجي جابر ويشوفك. بيتنه.
باوع عليه وحجه. شهد. بابا. تعرض لحادث وهسه حالته كلش. صعبه وعلئ فراش الموت.
طفرت م̷ـــِْن مكاني. وحجيت شنو شدتحجي انت
مهما يكون. الدم عمره مايصير مي. صح ابويه عذبني ودمر كل حياتي
وبسببه. امي واختي واني. تعذبنه بس. م̷ـــِْن سمعت بيه متاذي كلبي نقزني عليه
رد عليه عصام. مثل ماسمعتي وهو طلب مِڼـّي اجيبج ويايه يريد يشوفج قبل لايموت.
بقيت ابجي خليت اديه علئ وجهي واني ابجي وانشق
همس عصام هاا شقررتي.
مسحت دموعي وحجيت انت روح. م̷ـــِْن يرجع جابر اكوله واذا قبل اجي اشوفه. بس ماكدلك الشي.
هز راسه بأي وراح.
اجت عمتي يمي وكلتلي شكان رايد منج. حضنتها واني ابجي وانشق. وهيه تمسح علئ راسي وتهدي بيه.
كلتلي اهدي واحجيلي شصار شكلج وخلاج هيج تنهارين. احجيلي. اكدر اساعدج.
مسحت دموعي وحجيت. عمه بابا متعرف لحادث. وبأي لحضه يموت. وهو اجه يعتذر ويطلب مني اروح اشوفه.
لان هوه طالب منهم يشوفني قبل لايموت.
ردت عليه بس ياعمه انتي. معقوله تصدكين كلامه. يمكن يريد يخطفج او. يضربج. لاتثقين بكلامه وطنشي
رديت عليها لا عمه لا اني اعرف عصام. هو اذا شي صاير يبين علئ ملامح وجهه كان كلش متغير ولقهر مبين عليه.
اجت ساره وسالتني شكو ومنو هاذه الشاب. رديت عليها. هاذه اخويه عصام. وهو جاي حته ياخذني وياه لان بابا مسوي حادث.
لزمت ايدي وكالت. لاتروحين خاف يسوون بيج شي هذولي ماعدهم رحمه نسيتي اخر مره شسوو بيج.
رديت عليها والله ماعرف. بس كلبي. يوجعني. عليه مهمه صار يبقه ابويه ولدم عمره مصار مي.
انتضرت جابر يرجع واحجيله الي صار واذا مقبل اروح ماروح. الهم. لان. همه اذوني ميستاهلون. اضحي ع مودهم.
صار العصر ورجع جابر م̷ـــِْن شغله كان كلش تعبان صعد. للغرفه. وسبح. رحت احجي وياه. لكيته هسه طالع م̷ـــِْن الحمام ينشف بشعره.
تقربت منه واني. الدكم ازرار القميص وعقلي. مشوش م̷ـــِْن الي حجاه. عصام. كان يحجي ويايه. جابر بس اني ممنتبهه.
لزمني م̷ـــِْن اكتافي وهزني. شهدد شبيج داحجي وياج
باوعت عليه. وحجيت هااا شنو شكلت.
لزمني م̷ـــِْن ايدي وكعدتني علئ السرير وحجه شبيج خله ايده علئ كصتي. وهمس. بعدج مريضه لْـۆ شنو
حضنته بقوه واني ابجي. حايره ياربي. حايره بين كلبي وعقلي. ماعرف شسوي.
شال راسي بايده وركز ب بعيوني شهد احجي لاتخوفيني. عليج. شصاير باباتي. احجي.
مسحت دموعي. وحجيت. جابر ليوم اجه عصام علينه. للبيت.
وكف بعصبيه وحجه. شسووي جاي علينه. شسوالج اذاج ضربج موو احجيييي
لزمته م̷ـــِْن ايده وحجيت لا مضربني. ولاحجه شي بس. كلي انو بابا متعرض لحادث. وهو داز عصام عليه حته ياخذني عليهم. يريد يشوفني قبل لايموت.
ماعرف. جابر. كلبي كلش. يوجعني عليه. صح هو اذاني. وضربني وماهتم لوجعي بس اني مو مثله اني. طفلته. م̷ـــِْن دمه ولحمه
مستحيل بيوم. اتمناله الموت. يمكن ربي جاي. ياخذ حقي منهم ويعاقبهم علئ الي سوو بيه.
رد عليه جابر هسه انتي شرايده.
بلعت ريكي وبقيت افرك بايدي بتوتر. اني اني اريد اروح اشوفه ب مستشفئ. اريدك تاخذني اله.
لزمني م̷ـــِْن اكتافي بقوه وزمجر بصوت عالي مستحيل اخذج الهم. مستحيلللل. انسي لموضوع.
بعدين ع شنو زعلانه وتبجين لآزٍمٍ تفرحين انتي كل عذابج. ومأساتج. بسبب ابوج. هو الي ضلمج ودمر حياتج انتي واختج.
شنو الي تغير هسه شنووو
لزمت ايده بتوسل وحجيت جابر فدوه اخذني اريد
اعاتبه اريد اطلع القهر الي بكلبي القهر الي كنت كاتمته سنين. اريد افهم م̷ـــِْن عنده ليش ضلمنه اني واختي.
والله اذا مارحت راح ابقه. متندمه طول عمري فدوه هاذي اول مره اطلب منك. لْـۆ سمحت
كعدت ع ركبي وصرت ابجي. نزل وكعد يمي وضمني لحضنه. وهمس كافي. يروحي لاتبجين. والله لمصلحتج اني.
اعرفج مراح تتحملين الوضع ولازم يسمعوج كلام يجرحج. واني اخاف عليج.
اعرف تريدين تعاتبينه بس شراح تستفادين بس تنفتح كل جروحج. انسي الموضوع. ولاتروحين
واذا مات راح اخذج. للفاتحه. ماشي.
شلت راسي م̷ـــِْن حضنه وخليت اديه علئ وجهه وحجيت.
جابر. اذا تحبني بس هاذه الطلب. والله مراح اطلب منك شي بعد. بقيت اباوعله. برائه وعيوني كلها دموع
باس عيوني وسحب نفس اوك باجر نروح. بس. اني نبهتج وكتلج راح تتاذين.
حضنته بقوه وبست خده وعيونه وراسه. وحجيت شكرا. ولله مراح انسالك هل شي.
بقه مركز ب عيوني. وهمس. انتي كلش برئيه. عندج كلب طفله مايكدر يحقد ولايكرههه
تقربت منه وحضنته وخليت راسي بعنقه واني اشتم عطره. وهمست. اني هيج. بس لسان بس كلبي فطير وبسرعه. اتقشمر.
بعدني عنه واخذ بوسه م̷ـــِْن شفايفي. كومني م̷ـــِْن الارض. واخذني علئ السرير. تمدد وخلاني بحضنه.
وصار. يلعب بشعري ويشمه. لاحد مادخنه ونمنه.
كعدت الصبح. وجابر مموجود ب غرفه. رحت سبحت وبدلت. ونزلت.
لكيت الكل كاعد صبحت عليهم كانت وجوهم مخطوفه
ولكل متوتر. ابتسمت وحجيت شبيكم ضايجين
رحت. لعمتي صايره كلشش احبها احسها امي الثانيه وهيه هم صايره تحبني وتهتم بيه رحت علئ عمتي وحضنتها وبست راسها. وحجيت.
عمه ليوم نروح اني وجابر نشوف بابا. لاتضوجين مِڼـّي فدوه. والله بس اريد اعاتبه علئ الي سواه بيه.
ماردت عليه وكانت كلش متوتره.
باوعت ع جابر. وحجيت بغصه. جابر شكو شبيكم احجو. ليش ساكتين.
تقرب مِڼـّي جابر ولزم اكتافي وكعدني. وكعد ولزم ايدي وحجه. شوفي. شهد. راح احجيلج. ماريدج تنهارين او تبجين. الي صار صار وخلص وهاذه قضاء الله. وقدره
عيوني نملت دموعي قبل مايحجي بلعت ريكي بخوف وحجيت. شنو احجي.
بلع ريكه وحجه ءاب. اووف.
لزمته م̷ـــِْن قميصه. احجييي جااابر شكوو.
غمض عيونه ورد ابوج مات البقيه بحياتج.
وكفت مصدومه ماكدرت. اصيطر علئ دموعي. وكعت م̷ـــِْن طولي ع ارض.
اجتي عمتي وساره لازميني. صرخت بصوت عالي. لاااااا. مستحيل. شلوووون صاااار هيج. لسه ماحجيت ويااه.
اجاني. عصام. كلي روحي ويايه وماقبلت. ليششش ياربي. ليششش. اااااه. تقرب مِڼـّي جابر وضمني لصدره وهو يهدي بيه
لزمته م̷ـــِْن قميصه بقوه واني ابجي. ليش جابر ليش ماخذتني اله. هسه مات. وبعد ماكدر احجي شي اله
صرت يتيمه. الاب هم مابقالي. احدد. اووف ياربي.
مسح دموعي وباس راسي وهو يرد. الله اخذ حقج منه
هاذه الشخص ضلمج. وهسه مات والله يرحمه ويغفرله
هزيت راسي بنفي. لا جااابر لا. كنت ارريد اطلع الي بكلبي.
كنت ناويه اسمع شكان ناوي يحجيلي. يعتذر او يهدد
الًيَوُمًِ الشيخ عگاب. اندفن. ااااه ياربي.
اخذني الهم جاابر اريد اروح. لفاتحت بابا اخذني الهم فدوه.
حضني ورد اخذج والله اخذج بس اهدي شويه كافي شلعتي كلبي. لاتبجين.
شي يوجع الكلب م̷ـــِْن تفقد ابوك وامك. ومايبقالك شخص. كنت اريد اعرف. شنو كان ناوي يحجيلي. بقه هل شي بكلبي
كل ماتذكر. الًيَوُمًِ كلبي ينعصر. صح عشت بضلم وابويه كان ضالم بمعنئ الكلمه. كان ابد ميحب البنات
او ب اخص اني وسهئ كان ابد ميعتبرنه بناته. ومره حجاها بوجهنه وكال. لْـۆ يرجع بيه الزمن. ماخلي امكم تخلفكم وجان خليتها. ذبتكم م̷ـــِْن اول حمل قصص وروايات عراقية
شي يوجع الكلب. الي خلاني ابجي واصرخ. انو ماعاتبته. ماطلعت القهر الي بكلبي ماحجيتله عن الايام الي عشتها وياهم شلون كانت سوداء
ماحجيتله عن ادموع امي وقهرها م̷ـــِْن تزوج عليها. م̷ـــِْن فضل مَـرّھٌ ثانيه عليها.
م̷ـــِْن ماتت وهيه. زعلانه ع حال بناتها شلون راح يكون
ماتمناها الاي شخص. يمر بهاذه الًيَوُمًِ
الًيَوُمًِ الي تفقد بيه املك ب حيات. تفقد امك الي. ربتك واهتمت بيك. وليوم. مات ابويه وصرت يتيمه ومالي احد
يمكن الله جاي يختبر صبري او ديشوف مدا تحملي لهل مصاعب وهل قهر الي ديمر عليه.
ماعرف بلحضه تندمت شلون مارحت ويه عصام.
اخوي الي كرهته وصرت ماعتبره اخ. بلحضه. حسيت نفسي. اريد اواسي
كان اكثر شخص مقرب ع بابا هو عصام بحيث النسخه الثانيه اله. ماعرف شلون راح يتحمل فراقه
لبست اسود واجت ويايه عمتي وجابر وعم جابر همات اجه م̷ـــِْن عرف ب موضوع مهما يصير يبقون اهلي ولازم يعازون. اخواني
اتجهنئ الانبار. واني عيوني مانشفت م̷ـــِْن الدموع ولقهر محاوطني. مارتاحيت يوم بحياتي مخلصتها كله بجي وقهر
جابر يباوعلي ب مرايه وعيونه كلها قهر ع حالتي.
وصلنه الانبار. وكالو. لسه ممسلمين الجثه بعدها ب براد
دخلت. للمستشفئ وشفت عصام واكف ويبجي بصوت عالي. رحت اركض عليه وحضنته واني ابجي واصرخ بصوت عالي.
عصاااام بابا راااح. وتركنه. ماكدرت اوصل قبل لايموت
حضني وهاذي كانت اول مره اشكي همومي الاخوي
الي بعمره مكان اخ الي.
حضني وصار يبجي بصمت ومسح علئ ضهري
شفت. كريمه ونوال. يبجن وحالهن كلش صعب.
المستشفئ. انمله بس اعمامي واخوالي ومابقه شخص ماجه.
الكل يبجي ويصرخ. لاحد ماطلعت الجثه م̷ـــِْن البراد
ركضت عليه واني اتعثر بخطواتي. واصرخ
شلوووون تمووت وتعوووفني. لسه ماحجيتلك القهررر الي بكلبي. لسه ماتحاسبنه. يابه.
كوووم. كوووم حاجيني لاتمووت هسه. لسه بكلبي. جروح منك. اكعد. لاتخليني. محتاره.
سحبني. جابر. وحضني وهو يهدي بيه واني بس اصرخ. وابجي. درت وجهي عليه واني ابجي راح جاابر
خلص بابا مات. وماتحاسبت وياه. عاااف بنته وحيده
الكل مااات وعافني. ليششش ليشش
مسح دموعي. ويرد عليه اششش اني يمج ماعوفج اهدي شويه. الله يرحمه. مات. وهاذه يومه. كلنه علئ هاذه الطريق
اخذو الجثه. غسلوها. وتوجهنه بيها للنجف.
جابر لازمني. م̷ـــِْن ايدي. حته ماروح. علئ الجثه. واخليهم يدفنونها بسلام
كانو يدفنون بيه واني. دموعي تنزل شلال. احس روحي ختنكت. والله.
وكعت ع ارض وبقيت ابجي. بصوت مسموع. كرهتني بيك يابه. عذبتني. ودمرت حياتي.
خليت بنتك. مالها احد.
ولايوم حسيت بحنانك عليه. ليش رحت. ليش. لسه ماكملت. عتابي وياك.
ليش تروحون وتعوفوني. وحيده ومحتاره. ليش
تعبت ياربي. والله تعبت. يمته. تخلص هل امتحانات.
م̷ـــِْن صرت لاحد هاذه الًيَوُمًِ واني. مكضيتها بس بجي وادفن. باهلي ب نجف. ليش ماموت اني وارتاح.
لزمني. جابر وضمني لصدره وهو يحجي كاافي شهد كاافي. هاذه قضئ الله. واحنه لازم منعترض عليه
ابوك. هاذه يومه. والمعاتب بعد ميفيد. خلص توفه. وميجوز ع ميت غير الرحمه.
اكعدي يمه اقريله فاتحه كافي تبجين وتبهذلين نفسج
شلت عيوني عليه وحجيت. صعبه جاابر والله صعبه
رااح وماخلاني. عاتبته. ع اقل. جان كدرت هسه اغفرله علئ الي سواه بيه.
ماكدر. اعاتبه وهوه ب كبر اريده يرد عليه اريد اعرف منه لييش ضلمني ليش. مخلانه نعيش بسلام.
هاذه اجه اليوم الي اندفن بيه ولاكانو كان شيخ عگاب موجود. خلص كلشي. وراح
بس الي بكلبي ميروح كنت اريد افتح جروحي بيدي
اريد احجي الي بكلبي راح وماكدرت احجي شي.
سحب نفس ورد. الله يرحمه كافي. تقهرين بروحج. الي صار صار وخلص. كومي. نقراله فاتحه. ونرجع للانبار
عمي وامي هناك منتضرينه
رحنه قرينه الفاتحه واني بكلبي اعاتب بيه وابجي
والله احس حته كلبي صار ينزف م̷ـــِْن القهر الي عشته بهذيج الحضه.
رجعنه الانبار. وكان الكل حزين. بس البجي ولصريخ
وكل شويه جايه ناس. جابر ماشفته يومين. ع فاتحه
كلش. تعبت.
كنت كاعده ب مطبخ وعمتي يمي. تواسي بيه واني ابجي.
خليت راسي ع رجليها وحجيت. عمه. مابقالي شخص م̷ـــِْن اهلي. كلهم ماتو وعافوني وحيده بقيت بلا اب ولام.
صرت وحيده ويتيمه. الدنيا. سدت ابوابها بوجهي.
مسحت ع راسي. وردت اني امج. وانتي بنيتي لاتبجين
الي صار هو حساب الابوج علئ الي سواه بيج. الله مايسكت ع ضلم. ابوج كان ضالم وياج. والله رده. حته يعرف انو ماكو. اقوه م̷ـــِْن الله
كلنه نموت والله. ومايبقه. بس الذكرئ الحلوه.
ابوج الاسف حته ذكره حلوه مابقت. منه. حته تذكري
وتقريله الفاتحه. يايمه صح هس اني جاي اغلط وحرام عليه الي داحجي. بس شسوي الي شفته بيج مانساه ابد
انتي حاولي تبريله الذمه. وتخلصين نفسج م̷ـــِْن هل عذاب. احنه عائلتج واهلج. والله عوضج بجابر الي يحبج ويهتم لفرحج.
بقيت ابجي بصمت ولقهر الي بداخلي مينوصف.
ماكدر ابريله الذمه. ماكدر انسه الي سوواه بيه. ماكدر
بقيت شويه ونمت. ع رجلين عمتي.
ماحسيت شكد مر م̷ـــِْن الوقت. كعدت. لكيت ساعه ب 11 بليل.
واني بغرفتي نايمه.
نزلت. الكل نايم ولبيت مثل الكبر صاير. شفت شخص واكف باب الديوان ويبجي.
عرفته عصام. هو كان دائما يحجي ويه بابا بهاذه المكان. رحت. تقربت عليه ولزمته م̷ـــِْن كتفه.
مسح دموعه ودار وجهه عليه. حجه بوجع وحركت كلب. شهدد راح. سندي راح ابوي الي كنت اتقاوه بيه
كسر ضهري. ولله كسر ضهري. ليوم يلا حسيت ب ألم الي عشتي. ع امي.
مانكسرت ع امي مثل الًيَوُمًِ راح وهو ندامان ع الي سوواه بيج كان ناوي يتعذر منج ويطلب منج السماح
بس. وضعه ماسمحله. ومات
نزلت دموعي بدون سوابق وحجيت. الله يرحمه.
شفت ياعصام شكد توجع م̷ـــِْن تفقد شخص غالي ع كلبك. الشعور يموت. تتمنئ نفسك تندفن وياه.
اني عشت هل ايام م̷ـــِْن فقدت امي واختي. الي ماشفت بعيونكم حزن عليهن. ولادمعه عليهم. كنت ابجي بصمت
اليل اخلصه بس اون وابجي. اخلي حياطين الغرفه ينكسر خاطرها عليه.
انت ياعصام انت ب ذات. ذوكتني ايام مره ايام مانساها طول حياتي.
كنت ناويه اجي واعاتب ابوي ابوي الي ماشفت منه حنيه. ابوي الي كرهني. بيه الي خلاني احقد عليه
تعرف هاي دموعي مو لان فقدته لا. لان راح وماحاسبته. ماحجيتله القهر. الي عشته بسببه. ماحجيت الي بكلبي
اني ياعصام. عشت وياكم مثل السجينه. شفت ضيم ومأسات. وهل شي كله منكم.
كنت اتمنئ يوم واحد. تحنون عليه وتكولولي شي حلو
والله. كنت رغم ضلمكم الي بس ماكرهتكم
بس م̷ـــِْن. وكعت طفلي. وفقدت امي واختي بسبب ضلمكم وبسبب تقاليدكم. كررهت حته نفسي لان بتكم
مسح وجهه بتوتر. ومارد ع كلامي. فضل السكوت.
عفته ودخلت. واني ابجي. طلعت كل الي بكلبي ع عصام.
حسيت بابا كدامي وحجيت كلشي. رحت تمددت ع السرير ونمت.
كعدت الصبح. ونزلت. شفت جابر واكف ب حديقه ويه عصام وهشام وليث. وعمي وهوايه ناس.
اول ماطلعت هو شافني. اشرتله بعيوني اريده يدخل.
صارلي 3 تيام محاجيه وياه.
دخل للمطبخ. اول مادخل حضنته بقوه. وهو حضني وباس راسي. وحجه. فدوه بدون دموع. دخلت اشوفج
ماريدج تضوجيني وتبجين.
سيطرت ع دموعي ومابجيت وحجيت. ليوم نرجع لْـۆ نبقه لباجر
رد لا. ورا الغدئ نرجع لبغداد. يعني حته لْـۆ تاخرنه وبقينه اكثر مراح نستفاد شي. بعدين. امي تعبانه وهيه لخاطرج باقيه
تعرفيها هيه مريضه ومتتحمل هيج اجواء.
هزيت راسي بأي. باس عيوني وهمس. اموتج اذا تبجين بعد.
هل عيون ماريدهم يذبلون م̷ـــِْن البجي سمعتي.
رديت عليه. والله ماكدر مرات اريد اسيطر عليهم همه ينزلو لوحدهم.
ابتسم ورد. اي مو انتي كل الوقت تبجين فهمه تعودو صارو ينزلون قبل لاتضوجين.
ابتسمت ع كلامه رغم الجرح الي بكلبي بس سوالفه داوي كل جروحي احسه هو لوحيد الي يفهمني.
طلع واني رحت. سويت ريوك. وطول الفاتحه ماحجيت ويه اي شخص حته بنات عمي كانو. شايلين خشومهم عليه عود لان نهزمت
اسمعهم هوايه يحجون ويكولون. والله عدها عين. مهزومه م̷ـــِْن بيت اهلها. وجايه وهيه متزوجه فلاتستحي هل بنيه
انقهر. ع كلامهم فوك قهري وضيمي الناس ضالمتني بتفكيرها. همه لْـۆ عايشين لي عشته مكان حجو شي
دائما ادعي ربي انو. تتغير احوالي. لاحسن لان تعبت م̷ـــِْن كل هل تجارب.
صار الضهر. رحت. علئ خواني كانو كاعدين بغرفت ابوي وكلش مقهورين. دخلت عليهم.
وحجيت ﺂني رايحه. اجيت حته اسلم عليكم قبل ماروح.
تقدم عليه ليث وباس راسي. وحجه. سامحيني شهد كنت ضالم وياج. الدنيه. علمتني هواي امور. كنت فاهمها. غلط
مارديت عليه. وجه هشام. حضني بس ماحجه شي.
سلمت عليهم كلهم. وعصام لسه كاعد وماسلم عليه
كعدت مقابيله وحجيت مراح تسلم عليه.
شال عيونه عليه. وهنه حمر من البجي ولقهر الي بيهم
حجه. كلامج ميروح م̷ـــِْن بالي. احس نفسي كنت مجرم. وياج انتي وسهئ. ماعرف شحجي بس م̷ـــِْن مات بابا. يلا فتحت عيوني
كنت. ضالم وياج كلش. ماعرف ليش هيج تصرفت يمكن. كان. معمي عليه كله عمود التقاليد ولقيم الي تربينه عليها.
نزلت دموعي واني اسمع كلامه رديت.
والله ياعصام. كلش تاخرت يلا. حسيت بذنبك.
راحت سهئ وهيه زعلانه منكم. ماتت وهيه. مقهوره م̷ـــِْن ضلمكم الها. انتو حته م̷ـــِْن ماتت ماترحمتولها
ولابجيتو دمعه عليها. اني صح عاشيه بس ترا روحي ميته م̷ـــِْن زمان. باقيه بس جسد بلا روح
الفرحه. كلها راحت م̷ـــِْن حياتي.
اكلكم شغله وحده. بس الله يهديكم ع طريق الصح.
عفتهم وطلعت. واحس روحي تخليت عنهم بهيج يوم صعب. همه مكسورين ع بابا واني عفتهم بس
حته لْـۆ باقيه اكثر مراح يتغير شي بابا مات وخلص.
طلعت. ب باب. اني وعمتي. شفنه جابر. قدم السياره علينه
رجعنه للبيت. واني دايخه ونفسي. تلعب. حجيت بصوت. عالي. وكففف السياره. وكفهاا.#ڪــڔٰا̍ڕ
وكف السياره واني نزلت بسرعه وصرت اتقيئ واحس نفسي دخت. وماحسيت ع شي بعد.
فتحت عيوني ب مستشفئ. ولمغذي معلك بيدي.
همست بوجع اني وين. جابر وينك.
اجتي الدكتوره وكالت. الحمدالله ع سلامتج. لاتخافين. انتي صحتج. زينه ولبيبي هم صحته زينه
بس يرادلج اهتمام وراحه ولازم متنقهرين ع مود صحتج.
هاذي الحاله تصير ويه كل الحوامل. بفترت الحمل.
لزمت ايد الدكتوره وحجيت يعني دكتوره اني حامل.
هزت راسها بأي.
فرحت كلش رغم حزني والي عشته بس فرحت م̷ـــِْن سمعت اني حامل.
طلعت الدكتوره ودخلت عمتي وجابر. تحمدولي ب سلامه. وجابر قرب مِڼـّي وباس راسي. وهمس الف مبروك. ام نمر.
ابتسمت وحجيت. شنو. حته لاسم. اختاريته. هز راسه بأي.
عمتي. تقربت مِڼـّي ومسحت ع راسي وكالت. الله يريد يعوضج بطفل ينسيج هل هموم ولتعب.
اريدج تكونين قويه. وتربين طفلج احسن تربيه
واني امج انشالله وماخليج. تحتاجين شي.
باوعت عليها بحب. فدوه اروحلج يمه. ربي يخليج.
طلعنه م̷ـــِْن المستشفئ. ورجعنه للبيت. استقبلتنه ساره
وهيه حزينه عليه. حضنتني وصارت تبجي وتواسي بيه علئ الي صار.
دخلنه وكعدنه ب صاله. جابر ناده لساره تكعد يمه.
راحت يمه. وحجه راح اكولج. مفاجأه. حلوه واكيد راح تفرحج. وانتي منتضرتها م̷ـــِْن زمان.
باوعت عليه وردت شنوو هيه. كوولي حباب تعرفني كلش فضوليه بهيج امور يلا كولي.
ابتسم وكلها. شهد حامل. ب طريق تخربطت واخذناها للمستشفئ وكلونه حامل.
طفرت عليه وحضنتني. بقوه ويهيه تباركلي. الف الف مبروك. يتربئ بعزكم. انشالله.
رديت عليها الله يبارك بيج. انشالله.
دخلت ب غرفه واني تعبانه كلش وماعرف الايام. شضامتلي بعد.
اتمنئ اعيش بسلام بعد كل هل تعب ولقهر الي عشته.
