رواية ليتك قدري الأول الفصل الرابع عشر بقلم رفل الكناني
جنت حيل متحمسه اشوف ردت فعل سلام اذا عرف توأم اريد اشوف الفرحه الي ماشفته بخبر حملي دخلت البيت جان مموجود بدلت وطلعت سويت العشه وكملته ال اجه كلت بليل اكوله تعشينه ود انضف بلمطبخ طلع هوه
وين سلام
للكهوه رايح
عفت كل شي بيدي وصرت كباله
مممم اشو مسلتني شكالت الدكتوره
مادري والله شكالت
احزرررر
ههه لج شنو حزوره دحجي مومنتظريني وخابروني
بيه توام
جانت اكو بتسامه عل وجهه فجأه ختفت وكال
هااا اي الحمد الله
شبيك سلام اشو مفرحان
لاهاهيه الحمد الله يله راح اروح
عافني وطلع لو تيبست هذا الجنت منتضرته من المغرب هيج ردت فعله امدايه اي والله واني منيلي حظ غسلت ايدي
وكبل الغرفتي اريد اهدي روحي ماكدر شبي شبي راح يخبلني ساعه يكولي اريد الطفل واشوكت يجي وساعه اشوف منه غير وجهه كمت ماحزر تصرفاته ساعه اكول
يحبني وساعه اكول يمثل عليه يعني مره يصعدني للسما ومره يلطخني بلكاع والله اليوم مااسكت اذا ميرساله عل
بر
كمت دكيت عليه جاوب
الووو
وين انت
موكتلج رايح للكهوه
هسه تجي
شنووو
مسمعتني هسسسه تجي
شكو شبيج
تعال وانت تعرف
بابه كاعد يم العالم
معليه هسه تجي
طبعا متعاركه انتي وامي مو
لا
لعد شبيج
كتلك تعال
ماشي جاي
سديته والعبره خلنكتني هيج اني اقل شي اختنك وادمع والله عشر دقايق واجه اني كاعده عل جربايه دخل بس كال
شبيج طكيتهه بجيه
يمعوده شكو
سلام انت شبيك اشو مداعرفك
هاي سالفه جديده
سلام لاتغشم نفسك اجيت من الدكتوره مفرفحه وانتظرتك عل نار اريد اشوف عيونك شدكول بخبر التوام وفرحتك شلونها تالي متعبرني وتعوفني وتطلع
عجيب جايبتني عل هاي السالفه
اي ليش هذا الشي عندك عادي مووو طبعا اني متحمله
الحمل والتعب ومتحمله كولشي وانت كلمه تطيب خاطري وتريح كلبي ماكو
وشتردين اسويلج احبل بمكانج حتى اشيل التعب
ماكتلك هيج بس ردت اشوف الفرحه الي ماشفته لا من
حبلت ولاهسه
طبعا انتي ماعندج سالفه تره مللتيني لومتعاركه ويه امي
لو تعاركيني كتيلي توم امنت بالله وحمدته وشكرته شتردين مني بعد اركص حتى ابينلج اني فرحان
سلام اصفالك عل راي لو تحبني وتراعي الله بيه وبمشاعري لو كلياهه طك بطك اني داسوي هيج لان ماريد منج لاخلفه ولاحب تره اني تعبت من طبعك ومن تصرفاتك ماريد بعد شويه تجي تحضن وتعتذر ودكلي خلص انسي شنسى حتى انسى بس هذا موقفك من شفت ابتسامتك شلون ختفت بعد ميروح من بالي لو اموت
هسه شتردين
مسحت دموعي بيدي
سلامتك هاهيه اني هيج تعلمت مااخذ منك لاحق ولاباطل بس ميخالف اشوف تاليتك ليون راح نوصل وياه هذا برودك
تقرب راد يلزمني
ديربالك توصل يمي ابد بعد متبرر موقفك عرفتك وكل عاده لازم اتحمل واسكت
هبه تره زهكتيني يعني لو انتي لو امي عليه
اااااي هيه هاي السالفه لعالتك وعالتني احجيلي شبيك انت وامك كل ماكعدتو تعاركتو
شوف شوف شلون رجعت على امي
اي اريد اعرف مومن حقي انت رجلي واشوفك انت وامك صاير حتى متتحملها كلي احجيلي
مو بس امي وحتى انتي كايم ماتحملج والبيت كله
مداتحمله لوتسكتين وتسدين الموضوع لو اكلبه عل
راسج
هف الباب وطلع
كعدت بعد مالي طاقه حتى للبجي حتى الفرحه بداخلي
ماتت
مرت أكثر من كم يوم واني وسلام واحد مطايق الثاني واني حتى روحي مطايقته أصعب شعور من عايشه ويه رجلج بالغرفه ومتتحاجون كمت احس روحي مثل الغريبه بلبيت عمتي بطالعه والطبه وكالت مثل البزون جنهه فصعونه حامل بثنين والناس تتحصر على واحد عرفت هيه تدري بيه توم يعني هوه كايللها هديل مالي علاقه بيه فدنوب مرات اصفن على روحي اكول اني شلون متحمله وعايشه وياهم
ام رقيه خطيه اكثر وحده فرحت بخبر التوم تجي وتروح وتكلي شوكت يشرفون غير ميته عل شوفتهم
واليوم ردت أشير جسمي كعدت بلغرفه مادري كم ساعه ضهري نكسر اصلن ورطت روحي بس بعد لازم أكمل وفجاه وجان يدخل سلام هوه عنده مفتاح واني من نفتح القفل عرفته هوه دخل باوع عليه خليت الدشداشه عل جسمي
كال هيج شدسوين
مداسوي شي
اااخ من راسج اليابس
مجاوبته
بس هيج تره تعب عليج
ماعليه شي
زين اليوم عل هذا الترتيب ماكو مداره
انت مو زعلان
هههه لج هوه من زعلان موانتي متحجين وياي
ولاانت تحجي
اي غير من وره سوالفج يعني لودك وتركص من سمعت الخبر لو اعنفص عليك
بعد راحت كلشي بوكته حلوو
يعني هاهيه متراضين
ماكلت هيج
اووووف هبه كافي اريد ارجع بليل الكاج غير شكل كافي تره صار هواي عايفتني وين أولي مدكليلي
مدنكه اسوي بيدي ومجاوبته
ضلي ساكته ضلي اجي بليل ونشوف
عافني وطلع واني كملت ورحت سبحت واجيت داججف شعري ندكت الباب ودخلت هديل
هااا هبه
هلو هديل
اكدر احجي وياج
اي كولي
بس طفي الشسوار شويه
طفيته وهيه كعدت عل جربايه واني واكفه عل مرايه عمده ضليت امشط ومهتميتلها ادري بيها توصل الحذام
كولي
هبه يمكن انتي تدرين علاقتي بحذام
اي
اي وهسه زعلان مني واريدج تحاجي
وليش زعلان
صارت شغله بينه وزعل هبه حذام حيل عصبي وميتحمل الكلمه واني فدنوب متعلقه بي وهسه من البارحه ميرد عل فوني
والله عيني حذام موبس عصبي ومينحمل هم وإذا هسه هيج سوه بيج توقعي كلشي بلمستقبل اما اني فمااحجي وياه حتى ادخل بهيج مشكله
ليش يعني اخوج ومتحجين وياه
اي مااحجي وياه صار فتره وإذا تردين تعرفين فمانصحج
ليش يعني
والله اذا تريدن سلي وهم ماعتقد يجاوبج لان صار هواي منتحاجه ولويريد جان كلج
وهسه شنو متساعديني
لا والله اعذريني هوه اخويه صحيح بس ماكدر
عافتني وطلعت طبج مرض تعرفها وتحرفها تدري أهلها مينطوهه وشربكت روحها باخويه وهوه المدمغ هم مسايرهه شكد اناني صار كومه مافكر يصالحني طردت هاي الأفكار من راسي وراح بالي يم كلام سلام شلون اصالحه لو اعوفه اخاف اعوفه ويصخمني بليل واني ماريد عمتي تتشمت بيه وصدك اني عايفته هل فتره من اليوم انسى ذاك الموضوع شسوي وين اروح اهلي ماكدر اروحلهم وسلام لازم اسايره والله يهدي رتبت نفسي وخابرته
الو وو
هلو
هلاوات
شوكت تجي
هلا هلا اليوم منتظرتني لازم صفيتي بالج
هسه تجي لو لا
اجي يابه اجي هسه طياره واني يمج تريدين شي اجيبلج وياي
لا سلامتك
يله فيملاء
الله وياك سديته شويه واجه دخل ابتسم
لج هلا بام فيوزات جانن طابكات عليه وهسه فكن
ديله عيني هسه علساس فيوزاتك مطكن وياي
طكن والله طكن واليوم ارجعهن
جان جايب علاكه بيه بطل اول مره اشوفه وبي غلاف
ابيض عليه كتابه انكليزيه شفته شهكت
عززززه سلام هذا شنو بس لا مشروب
اي مشروب اليوم اريد اسكر عليج
لاالله عليك سلام بدون شقه
شبيج عادي شويه عل مشتهه
دفعته
كوم مني كوم من يمته عندك هاي السوالف
حضني والبطل بيده واني كل عقلي هذا مشروب بعد شويه وابجي ضحك
لج اشاقه وياج هذا عصير زبيب
ووووخر لتجذب
لك لك منو ليجذب
انت موكلت مشروب
هههههه اشاقه وياج بداعتي اشربي تره جبته الج
ماررريد والله ماشربه لعبت نفسي
لج بداعتي تعاي
جرني حيل شربني بيده صدك عصير زبيب
هااا اجيبلج مزه
طبعن طالعه عينك موشلون مجان
لايابوي شمسوي هسه اشوفج من تطلع عيني شسوي
كلبني وصار فوكايه عضعض ركبتي
اااااخ يامتوحش
صوووتج بنت الاوادم
لك بطني
ولكلاكه اليوم جفصاتج بفلس
اي غير من وره سوالفك
اووووويلي اليوم راح تذلني اسكتي عاد مومشتاقلج
بس صير عاقل
عاقل والله عاقل بس عوفيني
خليته براحته وندمج لحد مرتاح كال
شوكت تجيبين تره صمطيني صمط
هههههه ليش
يابه غير من وره بطنج دربي مندليته
لضل تدلل اخذت حقك لاتنكر
يمه منج تعاي عل ايدي تعال
سحبني بحضنه
سلام ليش احسك يوميه إنسان غير عن البارحه
هااا هبه مدنترومنص (قصده نحجي رومانسيات)
لا والله عده الشقه
حبيبتي هاي اني وهاي طبيعتي قابله
اي عمي قابله بس ابقى دوم هيج
زين سوال
مم
عمتي انت كتله على اطفال
فز باوعلي بشك
ليش حاجتج شي
لا بس يعني نطتني شويه مقبلات
رجع خله راسه عل مخده وكال
اي عادي هاي صارت زلاطه وتعلمنه عليهن
ههههههه والله صدك
شغل فونه كلب بي شويه واني عل ايده باوعنه كم فيدو مضحك وطلعت نايمه ومادري للصبح كعدنه هوه متخر
على دوام كمت ركض ركض وياه داخلي ملابسه بلحمام لاكتني عمتي باوعت عليه وغمتني بثنين اديه وكالت
كبر طمج شكد متستحين شوفي لعبان النفس العله ركبتج متشبعين شنوو بطنج بخشمج
عيونها مخنزره ووجهه يريد يطك وهيه تباوعلي اثاري اني من الخبصه طالعه بدون شال همزين الولد بالدوام من شفته هيج كلت مبينه مفوله من الغيره بس اجاوبه تصير مشكله ويروح السويته البارحه من راضيت سلام وهم تصير مشكله من الصبح يعني تفكيري صحيح يجوز لوباقيه مااحجي ويه سلام جان هذا هوه عيدها
دقيتها اكثر من ماجاوبته سلام سبح وبدل عل سريع وطلع وهيه هم كشخت وطلعت اني لميت البيت من كولشي حتى الغرف نضفتهن هديل كعدت عيونه ذبلانه وشكله عبالك مريضه يمممه هاي هيج الحب يسوي مبين اخويه خوش ضابج دخلت سبحت وطلعت لكيتها طالعه من غرفتي هاي شجانت تسوي يله هيه هاي فارغه مبينه مااخاف مددت شويه وجان يدك موبايلي حذام يتصل
