رواية ذيب الشامخ الفصل الرابع عشر بقلم توتة
صدقوني ليس كلاماً و إنما واقع ، أصحاب القلوب الصادقة حظها قليل
༺༺༻༻༺༻༺༻
اخذت الجهاز مني امي
ام رباب : الوو
ذيب : سلام عليكم شلونج خاله شخبارج
ام رباب : الحمدلله بخير منو انته وشكد صارلك تعرف بنتي وشلون باجر تريد تجي تخطبها.
ذيب : اول شي بنتج احبها لو ماحبها من صدك وناوي على زواج مجان گتلها تحجي وياج واذا تكولين شلون حبيتها وشكد صارلك موضروري تكون المده طويله حته احبها او نسوي علاقه انه تعرفت عليها وعرفتها هيه شنو واخلاقها شنو ويشرفني اطلبها منكم على سنه الله ورسوله
ام رباب : احنه ماعدنه هيج بعائلتنه اول مره تصير بنيه منه تسوي علاقاات حب
ذيب : ترا الحب اذا كان نهايته زواج مابي شي والاحرام الانسان يحب
ام رباب : انته منين شكد عمرك شتشتغل؟
ذيب : اسمي ذيب عمري ٣٠ ضابط استخبارات
ام رباب : زين منين اصلك وين عايش
ذيب : اصلي *** اني مامستقر مكان تعرفين الشغل وهل امور فأ مامستقر مكان واحد
ام رباب : اممم ... منو راح يجي وياك يخطب
ذيب : بأجر انشالله راح تجيكم بس نسوان ومن تصير صدك ادز شيوخنه حتة تصير خطبه رسميه
ام رباب : ماشي منتضرينكم باجر
ذيب : انشاالله باجر الضهر احنه يمكم
سدت الجهاز واخلته بأيدي بقيت مصدمه ياربي ممصدكه واخيرا راح اصير مرت ذيب بس كون يقتنع ابوي
ام رباب : حضري نفسج باجر الضهر يجون
_انشالله
صعدت على غرفتي واني طايره من الفرحه اتخيل لحضه خطوبتنه واصير على اسمه كدام الكل يكون احلى يوم بحياتي
رجعت اتصلت بيه فتح بسرعه
_الوو
ذيب : هلا بويه شلون الاوضاع يمج خما حچت عليج
_لا ماحجت شي ذيب كلش فرحاااانه ممصدكه ولله واخيرا راح نكون سوه
ذيب : عدنه بعد مشكله صغيره وهيه ابوج
_اي صح انشالله يقتنع ابوي
ذيب : اني موجود احل كلشي وياه وحته اذا رفض ارجع مره ومرتين و 3
_لا انشالله يقتنع ومايرفض
ذيب : اي باجر انشالله راح تجي عليكم امي وهيه وعماتي يطلبن ايدج وإن شاءلله خير
_لله كريم حبيبي
ذيب.: يلا بويه عندي شغل هسه بعدين نحجي اوك
_تمام دير بالك على نفسك يروحي
ذيب : انشالله
سديت من عنده اسمع امي صاحتني نزلت اركض ليوم شتطلب مني اكلها اي على الفرحه
_هاا يمه
ام رباب : تعاي مو ختلتي بغرفتج باجر ناس جايتنه خلينه نضف لبيت نرتبه خما نضل هيج قصص وروايات عراقية
_اي صح اني رايحه انضف الاستقبال
رحت نضفت الاستقبال ومسحت الارضيه مالته اجت ساره بسرعه يمي وهيه فرحانه
ساره : ولج صدك السمعته
سويت نفسي ماعرف ؏ شنوو تحچي باوعت عليها وگلت
_شقصدج ?
ساره : قصدي ؏ خطوبتج انتي وذيب صدك امي عرفت وافقت ؏ كلشي
_اييي ليووم حچيت ويه ذيب گلي حاجي الامه عني وباجر يجون يخطبوني ولازم احچي ويه امي بألاول ترددت وجنت كلش خايفه امي ترفض
وهيه بالاول رفضت وحته ضربتني راجدي بس بعدين اقتنعت والحمدلله
ساره : ثول وانتي باجرر يجون يخطبونج وتنضفين ماتروحين تسوين عنايه لبشرتج وجهج مابي لون
_ياا صدك
ساره : اي ولله هسه خلينه نضف بسرعه ونصعد فوك نسوي عنايه لبشرتنه نخلي ماسكات. عندي الج ماسكات تخلي وجهج يضوي
_هاا ولج من شوكت تشترين ماسكات وماتگوليلي
ساره : هههه من زمان منوو لازمج متشترين انتي
_اني اعلمج بسيطه
ساره : هسه عوفينه من هل حجي خلينه نكمل الشغل
_اي صح
بقينه نضف اني وساره وماخذنه الواهس بحيث شكٓـد مانشتغل مانتعب ولانمل نشتغل ونسولف ونخطط للخطبه وساره تگول البس هيج واخلي هيج وفرحانه كلش
صار اليل واني احسب دقيقه دقيقه لباجر ولازمه گلبي بأيدي من ابوي خايفه يرفض وتخرب علاقتي اني وذيب
"صباح ثاني يوم "
گعدت صبح واني كلش متوتره وخايفه من هل يوم ماعرف ليش ممرتاحه.
غسلت وجهي ونزلت جوه لگيت امي كاعده وطالعه كل فراشات الاستقبال وترتب كلشي ؏ ايدها
شكدد فرحت من شفتها مهتمه للموضوع رحت يمهاا
_صباح الخيرر
ام رباب. : صباح النور تعاي شيلي وياي هاي وروحي حضري ريوك لأخواتج
_ماشي
رحت رتبت وياها الفرشات والغنفات رحت ؏ مطبخ سويت ريوك واخذته للصاله شويه ونزلت ساره وزهراء
گعدنه سويه تريكنه.
ساره : اكلج يمه منوو راح يكون ويانه من يجون يخطبون رباب
ام رباب : راح اخابر ؏ خالتج اخليها تجي وياي
ساره : هاا زين هم تجي زلم وياهم لوو بس نسوان
ام رباب. : لا بس نسوان
ساره : شكد متحمسه ياااي راح تصير عدنه خطبه
ام رباب : اگعدي وسكتي وينه بعدنه كلشي ماشفنه مدري يضحك علينه واحنه مصدكين
_لا يمه ولله هوه ..
ام رباب : انتي انجبي حسه ماسمعه ولله لوو يدري بوج عدنج علاقه وياه اله يذبحج اريدج تزوجين واخلص م̷ـــِْن شرج
نزلت عيوني بقهر ومارديت عليها خلت ساره ايدها ؏ كتفي وغمضت عيونها معنئ ميخالف هزيت راسي بأي
خلصنه ريوك اخذت صحون غسلتهم ورحت اتصلت ؏ ذيب
_صباح الخير
ذيب : هلا بويه صباح النور
_هاا اجيتو بعدكم
ذيب : اي هسه راح نطلع تدرين نسوان يرتبن وهل امور يشلعن الگلب
_ههه اي صح.
ذيب : امج خما غيرت رأيهاا
_لا اصلا منتضره جيتكم
ذيب : ماشي اني عندي شغل مراح اجي وياهم راح يوصلهن اخوي الجبير رياض قصص وروايات عراقية
_ياا يعني ماشوفك
ذيب : تريدين ابوج يشك بينه غير من تصير شغله رسميه اجي واشوفج
_اي هم صح
ذيب : لاتخافين اني حجيت الامي كلشي وگتلها تقنع اهلج بطريقتها
_انشالله
ذيب : احبج رباب
_واني هم احبك
ذيب : يلا عدي شغل انشالله من تصيرين ؏ اسمي اگعد عدكم كل يوم تلكيني بوجهج
_هههه عادي اصلا اني احب ابقه صافنه بوجهك
ذيب : نروح فدوه الام خديدات
_هههه يلا امي اسمعها تصيحني بعدين نحجي بيباي
سديت من عنده ونزلت جوه.
______________________________
ذيب
بقيت ويه امي يومين بالمستشفئ وليوم نطلعها للبيت اني حچيت وياها موضوع رباب ..
وهيه وافقت وماعترضت فدوه لكلبها مستعده تروح وهيه بعدها عمليتها خضره
حچيت ويه رباب وگتلها ؏ موضوع كلش فرحت قنعتها تحچي ويه امهاا حته يجون اهلي يخطبوها رسمي
بألاول جانت متردده وخايفه من امها وحقها الموضوع مو سهل بس اني شجعتها وگتلها تحچي وياها واذا ماگدرت
تنطيها رقمي او تتصل عليه وتخليني احجي وياها المهم راحت رباب تحجي ويه امهاا اني رجعت دخلت للبيت احجي ويه امي
ام ذيب : هاا يمه يتصلون عليك عدك شغل
_لا حبيبتي هاي رباب
ام ذيب : رباب منو ?
_مرتي المستقبليه هههه
ام ذيب : هاا ولله ماعرفتك ياذيب صاير حب وغرام وامك اخر من يعلم
_غير حچيتلج عليها
ام ذيب : شوكت غير هسه تريديني اخطبها الك
_اي وحجيت وياها گتلها تحچي الامها حته باجر بالسلامه نروح عليهم
ام ذيب : هيج ولله يستجاب دعائي واشوفك عريس گبال عيني واكحل عيوني بيك
_اروحلج فدوه
اتصل جهازي جانت رباب باوعت عليه امي وضحكت گالت
ام ذيب : روح يمه روح شوفها شتريد
اخذت جهاز وطلعت برا البيت اول مافتحت مجان صوت رباب جانت امها حجيت وياها وشرحتلها انو اني احب رباب ورايدها علئ سنه لله ورسوله.
وهيه اقتنعت مبينه متفهمه عكس كلام رباب المهم الموضوع مشه بسلام.
رجعت حچيت ويه امي دخل ابوي للغرفه حچتله امي وهوه ماعارض علئ الموضوع.
گتلها باجر اخذج ونروح لبغداد وهيه كلش فرحانه گالت راح اخابر عماتك يروحن وياي واختي هم تروح وياهم
اتصلو عليه من الشغل گالو عدنه مداهمه لمنطقه ** ولازم اكون موجود احترايت شلون اروح وامي شلون تروح
رحت علئ اخوي الجبير رياض گتله هوه ياخذهم ودليته ؏ منطقه العايشه بيها رباب.
ثاني يوم وصيت امي واشرحلها انو لاتغلط بشي ولاتخلي اهلها يشكون لأن اذا شكو ماينطوها الي گالت اني اعرف شلون اتصرف لاتخاف
راحت واني رحت علئ شغلي
ام ذيب : يمه وين گالك ذيب منطقتهم
رياض : مابقه شي ونوصل قريب علئ الامام الكاظم
ام ذيب : ماشي
رياض : هاي المنطقه الحچالي عنهاا بس وين بيتهم مادري
تبارك : اتصل ؏ ذيب وأساله بلا
رياض ; ماشي ...ماكوو جهاز مغلق
تبارك : راح احاول اني
ام ذيب : هسه شلون نضل گاعدين بالسياره
تبارك : ماكوو جهازه مغلق خلونه نسأل واحد من المنطقه عليهم انتو تعرفون اسم اهل البنيه
ام ذيب : اي گالي عليهم بس شوفلنه واحد طالع واساله عليهم
نزل رياض گالتله امه علئ اسم اهل رباب راح يسال دلو علئ البيت رجع للسياره وساق
كريمه : هاا عمه عرفت وين
رياض : اي
وصل اهله لبيت جد رباب نزل الكل من السياره گالهم رياض كملو واتصلو عليه راح اخذلي فرا ورجع عليكم
دكو الباب فتحته حرير عمت رباب وجان جايين علئ بيت جد رباب مو علئ بيتها ...
_________________________
رباب.
خلصنه كل الشغل اني واختي ساره صعدنه فوك صارت ساره تجيب ماسكاات وتخلي ؏ وجهي واني اضحك عليها اكلها راح يحركن وجهي ماسكاتج
لبست فستان مرتب نزلت لگيت خالتي جايه علينه هيه وسهام مرت عمي سلمت عليهم
بقينه منتضرين جيت اهل ذيب ؏ ناار اني گلبي يرجف خايفه مايجون وشنوو الي يسلمني من امي
اني بالگوه قنعتها اذا ماجو يخرب كلشي
صارت ساعه بـ 1 وماكوو اجت عليه امي وهيه مبين وجهه ضايج وكوه متحمله
ام رباب : وينهم ??
_ءا. مادري هسه يجون هوه گال راح نطلع يمكن بعدهم ماواصلين
ام رباب : اخخخ منج
نزلت راسي واني اعصر بأديه اجت يمي ساره خلت ايدها علئ كتفي وهمست
ساره : بلا روحي اتصلي عليه أسالي وين صارو
هزيت راسي بأي رحت علئ غرفتي اتصلت بذيب ماكوو جهازه مغلق ياربي دخيلك شصار وين راحو معقوله مايجون علينه
شگول الامي شلون اشرح موقفي كدامها ذيب ليش غالق جهازه
بقيت خايفه واعصر بأديه حته الفرحه راحت مِڼـّي گلبي صار يوجعني
اجت ساره للغرفه
ساره : هاا وينهم
_مادري ذيب جهازه مغلق
ساره : صخام معقوله يضحك عليج ومايجي
_لا اني اعرف ذيب زين من يحچي كلمه مايتراجع اكيد صاير شي وياه وخلاه سد الجهاز يمكن جايين خلينه ننتضر بعد شويه
ساره : راح اگول الامي راح يوصلون
_اي گليلها هسه همه بغداد شويه ويوصلون
ساره : ماشي
نزلن ساره جوه بقيت گاعده بالغرفه وكل شويه اتصل بذيب وماكوو جهازه مغلق.
صارت ساعه بـ 3 العصر وهمه ماكوو امي صارت تفور من العصبيه گالت لخالتي تروح لبيتها
رجعت عليه استلمتني رزايل وحچي طالع نازل صرت مثل دوده كدامها
ماگدر حته ادافع عن نفسي بقيت بس ابچي دموعي تشكي حالي مادري ليش صار هيج وذيب ليش ماجو اهله
هوه مو وعدني يجون شصار وياهم معقوله يضحك عليه مستحيل اني اعرفه زين
بقيت حايره تفكير احسه راح يوكف عقلي
صعدت ؏ غرفتي واني ابجي بقيت ابجي ؏ حضي شكدد جنت فرحانه ومتحمسه لهاذه اليووم خرب كلشي بعد ماگدر اصلح شي ليش سووه هيج ذيب ليش
صار اليل اندك باب غرفتي دخلت ساره اختي وجهه مو طبيعي
ساره : رباب ابوي جوه يريدج ...
" الـدايم الله والمـشو يتعـوضون🖤🦋"..
